India khawpi Delhi ah lamzawhnak nei lala

thawknak1

CT/New Delhi, 23 March 2009

Tuini 23 March 2009 ah Delhi ih um raltlan pawl cun lamzawhnak an nei. Thawngtla pawl an suah ttheh lo ahcun kawlram hin zalennak a hmu dah lo ding timi au pi dingah Delhi raltlan Bus pakhat ih tlemzat cu ben aw in zanlam nazi 2:00 ah Jantar Mantar Delhi khaw lailinak hmun ah au an thawk.

 Politics ruangih thawngtla pawl suah theinak dingah 13 March 2009 ihsin  signature khawnkhawm a si zo. A khawngkhawmtu pawl in 24 May 2009 hlan ah 888,888 lenglo an khawn tum thu an sim. Himi signature campaign hi ram 25 ih organization 175 lai in an sign zo thu le a tu fang ah 200,000 hnak ih tam an khawnkhawm zo thu pawl cu kan CT palai an sim.

Kan dung kum 3 December 2008 jephetahkhan ram 50 ih president le prime minister pawl cun UN Secretary-Genaral Ban Ki-moon hnen ah kawlram thawngtla zaten 2008 kum cem zawng tal ih an suah theinak ding ah an dil sak zo.

Culawng hman siloin Asia ram daan thiam le rorel upa pawl 241 pawl in 5 December 2008 ahkhan cumi thawngtla pawl suah theinak ding thotho ca cu UN Secretary General hnen ah an kuat sal bet. Kan thei ban cin ih kawlram thawngtla cu kan dung July 2007 ih 1150 cu 2137 ah an pung tin thuthang kan dawng.

 A hleice in Delhi ih raltlang tawng aw khawm pawl in lamzawhnak vei tampi an tuah thu kan thei. Tuini ih an press release mi ca tlang pakhat ih a nganmi cu “Burma ram a thatthei nak ding ah le politics ruangih thawngtla pawl hmuahhmuah an suah thei nak dingah India ram ih a cang thei le a vak thei hmuah hmuah in,in bawm ding in kan lo sawm” ti a si.

an-dingKan CT palai pakhat, tuini lamzawhnak ih telve cun “Bus par ih sin kan ttum veten kan au thawk ih khaat tawk khaat ah (Ni khat ni ni ah kan neh lai ding) We shall over come some days timi le (mi pi pawl ih kan rel theumi cu zalennak a si) talking a bout freedom timi kan sak” a ti.

Hi, kan palai ih simvivonak ahcun zanlam nazi 2:00 in, khaw thim tiang Jantar Mantar ahcun caan kan hmang liam a ti. An thuhla theifiang ding rori a fehtu kan palai cun Lamzawh hruaitu upa pawl khal tawkfang nawn thu relpinak a neih pi hai. Delhi hmun libik nak hmun tiah mipi sukso an tam ih mipi ih hmuh dingah lamzin mawtaw feh thei nawnlo ding in lamzin ah an to theh ih ralkap pawl in an kil bet.

Cun, himi ni ah kan Kawlram ralkap pawl ih sual daan pawl le mi hrem daan  pawl zuk cu lamzin kap ah mipi suakso pawl ih hmuh ding ah an tar thliangthliang bet. Cun, fala le tlangval pawl in mipi zukzohtu pawl hmuahhmuah ih sign pawl an dil tel bet. Upa pawl in thusimnak an nei ih Pu Tial Khal, khal in thusimnak a nei ve.

A hleice in kawlram a cozah siat khaat zia pawl cu mit hmuh rorin langternak khal an nei. Lamzawh an thawh zawng le an ban zawng ah ram hla sak nak an nei. Cun, September 2008 ih thi pawl le thawngtla lai pawl hrangah tin minit 15 sung canglo in sunnak an tuah. Kawlram hi za len hram seh timi le thawngtla pawl suah ttheh hai seh tiih leitlun pumhuat ih an tlang au nak cu meisa thawn khal an tuah bet.

 

Comments

comments

Comments

%d bloggers like this: