Hruaitu Issue 72

Hruaitu Vol.72
Dated 22, May 2005

Editorial

                                          Praise & Worship

Hlanlai ih kan pupa pawl cun, kedam an neih mite khal khawlak hmanah
bun sianglo in Biakinn ih bun ding ah an rak ret t.heu.  Biak inn an
thlen hlanlo cu kut in an kedam cu an keng ih, Biak inn an thlen
veten an bun leuhli t.heu.  Biak inn sungih ?Maw dawt hniang  na
tello cun?timi hla solo an sak nak san ihsin, ?Bawipa na tello cun?
tiih Pathian t.hangthatnak san kan thleng hi Pathian thlawsuah
mangbangza a si ko.  Asinan tuini kan san ah cun hlamawi phun phun le
t.awng tin in Pathian kan thangthat thei zo…Haleluijah.   Praise
and Worship timi hi ,mirang t.awng a siih,  umzia cu ?Pathian
cibaibuk le thangthatnak? tiin let sehla a sual tam lo ding. Kan
Laimi lakah hmantam a rak si lemlo ih, kan pipu in Pathian an rak
biak dan khal a rak silo.  Curuangah kan nih Lai pacang tha a tiaw tu
pawl lakah hin phundangpi deuh ah kan ruat t.heu.  Asinan, san le
tikcu rawn her vivo cun Laimi  kan Pathian biak dan khal  ah rual in
pawl ter  rero thlang….Pathian sunlawihnak ah cun, hlan ih kan
rak khwmdan kha a tha ih tulai ih kan khawm dan khal hi a tha
thotho.
Kan Pathian cu ziangtiih t.hangthat khalah, t.hang thatnak  ngai
nuam a ti zetmi Pathian a si ring ring ko. Hi Praise and worship timi
hi tulai mirang pawl lakah hman tam a si bik ih, Leitlun ramkip ih
khawmnak kip ah a hmang tu khal an tam deuhdeuh.  Service pakhat vek
in a feh ih, Chairman a din hlan ah hi t.hangthat khawmnak hi thlacam
khawmnak le, Pathian hmai ih thinlung hmuahhmuah phawrh suak in hman
theu a si.
Lai t.awng in kan neih dahlomi a si tikah, Mirang le kawl, a um
hmaisa hi hmang phawt seh la…kan Lai t.awng rori in letling thluh
sal sehla, kan miphun in hla khal kan ngah phah ding ih, kan neih
ciami, kan sak t.heumi pawl thawn kawm in Pathian t.hangthat nak
lamah thlawsuah lethnih kan dawng ding tinak a si.  T.hangt.hat a
tlakmi kan Pathian hi kan aw neih hmuah hmua, kan thiamnak le
theihnak hmuahhmuah thup sianglo in  thangthat, upatnak pe ciau uh
si…..

                        Halelujah..Nehnak cotu kan si!!!
Jesu cu nehtu a siih, zumtu cu nehnak cotu kan si!!! Rom 8 : 35 – 37
                                                               By.
Richard K. Emmanuel
Nehnak cotu kan si dan hi nan ruah ah mak nan tive ciau ka zum?  Krih
thawng ih nehnak nun kan comi hmufiangtu le thei fiangtu#25244;
hrangah cun  Halelujah, Jehova cu t.hangt.hat uh tiih au rero lo thei
kan silo!!!
  Milai, kan  buanawk le kan sualawk cun a caklo sawn cu an sung
t.heu ih, a cak sawn in nehnak an co t.heu. Thil maktuk a simi cu,
Kristian nun ah cun a cak sawn silo, caklo sawn in nehnak an co hi a
si.  Jesu, kan zumnak tuahtu le tifamkimtu in nehnak a co dan kha kan
mitthlam ah a lang lai maw?
A suah pek ihsin thah ding ih hawl a siih, a upat tik khalah hrem
ding le thah ding ih a thuhla rel rero a si.  Hmuhsuamnak, nautatnak,
relsiatnak, cil phui le thi suak biaibi khawp ih vuak le velh a tuar
hnu ah; thih hmuah hmuah ih mualpho bik thinglamtah par ih khai thah
a si kha.
Leitlun dan ih tuat le leitlun mit ih zoh men cun, nehnak sualsuak
tu a va banglo em?  ?Leitlun ka ngam zo,ka neh zo (

John 16 : 30 ), a timi tawngkam hi theihthiam a va har ve.  A
dungthlun tu le mipi pawl in
siangbawi siding ih an zum, an thlun, sunzan ih an hawl rero pa kha
si khawh… taklawng in Kross ih an tarsuah kha.
Luatnak in sualsuah saktu in kan Lai miphun hrang, kan Chin miphun
hrang, kan milaipi hmuah hmuah hrang reform tuah ih luatnak in
sualsuah sak dan hi theihthiam a va har em. Tlawmnak in ho khaw
nehnak a rak co.  A mah  thiktu le thattu pawl lakah hokhaw tlawm,
sung rori in nehnak kan hrang a rak lak.
Zumtu unau thaten vawn ruatsal hman. Krih ih neh ciazomi zumnak ih
nung, le caangvai ho khaw kan si.  Miphun le ram hrang kan tuannak
khal ah, kan thlun ding Jesuh ih cangvaih dan thawn milaw in teh ral
neh kan tum maw? Asilole, leitlun dan ih thiamsawn le cak sawn si tum
in o hna kan tuan?
I John 5 : 4,5,6 vawn zoh hman. Pathian hrin cu leitlun nehnak cotu
a si, Jesu cu Pathian fapa a si ti kan zumnak hi leitlun nehnak cotu
kan sinak a si, ti fiang ten na hmu ding.  Bawi Jesu, nehtu le
luatnak sualsuaktu cun, a mai hrang ih tuan ciamco le letlun ah rawng
tahrat ih tuar ciamco a silo. Unau nang le kei, Vanram kan co sal
theinak ding lawng hman silo in leitlun ih kan damlai hrimhrim ah zuu
le sa, nawmnak le harnak phunkip hman neh theilo pawl hrang hokhaw,
kan Bawipa cun nehnak a rak sualsuah.
Cui nehnak a comi cu, vanmi pawl a pek men lo.  Nang le kei, sual
cenbek lak ih taal vuatvo rero nu/pa hi ho khaw in pek!!!  T.uanlo ih
laksawng ngahtu kansi ih,  ral dolo  ih nehnak cotu kan
si..Haleluijah.
Nehnak cotu, zumtu a ti aw tu unau;  t.haten ruat tlang sal hnik uh
si. Jesu#25255; kan hrang A nehcia zomi pawl in, zumtu kan nun ah
buainak in thlen reromi hi teh ziangtin kan ruat?
Jesun#25255; nehnak nun, laksawng( rundamnak ) in pekmi, hi zuu dawr
le leitlun nawm cennak men ah maw kan hman ringring ding?? Rul lu
vuak thahcia mi , a meilam in, in vua ih kan tuar rero a bang ka ti.
Neh ciami in sal ih in hruai ring ring lai le bawi ah in hmang ring
ring hi cu aw…Nehnak rak sualsuak tu#25244; thinlungah ziangtluk a
na ding.
Duhdawtmi unau, kan harhsuak thlang pei uh!! Tho in ding sal hnik
uhsi, caan t.ha malte kan neih lai ah hin. Krih ih nehciami leitlun
ih kan tlanlen sungte ah hin, hminthan le hming lan vekmen ah kan
buai duhlo pei uh. Kan ram, kan miphun hliam tuar damter sal ding hin
milai dan vekmen ih cangvai lawn, damnak kim in petu Jesuh ih lungput
duhdawtnak, le tuarnak thawn kan t.uantlang vialvo sal lo ding maw?
Nitin te ih kan tawn theumi hniksaknak, nawmnak le harnak phunphun
lak ah hin teh, krih in nehnak nun inpekmi hi kan phuangsuak ngam
maw? Asilole, cu pawl ruangah hmai dur kepkep in zumtu kan nitin nun
kan hmang sawn?  Jobs cun fel a tiawk tuk lai ah Pathian in nehnak a
nunah a lang thei lo.  Zianghman tithei nawnlo in vutcaam ah to
tahrat ih Pathian hnenah ngaidam a dil hnu lawng lawng ah Pathian ih
nehnak cu a nun ah a lang sal ih, thlawsuah t.huah hnih rori a dawng
sal!!
Zumtu unau, kan fimnak kan thiamnak le kan titheinak pawl mai
hlawknak lawng ih hmanglo ihmitthli thawn Pathian hnen ah kan apawk
hlanlo cu; Jesu ih nehnak kan nun ah a lang suak theilo ding.  Milai
kan tlawm tik le, milai kan beidawn hnu lawng lawng ah, kan nun
fehtlangin Jesu#25255; Leitlun nehnak in pekmi cu a langsuak thei
ding.Pathian caknak cu kan caklonak lawngah a phuangaw ih, Pathian
nehnak khal milai lam ih kan sunnak zawn vivo ah a phuangaw ding.
Milai mithmuh ih Kross parah a sung mipa khan Lei le van nehnak a co
vekin, kan nitin nunah sunnak, thiamlonak , caklonak, tangdawrnak
le   in nehnak cotu, nehnak thu phuang suak tu si tum ciau uh si.
Zumtu, nehnak cotu kan zate nun ciau ih kan tawnmi pohpoh ah Krih ih
nehnak cu ka lanter vivo thei ciau nak ding Pathian in malza in sawm
hram seh.

InnSang Nuam
  Leitlun minung pawlih kan duhbikmi pakhat a sive mi cu, ka inn sung
sang ah nuam zet ih um hi a si.  Kan inn sang a nawm thei nak ding ah
cun, harsatnak a phunphun lakah sum le pai kan hawl.  Kan khua le
ram, u le nau, rual le pi tla tan ta hrat in ram dangkan rak thleng.
Cutiih harsatnak a phunphun  kan rak tuar ngam nak cu kan inn sang
nuam zet ih um thei kan duh ruangah a si.  Hrek khat cun paisa
tampika hawl dingih, inn le lo thatha ka lei ding, tlawng ka kai bet
ding, ka nu le pa  paisa tampi ka kuat ding, ram dang ah ka feh sin
ding… ti vekin duhthusam a phunphun kan rak nei.
Kei khal vei tampi ka ruah ve mi cu, ni khat khat ah innsang nuam
zet ih um thei hi a si.  Ka duhdawt zetmi co seh la, inn le lo tha
thawn, sum le pai khal duh tawk ih hman dingum sehla tvek tlan ka rak
ruat dah.  Cun, inn ka sak le ziangvek design in ka sak le a nuam
ding ti ah; inn mawi deuh ka hmuh le a design tla ka rak zoh dah.
Asinan, ka hmuh suak ve mi cu, milian innthatha le mawtaw tampi a
neimi pawl khi buainak aphunphunthawn zan khal itthat theilo , nun ka
paih nawnlo tiih au rero an um.  Culaiah inn le lo hman neilo in
Pathain thangthat ih thlacam thei ringring tla an rak um lala.
Mi piangthar zumtu pawl kan nunnak ah kan duhthusam inn le lo,
hlawnthil ziang tinkim nei hman sehla, Bawipa a tello ah cun
riahsiatnak lawng lawng a rak si.  Curuangah innsang nuam si thei
dingah ka inn mawi lemawilo,a design khalah a thumaw lo, kan sum le
paikhalah a thumaw lo, Bawipa thawn kan umtlan a si ah cu , kuitawk
hmun ih kan um a si khal le lungawinak lawng lawng  a rak si. (
Dungthluntu 10 : 1 – 4 ) ih kan hmuh vek in Connelias tei innsugsang
bang in Bawipa a tihzah tu, Bawipa thawn a lengtlang tu innsungsang
nuam si ciau dingah Pathian in thlaw suah lo pe hram seh.

                                    Lenglam Mawinak
Minung kan nunak ih kan buaipi theumi mawinak hi in siatsuahtu maw
kan nun hnangamnak ha tam deuh, tiin sutaw sehla, ka san dan a bangaw
ciaulo mwn ding.
Veikhat cu sumdawng pakhat in a tawnmi thu hiti i sim dah.  Thalik
ah Thailand ihsin ratlung fala cu a mawi tuk ruangah Palik in an
kainan thawng inn in an thlah kir a ti.
Ziangahtile, a mawinak uilo in a pile.  Cui lasivek fala mawinu cu
damrei a rak duh tuk ruangah a pile nak san a si.  Tulai natnak neimi
a rak siih, Buu Kyi, na duh tik tik ah i ko aw tin a cah ta.
Cun mitcaw pawl khal in mawinak hi an thei zet ti#25255; tlangval
pakhat in i sim ih, ka zum nasa. An theih nakin a si mawile mawilo an
theih thiam a ti.  Ziang a va si khalle, kan nih zumtu pawl ka
miphunin  mawi dan hi ka zoh felawk ih, hmai lam pan ih ke kan karh
vivo a duhum zet.
Hla phuah tu ih a phuahmi vek in, ?Seol natnak?vekih mi mawi pawl hi
kan ralrin thiam khal a thupi.  Kuli hlawh le raltlan kan si lai can
ah hin, kan taksa, thinlung thlarau van ram tiang mawi ter tum uh si.

                                      Unau Theipum Seu
Ka nauhak laiah ka u thawn arti pumkhat kan cuhaw ih, ka pi in ka
unu cu a kawk.  Na nau kha na arti seuaw a ti.  Ka u cun a u cu a lak
ih a hawng lawng i pek.
Nauhaklai ti famcu, a hawng lawng cu karak duh vece lo ih ka hlawn.
Tu cun ka tar lam ah Malaysia ka thleng, Arti cu mah duh dandan ih
suanmi kiaumi cu Lalpai zarah ka ei thei ah a cang.
Ka duhsanmi cu, duhdawtnak ih seu lomi cu nauhak lai hmanah kan rak
duhlo.  Kan nih Kristian mi pawl cun duhawtnak tak thawi pek/seumi
arti cu lungawi zet ih kan lak lan hman thioam hi athupi zet a si.
Theipum tlacu rahcan neimi a si ih, a thawt le thawtlo thei duhtu an
um a sile, duhdawt zet in na fimnak, na thiamnak, na tuannakkh mi
dang seu aw.  Cule thansonak hram kan pan thlang ding.

      Solomon C. Luai

                                    Local thuthang
Siti  cing cing
Siti Nurhaliza fing fing.  Kan dung zarh ah a mawt.aw ngahmi zuk kan
tarlang zo ih, tui zarh khal hi a zuk ih kan hmuh vekin, a hngawng
khi vawn zoh awla, sui t.hi RM 180,000 ma na hmu ding.
Siti hi 2004 kum suang ih Malaysia ram pumpi mi larbik an hrilsuah
mi a si. Hi laksawng peknak ih nazi pathum rawl  ei khawmnak  puai an
tuah laiah, Siti hin a mah votes petu pawl hmuahhmuah hnenah lungawi
thu a sim ih, hla ka sak thei nawnlo tik khal ah hi paisa pawl hi ka
funds an si ring ring ding a ti.Hi lakawng an peknak puai ah hin Siti
cun a mai hla Cinta Luar Biasa, Kau maawarku timi hla le tuluk hla
pahnih a sak.

Fala cuhawk ruangah nunak tiang liam ding pawl..
Malaysia khawte pakhat, Lingdungan khua tlangval pali cun, an khaw
kiangkap tlangval in an khua fala a rawn thlah cu rak thik in an rak
vel ciamco ih an that cih.  Hi tei pali khalhi Section 302 vekin
Court cun thah dingin an thuhla an thuhla an rel.Kan dung April 26,
12 : 01am ah a si ih, an thahmipa hi kum 25mi a siih, a thattu pawl
hi kum 21,22, 22 le 19 an si. An khua fala an ham tuk ruang ih
tualthat an si.

Dr Mahathir Jerusalem luh sianglo
DrMahathir, Mlaysia Primr Minister hlun cun kan dung May 16 niah
Jerusalem pal a tum ih, Israel cozah in an rak kham thu Palestine
pawl cun uar zet in an phuang.
Mahathir cun Palestine hmun dangdang a pal ih, ka rawn sal leh tik
cu Palestine khawpi Jerusalem rori ka pal thlang ding tiah, Leitlun
mipi theih in a phuang.  Dr. mahathir hin  Israel ram sung a luh ding
hi a sim lawk hailo. Palestine hruaitu pawl ih sawmnak thlun ih feh,
kum nga sung ih Israel pawl in an siatsuahmi pawl zohpi ding ih feh a
si.

August thla ah nupa kawp 50 neihawk nakding…
Kan hmai August thla, Holy day ah Malaysia cozahpi in Penang ah nupa
a rual ih neihawk nak a tuah sak ding.  Hi project hi Pinang ih
Muslim fala tlangval pawl in sumpai lam harsatnak ruangaah nupi pasal
duh vek ih an neihawk theilo ruangah a si.
Kawlram thu

Khin Nyunt ih fa le pahnih cu..?
Prime Minister hlun Khin Nyunt ih fapa pahnih cu an thuhla rel sak
dingin kan dung zarh ah Insein thawng inn lam an thleng riai.  Lt Col
Zaw Naing Oo le Dr Ye Naing Win, Khin ih fapa pahnih cu sumdawnnak
lam ah danlo vek ih cangvai ah puh an siih, thuhla relsak dingin
cozah dinglai cun an kai.
Hi tei pahnih hi ramdang paisa thlengnak lam le ramsung thilri kuat
suah le ramdang thilri lakluh lam thuah rampi danlo vek ih cangvai ih
puh an si.

Asia ihsin Myanmar ah AIDS tambik
UNICEF, The United Nations Children#25263; Fund pawl in Asia ram
pumpi ihsin Kawlram sungah AIDS natnak veitu an tambik tiah thutang
mawilo pittawp kan dung May 19 niah an phuang.
?Kan ram sungah kumtin HIV-positive nunau 10,000 in naute an pai ih,
an hrin suahmi 3,000 in 4,000 tiang cun HIV natnak neicia in Leitlun
khaw eeng an rawn hmang? tiah UNICEF representative Carroll Long cun
a phuang.Kan ram sungah HIV natnak veitu 1.2 percent an um ih, a
veitu khal tam bet vivo ih hmuhsuah a si, curuangah UN rori hman in
warning an pe. Tu laifang hi ram sungah nasa zetin HIV/AIDS hrangah
t.an lak HIV/AIDS hrangah t.an lak ciamco a si ih, Sii zungpi 10 rori
ih t.uanvo la dingin kum thum porject khal tuah a si.
Kan ram ah hin kum khat sungah 1.25million naute an suak/piang ring
ring.  Hi naute hmuah hmuah lak ah 16% lawng siizungpi ah hrin an
si.
Ahleice in ram leng ihsin UN le UNICEF pawl in theihtawp suah in kan
ram ih HIV/AIDS karh tuk hi in mangbangpi in in buaipi rero a si.
HIV natnak lak ihsi kilvenawknak
t .habik cu mipat nunau nak hman fimkhur le sii dawh, blaze namte,
thisen a suak theimi hmuah hmuah lak ih ralrin hi a si tiah, Loong
cun a sim bet.
bet.

Malaysia cun hnenum nunau Myanmar mi ko ding!!
Malaysia cozahpi in Indonesia pawl a thwng thawng ih a dawi tlun
hnuah, hna t.uannak nak lam phunphun ah milai a hai zet.  Ahleice in
Indonesia nunau pawl an tlung thluh ih, hnen um ding khal an hai tuk.
Hi an rampi t.ulhaimi hi tuahtha sal ding cun, hnenum ih a kawh
dahlo mi ram Myamar ( mipi 42million umnak )Vietnam (mipum 83million
umnak ) le Nepal ( 27million umnak ) ih nunau pawl a kawh a t.ul. Hi
thu hi cozah pi in  a pompi zo, a lungkim zo a si tiah KK.Poh cun a
phuang.

India le China Lamzinpi Myanmar ah!!
India le Tuluk sumdawn tawnawk nak ding lamzin pi cu kan ram sungah
tuah vutvo a siih, Kawlram milai pawl hrang ah cun man hla tak a si.
Rethei pawl in hlawhawknak kan rak hmuh phah.
Hi lamzinpi hi 6,000 km ih a sau ding ih project tuah a siih, tu ah
hin 1,300 hrawng lawng t.heh a si hrih lai. Hi lamzinpi hi Leitlun
ralpi pahnihnak lai ah Tuluk le British ralkap pawl in  heh.. tiah an
rak tuah ih an raktawlrel zomi  a si. Stilwell lamzinpi tiih kawhmi,
hi High way pi hi Tuluk ram ih India thawn sumdawn tlan nak ruang ih
hlawk phah zettu Yunan province pawl cun Tuluk rampi aiawh ih tuanvo
an la ih, India thawn kut kai in hna an tuan tlang vutvo.  A rei hlan
ah ralpi pahnihnak lai ih lamzin hlunpi cu thar zerzer in awnsal a si
ding.
Hi lamzinpi hi Yunan le Malacca, India Ocean tiang ih feh tlang ding
a si ih, an theh tikahcun kan ram sungah Tuluk le Kala pawl cu ti
celcelin kan hmu ding a sibik cu.  Hi lamzinpi an t.heh tik cun India
le Tuluk hrangah sumdawnnak t.hasawn a suah ter ding lawng silo in,
asia ram pumpi sumdawnnak hrang khal ah tahthnemnak tumpi a neih ding
beisei a si.

Bush in Myanmar sunctions a phit bet!!
May 20, 1997 kum ih Burma le US ruahdan bangawlo thuhla kha relfel a
si hrihlo tiah Washington cun an phuang.  Hitawk tum ih kawlram in
democratic hruaitu an tidan le an policies pawl kha US foriegn
Minister pawl hnat.uan dan thawn a dang viah viah ih, cui thil cu
Burma cun tuini tiang in a tuah t.hat cuanglo ruang ah tu vek ih US
hi thil tuah a si.
US sanction hi May 1997 ah phit a si zo ih, 2003 ah Bush cun a rawn
zawm sal ih, tui t.um khal hi a zawm bet a si. US hin sumdawnnak lam
lawng ih hawisan a silo ih, visas tiang in a dungtawn a si.

Ralkap bawi lukhuh ruangah..
Yangon khawsungah civil hrkkhat cun an mawtaw cycle hmai ah ralkap
bawi pawl ih lukhuh tar tahrat in check gate le paisa kuan nak ding
tete ah an luat rero.  Asinan, hi pawl hmuah hmuah hi ralkap bawi an
si thluhlo ti kaihngah an siih, ralkap bwi document kimte ih a keng
lo mi pawl cu kaih ngah an si le 50,000 Kyat rori kuan ter ding an si.
Hi thil thleng hi kan ram ah ralkap an  lal tuk ih, hmun tinkim ah,
Palik pawl thuneihnak khal ah palik hnak in an lal thluh ruangah ti
hrim mi thil khal a si.
Ramdang thu

Bush ih plans duhlotu tam..?
America mipi 47% cun, Bush in an ram sumdawnnak lam ih a hruai dan
le action lak lam ih a cangvaihdan hi an lungkimpi lo. Kan dung March
thla ih Petrol man kai ciamco khan Bush ih larnak 50% rori a tlak ter
ih, hi Bush lungkimpilo pawl hi kum upa lam, 56 tlun lam deuh hlir an
si thu AFP cun an phuang.

Iran ah President hril ding
Iran rampi cun kan hmai June 1 7 niah khin an ram President thar
ding hrilnak an nei ih, rampum buai ih an bui laifang a si. 2001 ah,
President cuh ding Candidate 814 an neihmi lakah cozahpi cun mi 10
lawng a la ih, tuitum hrang khal hi an hrilawk hlan ni 10 lawngah
ziangzat tiang candidate an ding thei ding ticu an phuang lai ding.
Rafsanjani, 1989 – 1997 ih president rak tuantu, conservative
pacang, kum 70 mi hi support tu a ngah ih a tlin a zumum zet.
US Secretary in Iraq ah pal
Kan dung May 15, zarhpi niah America State Secretary Condoleeza Rice
cun Iraq ih thisen suah tamnak hmun Sunni miphun pawl umnak a
tlawng.  Sunni miphun pawl lakah hin kan dung zarh ah miruak 34 rori
an sar suak ih, US secretary hi, himi thuhla thawn pehpar ih tlawng a
si.

Beer inn ruangah thluak siat awl!!!
London scientist pawl cun Beer inn hin milai thluak,ahleice in nunau
thluaka siatsuah ti an hmusuak a si.  Hi thu hi ka dung zarh ah
Germany ram ih zuu lam thuhla research tuahtu pawl ih hmuhsuah a si.
Indonesi fala mawi  Miss Universe laksawng zuamnak ah..
Tuit.um Bangkok ih Leitlun fala mawi zuamawknak ah Indonesia,
Indonesia Miss Artika Sari Davi ( a sir zuk ) hi a telve ding.
Indonesia uktu hmaisa khan hiti vek ih zuamawk hi a rak duhlo.  Taksa
mawinak lailai lanter tahrat ih mawi zuamawk timi hi an culture le
biaknak khal in a duhlo ruangah a si. Asinan, tuit.um ah cun umtu
thar an nei vek in an tel siansak a siih, an veikhat tel nak ding
khal a si. Artica cun ka hrangah leitlun kahmuh kauh  nak ding lam
zin a siih, tibual nak thuam hnaw thawn ka tel ding a ti.

Kylie : Pawhte cancer a vei?
Australian hla sak thiam hminthang Kylie Minogue cun zumlohpi ih
pawte cancer a vei ruangah Leitlun pum, a tlawn tumnak hmun hmuah
hmuah pawl ngai thiam a dil ih, a dam fel hnu ah a hna kelte hi tuan
a tum vivo thu tla a phuang cih.  Kylie hin kan dung tlawngkai nithum
ni ihsin a cancer hi Melbourne siizungpi ah a zohkawl thawk a si. Tui
zarh sungah an at hngal ding.
Grammy laksawng rori rak ngahtu hi pop singer, kum 37 hin australia,
Hong Kong, Singapore le England ih Glastonbury music kutpi lam ah
scadual a nei nan, cancel lo in a nitu kha  athawn hai a si. Siibawi
Jorbab cun, hi cancer hi ?death sentence?thihpi nak khawp a silo, kan
dam ter sal theimi cancer cikhat a si tiah hnemnak thu a phuang.

Australia Milianbik na hmu zo amw?
Media lam ih hnatuan Kerry Packer hi Australia ih milian bik a si
ring ring lai ko.  Tui kum sung lawng hmanah A$ 400mil ( RM
1.1billion ) a lalut bet zo taih annual survey group pawl in thu an
than.
Packer hin A$ 6.9billion ( RM 19.9bilion )a nei ih, Australia ram
pumpi ih milian bik tohkham cu a kut sungah a um.
Frank Lowy hin A4 4.8billion ( 13.8bill ) neiin a pahnihnak a ngah
ih,Harry Triguboff hin A$ 2billion neiin ( RM 5.7 ) billion neiin
pathumnak a ngah a si.

Thailand ah Yangon Bom puahtu pawl training nak neilo..
Thailand Prime Minister Thaksin Shinawatra cun, Kawlram ralkap cozah
in kan dung ih bom puahtu pawl cun; Thai ram ah US bawmnak in
training an nei ti ih Thai cozah an puhnak thu thawn pehparaw in; ?hi
thu hi thuphan a si?tiah kan dung tlawngkai nikhat niah a phuang a
phuang.
Thaksin cun milai pawl thih nak dingah ziang group hman kan ram in
bawmmi kan neilo, terrorist kan bawm dahlo a tiih, Myanmar hin in
ringhlel a siahcun kan
ramsungah ralut in an duh vekvek in checking rawn tuah seh, tih a sim
bet. Thailand le Kawlram karlak hi 2,400km lawng ih hla a si.

Phungki tur inn hmaisabik!!
Srilanka ih Buddist phungki pakhat cu, nauhak pawngsual ih puh  a
siih, an puhnak ruangah hi phungki hin tur a inn nghal ih May 16 ni
ah siizungpi ih tlanpi hngal a si.
Hi phungki hi leitlun pumih phungki tur inn hmaisa bik a si zum a
si. Human right cabinent member 11 cun hi phungki Saffron hi; kan
dung 2001 ah nauhak kum 16 mi te sualpi ih phuan a siih, thawng kum
20 tla ding in a thuhla khal rel fel a si.  Thawng tla dingih a
thuhla an rel vete hin, hi phungki hin tur a inn hngal ih, zianghman
theilo in siizung ah a um lai.
Tulai leitlun ah phungki nunau sualpi relding tampi an um zo ih,
asinan hi phungki hi court ih thlen hmaisak bik a si hmang. Srilanka
ramah hin milai 19million an um ih 70% cu Buddist an si. Hitluk
Buddist tamnak ram ah hin phungki pawl hin hmun pawimawh hmuah hmuah
an luahih politic le social lam khal ah an lar zet.

Singapore Hrilawk a nai
Singapore hin kan hmai June le August karlak ah President hrilnak an
nei ding tiah Home Minister Wong Kan Seng in parliment pawl May 16 ah
a sim.
A can hman cu Prime Minister Lee Hsein Loong in a bithliah leh ding.

Condom, 13billion zuar suak!!
Condom hi Leitlun milai hin kan hmang tam zet.  Leitlun pumah kumtin
13billion zuarsuah a si thu Futura Chief Excutive James cun a
phuang.
Britist scientist pawl cuncondom danglam deuh le quality tha deuh
CSD 500 tiih kawhmi an tuahsuak thar leh ih, himi hi sex hman lai ah
phong theilo ding ih tuah a si. Condoms tampi cu a nal theu ruangah
tumlo piin nau pai a awl te. Hi Condom hi tui hnu thla 18 hrawng
ihsin lei theih a si ding tiah British siibawi pawl khal in an
confirmed a si.

Star Wars: Leitlun Film maksak…
Star War a bu thumnak cu ngan fel a si zo ih, ka dung zarh ah canne
film kutpi rori ah suah a si zo.  May 18 ihsin leitlun pumah zohtheih
in suah a si ih kan zoh vutvo.
Hi Film ngantu Lucus cun, ?hifilm ka ngan laiah hin, Iraq buainak
tla a thawk hrihlo nan, Iraq boruak le ka film nganmi hin bangawk nak
an ngah tuk ih, mak ka ti rori?tiah report a pe.
Hi film hi, Vietnam ralpi parah based ih a nganmi a si ih, Demoracy
ram ziangtin Dictatorship ah a rawng heraw timi cu fiang te in a ngan
a si.  A ngantu hin America hi cu hi ka thuianthu ngan vek a rawnsi
cu ka zum cuanglo, si khal a si dah lo ding a ti.
Hi film zohtu hmuah hmuah in mak an tiih, Leitlun ah tulai ih film
larbik pakhat khal a si. Hi film a hin Darth Vader#25263; Emperor
sualtuk san le US president Bush ih san karlak ih politic thlengawk
dan pawl tampi hmuh ding a um. US $ 3.4billion rori cem ih tawlrelmi
film a siih, US$ 9 billion ngah beisi a si.

Tuluk ah AIDS tam
Kan dung zarh ah Tuluk cun an ram sungih AIDS vei pawl checking an
tuah ciamco ih milai 84,000 in HIV hrik an paiih 80,000 in AIDS an
vei.

Brietny tei nupa cun…
Leitlun hlasak thiam hminthang Brietny tei nupa ( zuk sir veve ih
ding )  cun, an ro cotu ding an nghahhlap tuk ruangah, nau umnak ding
Silver Lengte ( a par zuk ) an lei cia zo.Hi an nauumnak lengte hi
kan dung tlawngkai nikhat niah California ih NBC Studios shownak ah
an  nupa in an suahpi a si.

An thah dingmi pa in a unau bawm duh
US pacang Johson hin 1986 kumah, nupinu kum 82mi  thi khawp in a
thawi ih, cumi ni ihsin thah ding ih a thuhla rel a si.  May 25 khi
an thah ding ni a sizo ih, an thah hlan ah #25587; thin?cu a u nu pek
ta a tum a si.
A u nu hin kan dung zarh hmaisa ihsin thin lam natnak a ngah ih,
cumi hrang ah a thin cu a hman tlak ding a si ah cun pek a duh
ruangah an thah ding ni khal t.hawn hlatsak dingin a dil.

India Doctor ruang ah Australia milai 100 thizo!!
India Doctor, Jayant M. Patel ( thihnak siibawi ) tiih ankawhmi pai
ruangah mina 100 lenglo in an thih phah thlang ih, a thilo pawl khal
siizung dang ah fehpi loli an t.ul tiah Australia Media in a phuang.
Hi siibawi hi 2003 ah cozah in australia ah aiibawi hna t.uan
siannak license an pe ih, tu vek ih thil a rawng can hnu hin…zawi
a  umnak theihloh ramah a tlanhlo a si.

USA irport ah taksa hmuahhmuah hmuhtlang theinak…
Tui kum sungah, America Airport hrekkhat ah; milai ah thupnak um lo
ih hmuh tlang theinak khawl thar an bun t.heh ding thu US thuthangca
in, May 18 ah a phuang.  Hi project hi vanzam to pawl him nak ding le
nunak ruah ah tuahmi a siih, nunau hrekkhat hrangah vanzam to khal a
nuam lemlomen thei nan, cozah cun ralrin tuk thuah tuah suah a tum
rori a si.

Nunau t.awng tam tuk!!
Australia ram ih nauhak 10,000 pawl in nuncan dan, mithiam pawl in
an zoh tikah; nunau pawl cu cini le kurtai bang in thlum khalsehla,
an t.awng tam tuk ih mipa nauhak suakpekkhal an tluklo tiah thu an
suah. Nauhak laiah cun mipa hnak in nunau pawl hin ca khal an thiam
deuh a bang nan, nunau cu an t.awng tamtuk ih an zirmi hman an hloh
sal t.heh.An rawn pitlin tikah cun mipa in an hleih sal tiah a
tlangpi thu an hmuh dan australia thuthangca ah an ngan.
Mawt.aw hokhaw a si!!!

Rannung lu hmang na ti pang ke..
Fiangten a sir zuk hi vawn zoh hman,mawt. aw hokhw a si.Na hmuhmi hi
America pacang paawl ih tuah suah tharmi a si ih, kan dung tlawngkai
niruk zan ah Texas khawpi ih an showmi zuk a si.
  Chian in Kum 100 kimnak lawm..
Tuluk cun kan dung tlawngkai nihnih niah, Leitlun pum huap ( Canne
Film Festival ) zohnuam film an tuahsuah theinakkum 100 kimnak campha
an lawm. Tuluk actor ih International  hmin neibik cu jackie Chan a
si.

Arti  le Rampai ti ah natnak  hrik hmusuak
Kan dung May 19 niah, Vietnam ihsin Tuluk ram ih lutmi Arti le
Rampaiti pum 40 rori ah, tulai Asia ih natnak tihnung zet a simi,
Bird-flu natnak hrik an hmu suak tiah Tuluk Media in a phuang. Hi
arti pawl hi Vietnam passengers in vanzam ih a rawn phurh luhmi a si
ih, Tuluk mithiam pawlin checking antuah tikah H5N1 natnak an hmu a
si.

Miphun hluntuk pawl sarsuak
India ramsung, Adaman le Nicobar tipikulh ram sungih um milai pawl
hi; a liamciami kum 50,000 ihsin rak um zomi milai pawl, leitlun
milai hmaisabik ih direct thlah pawl an si tin Indian Biologist pawl
in an phuang. Hi milai pawl hi Leitlun ih milai um hmaisabik an si
tiah Hyderabad ih research tuahnak ah hmuh suah a si.
IndonesiaNau-phir, Singapore ah khuai ding..
Indonesia nau- phir hi May 21 ah khuai an si ding. Hi naute pahnih
hin ke pathum lawng an  nei ih an t.awmaw bet lai.  Thla 15 an si zo
ih, an  pum le tawka a zawmaw a si.Singapore sibawi pawl cun an khuai
thei an zum ih, nazi 20 hrawng an rei ding.  Hivek naute zawmaw hi
Leitlun ih nau te piang 150,000 – 200,000 lak ah pakhat lawng an
piang  ti a si.

Mizoram hlasak thiam Elizabeth in naun a nei.
Elizabeth Zodinpuii, hlasak thiam ti lawng silo, ?Sensiari?timi film
ih actress cun kan dung April 16 ah fapa a nei.  Tui kum tawp lam ah
hin a pasal thawn thasawn le felfai sawn in mopuai an tuah sal ding.

                                            Kan mah thu
Theih ding pawimawh!!
Malaysia ih Falam mi UNHCR ih refugee a dil tu ( register ) le RSD a
awng zo tu hmuahhmuah in a zamrang theibik in nan contact number, kan
lo biak thei nakding number CARC upa pawl hnenah rak kuat lohli uh.
Asancu UN ih nan fehni tikcu a kim tikah kan lo contact theilo le
nan hrang a pawi ding.

Nupi pasal neih thu ah..
Refugee ngah zo pawl hrangah nupi pasal kan neiaw duh a si ah cun,
UNHCR ih dilnak vekin an mai hnen ah sim hmaisak ding a si.  Na
neihzo khalle, ka rak nei hokhaw tiih sim men a theihlo.  Neihawk
hlan teng teng ah UNHCR pawl va rawn hmaisak ding a si. Culocun, an
lo pomlo le na buai leh ding. UN theihlo in rak neiaw man kan um a si
khal le, a zamrang thei tawp in tthuhla t.hate ih va sim loli ding a
si.
UNHCR ih resister tuah dingthu
                 Ahnuai ih mipawlhi nan interview acu thlang ruangah
inrak
contract lohli uh.
1. Za Ling Thang          2.Uk hre
  3.Kap Sian Thang      4.Munpui
  4.Robert Kip Luai       5.Josep Bawi
   6.Sui Nei Zing            6.Hrin Nei Khum
   7.Ngun Nawl            8.TuanSang

CRC ih Serial 1500 tang pawl
CRC ih Serial 1500 hnuai hmuah hmuahin nan phone number
inrak sim uhla  nan case tla raktuah
cia uh. Falam mi Case thaten anei duh mi le case anei hrihlo pawl
inrak
sim lohli uh nansir aw loding.Nan tulmi lo bawmdingin CARC in alo
hngak
ringring.Asinan na tulmi cu na theihter  atulding .
Refugee ih kan falam mi dinhmun
                  Malaysia ihsin refugee a hngah ih kan falam mi
ramdang afehzo tu pawl……
1.Nawlpi       (Narway)
2.Ram Than Zau(USA)
3.KimKim          (Austilia)
4.Anti Thiam tei sung (Demmark
      Minung pathum)
5.Ma pui teisung      (Norway ,Minung           panga  )
6.Nu Thluai tei  sung  (Narway                minungpali)
7.Khuah Luai   (Demmark)
               (Azaten minung 16)
                 Refugee a ngah zo tu minung  kul hluanthum (23) le
RSD a ngah zotu minung sawmthum le pali
(34) pawl ih hmin list pawl le a dang thu pawimawh hmaizarh hruaitu
ah kan rak nganding rak siar tengteng aw. Contract ding CARC upa pawl
  1.  Lal Ci Luai           Ph  0126484009
  2. Salai Eddy           Ph 0126408433
  3. Salai Bawi Hre     ph  0122660212
  4. David Thang       ph  0126822231
  5.Pathuam               ph  0126222110

                                     General Knowledges
Na thei ngah maw?
#Thlapi parah milai 12 rori an thlengso zo.
#Leitlun ram 16 in vansang ah hna an t.uan ih, thlapi leilung le
leilung dangdang ah International mission phunphun an tuah.
#  Vansang ( space ) ih nunau thleng hmaisabik cu, USSR nunau
Valentina Tereshkova a si ih, Vostok space parah 19 June 1963 ah a
rak thleng. Hi ti laiah hin hi nu hi kum 26 lawng a si. Leitlun nunau
vansang kaimi lakih nauhakbik le hmaisabik khal a si.
#  Neil armstrong ( USA ), Apollo 11 mission commender cu, Leitlun
milai lakih thlapi leilung pal hmaisabik a si ih,02 : 56.15, July 21
1969 ah a rak thleng a si.
#  1972 kum, December 7 le 19 karlak ah, Apollo 17 pawl cun thlapi
leilung parah nazi 74 : 59 le second 40 sung an um thei ih, thla par
ih um reibik record khal an ngah. Hi an kaisal tum ah hin Eugene
Cernan le Harrison ?Jack?Schmitt cun, thlapi leilung ihsin lungto
110.4kg ih rit an rawn tlun.
Leitlun Beer palang tumbik ziangtia asi na zum?
Leitlun ih Beer palang tumbik cu UK ah a um.  2.52m ( 8ft 4in ) ih
sau a siih 2.17m ( 7ft 1.5in ) bial ih tum a si. Kingfisher Beer
625.5litres a tleng ih a khat ih sung dingin minute 13 rori a rei. 27
January 1993 ih tuahmi a si.
Mopuai sang tumbik?
Leitlun ih mopuai sang ( Wedding cake ) tumbik cu USA pacang pawl in
an tuah. ( a sir zuk ) Hi cake hi US ih Mohegan Sun Hotel le
Uncasville Hotel chef pahnih ih tuahmi a siih, 8 Febuary 2004 ih
tuahmi England mopuai na hrang ih an tuahmi a si. Hi Cake hi 15,032lb
( 6,818.40kg ) ih rit a si.
Coffi hai saubik teh na thei maw?
Leitlun coffi hai saubik cu January 29, 2002 ah Italy milai Ettore
Diana le Luca Braguti in an rak tuah suak.  cappuccino coffi 1,500-
litre tleng khuathai cuHotel Leon d#25189;ro, Verona, Italy ah an rak
tuah suak a si.

Restaurant hlunbik teh?
Leitlun Restaurant hlunbik cu Spain ramah a um.  Botin restaurant
tiih kawhmi Madrid, Spain ih um hi, 1725 kumah an rak awng thawk zo.
Hi dawr hi Leitlun rawl dawr hlunbik ih phuan a si.Hiti laiah hin
Frnch rawlsuang thiam Jean Botin le Austria nu ( a nupi ) in hi
Restaurant hi Restaurant hi an rak thawk a si.

                                 Leknak lam thuthang
Champions League kan zoh thlang ding..
Kan mah lawng si loin leitlun ih um hmuah hmuah pawl cun hi leknak
ah cun an zoh cak bik le an hngahhlap bik mi a si ding. A thupi cuang
ih Europe Champion ding a sih ruang ah laksawng ngah mi club cu an
sung lawi bik. Cu ruang ah kan nih Hruaitu Weekly Magazine khal in
kan  hngahhlap zet a si.
Line up ngai2 cu kan thei thei lo ih simen thei ding mi cu cover mi
khi a si. An leknak result cu a thuai mi hi a si.
Tui tum ah hin Liverpool reipi rak cawlh san zo Cisse khal a dam sal
thlang ih, Milan Baros khal a lut thlang men ding. Key player Gerrard
cun ?kan theih tawk in kan cang kei neh khal kan tum ding?a ti.
Liverpool hin an neh loh cun hmaikum Champions League ah an tel ngah
nawn zik lo tih an theih ruang ah neh teng teng ding in an zuam ding.
Milan khal hin Serie A ah laksawng an ngah nawn lo ih Champions
League lawng hi an zoh mi a si thlang. Brazil` Kaka cun
#25541;hampions hi hi kan  hrang ah a thupi ih lak ding khal in kan
zuam ding?tih a sim kha na mang lai Maw?
A par mi khi an leknak result a si ih zosi neh ding na zum sawn?
Hruaitu FC cun zuamawnak  a tuah ih an hmin kan lang ter lo men. Tu
ah cun khui tawk ah saw kan zoh kei tih a si thlang. Liverpool Club
na sih le Malaysia ah khal hmun khat ah an zoh khawm ding a si. Milan
khal cu vek tho.
  Hi lek nak ah hin kan Editor cun ?kei cu bawlung hi ka thei ve tuk
lo ih goal thun tam hin an neh in ka thei men. Champions league nan
ti khal hi ka thei ve lo. Player pakhat ka hmel theih mi um ve ih
Ronaldinho a si. Tui Final ah khal goal a thun ka zum tuk!! a ti.
Curuang ah nehnak co tu ding cu Man U a si ding a ti bet bet.
Hmai nithum niah Istanbul ah dam ten kan tawngaw khawm ding  ho khaw.

MU FC cu Glazer kut ah
  MU hi leithlun ih FC tum le hminthang a si. Zo kuthnuai ah an um lo
ih duh tla an duh lo. Asinan
tui kum hi an kum siat kum a si ih US billionaier cun lei a tumnak a
rei zo. Tu ah cun a kut thuai ah a  ret thei thlang a sih hi. MU fans
cun 1978-2005 ?YOU WERE MY LIFE. GOODBYE MANCHESTER UNITED FOOTBALL
CLUB?RIP tiin Malcom Glazer in a celh ding cu lungkim lo nak an lan
ter. Hi US pa hin a ma tangka lawng si loin mi tangka cawiin a lei mi
a si.An angki hruh mi khal a phun dang deuh a si thlang ding.
Glazer hin ziang  thinlung thawn  saw a lei tih cu caan in a hril leh
ding. Mi tam sawn cun mi kut ih a um ding hi pawi an ti nasa a si.
Amah hi leknak lam a thaw tuk lo hmang.Player t.hawn ding pawl
A thuai mi club pawl hi hmaikum ih Premier league lek thei nawn loh
an sih ruang ah an player tha pawl an zuar ding.
Southamton:
Peter Crouch: 5 mill
Nigel Quashie: 2 mill
Kevin Phillip : 1 mill
David Prutton: 2 mill
Paul Smith:  1.5 mill
Crystal Palace
Andrew Johnson: 8 mill
Wayne Routledge: 2 mill
Norwich
Robert Green: 4 mill
Damien Francis: 2 mill
Dean Ashton: 5 mill
LIVE
sun:8:55pm Liverno v Juventus
Mon: 12:55am Levente v Valencia
2:55am Barcelona v Villareal
FRI: 6:15 pm Japan v Peru
Champions League: Final
>> Thurs, May 26
2:30am – AC Milan v Liverpool

                                        Hlim hi sii tha a si

Awrpaw tei rualvah
Khua pakhat ah anti….Awrpaw pahnih an rak um. Nikhat cu pakhat
deuh a khual tlawnnak in a ra tlung ih, an khua hnar cawlhnak bungpi
hnuaiah a it that.  Amangah khuavang pawlin karual bawhlung kansit
duh nabawhlung insan aw anti ih ……ahung t.hangcu a awrpaw arak um
nawnlo. Ankhua avung thlengcu arualpa in karual, khuiah saw na awrpaw
a rak ti.Bungpi hnuaiah ka it that ih a um nawn lo.
A rualpa cun cuti asiahcun a tiih, bungpi hnuaiah a hung itthat.  A
mang ah khuavang pawl cu an ra ih; ka rual bawhlung kan lo sanmi kan
rak lope sal an tiih,a hung t.hang cu awrpaw pahnih thawn a tlung leh
an ti.

Pheikhawk damdawi
             Tahan ih kan unau pakhat pa
cu Mizo tawng ti thiam aw zetin Aizawl
dawr tluan ah kedamsi lei dingin afeh
Thu aruat ih Mizo in kedam hi pheikhawk anti ih, si hi damdawi anti..
Dawrnei tu hnenah, #25613;heikhawk dam
dawi leitur innei em??A ti cu teh…
Cakuat danglam
            Malaysiaih kan Unau pakhat pa
cu Malaysia ah kum nga a umzo nan
a nu le pa sungkhat, a ulenau pawl
paisa kuat thei ti aneilo.Hna tuanding
hmulo in a um.Hna avun tuan le lakkha
(paisa) hmu lo in a um. Paisa angah canle kuatdingih afeh laiah
zawngpawl

palik pawlin anrak lawng…tivek
lawnglawng asi ih abei dawng tuk
hitin cakuat angan
Dear ka nulepa
                Malaysia ah kum nga ka
um nan tu tiang paisa kalo kuat
theilo ih ka thin ana tuk. Ziangkhal
le ka ratlun nakdingah paisa Malay
thawnghnih(RM2000)in inrak kuat
au………………..Avun ngan vivo ih
ka pa thu napin karuat sal ih, paisa
hman kuat theilo ih tlun nak paisa dilbet …ka thin na tuk that awk
katum nan, karual pi pawl in in sianglo…Ka cakuat anrakhmuh ah
cun ka nulepa an thin ana tuk ding
ka ti ih …ka cakuat la sal dingin ka
rualpa Thangte KL airport tiang ka
dawi sal nan ka man nawnlo……..
Asinan hi ca hi ka nulepa in rak
hmuhlah haiseh tin thlaza kacam.
                            Nan fapa duhtak
                            C F Lian

Dear ka fapa duhtak
Pathin in na thlacam alo sangih na cakuat kanrak ngahlo.
Malaysia ih zawngpawl cu anva
ngam awm ve.Rakaih danding kan tawlrel keaw.Mah le mah thatawkcu
raktum aw hlah.Tui zarh hi chee kan thu ih ka poh ahcun na nu thawn
kan ralo hruaiding na thin rak har duh hlah..Damten  Napa..Hi. Hi.
(Hi thuhi ka ruahnak men asi )

Khawng Khawmtu
A cem vuarvi….Vol 73 ah aw…………

Comments

comments

Comments

%d bloggers like this: