Humhimnak Innkhaan

October 21

Tlawngkai Nili

Humhimnak Innkhaan

Siar:

Thufim 18:9-12

Bawipa cu a hngetmi beunak inn donhleisang a si; miding pawl cu cutawk ah an feh ih an him. Thufim 18:10

Kumkhat Sung Baibal:

–   Isaiah 62-64

–   1 Tim. 1

Inn neitu hrekkhat in misual mi ttha lo siatsuahtu pawl an lut tikih relhnak dingah tiin humhim awknak ding innkhaan an nei.

Thufim 18:10 sungah Solomon in Bawipa cu a hngetmi beunak inn donhleisang a si; Miding pawl cu cutawk ah an feh ih an him, a ti.

Thufim 18:10-11 sungah, relhnak phunhnih a sim: Bawipai’ hmin le lennak. Pathian cu “a hngetmi inn saangpi” tiah a ti. Nehmi khuapi cu raalhruang kulhmi inn saangpi ah an relh bangin miding pawl khal Bawipa hnenah himnak an ngah a si.

Phundang in kan sim asile, milian pawl in an lennak cu himnak ah an ruat. Solomon in a casiartu pawl hnenah, sum le pai in himnak a pek hngai a bang nain a dik lomi himnak a si ih zaangzelnak, hngalnak le siatnak hmun ah in hruaitu a si a ti. Asinan tangdor nun a neitu le a thlengh aw dah lomi thianghlim Pathian sungih himnak a hawltu cu himnak taktak an hmu ding.

Lennak cu na himnak a si lo men ding. Raal an rat tikah tlannak hmun le bawmtu pa khatkhat hnenah tlan na tum leh ding. Kan zate’n nitin Pathian rinsan kan ttul ih A hmin in himnak khaan kan hawl a ttul.   – Marvin Williams

Kan mit ih kan hmuhmi pawl,

Rinsan ding a ol sawn ttheu;

Hmanseh, Pathian in kan himnak hrang,

Amah zoh ding in fial. – Sper

Bawipa ih Hmin cu kan himnak Lungpi a si.

Comments

comments

Comments

%d bloggers like this: