I Cawng Uh

August 11

Tlawngkai Nithum 

I Cawng Uh 

Siar:

1 Korin. 10:23-11:1 

Khrih nun daan ka cawn vekin nannih khal in i cawng ve uh.  – 1 Kor. 11:1 

Kumkhat Sung Baibal:

–   Saam 81-83

–   Rom 11:19-36 

Kan dung zarh kar sungah nikhat cu kan sungte’n cabuai pakhat ih rawl ei tlangin kan to khawmlai ah kan fapa upabik in a naunu te in, a thiltuah daan ziangkim a cawn ringringmi a ngaih lo ih, “Ka thiltuah daan i cawng  ringring hlawh aw,” a ti. A naunu in a u ih hnih daan, rawl ei daan ziangkim a cawn tikah a thin a hnaihnok. Kei le ka nupi cun, na nau nu hrangah zohtthim ding ttha hmuhnak le ciahneh theinak caan ttha na nei sawn si ti’n thazaang kan pek rero.           

Kan fapa vek si loin, Paul cun midang pawl kha a nun daan cawng dingin a sawm (1Kor.11:1). Bung 10 sungah Korin khua zumtu pawl kha midang parah duhdawtnak dik nei ding le an zalennak hman suup awk thei ding thu a sim. Zumlotu in rawl-ei an sawm tikah duhtawk ih ei mai ding caan an nei ko (c.27). Asinan an eimi sa le rawl pawl cu mizuk hmai ih hlanmi a si ruangah zumtu pitling si hrih lo pawl ih hmuh le theih ah a ttha lomi, an tlukrilhnak ding a si ahcun an zalenank cu kham aw hngai seh a ti (c.28).           

Paul in Khrih ih nun daan a cawn vekin, amah ih nun daan cu mi dangin cawng ve dingah tha a pek. Paul cun amai’ hrang tthatnak ding lawng a hawl lo, midang tthatnak dingah Jesuh ih zohtthim tlak duhdawtnak, lungrualnak, cohlan awknak le midang hrangih pumpeknak nun pawl a cawng.           

Cuvek in, kannih zumtu pawl tla Khrih ih zohtthim tlak nun kan neih asile raaltthazet le rin awzet in unau dang pawl hnenah, “Khrih ih nun daan kan cawn vekin keimai’ nun daan i cawng ve uh” kan ti ngam ding.     –Marvin Williams

 Bawipa lam in hmuh aw, ka tleunak midang tlet dingah,

Midang pawl hrangih zohtthim tlak si thei dingah;

Na nun daan hmu dingin bawm hngai aw,

Tleu mawi dingin ka nun ah um hram aw.     -Neuer 

Mi ih cawn tlak nun nei dingin Khrih ih nun cawng aw.

 

(Visited 38 times, 1 visits today)

Comments

comments

Comments

%d bloggers like this: