I Peek Aw

I Peek Aw

Siar:

Jeim 3:13-18

Ka ruahnak cu nan ruahnak bangtuk a si lo.
Ka lamzin le nan lamzin cu an dang aw a si. – Isaiah 55:8

Kumkhat Sung Baibal:

James 1-5

–        Thufim 12:1-14

Amah ka hmuhh lan ihsin a kio-raak rero ka thei, dawrpi sungah a siih thler khatlam ka ra thlen tikah ka hmu. Cuih nauhak pa cu thinheng ttap mit-thli thawn a duhmi thil zoh (melh) phah in “I pek aw” tiah a au rero. Ka theihthiam mi a si ih a nu cun in rak zoh nain zianghman ka hei biak lem lo. A nu cun thil ei ttha tthuk cu bazaar sungin leeng a hmanmi sungah a hei sep.
Cuih nauhak pa ih um daan cu keimah ih um daan thawn a bang awzet. Kei tla thil duhmi nei theizet nauhak ka bang. A caancaan ah Pathian ka ngen, ka ngiar ciamco ve ttheu. “Ziangah in peek lo?” “Ziangruangah ka ngah lo” ka ti.  Ttumkhat cu ka duhmi in peek, ka ngenhtuk ruang ahcun a si lo. A neitu sawn vekin keimah te ka ret aw tikah ziangti’n thil a cang timi Pathian in hmuhter in duh a si ding ti’n ka ruat.
A tthabik ding tiih kan ruahmi kha, Pathian in kan hrangah in duhsak bikmi a si dah lo. Isaiah 55:3 sungah Pathian in hiti’n a sim, “Ka ruahnak cu nan ruahnak bangtuk a si lo. Ka lamziin le nan lamziin cu a dang aw a si,” a ti.
Tennis chiampion AuthurAshe in a cabu nganmi “Zaangfahnak Ni” sungah Jeim 1:5 thu hmangin a fanu hnenih ruahnak a peekmi cu: “Ziang a ttha. Pathian in ziang tuah a duh, ziang a tuah ding ti thei dingah Pathian hnenah fimnak dil aw,” a ti.

A tthabik ding kan thei cia thei lo,

Thla kan cam tikah;

Curuangah Pathian duhnak sut ding kan si,

A duhnak, A lamziin hawl aw.

Kan dilmi Pathian in in peek lo a si ahcun, a tthasawn pek ding in nei ti a fiang.

(Visited 30 times, 1 visits today)

Comments

comments

Comments

%d bloggers like this: