Hruaitu Issue 98

Editorial

Pathian zangfahnak le lam hruainak zar ah Malaysia Laimi pawl ih
suahmi HRUAITU thuthangca cun a rei hlan ah UK ( Volume ) 100 a kim
thlang ding, lam in hruaitu kan Pathian hmin thangt.hat in um seh.
Tui sun ni tiang ih Laimi lak ah nitleu hmu thei ding ih tawlreltu,
paisa cem khal uilo ih zarh tin te in siar saktu unau nan zate par
khal ah HRUAITU cun lungawi thu a sim ih….a nun khua sau sinsin
ding khalin nan t.anrualnak le bawmnak a beisei ringring a si.

Uk 100 a kim ni ah ziangvek in so kan thuthangca na rak hmuh ih na
hlawkpinak le lungkimdeuhlonak pawl t.haten rak khawl aw la…mipi
hmai ah sharing kan tuah ding. Kan calai t.hansonak ding hrangah kan
faksel awk vutvo a t.ul. A tlamtlinlonak kan theih hi tlamtlinnak
hram thawk a si.

Tui zarh cu…. Kan ram Capital rori hman tipi ihsin a hlatnak hmun
Pyinmana lam ah an t.hawn hruihhro ti thuthang tla kan thei
ih….Ziangruangah hi tluk ih an thinphan ih ziang thuthang so kan pu
le hin an theih ti khal tui zarh kan thuthangca hin lanter a tum a
si.

Ca siartu duhdawtmi unau, na siar rero mi thuthangca hi siar tlak
sinsin ding cun ….a siartu nangmah rori khan t.uanvo na nei…a
siar lawng silo in cahram t.hat.ha a ngan tu ding na si ve ti kha
hngilh siang hlah. Laimi na sile Lai t.ong cu na t.ong a si ih, Lai
calai cu na calai a si. Hi thuthangca hi kei mah ih ta le kei mah ih
hrang hrimhrim a si timi lungput thawn kan siar tlang ciau ding ah
HRUAITU cun a lo sawm!!!

Bawipa Pathian thawn ton- khawmnak Biakinn

By : Rev. S. Ni Luai

Pastor Malaysia.

Israel mi pawl riahnak
hmun an khuarnak poh
ah Moses cun puanthlam cu riahnak hmun ihsin a leng hla deuh ah a sak
theu.

Cui puanthlam cu ¡§Bawipa umnak puanthlam¡¨ tiah hmin a sak. Bawipa
tawng duhtu pawl cu an riahnak hmun ihsin an suak ih, cui puanthlam
ah cun an lutt heu. ( Suahlannak 33 : 7 ).

Bible ca sung ah puanthlam kan timi hi phun hnih in a lang.

1. Pathian biak inn cu minung thinlung a si. ( I Cor 6 : 19 )

2.Zumtu kan tonkhawmnak ah Pathian a tel ve. Moses san lai ah
tonkhawmawknak puanthlam ti a si. David san le Solomon san in biak
inn ti ih kawh thawk a si.

Minung kan thinlung hi Thlarauthianghlim umnak Pathian biakinn a si
ruangah, kan taksa a thupi bang in zumtu pawl tonkhawmnak inn khal a
pawimawh ve zet. nan fahrah, nan thangso theilo, ral kut ah nan
taang, thaten ruat uh¡¨ tiah Pathian in a sim.

Hi t.ongfang hi Haggai cakuat sung ah vei 5 rori a lang. Cun ¡§ Ka
biak inn¡¨ timit ong fang hi vei 11 a Lang.Nan inn rem tha uh tiah
Haggai 1 : 1 – 15 ah a sim hai.

Zumtu kan vahnak le kan umnak kip ah ,Pathian thlarau thawn kan
tonawk nak ding inn sak ringring hi kan Pathian duhdan a si. Midang
ta rin hnak cun , ma¡¦i thlanhri put ih hmuh mi sum le pai ih Pathian
inn sak cu, Pathian thinlung ah a sunglawi ih a mawi tuk sawn ka ti.

David siangpahrang cun ¡§a man ziang hman ka pek lomi cu, Bawipa ka
Pathian hnen ih thawinak ah ka pe lo ding¡¨ a ti. ( II Samuel 26 :
28 ). Raithawinak biakt.heng ti cu thukham thar hrangah cun, zumtu
pawl kan khawmnak biak inn hi a si bik ko.

Zumtu pawl lungrual te ih kan tonawk khawmnak lawng silo in, Pathian
thlarau thawn kan pawl awknak hmun a si.

Hi thinlung thawn Lai Kristian members hmuahhmuah in, kan mah le kan
hnat. uan nak cio ah Pa Pathian ih thlawsuah malsawmnak kan hmuh mi
sum, thilpek, Pathian thlawsuah kan hmuhmi sung ihsin biakinn saan
duhnak thinlung kan nei hi zumtu dang hnakin malsawmnak kan co bik
cuang ka

Curuangah Israel pawl cun an thlennak kip ah biak inn an sak hmaisa
ringring t. heu. Cuti te ih an nun lai ah cun Pathian an par ah a
lungawi ih, ral an neh, an lian, mithmai t. ha khal an hmu, an hmin
khal a thang. Asinan,Pathian inn ngaihsak lo ih an mai inn le an mai
hmailam caan lawnglawng an ruah tikah Pathian a riahsia ih Profet
Hagai hmang in ¡§ Ka biakinn nan daithlan ruangah ti.

¡§Ziangah tile Pathian hi zum lam lawng ah siloin, Ama¡¦i hrang
tuarnak dingih covo zemmi nan si hi mi vant.ha nan si. ( Phil 1 : 29 )
¡¨Pathian hna t.uan cu, a lak a si dah hrimhrim lo. Kan t.uan man cu
kan ngah sal hrimhrim ding ti kha Ama¡¦i thutiam a si.

Kan biak inn hrang ah Pa Mang Mang le a nupi in RM 3,700 an thawh, Pa
Ngun Hmung in RM. 700, Ronald T.hatin Mang RM. 700, U Mang Tin Sawn
tei unauza in 450, Mai Cia Sui in Computer (1) RM. 1,000 man a hlu
ih; zumtu dang pawl in thlakhat 200 ihsin 10, 20 tiang a thawh lo mi
zo hman kan um lo ding tiah ka zum. Nan zate tlun ah Pathian
malsawmnak thleng hram ko seh ti hi ka thlacamnak a si.

Penang State lam khal ah kan Laimi hrangah biakinn san kan t.ul lai.
1,500 kan t.ul. Himi khal hi kan t.uan suak thei nak ding ah zumtu
pawl Pathian hrang ah kan nun ve a t.ul. Biakinn sannak le zung
saannak ah hin thla tin RM. 2,000 kan t.ul ringring.

Lai Christian members nan za te¡¦n kan mah te Pathian biaknak inn kan
sak ding ih; Pathian kan biak ding, ti ruahnak hi hngilh hram hlah uh
si. Kan zaten hnat.uan khal taimak uh si. Kan nun sung ah Pathian
lawng biak le a hna tt.uan lawng hi kan tumtahmi thinlung si hram seh.

Moses cun, an vahvaih lai ah Bawipa Pathian thawn tonkhawmnak
puanthlam a sak ringring. Himi a sak lai ah hin milian fahrah, ti um
lo in anmah le an ti thei tawk cio in an rak thawh khawm.

A thawh lo mi pakhat hman an um lo. Kannih khal hi Malaysia kan umnak
ah hin kan umnak khua ngaingai a si hrihlo ruangih biakinn saang kan
si. Curuangah Lai Christian members zaten Pathian thawn kan
tonkhawmnak ah, ka ti thei tawk te ih hna t. uan tu ding ka si ti hi
thei hram uh si..

Ca kuat

Pastor L.C.F.

Gen 8 : 22 thu umdan in sim thei pei maw?

Answer :

¡§ Himi thu hi Noah san lai ih tilik a cem hnu ah Pathian salpa Noah
in Pathian hnen ih rai thawinak a tuahmi kha Pathian a lungawi tuk ih
Leilung a him sung hmuahhmuah cu thlai ci tuh caan le rawl lak caan a
um ding, khawsik le khaw hlum rawl lak caan a um ding, sun le zan a
um ding a cem nawnlo pei a ti.

Pathian in minung hnen ih thu a kam tik ah amah kan t.ih sinsin ding
le amah kan u pat sinsin ding cu Pathian thinlung a si.Lei ram in
rawl a suah zo…kan Pathian in thlaw a suah zo a si. (Sam 67 : 6 ).
Fur ruah le t.hal ruah ka sur ter ih kum tin rawl laknak tikcu ka lo
pel nan upat pek ding hman ah in ruat dah lo. Jeremiah 5 : 24…

Himi Bible sung ah hin thil pahnih a um : 1. Leilung a him sung
hmuahhmuah hrang a si.

2. Minung in Pathian kan tih thiam nak ding a si..

A r t i c l e s

S o m e t h i n g

Thu pakhat

Zumnak then darh cu, hlohralnak,

Dutdawtnak ( Love ) tamtuk cu lung ti leng tu asi ,

Fel tuk khal hi “Aat” kan hlawh t.heu.

Ka cantawk hnak in a cang ding mi…….?

Ka tulmi cu khi..Van ah a rah!

Ka tuan suah cu Van Mero bang

Mi zoh ah cun ” Laimi ” ti¡¦n

Hlen suah thei lo ” Ka tong kam ”

Ka neih duh mi cu

” Sumsaw ”

Ka ngai mi le “khi Senhripar”

Ka kiang ah a um ringring ” thli ”

Ka it that thei lo maw ! ” Thaisun ” ( Tomorrow )

Ka hrang ah a thi zo “Zawnruahnak ”

Ka nunnak hrang ah ” In le Ei ”

Ka si duh mi cu ” Mi Lian “asi len

A zate kom ( Percel ) in pek aw tin order ka cah duh !

By : Laitlang Cherry ( S.N.N ).

C akuat

Hello….Hruaitu,

Dam in nan um ding ti ka zum. Mallai thu lo sut seh la.

Kan Caalai ih dung lam ah leh a sung lam si seh thu fim pawl hi kan
ngan mal deuh lai in ka thei. Kan U nau Teddim pawl Caa ngan mi
pakhat ah ka hmuh mi cu { Chinese = Malaysia = India = Tidim } ti¡¦n
thu mal tete an telh phah ih a rem cang zet ka ti.

Kei cu tong ka thiam lo.Tong thiam mi pawl ih an ngan mi pawl leh an
tong mi pawl ka ngai rero men lawng si.Kan Caa Uk ah ( Tong ) zir nak
tla tuah phah seh la, ti¡¦n ka lo rawn duh.Tong zirnak ti ah thu dang
tam pi siloin a thupi mi pawl ti nak sawn a si.

Malaysia ih um Laimi ( Falam ) mi pawl thansonak ding leh hman tang
kai ding mi ti nak sawn asi.

Lungawi,

Laithang Cherry..

Ka S u u n Mang. (Articles)

Hlan lai khaw pakhat ah Pu Salai timi pa a rak um. An sungkua hrangah
lawng ( tinbaw ) a tuah. Thing rua a tul tam tuk ruang ah, heh ti¡¦n
hna a tuan. An sungin an bia aw, hla an sak, kut an beng, an hni, an
khek. An hla sak mi te pakhat cu

¡§Kan Laitlang zilthli thiangte lennak, Cung Pathian thlawsuah co
hleice ram, Van khaw nuam hmanah leng hman nung;

Hngilh ni a um lo semnak kan Lai ram.¡¨

Khual tlawng sukso pawl in, cu tei inn sungsang nawm dan cu,tiin an
thlir kuahko.An Lawngpi tuah khal an t.heh thlang. Mawi, t.ha an ti,
an neih sun te a si ruangah. Mi ta tha le mawi an ngai cuang lo. An
mit ah a cuang tuk, a hmin ah ¡§ ¡§CHINTANIC¡¨ an ti.

Pu Salai tei sung cu khual tlawng ding in an lawng sung ah cun an
lut, van hram, Rihli ral tiang mi theih ding in an lawngpi cu a feh,
amah pu Salai in a mawng. Ralkap a t.uan lai ah lawng mawn a rak
thiam. Ram tin tlang tin an fang vivo. Amah Pu Salai in zan rei zet
it lo le sing lo in a mawng ruangah a bang tuk thlang, amah le a upa
thlang a fa le pawl in le bom le sawn an tum si lo. A rei duh deuh a
tuar nawn lo Pu Salai cu a sing thlang. CHINTANIC pi cu mawng tu
neilo in a feh thlang !!

A fa le pawl in le bawm le sawn sak hnak in an fehnak kip ih nawmnak
kha an duh sawn, mi ih thil pekmi cuh aw ah an rak buai, kilkhawi tu
t.ha a umlo ruangah a siat deuh deuh. A fanu pawl leng tu an lut an
suak, nupi pasal an nei aw, Pu Salai len a bang tuk, a fa le pawl kil
khawi thei nawnlo tiang in a cau. Lawngpi len a siat t.iam t.iam. A
mawng tu pa le mithi khaw hnar thleng hnak in mikhual pawl thu an nei
sawn thlang. An tuah t.hat ding le beisei ngam a si si lo.

Mawngtu t.ha a umlo ruangah, thlisia ruahsia a tawnnak ah phar
thenkhat tla cu a boh thlang. Bawm le tuaht.hat t.ulmi CHINTANIC pi
cu a tum ram lam pan in a feh rero lai ah …………¡§ Suimilam
(nazi) 1 a kim thlang¡¨ Boss pawl ih hei hei hei ti ding ah hnat.uan
nak ding lam ka pan saal….

By : Za Khup Luai.

Manager hnatuan dilnak..

Hmin: Jesuh

Address : Ephesa:1:20

Hand phone: Rom.10:13

Website :Bible

Thutlangpi: Krih,Bawi,zirhtu,Saya,Rundam tu le Jesuh.

Ka hmin cu Jesuh a siih,Bawipa tikhal in mi in, in ko t.heu.Hi dilnak
hi na thinlung sung ih Manager t.uan thei nak dingah in rak pawm sak
ding in le Ka sinak le Qualification pawl khal zaangfah te ih in rak
zohsak ding ah ka lo dil bet duh.

Qualification:

Lei le Van ka sersiam(Thufim 3:19)

Lei vut in minung ka tuah(genesis.2:7)

Nunnak thaw cu minung ka pe(Genesis 2:7)

Camsiat mi daan sungihsin minung pawl ka luat ter.(Gal.3:13).

Na hnenih thlawsuah ra mi pawl kha ka hnenih sin suak an si.(Gal.3:14)

Occupation(Eiin hawlnak)background:

Mi pakhat hnuaiah lawng hna ka t.uan(Luk.2:49) thu lung lo in ka um
dah lo,hnat.uan ah ka tlai dah fawn lo.Mi rinsan tlak lo khawp khalin
ka um dah lo.Ka hna tuan nak pa cun zianghman a nei lo nan,neih loh
mi khal a nei lo.(Matthei 3:15-17)

Work Experience:

Fa rah nauta pawl ka cawisang,thinlung zonzai pawl hna ngam nak ka
pe.Mina pawl ka ti dam,mitcaw pawl khua ka hmu terih milian le nauta
pawl ka rem khawm(Lk.4:18) Miih in theih dan cu,thut.hen thiam,remnak
lal,Ruuntu mak hleice le Rundamnak Pathian(Is.9:6)Ka hnen ih um pawl
cu,t.ih phan nak ihsin an luat(Thuf.1:33)cu hnakih thupi bik cu, na
sualnak ihsin lo thianghlim ter thei tu cu keimah lawng ka si.(IJn1:7-
9)

Educatinal Background:

Fimthiamnak hmuah hmuah ih hrampi ka si(Thuf.1:7 ; 2:6).Lennak le
fimnak hmuah hmuah cu ka hnenah a um(Col. 2:3).Ka thu hi na ke
hrangah meisa,na lamzin hrangah eeng asi(Sam.119:105).Na thinlung
sungih na ruah thup mi tiang ka thei t.heh(Sam.44:21)

Ka t.heh cia mi pawl:

Nun na neih thei nak ding ah ka thi(II Kor.5:15).Thim thu neihnak le
lal nak hmuah hmuah ka neh theh zo(Col.2:15).Mi fahrah ka cawm,tampi
a um lai,ka website ah rak zoh aw la www.BIBLE.com asi,Computer a
t.ul lo,internet khal a t.ul lo.

Theihpi tu(Refference):

Leilung tlunih zumtu pawl hmuah hmuah hi ka thu theih pi tu an si.

Thu bet nak :

Tu cun ka thuhla le Qualifiacation pawl khal na thei t.heh
thlang,keimah lawng hi na thinlung sungihManager t.uan thei tu ding
ka si tiah khal confidence ka nei ko.

Na lam zin khal ding ten ka lo hruai ding(thuf.3:5,6)Kumkhaw nunnak
khal ka lo pe ding(jn.6:47).Ziangtikah ha ka ra t.uan thei ding,caan
a mal tuk thlang(Hebrai.3:15),in theihter zaang thei le ka lungawi
nasa ding.

A cang thei pei maw ?

By: Hniangsin pa

1. Inn le mai khaw lamih,kohhran le sungkua ih mi rinsan um zet
fawn,Malaysia ih duh duh ih um le nun hi,a cang thei pei maw ?

2. Mah le mah zoh fiangaw ta loih,midang sual mawh nak lawng hawl
hi,a cang thei pei maw ?

3. nupi fanau,nu le pa cawm ding nei siih, hlawh lak tinteih, beer in
le phone card leuh le leuh ih thun hi, a cang thei pei maw ?

4. UN(Refugee)on tum siih,thla cam mal tuk hi,a cang thei pei maw ?

5. Thih hnu vanram kai tum tho siih,zarhpi ni khawm thei lonak
ding,phuahhlam tuah ring ring hi ,a cang thei pei maw ?.

Kan ram in hohatu hnakin hruaitu t.ha kan t.ul deuh.¡¨

By : L. Abraham .

Ka duhdawt zet mi ka fala…(p eh na k).

…Hmu dah ding a bang,na dam ko ti¡¨ ti phah in,a kut no le mawi
selsi te cun,ka kut kai dingin a rawn vorh suak.Kei fam le,rang em em
hin,a kut cu ka rak kai cutci, ¡§ Ka dam ko sokhaw¡¨,tiphah in,ka kut
sungih ka hum ngah mi,ka Parte ih kut no le mawi ziarzi te cu,hnget
tak in ka kaiih,ka thlah siang nawn lo,nan a rei deuh si ding,a mah
sawn in a kut cu a suup ih,cu veten…aw..ti phah in ka thlah thei
ve !!!

¡§Zo ha na si ta kha,Marem na si ko maw ?ka lo theih sual in ngai
thiam aw maw¡¨tiin,duhnungza,ka Parte cun in ti, ¡§parte,i thei lai
maw,ka lungawi¡¨ ti em cun ka rak sawn thiam ve…Cu veten,a
mithmaiah lungawi nak khi hmu thiam ve in ka thei aw.Na ti tuk
deuh,in ti siang aw hlah uh,nan hmuh ve lawng ah nan thei thiam ve
lai ding.

Kei khal in, ningzah nak pawl khal cu mikhual ah ret in,ka thei
tawkte cun ka sim fiang aw ve,a netnak ah,ka Parte cun, ¡§Tlung nawn
hlah,tui.. zan cu hi nah rawl ei ve law law ding,rawl ei theh le
tlung aw maw¡¨,in ti cuh.. ka lungawi tuk,ka tlung lam lam zik lo,ka
duhdawt zet mi ka fala kiangih um cu,ka duh bik mi a si si.

Inn sung kan lut ih,ka to nak ding i khih hmuh ih ka to ngah cun
khawm kan thawk cih.Ka Parte khal ka hmai zawn ciah ah a to ve,thil
dang ka ruat thei lo… kan mit le mit cu a tawng aw rero,kan zohawk
dan khal,kan thinlung sung tiang khi kan hmu aw a bang,parte cun in
hua tuk ding khi cu a bang lo ! Khawmsung hmuah hmuahcu kan mit le
mit lawng in thu kan sim aw rero. Nan, ziang ngai hman a suullam kan
thei aw lo !

Rinlo paralah,kan caan kaitu cun, ¡§Tui ni hi,khualkhua lam ihsi unau
kan neih mi,marem hnen ihsin thu tawi kan ngai nak caan a si hrih
ding¡¨a rawn ti cuh… ¡§Marem hi,Ramdang(Foreign)ihsi ra tlung pek
te asi,a ni hi,kan miphun,khua le ram hrang,mi rintlak tak asi¡¨tiin
ka thuhla tawi cu a sim bet.

Ka caan a thlen cun,kei khal thu tawi rel ding cun ka ding suak veih,
¡§Ka lungawi tuk..¡¨ tiih sim thok in,kan miphun,ram le hnam kan
t.hansoh nak ding thu tawi,minute 10 hrawng ka rel hnu cun, ¡§Ka
lungawi¡¨tiin,ka tonak ah cun ka to saal.

ka to veten,ka fala nu mithmai cu ka hei zohih,in rak zoh khiaukhi ve
ual !!!! Tongkam in ziang hman kan rel thei lo nan,kan mit le mit cun
thu tam pi a rel in ka thei,ka thu rel laiih,lungawi hmel zet le ai
puan hmel zet ih a rak ngai kha… a mawi nak ti tam tu asi.

Kan khawmnak kan theh cun,in cibai hnuaihni hai,hrek khat in,na
thurel mi ngai a nuam,a tawi fel fam kim nasa,inti na,hrek khat in
le,a mal tuk deuh in ti na,duh a bang aw thei lo asi hi…

Ka mit le thinlung cun,ka parte lo cu ziang dang hman a ruat thiam
thei hrih lo.Ka mit cun ka parte ka hawl thup rero,nan ka hmu thei
nawn lo.Pacangpa pakhat ih tonak ding in rawn sim hnu rei lo te
ah,fala fel hmel zet te,ti tuai mawi ve ngaingai pakhat hin, ¡§na kut
ka lo kai ding,Parte ih naunu ka si¡¨ tiphah hin,ka kut ah cahnah a
rawn ben..

ka zoh ta duakih, ¡¥Parte¡¦ ti hi a rak ngan aw,ka rawl ei ding khal
mang nawn loin,hmuan caar lamah ka suak,mi hmuh lo ding cun ka va
siar ta,a cem nak lamah cun, ¡¥ka buai tuk lai,rak tlung siang hrih
aw hlah,mallai lo biak duak ka duh¡¦ti hi a rak ngan aw ! rawl ei lai
ding ka si khal ka nghilh aw theh lo maw ! ka tlawngkai laiih,ka
Parte ih kut ngan rori ka hmu sal cuh…a nuam ka ti tuk,ka hna a
ngam vuvo !!!

¡§Marem,rawl na ei zo maw?¡¨tiih, ka dunglam ihsin Parte pa aw ka
thei vukvi cu,ka thir dukdi ! rawl einak ding lamah cun ka hei thlun
ve,rawl kan ei khawp cun,mi an tlung cupco,nan kei cu tlung thei ding
ka si hrih lo,ka Parte ka be lai ding… ka hna a va ngam em !!

Inn dung lam ih sin,ca in pe tu fala no te cun a kut in i rak
zaap,kei khal ka hei pan ve,ka Parte cu,ban hngohsan in a rak
ding..ziarzi … a va mawi em,ka hmuh rei le a mawi nak a zual sin
sin a si hi..Ziang thuhla ha kan rel ke ti ruat phah cun, ka Parte um
nak lam cu ka pan phei ve rero……(…..Peh lai ding…..).

Kan Mah Sung thu

Crusade kan nei

Malaysia, kumthar puai November ni 3 ihsin ni 5 tiang kan LCF biakinn
ah kan pastor Rev. Niluai hmangin, pathian thu zir nak kan nei . Ni
tin minung 40-50 karlak kan si thei ringring.

Rundam nakin kan thawk.Cun ,mi piangthar kan si hnuih Pathian thu
ngai ding kan si zia, Nun thianghlim ih nung ding kan si zia le Bible
siar le thlacam a thupit zia pawl kan zir ih, thazaang kan ngah in
kan hlawk tlang zet.Zantin khawm nakkhal kan nei thei ringring.

Zanvar thlacam nak kan nei

Kan Pastor le Deacon Upa pawl ih ho ha nakin, November ni 5 zarhte
zan ah minung 22 in zanvar thlacam nak kan nei, a man hla in kan
hlawk cio nasa, hmailam khal ah neih thei vivo kan beisei. Tui t.umah
nan tel hrih lo asi ah cun ra tel tum ro ri aw, na sir aw lo nasa
ding,

Mi dam lo :

Ramthlo khawsuak, Falam ih um Salai Rual Cung cu, a cuap t.ha lo
ruangah sizungah a um ih thlacam nak in t.anpi cio uh si.

Falam ih um Sayamah Tan Thaih ih fapa Tluang Za Thangcu ahna tuan nak
Balakong ah Malayria le cuap lam natnak in ziang hman thei awlo in
aum ih thla cam nak in bawm cio uhsi.

(Visited 92 times, 1 visits today)

Comments

comments

Comments

%d bloggers like this: