HRW Pawlin Ban Ki-Moon An Mawh Thluk

HRW Pawlin Ban Ki-Moon An Mawh Thluk

UN Secretary General, Ban Ki- Moon cu China President, Hu Jintao thawi Tihni sunih an kawmawk nakah minung diknak covo kilhim nakding thuhla zianghman a rel suaklo ruangah Human Rights Watch pawlcun an mawhthluk thu mizan sunah New York khawpi ihsin an sim.

HRW pawlcun  Nobel Peace Price ngah dingih hriltlinmi Liu Xiaobo cu China Cozah in kum 11 sung thawngtla dingih an thu an relsak miih thuhla hi Ban Ki- Moon hin relsuak tengteng dingin an nawr zoih, Asinan China President, thawi an kawmawk nakah himi thuhla zianghman a relsuak lehsilo ih, Curuangah HRW pawlin nasa zetih an mawhthluk nak a si.

Ban Ki- Moon hin himi Nobal Peace Price ngah dingih Liu Xiaobo an hriltlin ttumah khan a lungawipi thu a simzo ih, Asinan himi thu ah Ban Ki- Moon hin China Cozah hnenah ziang thuhman a relpi hrihlo. Himi thuih Ban Ki- Moon in China Cozah a nawrlo nak sanhi, UN Secreatry General, hrilsal tikah China vote a hmuh lo a phan ruangah a si ding tiah HRW pawlcun an zumthu an sim.

Nuclear Ralthuam Thu Ah UK Leh France Lung Rual

British Prime Minister, David Camaron leh France President, Nicolas Sarkozy tei pahnih cun UK leh France Nuclear ralthuam Test nakding ih hna ttuantlang dingin lungkim tlangnak an nei.Himi an thurel tlangnakah UK leh France hin an Nuclear ralthuam neihcia mi remthat salnak dingah UK ram an hmang dingih, a test nak dingah France ram an hmang thungding.

British PM office Downing Street thupuangtu in a sim nakah ram pahnih in Nuclear ralthuam thuhla ih thu harsatnak an rak neih micu tuah cun relfel a sizo tiah a simih, France thawi Nuclear ralthuam thuhla ih rualrem nak thutiam an tuah ruangah UK leh US pehtlaih awknak a siatphah cuanglo tiah a sim.

(Visited 57 times, 1 visits today)

Comments

comments

Comments

%d bloggers like this: