IC Pawl In A Veikhatnak Chin Ramkulh Feh In Hakha Bawm Ding

Iron Cross Band

Iron Cross Band, Pic IC fb page

Myanmar rampi awnmawi khawvel ih hmaihruaitu Iron Cross  pawl cun a veikhatnak hrang Chin ramkulh ah fehin, Hakha khawpi ih siatral mi pawl bawmnak pek an tum. August 27, 2015 ah Yangon ihsin an zam so dingih nikhat an caam ding tiah Chinland Today Media cun thu kan dong.

‘Hakha ah inn siat mi 570 a um tiah kan theiih inn khat ting 10 ciar pek kan tum. Cun Tlawng inn 10 saksak kan tum’ tiah Iron Cross ih hotu le Lead Guitarist Chit San Maung cun Jasmie Eng hnenah a sim thu Chinland Today Media cun thu kan thei. Jasmie Eng Te ih a sim dan ahcun Chit San Maung hin biak inn siat mi zat, pastor, kohhran sungtel zat le a hmun pawl tla thei a duh ih, nehhnu hrangah bawmnak pek thei dingin KBZ pawl hnenah sim a duh tiah Chinland Today Media hnenah a sim.

Tuitum an fehnak ding hrang ih vanzam le lampi hrang KBZ in a tumsak dingih an mah roriin Hakha khawpi ah an feh ding. Harsatuar pawl hi MM kyat tingthawng 5-6 hrawng bawm an tum tiah thutheih a si. IC Band; Chit San Maung (Lead Guitar) Khin Maung Thant (Bass Guitar) Banyar Naing (Keyboards) Kha Yam (Drums) Lay Phyu (Vocal) Ah Nge (Vocal) Myo Gyi (Vocal) Y Wine (Vocal) Myo Kyi pawl an zaten Y Wine telloin an fehthluh ding.

Hakha lawng siloin Chin ramkulh, Sagaing lam ih Chin mi harsa pawl khal bawmnak pe thei ding thuhla tawl rel an tum vivo. IC pawl hin August 21, 2015 ah Myanmar ram tilian le harsa tuar pawl hrang awnmawi tumnak le mipi awihnak an nei.

Tuitum hi IC pawl Chin ramkulh an feh veikhatnak ding a si. A liamcia kum ah Hakha khawpi feh ding tumtahnak an rak nei dah zonan acozah ih siannak an ngah lo ruangah an rak thulh.#

(Visited 666 times, 1 visits today)

Comments

comments

Comments

%d bloggers like this: