I Hmuh Aw

December 4

Tlawngkai Nihnih

 

I Hmuh Aw

                                                           

Bible Siar Ding: Jeim 3:13-18

 

Nanmah lakah fimnak le theihthiamnak a neitu nan um maw?

An um asile a nuncan ttha in langter sehla, tangdornak le fimnak thawn a thil ttha tuahnak in langter seh!

 –  Jeim 3:13

 

“Missouri” timi hi “Sh0w-Me State” [I Hmuh Aw] timi sullam a keng tiih theih a si. Kum zabu 20 a thoknaklam hrawngah USA ih himi State ih aupimi thusirhsan (slogan) hi a suak ih cumi in a cang taktak theimi ruahnak (practicality) le zapi theih theimi khuaruahnak (common sense) ih pehzom awknak kha a langfiangter (reflect) a si.

Fimnak (wisdom) timi thulu a ra thlen tikah Pathian in a timi cu “I Hmuh aw (Show Me)” timi a si ve. Fimnak taktak (true wisdom) kan neih asile kan nunzia (behavior) in a lang ding a si – ahleice in midang pawl thawih kan pehtlaih daan in a lang tengteng ding.

Jeim in kawhhran hmasa zumtu pawl hnenih ca a kuat tikah, fimnak cu tlinnak dang pawl: tangdornak, tthatnak le ngilneihnak thawn a pehtlai awkter. Jeim in Pathian hnen ihsin a rami vanlam fimnak cu tthat lonak, iksik nahsuahnak le aatnak thawn an polhcok aw lo, ti’n a sim bet.

Mifim kan ti tikah kan ttongmi le kan tuahmi hi mil aw ding an si. Mipi in kan fimnak an thei (hear) duh lo, an hmu (see) duh sawn a si.

Bawipa, fimnak thu ka rel ttheu na’n atak in nunnak ah ka langter thei lo ti ka thei aw. Fimnak dil thiamtu le nitin midang pawl thawn pehtlaih awknak ih hmang thiamtu si dingin in bawm hram aw.

Midang thawn ka pehtlaihnak ah fimnak thawn a mil-aw lomi mizia ziangsi ka neih? Midang thawn ka pawlkomnak ah fimnak thawn a kop-awmi ziangmi mizia so ka langter thei?

 

@Ava Pennington

Comments

comments

Comments

%d bloggers like this: