Hruaitu Kan Hril

Hruaitu Kan Hril

Siar:

Joshua 24:14-25

Nan ren duhmi tuih sun ah hril uh. Kei le ka innsaang cun Bawipa kan biak ding a si. – Joshua 25:15

Kumkhat Sung Baibal:

Ezekiel 19-21

Thufim 13:1-12

Tuih sun ah US ram ih mi tampi cun an ram hrangah hruaitu ding pawl Prsident tiang mee peek in an hril. Mipi hmai ah thla reipi thusimnak tampi an neih hnu, TV thuthannak, thu el awknak an tuah hnu ah mee petu in “Nangmah ka lo hril” tiah ti theinak an nei. Mipakhat ciar ih duhmi cun an ngah lo ding nain, mi zate in mee pek ih duhhril theinak an nei.
Ram uknak lam ih hruaitu cu mi tamsawn ih hrilmi an si nain nitinte kan pumpak nun in hruaitu ding cu kanmah te hril theinak kan nei. Thlarau lam ih hrilnak ahhin midang in zo an hril khal le kan thinlung sungah kanmahte hrilmi kan nei.
Canaan ram an luh hnu kum tampi hnu ah a tarzet thlang mi Joshua cun mi seenpi a ko khawm ih a forh hngai. “Bawipa nan ren duh lo a si ahcun tuih sun ahhin hril uh… nan pupa pawl ih an rak biakmi khawzing sawn maw nan biak ding, hril uh. Kei le ka innsang cun Bawipa kan biak ding a si” (Joshua 24:15). Cutikah Isreal mi pawl in Joshua hnenah, “A si lo, Bawipa lawnglawng kan rian ding a si” tiah an ti (c. 21).

Mikip in Pathian pakhatkhat cu kan rian cio. Kan thinlung sung in uktu dingah tuni ah zo kan hril?

Na duhnak ka hril, na hnen ka lo peek,

I peekmi ka nunnak hmuahhmuah;

Na duhnak ka hril, nunnak ka lo dil lo,

I peekmi hnattuan ding siar lo ka hril lo.

Nitin te’n kan nun ih kan thlun dingmi kan hril

Comments

comments

Comments

%d bloggers like this: