Huham ih Tumtah

February 27
Tlawngkai Nikhat

Huham ih Tumtah

An zate in Thlarau Thianghlim in an khat ih Thlarau in ttong theinak a pek vekin ttong dangdang in an ttong ciamco.
Tirh. 2:4

Bible Siar Ding: Tirh. 1:4-14; 2:1-4

Jesuh van a kai hlan ah, A dungthluntu pawl hnenah Thlarau Thianghlim ih huham an co ding thu a sim cia (Tirh. 1:8). Curuangah, anmah ihsin, A zaangfahnak hnattuan cu pehsunzom vingvo a si ding. Hih Thlarau Thianghlim huham cu tirhthlah (apostle) mi malte pawl hrang lawngah a si lo, Pathian thawn ahlat aw mi an si na’n Bawipa kan Pathian in a kawh mi pawl hmuahhmuah hnen khalah a si ve (Tirh. 2:39). Cuticun atu kum zabu 21 san ih a ummi kannih zumtu pawl hrangah tla a si ve thotho. Mi hrekkhat in in sut, “Asinan ziangruangah kum zabu 1 lai ah huham co theinak cu mi malte hrang lawngah a si?” ti’n. A si lo. Mark 16:15-18 sungih Bawipa ih Thupek Maksak siar awla, huham cu a zumtu hmuahhmuah hrangah a si zia na hmu ding.

Thlarau Thianghlim ih baptism ka co ngah hnu ah, Bawipa ih thinlung le ruahnak ka hmu. Ni khat cu ka hnattuannak hmun ihsin inn ka thleng ih innsung ah ka vung lut. Kan nu in, “khuitawk lamzin in na rrung lut? ti’n i sut. Inn dunglam saangka ihsin, ti’n ka sim. Anih in, “Khitawk inn parta khaan ah minu pakhat putar kum sawmriat mi thlacam sak dingin rak hruaitu nu a um. Amah cu molh vekin mi hringhro in a au ciamco ih innhmai ah mipi in an kulh liailiai. Saangka kingnak khiingte an awnter rero ih hih innsung ah ziang thil a cang ding ti theih duh ah,” ti’n i sim. Bawipa in aw diim te’n, “Himi vek hrangah sokhaw Thlarau Thianghlim ih baptism ka lo pek,” in ti.

Raalring te’n cu mipa umnak innkhaan saangka cu ka vun ong, Bawipa ih in sim dingmi thu thlun dingah duhhiarnak thinlung thawn. Cu mipa cu buaizet in, “Ka hlo zo a si! Ka cem a si!” ti’n a aukio ciamco. Kan nu in, “Smith, ziangti’n kan tuah ding?” ti’n in sut. Bawipa ih Thlarau in i hnin ih, “Mi bumtu thlarau siava, suak aw” ti’n ka au. Hmakhatte ah khawsia thlarau cu a suak ih cu mipa cu a dam cih. Pathian in ttemttawmmi pawl luatnak a pek. Bawipa in hiti’n i sim saal, “Himi ding hrangah si Thlarau Thianghlim thawn baptism ka lo peknak a si” ti’n. Pathian ih umnak hmun pakhat a um, Thlarau Thianghlim huham cahnak thawngin kan nunnak sungah uktu a um. Thlarau Thianghlim Khrih ih thiltimi pawl kan hnenah a phuanglang ding (John 16:14).

Thlarau Thianghlim in satan ih huham hnakih caksawn dingin in timtuah.

@ Smith Wigglesworth

(Visited 25 times, 1 visits today)

Comments

comments

Comments

%d bloggers like this: