Hruaitu Issue 75

Hruaitu zarhtin thuthang

Vei 75

Editorial

Mirang t.awng kan tawng pei uh!

Mirang t.awng ih t.awng hi kan Lai tawng hloh nak a si maw? Kan Lai
t.awng thiamcia hngilh sal ding khawp ih Mirang t.awng kan hman thei
cun a lungawium tuk ding!!  Kan thiamlo le silo kan theilo le silo,
kan t.awng mal ruangih hnam dang le phun dang pawl in Laimi in hmuh
suam hi cu thin a na in…san manlo tla kan bang ka ti t.heu.
Kan khua ih bawhlung ka sit lullo lai kha cun, Mirang t.awng hmanglo
in ka nung thei tuko nan, Yangon Airport  ihsin Malaysia pan ding ih
vanzam ka vawn to cu…ka sungril ah a khur thup reromi te a um.
Vansiat ah ka vanzam to cu Bangkok tiang lawng zammi a rak si ngelcel
ih, Bangkok Airport ihsin Malaysia lam zam ding Vanzam hawl sal a
t.ul.  Paisa ka pekcia thluhmi vanzam to ding rori hman in… thlanti
fawr zurzo in ?English?ruangah buainak ka rawn tawng.    Ril le a
rawng, an vanzam cu a va cangkang ve, ei ding phun phun tla an ra zem
a si lo maw.   Vanzam par ih an tissue zemmi rori hman..palastic
hringmi te in mawizetin an tuam ih, a par ih an nganmi ka siar zawk
rero nan,
?Hmuk ah ruat in ei ka tum? Ka  rualpa in in dawn. Lai tlangval t.ha
ka tawk pam.
Duhdawtmi unau, zirnak in tlailuat a neilo ih, thiam ding cun zir a
tul ti hi kan thinlungsung ih pai men nawnlo in…pahnih khat te kan
thiammi hmang in ?Mirang?kan t.awng ve thlang pei uh..

Kan Leilungpi ah hin milai kan umnak hi kum thawng tel a si zo. Kan
sanpi hi “Ancient, Mediaval, Modern? tiin san thum ah then a si.  San
khat san khat ah Leilung pum ih kan hmanmi Common tawng khal a bangaw
ciaulo. San khat san khat ih a hersuahpimi t.awng thiamlo nu/pa,
fala/tlangval cu milai ( person ) khal ah siar an rak si lo.
Latin, Roman, le English t.awng hi Leitlun milai pawl in cawkrualtu
t.awng cu an si ko.  Latin san a cemzo ih Roman san khal kan suah
hlan ah a rak cuai zo.  Tui ni, Modern san tiih kawhmi ah a tlangleng
ih khua a sa tu unau, nang le kei teh, ?kan sanpi ih a hersuahpi mi ?
English?t.awng hi kan t.awng dah maw? Kan hmur ihsin a suak ve dah
maw?Mi vek ih paisa le caan cem  ih kan va zir ciamco theilo
hmanah, “Dictionary, meaning bu te, Grammar zirnak bu te?thawn kan
manlai caan lawng tete pe in kan zir hnik pei uh.  Kan Modern Leitlun
hman dan cu a thlengaw lohli ko ding.  Duhdawtmi unau,  zirnak mualih
na tlanlen laiah hin, zirnak hi ngai pawimawh t.ent.o hram aw, milai
cu damsung ih zirding kan si kha. ..Mirang tawng kan tawng pei
uh!!!

Thiangthlarau le A hnatuannak
                             By Joseph Ngun Lian

?Pathian Thlarau ih a hruaimi pawl cu Pathain fa le an si..
Rom 8 : 14?

A par ih Bible thu kan tarlanmi khin ?Pathain thlarau ih a hruaimi
pawl cu Pathian fa le an si a ti tikah, a hruailomi pawl cu a fa le
an silo tinak vek khi a si. Milai tampi in Thiangthlarau cu kan uar
tuk laiah a hnatuannak lawngte duhlo tu le pom lo tu kan tam zet.
Refugee uar tuk ko na ih, officer pawl a duhlo tu vek khi kan bang.
Kan Bible sungah hin Thianghlarau timi tongfang lawngte hi 600 leng
kan hmu thei.  Thiangthlarau ih a hnatuan dan lawngte cu milai thluak
ih tuat le theih thluh thei a silo ruangah a tawinak bik in  kan vawn
zoh tlang a si peicu.
Paul nih Ephesus khua mipawl hnenah Thiangthlarau nan co zo maw? ti
ih a suh tikah, a theih hman kan thei dahlo ti in an let.  Cupawl cu
kan Bible in zumtu ( Ephesus ih zumtu ) tiih a ngan tuangah rundamnak
cozo tu an si ti theih a si.    Curuanghah zumtu hmuahhmuah in
Thiangthlarau kan co theh lo ti cu a fiang ko.
Act 1 : 8, ?Thiangthlarau nan co hnulawng ah cahnak ( power ) thawn
nan khat ding? tiah Jesuh cun zumtu pawl kha thu a rak cah zo.
Thuthlug hlun sung khi vawn zoh hman. Ezekiel hnen ih Patian le
Thiangthlarau hnatuan dan khi na khuaruah a har ko ding.   Ezakiel cu
Pathain in na zirkhatlam lawng in ni 390 na it ding a ti.  Cun
khatlam sir in ni 40 na it sal ding tiah a ti bet.  Culawngsilo in na
in dingmi ti le na ei dingmi rawl cu na tah thluh ding.  Na ei dingmi
sangreu ka kiau tikah minung ek in na kiau ding a ti fawn.  Ezekiel
in zangfah a dil ciamco ruangah Thiangthlarau in minung ek a timi kha
se ek ah a thum sak sal.
Ezekiel hnen ih Pathian hnatuan dan hi tuini zumtu a tiawtu kan par
ahhin thleng ve sehla, Pathian fialnak a si kan zum thei dahlo ding.
Duhdawtmi unau, thluak na neih ko ah cun vawn ruat sal hman, Ezekiel
hi miaa a bang na ti ko lo maw?  Piangsual a bang ko lo maw?
Ramhmuai in a zawl kan ti ko lo ding maw?   Na ruahnak vek a silemlo
men ding, Pathain hnatuannak ho khaw a si cu !!! Curuangah tuini ih
fehsual, mi aa na timi pawl khi Ezekiel hnak cun an ziaum deuh lai
lomaw?  Na duh zat lawng na pom ah cun Pathian hi Upadi na tuahsak
tla a bang  a silo maw?  Thaten ruat sal hman, Ezekiel cu minung lam
ih zoh cun mi aa cu a si nemamlo nan, Pathian ih fialmi cu kim ten a
tuah ko.  Isai ih lung ti khauh tu khal kha Pathian a si ko lo maw?
Prophet Hosea ih hlawhhlang a thit mi tla kha a mai duhruang cu a si
lemlo ding, a nungmi Pathian thu a si  ruangah hokhaw a tuah.
Act ( Dungthluntu ) 2, ah Penticost ni thu  kan hmu.  Cucu
Thiangthlarau hnatuannak ih a foundation bik cu a si.  Tawng tinkim
in an tawng ko na in an theih awk theh ko kha. A tawng vemi hrangah
cun thilmak a si lemlo laiah, a tawng velo pawl hrangah cun thilmak
tara a si ko.  Tuini ih Thiangthlarau hnatuannak a duhlo tu pawl hi,
an mah hrimhrimkhal Thiangthlarau ih Baptisma a colo tu pawl an si ko
lo maw?   Zuu inn, kuak fawp le fala uartuk tu Pastor, Evangelist
pawl cun mai tuahmi kong cu a thatlozia an sim na thei dah lemlo
ding.  Cuvek thotho in mai par ih Thiangthlarau hnatuannak um
taktaklo pawl hrangah cun a do le duhloh cu an hna a si ko  lo maw?
Lenglam mi cun zuu ri ah an ruat ve. Asinan Peter cun zinglam nazi 9
lawng a si lai, kan rii lo; Thiangthlarau hnatuannak a si a ti ve.
Thiangthlarau hnatuannak kha lenglam mi pawl in zuuri vek ih an hmuh
tik ah, zuu rii an bang tuk ruangah ti cu a fiang ko.  Curuangah
Thlarau hnatuannak cu zuu ri thawn a bangaw ih, zuu cu phunkhat a
siko nan, a hnatuan dan cu a bangaw ciaulo.  Hrekkhat zuu an ri ih,
mi an thawi, hrekkhat cu mi an thawi, hrekkhat in an au an kiau,
hrekkhat cu daite ih itthat tla an um.  Zuu ri dahmi na si ah cun, na
fiang tuk ko ding.  A aumi zuuri in a tapmi mi zuuri kha keimah
bangtuk in na rit lo ruangah zuu na rilo va ti theih a neih ko ah cun
vawn ruat sal hman, Ezekiel hi miaa a bang na ti ko lo maw?
Piangsual a bang ko lo maw?  Ramhmuai in a zawl kan ti ko lo ding
maw?   Na ruahnak vek a silemlo men ding, Pathain hnatuannak ho khaw
a si cu !!! Curuangah tuini ih fehsual, mi aa na timi pawl khi
Ezekiel hnak cun an ziaum deuh lai lomaw?  Na duh zat lawng na pom ah
cun Pathian hi Upadi na tuahsak tla a bang  a silo maw?  Thaten ruat
sal hman, Ezekiel cu minung lam ih zoh cun mi aa cu a si
nemamlo nan, Pathian ih fialmi cu kim ten a tuah ko.  Isai ih lung
ti khauh tu khal kha Pathian a si ko lo maw? Prophet Hosea ih
hlawhhlang a thit mi tla kha a mai duhruang cu a si lemlo ding, a
nungmi Pathian thu a si  ruangah hokhaw a tuah.
Act ( Dungthluntu ) 2, ah Penticost ni thu  kan hmu.  Cucu
Thiangthlarau hnatuannak ih a foundation bik cu a si.  Tawng tinkim
in an tawng ko na in an theih awk theh ko kha. A tawng vemi hrangah
cun thilmak a si lemlo laiah, a tawng velo pawl hrangah cun thilmak
tara a si ko.  Tuini ih Thiangthlarau hnatuannak a duhlo tu pawl hi,
an mah hrimhrimkhal Thiangthlarau ih Baptisma a colo tu pawl an si ko
lo maw?   Zuu inn, kuak fawp le fala uartuk tu Pastor, Evangelist
pawl cun mai tuahmi kong cu a thatlozia an sim na thei dah lemlo
ding.  Cuvek thotho in mai par ih Thiangthlarau hnatuannak um
taktaklo pawl hrangah cun a do le duhloh cu an hna a si ko  lo maw?
Lenglam mi cun zuu ri ah an ruat ve. Asinan Peter cun zinglam nazi 9
lawng a si lai, kan rii lo; Thiangthlarau hnatuannak a si a ti ve.
Thiangthlarau hnatuannak kha lenglam mi pawl in zuuri vek ih an hmuh
tik ah, zuu rii an bang tuk ruangah ti cu a fiang ko.  Curuangah
Thlarau hnatuannak cu zuu ri thawn a bangaw ih, zuu cu phunkhat a
siko nan, a hnatuan dan cu a bangaw ciaulo.  Hrekkhat zuu an ri ih,
mi an thawi, hrekkhat cu mi an thawi, hrekkhat in an au an kiau,
hrekkhat cu daite ih itthat tla an um.  Zuu ri dahmi na si ah cun, na
fiang tuk ko ding.  A aumi zuuri in a tapmi mi zuuri kha keimah
bangtuk in na rit lo ruangah zuu na rilo va ti theih a silo vekin, mi
vuak hmang zuu ri pa khal in daite ih a itmi pa kha, mi na vuak velo
ruangah zuu na ri velo a va ti thei fawnlo. Zuu phunkhat te a si nan,
ritdan a dang ciau vekin, Thiangthlarau Pakhat te kan co ciau na in,
a cangvaihnak lawngte a bangaw ciau lo men ding.
A parlam ih Penticost ni kan thuhla hin Thiangthlarau hnatuannak cu
felfai ten in sim a si.  A fehsual kan rak timi pawl hi, a tu ah cun
thlawsuah cotu an si thluh ih, a dodaltu pawl sawn hi mi vakvai kan
si zo.  Jesuh cun sualnak dang cu ngaithiam theih a sina in Thlarau
do cu ngaithiam theih a silo a ti.
Elijah kha nauhak 42 in lukawngpa tiih an auhhnawh laiah khan,
Pathain in nauhak an si, zianghman an theilo tiah a ngaithiam hai
lo.  Vom a thlah ih a keu ter thluh hai.  Thlarau do tu hrangah cun
warning a umlo.  Hrekkhat in hlimlam hi kan do ciamco, ih an nunramah
zianghman hmuhding a umlo kan ti theu. Dr Hre Kio cun, zumtu sualnak
cu Setan in midang hmuh thei dingah Lantar vekin a tar suak ih, zumlo
tui sualnak cu Bizu sungah a thup sak theu a ti. Pa hnih khat  an nun
a mawilo ruangah  hlimlam hmuahhmuah do le relsiat cu Pathian in a
duhlo.  David cun thangthat nun hi raithawinak hmuahhmuah lakah a
thabik a ti.  Thangthat nun hi  Kristian nunmawi pakhat a si ve.
Thlarau ribuai hlimlamkan timi pawl cu, kan mah hnak in thuthangtha
sim thei deuh, rawl ulh thlacam cak deuh, rethei zawnruah a thiam
deuh tu an si theu. Hlimlam mi le hlim lamlo mi khi mi hmaiah thlacam
ter awla, hlimlammi  cun thla  cam khalah a ral a tha sawn so khaw.(
Act 1 : 8).
Curuangah mai nun ih um hnailo ih, do cu BA awng hrihlo ih a awng
ciami do thawn a bangaw. Ziangtluk a do zawngah a awnglomi hnakcun a
awng ciami cu a sang ringring ko ding.  Mithianghlim Paul cun, do lo
in ka tan thlang ding a ti.  Curuangah Thiangthlarau hnatuannak cu
Ezekiel, Elijah, Hoses te pawl nundan hi zoh hin na fiang ko ding.
Ziangdang ih at le rit buai hnak cun, Pathian thu ih athnawh le
ritbuai cu a hlawk tuk.  Ziangruangah a thu tan ringring tu cu a mah
Pathain a si.  Fehsual cu kirsal theih a si na in, mah le mah uaraw
ta hrat ih to sual tih a nung deuh.  Curuangah Bible cun, ?zuu ri
hlah uh, Thlarauthianghlim in khat uh a ti? Ephesus 5 : 18,19).

Missionary kan tih hi..?

Missionary ti le Mission, mission ti t.awngkam hi kan nauhak lai
ihsin kan theih ringring t.heumi t.awngfang a si ko ding.  Asinan, a
san ngaingai teh kan ruat dah maw?  Nang le kei teh hi mission tiih
kawh mi teh kan si maw?  Mission hna teh kan t.uan ngaingai maw? ti
hi mahte ciau kan sutaw sal hnik pei uh.
Missionary ti cu Theological t.awngfang cun,
?thuthangt.ha phuangtu?tinak a si ko.  Thuthangt.ha cu tampi kan
Bible in in zirh lo.  Thuthangt.ha pakhat lawng a um. Cucu, “Jesuh
Krih milai hmuahhmuah hrang ah a thi ih, a thosal, Van ah kan hrang
hmun tuah dingin a feh?timi hi thuthangtha umsun cu a si.
Kawhhran a rak din thawk ( Act 2 ) laiah, Apostle, Bawi Jesuh mit
rori ih hmu tu, dungthlun tu  pawl in Kawhhran cu an rak hruai.
Members an rawng tam deuhdeuh tikah, buainak an tawn hmaisakbikmi
cu “sumpai?piahtana a si.
Greek Judah pawl cun Hebrai Judah pawl lakah an phunciar ih, “kan
nuhmei pawl nitin thil zemmi an co mal cuang?ti in. Cuveten, Peter le
Apostle pawl cun Pathian rawngbawlnak ah, duhham zet ih, mah lawng
lawng ziang tinkim ah a theih t.hehlo ti fiang ten an thei ih,
rawngbawl bawm tu ding upa 7 pawl an lakihsin hril suak ding ah an
lung a kim.
Cutik ah Peter ih a unau pawl hnenah a t.awngmi cu, ?kan   nih cun
Pathain thu thangt.ha phuan thlahdah ih cabuai hna kan t.uan cun a
t.halo ding, nan lak ah mi rinum, Thiangthlarau le fimnak ih a khatmi
7 hril uh. Cupawl cun hi cabuai rawngbawlnak hna hi t.uan seh? (
Dungthluntu 6 : 2,3,4 ) a ti. Cui thu cun zumtu pawl ih  lung khal a
awiter ih, upa cu an hril.
Hitawk ah Peter le dungthluntu pawl ih an hrilmi hna hi ?Missionary?
hna a si kan ti thei.  Ziangahtile, an thuanthu le an cangvaihdan kan
zoh tik ah kawhhran khat le khaw khat ah an can sau pipi anhmanglo.
Kawhhran a din hrihlonak le Jesuh ih hmin zohman in an hlam hrihlonak
hmun lam ah feh ta hrat in, an nunnak tiang an rak pe thluh.   An
Bawipa Jesuh in Van a kai zawngah miphun hmuahhmuah hnenah feh ih
thuthangt.ha phuang ding ih a fial vek in, cui Mission hna cu an
t.uan ih, hmunkip ramkip ah an tawi an vak.  An thlennak kip ah
Kawhhran an din ih, hnget dingin an tuahta. A hnget ta maw ti le hmun
dang tlang dang ah an t.hawnaw vivo.  Nuam zet le hlimzet ih Pathian
biak khawm vutvo caan cu missionary hrangah cun a tam a zumumlo zet.
Apostle/ missionary  pawl ih kawhhran dinnak hmun kip ah rawn
kilkhawi tu ding upa an ruat ringring theu.  Cui upa pawl ih kut
sungah cun zumtu pawl ih thlaraulam rawl a simi, Pathian thu sim le
cawm lawng siloin, an t.ulsammi ziangkim theihpi le tawlrelpi ding
khal a tel cih, ti a parih kan Bible tarlanmi khin fiangten in sim. A
umzia cu, Management, arrengment le counciling hna tiangin upa pawl
ih t.uanvo a si tinak a si.Duhdawt mi unau, Pathian hna kan t.uannak
ah hin, Pathian in t.uan dingih in fialmi teh hi kan tuah maw?  Kan
sinak ngaingai teh hi kan din suahpi ngam maw?  Zumtu pawl lak ih
cangvai vutvo dingin ha Pathian in infial ih, zumhrihlo pawl lak ih
thuthangt.ha phuang dingin?  Kawhhran le pawl kom ah bulpak pakhat
ciar in kan mahle Pathian infialnak, kan mah le Pathian inkawhnak
zawn ciau  kan fiang lo ahcun…mi hnawksak, Bawipai hrangah mai
paihcin le mai hmuhdan men ih hnatuan kan si pang ding phan a um
zet.Tulai kawhhran, zumtu pawl nun ram ih thilmak a si mi cu,
Apostles pawl hmuahhmuah ih an rak hril sawnmi lamzin, cabuai hna
silo ih, Pathian thuthangt.ha phuan ( Missionary/ evangelist ) hna in
kan thinlung sungah tohkham a colo hi a si. Jubelee dar Kalvari tlang
par ih tummi cu, Malaysia ram tiangtiang ih rawn awn thlengthlo ding
cun a va awllo em?  Cui luatnak dar tum awn cu Construction kan
t.uanpi pawl hnenah, Restaurant kan t.uanpi pawl hnenah, Factory kan
t.uanpi pawl hnenah, kan innsannak kiang ih hnaset le mitcaw pawl
hnenah kan tum awn thlengthleng lo ding maw?  Cucu hokhaw mission hna
cu.Unau, mission hna hi fiangten na theih a si ah cun, nang le kei,
zumtu hmuahhmuah hi Bawi Jesuh ih fialmi Missionary kan sinak na
fiang dingih…na hna diktak cu na t.uan ko ding. Pathian in kawhnak
zawn ciau kan theih ringring thei nak dingah…Pathian la in lam in
hruai hram seh.

KLIA leitllun ih Radio staton airport hmaisabik ..

KLIA Vanzam tumnak hi  tui thla neta lam ihsin Leitlun ih Vanzam
tumnak  Radio  station  um hmaisak nak bink a rawng  si thlang ding.
Redio station, Fly. Fm, cu June ni 30 ihsin awn thawk a si ding ih,
passenger hmuah hmuah in redio an ngai vengveng thlang ding a si.
Malaysia Airport lam ih tuanvo neitu pawl cun, khual tlawn nak lam ah
hna kan tuan rualrual in, music le mipi hna ti tlainak lam khal ah
than kan la ding tiah an phuang.

Hi radio hi Malay tawng le mirang tawng ih phuan a si ding.

Mihlo hawl in runsuaktu 120 hramlak ah

Kan dung tlawngkai nikhat ni, zanlam nazi 3:00pm hrawng ih sin,
Malaysian unau pali cu hramlak ah an hlo ih milai 120 rori in arms
thawn an hawl rero lai.  Chew Styr Yee, 16, Styr Han, 14, Styr Ming,
10 mi  le Singapore ih an tupa Jeremy Tio, kum kua mi cun….Bishop
inn lam ih an feh kha tlun ti an nei nawnlo.
Thawmvang an theih veten Army Batallion 69 : ihsin 35, Police Air
Wings ihsin mi 21, Police uico fim 6, RMAF helicopters 1, Police Air
Wing Helicopters 1, Orang Asli, khawte lam ih um pawl, Civil Defence
pawl ihsin le meisa kilvengtu lam ihsin…an zaten hi mihlo hawltu hi
milai 120 rori an si.
Kl ih rundamtu grop le branch phunphun in theih tawp suah ih an hawl
hmuhloh hnu ah, kan dung tlawngkai nili June 9, 2005 ni ah Orang Asli
pcang pali in an va hmusuak.
An unau zaten him dam ten an rak um nan, zan thum rori ngawpi sungih
an hloh nakah rawl eiding neilo le kawngsang ih keunak neh pawl tilo
cu ziang ciamco an tuarlo.  A upabik cun rawl ei ding kan neilo ih
tidai lawng kan in rero a ti.  Kan dung tlawngkai nikhat niih Bishop
in lam pan ih an feh kha, ngawp sungah an lut ih suah ngaihnak thei
lo in an hlo vivo a si bik.

Myanmar thuanthu tawi

Myanmar hi Southeast Asia ah ram tumbik pahnihnak a si. Junta cozah
uknak ih hruaiaw kan siih, democracy cangvaihnak cu 1980 kum ihsin a
phun phun ih pal beh a si.
Buddist hi 89.3% an um laiah, Christian hi 5.6% an um.  Islam khal
3.8% an um ih, Hindu hi 0.5% an um.  Official tawng cu kawl tawng a
si ih 80 per cent in an hmang.
1885 ih British in an control ih, Leitlun ralpi IInak tiang British
Indian emperor in kawlram cu an uk. Ralpi II naklaiah Kawlram cu
Japan in an uk lala ih 1942- 1945 tiang.  General Aung San le a
hnatuanpi 29 pawl cun British pawl dawisuak theh dingin Japan ralkap
an rak bawm ih,  1947 ah dan le dun hmuahhmuah tuah fel a si zo.
January 4, 1948 ah  independenc an ngah. Aung San cu, a ram a
kaihhruai man hlan ah thah a si.   Kawlram hi 1948 ihsin 1962 karlak
cu democracy ih uk a rak si.
Ramsung politic buainak tampi pah tlang ih 1962a ah General Ne WIn ih
kaihhruainak in dan hmaisa hmuahhmuah hlawn a siih, kawlram cozah cu
socialist hruaiawknak ah a rawng cang.  March 1988 kum ah tlawng
nauhak pawl cun rampi tuahthat sal tum ih an cangvai ciamco ih,
August 8, 1988 kum ah ralkap cun tlawngnauhak, rampituahthat nak
dingih hnatuan pawl cu 1,000 lenglo an that. Hi kum ihsin Aung San ih
fanu aung San Suu Kyi hin democracy hrang ah hruai dingin awkam a
thlah thawk ve.
Cun, September 18, 1988 ah ralkap cun Ne Win ih burmese socialist
cozah le a dan cu pahbal tahrat in ?Junta?ukawknak State Law and
Order Restoration Council tiih ko aw in an hmin an rawng thleng. Hi
kum ah hin cozah dodaltu 3,000 lenglo thah an siih, tlawngnauhak
10,000 lenglo cu tlang ram lam le hnenum ram lam ahan tlan darh theh.
SLORC ukawknak san ah, May 27, 1990 kum ah rampum hrilawknak a umih,
National League of Democracy ( NLD ) party cun 485seat ah 392seat co
in nehnak an co. Asinan, tuini tiang nehnak cotu pawl cu hawng ah
thlak an siih, kil ven ringring an si lai.
May 27, 1990 kum ah Junta cozah cun an hmin an thleng lala
ih, “State Peace and Development Council?tiin. Asinan an ukawk dan le
Democracy an donak lawng te an thleng cuanglo.
Kawlram ah ih miphu dangdang tawng khal bangawlo 135 ( etchnic
minority group ) kan um.
2002 ih cozah phuan dan ah cun, mipum 52.2million kan um ih, kum tin
2.02 per cent kan thang. Khawpi ih um hi 30per cent an silai ah
khawte ih um hi 70per cent kan si.

2004 ah UN ih an phuan dan
Mipum : 50.1 million
Capital  khawpi: Yangon
Area :  676,552sq km ( 261,218sq mile )
Tawng hman tambik: Burmese
Biaknak: BUddism, Christianity, Islam
Milai nun zat:  Mipa kum 54, nunau 60..hihi cawhrual ih tuat a si.
Ramdang ih kuatsuah mi:  Teak thing, be ( te ), pe, kaikuang, ngate,
faang le riit theih thil pawl an si.
  Sourse: M. T.D

Suu kyi a dai riapri

Thai based thuthangca pakhat cun Suu Kyi le a dungthluntu party pawl
cu Leitlun ihsin an dai riapriap zo tiah a suah.
Kawlram Junta cozah cun NLD pawl ih lungkimnak khal tel cuanglo cun,
anmai thu ten democracy hrang lamzin Roadmap tuah in tikcu caan cu an
tlaiter rero a si tiah, Thai thuthangca cun a phuang.

Thai ih kawlram hnatuan pawl hlawh hmu thalo

2004 kum sungah kawlram mi milai 850,000 cun Thai ram ah hnatuan
dingin registered an tuah. Asinan cumi tlunah, cabu tha neilo ih Thai
ram lut le hna tuan thawng tampi an um.
Thai ram sungah nun humhimnak hawl le hlawhaw dingih lut tampi cun,
an tuan man an hmuhlo ih hleiah, an taksa rori khalin hmuhsuamnak le
harnak phunphun an tuar tiah International Amnesty group cun kandung
tlawngkai nihnih ni ah an phuang.  Thai ih Kawlram mi hnatuan
hrekkhat cun an hnatuannak pe le, cozah lam hruaitu le Thai mipi hnen
ihsin nekcepnak phunphun an tuar ih harhdamnak tiang in a tuar phah.
Hi thil thleng ruangah hin kan dung tlawngkai nihnih ni ah,
International amnesty cun Thai cozah cu warning an pe a si.

MyanmarRefugee hrangah caan tha

Sen ( a hmin ngai silo ) timi, Chin tlangval cu KL ihsin 30km a
hlatnak hmun ah a um.
Hi kum 17 tlangval hin, Myanmar Chin land ih an khawte ah ralkap
pawl ih tiduhdah  le vuak le velh a tuar rero ruangah Malaysia
ramsung ih refugee 60,000 pawl zawm dingin a ra tlan ve.
Malaysia palik tih ruangah hramlak a a um ih, ?nun ngaihnak a
theihlo ruangah a att phah zik te? Nikhat cu a nunkhua awng nakding
lamzin a sar suak ve rori.  Kan dung April thla ah sen cun a rualpi
80 thawn, Kumpulan A.C.T.S. ( N.G.O.Non Government Organization )
Sdn. Bhd. pawl ih bwmnak in UNHCR ah registered an tuah ngah ve. ACTS
hotupa cun, kan dung April thla ah Myanmar raltlan 81 kan hmusuak ih,
an case pakhat hnu pakhat kan suhfel thluh hnu ah UNHCR ah register
kan tuah sak a si tiah a phuang.

UNHCR assistant community service co-ordinator Brittocia Franklin
cun kum kimlo pawl hi duhsak in registration kan pe.  UNHCR in
raltlan le mi harsa pawl kan bawm tikah tumtahmi tumbik pathum ih kan
retmi cu, ?1. An tlansanmi an mairam dinhmun a that hlan cu humhim le
bawm 2.  An thlennak ram local pawl thawn daizet/hnangam zet le remaw
zet ih um ter ding 3. Khual thlengtu ram a simi Australia, America,
Canada le Denmark ram lam ih kuat?hi a si tiah Franklin hin a sim
bet.
RSD timi ( Refugee Status Determination ) ngah ding hin thla ruk
asilole a kum tel ih hngah a tul.  Malaysia ah nun humhimnak hawl ih
ra tlanlut milai 60,000 pawl hi Aceh, Indonesia ihsin an si.  Group
hnihnak tumbik cu Myanmar ihsin an si ih, Iran, Iraq, China le
fghanistan ihsin khal ra tlan an um hnuaihni.

Refugee pawl hi hram lak le khawte ah a tamsawn cu an um ih, khawpi
sungah inn flats sang ih umkhal an um.  Hi raltlan lakah hin 12,000
cu nauhak kum kimlo an siih, 5,000 cun agency in register an tuah
zo.  Hi nauhak pawl hi an bei khal a dawng awl ih, ziang kim  ah
kaihruaitu neilo le farah tuk ih an um tikah an hmailam nunnak hrang
khal tiha nung. Curuangah hi pawl hi duhsak in  UNHCR hin hna kan
tuan, an hrangah cun ?nun thlengawknak?( wind of change ) hna kan
tawlrelsak a si tiah, Franklin cun a phuang bet.
Source :  Sunday Time
       June 5, 2005

Yangon khawpi kilveng nasa

Tulai cu Yangong khawpi ah bomb puah leh phang in Junta cozah cun
security hmun tin ah ti thepthep in an ret, tiah State Media in kan
dung tlawngkai nihnih ni ah a phuang.
Cozah pi ih bawmnak in Cinima hall, Company neitu pawl, tlawg inn le
bazar ah, Office phunphun le hnatuannak hmun pawl khalah ti thepthep
in security ret an si. Security hrekkhat cun tlawnginn le bazar ah
bomb an hmuh suah thu tla kan dung tlawngkai nikhat ni ah an phuang.
Bangladesh-Myanmar High way..
Myanmar le Bangladesh cun sumdawn tawnawknak ding lamzinpi tuah ding
thuhla an reltlang rero lai.  Bangladesh Foreign Minister le Myanmar
Deputy Foreign Minister U Kyaw Thu cun kan dung tlawngkai nihnih ni
ah hi lamzinpi tuah danding le sumdawn tawnawk danding thu tampi an
rel tlang a si.

Kalaymeo hrawngah damlo tam
Kalemyo le Tahan hrawng khua hlum tuk le ni satuk ruangah damlo an
tam tuk ih, kan sugkhat unau pawl hrang thla camsak ringirng uh si.

Paisa ruanga ih bomb puahtu

Kan dung kum ih Indonesia embassy bomb puah tu pakhat an kaih mi
cun, Malaysia rammi Noordin Nod in paisa a pek ruang ih bomb puaha si
thu a phuangaw.  Hi bomb puahnak ah hin milai 10 rori an thi.
Noordin cun Ahmad Hassin cu Australia dollar 9,700 ( 28,200 )a pe
ih, rupiah in a vawn thleng tikah 63million rori a si.  Indonesia
paisa 63million hin  Hassin cun milai 10 ih nunnak cu vutcam ah a can
ter a si .
Tui ni tiang in Indonesia ih Australia embassy hin harsatnak an
tawng ih, kan dung tlawngkai nihnih ni ah khal bomb rinhlehnak
ruangah nazi 4 sung zung awng ngamlo in anum.

BJP president a hnuk dawkaw
Kan dung June 7, ah India opposition party hruaitu, Lal Krisna ( BJP
president cun )  cun Hindustan Nationalist party hruaitu a sinak cu
bansan in  BJP party hnenah    suahnak cahnah a pe.

Indonesia ah Polio a karh
Indonesia ah Polio naknak a karh thar ciamco.  Indonesia lawngah
milai 34 in an vei zo ih, Leitlun Helth Organization khal anthin
phang zet.

Thin tawi ruangah
Pakistan lothlo pa pakhat cun a thin tawituk ruangah a fanu pahnih a
kap that rori tiah Pakistan palik in kan dung tlawngkai nili niah an
phuang.
Pakistan khawte pakhat ih um 47, cun lo ihsin bang zet in a ra tlung
ih, a fanukum18 nute cun tidai a rak suahhngallo ruangah a kap that.
A u bawm ding in a ra tlan mi, a fanu nauhak sawn kum 16 mi khal cu a
kap that cih.
Tidai haikhat ruangah  fanu pahnih nunnak cem tertu pacang tha  tla
kan rak um hi cun, fimnak eeng  lo in milai nun hi ziang a bang ti a
fiang ter rori a si lomaw? Nunau hmuhsuam hi Pakistan ah hin an tam
zet nan, tuitum vek ih thah awk kherkher hicu a um dah lemlo.

Manchester United in Asia lam ah
Man U cun kan hmai JYly 23 ni ah Hongkong lamah  an thiam an rawn
show ding. Manchester United cun an team sungih bawhlung thiam bikbik
thawn Hongkong ah an lek ding thu phuang in, ?Asia hrangah
hngilhlonak hmin kan rawn tarlang ding?tiah an phuang. Wayne Rooney
le star dang apwl tla an kim theh ding.
Hongkong ih an leknakding ah hin ticket cu US$ 150 a si ding. Man U
ih bawhlung lek theu nan theih hmuahhmuah cu nan mit rori in nan hmu
ding tiah Charlton cun a phuang ih, hi game hi frendship a si ruangah
a lek ding pawl khal hi an phur tlang in Asia lam rawn ding cu an
hngakhlap zet. Man U hin Japan le Beijing khalah lek vivo an tum.

Ruahpi silo in Butlak a sur
Serbian ram ih Odzachi  khaw thlanglam ah ruahpi silo  butlak a sur
ciamco tiah Belgrade nitin thuthangca iah  kan dung tlawngkai nihnih
ni ah  suah a si.
Belgrade ihsin Km 120 a hlatnak ah thlipi le ruahpi in a nuai ciamco
ih, butlak lawng te a thawng tel in an sur ciamco tiah mit rori ih
hmutu pawl in thu an suah.

Bush le Blair in rilrawng pawl hrangah….
US President Bush le British Prime  Minister Tony Blair cun Africa
mi farah pawl in ei le inn ding an neih thei nak ding bawm an tum.
US hin $ 674million ( RM 2.5billion) bawm a tum ih, rilrawng le
rethei zet ih um 14million hrangah cun a tawk pam ding.  Hi bawmnak
hi Ethiopia, Eritrea le African miphun pawl hrangah a si dingih,
British khal in theih tawp ih bawm ding in an ralring thepthep a si.

   Bush in Tuluk rampi AIDS mission hrang..
US president Bush cun Tuluk rampi HIV/AIDS donak ding hrang US$
35million ( RM 133million ) a hlu ding.
US Global AIDS co-ordinator Randall Tobias cun kan dung tlawngkai
nihnih zan ih Beijing Meeting nakah, kan hmai kumthum sungah hi
sumpai hmuahhmuah hi US in Tuluk apek ding thu hi a than ih, US le
Tuluk unaunak cu a ngheh sinsin ding thu khal a phuang cih.

Kawhhran in Bollywood style in HIV film tuah
Indian Roman Catholic  Kawhhran cun an ram sungih rawngbawlnak
pakhat ah neih in HIV ziangruangah a rak um timi film an tuah rero
lai.  July asilole August thla ihsin zoh theih a si ding. A film hmin
cu ?Ziangruangah hi thil hi a thleng?ti a si.  Bollywood style rori
ih tuah a si ih, hla le dramas phun phun in HIV tihvung zia an
phawksuak a si. Hihi India Roman catholic pawl ih Film tuah
hmaisakbik mi khal a si.
Japan Bobm puak ah milai 58
Kan dung tlawngkai ninga ni ah Japan High School tlawngnauhak kum
18mi in an calass room sungah, inn ih tuahmi bomb a puah ih, a tlawng
kaipi 58 rori in hliam na zet an tuar.  An class room  cu thlalang
dip in a khat theh.
Tlawng nauhak pawl cun hi bomb pahtu pa te hin a mai inn ah a mah te
in bomb hi a tuah a si an ti ih, thu hman cu theih a si hrihlo.
Police in an rinhlelhmi cu an kai hngal.
Australia in ngaidam an dil
Aan dung June 9 niah Australiami Vietnam ih an kaihmipa, Mai Cong
Thanh,46, cu Vietnam court cun thah dingin a thuhla an rel fel.  Hi
Australia pa hi an kaihnak kum hnih a si zo ih, Vietnam le Australia
karlak ah rittheih thil keng theu ih puh a si.  HImi thuthawn pehpar
in Australia cozah cun theihtawp in ngaidam a dil ih,Justice Minister
Ellision cun, Australia cozah, death penalty a neivelo ram pawl rang
ah cun,kan thah dingmi pawl bawm an tum hi thil mak a silo. Asinan,
ziang rammi an si khalah, kan dan an bawhpelh ni cu dan vek ih kan
thah ni a siko. Zawi ram hman kan zohlo tiah Ellision hin a phuang
bet.

Singpore ah Malay President duhtu party

Kan dung tlawngkai ninga ni ah Singapore ih Malay National
Organization pawl cun  tawnawk khawmnak an nei ih, Singpore
President  dingah Malay mi rori hril an duh thu an rel.
1963 ih sin 1970 tiang kha Singapore ah hin Malaysian Tusof Ishak in
President hna a rak tuandah a si. A mah lawnglawng hi Malaysian
Singapore ih president tuan dah cu asi.   Madonna: Hlimnak hi paisa
in a lei theilo.
Leitlun hlasak thiam hminthang Madonna, 46, cun, “hlimnak hi paisa
ih lei theih a silo?timi cabu a ngan ih, Leitlun pum ah zem darh a si.
Hi cabu sungah hin “a liamciami kum 20 hrawng ih Virgin vek ih ka
tlan lenlai, ka tleirawl lai le tu karlak ih nun  ka  zirmi
hmuahhmuah ka ngan?tiah Pop Star hin hni siamsi ten a phuang.
Aihre in cancer a that thei
US researcher pawl cun, ?ai hre?hin cancer natnak suaklo dingin a
kil veng thei a si ti an hmuhsuah thu kan dung June 8, ni ah an
phuang suak.

UNHCR palai thawn thu reltlannak

Kan dung June 10, 2005 sun ah, kan LCF biakinn kiang ih Pa Hrin Uk
Mang tei inn ah Falam mipi hrekkhat cun UN ih an ra thlahmi, Officer
thawn tawnawknak kan nei.
Thusutding le an fial vek ih, kan Falam mi pawl umdan theih fiang
duh rori ih ra a si.  UNHCR le CRC parah siseh, Myanmar ih kan umlai
le Malaysia kan thlen hnu ih Falam mipi pawl khua kan sak dan
hmuahhmuah in sut ih, kan letnak hmuahhmuah cu cahnah te ah ngan in,
UNHCR meetingpi ah kan thuhla an rel hnuah, thuhla in theihter sal
dingin in cahta.
Hi Officer hin, kan dung Malaysia cozahpi ih Illegal Crack down a
tuah mi ruangah, Refugee milai thawnginn thleng an tam tukih,
curuangah UNHCR pawl in kan hna kan nehlo tuk.  Curuangah RSD ngahzo
pawl kan lo thawnnak le mithar register ding pawl kan phih hrihnak a
si tiah a sim.

Bible zirnak kannei

June 12, 2005 Sunday zinglam nazi 10 : 00- 10 : 30am tiang, kan LCF
biakinn ah Pathianthu/ Bible zirnak kan nei ding.
Hi Bible zirnak hi zarhpi zing  tinte neih a si ding ih, a zirhtu
ding pawl cu kan Saya pawl, kan Pastor pawl an si ding.  Hi Bible
zirnak hi kan LCF  pawl Pathian thu lam ih kan thanso le kan pitlin
deuhdeuh beiseinak thawn remruatmi a si. KL ihsin a hlatnak hmun ih
um pawl Pathian thu zir duh le khawm ding pawl hrang ah zarhte zan
tinte kan LCF  biakinn ah riah theih ringring a si.
Riak hrimhrim hlah uh
Kan LCF biakinn hi Pathian biak nak hmun a si ih, thianghlim theih
tawp ih um kan zuam pei uh.  Sunday ni khawm duh tu pawl hrang ah
zarhte zan hi kau zet ih awn a si. Asinan, zuu nam cing le khawm khal
paih cuanglo ih hotel vek menih ruahnak neipawl hrangah kan Biakinn
hi kan sianglo.
Caan hmang duh hrang ah!
LCF khawmnak ah mah le Pathian hrang ih kan tuah theimi ciau
suahkhawm in tan la vialvo uh si.  Sermon, Chair person, thangthatnak
hlasak, thlacam le testimony share-nak siseh, mah le Pathian kan
sunlawih theinak lamzin tete cukan pulpit comittee Pa David (
0126822231 ), Pa Tha Nei Thuam ( 012 6222110 ), le Rev. Za Thelh Lo (
019 2522924 )  hnen ah sim theih ringring ding a si.

Chin State mipum le inn zat

Township             khuazat  Innzat  Mipum zat

Falam                  175   8,413    45,832

   Hakha        73   7383  44086

  Teddim      136   11397  84953

Tonzang       72   2901  18397

Thantlang        86   10133  55555

Kanpalet      114   2999  18454

Paletwa      404   14194  85893

Matupi      120   6240  44225
Mindat      199   6488  41701

Bible Theih kauhnak

1. Leitlun ah hrin lo ih thimi zo an si?
2. Hrin ko nain a thilo mi teh?
3.  Thi ko na ih, ruak vui lo mi?
4. Milai nun saubik le hmin saubik teh zo an si?
5.  Bible cang tawibik teh?
6.  Leitlun ah common tawng ziangzat um zo?
7.  Peter in nga ziangzat a kai?

8.  Peter ih a hna a sahtlak mipa hmin kha zo a si?
9.  Zurit ruang ih hnipuanlo ih it pakha zo a si.
10.  Mai pa le sualpi tu pawl kha zo an si.
Hminsin : Hruaitu kawm dunglam sungah a par ih thu suhnak pawl
result hi ngan a si.

Milai thluak ritbik cu..

Milai thluak ritbik cu Mirang pai thluak thotho a si.  December 1992
ah Dr Goerge T Mandybur ( USA ) paithluak cu, Ciccinnatio University,
Ohio ah  an tah ih 2.3kg ( 5lb 1.1 oz ) a kim.  Hi Doctor hi kum 30
lawng a si lai.
Milai kut thleng hmaisa bik
1998 kum ah French ram ih an khawpi pakhat Lyon ah Leitlun sii  bawi
hminthang pawl an fehkhawm ih, australia pai kut ( apar zuk )  an bun
sak.  Australia pa Clint Hallam, 48, hi kut neilo a siih, hi siibawi
rual hin nazi 14 sungah mithi zomi  kut cu Hallam ih kut tan ah cun
an peh a si. Hihi Leitlun ih kut tan peh hmaisak bik a si tiah
Guiness Record cun an ngan.

Malaysia ah Falam fala  Malaysia ah kan Falam fala pawl calling in an
ra thleng thnuahni ih, kan tlangval hrekkhat pawl cu mai inn hlim
hman an hlum thei nawnlo tiah palai pakhat hnenin Hruaitu in thuthang
a dawng.

Bible Knowledges Aphi..

1.  Adam le Evi
2. Elijah le Enock ( Pathain in nungcing in vanah a la )
3.  Lot nupi ( Cilungah a cang )
4. Hminsaubik cu Maher-shalalhashbaz ( Isaiah 8 : 1 – 3 ) a
siih, nun saubik cu Methuselah ( kum 969 ) a dam a si
    ( Genesis 5 : 27 )
5.   John 11 : 35 ( Jesus Wept )
6.  Latin, Roman, English
7.  Peter in nga 153 a kai ( John 21 : 11 )
8.  Malchus (John 18 : 10 )
9.  Noah ( Genesis 9 : 20 – 23 )
10.  Lot ih fanu pahnih an si. ( Genesis 19 : 34 – 35 )

Hruaitu zarhtin thuthangca hi Kan Laimi hrang ah Lai tawng ih suah mi
thuthangca a si ih LCF biak in ah RM 2 in lei theih a si. Kuala
Lumpui thawn a hlat ih um mi LCF ih zarhtin ra khawm thei lo hrang ah
Kan Editor hnenah cah theih ring ring a si. Nan address leh contact
no. in ra kuat uh lah nan umnak rori ih nan siar theih dingin post in
kan lo kuat ding. Amah lawng te chu Rm 3 a si ding. Malaysia ram pum
ah kan thuthangca neih sun HRUAITU hi kan caa lai thansohnak ruatin a
lei leh siar tal ah tanla ciau dingin upat nak thawn kan lo sawm.

Brazil in neh lo Argentina
South America zone ah cun Brazil khal ziang an si lo.Argentina hi p.
4 in an ban lo. Kan dung nili niah Angentina ram ah an lek ih Brazil
cun an mah lam ah goal 3 lut in an ram an tlung.(3-1) Argentina
striker Crespo kha kan thei lai kei, Champions league ah goal hnih
rori thun tu a sih kha. Tui tum ah khal goal 2 a thun leh la la. An
group ah cun zo hman ban loh an si. A sinan, World Cup ah hi duh
vekin an cang thei lo hi a pawi a si.
Brazil ah hin Ronaldo an ko suak lo. R.Carlos cun freekick in a thun
ve. Player tha dang ah khawi ah an hloh.

Portugal hrang ah Ronaldo
Estonia le Portugal leknak ah cun Cristiano Ronaldo a sunglawi.
Nehnak goal thu thu a si. Goal tam tak cu a tha sawn nan neh nak cu
goal parah a um.

Kum 200 dam tum pitar
1919 kum, December 24 zan a siih. A thaisun cu Krismas ni a si
thlang ruangah, khaw pakhat ih mino pawl cun zan ah vak tahrat in inn
khat hnu inn khat thlacamsaknak an nei vivo.  Nuhmei pakhat inn an
vawn thleng ih, ?ka pi kan Cerol can a thleng zo na rak damcak maw??
tiah hla sak phah cun an hei auh ko.
Cui pitar mangbang tuk cun, ?A ze, fa le nuh Krismas a kim e,
Keihmuah goodfriday hmang ka ti men lo maw? Tulai nonawn pawl cu nan
duh tiktik ah Krismas a kim nan ti hluahhlo men, hitivek cun kei, nan
pi rori hman kum 200 ka nung dam thei ding ual? tiah mangbang phaw
keke cun a rak let hai an ti.

Karual nun sim ka duh
Bawkte pa in a rual Pabo nupi a neih zik ruangah nun simta a duh.  A
nupi hnenah, ?nupi, Pabo rawl ii kan sawm ke, nupi a nei zik ih nun
sim ka duh? a ti.  A nupi cun, ?Eih,eih,eih, sawm hrek hrek hlah kan
innsang buaibai lakah, kan inn le a baal tuk, hnipuan le ka sawp
manlo, kan fa le pawl le damlo, keimah hman tak khawlh manlo, sam
hman hriat manlo, nangma khale tawl remrem, rawlhmeh khal kan neilo,
na pa tei inn ih anthur car na lakmi lawnglawng hmeh kan nei.
Ziangtinso na rual rawl ei cukan sawm ngam hrekhrek  ding tiah nupi
cu a phun hlo hlo.  Cuveten Bawkte pa cun nupi hnenah, ?Hi kan
innsang umtu dan le kan nun khawsak dan hi loziang ka rual nun ka sim
duhmi cu?..a ti, an ti.
  Salai Biakte

Ar inn kiangah ah eee?
Veikhatcu Malaysia ah Kawram senior Parstor pakhat a ra thleng.  A
mahte ih inn san a  duh. KL khawpi laili ih inn san ding hawl cu a
awllo zet a si hmang.
Malaysia ih senior pakhat cun Sayapa, ?Inn cu a um, RM 200 man lawng
a si. Asinan, Ar inn kiangkap te a siih, tih cu a nung zet a ti.
Pastorpa cun, ?ar inn e, a thu tuk ding a ti ih…tlangvalpa cun,
sayapa Malaysia arr pawl cu an sa a ei theihlo so khaw…thut khal a
thu lo, kawl ram vek a silo a ti..ar inn kiang ah eee?

(Visited 85 times, 1 visits today)

Comments

comments

Comments

%d bloggers like this: