I Bawm Aw

June 8

Tlawngkai Nihnih

I Bawm Aw

Siar:

Saam 139:7-12

Keimah bawm dingah tiar cia in um aw.    – Saam 119:173

Kumkhat Sung Baibal:

2 Sansiarnak 30-31

–   John 18:1-18

Kan dung rei lote ah rualpi hrekkhat pawl thawn nga kan sio ih tiluan cakzetnak hmun ah ka rak feh ngah. Cuvek tiluan cakzetnak hmun ihsin ke suah saal thei ding cu a harzet ti ka rak thei lo.

Cutikah thinphaang le lau in ka um. Ka hmailam ah kar khat te vun kar bet hrih sehla tidai in i rak fen hlo ding.

Ka ruah theimi thil pakhat ka rak tuahmi cu keimah hnak ih kum no sawn le cak sawn ka kiang naibik ih um rualpi pakhat ka ko. “Hei, Paate, i bawm aw,” tiah ka au. Ka rualpa cun ka hnenlam ah a ra ih a kut tha cakzet cun tidai nuamte ih a luannak lam ah i dir suak.

Cuih thil a can hnu ni rei lote ah Saam 119:173 ih, “Keimah bawm dingah tiar cia in um aw,” timi ka rak siar ngah. Cuih ni ah siseh, ni dang le thu dang khal ah siseh, keimah le keimah ka sinak hnakih si sawn in ka ttuat sual awk ttheu ruangah keimah le ka duhdawt mi pawl siatral ding dinhmun ah ka thlenter pang ttheu. Nannih khal cuti’n nan si ve thei men.

Kan kiangah kanmah hnakin a cak sawnmi bawmtu rualpi pakhat ih kut a um ringring (Saam 139:10). Saam Hla ngantu in, “Huham na neih zia hi! Na thaazang a cah zia cu” (Saam 89:13) a ti. “I Bawm aw,” tiah Pathian na kawh tikah na hnenah zamrang te’n a ra ding.    – David Roper

Ttih hlah, thinnau hlah, na hnenah ka um,

Na Pathian ka si ih, ka lo bawm ding;

Na thazaang ka cakter, ka lo bawm, ka lo dingter,

Ziangkim titheimi, Ka zaangfahnak kut hi kai aw. – Anon

Buainak kan ton tikah thaazang in pe dingin

Pathian cu a raalring cia.

(Visited 35 times, 1 visits today)

Comments

comments

One Comment

Comments

%d bloggers like this: