India Khawdai Ah Chin Mi Him

Cold-1Chin mi raltlan 10000 lengo umnak India khawpi New Delhi leh a kiang kap ih nikhua dai ruangah mi 25 lenglo in an thih phah zo tiin All India Radio thuthang in tuini ah a phuang.

Uttar Pradesh, Rajasthan, Punjab le Haryana pawl in nasa ce in an tuar. Hi mithi pawl hi umnak inn hmunhma neilo le kum upa pawl an si. Cumci le mero pawl an sah zet ruangah vanzam le tlangleng pawl ih caan khal a ti buai zet ih, Delhi le a kiangkap khawpi pawl cun vahsuksonak lam khal harsatnak an tuar bet ti khalin a phuang tel.

Hi khuadai hin New Delhi ah 7C  a siih vak sukso harsa ding tiang khawp in khawpi hmun ṭhen ahcun cumci a um. A daih hleicebiknak cu Rajasthan khawpi a siih 3.8C tluk tiang a thleng.

India Meteorological Department pawl in hi khawdai a peh vivo bet ding an zum ruangah mipi pawl khal ralring ih um dingin ralrinnak a pe.

New Delhi ih Chinmi raltlan pawlcun hi khawdai ruangah buainak cungcuang an neih hrihlo tiin tui thuthang ngan tiang ahcun thu kan dawng.

(Visited 127 times, 1 visits today)

Comments

comments

Comments

%d bloggers like this: