Hruaitu Issue 83

Hruaitu Vol.83

Kan thangso maw?

Unau, Malaysia na rat hlan le tuini tiang na caan hmanmi pawl kha
vawn ruat sal hnik aw! Thiam betmi, theih betmi pakhat tal na nei
maw? Na rat hlan ih na hmui tinmi pawl teh na ngah thei maw?

Milai hi Pathian in a sersiammi hmuahhmuah lak ah danglam bik le tha
hleise in in tuah ti hi hngilh hlah. Mai si danding kansi theilo cun
piangsualnak cikhat a si.

Kan nitin caan hmanmi ah thansonak kan neihlo ah cun Vokpi vek, nitin
mai rawl ei kel te ei ringring kan si ding. Curuangah kan nolai caan,
kan cahlai caan, kan mawilai caan tha hi kan damsung ih man neibik
caan an si ti theiin, thil ziangkim ah thanso vivo kan zuam tlang pei
uh.

Remdaihnak le lennak tawh fung

Saya Ngun Lain

ible kan siar tik ah Pathian nih
                      minung pawl an nun ka zoh
                      tikah an sual tuk thlang, an thinlung hrimhrim
ah sual a lut thlang a ti. Cumi thawn pehpar in Pathian in Zechariah
hnen ah hitin thu a sim. Minung hi an sual tuk thlang ih an nun an
remawk sal theinak ding cun…

( 1 ). Hriamnam thawn cun a si theilo ….a ti.

Minung hi an sual tuk thlang ih hriamnam thawn an nun thleng ter cu a
si thei nawnlo ding a ti. Cucun, hriamnam hin minung nun a thleng ter
ngaingai theilo ti a fiang ter. Genesis kan siar cun, Pathian in
Leitlun milai pawl hi an sual tuk ruangah tidai in a rak khawlh fai.
An te fasin pawl an sual sal lala ih Pathian in tidai in in khawl sal
pangah tiin Babel insang an sak. Asancu, tidai a lik ciamco sal
khalle hi innsang parah kan kai dingih kanhim ding, thihnak in kan
luat ding ti khi a si ko. Hi Balel insang an sakmi hin ziang a
langter ti le Pathian cahnak kha an do ti a fiang ter.

Israel mipi pawl khan Pathian thlawsuah pekmi Cannan ram lut ding cun
hriamnam in mi tampi an that ko nan; anmah rori khal sual ah an tlu
sal. Curuangah cun kan ram le kan miphun in nun mawi le nun dik kan
neih theihnak ding ah cun hriamnam in a si theilo ti cu a fiang.
Miphun le Kawhhran hrang remnak tuah na duh ah cun na hriamnam in a
si theilo ding ti cu Pathian thu a si. Jesuh in Peter hnen ih a timi
cu nam in mi a that tu  cu nam in an thi ve ding.

( 2 ). Thazang ( power ) khal in a si theilp…a ti sal.

Minung hi thazang ( power ) hmang in pakhat le pakhat nehawk  kan tum
theu.Hlan kan pipu san ah cun thazang rori in an rak sualaw theu ih a
nehtu cu upat le sunlawih zet an si theu. Cubangtukin a tu kan san ah
cun thazang ih zuamaw nawnlo in fimnak, Degree in maw? asilole lennak
( paisa ) in maw? a phun phun in mi par ihtlan kan zuam aw ciamco. Cu
khal cun minung pawl hi a rem thei lo ding tiah Pathian thu cun a ti
sal.

Tahthimnak ah khaw pakhat in zuu inn hlah uh, zuu zuar hlah uh timi
dan cu an tuah thei ko ding nan, khawsung ih zuu in pawl cu an dawn
thei ding nan khaw leng lam an thlen cun an nun kel thotho an si ko
ding.  Curuangah kua le ram, miphun le kawhhran thansonak ding
hrangah cahnak ( power ) thawn cun a si theilo ding Pathian in a ti.
Siangpahrang Saul in hriamnam le power in Israel rampi cu uk a tum
tikah caan tawite cu a

um thei ko, asinan a rei deuhdeuh ih an buai deuhdeuh, anetabikah cun
Pathian Thiangthlarau ih khatmi David kut ah ram cu a tla.

Curuangah kan Pathian cun minung an nun mawi theinak ding, ram,
kawhhran le miphun lungrualnak ding cun a par lam ih pahnih hi hman a
tlaklo tiih a beidong sanmi an si ih nang le kei khal in Pathian rori
hmanin a beidongsanmi cu hman le rinsan kan tumlo hram pei uh!

Sihmanseh, ( 3 ) Pathian thazang ( Patian
Thiangthlarau )…lawnglawng in a si ding a ti. Mirang Bible dang ah
cun BY MY SPIRIT ti a  si. Leitlun ih milianbik Billgate Interview an
tuahnak ah; ziangruangh so hitluk na lian? Na lennak hi nun
hlohthlaunak ah hmanglo in na controlawk thei? tiah an sut ih a letmi
cu, ” hitluk ka len hlanah hin, hi hnak ih a lian deuhmi le hi hnak
ih mahte a control theiaw sawn tu THIANGTHLARAU” ka neih ruangah a si
a ti. Pathian thlarau cun mi nun a tleng lawng silo in mah le mah
nehawk theinak khal a suah ter ti a fiang.

Pathian Thiangthlarau kan co ta lo ah cun Refugee ong in ziangtluk
ram tha kan va thleng hman ah paisa cawiding hawl in le leiba thawn
kan vak rero ko ding. US le Canada ram pawl kan thlen hman ah Pathian
tello cun hloh deuhdeuhnak men a si.

Curuangah kan miphun kan kawhhran mawiter kan duh a si ahcun hi pawl
hi hngilh hrimhrim hlahuh si!

(a ). David nih a cak tukmi Koliah kut sungin Israel ram a din ih a
thanso ter nak hi ziangdang ruangah a si lo, Pathian Thlarau a sung
ih a um ruangah a si. Khua le ram nan duhdawtlo e, cu e, kha e ti ih
kawkawk rero tla hi a tha ko mending, kei ka ruahdan ah cun Pathian
Thlarau hi nei ta thluh uhsi law cu hnu cun kan rak Koliah kan neh ih
hleiah ram  le kan miphun, Kawhhran kan khaisang thei deuh ding ti hi
a si.

( b ).  Saul sanlai ih Israel ram le anmiphun Filistine pawl in an
nehnak san cu Pathian Thlarau umnak thukaam bawm Israel ram sungah a
umnawn lo ruangah a si. Pathian Thlarau ih fehsan hnu cun ral sung hi
kan leibaa a si thlang.

( c ). Siangpahrang Saul, Siangpahrang pakhat, ei le inn ding tampi
khal nei, sui le ngun, paisa le nupi hman a tawr ih nei pa rori in
thihhrut tuk ih ramhuai zawlnei a pan nak san kha Pathian Thlarau in
a suahsan ruangah a si. Pathian thlarau na hnen ih a um nawn lo ih a
riah na siat ter ah cun miphun le kawhhran ah buainak suahter le
phunzainak suahter lawng na tuah theimi umsun a si ding.

( d ). Penticost ni ih minung 120 paw; phun hnam le background
bangawlo lawng te hmun khat ah khawmnak an neih theinak le an neimi
hman an tawmawk theinak san cu Thiangthlarau cahnak ruangh a si ko.
Pathian Thlarau ccun thintawi Peter le thinsau John khal a remawk ter
ih milian Matthew le rethei Peter, Cathiam Paul le ngakai Peter khal
a remawk ter hai a si..Haleluijah..Amen.

sapte khual tlawnnak report

TUI TUM KA KHUAL TLAWNNAK (15 MAY- 1 AUGUST, 2005)

May 15-19            Japan

May 19-26            Malaysia

May 26-June 1    Australia

June 2-4                           Malaysia

June 5-     9          Hong Kong

June 9-13               Malaysia

June 13-18           Hong Kong

June 18-22           Nepal

June 22-27           Hong Kong

June 27-July 4       Malaysia

July 4-11              Myanmar

July 11-16            Malaysia

July 16-18            Singapore

July 18-August 1 Malaysia

August 2-             USA

Japan : May 15 – 19

Kan sungten (ka pasal Daniel Lim le kan fapa Samuel Lim) thawn May ni
15 ni ah kan umnak khua Kansas City ihsin kan pawk ih Japan ram
Saitama City ih um Japan Bible Tlawng ¡°Royal Mission School¡± Bible
tlawng inn thar ong sak dingin kan feh. May ni 16 ni ah an Bible
tlawng Director nu ordaination pek le Inn thar Pathian hnen ap nak
kan nei ih, ni 17 ah kan pa in ca a zirh. Ni 18 ni ah cun keimah in
ca ka zirh ve.

Japan pawl cu, an Japan `tong lawnglawng an hman ruangah mirang `tong
ih kan `tong mi, Japan `tongin in letsak tu kan nei. Ni 17 zan ah
Yokosoka khua ih um Yokosoka House of Prayer ah Thuthang`tha sim
dingin, kan sungten kan feh bet ih, a thaisun May ni 19 ni ah Kuala
Lumpur, Malaysia ah kan ra.

2004 kum sungah Japan ah voi 7 kan feh ih, tui kum sungah voi 3 kan
feh zo. Japan pawlin kan inn sungsang in duhdawt dan hi ka zoh tikah
Pathian ih fialmi a silolen a cang thei mi thil a si lo. Japan kan
thlen tin ten Kawlram ih ra unau pawl thawn kan bia aw ringring.
Japan feh dingih in sawm tupawl cu Japan pawl an si bangin, Kawlram
biak inn cu kan feh thei ringring lo.

Sihmansehla, Kawlram Bible Society ih General Secretarary Rev. Mar
Gay Gyi thawn, tu a ra ding thla August thlacem ihsin September thla
thar tiang Japan ih um Kawlram biak inn tinkim ah va tlawng dingin,
thlacamnak thawn kan tim kan tuah rero laifang asi. Cumi kan tlawn
tik ah Kawl Bible Judson Version hi Revised tuah ding thu le Audio
Bible tuah ding thu pawl kan rel phah ding tin tumtahnak kan nei.

Malaysia : May 19-26

May ni 21 ah Kuala Lumpur ih um Community Baptist Church ih Church
Camp tuah nak ding; Kuantan timi khua ah thusim dingin motor thawn
(nazi pathum sung hrawng) kan feh. Church Camp an tuah nak cu tipi
thuanthum sirte ih

Hotel ah asi ih a nuam zet. May ni 24 ni ah Church Camp kan `theh ih
KL ah kan ra kirsal. Himi laifangah Kawlram ih um ka nu le pa, ka nau
Mangte lein Malaysia ah in ra tlawng. Cu hlei ah Australia ih um ka
nau Khumte tei sung zaten, a nupi ih nu le pa tiangin, Malaysia ah
kan tawngaw khawm hai. Kei cu Biak inn lam ah can hmang leuleuh ka si
tikah ka sungte lak ah khal ka tlanglengtam man lo.

Australia : May 26-June 1

Australia, Perth ih um, ka nau Khumte tei sung Malaysia an ra tlawn
sungah, kannih sung cu, cui an umnak khua ih mirang biak inn ih
sawmnak vek in Perth khua ah May ni 26 ni ah kan rak pawk. May 27,
28, 29 sung seminar kan nei ih kan pa cu Melbourn ih a Upa hnen ah ni
30 le 31 a cam sungah kei cu mirang biak inn ih mino pawl thawn
Thuthang`ha simnak can ka rak nei ih May ni 31 ni ah kan pa khal
Melbourn in a ra kir vekin Khumte tei sung khal Malaysia in an ra
thleng ve. Khumte tei inn ah zankhat kan riak ih a thazingah
Malaysia, Penang, kan pa tei khau ah ka ra thlengsal.

Malaysia : June 2-5

Australia ihsin June ni 1 ah kan ra pawk nan, Malaysia ah June ni 2
ni ah kan thleng. Tui`tum Penang ka ra tlunnak san cu, kan pai naunu
neih sun, Hoey Min Lim ih mopuai lawm ding kan si. Anih hi Singapore
ih um ringring a si ih a mopa cu Singapore Airline ih Pilot a si.
June ni 4 ni ah an puai kan lawm ih June ni 5 Sunday zinglam ah kan
pai Thuthang`tha  sim `theh veten, zanlam ah Hong Kong pan in kan
feh.

Hong Kong : June 5-9

Hong Kong kan feh lai ahhin Kawlram ih ka sungte pawl khal Malaysia
ih an um ruangah kan fapa Samuel Lim cu Malaysia ah a pi le pu hnen
ah tan in kan nupa lawng Hong Kong ah kan feh. Kan feh nak biak inn
cu Saikewan Baptist Church a siih, kan fapa Samuel Lim a tel dingah
an neih ruangah kan sung hrangah Vacation vek in rak tuah sak nan,
kannih nupa cu cawlh hahdam ai in hna`tuan vukvo kan paih sawn
ruangah, sumpai heu ih in remruah sak khal nuam ti ciam co nak kan
nei lo. Kan um a har sawn ih, kan nupa in Computer thawn hna kan
`tuan rero men. June ni 8 zan lawng Thuthang`tha  ka sim.

Malaysia ; June 9-13

June ni 10, 11, 12 ni pawl cu Sea Park Baptist church ah can kan
hmang. Cutin, Malaysia kan feh tinten, in sawm cia tu, Tuluk pawl an
si bangin, Laimi pawl, tawng man dah loin ka um ringring. Khawm theh
hnu ih phone biak theih pawl cu ka phone theih tawk ka phone ko.

A hlan ka hna tuannak Myanmar Christian Fellowship ih hotu

Library

Rangoon kan tlawng kai
                  lai ah Mindat lam kan
                  rualpa pakhat  cu, ” karual Library timi hi ziang
tinak so a si?” tiah ka sut. ” Inn tumpi tinak pan teh” , tutiang
cumi theilo in maw tlawng na kai rero i ti ih ka ning a zak lehlam.

Thal tlawngpit ah khua ka tlung lala ih kan khaw fala mawite pakhat
hnenah, ” Library” ti hi ziang tinak so? tiah ka sut lala. “Bizuu tum
pipi khi a silo sawm” tiah in let lala. Pakhat hnu pakhat in sim dan
le a dang fawn ziangbik hi so ” Library” ti rero cu aw tiah beidong
cun ka Oxford Dictionary cu ka vawn zoh ih; thil dang ciamco a rak
silo, ” cabu dangdang ret khawm mi khi a si ko” ti ka vawn hmu suak.

Leilung tlun ih mi fim le mithiam hmin thang hmuahhmuah cun an
thuanthu le an hmuh tawnmi pawl ca in an rak ngan theu ih; an tefasin
pawl hrangah an rak ret theu.  Zirsang pawl khal in an thiamnak cu
thluak lawng ah remen lawn cabu in an ngan suak ih ro thil ah a rawng
cang theu. Milai cu an thihlo nan tuini tiang an thuanthu le an
hmuhsuahmi thil tha pawl cu kan hrang lam khihhmuhtu le kan zir
tluktlomi an rawn si theh.  Kan Laimi pawl teh hin ” Library” timi hi
ziangtin so kan hmuh? Inn pi ah maw kan ruah Bizuu deuh! Kan LCF biak
inn ih zarhtin te Library hrang ti ih thla kan cam rero mi hin kan
tumtah bikmi cu a retnak ding inn lawng a si lo, Innpi le Bizu sung
ih an ret dingmi ” Cabu hril khawm” pawl ho khaw a si.

Innpi  hrang ah thla kan cam vutvo vek in cabu hrangah thla cam tla a
cu nan ti ve thlang  lo maw? Ahleice in Malaysia Laimi pawl in kan
siar ban dingmi le a hlawknak kan tel dingmi cabu hrangah thlacam a
cu tuk zo.

Kan ram kan miphun in mi kan bang vivo thei nak dingah Innpi, Bizu,
le cabu dangdang hrilkhawm ( Library ti ih kawhmi ) hrang ah kan
mit kan meng kau vivo tlang hram pei uh. Malaysia LCF kan parmawinak
a lang sinsin thei nak ding cun, kan pangpar neih sun tete pawl hi ti
tawih hmaisa sehla, hmuan hi mawi zet in tuah ta sehla,  kan rim cu
hmundang tlang dang ah a leng ding ih “kanmai hmur silo, midang hmur
in kan mawinak le kan cahnak an sim thlang ding”.

Kan calai hrang ziangtin hna kan tuan vivo ding???

Ka Zan Mang

Mizan cu ka hnatuan ka
                                             bang deuh a si hmang
                                             tuan ten ka  it that
lohli. Ka lu le lukham a vawn daiawk ve ten mang ka rak man pan lo
maw.Ka mang ah cun mupi ah ka rak cang ih Leitlun milai pawl nundan
zoh ding in a sang thei tawp ah ka rak zam.

Mai suahnak ram tete tiah Myanmar lam ka zam hmaibik ih,tuhlan ih ka
cawlh theunak thingkung pawl an rak ro theh, cawlhnak hmulo in kan
ram parah cun ka zam rero ih, Yangon khawpi  sung ih milai pawl
cangvaih dan ka hmuh tik ah a mitthli a dir curco. Khua a hawng tlai
deuh cun nupinu khal in an fa cawilai tan ta hrat in thaisun eiding
hrangah an ti ih, tana kha mawi tlengtli ih hnih aw in rawl an haw.
Nauhak pawl le angki tet hnianghniang le hnap dawk perper in pher inn
ah an kual, a hrek cu nacang pawl thawn an riak tlang.

Mi no rual, thluak cakzet caan rori ah ti ngiau ngaiu ih tomen tampi
ka hmuh tikah supaw theilo cun ziangruangah hi mino pawl hi tlawng an
kailo ? tiah ka rualpa ka vawn sut ih; tlawngkai lamlam cu rel
hlah….Lu tum pawl in meithal kaihter an phan tuk nak ah le an
tlawng kaiman an pek theilo ruangih to hiahhi an si tiah in let.
Laitlang lam ka zam lala ih rilrawng tihal ih lo thlo rero Lai nu/
Laipa pawl ka hmu lala cu ka supaw thei hrimhrim lo. An fa le pawl
Malaysia an feh an ti ih, paisa an lo kuat hai lo maw? tiah ka va
sut. Aih..aih..aih..Malaysia ah cun Ar man a khung tuk ih, an arsa ei
nak ah nguun tangka khal Laitlang a thleng thei nawnlo..in rak ti
bet. Ka thin na tuk cu ka tap ciamco ih…ka hawng thang fukfi cu ka
mang a rak si.

Tui ni ah US ram an thanso nak khal hi an pupa nih Pathian Thlarau an
lungawi ter hlei ah Pathian hrang ah thisen tampi an luanter thei
ruangah a si. Korea ram an thansonak hi Pathian Thiangthlarau an uar
tuk ruangah a si ko. Cupawl cun ram le miphun, kawhhran thansoter nak
ah Pathian thlarau lawnglawng a thupibik ti an fiang ruangah
Thiangthlarau an lungawi ter  hmaisa a si.

Kan thu vawn khaikhawm sehla; Pathian hrimhrim hin minung kan lungput
le kan sualdan a zoh tikah  cahnak ( power ) le thazang cun uk theih
an si lo ding ih remnak le thansonak khal a um lo ding ti a fiang tuk
ih, curuangah Pathian thlarau lawnglawng in ziangkim a tuah thei ding
tiah degree a rak tuahnak a si.  Kan Laitong ah ” Lawnglawng rimi hin
thil dang a ngah nawnlo” timi a lang fiang ter.

Curuangah a parlam ih Bible thuanthu kan tarlanmi pawl le lenglam
thil kan tarlanmi pawl hi; Patian Thlarau hmang ih lungawiter tu pawl
cun nehnak an co ih miphun le kawhhran khal sang sinsin ah an fehpi
thei ti le; Patian Thlarau pakhatnak ah retlo ih thazang( Anna ) le
hriamnam rinsan ih hmangtu pawl cu an tla sinsin ti elawk thalomi
tetti an si.

Kannih khal kan ramle kan miphun, kan kawhhran khaisan le thansoter
ngaingai kan duh cun..cu  Group e, kha Group e, in hmusuam e, Rights
in cuh e, ti vek ruahnak neih ciamco hnak in Pathian Thlarau hi nei
ta hluh sehla kan lung a rual ding ih, thusim kan awl ding, kan parah
Pathian a lungawi ding ih kan ral kan neh ding.

Organizaton din khal cu a tullo ka tinak silo in a pakhatnak thupibik
cu  a si lo, zumtuihrang ah kan zummi Pathian Thiangthlarau lungawi
ter hi a si ko. ” Ka Thlarau cahnak lawng in milai pawlhi an remaw
thei ding ih an thangso thei ding ti hi Pathian hmuhdan pakhat a
si”.

Hriamnam le Minung thazang (Power ) pawl cun ram le miphun a rem thei
nawnlo ih Pathian Thlarau lawng in a si thlang ding. Sersiamtu
Pathian Thlarau neih hmaisak cu sersiammi thil hmuahhmuah neih
theinak hrampi a si. Haleluijah ! A men.

UN Palai Kawlram Tlawng

Kandung August 2,2005 ah World Food Programme ih an hotu James Morris
cu, Kawlram ah va tlawngin, Shan State ih UN palai pawlin Bing cin
kham nak ding hrangih an hnatuan mi pawl a va hal.

Morris hin WFP(World Food Programme) hnen ihsi fangfai tam zet a ngah
tu Shan state ih leilet mi pawl khal ava tawng ding. Hi bawmnak hi
Rittheih sii tuah nak ih an hman bik mi Poppies(Bing) ciin an bansan
nak ding hrangih pek a si.

Cu hlei ah Morris hin Kawlram ih nili a cam sungah Pi aung San Suu
Kyi ih party members pawl khal a tawng ding ti ah NLD party member
pakhat in a sim. Pi Suu Khyi hi innthawng ih khum a si lai in,
mikhual ton ter an siang lo.

WFP Director Myanmar tlawng

Kan dung tlawngkai nili ni ah United Nation kuttang um World Food
Progeamme ( WFP )Executive Director James T Morris cun Myanmar a
tlawng ih Prime Minister General Soe Win le kan ram hruaitu lu pawl
in an rak cohlang.

Mr Morris hi kan ram hruaitu pawl cun Meeting anrak neihpi ih UN le
Myanmar hna tuantlang dan ding thu pawl tampi an rel tlang.

Burma nauhak pawl rilrawng

Tuitum ih UN, World Food Programme Directir Myanmar tlawng cun, kan
ram sung ih mipi pawl harnak le umtudan tampi an hmu ih Leitlun ah an
than cih. Cunah Mr. Morris cun “Kawlram nauhak pawl tampi cu eiding
neilo ih rilrawng le ca thiamlo in an um”  tiah Kawlram a tlawn sung
ih harsami a hmuh pawl cu BBC ah a than.

Morris hin tuitum hi nili kanram a tlawng ih a mah hi UN  senior
official  ih Kawlram tlawg hmaisabik khal a si. ” Kawlram nauhak kum
nga hnuai then thum cu sentet ihsin tirawl tha ei le inlo in an
seilian. Faang suah thatnak ram ah mipi pawl cawmaw theilo in an um”
tiah Kawlram hrang ih a thin nawmlo thu le hmailam caan hrang ih a
thinphannak thu pawl tla Morris hin a phuang bet.

Thai Minister kan ram tlawng tum

Thailand Foreign Minister Kantathi Suphamongkhon cun Myanmar hruaitu
pawl in Democracy lamzin zawh ding ih thu relpi dingin tuithla
cemzawng ah kanram a tlawng tum thu kan dung tlawngkai nili ah a
phuang.

Kantathi hin August 31- Sept. 1 tiang Myanmar pal a tum naksan hi;
kan dung March thla ih tuanvo a lak ihsin South East Asia ram
hmuahhmuah a tlawng thluh zo, Myanmar lawng a tang ruangah a si. 2006
Asian Meeting an kaih tumlo hnu hin Myanmar hi Democracy lamzin zawh
ding in thazang kan pek deuhdeuh a tul a  ti.

Myanmar Forest ( tittaw ) hnatuan pahnih US in laksawng pe

US Envioremental group pawl in Myanmar Tittaw hnatuan pahnih cu; an
hnatuan thatnak parah cawimawinak laksawng an pek thu State Media in
kan dung tlawngkai niruk ni ah a phuang.

Director Saw Han le Director Maung Zaw cun hi laksawng pirpak hi an
ngah a si.

Asian Meeting in Suu Kyi  suah dingin Myanmar dil

Asian Pacific Region Forum cun Suu Kyi suah thlang dingin le
Democracy lamzin lam zawh dingin kan dung tlawngkai ninga ni ah an
dil.

Asian hruaitu pawl kan dung  ah Laos ih an meetingnak ah Minister 25
rori in Myanmar an ngaisaknak lanter in Junta cozah cu NLD pawl thawn
thu rel tlang ding le UN thlahmi Razali Ismael cu Visa pe sal ding in
an dil. Razali hi kan dung kum March thla ihsin Myanmar cozah cun
ramsung ih luhter khal an siang nawnlo.

US Deputy Secretary of State Robert Zoellick cun Myanmar ralkap uknak
dinhmun cu 1962 kum ih poewr an kaih ihsin thangso lam pan lo in
tumsuk lam a pan sawn a ti. An dinhmun kan zoh rero tikah Leilung
tlun ram hmuahhmuah lak ih sualbik ram pakhat an si zo ih
International daan le dun khal ziang an siarlo a tiah Asian Meeting
ni netabik ah Robert cun a phuang bet.

MOC Chairman Cup cu..

Tulai fang hi kan ram ah 2005 – 2006 hrang ih Myanmar League pawl
bawhlung leknak an nei ciamco. August 4 ni ah Myanmar Olympic
Comittee MInister Gen thura Aye Myint cun Yangon ih Youth Training
Center ( Thuwunna ) leknak field ah awknak cerimony a tuah.  Myanmar
Foot ball Federation U Zaw Zaw le hotu dang pawl in an telpi.

Hi awnnak puai ah hin Kwlram hlasak thiam pawl in thlamawi thawn caan
an hmang hmaisa.

aZmf0if;xG#f?wl;wl;?aqmif;OD;vdkdSif ?arcgvm ?aumfeD?wifZmarmf ?
qkefoif;yg&f?,kZe le hlasak thiam dang pawl in Emperor Band pawl
thawn hlamawi phunphun an sak hmaisa ta a si.

Cutheh ah bawhlung lek tu ding pawl cun an mah le hmun ciau an la ih
minister in forhnak thu a sim hai. Tuitum ah hin Finance & Revenue
team le Commerce team pawl an lek ih 3-0 in a neta  team hin an neh.
Lek theh ah MFF President U Zaw Zaw cun, Man of the match laksawng
ngahtu Yan Paing ( a hmaisa team sung uh mi ) cu lakawng K 100,000
rori a pe. A nehtu team ( commerce ) hin K 500,000 rori an ngah.

Myanmar tileuh team pawl Thai ah feh

Kan dung August 4 ah kan ram ih tileuh thiam pawl cun Asia ram pawl
tileuh zuamawknak thailand ih tuah dingmi ah zuamve dingin kan ram
mino hrekkhat pawl cu  vanzam in an pok suak.  Bangkok, Thailand ah a
vei 4th nak Asian mino tileuh zuamnak ti zarh sung hin tuah a si.

US in Myanmar Sunction thanbet tum nawnlo

Tuitum US ram aiawh ih Asia Meeting ra kai tu Deputy State Secretary
Zeollick cun US hin Myanmar hi tuitum ih Aisan Chairman kaih dung thu
ah EU & US thu a ngai ruangah rampi sunction cu kan than bet nawn lo
ding a ti. Asinan, Myanmar ram sungah Democracy lamzin zawh a umlo
tuk lai le Human right an bawhpelh tamtuk mi parah lawngte US cun kan
lungput kelte kan pu ringring ko. Hi thu hi serious tuk ih kan ruahmi
khal a si tiah…D. Secretary hin a phuang bet.

awl cu, zan nazi 12 hnu ah khal in ra leng thei thotho. Karen le
Kachin unau pawlih in duhdawtnak ka hmuh tikah kan lung a awi zet a
si. June ni 12 Sunday sun Thuthang tha sim `theh in, ka pasal Daniel
le kan fapa Samuel Lim cu U.S.A ah an kir sal. Kei cu KL ah Sunday
zan ka cam ih a thaizing ah Sea Park Baptist church ih Tuluk nu thawn
Hong Kong ah kan feh.

Hong Kong : June 13-18

Hong Kong ka feh salnak thu hi, “All Chinese Prayer Convocation” ah
ka feh a si. Kan pa caan a nei nawn lo ih keimah lawng ka feh tikah,
miin, ziangah nangmah lawng in rak ti celcel. Himi ih a ra tu pawl cu
China, Taiwan, Macau le Hong Kong ih um Tuluk Pathian hnatuan
hmuahhmuah, thlacam sak aw dingih tawn awk a si. Mitam sawn cu, kan
hna`tuannak “International House of Prayer”  ih training kai cia an
tam ih rualpi hlun tawng tin ka nuam aw zet.

Nepal : June 18-22

Hong Kong ihsin mi 25 thawn Nepal ah kan zam ih Bangkok kan transit
lai ah Vietnam, Laos, Cambodia, India ihsin mikhual pawl thawn kan
tawng aw ih, cutin Katmandu khawpi kan pan. Katmandu ihsin Pokhara
timi khua ah Helicopter thawn kan zam bet.

Nepal ah hin “All Asia Prayer Convocation” tuah dingih feh kan si.
Buhda hi Nepal ram ih `thanglian mi a  si ruangah, Asia ram
hmuahhmuah ih Pathian hna`tuan Palai tawng-aw khawmin Nepal ram ih
Buhda hram cat dingin, Pathian hmai ah lungkim ten thlacam tlangnak
kan nei. Himi ih a hotu pawl cu ” International House of
Prayer” ,”World Prayer Council” le “Jerusalem House of Prayer” kan
si.

June ni 20 ni ah Katmandu ah Helecopter in kan kirsal. June 21 ni ah
Nepal Bible Society ah ka va leng. Kawlram Bible Society le Nepal
Bible Society ih UBS translation Consultant cu kan `tawngaw, Dr.
Chitra Chhetri asi.

Hong Kong : June 22-27

Himi `tum Hong Kong ka feh cu, Rivival Fellowship ah ka feh. Rivival
Felloship cu Asia ram hrangih a `tuan tu World Prayer Council
sungtel  a si.  June ni 27 ni, Malaysia ah vanzam thawn ka zam zik
tiangin an hnen ah can ka hmang. Keimah thawn thlacam tlang dingin
Hong Kong Pastor pawl cu an dann-si(Kawl tong). Ka bang tuk hi rel
tha lo asinan Pathian in in hmang tin lungawi ten ka um. Vanzam par
ah khal, ka helhawlh thluh.

Corby hrangah khua a vangsal pei maw?

Schapelle Corby, Australia fala note hi kan dung Maythla ah
Indonesia palik  cun Bali a fehlai ih a bag sungah bing 4.1kg an hmuh
ruangah  an kai ih kum 20 kim hngak in thawng a to lai.

Asinan, tuitum ah hin Hutapea timi pa cun A$ 50,000 hlawh ding in hi
fala bag sungah rittheih thil hi kemai thanmi a si tiah Video Casset
thawn Indonesia court pawl a sim. Corby, 28 hrangah  khua a vang sal
thei pei maw?

Tsunami ruangah Pathian tawng

KAn dung linghnin ruangah milai 217,000 hrawng cun an thih phah
rualrual ah milai tampi cun Pathian an tawng phah rori. Youth With A
Mission ( YWAM ) timi mino Missionary pawl in Thailand, India le
Indonesia linghnin tuartu pawl hnen ah theihtawp in hna an tuan ih;
Pathian in an rawngbawlnak thaw a suahih mi tam nawn cun Pathian zum
in Biakinn thar khal a ding rero. Hi YWAM pawl hin thil dang ciamco
ih Pathian thu an phuan theilo hmanah mi mangbang pawl an bawmnak hin
mi thinlung a tham zet ih; an cangvaihdan zoh in mi in Pathian an
hmuh phah rero a si. Indonesia khal  nitin mi 50 hrawng hnen ah
counciling an tuah thei ih hleiah  mi 150 hrawng an cawm ih Thlarau
lam ti le rawl tiang an pe theu.

Baptist World Allian nipi

July 27 – 31 tiang kha Leitlun ih Baptis dangdang pawl zawmawk
khawmnak kum 100 kim lawmnak cu Birming-ham, UK ah sunglawi zet in
tuah a si ih; Leitlun ram hranhran ihsin mi 12,000 hrawng an suak
khawm a si. Hi puai ah hin US president hlun Jimmy Carter le Kawhhran
hruaitu hminthang Rick Warrent pawl tla in thu an sim.

Malaysia Actress mawibik

Malaysia zohnuam Fala ( Actress ) mawibik cu Erra Fazira ( sirzuk )
hi a si. Erra hi 2002 kum ih “Soal Hati” timi film ih a cangvaihnak
ruangah ” Best Actress” ih vote a si.

Soiseltu le relsiatnak a tawng tam zet nan; tongkam menmen cun ka
thin a tina banlo tiah hi hlasak thiam fala mawi, kum 31 nu te hin a
phuang a si.  Erra hin Movies 25 hnak ih tam ah cangtunu a tuan zo ih
1992 kum ah Miss Malaysia khal ih hril a rak si dah. Album thar
pathum a tuah rero lai ih; hmai kum lam cun a suak ding.

Saudi Arabia lal Fahad a thi

Saudi Arabia, Leitlun Oil suak tambiknak ram reitak rak uktu an
Siangpahrang Fahd cu kan dung tlawngkai nikhat ni ah natnak vei in a
thi.

Saudi Arabia rak uk dahtu pawl:

King Abdul-Aziz  ( Modern Saudi  rak din tu ) 1932 – 53

King Saud 1953 – 64

King Faisal 1964 – 75

King Khalid 1975 – 82

King Fahd 1982 – 2005

Saudi ram cu Abdullah in a rawn uk sal ding a si. Abdullah hi Saudi
ram rak dintu pa Abdul- Aziz ih fapa 42 lak ih fapa pakhat  a si.
Abdullah hin kan dung tlawngkai nikhat ah Siangpahrang tohkham a ngah
ih; a mah hi kum 80 a si zo.

Singpore President Hrilnak Aug 27

Singapore cun August 27 ni ah khin an ram President hrilnak an neih
ding thu Prime Minister Office cun kan dung tlawngkai nithum ni ah an
phuang. S.R. Nathan, Washington ambassador hlun, Security Chief rak
tuan dahtu, 81 cun a veihnihnak President tohkham a cuh ve ding a si.
Nathan hi Indainmi Singapore ih suak a si ih, 1999 kum ah President
tohkham a rak cuh dah.

Tuitum ah hin Parlimen ih an rak hrilmi President dinglai Ong Teng
Cheong le Nathan hin President tohkham cu an cuhaw sal ding a si.

Ralring cia aw?

Tui thla sungah  UN zung an ong thlang dingih, tu cu an on veten voi
le     khatah nan mai umnak hmunih interview lo tuah ter cih nan si
men thei. Curuangah CRC ih hmin a pe cia zo nan, mai case ding
zianghman tawlrel nak a nei hrih lo tu nan um asile, nan mai case
ding ciar rak ralring in, rak ngan cia hram uh. Cu lo le, vei le
khatih interview an lo tuah ter asile, a sim dan ding nan anhai pang
ding.

              By : Sen Hngilh Piang

Hruaitu Thuthang hi

Hruaitu zarhtin thuthang thawn pehparaw in thu thei fianglo tla kan
um pangah; ziangruangah man nei in Biakinn ah an zuar ti ih sut duh
le rel rero duh tla kan umthei.

Malaysia ih calai lam tawlrel thawk a rak si lai ihsin HRUAITU
thuthangca hi a rak dinpi mi thuthangca a si. Asinan, a suah nak ding
lam le ca ngantu pawl hrang ah lawngte tlawmngainak parihsin zoawk ih
rak suah mi a si. Kawhhran pi cun rawngbwlnak ngaingai ih a hmuhmi
pawl cu sumpai thawn a dinpi.   Asinan, kan calai lam lawngte hi cu a
mahte ih heraw rero in tui ni tiang a suak thei hi a lungawi um zet.
Kan zuar khawng man in ca kan rial ih a tulmi tete khal lei a si.
Cucu zuar a tul nak san khal a si.Kawhraanpi in calai hrangah Fund
nei ih a cang vaih thei tik caan ah cun khawm nak ah paisa cem rero
ih lei khal kan tul nawn ve ce lo ding. Asinan, HRUAITU thuithangca
in a tummi bik cu ” Kan Laimi pawl Pathian thutak theihnak ah; Mirang
nehsawhlo Lai nu/pa in Leitlun thuthang le theih kauhnak  phun phun
kan theih thei nak ding” ruahsan a si vek in paisa na neih remcang lo
khal le a man pe lo in la ko uh. Kan duhmi bik cu kan miphun in ca
kan siar tam deuhdeuh ding le kan Laica le
tong humhim a si.

Shanghai City Dancers Malaysia ah…

Kan dung August 3 zan ah, Shanghai lamthiam pawl cun Malaysia ih an
show caan netabik  cu Istana Budaya, KL ah tlamtling ten an tuah
suak.  Hi Tuluk lam thiam pawl hin Genting High Land le Malaysia hmun
hranhran ah an show zo. An ram khawpi 10 lai khalah vei 40 lenglo an
lam zo ih; zohtu mipi khal an tam thei zet. Tuitum Malaysia an rawn
khal hi mipi cun an bawh nasa.

Malaysia Bishop hmaisabik a thi

Malaysia Roman Catholic  Archbishop hmaisabik ( sir zuk ) cu kan dung
August 3 zan ah kum 96  kim in a thi.

Archbishop Emeritus Vendargon hi Bishop damreibik 12th si in himi zan
9.42pm ah caan sau nawn natnak a vei hnu ah a thi.

Hi Bishop hi Aug 29, 1909 ah Naranthani, Srilanka ah a sem ih;
thlaruk mi a si ih Malaysia ah an ra vai.  1934 kum ah Puithiam si
ding in Ordained a si ih, August 21, 1955 ah Bishop si ding in
Ordained a ngah sal.

Vendargon hin Malaysia ah History a rak ngan. Ziangah tile a mah hi
December 18, 1972 ah Malaysia  Archbishop hmaisabik si dingin ruat a
rak si.

1983 ah a hna a cawlh san. May 23, 1983 ah a thlawsuah netabi cun
Bukit Jalil ih Prutra Stadium ah  Latin tong in mipi 15,000 pawl
hnenah a pe. Hi Bishop hi tlawngkai niruk ni ah Bukit Nanas, KL ih
St. John thlanmual ah vui liam a si.

MATCHING

A hnuai ih Bible hmin pawl hi anmai nupi le anmai pasal ciau remsak
aw.

1. Abigail         a.  Abraham

2. Bathsheba                     b.  Adam

3.  Elizabeth   c.  Ahab

4.  Eve                                       d.  Boaz

5.  Hannah    e.  David

6.  Jezebel      f.  Elkanah

7.  Mary                                   g.  Isacc

8.  Rachel        h. Jacob

9.  Rahab         i.  Joseph

10.  Rebekah                       j.   Moses

11.  Ruth                                   k.  Nabal

12.  Sarah          l.  Salmon

13. Zipporah                        m. Zechariah

A hnuai ih Bible hmin pawl hi anmai pa/nu le fa ciau pawl remsak aw.

Pa/nu                                      Fa pawl

1. Abraham    a. Abimelech

2. Ahaz                                     b. Cain

3. Bathsheba                     c. David

4. Eve                                        d.  Ham

5.  Gideon     e. Hezekiah

6.  Hannah    f. Ishmael

7.  Isacc                                   g.  Jacob

8.Jehoshaphat                h.  Jehu

9. Jesse                                     i. Jonathan

10.  Rebekah                     J. Moses

11.  Noah                               k.  Joshua

12.  Nun                                    l.  Reuben

13.  Rachael                        m. Samuel

14. Saul                                      n.  Solomon

MATCHING

A hnuai ih Bible hmin pawl hi anmai nupi le anmai pasal ciau remsak
aw.

1. Abigail         a.  Abraham

2. Bathsheba                     b.  Adam

3.  Elizabeth   c.  Ahab

4.  Eve                                       d.  Boaz

5.  Hannah    e.  David

6.  Jezebel      f.  Elkanah

7.  Mary                                   g.  Isacc

8.  Rachel        h. Jacob

9.  Rahab         i.  Joseph

10.  Rebekah                       j.   Moses

11.  Ruth                                   k.  Nabal

12.  Sarah          l.  Salmon

13. Zipporah                        m. Zechariah

A hnuai ih Bible hmin pawl hi anmai pa/nu le fa ciau pawl remsak aw.

Pa/nu                                      Fa pawl

1. Abraham    a. Abimelech

2. Ahaz                                     b. Cain

3. Bathsheba                     c. David

4. Eve                                        d.  Ham

5.  Gideon     e. Hezekiah

6.  Hannah    f. Ishmael

7.  Isacc                                   g.  Jacob

8.Jehoshaphat                h.  Jehu

9. Jesse                                     i. Jonathan

10.  Rebekah                     J. Moses

11.  Noah                               k.  Joshua

12.  Nun                                    l.  Reuben

13.  Rachael                        m. Samuel

14. Saul                                      n.  Solomon

Comments

comments

One Comment

  1. Nan hna tuan dan atha na sa ih hmai lam can Pathian nih lam lo hruai vi vo hram seh ti ah duh sak nak ka lo hlan

Comments

%d bloggers like this: