Hruaitu Issue 74

Hruaitu zarhtin thuthang
Vol: 74
June 5,2005

Table of Contents
Editorial …………..1
Beer Kawhhran …….  2
Thlarau in khat uh….3
Steven Rualthankhum Interview..4
Na duhzetmi thawn…7
Ramdang thuthang… 8
Kawlram thuthang….11
General Knowledges.. 13
Kan mah sung thu….. 14 – 17
Leknak lam ………  18 – 19
Hlim hi harhdamnak…..20

Editorial

Kawhhran ih nunau t.uanvo

Nunau thuthawn pehparaw in kan Bible ah vei 70 lenglo kan hmu thei.
Ahleice in Paul hin nunau lu cu mipa kan sizia le nunau pawl ih
tlanlen dan ding in zirh tam zet.
I Cor 14 : 34  ah Paul cun, ?nunau cu khawmnak ah daite ih um dingin?
a duh thu a ngan.  Himi thuthawn pehpar in tulai kawhhran hrekkhat
cun  nunau hmuahhmuah a sim hmang tiah, nunau hmuahhmuah pulpit
kaiter le mipi hruai ter dawntu kawhhran tla an um.
Asinan hi Bible can gthawn pehparin Greek text in fiangten in sim.
Greek cun nunau timi hi  t.awng fang pahnih in an ngan.  T.awngfang
hmaisa cu nunau, Pasal nei zo hmuahhmuah simnak a siih, tawngfang
pahnihnak cu nunau pasal nei hrilo pawl simnak a si.  Cucu mirang  t
t.wng ih an lehlin tikah..nunau ti relnak pakhat lawng an neive ih
women ( NIV ), nunau pawl tiah leh a si.  Lai Bible khalah, kan
t.awng in pasal neizo le pasal neilo cu an zaten nuinau tiih kan kawh
ruangah le, Greek vek ih kawhdan dang kan neihlo ruangah ?nunau?tiin
kan kove.  Cui nunau tiih kan siar tikah pasal nei le pasal neilo
hmuahhmuah a cem thluh an kan ruat t.heu, cucu tulai kawhhran tampi
in kan palhnak a si.
Himi Bile cang hi Greek text ah cun “pasal neizo nunau pawl cu, an
lu, an pasal le an um ruangah khawmnak ah daiten to seh, mipi le an
pasal  hmaiah Pulpit khal kai  hlah seh, pasal um cingih nunau
cangvai vutvo cun a pasal a thangsiat a si?tiah  Paul ih ngan duhnak
san a si.
Eph 5 : 22 le I Timo 2 : 11, 12 ah cun nunau pasal neilai pawl cu
Biakinn lawngah siloin, innsang khalah a pasal hnenah tulutaw in a
pasal t.ihzah te ih nung dingin forh an si.Curuangah Paul cun nunau
pasal neilai pawl cu kawhhran ah an pasal pawl an um sung cu daite ih
um dingin a duh rualrual hin, nunau pasal ah t.enbeh ih umlo pawl cu
zianghman dawnnak ca a ngan lo.  Paul cun nunau lu cu mipa a siih,
mipa lu cu Krih a si tiah…fiang ten zumtu pawl nundan in zirh a si.

   Van Ram nuam
           By . Ela

Leilungtlun milai pawl hin mah le biaknak kan nei ciau.
Ziangruangah? ti ahcun..phun tampi le bangawlo hniaihniai in kan rel
thei ding.  Mi hrek cun,Leilungtlun ih hnangamnak hmuhloh ruanngah
thihhnu ih kumkhua hnangamnak  in pe theitu biaknak kan thlun lai ah;
hrekkhat cun Leitlun damlai ih zalen zet le duhduh ih nuamtawl
theinakding ruahsan in biaknak phundang pomtu khal an um ding.
Cuvekin mi hrekkhat cun..biaknak hin milai in t.awnt.em, i in buai
ter tiih ?keicu biaknak ka neilo?ti khal tulai ah tampi hmuh ding an
um.  Kan pipu pawl khal in Khuavang  pawl kha milai hnakih
thilthithei tuk an si ruangah t.ih biak iih rak bia tla an um.
Ziangkhallole, milai tamsawn cun mah le biaknak ciau  hngetzet ih kai
tahrat in Leitlun ah kan nung, kan t.uan ih kan cangvai rero a si ko.
Asinan, cui kan biaknak tete pawl cun lamzin phunphun in zirh ih, in
hruai khawm tumnak lamzin khal abangaw ciaulo.  Biaknak tin hin milai
hi hnangamnak pek a tum nan; cui hnangamnak a pek dan le a zirh dan
lamzin lawngte an bangaw ciaulo.  Kawlram mi pawl in kan theih
larbikmi Buddist biaknak cun…Nirvana timi, zianghman theih
nawnlonak, hlohral riahriah nak hmun thleng thei dingin milai pawl a
zirh ih, Nirvana lamzin ah mialai pawl hruai in dan thlunding tampi a
tuah .
Cuvekve in Christianity khal in milai pawl hi Vanram tiih kawhmi;
kumkhua ih a hmundingmi ram  ah thleng thei dingin a hruai ve.
Vanram timi tawngfang le Vanram thuhla relnak  hi kan Bible ah vei
125 lenglo hmuh ding a um ih, cupawl lakah cun mallai vawn tarlang
sehla. ( Gen 14 : 19, Exo 20: 22, Deut 30 : 12, I Siangpahrang 22 :
19, II Siangpahrang 19 : 15, II chro 7 : 14, Isai 14 : 12, Dan 7 :
13, Mtt 5 : 12, Mk 10 : 21, LK 10 : 20, John 3 : 13, Dungthl 7 : 55,
Rom 10 : 6,ICor 15 : 47, II Cor 5 : 1, Eph 1 : 10, Phil 3 : 20, Col
1 : 16, I Tim 4 : 16, Heb 12 : 23, I Peter 1 : 4, II Pet 3 : 13, Rev
19 : 1). Hi Bible cang pawl hin Christianity ih in hruai a tumnak
lamzin cu fiagten an lan ter.
Zumtu, unau nang le kei mi thlawsuah kan si sinsin nak cu,
?Cui kan tumtahmi Van ram hmun kan thlen hlan, Leitisa ih kan tlanlen
lai ahhin cui Van nun neitu le Van nunih a nugtu kan sinak hi a si.
Van ramnuam ihsin a rawngmi, Jesu ih pekmi hnangamnak le hlimnak,
tangdawrnak le lungawinak pawl kan nei hi a va sunglawi hleice em.
Van kan thlen tikkhal ih kan thangthat ding Pathian hnenah sunlawinak
le t.hangt.hatnak cu um camcin hram seh..Amen.

       Hnangam daihnak
      By. Van Kim Lian Thang

Veihnih hrinsal a si zo ih, mi piangthar tiih kawhmi, Pathian ih a
fa le pawl zumtu kan nun ah Jesuh ih pekmi hnangamnak le daihnak
thawn a khatmi nun kan nei zomaw?
John 14 : 27 ah ?nan hnenah hnangam daihnak ka lo tanta, keimai
hnangamnak ka lo pek a si. Leitlun mi ih pek vekin ka lope a silo.
Thinhar vansang in umhlah uh, nan thin kihal phag hlah uh?timi thu
kan hmu.
Nitin kan nun ah thil ziangkim hi kan duhdan vek in a remcang le kan
ngah a sile kan hna a ngam theu.  Asinan, kan duhdan vek ih thil a
rawng canglo le kan duhdan vek ih kan ngahlo a si len, cui hnangamnak
cu a hloral men a silo maw? Cutik ah tinlung hnaihnoknak tampi a um
theu. Asinan, Bawipa Jesuh ih inpekmi hnagnanak cu tikcucaan thatzet
laiah siseh, caan siat zet laiah siseh, len laiah siseh farah lai ah
siseh danglam ti neilo in kan hrang a hmun ringring.
Thil ziangkim hi ziangtiklai khalah mah duhdan vekin remcang thei
sehla ziangtluk a tha ding.  Asinan, kan Kristian nunah cutivek
Pathian in a awilo.
Kan  nun ah thilthalo kan
timi pawl hlonhlo le taan san dingin cu mahte zuamnak lawngin a cang
thei hrimhrim lo. Pathianthu lawngin Leitlun tisa nun hi neh theih a
si.  Mihrekkhat cun mahte tum le mahte zuamnak in nangam le daihank
kan hawl theu.Kan hmuh theilo tikah thinbang le riahsia in kan
beidong lala theu fawn. Cutilaifangah Setan cun tukforh dingin inrak
bawh ringring.
Jesu zohlo in kan kiang le kap malte kan hawi zawngah Jesu cun
hnangam-daihnak kan neihmi
fir hlo dingin in rak tum.  Zuu in sehla, ka beidawnnak, ka
retheihnak le ka harsatnak pawl malte sungte talcu a thading tiih kan
ruahmi khi kan thinlung khi kan thinlung ah Setan in tuk in forhmi a
si.
Kan ralrinbik a tulmi cu kan beidong, kan rethei kan harsat laifang
ah Pathian hnenah thla kan cam a tul.  Pathian a thu sungah rinum ten
rinumten kan um a sile mah le hawl le zuam rero tullo in Pathian in
hnangm daihna in pek ding.
Nui hrekhat cu thinlung rethei le beidawn harsatnak lam kan tong a
si le, Zuu palang sung ah relh kan tum theu. Sum paui kan neih doh
caan khal a si le, in pek tu Pathian hnghlh ta hrat in zu tho tho kan
in la la. Rualpi tongaw sun khal ah zu tho kan tlang iliam cia mi thu
le hla kan rel ciam co.
Hmai lam thang so nak rel lo in kan tik cu le caan a lak in kan cem
ter. Cumi sung ah kan kiang kap ih miphun dang pawl cu an thangso dan
kan hmu ban nawn lo. Leitlun thu zianghman lo thu ah kan rak buai bai
re ro sung ah kan kiang le kap ih mi pawl cu thangso nak lam zin
zawhin an lungthli tum mi an thleng thluh zo. Kan nih cu zu le sa ah
le mah le mah do aw buai re ro lai kan um. Ne ta bikah cun pakhat le
pakhat huatawk nak ah a tawp.
Curuang ah leitlun tisa lam ih kan dan sia pawl kan tan ta lo in cu
ziangtin saw athian in in bawm thei ding?Kan tluksiat can ah Thlarau
thianghlim ih incencilh loh a sih ah cun hnangam daih nak a um nawn
lo ih riahsia ningham vek piin kan um theu a si lo maw?
Curuang ah Pathian lawng rinsan inPathian a thu sung lawng ah um in
a thu tak kan nun pi a tul. Mah le thil tithei pakhat hman kan nei lo
ruang ah Pathian lawng thinlung tak ih kan rinsan a tul. Bawipa in
bawm aw. Nangmah nih lam in hruai aw. Thil ziangkim in tawlrel sak
aw.Ka tik cu can hmuah hmuah na kut ah ka lo ap a si tin thla kan cam
ring ring a tul.
Harsat rethei nak le riah siat ning hang nak kan tong tik ah Zisuh
thawn lo cun tuar a har tuk a si lo maw? Zisuh thawn a si le cu kan
tuar a dem doh kha. Cutivekin lungawi nak a um caan ah khal Zisuh
thawn lawng hi kan lung awi nak a fam kim thei ding. Curuang ah Zisuh
tel lo le Thlarau Thianghlim ih umpi nak loin hnangam daih nak ti mi
hrim hrim kan ngah tak tak thei lo.
Kan thnlung ah Zisuh kha hmun kian in Zisuh nei tu Nundan vek ih zu
in lo le kan mah kan tiawnak,hnghalnak, puarnak, uarawk nak pawl tan
ta in le thil t.ha lo lam zawng lawng lawng ih kan hmu kan ruat t.heu
mi pawl taan ta in thinlung tangdawr thinniam te le thinlung
thianghlim ten kan um pei uh. Cuti a si le, Pathian thlawsuah kan
dong ih bet ah Thlarauthianghlim in lam inhruai in umpi in cencilh
ding ih zo hman ih Ban thei lo mi Zisuh ih pek ta mi lungawi ,
hnangam, daihnak cu felfai zet in kan nun ah kan tep suak ngah ding.

                                       Lung put
                                            By : Joseph Ngun Lian
?Milai hrang ah kan t.uan ti lungpui neilo in, nan tuahmi kip hi
Pathian hrangah ti lung put nei uh la, duhdawtnak thinlung thawn
Pathian sunparnak si thluh ko seh ……..Kolo 3 : 23?
Nang na lung put teh ziangtin ? Mithianghlim Paul in Colose zumtu
pawl lak ih Pathian hna  t.uan laiah an lung put neih dan ding a
zirmi t.awng fang a si. Hi cakuat hin Kolote zumtu pawl hin Pathian
hna an t.uan tikah an mai pum cawmnak le an mai hlawknak hrang an
t.uan ti a siang ter.

Zonah ih lung put

Zonah cu Nenaveh khawpi ah a thutnagt.ha aupi dingin Pathian in a
fial mi a si.  Asinan a duhlo ih Tarsus lam ah tlanhlo a tum cukan
zapi theih a si ko.  Zonah cun Pathian hmuh lonak hmun, lawngpi
sungah a thuaw ih hnangam zet in a it.  Pathian cun Van le Leilungpi
ah a khat ti a lanter ih tisuar cu thu a pek.  Cui tisuar cun Zonah
ih tomi lawng ngelcel cu a va siatsuah.
Lawng parih to hmuahhmuah cun mah le pathian ciau hnen ah aukiau in
thla an cam ciamco konan,mawh a phurtubik Zonah cun ihhmutuk vek le
theilo vekin a itthataw ter.  Pathian cun tisuar lawg a tawko thlipi
par khalah thuneitu ka si tiah thlipi a fial bet ih, Zonah ih tomi
lawng cu thlipi le tisuar cun heh..tiah an buaiter ciamco.
Lawngpi sungih thilri hmuahhmuah tipi sungah an thlak ko nan, tisuar
le thlipi in ban an tum cuanglo. Aumzia cu, Pathian ih a hawl
ngaingai mi, Malaysia umtudan vek cun Poeraci luhhnawh taktakmi
Illigal pa Zonah rori kha fiangterta a duh ruangah a si.  Anetabik ah
Zonah cun, Pathian hnenin ka tlanhlo zozo, tlan hlo lawlaw kung ti
phun khin, ?kemah hi tipi sung ah in thlak uh?tiah a sim. A sim vek
cun an thlak ngaingai ko.  Pathain cu a thu pakhat hman kimterlo a
duhlo tu, a thu t.an ringring tu a si ruangah Zonah cu thihter a
duhlo. Asancu,nangmah hmang in Nenaveh ka eeng ter sal ding timi a
thu kaam ruangah a si. Curuangah Pathian in ngapi cu thu a pek sal
ih, Zonah cu ngapi pumsung Air-con Hotel ah manlo in nithum sung
Pathian in a riak ter.  Cun, Zonah cun a sirawk ngaingai ih Pathian
hnenah thla a cam hnu lawnglawng ah Pathian in ngapi cu a va luak ter
sal.
Cuticun Zonah in Pathian  hnen  ihsin tlanhloh theih a silo ti le
thil hmuahmuah hi Pathian kuthnuai ih um an si thluh ti fiang cikcek
ih a theih hnuah, Nenaveh khawpi ah cun lut tahrat in to le ding phah
khal ih simngamlo cun tlan phah cingin thuthangt.ha cu a phuang ih
nithumnak ah a hna cu a t.heh.
A t.heh veten tlangsangpi parah a kai ih, Nenaveh khua ih an tuar
dingmi cu diriam zet in a zoh. Nenaveh khuami pawl cun an sual
ansiraw sal ih Pathian in a ngaidam sal.
Zonah ih tonak tlang cu, ni a sattuk ruangah Pathan ih Umm kung a
cerh ter ih daihnem cun Zonah cu a khuh ter. Zonah cu lungawi sopar
le hnangamten a cawlh laiah Pathian in rannungfate hmang in Umm kung
cu a thih ter lala ih Zonah cu Pathian parah a thinhaeng ciamco.
Pathian cun Zonah, na thin a heng tuk maw? tiah a tiih, Zonah cun ka
thinheng tuk ruangah thih khal khal ka man tiah a rak let. Cutikah
Pathian cun na kut na ke tellomi Umm kung thih hman na sianlo ah cun,
keimah bang ih ka tuahmi Nenaveh khua mipi pawl an thi thluh ding cu
ka siang ve pei maw ? a ti.Zona cun, a hramthok te in hitin an tuah
sal ko dingti ka zumcia ruangah ho khaw na thu ka rak thlun lo tiah
Pathian cu a let.Hi thil hin, Zonah cun Pathian hna a t.uan nak ah
duhdawtnak le zawnruahnak taktak a neihlo lawng siloin a mah
thusimnak ih nun thlengaw tu ding pawl siatral hman a poitilo ti a
fiang.  Jesuh in saan cawp tuukhal thu a rak simmi hi Zonah rori khaa
rak simmi a si ko hmang.  Curuangah, Evangelist asilole Partor Zonah
ih lungput cu kan neihvelo nak dingin ralring uhsi.  Zonah na bangve
sual pang maw?
Jesuh Krih Lung put
Jesuh cun mipi zirh dingin Peter ih lawng hman a duh tikah, na lawng
ka hmang thei kem? tiah a sut hmaisa. Hruaitu a si hmannan,
ziangvekmi khal a upat ti a fiang ter. Mitcaw pakhat a mit a damter
tikah oikhat a tham ih a zohter, mitcawpa cun ka fianglo tiah a let,
Jesu cun, ka lo thamzo ka tavuan ka ci a tilo, fiang dingin  a
voihnihnak khal a tham sal.  Cucu Krih ih lungput a si.

Tuihnu kum sawmnga ih Falam khawpi dinhmun
                                     By. Salai Laisak
Salai Laisak khal kum 87 a sizo ruangah, USA Losangeles ihsin a pi
le pu, a nu le pa khua kawl ramah a lu phum ding in a ra pawk suak.
Kual Lumpum  palta a duh ruangah KL tiang Air tecket cu a lei.
Ziangahtile KL ah tuihlan kum 50 ih Refugee card te thawn a duhdawt
zetmi fala nu te thawn, an hnatuannak hmun cu thih hlan ih veikhat
tal hmuh sal a duh ruangah a si.
A fala nu in thinlung kekkuai thluh ko a tuah nak hmun, cui fala
ruangah kum 87 a kim tiang nupi dang khal neilo in a umta nak a si.
Kuala Lumpur Hilton Hotel ah zan hnih an riak ta ih, Yangoon panin
Vanzam cun an feh lala.  Vanzam par ah cun KL an um lai a ruat phah
phah ih a nuamaw nasa.  A rei hlan ah Mingalado Airport an tum.
Phunkua phun hra  kainak hmunpawl a cuan ih a lunga  leng nasa.
Yangoon ah cun zankhat lawng a cam, an khua Falam thlen lohli a duh.
Kalay a thleng cu, khua a tang van a zoh, a thangsotu  mak a ti.
Cun, u le nau pawl tlan a hal ta ih, Falam feh a duh ruangah Hmanlung
ticket in leisak thei pei maw tiin, a thlennk Hotel Manager cu a
sut.  Kapu na tar zo fawn ih mawtaw hnak cun Vanzam maw tlangleng na
duh sawn a rak ti.
Salai Laisak a mang a bang tuk. In capoh asilo ah cun Vanzam ka duh
tiah Vanzam ticket a lei sak. a ticket cu a hei zoh.  Lai ram
Transport Airticket ti a nganaw a hmuh cun a mang a bang sinsin.
Salai Laisak cu Falam khua hmuh hiar tuk cing in 2055 October, ni 24
ah cun Lairam Transport pakhat a simi Vanzam cun Falam pan in a
poksuak ta.
Lairam in Vanzam tlangleng le mawtaw phunphun transport ah a hmangzo
ti a theihlo ruangah a si. A nauhak lai ih, nikhat sung
a feh ih a bang fialfial nak Falam cu minute malte ah an thleng.
Airport tla cu International standard in an rak tuah a hmu ih a thin
a nuam nasa.  Ummen thiamlo in khaw cuan dingin texi thawn a pok
suak. 1982 ih a tlawng kainak Canmari tlawng a feh hmaisabik ih, BEHS
a rak si nawnlo. Falam University ti ih Sign bord a hmuh cun a mak a
ti pam.
Falam bazar hmunpi ah khan bazar thar dawt hra tum ngaingai pi a
hmu.  A sung a lut cu, LA bazar thawn a dang cuanglo bang in a thei.
Falam Baptist tang ih hmuan thatnak ah cun, Politic ruang ih falam
pasal tha pawl thlanlung cu ropi zet in a hmu ih tourist pawl khal in
an zoh duh nasa.  A dung a hei her ih Lai Litereture Forum ti nganaw
mi building tumpi a hmu. Maw falam kan biak Pathian cun thlawsuah lo
pe bet rero lai ding a ti.
A sung cu zung a phunphun le Libarary tum ngaingai in a rak khat ih,
Cinmual Pagoda ( purang) umnak ah cun a hmuhmi a dang nasa.
Thinglamtah pi 100 ( 100ft ) ihsang tumpi in a hmu.  An canganmi cu
Jesu cu Bawi a si ti a hmu ih a lungawi tuk. Malaysia a um lai ih
Salai Bawi Hre le Mai Mapui ih C. Khuiah so an si ti an suahmi kha  a
hei mang ruangro. An nih ngai kha Norway ah nupi pasal fanau thawn an
rak um ih, an ra kir thiamnawn ngai pei ma? tiin a hei ruat phah.
A hlan ah cun Falam khua ah thing inn a tumbik. Tu cun thinginn hmuh
ding a um nawnlo.  Ram dang hmun dang a tul nawnlo. Lai ram ah lu
phum ding  ih a feh cu nuam a ti tuk.  Lai ram hi ka lu phumnak ah a
tlak tuk ti a ruat ih a hni suamso.
Salai Laisak in mak a ti bikmi cu, Pathangkhan zin tang ih phungki
tlawng ah khan, Lai Christian Community Center inn ropi tak  a hmuhmi
kha  a si.  Cutikahcun kan Lairam cu kan mah ten kan ukaw zo ih,
Krihfa lo biaknak dang hrimhrim an umlo, a hlan ah miphun ih sualawk
theunak Falam khawpi cu lungrualnak Zion khawpi a cang zo.
Pathian in Lairam Laimi in duhdawt zia a ruat rero lai ah a
hnatuanpi pawl in ?Hei, Salai Laisak rawlei na man zo maw?? rawl ei
an rak ko.  A harh dukdi ih a rawl  a zoh ih..cencerh aha rak cang
thluh zo ruangah a bur thluh ih rawl dang a suang sal lo ziang. A lu
phum tumnak khaw rua cu a thleng man ta lo.

Kawram thuthang

Kawlram ah Bleak Anniversity tuah

Yangon (AFP)– Kan dung zarh Friday niah NLD party cun, rampi
hrilawknak ih nehnk an co kum a vei 15th kimnak hngilhlohnak  an tuah
ih, “bleak anniversity?tiah an ko.
NLD hruaitu Aung San Suu Kyi le Tin Oo tla cu May 30, 2003 ih an
kaih ihsin tuini tiang inn ah khum ih  kilven ringring an si. NLD
party office pawl hmuahhmuah tla kharsak t.hept.hep a si lai.
NLD party hin 1990 kum ih rampumpi hrilawknak ah Seat 480 sungin 392
rori ngahin nehnak an rak co nan, tuini tiang in NLD hruatu pawl cu
kaih le hreem an tuar rero lai ko.  Kan ram thuhlatheifing tu pakhat
cun NLD cu soccer team tumzet, soccer lektu umlo pawl vek a si tiah
AFP pawl a sim.

Kawlram Asia Chairman tuannak ding Malaysia cun :

Kan hmai kum ah Kawlram in Asian Chairman a tuannak ding thu thawn
pehparaw in Malaysia cun zianghman rel kan tumlo tiah Malaysia
Foreign Minister Syed Hamid Albar cun kan dung tlawngkai nihnih ni ah
a phuang.  Kawlram cun a duh le Chairman cu tuan ko seh, zianghman
piahtana a umlo a  ti.
South East Asia ram 10 ih parliment hrkkhat pawl cun, Kawlram ralkap
cozah ih Democracy thuhla ih NLD party an kaihbetnak ruangah 2006 ih
Asia Chairman tuan ding hin dawn kham ( block ) an duh a si.
Asian cun Myanmar thawn hi mi thuhla hi kan hmai July thla ah
Vientiane, Laos khawpi ih tuah ding meeting ah rel an tum a si.
European Union le United State cun hi Asian Meeting ah hin Kawlram cu
Chairman an tuan ter a si ah cun, Asian meeting hi zianghman
theihpilo/ dungtawn san ( boycoot ) an tum thu warning an pe cia.

Ramsung thu

KLIA letlun ah hmin langzet

Malaysia ih Kuala Lumpur International Airport ( KLIA ) hi leitlun
ih vanzam t.umnak t.habik pakhat ah siartel a si ih, International
castomer pawl ih lungkimnak le nuam tibiknak hmun pakhat khal a si
ban.
Airport sungih service hi International Air Transport Association
pawl in tuanvo an la ih, cucu an hmin thatnakbik pakhat khal a si.
KLIA hi Asia ih airport thabik palinak ah ret a si ih Airport
thangsobik list khal ah siar tel a si. A pakhatnak cu Hong Kong ih
chek Lap Kok, pahnihnak cu Seoul’s Incheon International airport le
pathumnak Singapore ih Changi Airport pawl an si.
KLIA hin kumkhat sung lawng ah passenger 15million le 25million
karlak hrawng cu a buaipi ringring a si.  Kan dung kum ah khan KLIA
ah hin passenger 21.5million an lut in an suak a si.  Malaysia
Airport lam ih Minister cun KLIA kan nei hi kan hmai a hngal zet ih,
hmailam caan ah hi hnak ih tha sawn ih zuamkhal kan tum vivo lai tiah
a phuang bet.

Kan mah sung thu

Mithi kan nei

Salai Van Kip Thang pa, Pu Lal Luai in 27, May 2005 zan 11 : 30 ah a
nunnak in cem san. 28 zanlam nazi 3 : 00pm ah a vuinak Falam an innpi
ah neih a si.
Salai Van Kip Thang hi kan ram politics ruangah 1988 kumin ram leng
ah a um ih, tuahhin nupi le fate thawn Voncouver, Canada ah an
khawsa. Hnemnak le tuarpinak kuat duh le theihter duh kan um a si len
( 604 ) 879-768 hi a mai inn phone a siih, Email ih cakuat duh tui
hrangah vkrom21@… ih kuat theih ringring a si.

Mopuai kan nei

Falam khua Pa Khuah Lian Sang le Nu Al Hlei Cuai ih fapa salai Van
Nei Piang le Falam khua Pa Lian Sang le nu Sui Mawi ih  fanu Mai Sui
Nuam Thluai cun kawhhran dan thianghlim vekin kutsihnak an neiih, kan
LCF senior Pastor Rev Za Thelh Lo  in kan dung tlawngkai nili ni ah
kutsihnak a nei. Hi mopuai hi Budu ih Zahau pawlkom inn ah tuah a
siih, LCF upa pawl le Rev. Ni Luai pawl tla in an telpi.

Pathian t.hangt.hat khawm ni

Leitlun ih zumtu hmuahhmuah in hmun khawte ah, can khat te ah
Pathian t.hangt.hat kawmnak neih ding in a si.
A hmun:  Mai umnak hmun le ram ciau ah, mai innsung le khawlak lennak
khalah a si thei.
A caan :  July 7th, 7 : 00am.   Leitlun pum ah himi July ni 7 zinglam
7:00  ih thawkin nazi pakhat sung Pathian kan t.hangt.hat tlang ciau
pei uh.  Nazi pakhat t.hangt.hatnak can kan hman t.heh ah mai umnak
hmun ciau ihsin, ?kan hrang ih tuar tu Jesuh ih thisen suakmi
hngillohnak le t.hangt.hatnak ah ballons senmi van lam ah thlah ciau
ding a si?
Hi Leitlun pum huap Pathian t.hangt.hat tlannak ding thu hi na
Kristian rualpi hmuahhmuah hnenah sim thei hram aw la, kan nih Laimi
pawl khalin kan umnak ram ciau ihsin lungrual ten kan Bawipa
cawimawinak lanter tum ve uh si.

           General meeting

Kan miphun tomen lo in tuan ding le tuahsuak dingmi thuhla tampi rel
a tul ruangah 12 June 2005 ( Zarhpi ni) ah kan Biakinn ah mi zapi
thurel khawm  nak kan nei ding.  Kan mah Falam sungkua thurel
khawmnak a si ding. Falam fa na si ih kan miphun na duhdawt ngaingai
a sile rak tel tengteng aw.  A dai in tlangnak khal kan nei ding ti
in CARC lam ih tuanvo nei tu pakhat hnen ihsin thu thang kan thei.

UNHCR feh ding le contact nak ding

22 May 2005 ih CARC committee thurel cat nak vek in UNHCR fehnak ding
le serial thuhla pawl hmuahhmuah ah Salai Lal Ci Luai ( 012- 6484
009 ) hnenah rak sut le rak contact dingah kan lo theih ter. Nan rak
contact lo ih nan mah thu ten CRC nak rak feh ih nan tawlrel a sile
miphun pakhat fehdan ding ih kan tawlrel mi dan nan pahbal a si
ruangah CARC ( Chin Agape Refugee committee ) in nan par ah thurel
nak a nei.
  Cun hotu le thil ti thei  cin hrangah,ram kulh huap ih zoh ding
thil a um, peng huap ih  zoh ding  a um,khua huap ih zoh ding khal a
um. Hi pawl hi kan thliarhran thiam a tul.Tthim nak ah ramkulh le ram
pi hrang tian hna tuan tu in,a mai suah nak peng hrang ttuan cang a
thiam lo ah cun,a mai ham that nak le hmin that nak lawng ih ttuan a
si ding.Hril nak ih sin tling hotu a si sin sin  tla ah cun,a mah
hril tu, tling ter tu bik a dung tun ruangah , vawi khat nak hril a
si hman ah, vawi hnih nak cu a hril ih hril nawn ding ci a si lo.Cun
khat lam ah , a mai peng le khua lawng lawng  a ruat ih a ttuan a si
len , rei a ttuan thei lo ding.
                        Kan hmuh thei mi mi nung kan hnam pi hman kan
duh dawt thiam lo ah cun,kan hmuh thei lo mi”Pathian kan duh dawt “ti
ih kan au,puan re ro mi hi mah te bum aw men kan si.Mah te hman kan
bum awk ah cun,kan mah ah zum awk tlak(self-confidence)a um lo ti a
fiang.
                      Kan miphun kan tthan so thei nak dingah thin
lung thiang hlim zet in ttang tlang cio uh
si.
***Mah pakhaht hrang thanso nak a tuah thei tu si hi a tha zet, kan
miphun pi thangso ding ih a tawlrel tu cu hnatuan sunglawi a tuan tu
an si.
CARC aiawh in,
       Pathuam

Ramdang thu

AIDS : 6333-1411 Ko hnikaw

A par ih phone number kan tarlanmi hi, tulai leitlun tlangval pawl
300,000 lenglo in an kawh vutvomi number a siih, Lai tlangval tha
hrang khalah kawh theih ringring a si.
Hi phone na kawh tikah, Kiki timi fala mawizet te in a rak lo bia
dingih, ?ka aw hi a sexy maw?, tawn in duh maw? Khawitawk ah kan
tawngaw thei ding, lo hmuh, lo ihpi ka hiar zetnan etc…?timi pawl a
phun phun in fala aw mawite na thei ding.
Kitty hi zoha a si? Phone sex hmang theutu maw a si? Fiangten theih
na duh le hi number hi kove hnikaw.  Kitty hi fala mawizet a siih,
phone sex ih paisa hawlmi cu a silo hmang! Leitlun pum ih mipa pawl
AIDS thihnak ral lak ih an him theinakding ih hna tuantu a si.
Sexy tawngkam phun phun in a lo biak hnu ah, ihpi na duh le duhlo a
lo sut dingih…na ihpi le “Condom na hman ding le man lo ding thu
tla a lo sut ing? Asinan, a ngaingai ih sex lo hmanpi tu ding fala cu
a silo.  Na phone cun,? cui fala mawite cun AIDS tih a nung dan thu
le ralrin a tulzia, AIDS lak ih humhimawk dan phunphun a losim ding
ih, Condon hman a thupit zia tla a lo sim theh ah…Phone a phit
ding. Kitty hi AIDS ral do dingih pumpeaw tu a si ih..ziangtiklai
khalah contact theih ringring a si.

  The Sunday Time

Israel in Palestinian thwngtla 400..

Kan dung zarhpini ah Israel Cabinet cun Palestinian milai an kaihmi
400, thawnginn ihsin suahsak dingin an lung a kim tlang. Prime
Minister Sharon cun, Abbas cu remnak reltlang ding khal in a sawm.- AP

Australia in Indonesia ngaithiam dil

Kan dung zarh ih Australia fala, Corby, Indonesi cozah in thawng an
thlak mi thawn pehpar in; Australia Foriegn Minister Alexander Downer
cun  Indonesia president hnenah ngaihthiam a silih, a cang thei tawp
ih bawm dingin a dil.  Hi fala nute hi tuitumah cun a bag sungrori ah
sii kaih an neilo nan, puhnak men ih kaih a si. Howard khal in a
tuarpi thi kan dung zarh ah a phuang zo- AFP

Indonesia ah christian an that

Kan dung zarhpi niah Indonesia ih Christian umkhawmnak veng Bazar ah
bomb pahnih a puak ih, milai 20 rori an thi.  2002 Nigh Club bomb
puah ihsin tuitum hi veikhat ih milai thih tambik tum asi.  Palik
pawl cun, Christian dodal tu pawl group an ringhlel ih…zobik ih
tuah ticu an kai ngah hrihlo.

Saddan Hussein thuhla rel thlang ding!!

Iraqi President Jalal Talabani cun Saddam Hussein ih thuhla cu
tuihnu thla hnih ah rel a si ding tiah, kan dung tlawngkai  nihnih
niih CNN pawl  Interview nakah a phuang.
Talabani cun, Saddam ih thuthla hi Iraq court rori in relfel a si
ding a ti.  Leitlun mipi tamsawn cun Saddam hi thi tlak ih an ruah
lai ah Arab ram pawl cun theih tawp suah in humhim an tum ve.
Ahleicein Iraq mipi pawl cun an dictator lal hlun cu thah dingih a
thuhla rel ding ah an ngen ih, asinan Talabani cun, “Saddam hin
thihnak khawp sual a rak tuahlo? a thuhla cu court result rak hngak
ko uh tiah CNN pawl a sim.    AP

Nupa neiaw reibik…

British ram pumpi ih nupa neiaw reibik tiah Guiness ih record tuahmi
tei nupa, Percy le florence Arrow Smith cun June 1 ni ah an neihawk
kum 80th kimnak puai sunglawi zet in an tuah.
Hi tei nupa hi June 1, 1925 ah an rak neiaw ih, tui nitiang veikhat
hman thenaw lo in an um tlang lai.  Mirang pawl Leitlun ih thilmak
zet pakhat khal a sive hmang.
French in Prime Minister thar an nei
French President Jacques Chirac cun kan dung tlawngkai nithum niah
Villepin, 51 cu an ram Prime Minister thar si dingin a phuang.
French Prime Minister hlun  Raffarin hin kan dung zarh ih EU meeting
thubuai  an neih nakruangah  a tohkham a tlansan a si.

World Miss Hrilnak kha

Leitlun fala mawibik hrilnak cu kan dung May 31 ni ah Bangkok
khawpi  ah ropi zet ih an tuah suak zo. Cunah, Canada fala , kum 23
mi, Natalie Glebova cun final kaiban Latin America fala mawi pali lak
ah 1st nak a ngah rori.  Hi Leitlun fala mawi hrilnak hi Leitlun ram
170 ihsin milai Billion khat lenglo inkan zoh a si.
Hi Canada fala mawite hi Russia ram ih suak a sinan, 1994 kum ah
Toronto, Canada ah an rak vai a si.  ?A zuampi Leitlun fala mawi mi
81 lakih nehnak cotu  nute cun,tuit.um ih thil thleng hi zum har ka
ti tuk ee, mang lam tla a bang ka ti?tiah, lungawinak mitthli thawn
Glebova cun Canada lantar mipi hmai ah vai in a phuang a si.
America lam khal ih remcang takin an rak zoh thei nakdingin hi fala
mawi hrilnakhi zingpit ten tuah a siih, an zuamawk hlan ah Tsunami
linghnin ih thi pawl hngillohnak ah scilence caan an hmang hmaisa a
si.
A pahnihnak laksawng hi Dominican Republic fala mawi Renera Stone in
a ngah ih, pathumnak cu Mexico fala mawi  Laura Elizondo leh
Venezuela fala mawi Monica Spear in an ngah.
Cun, Miss Philippine hi Internet ih a thlazuk pawl ruangah  ?thlazuk
ih lang mawi theibik?laksawng a ngah ih, Thai Miss in ? ram thuam ih
mawibik?laksawng a ngah hnu ah, Miss US Virgin Island cun ?mipi neh
theibik?laksawng a ngah a si.
Indonesia President hlun Shuharto khan 1996 ah Miss world ih tel hi
a rak dawn ih, tui tum hi an veikhat tel sal nak a si.  Tu hman hi
complain tu an tamtuk ruangah Indonesia Miss Devi hin tikhawlh form
lawng a hruk ngam.

Philippine tlangval pawl taklawng in.
.
Kan dung tlawngkai nithum niah Philippine  University tlawngta
hrkkhat pawl cun, mipi tamnak hmun, an President inn kiang hrawngah
taklawng in khawlak an vak.  Hi tlangval 15 rual hin, Philippine ah
Education lam an tlakniam tuk ruangah lungkimlonak lanter an siih,
rampi cun zirnak lam ah than a lak deuhdeuh duh ruangah hi vek ih
lamzin zawh an si.  An pum le taksa ah ca fang tumpipi tla anngan.
HI pawl hi Police pawl cun an tlulnter theh sal hai. –AP

Leitlun thuthang peh..

Hongkong:

Hongkong hruaitu thar ding Mr Tsangs cun, kan dung zarh ah Democracy
lam zin hmn rori ih an rampi kir ter sal a duh thu a phuang. Tuhlan
ah cun Hongkong hin British kaihhruainak thlun in Democracy thawn an
kaihruaiaw nan, 1997 kum ihsin Tuluk cun an influant neh deuhdeuh ih
Tuluk kaihhruainak thlun deuh in tuini tiang an khawsa.
Tsangs hin, Hongkong hrilawknak ding hrang ah theih tawp a  suah
rero lai ih, a tlin khal zum a si.

Calefornia ah Leicim

Kan dung tlawngkai nihnih ni ah, California khawpi ah  lei a cim
ciamco ih, inn 17 rori a siatbal theh.  Hi lei cim ruangah hin
California milai 1,000, inn 350 ihsin an tlansuak theh ih, umnak
neilo ah a tuah riai.  A cim hlan te ah thawmvang an thei man ih,
milai zohman an thi lo ih theih  a si.  Hi leicim hin 17milliondollar
hrawng cu a siatsuah a si. -AP

Armstrong ih sam US$ 3,000 in zuar

Thlapi Leilung pal hmaisabik tu Armstrong cun a sam thlakhat vei khat
a met theu.  Aramstrong hin Lebanon ih Marx’s sammehnak dawr ah
thlakhat vei khat  a lu a va met theu ih, a met tupa hin a sam cu a
rak khawl ih US$ 3,000 ( RM 11,400) in a rak zuar suak theu.   Cucu a
theih suah veten a lu khal a va met dah nawnlo tiah- AP thuthangca ah
suaha si.

Thai vanzam ralrin tul

Kan dung zarh ah Thailand Jet cun vansang ih a zamnak ah buainak (
emergency )  a tawng ih, Swiss ramsung ah a tum rori.
Culawng siloin, kan dung zarpi ni ah Thai vanzam Beijing khawpi
ihsin Bangkok lam ih zam khal engine thattawklo ruangah Tulukkhawpi
lam ah an kirter sal.  May 24, khal ah Thai Airways Boeing 747-400
khal, Bangkok ihsin zamsuak cu vanzam sangkate thatlo ruangah
Culcutta ah tum ter a si,  Thai vanzam emergency tawng hniai hniai
hin Thai vanzam to pawl hrang thin a har ter thu AP ah an suah.

Brietny : naupai lai ih Sex hman nuambik….?

Leitlun hlasak thiam hminthang Brietny Spear, 23, cun a fa hmaisabik
ding a pai thentehn lai fang a si.
Peolpe Magazine ih an thusuh netabik ah, ?naupai lai ih, sex hman hi
a hlan hmuahhmuah hnak in nuam ka ti bik, a mak tuk lawlaw?tiah a let
hai.  Brietny hin fa pathum tiang lawng neih a duh ih, ?ka hna kelte
ah a rang thei bik in ka kirsal leh ko ding?tiah hlasak a tum lai thu
mipi pawl hnen ah a phuang. An nupa in naupai lai Home Vedio tla an
tuah rero  tiah AP cun an ngan bet.

Nupi tha na duh le zing thawh thei fala hrilaw… na sual tam lo ding
an ti.
@@@@@@@@@@@@
Milai in kan ral tihnungbik kan neh theilo mi cu kan thinlung a si.
  Salai Biak te

Theihkaunak lam

Taklawng Rual

8 June, 2003 kum ah Spain mipi pawl in USA thlazuktu Spencer Tunick
ihhrang dingah taklawng rori ih umkhawm hmiarhmiar in thla an zuk ( a
par zuk ).  Hi taklawngih suakkhawm pawl hi   nunau le mipa an zate
kawm in 7,000 rori an si.  Spain khawpi Barcelona ih lamzinpi pakhat
ah an zuak khawm a si.

Cinima hall fatebik

Board lamzin, Nottingham, UK ih um Screen Room timi Cinima hall hi
Leitlun Cinima hall hmuahhmuah lak ih fatebik tiih recorded a si.  Hi
hall ah hin tohkham ( seats )21 lawng a um.
Hi hall hi Steven Metclf ih ta a siih, 27 Seotember, 2002 ih awnmi a
siih, an awn ni ah hin Lost in La Mancha timi film ( USA ) suah a si.

Cinima hlunbik

St Louis, Missouir, USA ih Cinima hall, Cherokee tiih kawhmi hi 1906
kumah awn a rak si zo. Hihi Leitlun pum ih Cinima hall um hmaisabik a
si.
Fred Wehrenberg ih ta a siih, tuini tiang an suah vutvo lai.  Hi
milianpa hin Illinois le Missouir ah Cinima hall 15 lai a awng bet.

Cinima neitambik ram

Belarus hi Letlun ram hmuahhmuah lakah Cinima hall ngahbik ram a
si.  An ramah mipum 10,335,382 an um ih, Cinima hall 3,780 a um.  An
ram minung 2,734 hrangah Cinima hall khat ciar a um tinak a si.

Cinima zoh malbik..Malaysia

2003 ah Malaysia mipum 22,662,365 an um ih, kum khat ah mipi 336,000
in Cinima an zoh.  Milai 1,000 ah mi 14.83 lawng in kum khat ah
Cinima an zoh tinak a si.

Film saubik

The Cure for Insomnia timi film hi Leitlun Cinima film saubik a
siih, nazi 85 sung rori piah a t.ul. Hi fim hi 1987 ah US ih tuahmi a
si ih, director cu John Henry Timmis IV a si. 1987 kumah Illiniou
khawpi ah suah thawk asiih, 31 January ah an suah ih Febuary 3 niah
an zoh theh thei fang.

Album zuarkhawng tambik

Michael Jckson( USA ) ih Album, Thriller  timi hi Leitlun ih Album
zuarsuah tambikmi a si ringring lai. 1982 ihsin tuini tiang Leitlun
pum ah  47million copy zuarkhawng a si zo.

Rap group tumbik

USA ih Hip-Hop Minority Militia pawl hi members 124 an siih, Leitlun
Rap hlasak thiam group tumbik an si. An zate hin hlasak, Music tum le
lam an thiam thluh ih 2001 ih an album  ?The People’s Army?timi ah an
hmin a thang zet.

Cinima Hall kaubik

Leitlun Cinima hall kaubik cu Australia ah a um ih, tokham ( seats )
8,500 a um.  Perth Entertainment Centre ih um hi Hallpi hi december
26, 1974 kum ih awn a si.

Football zohtu tambik t.um

Leitlun football lekthawk ihsin zohtu tambik tumcu Brazil ramah a
siih, 16 July, 1950 kum ah a si.  Hi Worldcup ah hin Urgury le Brazil
an tawngaw ih, cumi ni ah cun zohtu 199,854 an um. Hihi record hlun
ih tambik tum a si.

Computer Mouse hmaisabik

Computer mouse hi 1964 kum ah Douglas Engelbart ( USA ) in a rak tuh
suak ih, cucu computer mouse hmaisabik a si.  Zinghnam a bang tuk
ruang ah Mouse tiih rak kawhmi a si hmang.

Kan thuthangca hrang cahram phunphun rawn thawh theu tu nan zate
parah lungawi thu sim cawklo kan nei.  Hmailam khal ah kan miphun le
calai hrang kan zuam tlang vivo pei uh!!

Hlimnak duh men in Pathian kan thangthatlo, thiltha tuah dingin
Pathian kan thangthat

a feh ih a bang fialfial nak Falam cu minute malte ah an thleng.
Airport tla cu International standard in an rak tuah a hmu ih a thin
a nuam nasa.  Ummen thiamlo in khaw cuan dingin texi thawn a pok
suak. 1982 ih a tlawng kainak Canmari tlawng a feh hmaisabik ih, BEHS
a rak si nawnlo. Falam University ti ih Sign bord a hmuh cun a mak a
ti pam.
Falam bazar hmunpi ah khan bazar thar dawt hra tum ngaingai pi a
hmu.  A sung a lut cu, LA bazar thawn a dang cuanglo bang in a thei.
Falam Baptist tang ih hmuan thatnak ah cun, Politic ruang ih falam
pasal tha pawl thlanlung cu ropi zet in a hmu ih tourist pawl khal in
an zoh duh nasa.  A dung a hei her ih Lai Litereture Forum ti nganaw
mi building tumpi a hmu. Maw falam kan biak Pathian cun thlawsuah lo
pe bet rero lai ding a ti.
A sung cu zung a phunphun le Libarary tum ngaingai in a rak khat ih,
Cinmual Pagoda ( purang) umnak ah cun a hmuhmi a dang nasa.
Thinglamtah pi 100 ( 100ft ) ihsang tumpi in a hmu.  An canganmi cu
Jesu cu Bawi a si ti a hmu ih a lungawi tuk. Malaysia a um lai ih
Salai Bawi Hre le Mai Mapui ih C. Khuiah so an si ti an suahmi kha  a
hei mang ruangro. An nih ngai kha Norway ah nupi pasal fanau thawn an
rak um ih, an ra kir thiamnawn ngai pei ma? tiin a hei ruat phah.
A hlan ah cun Falam khua ah thing inn a tumbik. Tu cun thinginn hmuh
ding a um nawnlo.  Ram dang hmun dang a tul nawnlo. Lai ram ah lu
phum ding  ih a feh cu nuam a ti tuk.  Lai ram hi ka lu phumnak ah a
tlak tuk ti a ruat ih a hni suamso.
Salai Laisak in mak a ti bikmi cu, Pathangkhan zin tang ih phungki
tlawng ah khan, Lai Christian Community Center inn ropi tak  a hmuhmi
kha  a si.  Cutikahcun kan Lairam cu kan mah ten kan ukaw zo ih,
Krihfa lo biaknak dang hrimhrim an umlo, a hlan ah miphun ih sualawk
theunak Falam khawpi cu lungrualnak Zion khawpi a cang zo.
Pathian in Lairam Laimi in duhdawt zia a ruat rero lai ah a
hnatuanpi pawl in ?Hei, Salai Laisak rawlei na man zo maw?? rawl ei
an rak ko.  A harh dukdi ih a rawl  a zoh ih..cencerh aha rak cang
thluh zo ruangah a bur thluh ih rawl dang a suang sal lo ziang. A lu
phum tumnak khaw rua cu a thleng man ta lo.

Lung awi um thu thar

  Malaysia ih umkan mile sa hoi lekom kan can loh tukruangah kan din
hmun in razoh fiang tum in USA ih um kan u nau pawl pai sa khawn
khawm aw in  in ra tlawng tum ti thu hla kan thei ruangah mi phun
duhdaw ih tik cu le can  sum le pai cem pawi tilo ih an thu tawl rel
nakpar ah tam pi kan lung aawi kan hna a ngam asi, kan ni khal in kan
ti thei tawk kan thinlung sangka miphun hrangah awng aw ve cio ding
ah kan losawm asi. An ra thlending tik cu le can a fel fai kan lo
thei ter vivo leh ding, an tum tah nak par khal ah pa thian in hlawh
tlingter vivo hram seh, tiah thla za cam sak cio uh  si  .

     CARC
Lai nunmawi Report

Kan Biak iin sungah        zu

ri ih riak an um theu ti  biak iin lam thu nei tu pawl in  an ti,zo
cio khal pa thian tih zahlole koh hran hruai tu u pa saya te  tih zah
thiam loih , zu ri ih  Biak iin sung ah luh tum le   KL  khaw sungih
khawm tum lo ih zu ri ih vak vai kan lo hmuh mi cu  Hruai tu thu
thang le len tlangah si seh nan hmin nan khua thawn kuat cih thluh
nan si ding ti  Lai nun mawi Group in a lo theih ter asi.

Neihawk nak ah

Malaysia ram sung kan thlen tik ah nupi pasal kan neiaw duh a si ah
cun, kawhran mipi le Saya te pawl theihpi nak le lungkimpinak thawn,
kawhhran dan htianghlim vek ih neihwk kan tum ciau pei uh.  Hihi
Laimi kan nun in mwi ter tu khal a si ih, Christian pawl ihkan ti
ding hrimhrimkhal  a si.
Buainak le harnak kan tawng ciau a si khal le Lai nunmawi group in
lo bawm ding le lo dinpi dingin na hrang  kan man ringring ko..a cang
thei tawp ih bawmawk khal kan tum ding.  Laimi  kan nun a mawi vivo
thei nakding.. thuthla theihteraw in tuantlang vialvo uh si.

Hnih hi sii tha bik a si maw?

Meeting tlolo.
.
Sun khat cu meeting tlolo a um an ti.  Malaysia ih Khawpiler khua
pawl cun inn an sang khawm a si hmang.  Mah tawk ih pacang, mai
tapsak kan thei cin lawng te paruk sarih umkhawm nafam cu…duhdan a
bangawlo celcel.
Sun khat cu, ziangkhallole Meeting kan neih le a t.ha ding tiah
thut.ha rel khawm dingin an to khawm.  An lak ih upabik cun zuu inn
pawl a ngaihlo nan, a mah khal in kuak le phee lek ngawl a vei ve.
Midang nauhakdeuh pawl le zuu inn phah phah duh tla an um.
Chairman, upabik cu a hawn dingih, kan inn ah hin zuu rimnam
hrimhrim zohman riah awilo ti azenda ka rawn thehlut e, a tiih a to
sal.  Cuveten nauhakbik pakhat a rawn ding ih, kan mai inn ih um
rori, inn sanman petu rori hi zuu kamnam in kan ra tlung ding va si
khaw..kan riah theilo le khawi ah kan va riah nawn ding…A hmaisa ih
rawtnak kha, ka kangkuat a si a rawn ti ve.
Pakhat a rawn ding sal ih, ?keicu…zingpit te ih hna tuan theu ka
si ruangah, zan nazi 12 tiang lawng meisa hi fang theu sehla…ka duh
a rawn ti ve.  Meeting to ve nafam cu,thil pakhat tal rel fel loh cu
a t.halo tiin.. ?zan nazi 12 ih meisa phit ding? cu an zaten an
lungkim tlang . Nazi panga sung cumi thu cu an relkhawm        hnu
hnu ah Meeting cu an bang. Pakhat in an meeting thusuak cu  cahnah ah
tumpin ngan tahrat in ?zan nazi 12 hnulam meisa van awi lo? ti cu an
phar ah cun a tar.
Zan khua a rawn thim ih..khawkhat umkhawm nafam cu, kard lek phah in
an kawmaw khawm vialvo lala. Meeting lai ih an chairman pai ho in,
card cu an lek rero ih, zan nazi 12 a rawn awn cun..nauhakbik cun, u
le ih lek nuam lai khal cu zoh lemlo cun..an meeting thu thlun le
nazi zoh t.eng t.eng phah  cun meisa a va phit.
An Chairman, upabik cu a thawk lawk ih.. meisa cu a va vang lala.
Ziangruangah kan meeting thu na thlunlo tiah…nauhakbik cun Pu
Chairman cu vawn kawk khaw, ?nan nih teh ka agenda thunmi nan
kangkuat ih ( zo khal zuu inn awihlo ) nan pom duh uallo,
ziangruangah kan meeting thu cu ka thlun cuang ding..tiah a kawk bet
lailai an ti.  Cuveten, meeting cahnah,  phar ih va taar tu cun,
daiziar in kan meeting cu a tlolo tukaw tiah a va thiat thluh sal an
ti.  Meeting ah cun tlolo pawl tak a si hmang….he..he..he…
Mirang t.ong thiamlo ruangah
Malaysia ih Lai tlangval pakhat cun, an boss hnenah ?Borrow?cawi a
tum ih, a mirang t.ong thiam tawk te cun an bosspa cu , Boss ?Bodo?(
mi aa pa tinak ) a vati lawk men a si hmang, boss pa thinheng cun hna
a suah rori an ti. Mirang t.ong thiam man a nei zet..hi..hi..hi..

  A neitu
lCF
Editor
Richard Emmanuel
Joint Editor
VLbawithang
Pehzomnak
( Lai Christian Fellowship )
73 D,Cangkat
bukit Bintang
( Jalan Hicks )
50200 Kuala Lumpur
Phone
012-6402232
E-mail
richardemmanuel4u@…
vl_bawithang@…

(Visited 107 times, 1 visits today)

Comments

comments

Comments

%d bloggers like this: