Hruaitu Issue 96

EDITORIAL

Zing khua a van cun,ziangha kan tuah ding tiih ruat in kan nitin nun
cu kan hmang tlang.Kan t.uan nak ding cio ah cun kan liam
hai,lungrual te in kan lengtlang hai,sun khaw van sung cu mithmai pan
ten ka leng tlang derhdo.zo dang hman ngai loin,kan nuam aw cio ko.

Sihmansehla,zan khua a thim cun ruah nak dang cio kan nei thlang…
kan ruah nak khal a kel ring ringthei lo,sun khaw vang ih kan
thunuam rel tlang le hnihsuah kan sai tlan pi khal in in thei thiam
nawn t.heu lo.Nitin kan kiangih um khal in in thei thiam nawn
lo,ziang ruangah tile,khawthim in kan hmel in khuh t.heh ruangah asi.

Cui khawthim cu mi na le dam lo pawl hrangih t.ih nung um bik asi,mi
dam cak hrang khal ah kan fim le thiamnak in thup hlo sak ih,kan
minung pianhmang lawng a lang ter t.heu!!   Sun khawvan laiih kan
tuah mi pawl cu kan ihkhun parah kan vun ruat ih,thil thar thar kan
ngaihtauh suak t.heu.Asinan mirang thufim cun ?Zanih thu ruat ciam co
hnak in Sun vangih t.uan suah hi a t.ha sawn?an rak
ti.Curuangah,kannih laimi thung cun,zanah thu kan ruat ciamco ih Sun
a rung thlen le ka tuah suak t.heu !

A va pawi em !! Cui zan thim cun kan Lai miphun t.hansoh nak in ruah
ter ngah lo a si hi.Thimnak ruangah nang le kei,u nau kut kai aw ding
khal fiang ten in hmuhter thei loih,kan unau si lo sawn kut kan kai
ngah pang maw !

Sungkhat unau tlangleng za cu khawthim cun in t.hek darh ngah maw …
aw .. sun, khua vang thlang aw law,zanih uk nak ruangah na mi,na
miphun pawl kan cem cuah co,ziangtikah ha khua a van sal ding ? Kan
zanlam thu ruat mi ruangah nang le kei unau in t.hen t.heh,khaw vang
kan lo ngai asi hi… relh sianghlah maw.. na fa le in rem khawm sal
law..

Aw thimnak khui ah so na neh nak tiin kan laimi,kan miphun in khawvan
tik le kan au tlang lai ding,ctikah cun thimnak lalpa in in neh thei
nawn lo ding…Thim kiang awla,Zing ni ra suak thlang law ….

Sermons & Articles

Theihternak
Mi harsa damlo Refugees Interview tuah ding, le lam hla ih um mi
pawl zarhpi khawm duh, zarhte zan riahnak neilo pawl hrangah L.C.F.
Office ah riahnak a um.
Zuu ri pawl le riibuai pawl hrang ah a theih lo. A riak duh nan um a
si le a hnuai ihhmin tar lan mi pawl hnen ah theih ter hmai sak ding
a si.

1. Rev. Ni Luai ( 016 – 3545931 )
2.  Tha Nei Thuam  ( 012 – 6222110 )
3.  David Thang ( 012 – 6822231 )
4.  Run Tuan Hre ( 017 – 3264292 )

Pu pa thuphung

Khaw mawt lai ih za lam leng ah an ciing lo leng dawh.

Na sam thlai rem zam selso te thal hnah zuang bang.

Na mit sersi zing ni suak bang.

Na biang tleu te thuam nei tlengtle bang.

Na hmel pempi thla eeng te bang.

Ko kung, rawn ningkei an ciing lo.

Van kam t.ial ah nang bang sem hlah hai a t.ha maw.

Umhar phen tu fuk te.

Thuthang danglam deuh a um maw?

Malaysia ihsin Kawl ram hei tlung ih Yangoon a thlen ah a rualpa
thawn an tawng aw.  Lakphak dawr ah cawl ta in thunuam an rel tlang
rero.
Malysia ihsin ra thleng pa cun …e..ka rual tulai teh kan khaw lam
thuthang dang lam deuh a um maw? a ti. A rualpa cun  um lem khal in
ka thei lo. nan, pakhat cu a um vek a bang…

Kan dung te ah ralkap pawlin kan khua an ra pal ih kan ukat.hah pa an
kai. A rualpa cun, a dang teh a um lai maw? a ti.Cumi lo dang cu..
Kan ukat.hah pa an kaih ruangah kan khaw pawl an thinheng ih ralkap
pakhat, kan khua ih fala ra leng cu an rak kaihrem, an vel na deuh ih
a thi…a dang a um lai maw?..aw malte a tang lai..ralkap thih
ruangah kan khaw pumpi cu ralkap pawl in in ra kulh ih kan fala
hmuahhmuah khal in lak sak t.heh hai. Cumi ah cun na nupi khal a
telve in ka thei.

A dang teh a um lai maw? a hei ti bet..a um nawn lo tluk a si nan,
na nupi an kaih thu kha na pa in a thei ih..a thidang, na nu in a vun
hmu cu..a t.ih tuk nak ah sangkate in a dawp. Na nau le pawl khal an
sikpiat t.heh ih an zaten an awk aw that t.heh.

Cu le nan inn cu zo hman an um nawn lo. Kan dung te ah zuu ri pawl in
zuu in nak ah an hmang ih meisa an ti kang pang. Nan inn khal a kang
t.heh.
Meisa kang ruang ah ralkap pawl in nan inn le lo, nan thilri pawl
hmuahhmuah khal an ting t.heh…a ti.  Tucu khua tlung khal aw la
zianghman hmuh ding a um nawn lo..

Fala tlangval duhawknak

Duhawk nak ti mi hi a phun phun a um thei.
Kan ran vulhmi  le thil dang kan duhdawt dan cu kan sim lo ding ih,
hi tawk ah cun minung le minung duhdawt dan ih theihthiam harsa
zet,neih  tik cu caan nei le buaipi um zet duhdawt nak thu ka sim
duh.

Duhdawt nak cu Greek t.ong cun; rualpi leh unau duhdawt
awknak `Philos? Nupinu pawl in an fate an duhdawt nak `Storge?
Pathian nih minung in duhdawt nak `Agape?le Fala leh Tlangval duh aw
nak `Eros?ti in t.ong phunphun in an sim fiang t.heu.

Hi Fala leh Tlangval duhdawt nak lawng hi kan thupi ah hmang in kan
sim hrih ding.Hi duhdawt nak hin in tumtah ter mi cu nupa dingih tuah
awk ding ti mi hi a si. Nupa hmaisa bik Adam leh Evi cun hi vek
duhdawt nak hi an nei cia lo a bang, an neih cia hmanah,an nei tam
lem lo men thei..

Asinan an tongawk ni-ah nupa ah an cang cih.. a si ah cun duhdawt awk
cia t.ul lo in nupa a si theih ko lo som? Hi tin na ruat ve dah maw?
Adam te’i nupa cu tulai san thawn `duh dawt nak thu-ah?taht.him ding
an si lo.
Adam cu a tak tak(practical) ro ri in Vut lei thawn sersiam mi a si
ih,, Ev cu Adam hnakruh ihsi tuah mi a si.An um dan le tulai minung
nun dan hi zoh hnik,duhdawtnak lam zin hi ziang can so na zawh zo?
Minung dang hmuahhmuah cu Nu pum sung ihsin a ra mi kan si thluh.

Kan suah dan a bang aw lo ih kan thinlung tla a dang thei.Asilo khal
le Duhdawt aw ngaingai lo cun nupa cang zo hmansela t.henawk nak a um
phah ko ding a bang.

Mipa cu a nauhak lai ihsin a mi theih dahloh hnenah ret hnik aw. Amah
umpi tu ding mipa leh nunau ret hnik. Nunau umpi cu a duh teng teng
sawn ding.Cubantukin nunau, nauhak te khal hi a si ve.Hi duhdawt nak
hi a t.hang so vivo ih, zo ih theihpi lo in kan buaipi ciau mi a si.

Psychologist pawl cun mipa cu kum 16 ihsin 28 tiang cu nupi neih hiar
nak in caan an hmang, nunau cu 14-26 kar lak a si an ti. Hrek khat cu
an sual aw zik ih, hrek khat cu hi duhdawt nak ruang ah an buai.

Hrekkhat cu hi duhdawtnak hi an co lo ruang ah maw mah leh mah hri in
an that aw t.heu.Tlangval tla a tuah dingmi leh t.uan dingmi tlansan
rori ih a fala nu a buaipi caan tla a tam.. Siangpahrang fim bik
Solomon cun a  theih thiam loh thil pali a sim.

Lungpi par ih rul feh nak lam zin, van ih a zuang mi mupi zam nak lam
zin, Tipi parih lawng fehnak lam zin le tlangval in fala a pannak lam
zin hi a si.Zin um lo thla, mahte hawl cawp t.ul. Caan tampi le
thazaang tampi kan cem nak hi tlangval hrangah cun duhdawtnak lamzin
kan zawh ruangah a si. Nupi nei riai lo si cu zo hman kan duh lo, a
ruat tla kan ruat ngam lo.Nupi nei lo ih Upa zo pawl hman hi an duh
lo ruang ah maw fala an ton loh ruang ah maw a si cuang lo.A zin an
hlo a si sawn !!.Mirang ca ngantu cun,’mipa cu fala a neih hlan sung
lawng  a lung awi thei?a ti.

Unau, nang tlangval maw fala ha na si? Ngaizawng teh na nei maw?Na
ngaizawng ruangah na buai ve ko maw?Alexander Pope cun,’fala cun a
man can ih a ruah mi hmuahhmuah hi tlangval in thei thluh sehla, nupi
nei duh zo hman an um lo ding?a ti.

Cuvek thotho in  Mitch Album cun,?nupi neih cu sirawknak a si ih,
neih loh khal cu neih hnakin a sir um sawn,ka duhdawt zet mi fala ka
neih thei nak ding ah ziang zat so ka cem tiah ka fapa nih i sut ih,
a man ka siar thei lo, tu tiang hin ka kuan re ro lai, ka ti?ti’n ka
sim.

Kan nupi pasal ding hi kan falat tlangval lai-ah thei cia sehla zoin
so duhdawtnak hi ngaihlu lo um ding? Thlacam ih dil a t.ha, mah zoh
fiang aw ih duhdawt nak tlamtling te kan neih ciau thei nak dingah,
kan falat tlangval lai ih sin kan mah le kan mah fimkhur zetin falat
tlangval duhdawt nak hi kan hman a t.ul.

Ka umnak hmun a dik tawk maw
                                                             By :
Robert Pa

Tulai  kan minung san hi a mak in a dang lam vivo,hnam le ram t.an ti
aw siin kan umnak hmun hi kan zoh fiang a t.ul nasa.
Tipi Thuanthum parih Lawngsiat tawk pawl cu,ti hal in an umtikah,tipi
tii cu an inn t.heu,an inn tam deuh deuh le an tihal a zual deuh
deuh,tipi parih umsi in tihal in an thi !!
Unau nang le kei hi ram hrang ti siin,kan ram kan t.an t.eng t.eng
nan,kan duh khawp thei lo,a san cu kan umnak hmun in a zir lo a si
pei maw? Ram le hnam t.an nak hi a phaw ah kan hmang men a si sawn lo
maw ? Malay Taxi Driver pa cun,  ?Ka inn fiang ten hmuh ka duh asi le
a lengah ka suak ta a t.ul,inn sung ihsi cun inn pian zia ngai ngai
ka hmu thei lo ding?tiin a rak sim dah.

Curuangah,nang le keiih kan ramhrang kan ti rero mi hi leng lam ih si
rak hmu tu pawl in an t.uan ngai ngai in ti pei maw ?Kohhran le mipi
hrang ka t.uan na ti mi teh hi,leng lam ihsi rak hmutu pawlin “A
t.uan ngaingai a si ?an lo ti pei maw? Ruah ding tampi a um,a san cu
kan um nak hmun a dik loah cun maw,ti hal in kan thi lai thotho ding.

Curuangah hin kan umnak hi a dik ngaingai maw ti kan ruah thiam a
t.ul. Leitlun nawmnak duh khawp loin lawng in an to suak hai nan,an
nawmnak hawl nak ah thih nak an tong sawn,tidai an inn rero nan,an
tihal a riam thei lo,tihal in an thi tho tho.

Lietlun nun hmang thiam tu si ding cun kan umnak hmun,kan dinnak hmun
hi a fiang a t.ul ding ti hi Pacang na ruat dah maw ? Kum thum kumli
na um zo nan,ziangah ha mi ih rintlak nasi thei lo,na um nak ruangah
a si pei maw ? Cu men hman silo,mi ka bawm, ram hrang ka t.uan na
timi teh hi,John Rich cun,  ?Mi kan bawm ding kan ti cun,kan mah kan
zoh fiangawk ta a t.ul?a ti.

Curuangah hin,kan umnak ih a zirlo hnuhnu cu khawinah hman kan tlem
thei lo,Malaysia ih tlem lo cu,USA le Vanram hman ah an tlem ka zum
lo,a san cu an umnak a dik lo ruangah asi.

Leitlun fimthiamnak a sang vivo,mi phun duhdawt tu an tam,ram hrang
t.uan duhtu an karh vivo,falam minung hrang t.uan duhtu khal an tam
vivo,ziangtin ha
kan ti ding,kan duhdawt nak le kan t.uan nak tlang hi a dik a t.ul
asi.Culo cun kan miphun duhdawt nak hi miin kan phaw ah kan hmang asi
ti in theih ngah cun,ziangha kan cang ding ? Miphun zuar hlo tu
maw,ei t.ek tu ah ha in ruah ding ?

Curuangah Unau nang le keiih ruah dan men hin kan leilungpi kan ti
buai ban lo,kan mah le mah lawng kan buai ho khaw…ka ruah dan le ka
pawm dan hi Pathian hman in pawmsak lo?minung khal in an t.awm t.heh
lo,cu cing in na ruah dan le ka ruah dan men ih kan feh le,zo ha mi
phun duhdawt in ti ding ?

Thu tampi kan ruat t.heu,ram hrang kan ti nan a phen ah kan mai hrang
a tel t.heu asi hi !! Laimi kan duhdawt fawn,ziangah kan um khawm
thei lo,lai mi maw kan duhdawt kan hlawk nak kan hawl ? Kan mi phun
hrang ti si in ziangah ha kan um khawm thei lo…ka ruah nak tlang ah
ka ding rei tuk asi lo sawm ?

Ruat hnik unau,Mahatma Gandhi cun, `Ka nun hi ka ram hrangah,ka taksa
hi ka miphun hrangah,ka ruak hi kan sungkaw hrangah?tiin a rak
sim,ziangah tile,kan nunnak hi thil ti thei tu cu asi,cu mi bik cu
kan ram hrang kan pe siang ngai ngai maw ? Kan taksa cu mi hmuh thei
mi a si,cui taksa cun miin kan mai hrang ah a t.uan asi hi ti in an
ti sawn ding asi.

Kan ruak lawng te cu kan sungkhat unau pawl ih t.ah khum ding lawng
asi bang in ram hrang ka t.uan ding asile,sung khat unau tiang hi kan
t.ah ter a t.ul nan kan ni cun kan miphun kan t.ah ter fawn !!
Ziang tin ha Laipacang ,t.hang thlang law,zoh hnik na hrang t.uan tu
hi na hmu fiang maw,zo ha a si ? cu mi zoh fiangding teh in na umnak
a dik maw ?
Ruahnak nei lo Uico hman rawl pekih a mei tal a zap duh loah cun zo
si rawl pe rero ding ? Ram hrang t.uan ti si ih,lungawinak thawn
t.uan lo mi cu zo ha zoh in enkawl paih lai ding. Aw Sahrang?ka
hmaiah ra suak aw,kan ram hrang t.uan tu ih umnak ka lo sim ding !!

LAIMI HRANG A HLEI CE HNA TUAN DING A UM

Herbalife International cun hmai kum January 21  ni  ihsi khin
Malaysia ah Company a ong zik,hi Company hna t.uan tu ding minung
tampi an t.ul ding,mirang t.ong mallai thiam ( malte ngan le siar
thiam,thiam tuk a t.ul lo ) hrang ah siauh theih asi.

Cun hi Company ih suah mi ei in hi a hmang duh hraangah khal lei ding
a um.A ei in tuah suak mi pawl hi,Asia lawng silo in,Leilung tlun
pumpi ih Thoh khan mi a si.An ei in tuahmi pawl cu,

1. Mi thau hrang le Pum cek hrangah rawl punghman ei tho siih thau
vivo thei lo nak.
2. Hna t.uan bang, ih hmuh khawp lo pawl hrang.
3. Nunau vun mawi duh hrang.
4. Nupi nu naupai hrang(naute hrang protein )
5. Hmai hrikcu tam mi pawl hrang6. mit cak lo hrangmi tawl hrang thau
le cah nak ,hi mi si pawl hi a man ah buai a tul lo,na taksa in a
that pi lo asi le sumpai na lei nak cek ci an lo khirh sal ding.
Thei fiang duh hrang ah simpson_nawl@… ah si maw, simp82love@… ah
si maw rak sut aw,hna tuan na uh kahl le hi nah hin rak sut aw,na duh
dan vek in lo phi ding in kan ral ring ring ring.

KA DUHDAWT ZET MI KA FALA
( Kan dung zarh ta peh nak)
`A
n?tiih ka sawn hnu cun,ka inntek pa cun,”Asile thu pakhat te ka lo
sim ding,a mawi fawn ih,a duh nung um fawn cu ruangah a lo thei nawn
lo tla asi men thei,nan hlawhtlin nak cu na kut ah a um,cun tuizan hi
hla an zir ding,cunah cun na tawng thei ding,ani cu fala fel asi vek
in,kohhranlamah  khal mi hman mi asiih,hla zir caanah cun hlazirnak
hmun lawngah na tawng thei ding?tiah in ti.

Cu mi hnu cu rawl ei khal ka mang nawn lo,ka nghakhlap tuk !! In thei
thiam uh law,ka tawn hiar nak a rei tuk zo…Mino hla zir tikcu cu a
thlengih,kei khal  ka neih mi hmuah ih t.ha le fai bik te,nan, mi
hmuh ih mawi lo ding khawp cu si lo thawn,sam pial veuvi te cun ka
pawk suak ve,biak inn hmai ah cun fala tlangval tt.hahnem nawn cu an
rak um zo,mi khual tifam cu,rualpi biak ding le nei ta hlah,mah te
cun ka um mem,an kim cuah co thlang,ka duh mi te ka Parte ka hmu hrih
lo !!!

Inn sungah cun hla cu vehnih hrawng kan sak thlang,ka thiam cia mi a
si nan,ka thinlung hmun dangah a um ih,ziang hla ka sak  ka thei aw
lo !
A vei thum nak kan nawlh zik thlang tiah,saangka ah cun ?

Aw ?hi hi a si ko ding,palh thu a um lo a mawi law law ! Angki sen no
a hruh,laitlang ti fam cu,puan nem te thawn a taksa cu a tuam awk.A
ra lut vivo ih,a fiang sin sin,a mawi sin sin,a mit men ih sin fala
fim le fel asi ti cu thu ruat mi hrangah cun theih lo thei asi lo.

A sam sau hnianghni  cu a liangah a liam ter ih,cu cun a nau rawl
bawm cu mawi takin a khuh ! A kiangih to a rualnu in a rak sawn
ih,hni siam si ten a biak…aw..a hnih cun maw…kei cu ka cem thla
riai,a mawi tuk.

A hnar ngul sang lam deuh le a hmai ruh sawl lam deuh cun a duh umnak
a ti tam sin sin.Hivek in a mawi thei ding tiin ka ruat dah lo,tu cun
I thei duh lo khal sehla a mawh lo,kei le mi parih leng minung ka si
fawn lo,in thei in, in duh lai pei maw ?
Ka mit khal khawi dang hman ka thlir siang lo,ka Parte parah lawng
lawng ka mit cu ka toh ! Ka zoh rei sin sin,a duh nun nak a karh sin ?
Nitin a hlan hnak in a mawi cuang ?ti khi cu a nep tuk lai.Seno suak
pek vek ih no le mawi,duh nung,mit rawl tha,van cung fala rung dawp
suk asi lo ding tiah zo si el thei ding ? !!

Ka mit ih ka zoh rero laiah cun,in zoh ve vek khin ka thei,nan ka
ruah nak ah ka neih lawk,vei hnih vei thum hrawng cu ii zoh ve,cu cun
kan mit le kan mit cu a tongaw cing cing,a can le hla bu zoh vek in
ka um nan,ka zoh rei thei lo,ka hmaiih Lai fala sit,mawinak hmuah
hmuah ih thuam,ka zoh khawp thei lo !! In mawhthluk siang  hlah
uh,nan hmuh ve lo ruangah sokhaw?a hmu tu cun Parte hmaih sin zohman
an mit an la sal kel lo !!

Kan mit le mit cun thu kan sim aw rero,nan tongkam tel lo cu a fam
kim thei lo.Khat lam ah ka ruat mi cu,kei hi mikhual ka si fawn si,ii
hmuh dah lo ruangah maw  ii zoh,maw ii thei lai ha ? ti mi cu ka
thinlung sungah an sual aw rero.

Kan hla zir kan theh hnu cun,in lengah ton sal teng teng tum in ka
hawl nan,ka hmu thei nawn lo.Ka mit cun hmun le kip cu a dap nan,ka
hmu thei cuang lo,an inn umnak mi suh ding tile,mi khual men ka si
fawn,thinlung ih kim lo zet te cun ka thlen nak inn cu ka pan.

Ka inn tek pa hmuh khal ka huam nawn lo,ka ruahnak ah zo dang khal an
tlem nawn lo,hmuh duh mi zo dang khal ka nei lo.Zan ka ih khun parah
cun a ti dan kel ten ih thah ka tum nan,ka it that thei nawn
lo.Ziangtikah ha ka tawn sal ding ti ka ruah nak cun ka ih hmuh a ti
sual ih,it that thei lo in ka ih khun parah cun ka taal let aw rero.

A thaizing khua vang sehla teh kan tawngaw sal thei ding maw ? Kan
mit le mit tawn awk laiih ka um dan ka ruat sal ih,in thei lai ko,ka
ti thul aaa?a cang thei lo ding ka ti thul?nan a thaisun khaw vangin
in sim fiang leh lai pei cu? (peh lai ding )

Bollywood Queen : Aish Warya Rai

Aish Warya Rai, Bollywood fala mawi hi; Leitlun milai thawng tampi
cun Fala mawibik tiah an lungthin ih taang ringring mi a si.

Rai hin India ram ah Film 30 lenglo a tuah zo ih tu hi Hollywood lam
ah feh in ?Mistress of Spices timi film an tuah rero laifang a si.
Amah hi kum 31 a kim zo nan a mawinak cun fehsan a tum hrih lemlo
nasa.

Rai hi Leitlun fala mawibik tiih kawh le hmin larzet a si ko
nan…Cinema sungah public in an hnamawk lai kan hmu dah lo.
Ziangahtile India Film daan in a duhlo ih hleiah India culture khal
ah mi hmuh ih hnamawk tivek a um lo Hollywood na thlen tikah hnamawk
lo cun Film pitling tuah a theih fawn lo ziangtin? tiah thuthangca
ngantu pawl in an suhnak cu… ?

A caan kimte ah cun ka tuah ngam ve ko lo ding maw? Lilawn feh tlang
ih a hmun le ram kanthlen tik ah?tiah hi Asia fala hin a let hai.
Rai hi 1994 kum ah Leitlun Fala mawibik ( Miss World ) ih hril suah a
rak si dah ih tui ni tiang ih Leitlunmipi mit la tubik fala pakhat a
si ringring lai.

A Film hmaisabik Iruvar timi cu 1997 ah tuah suak a rak si ih; himi
kum thotho ah Aur Paar Ho Gaya timi film ih a telnak ah Best Femael
Debutante award a dawng. 1998 kum ih Jean timi le Kandukondain
Kandukondain timi ( 2000 ) film a tuahnak ah Leitlun milai tampi
thinlung a la zet. Cun 2999 kum  ih Hum Dil De Chuke Sanam timi film
ah Best actress a ngah bet. 2002 kumih Sahrukhan thawn an cannak ?
Devdas?timi film cu tuini tiang in Bollywood hlawhtlinnakbik film a
rawng si ringring lai.

2003 ah Rai hi India fala Cannes Film Festival ih tel hmaisabik a
rawng si. Rai hi Time Magazine in Leitlun milai Influantial ( mi hiip
thei bik ) 100 a hril suah lak khal ah a tel. Rooling Stone Magagine
khal in  ?Hot List?ah a khum tel ve.
Mirang tong ih a film can hmaisabik  ?Bride and Prejudice cu Feburary
thla ah theh a si ding.

Rai hi India lawng silo in International ramkip ah a lar thawk vivo
ih a webside lut duh hrang ah www.aishwaryaworld.com ihsin a thuhla
tamsawn hmuh ding a um.

Leitlun nunau mawibik a si maw? Kumzabi hrek hrawng liamzo hrawngah
cun Hollywood cun Grace Kelly, Ingrid Bergman asilole Elizabeth
Taylor pawl tla nunau mawibik an ti men thei. Asinan Correspondent
Bob Simon cun…. ?tulai ih nunau mawibik tiah Leitlun mipi tam sawn
in an hril ding cu Asia fala, Aishrarya Rai ?hi a si a ti.

Bollywood hin nikhat ah Film thar  pathum an tuahsuak ih Leitlun pum
ah an thehdarh thei ringring ih mipi 5billion hrawng cun an zoh
ringring ti a si. Cucu Hollywood lei hnih in a tam. Ziangruangah ti
le Bollywood cu an thianghlim tuk. An film tuahmi ah hnam aw ( kiss )
le Sex hmang tivek hnuaihni an um lo. Sex hman tulnak zawn ah cun hla
an sak theu men.

Mirang pawl in Kiss- awk thu hla ih an rak suhnak ah  ?Milai  kiss aw
pawl khal a sualnak ka hmu lo, an duhdawtnak cu Kiss in an nghet ter
ve a si ko; asinan India, kannih lam ah cun milai pawl hmuh ah kan
tuah lo, zawi hmuhlo te in tuah a si theu?tiah a let hai.

Rai hi Hindu biaknak ih kulmuk zet fala a si ih; a biakmi pathian cu
200 hnak ih upa Lord Ganesh ti ih kawhmi a hrek milai a hrek sai lem
a si. Cucu Hindu pawl ih biakmi  ?hlimnak?petu pathian an timi a si
ih zarh tin India ram pumpuluk ihsin cui pathian biak ding ah milai
100,000 hrawng an pungkhawm theu.

Rai hin mawinak lawm khal a ngaihsaklo zet. Ka landan hi a tawk ko a
ti men theu. Actress khal si a tum dah lo. Miss World tiang a rak
zuamnak khal thildang ruangah silo in Leitlun in India, a pitlinnak
ram cu an hmuhdan thleng seh ti a duh ruangah a si.

Kum 21 a si ah Leitlun fala mawibik ih hril a si thu le Leitlun in a
mirang tong le mawinak pawl an mangbangpi zia pawl rel nuam a ti zet.
Mak ve tak cu kum 30 lenglo a si zo nan Indian culture thlun in a nu
le pai kiang ah a um ringring lai; cucu Leitlun theih ding ih a duhmi
pakhat khal a si.

Rai hi India nunau lianbik ah a rawng cang.  Simon ih Interview
netabik ah tlangval a neih le neihlo thu cu… “cucu autobiography?
hrang ah si seh tiah hni phah in a let men. Len rei a tum hmel lai
nasa….

Suu Kyi thawng tlaknak kum 10 kim

Kan dung tlawngkai nikhat Octoer 24, 05?ah Aung San Suu Kyi cun Junta
ralkap cozah in a inn ih an khumbet nak kum 10 a kim thu hminsinnak (
mark )  a tuah.
London le New York lam khalah hminsinnak an rak tuah pi ve. Suu Kyi
hi veithum kaih ih kaih a si ih; a thawngtlak le inn ih an khumbet
caan hmuahhmuah kom cun kum 10 cekci a kim a si.   Suu Kyi hi 1989 –
1995 tiang, 2000 – 2002 tiang, 2003 May thla ihsin tuisun ni
tiang….kaih le kilven a tawng leuhleuh a si.
Kan dung June 19 ni ah Suu Kyi hin kum 60th kimnak suahni a lawm ih;
birthday party ih tel pawl cu ?a siibawi?lawng a si ih; a phone line
tiang in an cut sak ruangah….nitin te khawhar nguaingo in ram hrang
a tuar ringring a si cu.  Kan theih ciau zo vek in NLD hin 1990 kum
ih rampi hrilawknak ah tohkham an ngah nan 1962 kum ihsin tohkham
kaitu cozah pawl cun tui ni tiang an  uico zang hum tinak a si.

Malaysia ah Kawlram mi Zuu Fiir kai ngah

Tlaawngkai nili ni zinglam 4.30am ah Klang palik pawl cun truck lorry
tum pipi paruk, a sung ah zuu box khat thepthep ih retmi an kai ngah
ih a fiirtu  mi 9 lakah Kawlram mi pakhat a rak tel ve riai.

An zuu firmi hi boxes 1000 lai a si ih hmu ngelcel lo sehla an
hlawhtling men ding tiah  Klang palik bawi Mohd Jamil cun a sim. Hi
zuu hmuahhmuah hi RM 1.15million man hrawng a si ih; Martell, Cordon
Bleu le Cognac ( mirang zuu ) pawl an si.

Mifir pawl hin an hmai an tuam ih namte, metalcutters le parang pawl
keng in Zuu retnak Store pakhat ih a kiltu guard cu a kut le ke
hridai ih tem tahrat in an firmi a si. An kaimi pawl hi kum 24 – 35
karlak hrawng an si ih, an thuhla fiang sawn ih rel lai ding a si.

UNHCR in Burmese Refugees 600 lenglo cu……?

Thai-Burma ramri ih kawlram mi Refugees 600 lenglo  hrang ah October
24, 05, ihsin Resettlement tuah thawk a si zo tiah Irrawaddy cun a
suah. Tutum ih ko tu pawl cu US, Findland, New Zealand le Norway ram
pawl an si.

Ban Tractor camp ih Kareni refugees 475 pawl cu US, Finland le New
Zealand pawl in an ko ding ih Mae Ramu camp ih Karen refugees 200
pawl cu Norway ram in an ko ding tiah UNHCR zung ih Mathisen cun
Irrawaddy a sim.

Burma- Thai ramri ih refugees pawl umnak inn le eiin bawmtu  biaknak
lam pawlkom NGO pawl ih phuan dan cun …Kawl ram mi refugees Mon,
Karen, Kareni le Shan pawl lawng hman 162,000 rori an um ti a si.

Interview hi a ko tu ding ram ih Justice le Interior minister pawl,
cun ambassador pawl khal in an tuah vutvo. US pheicun Bangkok ah
embassy tumpi an nei ih…ambassador khal in refugees hrkkhat cu
resettlement Intrview a rak tuah ve ko.
Thai ram thotho, Tham Hin refugee camp ih refugees 9,000 pawl hrang
lawngte US cun ko ding thu announcement a tuah hrih lo. Tuitum
refugees pawl hi August thla ihsin regester thawk an rak si…ih tu
resettlement an tuah curco cu a lungawi um nasa.

Yangon : NLD Meeting tuah
Tlawngkai nihnih ni ah NLD  party pawl cun kan ram thlengawknak ding
hrang ziangtin hna kan tuan ding tiah Yangon khawpi ah tawnawknak (
meeting ) an nei ih; kan ram NLD party umnak kip ihsin palai 60 rori
an suak khawm thei. Ni thum sung meeting an tuah ih; ziangtin cozah
dinglai thawn kan biak aw ding ti thu an rel tam bik. NLD meeting cu
NLD party hruaitu tello in an tuah lala a si cu.

Kawlram Politics Thlir nak
                      Spn Sailung.
Leilung tlunih ram hmanih an siar lemlo le ram thagso cak lo,tlakniam
lam pan rero cu,ziangtin ha a thuhla an rel dingih,Ziangtikah ha an
rel ding timi hi a mipi le leilung tlunpumpi thinlung ih khat liam
asi ve lala fawn !

Hi kan ram ( Kawlram) thuhla kan rel le,hrelh thei lo mi minug,a
nunnak le a thi tha tiang ih ram hrang ti tu thu hla tel lo cun a fam
kim thei lo ding ! Asinan Tui Kum June thlaih a kum 60 kimnak hman ah
khan a mah kiltu Doctor lo cun an hmu thei lo fawn ! Cuti cing cun
2004 kum ih tawite an suah duak mi hman khan,kawlram Pupa ih ihhmuh
cu a ti suak lo nasa ke !

Kum 1962 ihsi thawkin Misualpa ( Ne Win) ihsi thawk in ralkap uknak
ttih nung za le rapthlak za cu an rak thawk zo.Hi ni ihsi thawk in
tuisun ni tiang ram tthansoh hnak in tlak niam lam cun hmai ahruai
vivo asi hi ! Cui si thawk in minung tampi in ram hrang tiin an ttuan
nan,an hlawhsam tho tho ! Ziangruangah tile buai ngai ngai  an ngam
lo tiin UN cun a sim,asan cu 1990 ah mipi vote an rak lak lai ah khan
Democracy Party in 80% in an neh nan,umzia a nei cuang lo!!

Cuisi cun Aung San Su Kyi cun hmai thar la in NLD( National League of
Demorcracy )cun a sur a sa hnuai ah ram hrang tiin an ttuan,nan tu hi
a mai Inn sungah khum in ziang hman tuah thei lo dingih an ti nak kum
10 lai a rak hmang suak zo la la (1989-1995,2000-2002,May 2003-24 Oct
2005 = Kum 10).

Hi mi thu hla ah hin ram phun phun ihsi an lungawilo nak le suah ding
le Democracy pek ding an ti nak thu UN ah thlen rero hmansehla,tuisun
ni tiang ziang thuthar ha kan theih cuang ?Kawlram hin mithmai thar a
suah thei lai pei maw le ?

Maw ram dang dang ah refugee ding minung in bet vivo sawn ding ha le ?
Su Kyi thawn thurel tlan duh bik tu Khin Nyunt le a mai inn tho tho
ah Oct 2004 ah an kai la la fawn! Aw mangbang za le dawnhar za a va
si ngai em !!!

September thla ah khan Nobel Peace Price rak ngah tu minung pahnih
Vaclan Havel( Czhez President bang) le Desmomd Tatu(South Africa
Archbishop bang) cun UN hnen ah Kawlram thuhla ruat lohli ding ih an
fial nak khal cu Australia Media cun a rak phuansuah sak duh fawn
lo ! Cun UN hin action a la pei maw le?  la tuk nan ziang ruangah ha
hmai a sawn thei lo ?

Kum 1991 ah khan kawlram tuahtthat nak dingah Comittee a dinsuak
ih,Special thu than tu ding pawl khal le a ret ttheh,sihmansehla
thupi hla pi ih a suah thei lo nak ding ah a mah bawmtu a ram
kiangkap ram,Japan,Thailand,China pawlin Sumdawnnak ding hrang sign
an rak tthu fawn !!

Thailand khal Kawlram ttan lo vek in a um aw ter ko nan,UN cun tuikum
sung 2005 ih a hnatuan le a tuah mi an zoh tik ah ,kum dang hmuah
hmuah hnak hman in a hluar sawn an ti.

Cun Kawlram in le China model ka cawng ding tiin thu a suah zo,China
model timi cu Democracy pek hnak cun tuiih an uk awk dan Comunist cu
nghet sawn le khoh sin sin ih tuah an tum bangin Kawlram khal in a
tuah tum tinak asi.

Cu ruangah China cun UN le rampi US le Britain in kawlram thutthen a
tumnak cu el thei tawp in an el pi rero.
Sihmansehla ruahsan nak malte cu kan nei lai ,China in ziangbang khan
UN meetting pi ah Action laknak ding kut thlir(Secret Bolock) duhlo
hmansehla,UN minung 16 sungihsi  9 in an lung kim cun lak tho tho
ding asi tiah tu a suah.

M.Siddique cun Britain in action la ding in a lungkim zo vek in la
thlang seh ati.Russia le China in kham khal sehla UN council cun ,
Oct 20 ah khan lak tho tho an tum thlang tiah a sim.

Derek Tonkin cun Su Kyi dam sung cu kawlram Milaipa cu a it that thaw
lo ding tiah a ti.Hmailam thlir thar nak ding umsun cu Hmaithla (Nov)
ah khin UN cun thurel sal nak a tuah dingih,hi nah hin UN Gen.Sec.
Kofe Annan rori in hmai la seh tiih thu titluk tum asi.Kofe Annan hin
Sign a tthu asile Leilung tlun le Kawlram mipi lung dam nak cu a
thlen thei ding !Cunah cun UN dan Bung VII nak ih `Threat To
Peace’hmangih thuthen a si thlang ding.

World News

RCM hotu caangsual tam

Irish ram ih RCM priest 21 rori in 1996 – 2002 ah nauhak kum kimlo
100 an rak sualpi mi pawl cu kandung tlawngkai nihnih ni ah Irish
Supreme Court in Leitlun mipi theih ding ah a tar suak.

Irish Court ih judge tuan lai Frank Murphy cun, a mah rori in hi
nunau pawl hi Interview a tuahmi a si thu a phuang a si. Hi RCM
puithiam, nauhak sualpi tu pawl hi 8 cu an thi zo.

Fern?bishop, Brendan Comiskey cu 2002 kum ah ….a mahte phuhrung
awknak ruangah a hna ihsin a suak. Rev Sean Fortune khal 1999 kum ah
nauhak kumkimlo sualpi nak case 66 rori in an khing ih..a beidongtuk
cu a mahte a rak that aw dah ve.

Hivek thu vun siar cun Pastor le Rev. pawl khal sual thawn an naiaw
tuk ti a fiang nasa.

Mo puan maksak

Tuluk ram Zhejiang province ih Taizhou khua ih mopuai ah monu  cun
20.08m ih sau mopuan ( zuk ) a hruk ih Tuluk pawl cun an uar nasa.
Hihi 2008 Olampik kan hmuah nak lanternak pakhat a si an ti.
“D
Doom? Film sunglawi

Computer game hminthang zet ?Doom?timi cu film pangai ah tuah suak a
si zo ih, tu ah hin US le Canada ram lam ah cun Film hminthangbik, ?
bpx office No. 1?tiang ah a rawng cang.

Doom hin tui zarh cemzawng ah dollar 15.4million rori a lalut ih
Leitlun flim hminthang, thlahrang flim ?The Fog?cun pakhatnak ihsin
palinak ah a tlak phah a si. Tlan zuamnak film , ?Dreamer?cu
pahnihnak a si ih; ?Wallance and Gromit: The Crusade of the Were-
Rabbit?cu pathumnak a si.

Doom film ah hin US actor le wrestler hmingthang zet ?The Rock?in
minta a tuan ih; space station ih thil thleng hmanlo zingzoi ding ih
fialmi ralkap ho khat in ral an va do a si bik.
`The Rock?hi a hmin ngai cu ?Dwayne Johnson? a si ih; Poland ram ih
suak a si.

Top 3 vovies
1. Doom
2. Dreamer
3.  Wallace & Gromit : The Crusade of the Were-Rabbit
4.  The Fog
5.  North Country

Megawati Siizung ah
Indonesia President hlun Megaeati Soekarnoputri cu kan dung tlawngkai
nihnih ni ah khawsik natnak in siizung a theng rori.

Hi khawsik natnak hi  Indonesia ram ih hri thar, Dengue fever timi
natnak a si ih tih a nung zet. Indonesia ram ah tuikum sung lawng ah
milai 605 rori that tu khawsik hri thar a si ih; President hlun hrang
khal ah thil menmen cu a si lo.
Sungkhat nai pawl lawng siizung ah zoh an siang a si.

Indonesia ah Biakin khar sak
Tulaifang hi Indonesia ram ah Kristian pawl an luatlatlo zet ih biak
inn tiang khar sak an tawng. Muslim pawlkom pakhat, Christian hua tu
pawl cun Indonesia ih Kristian pawl cu thah thluh ding ah an hro theu
ih biakinn khal tamnawn khar a si zo.

Hitivek boruak ruangah Christian Freedom International ( CFI ) ih an
president, Jim Jacobsen cun nsazet in tan a la ih Muslim pawl cu
duhduh ih tlang hluahhlo lo ding in a dila si.

Bill Gates 50th Birthday lawm…

Leitlun milai hmuahhmuah lak ih lianbik Bill Gates cun kan dung
October 28 ni ah a kum 50 kimnak suahni a lawm.

Bill hin $ 45.3billion rori a nei ih; leitlun milian bik tohkham par
aha to ringring lai. Amahhi  Pathian zumtu tha tuk a si ih; hiti
sumpai a ngah naksan le soft ware iha hlawhtlin nak san khal hi  ?a
nu in Jesuh?ro ih a tanata  ruangaha si a ti.
Leilung tlun pumpi ah an sungkua hrimhrim hi milian  Top-ten  sungah
pathum an um. Hi tluk ih an hlawhtlin nak hi, Jesuh ih zirmi daan an
thlun ruangah a si…tiah Interview nak ah an sim. um thei lo.

Sport News

Zum har Real Madrid

Kan dung zarh ih sit mi Liliga ah Real Madrid cu puai hnih a peh peh
in an sung. Hmai sa deuh cu Valencia thawn an sit ih 1-2 in mawi lo
zet in an sung. A cu hlei ah Beckham tla yellow pa hnih red card in
suah tiang a tong. Nan Real captain Raul cu a ti kel ten goal khat cu
a thun tho tho lai.

Cui hnu ah Deportivo thawn an tong aw ih be sia zet 3-1 in an sung la
la. Cui tum khal ah Raul cu goal khat a thun tho tho. Real cu Laliga
table ah pa nga nak an si ih an par ah an ral tum bik Barca cu pa li
nak ah a um.

A tha deuh deuh Barcelona

Real Madrid puai hnih a peh peh in an sung lai ah Barca cu puai hnih
ten a neh ih table ah Real Madrid par ah a um.

France Megazine ih pek mi player of the year
Tui kum France Megazine ih pek mi player of the year hrang ih a hril
mi player 50 an hril zo ih cu mi sung in ngah ding ih a laar bik pawl
cu, …… Ronaldinho ( Barcelona ), KaKa ( AC Milan ), Ibrahimovic (
Juventus ), Steven Gerrard ( Liverpool ), Lampard ( Chelsea )…an si.

Maradona in Rooney  a ttan

Man U le England striker Rooney cu a thin a sia khaa zet tiah mi tam
pi in an voi phan lai ah Maradona cun ” cu ti vek ih a lek kha neh
duh nak thin lung a nei ter sawn” tiah a ttan pi hlei ah ” England cu
hmai kum world cup hrang ah khal Europe ram lak ah chance a nei tha
bik ” tin a zum thu a rel.

2nd, 3rd November ih ra ding Champions League match pawl
PSV             Vs    AC
Milan                                              ( 2:45 am )
November 2nd
R Betis         Vs
Chelsea
Rosenborg    Vs   R Madrid
Juventus       Vs    Bayern Munich        ( 2:45 am ) November 3rd
Lille              Vs    Man U
                                             Presented  By :
Zuala

Capo

Hnatuan siau theih lo
Hnatuan a duhtu ih si nak ding pawl :
1. Refugee card ngah cia, a card cu porhawknak ih hmang paih zetmi  a
si ding
2. Hlawh hmai saksak zuu in nak ah hmang ding.
3.  Zuu rit ih piang in a mah le mah a porh aw ding.
4.  Kawhhran upa le  hruaitu pawl a ban tawktawk in a relsia theu
ding.
5.  Sumpai cawi ding  a hawl ringring ding.
6.  Pastor theihpi lo in a malbik nupi pahnih nai a si tengteng
ding… Himi cualifications a neitu hi a mah ten rinsanaw zet in um
ringring seh.

Pa pakhat thu theih duh
Mipi an rak kulh liailiai nak hmun ah a va thleng ve ih mipi cu a mai
theih tawk ten a hei tet hai. Mawtaw accdent ah a neih a si hmang.
Khawiha ka unau sungkhat an um nai maw tin a va zoh. A vawn hmu cu a
ningzak tuk… ?Uico taw pehaw?an rak kil hliarhliar…Hi..hi..hi..

Pastor Farah
Veikhat cu kawhhran pahnih ih members zuu pham pawl cun zuu dawr ah
an pastor thu an reltlang hmang!
* Pakhat cun….nan pastor cu a va rethei lawmmam ve…a nu le pa
bawmnak lawnglawng a zoh ringring a  si lo maw?..
@ E….lennak cu pathian thu ah a silo pi leitlun siipuaizi a tuah
lawngah a lian thei ding. Kan nih kan pastor cu cuvek lam a ruat dah
lo; a nu le pai bawmnak par ah a thum aw, zawhte vek in dai ngiaungi
ten a um men..

Forhfialnak…
Nupi nu pacang pa, fa le nau pawl kan tullomi cu pastor pai hnen ah
pek

Contact  At :

hruaitu@…

richardemmanuel4u@…

Tui zarh hrang cu a cem vuarvi………..Kan tawnawk sal hlan tiang
bye…..bye

Comments

comments

Comments

%d bloggers like this: