Humhimnak Hawl Aw

March 24
Zarhte Ni

Humhimnak Hawl Aw

Sikhalsehla Pathian cu rintlak a si, Amah in thazaang a lo pe dingih Misualralpa hnen ihsin a lo humhim ding.
– 2 Thess. 3:3

Bible Siar Ding: 2 Thessalon 2

Netabik raalthawhnak a thlen hlan le hell ih tla dingmi Misualralpa a ra thlen hlan ahcun Bawipa ih Ni cu a ra thleng lo ding (2 Thess 2:3). Caan netalam ahcun Satan cu huham nasazet thawn a cangvai ding. Asinan kan theih dingmi cu Satan in huham a neih cu a khuan a ngah lawngah a si ding timi hi a si.

Thil thupizet theih dingmi pakhat cu Pathian in thilri thawng tampi sungah a lo thlah. Ziangtinkim sungih na umnak ah Pathian ih thinlung nei thei dingin na hawl a ttul. Cu lo asile A hnattuan na cawlter tinak a si ding.

Moses nunnak ih thilcangmi cu kum sawmli sung rori minung fimthiamnak zirnak a nei, kum 40 sung cu zianghman ka si lo timi a zir ngahih, kum 40 sung Pathian ih huham sungih um daan a zir. Mi pakhat fimzirhnak dingah kum 120 a rei a si cu! A caancaan ahcun ka hrangah Pathian ih aw thei dingin, Pathian ih lamhruainak co thei dingin le kan parih in duhdawtnak le in zawnruahnak thei thei dingin kum tampi caan laak a ttul.

Phuanlang awknak zate, thlaraulam khihhmuhnak zate, Pathian in Khrih sungih a tuahmi zate hi a famkimmi tleunak a si ih curuangah kannih cu cumi vekih nung ve ding, thil ttha suahpi ve ding, le kan cangvaihnak ziangkim ahhin Pathian fahniang kan sinak huham langter ringring ding kan si. Cumi cu a si dingmi hrimhrim a si.

Ziangkim hi Pathian ih taa ding lawngah ret ding kan si lo. Pathian in a Fapa kan zumnak thawngin huham nei ah in tuah zo, curuangah kan nunnak ziangkim ah leilungmi mi menmen pawl vek ih nungtu si nawn loin Pathian huham cahnak thawngin mi nasa le mi maksak dinhmun ih thlengh aw thluhmi kan si ding a thupi.

Pathian in nitin kan nunnak cu Thlarau Thianghlim ih ukmi le kilven (control) mi si in Amah ih phuanlang awknak zate kha kan hmakai ah puanrang parih suaimi zuk vekin Pathian in a vanlam fimnak ih in duhsakmi pawl cu dot khat hnu dot khat fiangzet in hmu thei ding in duhsak a si.

Pathian ih aw kan theih ngah hlan lo cu Pathian ih thinlung kan thei lo ding.

@ Smith Wigglesworth

(Visited 20 times, 1 visits today)

Comments

comments

Comments

%d bloggers like this: