Humhimnak Kut

March 13

Zarhte Ni

Humhimnak Kut

Siar:

Saam 138

Harsatnak tampi in in kulh ttheh khal le, a hengzetmi ka raal pawl i do sak ih, na vorhlam kut in i ruun a si.    – Saam 138:7

Kumkhat Sung Baibal:

–    Daanpeksaalnak 20-22

–    Marka 13:21-37

Edwin vander Sar cu Manchester United bawlung team ih kawlkiltu a si. Kawlkil a thiamzet, a kut a fekzet. Kum khat sungah kawl lut ding vei 1302 rori a kai ngah thei ih, leitlun ah hminsin tlak tiang a thleng. Minite 90 sung lekmi bawlung puai 15 hrawng a lekmi sungah kawl sungah zohman in an thunlut thei lo. Asinan March 2009 ah kawl thunluttu an um ruangah hminsin tlak sinak a tling nawn lo.

Saam cangantu David in thlangamnak cu a himbikmi kut, Pathian ih kut sungah a hmu suak. Pathian ih kilhimnak thu Saam 138 ah a ngan, “Harsatnak tampi in i kulh ttheh khal le … Na vorhlam kut in i ruun a si” a ti (c. 7). David vekin kannih tla thlaraulam ah kan tluksiat lonak dingah Pathian rinsan in zoh ding kan si.

Juda 1:24-25 sungah, “Tlu suak loin a lo kilkhawi ih sual-mawhnak nei loin lungawinak thawn a sunglawimi a umnak ah a lo thlenter theitu, Amah lawng kan Pathian le Runtu a simi hnen ahcun kan Bawipa Jesuh Khrih thawngin a cem ciami caan ah siseh, atu le hmailam caan ah siseh, sunlawinak, thawmliannak, cahnak le thuneihnak cu kumkhua in kumkhua tiang um caamcin hramseh. Amen.” Ziangtik hmanah kan tlu lo ding tinak cu a si lo. Pathian ih tundin thei lo ding tiangin kan tlu lo ding tinak a si.

Pathian ih a humhimnak kut cu ziangtik hmanah a pelh dah lo!

A hnen ihsin tuih ni tiang i duh ringringtu,

Ziang huham in ka lung sung a hnin thei ding?

Thihnak asilole nunnak, leilung asilole hellram,

Zianghman in in hnin thei lo ding kumkhua in Ataa ka si.

Pathian kut sungih um hnakin humhimnak ttha hmun dang a um lo.

(Visited 26 times, 1 visits today)

Comments

comments

Comments

%d bloggers like this: