In Memory of Lt.Col. Hrang Thio (64 Anniversary)

Francis Lal1157563_10201543608333050_672257249_n

Tuisun hi 8888 Anniversary a si vekin, Pu Hrang Thio in rampi hrangih a nun a liam kum 64 kim ni a si ve.

Kawlram zalennak ngah hnu ah ramsungih rinsanbik mi Batallion cu The Chin Rifles pawl an si ih, Yangon khuapi kilhim tu le President U Nu ih ih Security t’uanvo latu khal an rak si.

Karen tapung an cak tuk ruangah kawlram pi a him ding maw a ral ding timi cu The Chin Rifles pawl kutsungah a um thlang ti theih tluk a rak si. An commander Lt.Col Hrang Thio cun a t’uanvo thei in tapung pawl cu a sun a zaan in a do.

Kawlrampi cu an hum ngah ko nan, Pu Hrang Thio nunnak kan caan ve thung.

Raal kahnak hliam tuarin Yangon raalkap sizung ah August 8, 1949 ah a nunnak a cem ta…

Pu Hrang Thio le Chin raalkap pawl hngilhlonak Biazai tawite ka lo hlawm hai…

Nan suahsan nan ruuninn hlum
Raal kut ta rampi nan hum
Nan thuanthu nganmi a thlum
Chin raalkap rual mi rorum

An hmin an thang ram tintian
Zo’h nehlo Chin Battalion
Thisen thlanhri’n ram nan rian
Tuantuk ah a liam Cerlian

Upat tihzah nang na phu
Rampi hrang na liam na lu
Kum sawm tampi a her hnu
Santhar nonawn hrang na hlu

Na t’uanvo t’heh ding na tlio
Na huham in mi a hlio
Nang t’ih in tapung an t’io
Mihrat khawkheng Pu Hrang Thio

Kan hngilhlo sawmli kum kua
Na san siar kum kulhluankua…..
Julias Caesar cu Alexander The Great zukhmai ah a dingih, “Ka kum zat na si ah nang cu leitlun a hrek tluk na rak la zo sikhawh…” tin a t’ap ciamco.

Santhar mino rual (kum 29 luanzo pawl) Pu Hrang Thio thlaan hmaiih t’ap tlak kan va tam ve……

(Visited 414 times, 1 visits today)

Comments

comments

Comments

%d bloggers like this: