Huham Neimi Ttongkam

 

 

June 23 

Tlawngkai Nihnih

 

 

 

Siar:

1 Korin. 1:18-25

 

Thuthangttha hi ka zahpi hrimhrim lo: ziangahtile a zumtu hmuah-hmuah rundamnak an ngahnak dingah Pathian ih huham a si. A hmaisa ah Judah mi hrangah a si ih Gentile mi hrang khal ah a si ve. – Rom 1:16


Kumkhat Sung Baibal:

–   Esther 9-10

–   Tirhthlah 7:1-21

 

Baibal zirhtu Lehman Strauss cu a nolai ah Pathian Ttongkam ih hmual neihnak in Khrih zumtu ah a cang. A fala nu ih forhnak ruangah Rom 3:23; 5:8 le 10:13 a siar. A sualnak thei aw in a ttap ih Khrih zumtu ah a cang. A fapa Richard kum (7) a si tikah rundamnak ziangti’n ka ngah ding tiah a pa a sut. A siar dahmi Baibal caang siar dingin a sim ih a fapa khal zumtu ah a cangih nehhnu ah Pastor a cang.

 

Pathian Ttongkam cu hmual a nei. Pathian in a hmaisabik ttongkam in tleunak a tuah (Seem. 1:3). Abraham hnenah thukamnak a ttong (17:15-19)  ih kum 90 a si zomi a nupi Sarah in fa a vun (21:1-2). Tusan khalah Pathian cu hmual neizet in a ttong ih a theitu le thuthangttha a zumtu pawl cu rundamnak an ngah (Rom 1:16).

 

A si, Khrih ih ttongkam le thinglamtah parih runnak hna a ttuannak in mi pakhat ih nunnak lamzin a thlengh thei. Na duhdawtmi le kum tampi thla na cam sakmi ih thinlung sung thlenghter theinak huham a nei.

 

Cuhrangah mikip hnenah tettikhaan cawl hrimhrim hlah aw. Na nitin nun ah thlacam ringring awla thuthangttha midang thawn hlawm aw uh. Cumi cu huham neimi ttongkam a si.

 

Lungawinak thu cu simsin uh,

Mangbangza nunnak Thu;

Mi hmuahhmuah hrangah remnak a um,

Mangbangza nunnak Thu.

 

Ka ttongmi in mi hnenah hmual a nei,

Pathian Ttongkam in mi ruun theinak huham a nei.

(Visited 23 times, 1 visits today)

Comments

comments

Comments

%d bloggers like this: