Hruaitu Tha Ih Neih Ding Mi Ziaza – Dr. Frank Page

Top Leadership essentials by Dr. Frank Page

1. Godly character: Nuncan ziaza sia in hruaitu tha si a theih lo. Nuncan ziaza cu hruaitu tha pawlin alo theih lo an neihmi mizia asi.

2. Divine caling: Pathian kawhnak um loin hlawhtlin a theih lo. Pathian kawhmi hruaitu cu Pathian in a hmangih Pathian tumtah vekin tumtah hlensuak asi.

3. Visionary: Hruaitu tha cu Pathian hnen ihsin hmuhnak, Pathian aw thei In Pathian ih hnatuan termi Pathian tumtah tuansuak tu asi.

4. Christlike concern: Hruaitu tha cun Pathian ih ngai pawimawhmi a ngai pawimawh ih amai taksa nunnak, hmin thatnak, lungawinak hnakin a thupi sawnmi, a man khung sawnmi Pathian tumtah hrangah a nung asi.

5. Fruitfulness: Hruaitu tha cu a tongkam hnakin a nun rah ah a lang. Thlarau mizia a nunah a rah suak ih thiltha tuahtu, lungrualnak, duhdawtnak, thiltha, thansohnak, rualremnak tipungtu, Jesuh uknak karhzai tertu asi.

6. A team worker: Hruaitu hna cu amah te lawng hnatuantu asilo, mibur thawn hnatuan thiamtu asi. Midang thawn rualrem ten hnatuan a thiam ih tumtahmi cu mibur zapi ten mai tumtahmi vekin an ruah ciar In tuanvo an la cio asi.

7. Prayer: Hruaitu tha cu milai thazang, fimnak, theihnak, mibur thazang, pawlkom thazang, sumpai ah a thum aw lo ih thlacamnak In Pathian thawn cat bang loin pawlkomnak nun neitu asi. Pathian thawn thu rawn aw in tangdor ten a fehtlangtu asi,

8. Integrity: Hruaitu tha cu a nunah a ruahmi, tongmi, tuahmi ah Pathian hmai ah le minung hmaiah zahpi ding a neilo. A nun a thianghlim ih dik lo nak hrimhrim nun a nei lo. Dingfelnak nun thianghlim, nun langhngan zetin a nung ih lailan zetin a nung. Nun thup, zep tulmi nun a nei lo.

9. Comprehension: Hruaitu tha cu a nun, a tuanvo, a pehtlaihmi ziangkim ah theihkim ding a zuam ih theih thiamnak In ziangkim khaikhawm thiamtu asi.

10. Conflict management: Hruaitu tha cu kalhki nak hahdam ten rem thiamtu asi ih amah dodaltu pawlin a cangvaihnak ile a nun an danglam ter lo, a tuah dingmi tuanvo daltu kalhki nak pawl a tha bikin a tumtahmi pelhsolh lo dingin rem thiamtu pahtlang thiamtu asi.

11. Courage: Hruaitu tha cu a ral a tha ih tihcing khalin a tuanvo tuan theh thei tu asi. Amai nunnak hnakin a thupi sawnmi man khung sawn mi tuanvo ka nei ti a thei ih ziangkim pahtlang in feh ngamtu asi.

12. Commitment: Hruaitu tha cu pumpeknak nun a nei ih a tumtahmi tuansuak dingin zianghman ih kham theih lo In tumtahnak pumpeknak nun a nei asi.

13. Communication: Hruaitu tha cu pehtlaih nak felfai a nei ih thu hla theihter tulmi a tikcu te ah a theih tultu hnenah kim cang ten a tikcu te ah duhdawtnak In hahdam zetin theihter thiamtu asi.

14. Great time manager : Hruaitu tha cu a tikcu can man nei zetin hmang thiamtu asi. A men men in amai tikcu can siseh midang tikcu can siseh cemral tertu asilo. Man nei zetin tikcu can hman thiamtu asi. Rei lo te Leitlun can cu sankhuk daih hrangah man nei zetin hmang thiamtu asi.

15. Accountability: Hruaitu tha cu a tuanvo ziangkim ah Pathian hmai ah tuanvo neitu, langhngan zetin ziangkim tuantu asi ih mipi hnen khalah a tuanvo cipciar theihter in tuansuaktu asi, ziangthu hman a thup a thli In a hruk a ral In thuthup In hna a tuan lo. A ruahmi, duhmi, tongmi, tuahmi pawl dinpi ngam in langhngan lailan zetin hnatuantu asi,

16. Celebrate victory: Hruaitu tha cu hlawhnak mitthlam In a hmu cia ih hlawhtlinnak neitu pawl lawm thiamtu, hlawhtlinnak lamzin ah midang hruai theitu, a rah suah hlan ihsin a rah suah dingmi mithlam an hmu In lungawi sopar In lawm thiamtu asi.

(Note:Points by Dr. Frank Page, and note by me)Dr. Frank Page cu Southern Baptist Convention (SBC) cu Excutivr Officer tuan Lai asi.

Lawrkhawmtu: Rev. Dr. Hre Mang

(Visited 77 times, 12 visits today)

Comments

comments

Comments

%d bloggers like this: