HT Issue 52

Hruaitu Weekly news

Vol. 52

November 28, 2004

Editorial

Mi laklawh…

      Leilung tlun ih mi hnawksakbik pawl khi zo an si tiah in sut
seh la, ¡° mi laklawh¡± ti hi a sannak ding naibik a si ka zum.
Tlawng kai lai ih mi hnawksak zet pawl cu, Saya le si ban laklawh
silo, tlawngta le si nawn laklawh silo, thu nei vek ih lang nei ngai
ngai fawn lo, thin heng awl zet fawn si pawl khi an si.

       Ahleice in kan nih Laimi pawl lakah hin milaklawh kan tam
cuang a bang ka ti ttheu.  Kan thin lung ih umm i rori hman tuah suak
ngamlo le sim suak ngamlo in, hloh lan ter ta le siang fawn silo ¡°
lak lawh¡± kan tam.  Sat le sat voh vo ih, daih ceng le daih riahri
hi kan Pathian ih duhdan khal a si. Vei tampi cu Laimi thinlung ah,
mi hnak ih niamaw tuk ih theihawknak (Inferiority complex )kan nei
ttheu hin; mi laklawh ah in suah ter ttheu.  Kan kawh hran, kan
miphun, kan tthenrual ttha le unau sungkhat pawl hrangah hnai hnawk
tu mi  laklawh si lo ih, mai sinak vek cekci le mai umnak hmun cekci
te ih kan um ciau a va cu tak  em !!!!

              Editor :  :  Richard K. Emmanuel

    A suah tu :  :  LCF Calai Committee, Malaysia.

Bezai

      Kei ka hrangah

       Tluang hra dan in

       Lungkil thliten,

       Ka leng nu ruat in

       Rian ram ka tuan can ah

       Hu valpa in lunglo ti thawn,

       An run nuam ah

       Run dang kai in

       In hawisan maw.

       Khi can ah khin

       Hnemtu nei lawn

       Keimah te lawng

       Tintling cungah

       Cung Si Ar le Thlapa siar in

       Zan khua ka dei

       Cung khaw zing nu

       Lai run rel law

       Kei ka hrang ah…..                       Salai David Thang

Thuthan

December 5, 2004 ih can hmang tu ding pawl

Can kaitu                     Salai Biak Mang

Thuthangtha simtu        Saya Hrang Tiam

Zapi hrang thlacam              Mai Mang Mang

Solo                            Pa Thawng Za Hau

Bible zoh lo siar           Salai Sui Ling Thang

Thawhhlawm  ap thlacam  Mai Thawng Za Dim

Hlarem                        Mino pawl

Awnmawi tumtu           Salai Biakte

Thucah tawi simnak          Salai Thawm Hlei Mang

Kan dungzarh thawn pehpar aw in

Khawm can         Khawmtu     Thawhhlawm

Mithar         1

Zarhpi zing            103        201.90

Zarhpi zan            32          32.80

Mino khawm             22          24

Zarhte zan            33          43

Zarhpizing thlacam      9

Rawl ul thlacam          2

Pangpar hlu

       Nu Happy in a fapa Danial Mang Biak Thang birtday kum 15 kim
lawmnak ah tiin Pangpar le Pangpar retnak (Pan U) a rak hlu. Pathian
hnen lungawi thu sim thiam tu Happy tei innsungsang Pathian in
thlawsuah pe hramseh.

Ziangtin in hmu pei?

By Pa Thuam

Leitlun damsung tawite ah  a tung zawngih feh thei ve mi pakhat kan
si ahcun fala/tlang val din hmunah duhmi kan neih a tul, nupi/pasal
kan neih khal a tul. Cuticun duhmi le duh tu thawn nei awk a rak si
theu. Nun har rethei hman thei lo in duhdawtnak thupi bik ah ret in
harsatnak phunkip pahtlang in le fanau cawi in Pathian khal in
thlawsuahnak a rak pek theu.

       Asinan mi ziangmawtizat cu fanau tampi an cawi hnu ah nupa an
then awk theu. Ziangruangah a si pei?. Then awk nak asan tampi um mi
lak ah pakhat ih tlamtlin lo nak ah pakhat in rak ngaithiam lo hi a
tlang pi thu in a si deuh theu. A hlan ih an um awk tir( Neih awk
tir) ih an duhdawt awk nak thinlung, an ngaithiam thei awk nak thin
lung te kha khawitawk ah si pei an hloh ter.

       Kan ram pi Kawlram san thuan thu kan zoh sal a si khal len
Bokyoke Aung San le a rualpi pawl cun Kawlram pumpi zalennak ngah
ding in mirang le Japan pawl cu an rak do rero, ramdangah raldo dan
fimthiamnak zir in an mai thisen tiang an in ih kawl ram hrangah
thihngam in an nunnak tiang pe ngam in thukam nak an nei. Asinan
Kawlrampi zalen nak a ngah hlan laklawh te ah mirang pawl in Bawi
hnatuan dinhmun tha an pek mi parah lungawi tawk ih mai mipi pawl
zalen nak ngah lo khal le pawi ti lo tu khal an um. Asinan Aung San
cun a duh ve lo. An tum tah mi bik Kawlram mipi zalen nak dik tak
ngah ding in a zuam ringring. Cucun kawlram hrang an tumtah mi
Zalennak sualsuak theinak lamzin feh dingin a hruai suak thei.

       Ziangti asi khal le Innsung sang pakhat kan din ah siseh,
Pawlkawm pakhat dinhmun in kan ding a si khal ah kan miphun hrangah
ti in tumtahnak fumfe tak kan neih a thupi. Sungkua nuam le
hngetkhauh, kan din theinak ding hrangah kan tumtah mi kan thlen hlan
ah feh sualnak lam zin a si mi mah bulpak hrang thatnak, thu neih
duhnak , sinak  duh tuk nak le midang ih upat duh tuknak..etc hi kan
hrial thiam a tul zet ding.

       Ziangvek hruaitu, Pastor  le saya tei pawl khal in in hruai
tikah thenthek awk pawi lo tuk le mah hrang thatnak ding a si ahcun
hminsiat khal pawi ti lo ih khua a khang tu pawl hi mipi khal in kan
thei thiam a tul. Kan pawlkawmnak le kan miphun in Pathian hmun khat
te in kan thangthat nak hi mipi ta liolio a si ti thei uhsi. Hruaitu
upa pawl le saya khal in pakhat le pakhat kan tlamtlin lo nak ah bawm
aw tawn in kan mai hrang kan tuan lo, kan miphun hrang le Pathian
ramhrang kan tuan ti theih hngilh lo sehla.

       Zozo khal Pathian hna kan tuannak, kan miphun thatnak ah tiin
kan thei tawk suah in kan tuannakah kan thinlung a thiang maw/ thiang
lo ti tahnak tahfung tha bik cu ¡°kan biak mi kan Pathian in ka
thinlung in thei thluh ih ziangtin in hmu pei¡± ti hi kan uar tlang
ciau kei uh. Pathian in kan LCF hnget khauh sinsin in in hruai vivo
hramseh.

Lai nunmawi laksawng

       Lai numawi group rak din thawk tir ihsin Lai nunmawi lak sawng
peknak  khal a um ding tin rel cat a si vek in Christmas ni ah
laksawng peknak neih a si ding. Laksawng pekdan ding le pek ding mi
pawl thuhla relnak cu LCF EC meeting November 27, 2004 ah rel cat a
si ding.

A thei tu nan um maw?

       CRC ah hmin cazin lawng pe ih contact theih lo mi a hnuailam
ih mi pawl a thei tu nan um a sile rak sim uh,an serial a cu tuk zo.
Cun hmin list pek zo hnu  ih kawh dah lo mi pawl khal in a hnuailam
pawl hnen ah suh theih ringring a si.

Thuhla sut duh pawl cun : Salai Eddy Mal Sawm 012 6408 433 le Pa
Thuam 012 2118 558 hnen ah suh theih a si.

Tui ni tiang contact theih lo mi pawl,

1.Lal Chawi Sang

2. Solomon Sum

3. Van Lal Hnem

       Himi pawl hi serial no. 552 hnuailam pawl an si ih himi hnuai
ih number nei pawl nan um a sile an lo contact thei lo mi nan si tiin
rak ruat aw uh la a rang thei bik in in rak sim uh.

Clinton-ih Presidential library, Bush-in lungawipi

      Kan dung zarh ah US preaident hlun Clinton cun, US mipi pawlin
a mah an hngilh loh nak ding Presidential library tumpi a awng thar.
Hi Library hi US President thuanthu ih cabu innpi tumbik khal a si.
President George Bush khal in, hi calai innpi ruangah  Clinton cu a
upat thu phuang in America rampi hrang ih a lungput khal upat tlak
zet a si a ti.  Bush cun Clinton hi, mi thin sau, ruahnak pitling zet
nei tu khal a si tiah a upat thu a phuang bet.

Tuluk ramah Fashion zuamnak

      Kan dung zarh tlawngkai ninga niah 2005 Chana Fashion  zuamnak
puaipi cu an thawk.  Tuluk fala nonal zarual le International fala
mawi pawl in zuamawknak an tuah rero lai a si.

A mak nawn….

      Tuluk ram ih Stuntman Li Chuan Yong cun kan dung tlawngkai
nikhat zanah, Malaysia ih Kucing Stadium ah thi mak nawn a suah
ciamco.

       Yong cun  zohtu mipi 2,000 hmai rori ah a mit tlang ah hridai
kilhbet ta hrat in mawttaw dinglai a hnuk feh vungvo ko lo maw.  Hi
mawttaw sungah hin milai panga rori an to bet lai lai.  Kan lairam
hminthang Tthuamcak damlai sehla, a hiar um zet.

       Hi tuluk mi maksak pa hin, Malaysia ram hmun dang dang ah a
show rero lai ih, fund a ngahmi pawl hi farah pwl cawmnak ih feh ding
a si thu tla a phuang.    Mit tlang lawng ih mawttaw hnuk cu makve
tak cu a si.  Hi mawttaw hi 20m tiang lai a hnu thei a si.

      Bollywood Film Star Sharu Khan cun….

      Indian Bollywood film star hminthang Khan cun a fapa kum 7 mi
thawn kan dung zarhah Dubbed Hindi Verson ah hmaitawn thu suhnak an
let ciamco.  Sharukhan hi tulai ih India le International ram
hrekkhat ah a lar thar zet ih, TV le thuthang phuangtu pawl khal in
kawm an duh in an ngaihsak nasa.

Hong Kong hla sak thiam a thi

      Tuluk ttawng ih love song hla sak tambik le thiam deuh bik ih
rel a hlawh ttheu tu Wong Jim cu kan dung tlawngkai nithum niah cuap
cancer in a thi.  Wong hi hla sak a thiam lawng silo in hla  khal
tampi a phuah a si.  A fapa cun ¡° ka pa hi, zokhal in an theih ring
ring ka zum¡± tiah a ui thu a phuang suak ve.

Thai fala mawi ( miss ) cu…

       Kan dung tlawngkai nihnih niah Thailand cun an ram sung ih
fala mawibik hrilnak an tuah ih, Chompoonuch

( a hnuai zuk vawrh lam ) Kamnerdkerd cun 2004 Thai fala mawibik
lukhuh cu a co ngah ta a si. 2003 ih fala mawibik laksawng ngah tu
Saovapa cun lungawipi zet cing ten a lukhuh cu a khuh ter a si.  Hi
zuamawknak ih tel ding cun kum 28 hnak ih mallo a si ding ih, pasal
nei dah miahlo tu a si teng teng ding tiah dan khauhkhah zet ih tuah
a si.  Thailand hin kum tin falamawi hrilnak an tuah ve ttheui ih,
fala mawi 30 hrawng an zuamaw ring eing ttheu.

Tuluk ah tourist lut tam

      Tuluk ram sungah ramdangmi ra talwng an tam deuh deuh thu
tourist board pwl cun an phuang.  2020 ah khin leitlun tourism rate
sangbik si ding khal tumtahnak tumpi an nei.  Kumtin Tuluk ram ah hin
ramdangmi 100million hrawng an lut ttheu ih, 2020 ah cun 210million
kim ding in an zuam a si.  Tuluk hin kum tin  hi tourist pawl
hnenihsin US$ 58billion hrawng an ngah a si.

Tony Blair ttan a la nasa

      Britist Prime minister Tony Blair cun kan hmai 2005 may thla ih
tuah ding rampi general hrilawknak ding hrang ttan a la na sa.  Tui
ni tiang ih mipi ngaidan lak khawmnak an cun  Blair hin point sang
nawn a ngah lai a si.

CIA pawl Bush in a fial!

      US President Bush cun, Central Inteligence Agency ( CIA ) hotu
pawl cu, terror pawl donak ah zohthup tu ( spy ) tam sawn ih lak bet
ding in kan dung tlawngkai ninga niah a fial.  America hi Leitlun ih
Inteligence tumbik dintu khal an si.

       Bush cun CIA director Poter Goss cu ni 90 sung rori terror
pawl donak ding timetable tuah ih budget khal 50% rori tthan ding ah
a fial.  CIA le FBI ( Federal Bureau of Investigation ) pawl hi
September 11, 2001 kum ih US innpi cim thawn pehparin nasazet ih dem
an tuar ih, tu khal ah hin mass destruction timi bombs ttihnung pawl
hawl in an buai rero lai.

       CIA pawl hi US agencies tumbik an siih, 17,000 members (
employee ) an um.  An budget khal  US $ 3 billion rori a si.  1990
kum ih Soviet Union an tlak rual ah, US cun zohthup tu pawl list cu a
hlawn niam ih, pehtlaihawknak lam an cak sawn thei nak dingin
Technology lam an karh ciamco sawn a si.

       September 11 buainak ihsin CIA cun member thar a lak bet
ciamco ih, a rei hlan ah miai 1000 tel rori an lak bae ding.    Kan
dung June thla ah CIA director hlun bik George Tenet kha a hnuk
dawkaw zo ih, tu hi Poter Goss in director hna a rawn tuan a si.  CIA
hin kum tin $ 4billion hrawng an hmang suak ttheu.

Hailey a thi

      British pacang Arthur Hailey, leitlun ca ngan thiam hmin  thang
cu, Albama ih a mai inn ah kan dung tlawngkai nihnih zan khan a thi.
A zan it cu thawh ti um nawnlo in  a it lan ta a si hmang.  A thih
hin kum 84 mi a si.

       Hailey ih ca nganmi pawl hi Leitlun ram 40 ah zuarsuah a siih,
170 million hnak ih tam zuar khawng khal a si.  A cabu nganmi hmin
thang deuh pawl cu Airport, Hotel le 1970 kum ih Wheels thu a nganmi
pawl kha an si.  Haile hi mi mak pakhat cu a si ve ko.  A dam sungih
a tuah duh bikmi cu cangan le ca siar hi a si.  Ca ngan lawng lawng
in a can a cem ter ih, cu cu a hlimnak bik khal a si.

Iraq hrilawknak ding hi…

      Kan hmai January 30 ahkhin Iraq ah hrilawknak tuah tuma si.
Asinan, an buai tuk lai ruangah party hrekkhat cun a ni tthin hlat
sak hrih an duh.  Kan dung baite ah US ralkap pawl cun Mosul khawpi
sungah milai ruak 15 rori an sar la la a si.

Yangon thuthang…

      November 26 niah kawl ram ralkap cozah cun Insein thawnginn
ihsin milai 1000 lai a suah tiah The Star, Malaysia thuthangca cun
tlawngkai ninga niah a suah.  Hi thawngtla an suah pawl tamsawn hi
politic ruangih tang an si.  Kawl ram cozah ralkap cun thawngtla 9000
lai suah bet an tum tu thu an than cih.  Hi mi niah hin, Insein
thawnginn leng ih sungkhat pawl hngak tthep tthep tu pawl cu Truck 20
rori in thawng tla pawl phur in a lan san vuahvoa si hmang.

Linghnin ah milai 17 thi

      Indonesia ih Papua province cu kan dung tlawngkai ninga niah
linghnin in a nuai ciamco la la ih, milai 17 an thi.  hi linghnin hin
inn 300 hnak ih tam cu luah tlakloh ah a canter ttheh ih hleiah milai
130 rori in hliam nazet an tuar bet a si.

Tlawng nauhak pariat rori, nam ih dawt that tu cu..

      Yan Yaming, 21, Tuluk tlangval cun nam te thawn tlawng inn
pakhat ah lut in, tlawng nauhak pariat rori a dawt that ih, a mah
khal thahawk a tum nan Police in an kai man.   Hi tlawngah hin
tlawngta 300 hrawng le zirhtu 190 hrawng an um.  Tuluk ramah hin a
burpi ih thah awk hi a lar thar ciamco tla  bang.

Theihkau nak lam

      Library         Din kum

1. Canterbury                     1847

2.  Warrington                  1848

3.  Salford                 1850

4.  Winchester                  1851

5.  Liverpool                     1852

6.  Manchester Free         1852

7.  Bolton                  1853

8.  Bolton                  1853

9.  Ipswich                1853

10.  Cambridge         1855

11.  Kidderminister           1855

       A par ih Library pawl hi Britain ih calai runpi um hmai sa
pawl an siih, hi mi lo Theological library pawl tla 17century
hrawngah a rak um hnuai hni zo.  Library tamawn khi, cabu san man mal
tete lak an si thluh hai.  Asinan, 1850 kum ih an rak dinmi Public
library Act le Manchester Fre Library pawl hi man kuan ttullo ih san
theih, siar theih nak hmun umsun an si.

Online- ttawng hman tambik  pawl

      Ttawng          Internet Access

1.  English                  280,000,000

2.  Chinese                170,000,000

3.  Japanese                        90,000,000

4.   Spanish                        68,000,000

5.   German                        62,000,000

6.  Korean                    43,000,000

7.  French                     41,000,000

8.  Italian                      35,000,000

9.  Portuguese                     32,000,000

10.  Russian                 940,000,000

UK ih cabu tambik Library pawl

Library le umnak hmun       Kum           Cabuzat

British Library, London       1753         15,000,000

National Library          1682         7,000,000

Bodleian Library, Oxford        1602        6,675,000

University Library,Cambridge1400      6,530,000

N. Library of Wales,

Aberystwyth                            1907       5,000,000

British Library on

Politic and Economic Science1980         4,000,000

Shaolin Wushu Central

      1988 kumah Tuluk cozah cun Song Shan Shaolin Central hi an rak
din ih, an tum tahbik mi cu 1,500 lai ih rei Shaolin kungfu le an
miphun dan te nun ter ring ring hi a si bik.  ¡° ram dangmi pawl
hranga Hotel khal kan nei cih, a rawng thei thei rawn tlawng uh¡±
tiahm, director General Master Jiao Hongbo cun a phuang. December 15
le 16 ahkhin Songshan Shaolin Wusu Centre cun Malaysia ih Putra
indoor Stadium ah an thiam an show ding.  Ticket RM 30, RM 50, RM 70
& RM 100 pawl tla an si.  Zoh duh tui hrangah 03-79671388/ 03-
77262002 ah suh hlam theih a si.

Genting Trip

       Kan hmai Inrin December 4 ahkhin LCF cun Chrismas hmuanak le
Spritual retreat hmang ding in Genting Highland lam feh ding a
tawlrel ih, kan zaten pawk ciau tum uh si.

                                          Ed.

Lehnak lam

Beckham :  Kum 34 a sih tiang Real ah

       Real Madrid cun England captain David Beckham cu kum hnih um
sal dng ih an ti laiah, 2009 tiang a um sawn ding a si.  Beckham a um
hn u hin Real cun football lamah tthansonak tumpi cu an nei ciamco
lem lo.  Asinan, Economic lam ah lawng te tampi hlawknak an neih
phah.

       Beckham um hnu hin Asia Market lamah hlawknak tampi an nei ih,
tui season thluh hin America lam khal ah tthin awk vivo an tum a si.
England team -mate Michael Owen thawn mi ramah rei kan lek tlang man
lo ding a si hi tiah a rak ttawng zuk zo nan, rei sawn an lek tlang
vivo lai ding tinak a si cu.

Larsson

       Sweden, Bacelona Striker Henrik Lersson cun Sat. Real 3 – 0 ih
an neh niah a khuk a nater iha cawl hrih ding a si.  Larsson,33, hin
a ram hrangah 82 a leknak ah goal 32 a thun thei.  EU cup ah goal
thum thun in quarter final a thlenpi ih, Hollan kha panelty ah an
nehlo menna.  1998 kum ah Sweden ram cun golden ball laksawng an pe
zo ih, kan dung zarh ah aveihnihnak a dawng sal  a si.  Tui kum thawk
lam ah Celtic season 7 a um hnu a a tthawnaw.

UEFA cup result

Group A

Basel ( swi )            1 Heart ( sco )              2

Schalke 04 ( Ger )    2 Ferencvaros ( hun )       0

Group B

S. Uges ( bel )          2 Parma ( Ita )                   1

S. Bucharest ( rom ) Besikat  ( tur )           1

Group C

Club Bruge ( bel )     1 Utrecht ( ned )               0

D. Dnipropetrovsk( ukr ) 1. A. Vienna ( Aut )   0

Group D

Sochaux ( fra )             0. Newcastle           4

D. Dnipropetrovsk       0. Sporting ( por )         4

Hi ti, Beckham ih can an pawh sausak lai ah 2006 ih cem ding Louis
Figo lawng thuhla lawngte ziang hman rel a si hrih lo.  Devid Beckham
hi Real club- ah hin, zarh khat ah Pound 116,000 rori a hlawh a si.
Roti chennai man ah cun a buailo viau ke….

Sport Personality of the year- ngah tu pawl

Kum         Nehtu       leknak Item

2002             Paula Radcliffe      Athletics

2001             David Beckham    Fotball

2000             Steve Redgrave    Rowing

1999             Lennox Lewis              Boxing

1998             Michael Owen             Football

1997             Gerg Rusedski             tennis

1996             Damon Hill         Motor zuamnak

1995             Jonathan Edwards       Athletics

1994             Damon Hill          Motor zuamnak

1993             Linford Christie          Athletics

       1999 kum tawp lam ah khan, Muhammad Ali cu sports Personality
of the Century ih phuan a si.

Hnih hi sii tha bik a si

Ka lungkim ve lo

       A pa in a fapa hnenah ¡° Pate na cu thlang a sisi nupi ding
hual ( duhmi ) cia na neih le ningzak lo ten in sim aw¡± a ti.  A
fapa pate cun ¡° Ka pa cuti a sile kan hmunsak ih nuhmei nu in rak
sim sak aw¡± a ti. A pa cu lungkim lo zet in ¡° khi tla cu ka nu a
sisi¡± a ti. A fapa khal cun ¡° cuti a si ahcun nang teh ka nu na
neih si, ka lungkim ve lo¡± a ti.

A um lo ruangah

       Haikhawl khua ah an ti, ruk ru hmang tak pakhat a rak um. Ni
khat cu mi dang Hai rah a fir ih a ttum lam ah hai nei tu pa in a hmu
ih ¡°Rum Lian ziang na tuah hai na ru a si lo maw?¡± a ti. Rum Lian
in ¡°si lamlam hlah caw rawl ka hawl¡± a ti. Hai nei tu pa in Hai
parah caw rawl a um dah kel mawsi¡± a ti. Rum Lian cun ¡°a um lo
ruangah ka rawng ttum nak a si ko¡± a ti. Cuticun Rum Lian cu cawrawl
hawl ngah lo in  inn ah a tlung sal pan lo maw!!

                                   Salai Eddy

Hruaitu weekly news hi  online www.ycld.org ah siar theih ringring a
si.

Damten mangtha/ suntha

Comments

comments

Comments

%d bloggers like this: