In Zohtthim

January 11

Tlawngkai Nikhat

In Zohtthim

 

Siar:

1Timote 4:12-16

 

Mino na si ruangah zohman in lo nautat hlah hngai seh. Sikhalsehla na hmurka na ttong daan, na umtlan na ziaza, duhdawtnak, zumnak le thianhlimnak khalah zumtu dang pawl ih zohtthim dingin nung aw.   -1Timote 4:12

 

Kumkhat Sung Baibal:

–   Seemtirnak 27-28

–   Matthai 8:18-34

Kum 6 mi casiar zir pek Alyssa in a nu le pa, a pi le pu zing tinte Bible an siar ti a hmu ttheu. Zing khat cu hmaisabik ah a tho ih tokheng sau parah Bible le Pathian biaknak ih siarmi cabu te a kawng parah ret in a to kha a pi in a hmu. Pathian thawn tikcu caan hman khat hi a nauhak telai ihsin a cawng hngai duh. 

Pastor kum note Timote cu Efesa kawhhran ah ttuanvo ritzet a nei. Zumtu pawl training a pek hngai, biakkhawmnak a hoha ih zirhnak dik lo zirhtu pawl a hmaiton hngai. Kum upa sawn le hmuhtonmi tam sawn neitu Paul in kawhhran kaihhruai daan a zirh ih nuncan ziaza ih thupit daan a sim. “Na hmurka, na ttong daan, na umtlan na ziaza, duhdawtnak, zumnak le thianhlimnak khal ah zumtu dang pawl ih zohtthim dingin nung aw,” (1Tim. 4:12) tiah a ti.

Paul in Timote a sawmngiar: Na nun daan raalring awla na zirhmi thu tla raalring aw (c.16) a ti. A thlarau nun le zirhnak dik ah a thinlung a pek ahcun kawhhran sungah thlaraulam nun zohtthim tlak a si ding.

Kan zate in thlingthlatu kan nei. Alyssa hman a nun zohtthimtu amah hnak ih nauhak sawn pawl an um ve. In zohtthimtu pawl midang bawmtu an si theinak dingah zohtthim tlak in nung uhsi!

      

Bawipa, Pathian ttihzah ih nung ding i bawm aw,

Zumnak, duhdawtnak le thianhlimnak thawn;

Ka tuahmi zohtthim ih i thluntu pawl,

Tthanglian in an pitling ding.

                Zohtthim ding ttha cu ruahnak ttha pekmi hnakin a mankhung sawn.

(Visited 38 times, 1 visits today)

Comments

comments

Comments

%d bloggers like this: