Huham hrangih Tetti

June 27
Tlawngkai Nithum

Huham hrangih Tetti

Bible Siar Ding: Mark 5:1-20

“Maw Jesuh, Cunungbik Pathian ih Fapa! Nang le kei ziangso kan seng awk? Pathian hmin in ka lo dil, i hrem hramhram hlah aw.”
– Mark 5:7

Cungnungbik Pathian cu na inn sangka ah ra ding bang sehla, a lo umpinak in lungawinak a lo thlenh ding maw, asilole zaangfah te’n in tlansan aw, na ti ding?

Khawsia khuavang tamtak in an luhhnawh mipa cu nasatak ih tisiat a tuar. Khua sung mi pawl in an ttih ngaingai. Thir cikcin hri pawl in a ttem khum thei lo. Jesuh in a cumi pa a damter tikah Amah cu El Elyon Cungnungbik Pathian a sinak a phuanglang aw a si. Khawsia khuavang hman in A thuneihnak an theithiam in an cosang a si.

Khua sung mi pawl cu Jesuh ih mangbangza tidamnak huham in a lauter hngai. Asinan ahlan hnakin Jesuh cu an ttih sinsin. El Elyon ih huham an ttihtuk. A umpinak in an nunnak ah pakhatkhat a cangter pang ding ti an thin a phang. An vok pawl an sungral ruangah Jesuh cu an hnen ihsin tlansuak dingin zaangfah an dil.

Tuni ah, zumtu kan hnenah, kan innsang ah Khrih thlun dingih kan hril ruangah ttiihnungza a sinak a phuanlang awkmi ah khuaruahhar mangbang in kan um men thei. Kan tuah hmaisabikmi cu Christian kan rualpi pawl thawn lawng um tlang in zumlotu khawvel mi pawl hnen ihsin lamhlapi ah kan tlan men thei.

Sihmansehla khawsia khuavang in an tisiat nain a hung dam saal mipa cun a inn le lo ziangkim taansan in Jesuh hnenih feh a duh thu a sim. Jesuh in an inn ah tlung in Cungnungbik Pathian ih huham tettikhan taa dingin a thlah saal a si. El Elyon cun cuti vekih tuah ve dingah in ko.

El Elyon, Nangmah neih ih lungawinak hi zumlotu hih lei khawvel mipi pawl hnenih hlawmtu dingah ka nunnak hi hmang hram aw.

Midang in ka zumnak hi dodal duhnak lungput thawn in entai tikah ziangti’n si ka lehrul daan ding?

@ Ava Pennington

(Visited 22 times, 1 visits today)

Comments

comments

Comments

%d bloggers like this: