India Ah Naute 60 Ni Hnih Sungah Thi

India ram Uttar Pradesh ih Gorakhpur zato ih oxygen daihawk lonak ruangah nauhak 60 lenglo cu nihnih sungah an thi. Oxygen cet an hman man an leiba acozah ih a peksak theilo ruangih cang mi a si.

India acozah in hi zato innpi ih Oxygen hman man a leiba a rulhsak lo ruangah Oxygen hi timal a siih cutin, mina ziang theilo naute pawl cun thawhiip ding neinawn lo in rapthlak zet in an nunnak an liam phah.

UP ih an PM Yogi Adityanath cu mipi pawl in bang dingin an au hnawh ciamco. Oxygen man an baak mi hi India paisa in 6.8 million a si. Acozah ih a zohkhen theilo ruangah hi zota innpi cu a nini in a tlaniam ih mithi an pung sinsin. Kan dungzarh tlawngkai nili ni ah nauhak 23 an thiih anlak ih 14 pawl ih naungekte an si.#

Comments

comments

Comments

%d bloggers like this: