Hruaitu Issue 79

Hruaitu News

Vei 79

July 10, 2005

EDITORIAL

Hruaitu siartu le Sermons, ca thatha le Articles phunphun rawn thawh
theutu, kan calai duhdawtnak thawn in tawlrelpi tu hmuahhmuah nan
zate parah Pathian in thlawsuah malza thleng hram seh.
Zarhtin te tlawmngai suah ih in zuar sak tu Salai Lian Zi Mang hnenah
siseh, calai duhdawt tu unau hmuahhmuah nan parah lungawinak tampikan
nei. Kan calai pawl hi kan miphun cawisang tu an si hngilh sianglo
ten tuan khawm vialvo uh si. HRUAITU siarnuam sinsin ding le tha
sinsin ding cun, tomen lawn na fimthiamnak pawl in rawn hlawm ve lo
ding maw?

DERMONS & ARTICLES

Dr. Billy Graham ih Q.Answers
Suhnak : Ka rualnu in Piantharnak thuhla hi a rel tamtuk ih, ziangvek
ngaingai so piantharnak cu a si? Piantharnak timi hi ziangtin si.
By : Mrs. B.R.,

Letnak :Dear Mrs. B.R.,
Piangthar timi cu, mipakhat a sual siraw ih Pathian hnenah rundamnak
coding ih a kirsal tu pawl khi an si ih… a result rahsuak cu
sandeng ih Pathian sungkua sinak a si. Hi Piantharnak hi Pathian
Thlarau ih bawmnak in kan nunnak ah kan tawn/co mi a si.
Nature ( obm0 ) dan cun, milai zohman hi Pathian sungkua kan si
theilo, sandeng nunnak khal co thei ding kan um lo. Ziangruangahtile
kan sual ruangah a si. Milai thinlung cun Pathian a do ih, Bible cun ?
kan thinlung sak tuk ruangah Pathian nunnak ihsin t.hen in kan um?a
ti. ( Eph 4 : 18 ). Na thinlung ten Hell ram tla ding khawp in ziang
sualnak hman ka neilo, ka tuahlo na ti men thei. ( Sualkhal na sual
lo menthei) Asinan, Pathian mithmuh ahcun sual fete khalin Vanram na
kai a lo dawn kham thei.
Cui, Vanram co thei nawnlo dinhmun ihsin milai pawl in rundam dingin
Jesuh cu Leilung ah a ra ih, rundamnak famkim in rawn tuahsak.
Milai daanvek ih Leilung ah kan rawn pian in sungkua kan nei, a
hman..asinan Krih hnen ih kan rawn tik ah innsungsang dang “Pathian
innsang?ah kan piangthar a si. Bible cun ?Pathian thu nung ah cun
piangthar nan si ?a ti ( I Peter 1 : 23 KingJames ).
Nan hrang ka thlacamnak cu ?nan sual sir ih Jesuh hnen nan pan thei
nak ding le, Bawipa ka sual a si in ngai damaw, ka sual dah nawnlo
ding tiah sualsirnak thawn Krih hnen nan pan thei nakding ah thla ka
cam t.heu?
Hivek ih sual siraw pawl, Pathian hmaiah sual phuangaw ih Pathian
ngaidamnak a co tu pawl cu Piangthar an si. Pathian hmaiah fel na
tiawknak hmuahhmuah, tling, fim, ti thei, tawkpam na ti awknak
hmuahhmuah t.humaw ih na tisualmi, na tilo sualmi pawl Pathian hmai
ah phuangaw in siraw awla, Adam thisen ihsin na ro comi (sual fa
sinak) lo khawlh faisaktu Jesuh zum awla, Thiangthlarau in na parah
hna a tuan dingih..Piantharnak cu na co ko ding. Cucu ?Piantharnak?cu
a si.

Thusuhnak : Sayapa, ka rualpa nih ?Pathian cun mi zo khal an thih
zikte khalah ngaithiam an dil cun a ngaidam t.heu?a ti, a hmanmi a si
maw? Curuangah keikhal cu vek ih ti cu ka tummi asi. By : GS.,

Letnak : Dear G.S.,
Kan Bible ih thutak tumbik a phumawmi pakhat cu, ?Pathian cu zumnak
le sualsirnak ngaingai thawn a siraw ih, a lam a pantu hrangah
ziangtiklai khalah, thih zawng khal ah ngaidam dingin a ready
ringring?timi hi a si.
Asinan, duhdawtmi unau kan thih zawng lawng ih Pathian lam hawi lo
dingin Bible cun warning vei tampi inpe. Ziangruangahtile, milai
zohman in ziangtikah kan thi ding ih ziangtin kan thi ding ti kan rel
cia theilo. Na zan itlai tla, tho nawnlo in it lanta awla
teh..sualsirnak tello in na Pathain na tawng ngam pei maw? Vanram teh
na beisei ngam pei maw? Duhdawtnak thawn fiangten ka lo sim, zamrang
ten na sual sir aw la..Bawipa pan lohli aw. Bible cun, ?tu hi can
sunglawi, rundamnak ni cu a si?tiah in sim ( II Cor 6 : 2 ).
Unau, Jesuh thih zawng ih thinglamtah ah an khai mi pahnih thu kha na
mang lai maw? An thih awngah rundamnak co le rundamnak sung an um
kha. Thih zawng ah cun caan t.ha an nei maltuk thlang.
Duhdawtmi unau, Pathian zangfahnak hi zianghmanlo vek in ruat aw
hlah. Na hrang a tuarnak le a thihnak hi thil awlaite/ man malte ah
ruat hlah. Tu hman ih a hnen na pan duhlo ahcun, ziangruangah kumkhua
in a mah thawn na um thei ding? Pathian in tu hrang le kumkhua
hrangah hlimnak, daihnak milai pawl hrang in pekmi hi hloh siang hram
hlah.

Thusuhnak : Dr. Graham, na rawngbawl sungah hin thlarau hlo ziangzat
so na kaih zo? Leitlun Evangelists hmuahhmuah lakah hna na tuan
tambik in ka hmu ih, thlarauhlo khal na kai tambik in ka zum.
By : V.B.
Letnak : Dear V.B.,
Kan Evangelist hnatuannak hivekih theih fiang na duhnak parah tampi
ka lungawi. Asinan kan rawngbawl sungah kei le ka hnat.uanpi pawl hin
thlarauhlo pakhat te khal kai theinak thazang kan neilo.
Ziangruangah hitin ka sim? Pathian pakhat lawng thlarau hlo runsuak
theitu le thimnak sung ihsin kumkhua nunnak eng ih hruaisuak thei tu
a si. Kan ti theitawk cu lamzin khihhmuh le Bawmtu Thiangthlarau par
ih an hrang zumnak hngah lawng a si. Paul cun, ka phun ih Appolos in
ti a tawih, asinan a t.hantertu cu Pathian a si a ti mi t.ongfang hi
ka mang ringring t.heu. ( I Cor 3 : 6 ) Pathian lawnglawng in in
rundam thei ih, sunlawinak khal a mai ta a si.
Cumi rualrual cun Pathian in, zumtu hmuahhmuah hi Krih ih thu
phuangdarh dingin t.uanvo le privilege in pe thluh. Zumtu hmuahhmuah
hi thu phuang ding ( preacher ) cun in ko thluh lo nan, Bawi Krih
thutheihpitu ( witness ) si thluh ding ih kawh kan si. Jesuh in a
dungthlun pawl hnen ih a thucah netabik cu Thiangthlarau co ding thu
le Leitlun pum ih a thutheitu si ding kha a si.
Kan kiangkap ih ruahsannak neilo, Jesuh khal theilo pawl hrang ah teh
thla kan cam dah maw? Jesuh cun Leitlun eeng nan si! in ti si khaw,
nang teh ziangvek eeng so na si? Thlarau hlo kaih cu milai hna a silo
ih Pathian hna a si sawn. Asinan, cui thlarauhlo kaihnak ah cun unau,
nang le kei hi Pathian hmanrua cu kan si.
Dr. Billy Graham

Zumnak
( kan dung zarh sermon peh…)
Ziangahtile an hrangah khawpi a tuahsak zo asi. Abraham cu zumnak a
neih ruangah Pathian in ahniksak tikah Pathian hnenah a fapa Isacc
kha raithawinak ah a pek a si. Pathian in thu a kam mi cu Abraham a
si. Sikhalsehla a fapa neihsun cu raithawinak ih pe dingah a fial ti
a si.Pathian in Abraham hnenah ka lo kam ciami tefasin pawl cu Isacc
ihsin ngahmi an si ding a ti.Abraham ih ruahnak ahcun Pathian in
Isacc cu thihnak ihsin a thoter sal ding tin a ruat ih, a ruah vek in
a thizo tluk ih ruahmi Isacc cu a pa Abraham in a nung in a thosal a
si. Jacob in zumnak a neih ruangah, a thih hlan deuh te ah Josep fapa
pawl kha thlawsuah nak a penk fingfing.
A kiang hrawl hngahsan phah in Pathian a bia. Moses nu le pa in
zumnak an neih ruangah a suah hnu thla thum sung Moses cu an thup. An
fate Moses cu, duh nung zet a si ruangah siangpahrang ih thupekmi el
hman an t.ihlo. Moses cu zumnak a neih ruangah a rawng upat hnu ah
Agypt siangpahrang fanu ih fapa tiih kawh a duhlo. Caan tawite sung
sualnak sung ah nunnuam ih um hnak in, Pathian minung pawl thwn
harstnak tuar a hril sawn. Messia hrang ih nautatnak tuar cu Egypt
ram sungih sumsaw hmuahhmuah hnakin a man sawn tiin a ruat.
Ziangahtile a hmuitinmi cu hmailam ih ngah dingmi laksawng a si.
Moses cu zumnak a neih ruangah Egypt ram siangpahrang thinhengnak
hman t.ihlo in Egypt ram a tlansan ngam a si. Hmuh a theihlomi
pathian hmu vekin a kir duh hrimhrim nawnlo. Zumnak a neih ruangah
lantakpuai kha a tuah ih sangka parah thisen theh dingin thu a
pek.Cubangtuk a tuahnak cu Israel mi fatir pawl kha mi thattu
vancungmi in that hlahseh tinak a si.
Zumnak thawngin Israel mipi pawl in tipi sen cu leiro vekin an tan
thei, asinan Egypt mi pawl in tan an tum ve tik ah tidai in a phim
hai ih an thi t.heh. Israel mi pawl in ni sarih sung an vel hnu ah
Jericho khawpi kulhnak phar a cim t.heh ter. Cucu zumnak ruangah a
si. Hlawhhlang nu Rahab,Pathian thu a ngailomi Jericho khaw lak ih a
hum suak theitu cu zumnak a si. Cumi cu Israel mi thlingthlatu pawl a
hum tuk ruangah a si.
Kan tarlang vivo hrih ding. Gedeon, Barak, Jephtha Samson, David,
Samuel le Prophet pawl ih thuhla sim ding tampi an um na in simnak
tikcu caan a um lo. Zumnak thawn ram tampi an do ih an neh. A dikmi
antuah ih Pathian thu kammi an co. Hlanlai zumtu pawl cu Pathian in
an zumnak ruangah kiosa pawl ih ka cip ter, thihnak sungin a luat
ter, mi t.awntai zet an si nan mi cakzet ah a cang ter.Midang pawl
cun nunnak t.hasawn thawn thawhsal an duh ruangah luatnak hrillo in
hremnak sung ih thih an hril. Raltlan bang in leikua le lungpuk,
hramlak ah an vakvai ih lu retnak hmun an rak neilo.
Zumnak an neih ruangah hi mipawl hi ziangtluk in ciin ringring tlak
an si. Asinan Pathian ih a kam ciami pawl an ngah hrihlo. Ziangahtile
Pathian inkanhrangah khawkhannak t.hadeuh a neih ruangah a si. A
tumtah ngaingai mi cu kan mah thawn kan hmunkhat hnu ngaingai lawngah
famkimnak an ngah ding ti hi a si.
Unau, nang leh kei in kan nunnak kan zoh sal a mamawh naingai,
ziangvek cin kan thleng; kan fehpi mi hi kan sual pang maw? Kan nun
ah zumnak neitu kan sinak langsuak ve thlang hram seh.
Casiartu Unau nan zate parah Pathian in thlaw lo suah hram seh.
Pa Ngun ( Maluri )
Kawhhran hrang Jesuh in a tantami thil panga ( Dungthluntu 1 : 1- 11 )
By. Rev. Kevin Burden

Jesuh cun Vanram ih a tlunsal tikah Leilung ihsin thil kenmi a nei:
Cucu Kan sual thhawinak thisen a si. ( Hebrews 9 : 19 – 24 ) Cumi
tlun ah Jesuh in Kawhhran hrang a tantami thil panga a um:
I. Jesuh a rawn kirsal hlan tiang a cemtheilomi tuanvo in tanta.
Cucu Krih ih thuthangt.ha phuan hi a si. ( a fate 1 – 2 )
A. Krih rundamnak thuthangt.ha phuan hi zumtu hmuahhmuah cun kan thih
hlan lo ih kan t.uan ding ah Jesuh in tantami hna a si ( Mtt 24 :
14 ).
B. Kan thih hnu khalah hi thuthangtha phuan hna hi a cem cuanglo ding
( Revelation 14 : 6 ).
II. A rawnsal hlan tiang ih danglam dahlo dingmi ?thu?( message) in
tanta. ( afate 3 )
A. Krih ih Pathian sinak thu
B. A thawh salnak thu
C. Pathian thu thianghlim
D. Mangbangza thil pawl
1. Zangfahnak ruangih rundamnak.
2. Kan sual thawinak hrang thisen.
III. Cemtheilomi thititheinak ( power ) in pe. ( a fate 8 )
Zumnak ih feh hmaisa pawl cun Thiangthlarau ih a pekmi cahnak le
thiltitheinak thawn Bawi Jesuh ih hna an rak t.uan ih thuthangt.ha an
rak phuang. Cucu Jesuh in Van a kai zawng ih Kawhhran hrang a tantami
Thlarau hnat.uan a si. Tulai kawhhran khalah hin cumi thlarau lam ih
cahnak ( power ) cu kan tul zet. Paul khalin cui Thlarau cahnak cun
Krih ih thuthangt.ha hi famkim ten ka phuang suak a ti..( Rome 15 :
19 ).
VI . Krih ih thutheitu ( testimony/witness ) kan si. ( afate 6 – 8 )
Krih cun Kawhhran pawl hi a thu theihpitu ( testimony ) hna t.uan
ding ah in tanta. John 17 : 6, 17 : 14, 17 : 17, Dungthluntu 4 : 29
kan zoh cun, Jesuh in zumtu hmuahhmuah hi Pathian le kan milaipi pawl
hmaiah a thu theihpitu kan si thu fiang ten kan hmu.

V. Jesuh Leitlun a rawnsal hlan tiang Kawhhran pawl hnenah a
hngettukmi thutiam ?promise?in tanta. ( a fate 6 -7,11 ).
Pa hnen in a ngahmi thukam hngetkhauh cu Kawhhran pawl hnenah a rak
tanta. ( Luke 24 : 49 ). Cui thutiam cu dungthluntu pawl cun
Thiangthlarau an co hnu ah an phuang suak. Ziang thu si dungthluntu
pawl in an phuan.
“Zumtu hmuahhmuah hrang ah Jesuh Krih van ihsin a ra kirsal ding thu,
Van ah zumtu hmuahmuah kan kai ding thu le a mah thawn kumkhua
tlaitluan ih kan um thlang ding thu a si? Cui thutiam cu hngakhlap
zet in zumtu hmaisa pawl cun Krih ih thuthangtha an rak phuag ih, cui
thutiam co zangzang duh ruangah an thisen le an nunnak tiang an rak
hlan.
Hi thil pang hi, Jesuh in Van a kai zawng ah Kawhhran hnen ih a
tantami thil an si ih, cucu tulai kawhhran nang le kei rori khal hin
kan tuanvo le kan liang par ih a t.humaw mi a si ko. Pathian ih
thutiammi kan co hlan ah zumtu pakhat ciar ih t.uanvo a simi hi thil
panga hi Kawhhran sungah kan tuansuah ciau thei nak ding Pathian in
malza in sawm hram seh.

Zumtu Nun
By : Rev S. Ni Luai

“Minung nan sinak dan duhzawng ih nan nung a sile nan thi ding:
sikhalsehla sualnak nan tuah t.heumi pawl kha Thlarau bomnak in nan
thah a sile nan nung ding?(Rom 8 : 13).
Bawi Jesuh Krih in a mah zumtu hmuahhmuah hnen ah thupibik ih in
zirhmi cu ?nundan?hi a si. Cumi nundan kan thiam thei nak ding ah
Jesuh cun Leitlun ah kum 33 le kum hrek rori in zirh. Cucu insungsang
in a thawk ih, rualpi hnen ih tlanlen dan le biaknak lam nundan,
sumdawnnak lam nun, Leilung ukawk dan le hruaiawknak lam tiin a
phunphun ih nun dan in zirh.
A thupibik ih inzirhmi cu Pa Pathian duhdan ih nun dan a si.
Curuangah kan Pathian duhdan ten kan nun thei nak dingah Bawipai
thlacam in zirhmi hi a t.habik ka ti.
1. Upat si ko seh
Kan nun sungah upat kan pek dingmi cu Pathian lawnglawng hi a si.
Asinan minung hin upatnak cu Pathian ta ti kan theilo ih, upatnak co
le hmuh kan cuh aw ciamco t.heu. Insungsang pabik siseh, Kawhhran upa
le Pastor siseh Leilung tlun uktu siseh, Pathian siahhlawh kan si thu
Bible ah fiangten kan hmu. Nitin kan umnak ah kan zaten Pathian
riantu kan si, sal kan si. Sal le ralkap cun an Bawipa lungawinak an
hawl bik.
Josua le Kaleb cun, ?Bawipa, kan Pathian, kan tlun ah a lung a awi
ahcun, in kammi Cannan ram in thlengpi ko ding?ti fiangten an thei
ih, cucu an nun dan a si. Cuvekin, kan nih khal kan nitin nun ah
Pathian lawng upatnak co ter uh si. Kan nih zumtu cun sal vek in kan
Pathian rian uh si. Insungsang le Kawhhran, khua le ram hrang hna kan
t.uan nakah upatnak cu hawl hlah uhsi. Pathian ta upatnak nan lon tum
cun Sehtan nunzia a si, cucu tih a nungbikmi a si.
2. Na duhnak Vancung ah tuah a si bangin Leitlun khalah tuah si seh.
Tulai zumtu cun, Leilungtlun ah ka duhnak tuah si seh ti lawnglawng
hi kan tumdan ciau a si. Innsungsang pabik khalin ka duhdanin nung
uh, Kawhhran upa khal in ka duhdan, Pastor khalin ka duhdan,Leilung
uktu pawl khalin ka duhdan in tuah si seh ti ciau a si. Hihi
remawklonak hrampi pakhat a si.
Tulai Kawhhran tampi buainak khal, ka duhnak a silo ah cun tihi a si
ko. A ngaingai ahcun Sehtan thluak le thi le sa a si ko. Jesuh cun, ?
thla nan cam tikah, Vancung ah na duhnak tuah a si bang in Leitlun
khalah tuah si ko seh?tiah thla cam dingin in zirh. A thar in kan
innsang ah, kan kawhhran le miphun hruainak ah milai duhnak silo in
Pathian Thlarau duhnak bangin siseh ti hi kan nun si hram ko seh.
3. Hniksaknak le Siatnak ihsin inhum hram aw
Minung thinlung cu a sual tuk ih kan taksa duhnak le hiarnak lawng
tuah kan tum ringring. Asilole kan duhmi leilung thilri le tangka
tampi neihnak ding hrangah cun rawl ul ih thlacam khal kan paih ko.
Asinan, Pathian dingnak le thianhlimnak, felnak hmuh duh ah cun mi
ziangzat in so rawlul thla cam pei? Zuu hngeinakding le khaini, kuak
fawplo nak ding ih rawlul thlacam teh kan um maw?
Pastor ka sinak ihsin a tu tiang ka tawn tambik cu, Leilung thilri
hmuh theinak ding hrangah a tamsawn cun ?seed-faith?tuh in thla in
cam sakaw ti an tam bik. Thlarau lam thil, dingnak, felnak
thianhlimnak hrangah thla in camsak aw ti cu an mal nasa. Curuangah
kan nuncan ahhin a thupibik cu sualnak sung, hniksaknak t.halo sung
ihsin kan luat thei nak ding ah kan taksa, kan thinlung, kan Thlarau
hi Pathian hnen ah pek ringring uh si.
Kan thlacamnak tambik siding ih Pathian in a dubikmi cu, “nupi dingah
in ham ta mi zumtu pawl; kan mopa Jesuh in inlak
(mithiang lawr) hlan lo sawiselawk umlo ten thianghlim zet in kan nun
thei nak ding ah thla cam ringring?hi a si.

MYANMAR THUTHANG

Thawngtla 240 suah
Myanmar ralkap Junta cozah cun kan dung tlawngkai nihnih ni ah thawng
tla 240 a suah thu NLD thuphuangtu pawl in an phuang. Tuit.um ih a
suahmi pawl ah hin politic ruang ih thawng tla pawl khal an tel.
Nyan Win, NLD thuphuang tu cun, tuisun ah hin cozah cun thawng tla
240 a suah ih, NLD daan tuahtu pawl khal an suak tel tiah kan dung
tlawngkai nihnih ni ah a sim. Ziangkhallole cozah hin Suu Kyi lawngte
cu cutik khatik ah kan suah ding tivek thu cu an t.ong hrihlo. Taang
suak pawl lak ah hin 118 cu Insein thawnginn ihsin suah an si. Junta
cozah hin, mi kaih cu a awlsam ngaingai. Tahthimnak ah kan dung Bomb
puak thawn pehparaw in, kawl tlangval pakhat in Yangon khawpi ih a
lennak ah, ?Hi bomb puak hi cu anmah ralkap pawl an si ko ding?tiah a
t.ong ih…a kiang ih pa pahnih cun..la, la, la, tiah mawtaw sungah
an khum ih an phur hlo. tuini tiang cupa cu a pawt nawnlo an ti.

NLD pawl kaih bet rero
USA cun kawlram ralkap cozah cu Democracy hrang ih hna t.uan pawl
kaih bet rero ah a puh. Kan dung tlawngkai nihnih ni ah thawng tla
pawl an suah thu lawng an phuang nan, an kaihbetmi pawl lawngte an
phuang duhlo tiah Washington cun an phuang.
State Department Junta cun kan dung zarh sung ah thawngtla 400 hrawng
suah in an phuang aw nan, Mc Cormack cun NLD hrang ih hnatuan tu
ngaingai pawl suah an si lo a ti. Mc Cormack cun Aung San Suu Kyi le
NLD hruaitu dang U Tin Oo le Hkun Htun Oo pawl tla ziang hman suanlam
rel hniaihniai lo ih suah dingin a dil bet.
Myanmar ralkap cozah cun November 18 le January 3 karlak ah thawng
tla 19,906 rori a suah nan, a tamsawn cu piangsual le thinlung hmanlo
in an suak tiah Cormack cun a phuang.Tuit.um ih NLD hrang hnatuan an
suahmi pawl cu Sein Hla Oo, NLD central exeutive comittee (
Journalist hlun ) le party thuthantu Myin Thein pawl an si.

Thawngtla suahbet

Kan dung tlawngkai ni li ni ah Cozah cun thawngtla 100 lai a suah bet
nan, thuthangca ngantu Win Tin, 75, politic ruang ih thwng tla reibik
cu suah tel a silo.
Win Tin hi kawhi thawng inn ah so a um ti hman thuthup a si. Cozah in
tlawngkai nihnih ih thawng tla pawl an suah zawng ah a hmaisa bik ih
an suah ding mi tiih an thanmi pa, “Win Tin?hi a sungkua pawl cun
hngakhlap zet in an rak hmuak nan..in thlen ti a um lo.
NLD thuphuangtu Myint Thein cun, ?ziangkhallole tui zarh sung ah ram
pum ih thawng inn 14 ihsin cozah cun thawngtla 335 cu in suahsak ti
cu fiang ten kan phuang ngam nan, Win Tin lawngte a tello?a ti.
Win Tin hi 1989 kum ihrak kaih tahwk a si. Win Tin ih thu a rualpa ih
a reldan cun, ?cozah in an lungput an thleng hlanlo cuan duhdan in ka
t.ong lo ding ih an thu khal ka thlun cuanglo ding?ti in sim ringring
t.heu a ti.

SEAN Meeting ah Rice meeting kai tumlo.

Comments

comments

Comments

%d bloggers like this: