ICA Palai Mai Cherry Zahau New Delhi Ah

downloadMai Cherry Zahau cu ICA palai hmin in New Dehli ah a ratlawng ih Chin mi upa le mipi pawl thawn tawnawk ih thu le hla relkhawm le suhawknak in caan a hmang ti’n thuthang kan ngah.

Mani 16.6.12(Sat) ni nahzi 1:00 pm ah Falam Refugee Organization EC upa pawl thawn FRO zungah kawmawknak an nei ih nazi 2:30 ihsin 5:30 tiang Chin (FRO mipi an si)mipi 70 kiangkap thawn Living Faith Baptist Church biakinn ah kawmawknak an nei. Cumi kawmawknak pawlah Mai Cherry Zahau cun ICA(Institute of Chin Affair) thuhla cipciarzet in simtheinak a nei ih mipi lam ihsin thusuhnak le fawrhfialnak pawl tla a ngai ih recordnak a tuah.

Atu ih Delhi a ratnak sanbik pakhat cu a ra dingmi June 23 ah Geneva ah a fehnak dingmi hrangah thuhla khawlkhawm ih Chin mi ramdang thleng pawl ih harsatnak le dinhmun sinak pawl, ICA member pungter in ramsung ih thuhla ruahrelnak le hmuhdaan duhdaan langternak pawlah mipi ih telve theinak lamzin awnsak ding pawl hi a si.

(CIA ih tumtahmi pawl le fehdaan pawl cu CT palai in a dil nan ngah a si hrih  lo.) Amah Mai Cherry Zahau khalin ICA thuhla thawn pehpar ih a thupizet ih a simmi hrekkhat cu ICA in CNF thawn pehpar awknak a nei lo, cule hriamhrei keng ih cangvai dingin tumtahnak a nei lo, cule Falam khawnu khawpa, Falam Humhual, Falam le Chin hmin pu organizations zate pawl thawn rualremzet ih hnatuan daan hawl ding timi pawl hi a si.

Cule Mai Cherry Zahau cu tuni 17.6.12 zarhpi ni sunkhawm cu DBCF(Dehli Burmese Christian Fellowship) biakinn ah a khawm ih fawrhfialnak thutawi simnak a nei a si. Sunhnu khalah ram hrangih a tuan rerotu upa pawl thawn tawnkhawmawknak cu Dr. Run Bik ih inn ah an nei a si tiin thuthang kan ngah. Mai Cherry Zahau cu Mizoram lamah tlawngin Chin mipi pawlih aanka ngai dingin tumtahnak a nei ti’n theih a si.

Mai Cherry Zahau cu thaizing(18/6) zingpit ah Aizawl lamah a pawk ding.

(Visited 271 times, 1 visits today)

Comments

comments

3 Comments

  1. Thil dang rel ding tamipi a um ko nan thupi dang pakhat ka rel duh. Ram hruai tu silole Mipi hoha tu ding hi cu a hmaisabik ah “duhsak bik nei lo ding”. cun hmin hrimhrim khal ah hnam hnim telh lo sehla a tha ding ka zum… Hnam feeling a tam nak bik hi kan hnam kan cal ah ka ret nak hmun hi asi bik…. Salai Zangiat ti hmin pu in midang hmai ah va ding sehla thildik a si lo ding..

  2. A va lungawi um ve. Cherry Zahau tawn ka cak tuk nan Delhi ah ka ra thleng hman lo cu pawi na sa. FRO Le Cherry Zahau tuangten tawnawk khawmnak nan nei thei cu ka lo lungawipi na sa.
    Tumtah mi khal tluang vivo hramseh.

  3. Cheery, Na bang zet dingnan, Pathian in na thabang man, kan miphun hrang ah rahttha a rah tir leh tengteng ding…Cak sinsin in hmailam ah….

Comments

%d bloggers like this: