Hruaitu Issue 99

 Editorial
    DECEMBER!!!
  Zumtu le zumlotu, upa le nauhak, nonawn le tar pawl tiang ih Kan
hngahhlap zetmi ni sunglawi ¡§ CHRISMAS¡¨ rim a nam sal zo a si lo
maw???
December thla kan lut zik thlang. Sweet December hrang ah teh nang,
ziangtin na tim an tuah? Na hnat.uannak hmun ah maw hi ni sunglawi hi
na
liam ter men ding?  Pathian thlawsuah comi ram pawl cun thlawsuahnak
a
petu Pathian mithmai zoh in ¡§ December thla¡¨ hi an hmuak ih; ni 25
lawng silo in, himi thla ah hin a tam thei tawp in Pathian an
thangt.hat,
thla an cam, an caan t.ha neih sun Jesuh hrang an pe.
  Rual duh, t.ha ten ruat sal hman! ram t.hangso pawl ah cun Chrismas
Decorations mawi thei tawp ih tuah in an dawr le inn pawl cu thla
dang
menmen thawn bangaw lo in an tuah t.heh ho khaw. December thla hi mi
hmuahhmuah hrang ah a sinan, nang le kei zumtu pawl hrang ah a hleice
in
kan sunlawih dingmi le kan Pathian hrang kan caan t.ha, thazang,
thiamnak le sumsaw etc…hmuahhmuah kan pek dingmi thla a si ti hi
rak hngilh
siang hlah.  December thla ah cun khual tlawngmi pawl hmuahhmuah in
mai
inn hlum lam an pan ih; meithal kai pawlhman in an meithal phen ah
Bethlehem ih suak naute hmel an hmu  ringring so khaw!!
  Unau….ziangtin December hrang ah na tim na tuah ve ????
  Na beidawng hlah
  Harnak caan ah na bei a dawng mei asiahcun mi san tlai lo tak na
si.
Thufim 24 : 10

By : Re. S. Ni Luai.
  B.C. 609 – 598 kum hrawng ah khan Judah ram sung ih siangpahrang
cu
Jehoiakim a si kum thumnak ah Babulon siangpahrang Nebuchadnezzar in
Jerusalem khawpi a do ih a kulh t.heh. Siangpahrang Jehoikim cu
Bawipa a
Pathian hmai ah thil sual a tuah. Babulon siangpahrang Nebuchadnezzar
cun Judah ram cu a siim ih, Jehoikim cu a kai, thir cikciin in a
hreng
ih Babulon ram ah a hruai.
   ( 2 Sansiarnak 36 : 6) Israel miphun pawl cu sal ah kum 70 an
tang,
mino tampi a that t.heh. An thilri pawl cu Babulon ram ah a tlunpi
t.heh. Israel sung ih siangpahrang hrin le mino bawi phun piang fai
deuh le
mifim zirnak nei cia mi, bengvar deuh le kut ke kim mi pawl a zoph ih
tlawng an kai hnu lawng ah Babulon ram sung ah hnt.uan t.ha an t.uan
thei ding tiah thu a pe.
  Daniel le a Rualpi
              Himi caan ah hin kum 70 sal tan cu a har zet ding.
Babulon siangpahrang in Kaldai ca le t.ong zir ding in thu a pe. An
hmin khal
Hebrew t.ong silo in Kaldai t.ong in a thleng t.heh. Mi kip zuu in
ding
in thu a pe. . Israel mi tam deuh cun an eel ngam lo ih zuu le sa, a
thiang fai lo mi pawl cu an in an ei t.heh ve.  Zuu in le sa ei mi
cun
sal an tannak thu le Pathian thu khal an ruat thei lo. Hmai lam caan
khal
an ruat thei lo. An bei dawng t.heh in zuu le sa thawn an beidawng le
donhar cu an hnem aw.
              Minung tampi cun kan beidawn caan ah zuu leh sa thawn
kan
um ih Patian thu ih thazang thar lak hna kan thiam lo. Pathian in
ziang
tinkim a tuah thei ti khal kan zum lo. Ca thianghlim sung ah harnak
na
tawn caan ah thla-cam aw..tin a ngan. Hlawhtlinnak na hmuh caan ah
Pathian thangt.hat aw. Jesuh cu Pathian in thazang la aw, ralt.ha zet
in um
aw..na beidawng hlah a ti ringring.
              Kan Lai mi Malaysia ah tampi kan thleng thlang. Zuu ri
sabah ih a um mi tampi ka hmuh caan ah,  ¡§ Ziangruangah zuu na in
tiah
ka sut t.heu. An sim t.heu mi cu ka bei a dawng¡¨ an ti t.heu. Harnak
kan tawn caan ih kan bei a dawng mei ah cun  kan cem taktak ding.
Thazaang thar kan lak a t.ul. Kan tha zang thar lak nak ding le kan
cahnak kan
fimnak ding .
  ah thil t.habik cu Pathian dung thlun ih nun dan thar lak hi a si.
Pathian, na dan ah thazang la lo seh la, harnak ka tawn le ka zonzaih
caan ah ka thi zo ding… ( Sam 119 : 92 ).
              Ka u le ka nau le nuh Malaysia ram ah a thleng mi,
thihnak thlanmual tlang ih dingmi kan tam tuk thlang. Leilung nawm
cen le zuu
ri sabah kan tam tuk. Hihi mithi khua kawtka ah ka ding tinak a si.
Caan t.ha na neih lai ah Pathian hnen ah tha zang thar kemah thawn
lak
tlang uh si.
  Hi Nun Zir uh si
              Daniel, Hananiah, Mishael le Azariah an tel ve. An pali
in Judah hrion sung ih mi an si. An bawi upabik cun hmin thar a sak
hai.
Beltesazzar, Shadrak, Meshak le Abednigo an si. Kaldai t.ong le ca an
zir ter hai. Cuvek thotho in kan nih khal kan fehnak ah kan t.ong si
lo
mi le kan ca si lo mi ngan thiam le t.ong thiam kan tum ding. Hiti
ka
ti tik ah kan ca kan t.ong hngilh ding ka ti nak a si lo. Leilung mi
phun kip ih ca t.ong thiam hi a thupi zet. Kan thiam lawng ah anmah
vek
in hna kan t.uan thei ding. Daniel le a rualpi pali in tla mi t.ong
an
thiam ruangah, mi ram ah Vuankyi an t.uan thei. Asinan ei le in ah an
ralring tuk. Zumtu ih eimi le in mi hi kan ral ring a t.ul ve. Mi ram
kan
fehnak ah an ca le an t.ong thiam tum uh si. Anmah hnak ih kan thiam
ah
cun mit ah thil t.habik cu Pathian dung thlun ih nun dan thar lak hi
a
si. Pathian, na dan ah thazang la lo seh la, harnak ka tawn le ka
zonzaih caan ah ka thi zo ding… ( Sam 119 : 92 ).
              Ka u le ka nau le nuh Malaysia ram ah a thleng mi,
thihnak thlanmual tlang ih dingmi kan tam tuk thlang. Leilung nawm
cen le zuu
ri sabah kan tam tuk. Hihi mithi khua kawtka ah ka ding tinak a si.
Caan t.ha na neih lai ah Pathian hnen ah tha zang thar kemah thawn
lak
tlang uh si.
  Hi Nun Zir uh si
              Daniel, Hananiah, Mishael le Azariah an tel ve. An pali
in Judah hrion sung ih mi an si. An bawi upabik cun hmin thar a sak
hai.
Beltesazzar, Shadrak, Meshak le Abednigo an si. Kaldai t.ong le ca an
zir ter hai. Cuvek thotho in kan nih khal kan fehnak ah kan t.ong si
lo
mi le kan ca si lo mi ngan thiam le t.ong thiam kan tum ding. Hiti
ka
ti tik ah kan ca kan t.ong hngilh ding ka ti nak a si lo. Leilung mi
phun kip ih ca t.ong thiam hi a thupi zet. Kan thiam lawng ah anmah
vek
in hna kan t.uan thei ding. Daniel le a rualpi pali in tla mi t.ong
an
thiam ruangah, mi ram ah Vuankyi an t.uan thei. Asinan ei le in ah an
ralring tuk. Zumtu ih eimi le in mi hi kan ral ring a t.ul ve. Mi ram
kan
fehnak ah an ca le an t.ong thiam tum uh si. Anmah hnak ih kan thiam
ah
cun mit hmai t.ha kan ngah mei ding. Sum le pai kan hawl phah ah
fimthiamnak lam khal hawl cih uh si.
  Hitin ti ve aw..  Daniel le a rualpi cun Babulon siangpahrnag ih
zuu
in ding thu a pek cu thih ngam in an eel. Daniel cun khua a ruat ih
siangpahrang inn ih eimi le inmi pawl tuah ve cing cun a biaknak lam
ah mi
thiangthlim a si thei lo ding ti a thei. Tlawngta dang pawl cun an el
ngam  ve lo. Zuu in phah in tlawng cu an kai. Daniel le a rualpi pawl
cu
fimnak, thiamnak Pathian in a pek hai. Kan Pathian cu a thianghlim
vek
in kannih zumtu pawl in Pathian kan t.an tik ah a thianhlimnak kan
t.awmpi ding.
                  Zu le sa ei le in tahrat in kan biaknak lam ih mi
thiang lo si cu kan duh lo ti ah ralt.ha zet in Daniel le a rualpi
pawl ih
an dinpi ngammi nun dinpi ve uh si. Pathian in sualnak tuah rero ding
ah in ko lo. Mithianghlin si ding ah  in ko. I Thessolonica 4 : 7.
Thatnak tuah ah pa ralt.ha si zuam uh si.
                  A tu kan miphun, zumtu kan timi cu sual tuah lam ah
kan ralt.ha tuk lawmmam. Hi lam zin cu farah le mi nautat tuarnak
lamzin
a si. Pathian hnen ah nun thar in kir saal uh si. Pathian kan tlun ih
a
lungawi ah cun hminthannak le fimthiamnak, lennak.. ¡§Pek ka duhmi
hnen
ah ka pe¡¨ a timi cu kan co ko ding.  ..
  Abraham Lincoln
  ih
  Thufim hrilkhawm
  *  Milai hmauhhmuah in upat pek le thangt.hat pek an duh ciau ti
hngilh hlah.
  *  Milai umtu dan le Leitlun thil umtu dan theihnak hrang ah na
sumpai le caan t.ha hmang aw.
  *  Ruahsannak nei lo milai cu an beidong t.heu.
  *  Hruaitu t.ha cun thupek ( command ) hnak in zangfah ten, a t.ha
pei maw…etc…tivek t.ong kam an hmang t.heu.
  *  Tohkham sang ih na thlen le na hnuai ih mi pawl kha hngilh lo in
bawm sawn aw.
  *  Mi dik pawl aw la, a dik nawn lo le tanta lohli aw.
  *  Na kaihhruaimi pawl in veikhat te an lo zum nawn lo ah cun
ziangtik hman ah na thu an lung nawn lo ding.
  *  Hmint.hatnak a co tu hruaitu pawl hnen lawng ah mipi an um t.heu.
  * Pawlkom pakhat mawi le mawi lo cu hruaitu par ah a t.hum aw.
  *  Thin so tuk mi, misenpi cu t.ih hlah. Na diknak lawng kha felfai
ten dinpi aw.
  *  Na theih tawk le na thiam tawk te in t.uan aw la, a cem tiang
t.uan aw.
  *  Thil dik lo ih an lo puhnak ah a poilo na ti men asile, vei
tampi
thuphan ih an lo puh nak ding lamzin na onsak tinak a si.
  *  Pawlkom pahnih ih an lo upat cun upat tlak mi na si. Asinan,
pawlkom khat lam ih an lo fak rero lai ah khat lamin ziang ih an lo
siar lo
cun ralring aw.
  *  Doawknak ih na sun ruang men ah  a hman na timi kha bansan hlah.
  *  Nitin ih na tuahmi cun na tumtahmi lamzin hrang dawnkham ih na
theih asile bansan hreh hlah. Asinan, na tumtahnak a lo bawm asile
napi in
zuam deuhdeuh aw. Ruahnak thar le t.ha sawn hrang ah sangka ong
ringring aw.
  *  Hnat.uan tu pawl hrang khua na ruah sak bangtuk in hnat.uan a
duh
tu tam sinsin an um thei nak ding lamzin onsak aw.
  *  Na thin a heng tik khal le, na thinhengnak cu na ka ihsin suah
ter
lo in ca ah ngan sawn aw. Asinan, cui ca cu na thin hengnak nu/pa
hnen
ah thleng hlah seh.
  *  Thu el awk le sual buaiawknak hrial aw.
  *  Ziangtik laikhal ah cangvai hmaisa bik si ringring aw. Netabik
si
hlah.
  Super Power nei ti thinphang tu Binladen
                                                    By : Za Khup
Luai .
  Osma B in l aden kan ti cun zo khal in kan thei thluh ko ding. (
zawih caponak maw ) Awl te ih len na duh le, ¡§Pu Bush hnen ah hruai
mei
ding¡¨ an ti. Binladen hi  Saudi Arabia khua le ti sinak nei,
constructor
fapa a si ih an harsa lem lo.
       Ahlan ah cun US thawn rual  t.ha an rak si. Comunist ral lian
in
Afagan a cim cuahco ah khan, US bawm mi voluenteer ziangmaw zat an
rak
feh ah khan a rak telve mi a si. Ral an do tlang,  tlangnel zet in an
rak um. Hi vek in thil a rawng um nak hi cu, sakhuanak ruangah a si.
       An ral an nor neh thlang tik ah an ram Saudi kiltu US ralkap
pawl kha lasuak ding in a phut, ¡§nan um a  t.ul nawn lo¡¨ a ti.
Asinan
cozah pahnih an lung a kim zo ruangah; ralkap pawl an suak lo. Cu cun
a
thinheng ter.  ¡§Kan hmun thianghlim bik ah zumlotu Jenteil pawl nan
um
ding a si lo¡¨. Saudi..Mecca hi Muslim hmun thianghlim bik a si.
Sakhuanak lak runtuk ruangah ral ah an rawng cang riai.
  Cui thawk in hni suamso ih an rak biak  t.heu mi cu a ha cang a
rial
hnawh. Remcang a hawl. A rei hlan ah hmun thianghlim ih um zumlo tu
pawl lak ah bom a puak ih mi ziangmaw zat an thi. An met aw riairiai
thlang.  Cuti ih US duh loh zawng ih a cang tam deuhdeuh ruangah a
ram cozah
in an khua le ram in a dawi bakah, khua le ti sinak an hlawn sak.
Zianghman lo ah a cang ve thlang. Cutin umnak ding t.ha nei lo ah a
cang.
Cutin umnak ding fumfe neilo in, hmuntin ramtin ah a vak vai. Beunak
ding lungpi a hawl, zangfah ih rak mikhual tu pawl khal in pa la pa
t.ih
awk ruangah rei an mikhual ngam si lo.
       Nairobi, Tanzania, Manila etc..pawl bomb puak ruangah zoh
menmen
ding minung a si lo ti an theih ruangah kaih tengteng ding in an
hawl.
Pa le pa, ngam leh ngam, a suk so ah an hawl aw. Cuti ih umnak ding
neilo ih a vahvaih lai ah, Afagan pacang Mohamed Mulah Omar an timi
pa in
a mikhual ngam a sim thu a    theih in Afgan ram ah a feh..a um. Mi
ral t.ha rak mikhual ngamtu a si ruangah maw si ding thei hlah, a
fanu
nupi ding ah a pek lawng silo in Osma ih fanu khal a  t.hi ve. An pu
aw
veve a si cu!
       Cu tawk hmun in a fimthiamnak a neihmi thawn remcang a hawl,
t.habik ding ih a theihmi cu vanzam mawn thiam a  t.ul ti a theih
ruangah
a nau le pawl vanzam mawn a zir ter. Cumi ruangah Leitlun ah thil
rapthlak a thlen  phah a si kha. Cutin a nau le pawl cu mi zo khal an
thlen
duhnak vanram nauta ah a feh ter hai. Remcang an hawl. An tumnak vek
in
khawpi nuam an timi New York khua ih, leitlun sumdawnnak W.T.C. innpi
pakhat sawn vanzam in a pah hnu, munite 15 ah pakhat in a rawn pah
lala.
       Culawng a si lo Washington ih um leitlun ralvennak  t.ha
hminthang Pentagon an timi innpi cu vanzam pakhat in a rak pah ve. A
tawk hrih
lo. A dang pakhat ziang pawi khawih tum in maw a rak zuang lai,
asinan
passengers pawl ral t.hatnak ruangah ziang pawi khawih lo in amah
lawng
tupi lak ah a tla an ti a si kha.
       Thilmak an timi cu vanzam pawl kha US ta lawnglawng an si. Inn
leng ih hroawk men lawng silo in innsung rori ah, mehtawk in cal ih
cil
va hnih cu rak tuar men cu thil har a si ding. Pu Omar hnen ah
thusuhnak mak tak a thleng a si kha. ¡§Na mi khualpa kan kut ih pek
maw do awk,
thih maw nun ha na duh ti pawl¡¨. Mai fanu pasal, mai nupi ih pa;
kut
kawl bun in ral kut ih pek cu a harsa deuh a si ding…pa le pa a rak
ti a si kha. A uar pawl hrang tla ah cun Leitlun ralpi pathumnak a
suak
ko ding, thiang lawr khal a thlen zum um khawp in do awknak a suah
phah
a si kha.
       Tui ni tiang ah cun  Leitlun milai lak ih  t.ihnung milar
hminthang Lucky ticket laksawng phur tambik lak ih tel cu a umnak
theihlo in
a hlo hrih cu a si hi maw!! Ziang a cang ti cu caan in a rawn her
suahpi leh ko ding.  Kan rak hngak hrih poh a si pei cu.

Lungawinak
  Morrie Freeman.
  Minung buainak le riahsiatnak hmuahhmuah hi lungawilohnak a
phunphun
ruangah a si.Sungkua,rualpi karah, miphun dang leh miphun dang,
hnamdang le hnam dang buainak le doawk nak, sualnak hmuahhymuah tla
hi lungkim
loh nak ruang ah asi. Asi ah cun, sual nak hmuahhmuah tlansan thei
dingin lungawinak cu khawiah so? Lungawi dan cu khawiah so? na ti
ding.
            T.angka le thilri tampi hi a si lo maw? Ei le in ding hi
lungawinak maw? Puan le thuamhnaw hi maw lungawi nak? A phunphun na
ruat
thei ding. Na duh zawng cekci ih um kha na ruat nak ah cun
¡¥lungawinak
famkim¡¦-ah na ruat thei.
            Bible sung ah lungawi dan thu tampi kan hmu, asi nan
Bible
ah cun Thlarau lam ih lungawinak a sim tam deuh ruang ah, sermon ngai
le bible siar nak ihsin kan thei thei ih, nghilh sal tla a awl
zet.Curuang ah hi tawk ih ka sim duh mi cu, Bible neilo in nangmah
lawng ih na
um can hrangah a si.
              Bible na siar paih lo can tla a um thei, na siar ih
lungawi dan ding na thiam lo can tla a um lai thei. Biak in na feh
ih, na
beisei zawng le na ngai duh zawng thu an sim loh can tla a tam men
thei.
              Curuangah Biak in feh na paih nawn lo tla a si thei. Na
lungawi nak ding na hawl ih, nangmah ten na hmu fiang thei lo tla a
si
ding. Sum tampi na duh ih, na neih thei loh ruang ah si seh, nun nuam
zet ih um na duh ve ih, cu cu na hrang ah a cang thei lo vekin na
ruat
can tla a um thei.
              Leilung tlunah hin thil pahnih lawng mi hmuahhmuah
hrang
ih hman zet a um¡¨ tiin sociologist pawl cun an sim. Cu cu
  1. Nun nak midang thawn thleng thei loh mi, fir thei lo mi pakhat
ciau kan nei. 2. mi hmuahin nikhat sung ah nazi 24 hman ding kan nei
thluh. tih a si.
              Hi te pahnih lawng hi ruat hman hnik. Na lungkim nak
ding
lamzin on nak a siin na thei maw? Na nun nak le na tikcu can na hman
dan kha midang le Pathian hrang ih thupi bik a si sawn.
  Na lennak,na in le lo ruang ah maw, na nupi maw,  na fala nu a hmel
t.hat ruang ah tla midang le Pathian hrang ziang hman t.hat hnem nak
a
um lo. Cu vek cun na hrang ah tla lungawinak ngaingai a um lo ding.
Leilung tlun-ah mi lian le thil tithei tampi an suak zo.
              Mifim le ca thiam, hmel t.ha le milian, bawi le ram uk
tu, mi lar le hla sak thiam, a phunphun an suak zo. Anni cu na daw
men
thei.Minung umdan zirtu ¡¥Anthropologist¡¦ pawl le minung pawlawk dan
ding zirtu ¡¥Sociologist¡¦ pawl cun ¡§Kan hnak ih sang deuh din hmun
kan
daw thluh, a si nan cu Mifim le ca thiam, hmel t.ha le milian, bawih
le
ram uk tu, mi lar le hla sak thiam, a phunphun an suak zo. Anni cu na
daw men thei.Minung umdan zirtu ¡¥Anthropologist¡¦ pawl le minung
pawlawk dan ding zirtu ¡¥Sociologist¡¦ pawl cun ¡§Kan hnak ih sang
deuh din
hmun kan daw thluh, a si nan cu tawkah lungawinak ka hmu thei cuang
lo,
ziang so thupi sawn, lungawi nak ding ah ka¡¦n mah minung pakhat ciar
maw, kan umnak veng leh khua?¡¨ an ti a si.
              Minung cu Ni 10 it that lo in a nung thei lo, zarh khat
tidai lo in a nung thei lo, ni 40 hnak ih tam cu rawl lo in a nung
thei
lo,.. a hlei ce-in a lung (heart) hi nikhatah vawi 1,08,000 a thir
ih,vawikhat a chawlh cun a cem riai, a mit chu nazi pakhat ah vawi
1,800 a
khap(blink) loh cun a meng thei lo, cu vek can tep tuk kar ah cun a
um
ih, a nun nak le a can sung ah lungawinak a hmuh loh cun mi vansia
zet
a si ding.
              Na hnat.uan teh na bang maw? Hi tin ruat aw. Kum khat
sung ah ni 365 a um. nikhat-ah nazi paziat so hna na truan? Hnat.uan
can
ngai2 cu nazi 8 a si(OT tel lo in).Nikhat cu sun nazi 12 le zan nazi
12
a um.Nazi 12 cu hna truan loh can a si ih, nitin nazi 24 ihsin nazi
12
vawn hlawn aw, kumkhat ni 365/2 =Ni 182.5 hna truan can na nei.
Sunday
hi kum 1 ah ni 52 a um. 182 – 52 cu ni 130.5 .
              OT na t.uan loh a si ah cun, nazi 12 ih sin nazi 4 zel
hlawn aw, cu cu hmun thum hmun khat na hlawn tih nak a si ih, 130 –
130/3= ni 87 a si ding.( Zarhte ni na t.uan loh bet ah cun kum 1 sung
ih
zarhte ni umzat ni 52 kha na hlawn sal ding, 87-52=Ni 35).. Na t.uan
loh
can le na off ni hi kum 1 ah ni 10 si seh la, 87-10= ni 77 (zarhte
t.uanlo hrang ah 35-10=Ni 25).. na hnat.uan can ngai2 hi kum 1 ah
thla 1
ihsin thla 3  hrawng lawng vek ah a cang ding.
              Na thinlung kha lungawinak ding hrang ah na hman thiam
ah
cun nitin theihthiam nak ruang ah lung awi ten ziang khal na tuah
thei
ding¡K

  Nan hmuh pang le….?
  Tial Tin Zul ( Falam ), Kei Thawng ih pasal cun a inn lam a peh
tlaih
dah lo ih a umnak khal theih a si lo. A pehtlaih nak ding le a umnak
thei nan um le..012 – 9347742 in rawn sim thei hram uh tiah zangfah
kan
lo dil.

  Kan Sung Thu

  Sizung ih suak
               Zumtu U le Nau pawl ih thla kan cam sak re ro mi
Pakolh
cu November ni 18 (Thur) ah dam cak zetin sizung ihsin a ra suak ih
hi
ti vek ih minung kan beidawng hnu khal ah kan thlacam nak inhlawh
tling
ter tu pathian hnenah lungawi thu sim uhsi,
                    Falam ih um Sayamah Tan Thiah ih fapa Tluang Za
Thang ( Aung Tan Niang ) cu zumtu u le nau ih thlacam sak nak ruangah
dam
cak  zet in a hna a tuansal thei zo. Zumtu pawl kan thla cam nak hi
alak ih aum lo zia hi thei ringring uhsi.
           Mi damlo
             Salai Ruang Cung khal acuap tha lo nak ruangah NGO pawl
ih
sizungah aum , Dam nak le cah nak a hmuh thei nak dingah thla cam nak
in Tanpi cio uhsi.
         Thawngtla
      1.Phun Hre           ( Mangkheng )
      2.Bawi Lung        ( Falam )
      3.Zai SiamThang  ( Tivar )
      4.Sui Nei THang  ( Ram Thlo )
      5.Ram ceu           ( Ram thlo )
      6.MangPi             ( Bungtaw )
              Damnak an hmuh thei nak ding ah le Refugee adil tu pawl
in an ngah thei nak dingah thlacam nak in tan pi cio uhsi.

    Lai mi hrangah LCF Pastor
               Harsat nak nei,  Pathian hnen ih thil pakhat khat dil
duhmi nei le mi damlo pawl hrangah thlacam sak na tul asi ah cun
nitin
2pm – 5pm tiang kan biakin lo le LCF office ah kan Postor S. Ni Luai
na
rak pan thei ringring,
     Home cell
                Kan LCF pastor hi zan tin hmun dang dangah Pathian
thu
sim in a feh suak ringring ih na hna tuan nak hmunah pathian thu ngai
phah si thla cam sak na tul asi ah cuh hmai sawng lo ten rak sawm loh
li
aw na co nawl lo pang ding.
      Computer
               LCF Office ah zantin Computer kan zir thawk re ro
zo,mibang na duh asi ah cun hi vek ih chance tha hi luan ter pang
hlah aw,
hnatuan phah si in na man can te te ah fim nak ra zir ngei ngei aw.

   Klang ah Gospel
                      Kan dungzarh, zarhte zanah LCF mino 12 Klang
Sayamah Rang Rang tei in ah Gospel kan feh, Salai Paluai in charman a
tuan
ih Salai Ronald in Pathian thu in sim, Thazang kan ngah in kan nuam
tlang zet.Khawm ban hnu Tlangval pawl cu fala pawl in ziang tik na ra
sal
ding ti ih thu sut aw tla an um hnuai hni tin thu thang kan
ngah,Kahawm
ban ah cun Adai le sang thaw em em kan ei tlang hnu ah hni suaknak
aphunphun thawn kan pawlkom aw ih siang lo cingten zinglam nasi 3 ah
kan
then aw.

         Tulai Malaysia ah
                    Tulai hi Kawlram lam ihsin kan Falam mi ra thleng
thar an tam vi vo ih, Jalan Alor lamzin tluan ah cun ,zarh pi ni
lawng
si nawn lo in nitin Falam mi lawnglawng kan khat asi bik ko. Hmun
hnih
ah kan khawm nan khat lam khat lam in biak in kan khat thei ringring,
Kan Biakin in kiangkap ih Falam mi pawl khal kan thei aw cawk nawn lo
a
si .

            Ca poh                           Vei khat lai ah duhdawt
aw
zet mi rualpi pahnih an rak um, Cu tin can arei vi vo ih pakhat deuh
in
nupi a rak nei.Pakhat deuh sawn cu fala lengin zan tin a vak rero t.
heu. Zankhat cu a tlun phah in a rualpa tei in kiang a thlen zawngah
ka
rual nan it zo maw? ti in a hei  sut.Cu le a rual pa in insung ihsin
it
hrih hlah e, it ding in kan tuah rero lai.hi..hi..hi..

  An ti An ti

  @  Laimi ti awk kengkeng hi Laimi sinak a si cuang lo; Laimi
hmuahhmuah an t.uannak hmun le tlang a khat ciau thei lo an ti.
  @  Ni tin te ih hna t.uan hmuahhmuah an lian cuang lo an ti.
  @  Experiances ihsin thil t.ha zir duh tu tampi an um lai ah ; mai
tuahmi par ih sir aw le mi theih ding duh lo rere khal tampi an um an
ti.
  @  Mawinak ngaingai cu hmel ah siloin thinlung sung ah a um an ti.
  @  Mai milaipi khal duhdawt theilo tu cun milai mit ih hmuh thei lo
mi Pathian duhdawt ti awk cu thuphan per an si..Bible in a ti.
  @   ¡§Milai cu mah le mah 100% thiam kan co ter aw t.heh¡¨ mifim
pawl
in an ti.
  @  Miphun le ram duhdawt tu hmuahhmuah in miphun le ram  hrang  an
t.uan cuang lo an ti.
  @  Mai sungsuak hman upat pek hna kan thiamlo  ahcun lenglam mi
pawl
ih nautat ding cu kan covo hrimhrim a si an ti.
  @  L.C.F. mino pawl in 2005 Krismas ih Vok sum 6 thah ding kan
hngahlap tuk zo an ti.
  @  ¡§Miphun sinak cu thisen ah a um ih; pawlkom members sinak cu
cabu
sung ah a um¡¨ an ti.

  Ka Duhdawt zet mi ka fala( pehnak)

  A hnen ka thlen cun,ka thawpi ka suah rori ! Duhnungza ka parte ih
kiangah cun Kiosa hman in a mei a khup zulzo ko ding.Ka lungkim, ka
duh
mi, ka fala,ka lei lawmkim nak hmaiih ka um thei cu,khua nu¡¦i
remruat
ah khin lung a va awi em !

              ¡§ ka ca lo pek mi kha na rak ngah si maw ? ka lo
dilnak
in ngai pawmawh sak ih ka lungawi.Thil dangpi cu a silo… ka lo ngai
tuk thlang..¡¨ ti phah cun maw… a mitthli atla si cu ! Hnem
ngaihnak
khal ka thei lo,kei khal ka supaw thei ve nawn ce lo…t.ah ne mai ka
nap !

              Thei pa atwp ih suup aw cing cun, ¡§Ka lo ngai ve
tuk,hmuh ka lo duh ruangah si nan khua ka rat.Parte in duh lai ko ti ?
¡¨ tiih
ka t.ong thei hman ka lungawi lam lam… nu nau ka si lo ruangih t.ap
lo men ka si ti ka fiangaw
  nasa.ka pavua ken mi cun,ka Parte ih mitthli cu ka hnulsak ve rero.

              A t.ah ban hnu cun,tonak hmun cu kan rem.Thing kung cu
kan hngohsan phah ih,kan kut le kan kut cu kai aw tlang in,kan thu
hlun
cu ka rel tlang.Tlunlan a cuan ih,October thlapi vang cun kan pahnih
hrang a hleice in a parmawi nak a ti lang ce khi a bang !
              ¡§Parte,ka lo ngai in ka lo duh tuk,hi ti hin in thei
duh
lai ding ti khi ka rak ruat dah lo,ka lungawi tuk¡¨ ti phah cun,a kut
ka hum mi cu ka hmer phah phah.Parte khal tu cun kan tlawngkai lai
vek
ih nauhak a si nawn lo, ¡§Kei mah sawn si lo ngai tuk,na ra duh nawn
ding ti hman ka zum nawn lo,kan hla zir zan ih ka lo hmu cu..ka mang
bang
rori.Midang pi ah si ka lo ruat…cun in duh lai ngai ngai amw ? Mipa
pawl hi cu zum nan har tuk¡¨ ti phah ih a mit meng no siarsi
te,thlapi
vaang hnuai ih in hawn zoh cu amw..tuar har,val ka celh lo.
              Tan pahnih lawngih kian to cu,zo dang hman kan ngai
lo,ka
hna ngam in ka lung awi tuk.Ka duhai in kan can a rei deuh asi ding,a
naunu te cun, ¡§U Par,ka nu a lo hawl sokhaw,inn leng apwl khal an
tlung
t.heh zo ! Inn ti fel a t.ul¡¨ tiin kan thu nuam rel ali mi cu in
rawng
phit sak !

              Kei khal nazi ka zoh ih,a rak tlai thlang, ¡§
Singai,mangt.ha aw,kan tawng aw sal ding,thai sun ziangha na tuah
ding ?¡¨ ti¡¦n
ak sut phah,Parte cun, ¡§Leng hrih men aw,a tlai hrih lam lam lo,inn
sungah ka kawm aw ta lai ding¡¨ tiin tongkam amwi cun i kai der
ve,nan mi
t.ongkam mawi men ih kaih hei ka si lo,a mawi khal a mawi nawnlo,miin
in thei sehla,kei hnak in Parte a mualphio sawn ding ti ka thei
fiang,curuangah, ¡§Thai zing ah ka ra sal ding¡¨ tiin fim cuh -phah
in ka pawk
suak tum, ¡§ si lo,ka pa tal malte be ta aw,a lo ngai ve tuk ding¡¨
tiin ka angki zim ah i diir…Aw Ralkap pawl ih thirhri tahwn mi  an
kaih
hnak in,ka Parte in ka angki zimih in kaih nak cu taal suah a har
sawn
!!!
              Asinan,tlangval ih zan rei tuk tiang ih mi in um
cu,tiin
ka feh tho tho.ka then in ka va kir cun,ka inn tek pa cu a rak itthat
lam lam lo,hngakhlap tak khin saangka ah in rak hmuak a si cu !!
              Thingpi sen in ding cun coka lam ah kan lut phei ta
ih,kan to man hlan ah,ka inntek pa cun, ¡§Ziangha na bang,na va tong
ngah
maw ? A sinpi ko maw ?¡¨ tiin in rak su cih.Kei khal ka phur nasa,
¡§E..
sinpi law law,ka tong ngah men si lo,in thei lai bak ah in duh nak
khal
a kel lai,ka lungawi tuk¡¨ tiin ka sawn lohli !
              Ka inntek pa khal cu a tlangval laiih an khua hminthang
rak si ban ve a si ih,falai tlangval lam thuhla cu rel pi a nuam
nasa.Cu
men lawng silo,an khua fala fel le mawibik ih tlangval ka sinak cu in
ngaihnak ti tam sin tu a si.Asile,neih teh na ngammaw,ziangtinha na
ruah,
  inn tlun ta maw na ti ih,na um lai ih palai fial law law me   n
ha ?
Ka mi khual na siihnan neih awk ngah le cu in hngilh siang ve lo ding
ti ?¡¨ ti cun in ti.Kei khal nuam ka ti men silo in,kan pa hnih ih
kan
thu rel mi pawl khal ka sim t.heh.Kn pahnih cun lungawi le thu rel
nuam
zet cun kan ni kan nuam aw re ro.
              Ka inn tek pa cun, ¡§ Tu ih na nei lo asile na sir aw
men
ding,Laitlang mi men a si nan,a suahpi B.A. a t.ha tuk,khawinah khal
ih
zahpi um lo ding mi nunau a  si.Nupi neih cu thil harsa  a si lo,neih
fuh loh hi a phan um sawn,curuangah Parte hi cu,phet thu um lo,ka lo
lungkim pi rori¡¨ tiih in ti hnu cun,kei khal ka thu rel a nuam nasa
thlang a si ko ding,an khua ka thlen nak san le ka nu le pa khal in
nupi
neih in dawn lo thu ka sim ve, ¡§Asile,thaisun ah ka va leng ding
ih,a rem
asile,a zan zan in Palai kan fial men pei amw ?¡¨ ka vawn ti cu,ka
inntek pa cun kut beng rori in in rak t.hohkhan !
              Thil tawlrel dan ding mallai kan rel bet hnu cun,kan ih
nak lam cu kan pan phei ve ve.Ka ih nak hmun ka thlen cun,ka mit cun
siin a tum lo nasa lai,thu tam pi ka ruat ih,ka duh bik mi ka nei
ngah
ding si kaw,a karlak ah buai nak a um thei lai pei maw ? (Hmaizarh ah
a
cem men thei ..)
           Thuthang Lawrkhawm

  USA : President Bush cun,Japan ram uk tu (Prime Minister)Koizumi
hnenah November ni 16 ah khan,Japan ram mipi 1.3 billon pawl cu
Political
freedom( Nainganzi zalennak)t.ha sin on sak ding in a ti.
              Tuiniih Taiwan khawpi vek ih,sakhua zalen nak le
Politiccal zalennak pe thei ding in a nawr rero.
              China hnen khal ah a ram mipi lennak le hminthannak in
hmai an nawr rero laiah, sakhua zalennak pe ding in ati.Leilung tlun
mipi
lak ih mipi lian bik lam ih tel ban,China mi pawl cu zalennak veikhat
te tal pe ding in a forhfial hai.Bush cun,Leilung tlun ih thu ngai
nuam
lo bik pakhat cu,ram t.hang so rero siih T.hangso tiih pawm thei lo
mi
hi asi a ti.

  JERUSALEM : Israel le Palestine hruaitu pawl cun Tlawngkai nihnih
ah
khan remnak thu an ngan sal zo.An remnak ngan mi cun,Palestine mi
pawl
cu Gaza ih an khual tawn suk so on an si.
              Hi an remnak hi Palistine hrang ih an ramri kil thei
nak
ding hmaisa bik a si.Palestine pawl cun an ramri(Border) cu kil him
thei nak thu  thawn remnak hi ngan an si.
  North Korea lam ah President    Bush:  President Bush cu Asia ram a
ra tlawn sun can tawite cu a hlawk thei bik ih hmang thei ding in
Sisin(programe)an suai cia mi thlun in South Korea President Roh Moo-
hyun
thawn thu rel nak an nei thei.An thurel miih Buah in a bet nak cu,
Pyongyang( North Korea ) cu,an nuclear tuah nak le an letnet( weapon )
tuah mi
pawl an ban lai hlan lo cu,bawmnak an hmu thei lo ding tiah a ti.

  Miss America : Miss America,kum tin ih Thlaler nelrawn ram ih na
neih
t.heu mi cu,hmai kum ihsi khin a hman nak hmun an t.hin thlang ding.
            New Jerseys Atlantic ah kum 1921 ih thawk in, a vei 84
nak
a thleng zo.Hmansehla,hmai kum cun Las Vegas,Nevada ah neih a si din.
Hmansehla Miss cu a covo cia atlantic ah a um tho tho ding.
  kum 2006 bak hi cu kan nei cuang lo ding tiah Miss America chief
Executive Art McMaster cun interview an tuah nak ah a sim.
  Srilanka Hrilawknak :
              Sri Lanka hrilawk nak ah cun,harsa zet in vote 50% ngah
in Mahinda Rajapakse cu a cak nagh ta riai !
              HI an hrilawk nak ah hin,Khat lam Party pawl cun nasa
zet
in,lamzin tiang kham in t.an an khawh nan,a sawt cuang lo.Hi an
President thar hi,hnam nauta le mal sawnn pawl hrangah nasa sawn ih a
zuam a
tul ding tiin Auto part ziuar tu pa cun a ti.

  Singapore ah Sex :
              Singapore ih nunau nauhak pawlin sex tuah ih sumpai an
hawl nasat tuk ruangah cozah in a mangbang pi ngaingai thlang ih a
zamrang thei bik ih tuah t.hat lohli a tum thu tubaite ah an than.
              Singapore ramsung mi pawl rori nunau kum 14 mi
hlawhhlang
tampi hmuh ding an um. ¡§Asan cu an nu le pa pawl in an nauhak lai
ihsin sumpai dawi in  a sukso ah an vah san ih; an pi le pu pawl hnen
lawng
ih an um ruang khal ah a si¡¨ tiah zingzoi tu pawl cun an phuang.
Ahleice in tuit.um thuthang hi Sex torism timi pawl ruang ih suak a
si.
  World Miss hrilnak :
              Kan hmai thla sung ah khin  Tuluk khawpi, Sanya ah
Leitlun Fala mawi bik hrilnak an thawk thlang ding. Tu khal ah
Leitlun ram
kip ihsin an ram aiawh ih ding tu ding fala hrilsuah pawl cu ti
t.heut.heu in an zuamawknak ding hmun lam an pan khawm rero
thlang.Tuit.um hi
World Miss hrilnak a vei 55th nak a si thlang.
  Thuthan nak LCF ihsin.:
  December Thla, a zarh hnih nak ah,James cakuat sungih sin Exam tuah
ding a si.Mi hnmuah hmuah tel cio ding in kan lo sawm.Laksawng
awmmawi
tawk tak a um ding !!!

  SEX EDUCATION :
            Tlawngkai nili ni ih Petaling Jaya thuthang cun,a rang
thei
bik in hmai kum ah Sex education zirhnak tlawng an ong thlang ding a
ti.
            Women & Family Community Development Minister Seri
Shahrizat cun,Education Minister Hishamuddin cu hi sex education a
rang thei
bik ih on a si thei nak ding ah a tawng ding.Hi mi a ti nak san
cu,nunau
40% cu sex thuhla an theih lo tuk ruangah nau ti tla in an thi t.heu
a
ti.

  Rm 100,000. Car sungah hlo :
            Sipuazi tuah mi,Kum 56 ih upa cu,USJ 10 bank ihsin Rm
100,000 a la suak ih,a car sungih a luh pi hnu ah cun,a car sangka cu
mi
pakhat in a rawn ti awn ih,a zoh cun,nunau a rak si !
            Cui nunau nu cun,tangka 5 fang 10 ca cu a rak titlaih,cui
pacangpa cun a sar bawm,cu mi sungte ah,zo ti theih loh mi cun,car
sangka cu rak ong in,suit Case,tangka khat ih ret mi cu a rak tlan
hloh pi !
Cui suit case sungah cun 200,000 cheque a tel bet bet lai !

  Hnen un nunau in a pu le that tum :
            Kum 27 ih upa,Indonesia mi Nopiyanti cun a pu pa cu a
pumah
namte in a sun,nan a pinu in a rak ruun man ih,thi lo in a pi le pu
cu
Private sizungah an um.
                          Mr Yeah Choo Seong(36) le a nupi Lim Siew
Im(34) te pahnih hi an hnen um nu hin zing nazi 7: 00 hrawng ah  thah
a
tum.Hi Indo nu hi Thut.hen nak cun,Kum 7 thawng inn sung um ding le
cawh
kuan ding in an ti.

  Rome :
                          Italy ram  ih  dan thar an tuah mi cu hman
ding in Hruaitu lu pawl 170 ah 132 cun an lungkim.Hi an dan thar hin
an
Prime Minister cu dan hman thuhla nasa sawn in thiltitheinak pek a si
ding.Sihmansehla hi  dan thar hi Hmai kum April thla ih an hrilawk
hlan
sung cu hman a si hrih lo ding.
  Singapore :
              Ram fa te si,t.hangso zet fawn Singapore cun harsat nak
mak danglam tak an nei.Cui an buaipi mi cu,mipi zun le ek inn hi a si
cu
! Mipa hrangah cun a buai thlak lo nan,nunau pawl hi an hngak rei aw
thei tuk tiin,Leilung tlun Ekin Pawl Kom cun a sim.
              Tui kum ah khan hi Leilung pumpi Ek Inn pawl kom khawm
cun  World Toilet day an hmang,himi niah khal nunau pawl hrangih tam
sin
tuah ding ih thu rel a si¡K

  China NPPC Vice Chairman in Kawlram upa pawl a tawng :
              National People¡¦s Congress ih an Vice Chairman  Wong
Zhaoqou cun Kawlram ih hruaitu National Peace and Developmaent
Council ih
Htan Shwe a tawng.
              Hi an tawnawknak ah hin,China le Kawlram cu pehtlaihawk
nak t.ha sinsin tuah ding in an lung kim ve ve.Mr Wong cun, a liam
cia
mi kum 50 ihsi tui ni tiang ,hi ram pa hnih unau awk nak,Sino-Myanmar
cu
t.ha ten a feh thei lai ih,an pahnih remawk nak ah
hin,Politics,economics le business lam khal a t.ha vivo tiin a sim
bet.

  Kawlram mi,dan thiam(lawyer) cu kum 7 Thawnginn sung um ding ih thu
rel a si :
              Dan thiam(lawyer) Aye Myint kum50 ih upa cu,Daik-U
thut.hennak,Rangoon ih si peng 100 lai hla ih um cun,kum sarih  sung
thawng
inn taang ding ih a thu rel cat sak a si,hiti an ti nak san
cu,kawlram
cozah ih lo a lak sak mi Su Su Naing cu,ILO(International Labor
Organization) hnen ah thu thlen ding ih a forhfial  ruangah a si,tiin
Richard
Horsey ILO aiawh tu cu a sim.
              Kum 2003 ah khan thi dingih thu t.hennak rak tawng zo
tu
a si.Hi t.um khal ah khan ILO ruangah suah sal a si .

  South Korea in Kawlram relsia :
              South Korea,Democracy an si nak ruang ih ram t.hang
rero,fimthiamnak lam khal ih western  pawl hman ih tluk loh ram cun
Kawlram
cu Leilung tlun pumpi ih ram farah le Cozah siava bik a si a ti.
              Rice cun,hi kawlram bawm tu le  t.anpi tu pawl hi fiang
deuh in an ruahnak hmang hai sehla,economics le sipuazi lawngih
kawlram
kut kai men lo in,zalen sawn ih a sung mipi an um thei nak dingah au
suah pi ve hai sehla cu… tiin a sim bet.
              President Bush Khal in tuizarh sung Asia a ra tlawnnak
ah
hin,Kawlram rak  t.an zettu, China cu training nasa tak a pek bak ah
thuhla fiang sawn ih ruat thei ding in thu a sim ta hai.Sihmansehla
Tan
Shwe ve thung cun,Taiwan ram vek ih um hnak cun China vek ih um a tum
thu bak lo ziangdang hman thil thar a sim mi a um cuang lo.
              President Bush ve thung cun,Tlawngkai ni thum tiang
khan
Kawlram hrang ih tha zaang rak suah zet tu China cu,Human right thu
hla
fiang sawn ih an theih thei nak ding in Trainning nasa zet a pek.

  Kawlram Khawpi thawn cungcang :
              Kawlram cun, a khaw pi t.hawn cu a rel fel ngah ngai
ngai
zo.Hi kahwpi thar ah hin,Internet si maw,network lam hrimohrim si
maw,Salawng(Telivision) lam le Hand Phone lam hrimhrim hman thei a si
anwn
lo ding.
            A khawpi thar hmin ah hin,Nay Pyi Daw tiin a hmin thar
khal
a sak.Zung tampi an t.hawn zo ko nan,Hmai kum April thla loah cun
t.hawn t.heh thei ding a si lo.

  ILO in Kawlram hnenah thu sim :           Kawlram cu a ram mipi
pawl
a duh duh dan le hnat.uan tu pawl cu t.ihzahnak um lo thla in a fial
hai ti a theih tik ah,kum 2000 ihsi khan ti lo ding in a rak ti rero
zo..
  Kawlram thu ruat ding in European :
            European Cozah pi thurel nak hmunah cun,UNO hnen ih
Kawlram
thu ruat zaang ding ih rel nak an thok zo !
            Tlawngkai nili ah khan Europe ram dan tuah tu pawl
cun,UNO
cu Kawlram thu emmergency ih ruat ding in an ti.
            Hi mi thotho ah hin,Europe cun,Philipine President Gloria
Arroya   hnenah Spain mi, Francis Lorranaga cu ngai thiam ding in an
dil.Hi pa hi mithat le pawngsual ruangih Philipine ih thi dingih a
thu
t.hen a si.

  Thilman kai vivo :
            Kawlram,ram farah le nauta ah cun,a sung mi nung umsun
pawl
a zuk cem cuah co a si hi.Kan dung kum ih Bus to man Ks 20 kha tu cu
120 in 200 rori ah a kai thlang.

            Tu hrawng hi zing lam ah cun takkhawlh ngam lo ko in a
dai
nan,ni a suah cun,a sa tuk la la fawn..

  UEM Builder cun  :
                  UEM Builder cun,RM 515 Million cu Hotel le inn sak
nak ding hrang ah a ngah.Construction thung  cu,tangka thuhla a fel
ngah
lawng ih thawk ding a si.

  Titan Comapany :
                  Titan Company cun,Rm 600 Million cu an project thar
hrangah a hmang ding.Hi an project hi Pasir Gudang le Johor ah hmai
kum
lai hrawngih t.heh ding ih ruahman a si.

  AEON Credit Card :
                  AEON cun Malaysia rori ah Credit card a tuah thlang
ding.malaysia ah non-financial Credit card tuah a si thlang ding.Hi
mi
thil an tuah tum nak san cu,an tangka siar kum cem Kum 2009 February
hrang lawmnak ding a si.
              Malaysia hi Japan ram leng ih AEON credit card tuah  ah
a
pali nak ding a si.Tu fangah hin 15.5 Miilion cu AEON credit card ih
um
mi a si.A hmangtu ram pawl cu,Japan,Thailand le Taiwan an si.
  Laam Zuamawknak puaipi
              November 20 ( tuisun ) ah hin Merdeka Stadium ah
Malaysia
rampum puluk lam zuam awknak tuah a si ding.
              Hi  puai ah hin kan tlangmi lak ihsin Malaysia ah lam
zirnak a ong rero tu kan unau  Muanpuia khal telve ding a si ih;
ziang
bang pei maw??
              Kan tlangmi lak ih hivek dinhmun tiang rak thleng thei
kan um hi cu t.hansonak lamzin ah tlangmi kan feh rero ti a fiang ih;
pakhatnak rori a ngah theih nak ding khal thlacamnak in kan bawm ciau
pei
uh.

  Kawl ram teh…
              Kawl ram hi Leitlun sumdawnnak lam ah cun lang lemlo
khalsehla amai¡¦ ram humhimnak ding lam le ralthuam lei lam ah a
t.ang
nasa.  A tlawr, Lung, Zinnan le Faang zuar suahmi man pawl in heh le
hnik
tiah ralt.huam a lei ciamco ih a khaw lipi tiang ih t.hawnnak ah a
paisa
pawl cu a zam ter ciamco a si.

                                TUI KUM TEH KAN DAIH LAI KO PEI
MAW..

  Kawlram hnam ropi le lian,a ram ih suak le um cia mi men hman ih a
ram mipi pum cawm thei ding ko ih sersiam tui rak sersiam cia mi,a
hlei
ce mawi nak tinkim thawn a rak ceimawi cia mi cu,Hnasau pawl ruangah
maw..
              Cui a ram harnak thei thiam ih,a mipi pawl hrangih
t.uan
rero tu,leilung tlun pumpi hman ih an cawimawi rero mi,Su Kyi le mipi
in an hmuh net nak bik cu 2003 May thlaah khan a si fawn. Khaini ah
khan, Ralkap pawl ruangah minung pali nunnak a cem a si kha ! Mi 100
lenglo
in  hliamhma an tuar bet a si kha.
              Tui ni ah le kan khawpi bik liangluang cu t.hawn in a
um
bet fawn,hi khawpi hi kum 1852 ih Anglo Burmese War(Kawl le mirang
doawknak) ruangih kahwpi ih pawm le Andaman tiin mawi te  akulh
ruangih
zohtha le nuam ih cang a si ta kha.kawlram hminsinnak

  pawimawh tak Shwe Dagon khal a umm,nan tu cu ziang ti tha !
              A ram t.hat sal nak ding ah tiin Leitlunah an buaipi ve
rero,nan tui ni tiang ziang a bang thei lo cu asi hi.UN kan zoh khal
a
si le,ram pakhat kap ding ti mi cu thil awlsam a si nawn lo.Irag an
rak
kap hman kha aw ! UN ih thu an then thei nak dingah le Japan in vote
9
rori a nei fawn.
              President Bush cun,Asia ramah ra tlawng in,Japan le
China
khal a thei tawk in  a ra nawr ve rero ko,Japan vote 9 cu Kawlram
parih
thu t.hennak hrangah tiin a thei tawk in nehsak a tum nan,Japan hin
pawm pei maw ? Pawm lo ding ha ?
              Su Kyi le Tin Oo khal tu ah cun,a mai innsungah Piono
tum
in a um men  ! Mipi lak le ramdang pawl hnen ah a Piono a thleng ban
nawn lo a si hi ! Bush khal hin White House sungih thu a rel sak men
thei
nawn lo,Kawlram in le an par ih phunnawinak pawl hmuah hmuah cu Shan
(Sian) thu lo lak pawl ih in puhnak men a si a ti sak !      US
President
pi miangmang rori ra tlawng thu a rel cat thei cuang ding a bang lo..
nan.. kan rel cia bang in tui a ra tlawnnak hin,tui thlaih UN meeting
ah
thu malte tal a rel ban pei maw ? Maw China mifim pawl thluak a neh
lo
ha…..

  E m m e rg e n c y   f o r    R  e  f  u  g  e  e :

  Hmin :    Pual  Kial
  Reg.No :   0 4 M L F 0 6 1 6 0 hi a rang thei bik in Refugee zung
ih
koh na si,na man veten feh cih mai,a thei tu nan um asile,in rak sim
sak hram uh law.

  SPORTSNEWS
  ASHLEY COLE
   Spain pawpi Real Madrid cu Arsenal ih side back nei sun Ashley
Cole
cu hmai kum January ( Transfer Market ) on tik ah lei ding in an zuam
re ro. A mah Ashley Cole khal hi Arsenal ah a rem cang lem lo ih Real
ah
a thleng ding ti zum a um zet.
   PLAYER OF THE MONTH
  ( OCTOBER )
   English Premier League ih thla tin an hril theu mi thla khat sung
ih
a thiam bik lak sawng cu Chelsea le England midfield Frank Lampard in
October thla hrang ah a lak riai. Cun Manager of the month cu tu lai
ih
a cang vai thei ve mi Wigan Athletic ih manager pa in a ngah ve.
   MAN U – CHELSEA TAPE PROBLEM
   Kan dung tum ih an lek zo mi Man U le Chelsea thu hla hi a tu
tiang
an buai pi re ro lai. A ruang cu Man U ih thuam hnaw thleng aw nak
khan
sung ah Gangstar pakhat in tape recorder an rak ret ti an thei ngah
ih
a ziang mi ruang ah a ret ti cu an zing zoi re ro lai.
   PASTOR TIANG IN A TAN PI MI ENGLAND
   “England nih a ne ta bik world cup kan ngah nak hi 1966 kum ah a
si
ih tui tum 2006 world cup cun kan ngah lo nak kum 40 cek ci a ti
thlang. Moses ih Israel mi phun pawl a hruai suak kha kum 40 a rei
ve. Cu
ruang ah Pathian in tu kum hi Israel pawl vek in England hi kum 40
hnu ah
world cup ngah ding tiang in hruai suak ding”  ti thu cu England ih
Anglican church pastor pa in a sermon. A va na sa lawmmam ve ti aw !
   2006 WORLD CUP HRANG IH ZUM LO PIN A QUALIFY MI TEAM PAWL

  AFRICA ZONE
  ANGOLA , COLE D’ IVOIRE , TOGO , GHANA , TUNISIa
  OCEANIA ZONE
  AUSTRALIA
   Hi mi team pawl ah hi Tunisia pakhat lawng world cup rak lek dah
mi
a si. Lo dang hmuah hmuah cu tui tum lawng ih an voi khat nak a si.
TOGO ram bet bet tla cu world cup an qualify ni hi official zung pit
ni ah
an tuah.
   EUROPE ZONE WORLD CUP PLAY OFFS
   TURKEY     Vs SWITZERLAND        4-2 ( aggre.   4-4 in Swiss a
kai )
  SLOVAKIA  Vs  SPAIN                   1-1 ( aggre.   6-2 in Spain a
kai )
  CZECH        Vs  NORWAY             1-0 ( aggre.   2-0 in Czech a
kai
)

  COMING UP CHAMPIONS LEAGUE MATCHES
  ( zoh nuam deuh ding pawl )

  Man Utd    Vs   Villa Real      23 Nov. 2005.  ( 3:30 am )
   A tu tum hi Man U hrang ah a thu pi bik mi puai a si. Ziang ah ti
le
tui tum a neh lo le Champion League in suak thei din hmun a si ruang
ah.

  Anderlecht    Vs   Chelsea             24 Nov. 2005    ( 3:30 am )
  Chelsea tla hi a tu tum a neh fek fek lo ah cun a cang lo ding.

  Liverpool        Vs    Real Betis         24  Nov.  2005   ( 3:30
am
)
  R. Madrid       Vs    Lyon                 24  Nov.  2005   ( 3:30
am
)
                              by : Zuala.

Comments

comments

Comments

%d bloggers like this: