In Kawhnak Theithiam

March 2

Tlawngkai Nikhat

 In Kawhnak Theithiam

 Siar: Efesa 4:1-16                          

Bawipa ih hnatuannak ruangih thawng a tla mi keimah in Pathian kawh mi nan si bangtuk in nan nunnak ah Amah ih kawh mi nan sinak kha langter uh, tiah ka lo forh. -Efesa 4:1

Kumkhat Sung Baibal: – Mipum. 26-27 – Marka 8:1-21

Khrih thlun ding kan tum tikih kan buaimi cu in kawhnak theih hi a si. Kan hnatuan le kan umnak hmun hi a si tiah kan ruat ttheu na’n a thupi sawn cu kan nun daan hi a si.  “Bawipa, zosi dingah in duh?”

       Paul in, “Bawipai’ hnatuannak ruangih thawng a tlami keimah in, Pathian kawh mi nan si bangtuk in nan nunnak ah Pathian kawhmi nan sinak kha langter uh tiah ka lo forh,”(Efe.4:1) a ti. Tangdor uh, nunneem uh, thinsau uh timi “uh”  pathum in a thlun. “Duhdawtnak nan neihmi kha pakhat le pakhat nan zawi awk theinak in langter uh” (c. 2b). Paul in hih ca hi hmun harnak thawnginn sung, Pathian kawhnak a thlun peh cihnak hmun ihsin a ngan.

           Oswald Chambers in, “Pumpeknak timi cu in kawhnak nun kha Pathian pek si loin, kawhnak dang pawl taanta tahrat in kan nunnak pumhlum Pathian hrangih hlan awk khi a si. A duhnak hmun ah tuah ding in duhsakmi tuah suak thei dingin Amai’ cahnak in pekmi cosaan khi a siih cumi cu – kan hnatuannak ah, law ah, science ah, workshop ah, politics ah, asilole drudgery ah langter ding. Kannih cu Pathian Uknak daan vekin cutivek hmun pawl ah a hnattuantu ding kan si.

Pathian hmaika ih miding le mittha kan si ahcun hnattuan dingih in thlahnak ah le in retnak hmuntin ah in fialmi kan ttuanvo kan ttuan suak thei ding. Cuti ih kan ttuan suak thei caan ah kannih cu A kawh mi kan sinak kha kan hmu suak ding a si.

                                                                             Kawhnak thianghlim ih kawh mi na si,

Leilung ih tleunak si dingin;

Thuthangttha tleunak hlirsotu dingin,

Cuti’n midang in tleunak an hmuh theinak dingah.

 

“Ziang na tuah” timi hnakin “zo na si” timi hi a thupi sawn.

Comments

comments

Comments

%d bloggers like this: