Hruaitu Issue 71

HRUAITU Zarhtin thuthang
Vol. 71    15,may, 2005

Editor : Richard K Emmanuel
J.Editor: VLbawithang

Hawl Awlnak
Editorial

Isreal Kan si an ti maw?

Na neihmi ziangso a si ?

S. Mah Ngun Hnem Interview

Kan mizia

Thuthang hril khawm

Leknak lam thuthang

Hnih hi thlimnak..?

                                           Fellowship

Pathian cu Trinity a si. Pa, Fapa, le Thiangthlarau tiin then hran
theih a si;  asinan minung pathum si loin pakhat ih mi pathum um a si
sawn. Pa ih hnatuan le Thiangthlarau hnatuan a bangaw lo ih Fapa khal
a dang. Sihmanselah, then hran theih a si lo.  An zaten ziang tik can
khalah a`n Fellowship ring2. theu Cu cu Fellowship (Pawlkawm) hram
thawknak a si.
Pathian le Minung khal ziang lai khalah kan fellowship thei.  Moses
le Abraham kha Pathian thawn an fellowship theu tih kan thei. Jesu
khal dung thluntu pawl thawn; amah zumtu pawl thawn cun tu ni tiang
in Thiangthlarau thawn kan felowship theu. Cu hnak ih tha a um lo
ding.
Hmel bangawlo, tha le tha lo, hnaset khal siseh, mitcaw khal si hman
ning Fellowship hin minung a hril lo. Cuvek bangawlo cu  a si
pawlkawm cu. Cu tawkah cun ruatdan, hmuhdan, theihdan, adk,…a phun
phun a um thluh ding.Mah duh dan le ruah dan lawng si loin mipi/tam
lungkimnak kha fellowship feh dan ding a bang.
Kan Bible kan zoh cun Dung 2:9-11,42-47 Bawi Jesu dungthluntu pawl
kha hmun khat ah umin Pathian thu sim/ngai/ruat theu in an umkhawm
theu ti kan hmu.  Hnam bangawlo, tawng bangawlo, mi phun dang an si
thluh nan ziang Politic hman um loin an neih thil ziangkim tawmawin
an nuncan an hmang theu a si. Cu pawl cu zum lotu pawl cun Mak an
tiih Antioch ah cun Christian tiin koh an si. Hi hi fellowship dik
bik kan hmuh mi cu a si ding.Leitlun ram hmuah hmuah khal in Pawlkawm
hi an uar ih thatnak tampi a um tih an theih ruang ah a si. United
Nation kan tih khal hi Fellowship tho tho. Kan nih Laimi khal hi
Malaysia ah hin Fellowship tuah in bangawlo,duhdan, ruatdan a phun
phun um in kan Fellowship a si hi. Ziang tinkim ah Fellowship cun a
Fellowship umzia hi fiangteih theihthiam a tha zet. Mah view lawng si
loin midang view khal a tha sawn men thei. LCF pawl hin kan fehdan ah
ruat ding a um. Mai Doctrine le mai Kohhran fehdan in kan LAI
CHRISTIAN FELLOWSHIP hi kan fehpi ding mawsi? Ziangah
saw Fellowship lamzin thlun nawn loin lamzin dang feh kan tum?
FELLOWSHIP si nawn loin LAI CRISTIAN FEL  LO  SHIP ah a suak ding hi
kei cu pawi ka ti tuk!!!
Pathian thu hnak ih Politic le doctrine lam kan thaw sawn a sih ah
cun minung kan si lai tih a fiang ih 1 Kor 2:12ff ah kan um lai  tih
a fiang zet. Kan Lai Krih zumtu lungrual lo ih kan feh ding hi ka
mitha in a hmuh tih ah pawi a va ti em !! Kan lamzin kel ah Lungrual
ten kan feh leh pei.

                                    Israel hnam hlo kan si an ti maw
Juda Rabbi ruang ah maw kan Israel  ding?
Israel thlah vek ih in pawm thu hin Mizo kan sihnak le hnam vekih
kan umnak tise thei a sih hi kan ruat dah maw? Hnam thei fiang lo
Mizoram-Manipur ih Mizo thlah Juda tiaw mi 6000 hrawng Juda sakhua ih
thleng(convert) ding ih rabbi tam nawn an rung fial ding mi thu hi
Kohhran hrang ah thil t.ha lo bik a si tih hi kan thei thiam maw?
Khaw tlang hrang ah khal Mizo kan inpumkhatnak tisethei, krisfa kan
sihnak ah cun  Setan in  kan kulhpi in rung tihsiat nak ding a si.
Dinhmun tha lo ah kan um ih Kohhran le khawtlang lam hruaitu pawl
hin theithiam a va tul ve! Hindu Puithiam  pawl in Hindu ah thlengaw
ding siselah kan to men men zik lo. Tu ah hin Kristian nak ihsin Jesu
duh lo bik Juda sakhua ah kan unau pawl thawng tam nawn feh teran tum
a sih cu!! Russia ram ih Juda ngai ngai pawl cu mi tam tak Israel ram
ah an lut hluahhlo ih Mizo pawl cu Juda sakhua ansih ding cun
Judaism ih inhnimphum lawng in a ngah an tih ihsin Kristian nak dodal
ding ih remruatnak tih a fiang.
Mah sihnak theifiang lo tu pawl in Juda Rabbi in Israel hnam ih in
pawm nak thu hi vanram luh theihnak vek ih ruat in Israel ram ih um
lawng2 an cak thlang. Leitlun ih hmun ralmuanlo nak, thisen luang
Israel ram ih luh duh pawl cun hi hi fiang ten ruat selah:
1. Israel thlah kan si ngai ngai lo:
Si vek ih ka theihnak hi Israel pawlin in hawl suah khal si loin
1950 hrawng ih Buallawn harhnak fehsualpi pawl, mihlim malte ihsin ra
thawk a si. Pakhat ihsin mi tampi ah a thleng a si.   Cu harhnak cu
Jesu Cross a thangthat loh ruang ah thlarau dik hnatuan si lo in,
thlarau dang (1John 4:1-4) a si.Cu vek minung pawl cun an umnak
Kohhran khal an suah san thluh hai. Cumi rah suah cun Mongolion si
reng si, Israel hnam vek ih inthihnak thlarau  (I King 22:22) tha lo
in theihnak ngah an si.Cui thlarau cotu hmuah2 cun tutiang in Jesu hi
Messia tih an la thei lo. Setan khal engtirhkoh ih a intuah vek a si.
Tuni tiang in tisa ih israel sihnak buaitu pawl hi Bawih Kris
duhdawttu ngai2 an si zik lo. Kohhran ih um ve men, midang bumnak
ding ih lemcang tu pawl  lawng an si. Kan Pathian thu cun Israel kan
sihnak cu hitin insim: #25556;rih zum ruangah Pathian fa te nan si
thluh…Cu tawkah cun Juda mi a um theih loh ih, Greek mi khal a um
theih loh…Bawih Khrih ah cun nanza ten pum khat nan si
thluh…Abraham thlah,…rocotu ding nan si?(Gal 3:26-29); (Gal 3:9)
Theihnak ding hna nei cun thei seh.

2.Hmehbel cawp bangawknak
             Juda rabbi run feh theu pawl hi
an mai duh ruang ih rawng si lo in, hi tawk i kan unau Judami siaw
ter pawl hinan cah rero theu ruangah a thawkte isin an ra feh a si
sawn. Juda thawn kan bangawk theinak ding vek ih lang pawl hmuah
hmuah an rak sim ciamco theu ih, vawihnih thum an rat hnu lawngah an
thu an lung theu. Cui an thu sim
theu mi cu,  kutpi phunthum kan nei ve ve, tla an ti ih, an bangawk
lo zia lam cu an sim duh lem lo. Israel kutpi bik #24960;antak kut?
vek, miphun pum runsuahnak lawmnak kut kan nei ve lo; Mizo pawl
Mimkut vek,mithi pual ih kut hi an nih cun an nei ve lo. Ran thisen
ih  thawiawk nak hmang kan si ve ve nak hi, Israel thlah kan sizia ti
fiang tu ih an sim uar nghin laiah, leilung tlun miphun tam tuk in
ran thisen in an rak thawiaw ve ko. Mizo in serhtan kannei dah lo,
asinan kan unau Israel mi siawter tu pawl cun Juda pawl tidan vek in
serhtan kan nei ve ti#25255; an rak bum a si. Serhtan hi mizo in kan
ti dah theu a si hrim hrim lo. Manasia thlah kan si an tiaw ih,a hram
thawk nak cu, Hmar unau pawl in an cithlahtu hminah #24961;anmasi?an
rak nei ih, ziang tik can ih mi ha ti cu an thei cuang lo. Hmansehla,
Buallawn hlimnak boruak ihsi khan khai Manmasi kha Bible ih mi Joseph
ih fa pa Menashe (Manasia) kha a si an zum ih an rak hmeh bel ve tawp
mai a si. ( Cu mi sim suak tu ih an puh
mi bik zawlnei Zakaithanga khal  a dam laiah ka mit rori in ka rak
hmu ve zo ih,ziang thlarau ha a co ti tiang hman in kan sim thei kei
cu! ). Moses hoih tipi sen kan hla kan nei an ti mi kha len, Run leh
Tiau  kerlak ih kan pipu pawl an rak um lai ih an phuah mi a si sawn
tih a hla thu in a fian ter tuk fawn.

3. Jesu hnawlnak le hloralnak
Krisfa za ih za int, thlarau hlo vei, missionary khal thawnghnih
leng lo parlam fehsuak zo Mizo Kristian ah Juda sakhua ih luduhnak
thinlung hi thawng leng lo kan rak um.Manipur lam ah a tam. Israel
ram ih pem luh ding ah cun Juda sakhua ih thleng a tul hmaisa.
Sihtheihnak ding ah cun Jesu kan zuar ih kan hnam kan phatsan duh
asi. Cu cu a si catuan ih boralnak lamzin cu.
Ziang ruang ah saw Judaism pem le Israel ram luh cu catuan nun
hlohnak asi ding?Tunitiang in Juda pawl thinlung ah Messia zum lohnak
thlarau Pathian in a pe (Rom.11,8,25). Thiang lawr hnu ah sakawlh in
Israel hi doin Harmagado doawknak ah Israel 2/3 le a ram 2/3 a hlo
ding. Cutawk ihthi bang 1/3 lawng cu catuan nunnak nei ding an s(Zak
13:8-14:1-21). Tu ih Israel mipi tam sawn cu Sakawlh rawl ding, Jesu
zum lo ih thi ding an si.
Pathian in a hnam hril, meisa in a fiah theh hnu le harsatnak a
phun2 an tuar hnu ih a hril ding lah theih cia a si fawn lo. Curuang
ah an zaih Bawi Jesu hi an hngah Messiah a si tih an thei fiang hlan
ih Juda rak si tum, Jesu hnawlnal thinlung hun neih hi catuan
hloralnak lamzin cu a si. Kohhran hin Kristian ihsin biaknak dang i
thlengduhnak thinlung Mizo hnen ih a rung thleng ding lakah kilkawi
dingin Bawipa hnen ah thahnemngai zet in thlacam pei uh si.

(Hi thu hi 1950 dung lam ih Mizo pawlin Israel sih an cak tuk ruang
ih ra suak, cabu tampi thawn an to rero hnu, tuhnai te ih  thu ra
suak mi  P.C Biaksiam`n a elnak thu hi  zoin.info mi lak a
si).          J.Editor

                                                    Na neihmi ziangso
a si?
                                                       Rev.S. Ni
Luai
Minung hi kan khual tlawnnak  ah le kan hnatuannak ah rualpi tha kan
nei ciau.  Kan suh bikmi cu inn na nei maw? Fa na nei maw? Mawtaw na
nei maw?  nupi  na nei maw? ca zirthiamnak lam ah degree na nei maw?
tiah kan sutaw t.heu.  Cumi cu minung kan tahawknak cu a si bik.
Zianghman neilo cu ziang hmanah kan siaraw lo.
Veikht ah mikhual ka nei ih, pakhatpa in ka ikhual pa cu nihnih an
um hnu ah an nelaw thlang a si ding,ka rual na khua tiah an simaw ih.
Pakhat pa cun, nupi ka nei fate khal ka nei a tiih, inn cu ka neilo a
ti. Asile khutawkah nan um a ti ih ka pa le hnenah kan um a ti.  Inn
hman neih hlan ih nupi fate neih cu nupi na duh tuk a si ko lo maw?
Cuveten a rualpa khal cun nang teh tiah a vawn sutve ih, inn ka nei,
inn hmun khal pathum lai ka nei, BA ka theh hnu lawngah nupi ka nei
ih fapa khal ka neizo a ti.  An neihmi an simawk tikah a tanaw tuk.
Rethei sawn cun, khah ka rual nangcu na hram a fek zo ih zuu i do aw
a tiih, zuu dawr ah an feh hmang ka ti.  An feh hnu ih ka ruat mi cu,
milai hi leilung thilri a neimi le neilomi ka tanawknak ka ruat.
Cule, himi hnakin thil tha a um pei maw? tiah ka ruat.
Kei Pastor ka si ve ih, inn ka neilo lo ka neilo, bank cauk khal ka
neilo va si khaw..leilungmi cun rualpi tha ah in hmang dahlo ding ti
ka ruat. Culaiah cun ka mikhual cu ka inn ah an ra tlung salih,
zianghman neilomi pa cun a rualpi ih hnipua a sawp sak ih zanah a
hmet rero ka hmu. Cutikah leilung tlun ah hin milian si hi a thabik
lo sawm ka ti, Bible cu ka lak ih thla ka cam hnu ah
Thinlung thiang a nei ih awka thlum a hmang mi cun siangpahrang
rualpi aha  tuah thei ding ( Thufim 22 : 11). Pathian hi Siangpahrang
lakih siangpahrang bik a si, cucu ka rualpi thabik a si. Himi hi thil
thabik a si ko lo maw?
Ka u le ka nau thaten ruat hnik uh! Krihfa kan  nundan ah hin
ziangso kan neih hmai sak ding.David siangpahrang bawipa cun,
#25608;aw Pathian thinlung sungah seem ter aw, ka sungah a thar le a
dikmi thlarau rawn retaw a ti ( Sam 51 : 10 ).
Minung hi kan thinlung sungah leilung degree, lennak sumlepai a khat
tuk ah cun mi tha kan si thei dahlo ding. Midang thawn remaw zet le
duhdawt zet ih kan um theio nak ding ah  le kan mah hnak ih farah
zawnzaimi, bawi sang sang thawn kan remawk thei nak dingah cun
thinlung thianghlim a keng ih awka thlum a neimi kan si a tul. Cucu
Pathian fa an si.  Hihi a thabil ko ka ti.
Pathian thawn rualpi tha kan si thei nak dingah le kan nun sung ih
midang thawn kan remawk zet le duhdawtaw zet ih kan um thei nak ding
ah cun thinlung thiang le a thar thlarauthianghlim kan thinlung
sungah nei hram uh si. Himi hi kan nih Laimi ih kan neihmi si hram
seh tihi ka thlacamnak a si.
Pathian malsawmnak cu siartu nan hnenah thleng hram ko seh.

                                     Bishop Irenaus
Kawhhran cu a rak din thawk ih sin tibuaitu le dodaltu a tawng ring
ring,kumzabi pahnih nak hrawng ah tla pheicun Gnostics le Docetists
zirnak in nasazet in a rak tibuai. Asinan, cuvek dodalnak le
relsiatnak pawl cu cahnak le thlawsuahnak ah an rak cang theu.
Kawhhran din thawk laiah Pathian thu in mi fim le mithiam pawl tampi
a rak neh tuk ih, an fimnak le an thiamnak pawl cu zirhnak diklo
dodalnak  hmarua thabik a rak si. Justin Martyr, Irenaeus, Tertullian
le Cyprian cu, cui mifim lakihmi an si ve ih, kawhhran pa pawl ti
khal ih kawh an si.  Hi pawl hi zumnak humhimnak lam lawng ih hmin
lang an silo ih, kawhhran feh dan ding lamzin sialfainak lam,
Kristian thurin tiang in lam in khihhmuh tu pawl an rak si.
Irenaeus hi Asia Minor thlang lam Smyrna khua, thupuan bu sungih
John-in kawhhran pasarih ca a kuatmi sungih ta kha a si.
Smyrna khua cu Juda pawl um tamnak khua a si ih, khua thang cak zet
khal asi. A tlangval pek hrawngah cun Irenaeus hi Policarp in a zirh
theu. Culai cun Polycarp cun Apostle John in Ephesus khua ih a thu
rel pawl cu a rak thei theu. Florinas hnan ih a cakuatnak ah, tirhkoh
Johan ih to theunak, le awi Jesu mit rori ih hmutu pawl um nak hmun
ka lo hmuh ding, ti hi a um. Cucun, Polycarp hin John le Apostles
dang pawl thurel a rak  ngai theu ti a fiang ter.
Irenaeus cu Rome khua ih a vaih hnu ah Justine Martye-ih zirhnak
hnuaiah a um sal. Justin hi Kristian cangan thiam mi, zumnak le
ruahnak ( faith and reason ) lakkhawmnak thu ngan hmaisabik tu khal a
si. Kristian a sinak cu a thupaw duhlo ih, Emperor Marcus Aurelieus
hnenah a pekawk duhlo ruangah nazet ih vuak a tuar theh in a lu khal
an tan sak. Cumi thil thleng ruangah a si thei men, Irenaeus cun Rom
cu a suahsal ih, Lyons khua ah Bishop Pothinus hnenah Upa hna tuan in
a um.
Irenaeus cu Lyons ih a kirsal hnu ah Bishop si ding ih hril a si ih,
a hna hmaisabik cu, Emperor in biakinn a siatsuah tamtuk ruangah
Biakinn siat sak that ding a si. Cunah cun kum tamanwn Gnostic
zirhnak lak ah kawhhran kilvennak lam ca ngan in  a um.
Gnostic zirnak
Century 2 nak hrawng ah zirhnak hmanlo tampi a um ih, cu pawl lakah
hluarbik cu Gnostic zirhnak hi a si. AD 80- 150 hrawng ah a hluar
cuang. A hmin hi Greek tawng #24955;nosis?( knowledge- theihnak )
timi ihsin lakmi a si. Hi zirhnak thluntu pawl cun rundamnak thu cu
theibik in an theiaw a si. Pawl dang phun phun in a thenaw ih an
hruaitu lubik cu Marcion le Valentinus pawl an si. Hi pawl hin
thunganmi an nei ve thluh ih, a tam sawn cu Thukam thr ihsin la
tahrat in an mai ngaihdan thawn an hmehbel ih, cucu an thlun theu.
Jesu khal hi milai a si, Pathian a silo tiah an zirh.
Gnostic pawl cun hrilbik pawl lawng ih theih theimi, Apostle pawl
hnen ihsin an theihmi ?theihnak thuthup?theiaw in an ruataw. Cucu
Ireaneus hin a dodal ih, thuthup cu mi hrekkhat pawl hnen lawng ih
phuan silo in, gospel buli hin fiang te le kim thlepthli in mi hmuah
hmuah theih dingin an phuang tih a zirh ciamco ve. Ireaneus ih hmin
umzia hi remnak or daihnak ti a si vek in mi remtu a si .

                    SAYAMAH NGUNHNEM INTERVIEW NAK

HRUAITU :     Na hmin le na khua in sim thei peimaw?
NH : :  Ka Hmin Ngun Hnem, Ka khua Rulbu.
HT : :  Unau paziat nan si?
NH: :  Unau hnih kan si.
HT  : :  Ziangtik kum ah degree na ngah?
NH: :  1992 kum ah Mandalay ihsin  ka theh.
HT: :  Tu ih na kaimi computer lam hi ziangtik in na rak kai thawk?
NH: :  1997 ihsin ka rak kai thawk ih DC SC tin an ko.
HT : :  Kawlram ah ziangmi tiang na theh?
NH : : MIS tiang ka theh.
HT: :   Malaysia ah ziang tuah ding bik ah na ra?
NH : :  Kawlram a cozah ih in thlah mi ka si ih ram hleihnih ihsin a
ra mi pawl thawn kan tawng aw ding. International tawnkhawm awknak le
sim awk tawn nak asi.
HT : :  Laimi dang an tel ve maw?
NH: :  Laimi lak ahcun keimah lawng ka si.
HT: :  Ziangmi hmin bik in an lo ko?
NH: :  MTCP hmin in ko mi kan si.
HT : :  Ph.D ziangtik ah na teh ding?Kawlram ahteh peh vivo ding a um
lai            maw?
NH: :  Malaysia ihsin ka tlun nu thla thum hnu ah in pek ding.
Kawlram ahcun zir bet ding dang a um nawn lo, line dang ih zir a tul.
HT: :  Computer hi ziangvek ih an hman mi hi ropi bik in na thei?
NH : :  Ral hriamhrei phun khat in an HT: : Kawlram ah nangmah vek
ih             omputerPh. D ngah mi paziang hrawng nan um pei?
N H: :  Tui hlan ih rak ngah zo hi mipum 30  an ih tu tum kan nih hi
mi 40 kan si.
HT : :  In sim siang a sile in sim ko awla asinan nagn mah na thuthu
a si ko, pasal na nei zo maw? Hamtu teh na nei zo maw?
NH : :  Ka lo sim thei mi parah lo sim ding ka tum ko. Pasal ka nei
hrih lo. Hamtu/ hualtu ka nei hrih fawn lo.
HT: :  Pasal dingah ziangmi miphun na thlang pei?
NH: :  Keicu thleidan ka nei lem lo Pathian ih rem a timi mi a si ko.
HT: :  PH.D na ngah tik ah ziangmi na tuan pei?
N H: :  A tu ih Malaysia ka rat khal hi a co zah thawn
timkam/lungkim             tlangnak(Bone) hminthut in a ra mi ka si.
Kan Vuanthawk khal in tlung  sal tengteng ding in veihnih vei thum in
cah ruangah Computer saya ka tuan ko ding.
HT: :  Malaysia ih um kan laimi pawl in hmuh tik ah ziangvek in in
hmu?  Kan hmel a tha maw? Kan sual hmel maw?
NH: :  Nan canvaih dan ka lo zoh tik ah fak tlak ngaingai nan si in
ka lo hmu. A hleice in kei vek tla in sunlawih zet ih pakhat hnu
pakhat sim aw in in   biak rero mi parah ka lungawi. Cun a hleice in
ziangkim nan tuahnak ah nan lungrualzia a lang zet.
HT ; :  Kan Laimi pawl hrangah cang thei ding le tuah thei sehla ti
ih na sunmang in sim thei pei maw?
N H: :  Tu lai khaw fate( Globle village) ah hi kan laimi a hleice in
kan Falam              khawpi rori ah tla hi computertam pi ret in le
internet in thuhla than   awk nak lam ah IP star timi a sanbik?
NH: :  Nan canvaih dan ka lo zoh tik ah fak tlak ngaingai nan si in
ka lo hmu. A
mi pawl hi ret thei ka beisei. Himi hikan ram a tha vivo dingih kan
peng  le kan mile sa hmuahhmuah ih tuanvo khal a si . Nikhat ni ni
ahcun a          cangsuak hrimhrim lai ding ti khal ka zum.?
HT: : Ziangtik ah Malaysia ihsin na tlung ding?
NH: : 21May 2005 ah ka tlung sal ding.
HT: : Hitivek in thuhla kan lo sut mi in sim ruangah kan lungawi.
NH: Keikhal ka lungawi.
       Contact thei nak:
       Shalam Concord  Hotel
       0 3 – 5512200

Leitlun thuthan g hril khawm

Myanmar Bomb puak mithi zat puan awilo…

Kan dung Inrin May 7 niah kan ram khawpibik Rangon ih Bazarpi ah
bomb pathum a puak ih milai 11 an thi nghal ih 160 in hliam an tuar
tiah ralkap cozah cun Leitlun ram tin ah thu an than.
Asinan Thai thuthangca pakhat cun milai 20 leng lai thi in a
phuang.  Yangon siizungpi ih siibawi pakhat cun cozah in mi ziangzat
ha siizungah thi tihi phuangsuak lo dingin in dawn a ti. Curuangah
mithi zat cu mi malte lawng in an thei lai tinak a si.Hi bomb puah
thu ah hin Democracy luatnak duh ih cozahpi a do rero tu pawl puh an
siih, asinan cupawl cun an silo thu an phuang ve.  Ziang group pawl
in so hi siatnak hi tuah ticu fiang ten theih a si hrihlo.
Bomb hi hmun thum ah puah a siih, a hleicein Dagon bazarpi ih puahmi
ah hin mithi a tam cuang.  Dagon bazarpi hi tulai fang ah bazartu
lutsuak tamnak hmunbik pakhat khal a si.  Hi bomb hi puan, asilole
thil pakhat khat ih tuam ta hrat in mipi tamnak hmun laili bat ih
retmi a si.Kan dung zarh hmaisa ah,Yangon ih bomb a puah hlan ah hin
Mandalay ah bomb a puak zo ih milai pahnih an thi.  Hi siatnak
ruangah hin ramdang mi pawl cun kan ram ih tlawn hman an tih phah
lawng silo in, Malaysia pheicun  Tui tum bomb puak ah hin Malaysia
Ambassy ah ramsung thuhla sut hmaisa ta lo cun Myanmar tlawng lo
dingin mipi pawl a fawrh.

Malaysia pali hliam tuarve

Malaysia rammi pali rori in hliam an tuar ve ih an zaten ziizungpi
lam ah ret hngal an si. An lak ih pakhat pheicu nauhak kum thum le
hrek mi ( a hnuai zuk ) lawng a si lai.  Hi bomb ih Malaysia mi hliam
tuar pawl hi, kan dung tlawngkai ninga, May 6 niih Yangon thleng an
siih, farah ( orphanages ) cawmnak ra zoh ding le training pe ding ih
ra pok an si.
Hi bomb puak ih hliamtuar Malaysian pawl hi KL Lutheran Kawhhran
ihsin fehmi milai 15 pawl lak ih mi an si. Nauhakte le hliamtuar
pakhat cun kan dung tlawngkai nikhat niah Kualalumpur  International
Airport an ra thleng sal. i nauhak hi a hmaiah hliam a tuar.  Pa hnih
cu Kawlram ah zohkawl an si lai.
l
Bush in Myanmar thuhla a relfel ding?

America President hlun Bill Clinton cun kan dung  May 12 niah,
Myanmar ralkap cozah parah sumdawnnak le pehtlaihawknak hmuah hmuah
titawp/kharsak thluh sal dingin  US senate le UN lubik Kofi Annan
hnenah dilnak a theh lut. Ralkap uknak duhlo zettu rak si ring ring
Mc Connel cun, ?Kofi Annan in kawlram democracy hrang tanlakpi ding
le bawm ding ih thu a pnhuang ih ka rak lungawi lai ah, can cu a liam
rero ih, a tuar cun an tuar rero ko? UN hin a rang bikin Myanmar
ralkap uknak parah a cangvaih a cu a si a ti.
US cun 1997 kumah Kawlram cu financial lamah zianghman a theihpi
nawnlo zoih, 2003 kumah ramsung ah thilri lak luh a dawn bet. Tuitum
ih rawtnak khal hi Bush in human right le democracy lamzin ah thil
tha ih a hmu a si ah cun, a pompi ding ih hreeng bet ding lawng a
tang.

Myanmar mi 300,000 in hmin ngan zo

US Democratic Senator Dianne feinstein cun, Myanmar mipi 300,000
lenglo cun kawlram ah a hmanmi Democracy a thlen hlan cu nawr ding le
tuan dingin thutiamnak hmin an thu.  Tutiangah Kawl ralkap cozah hin
democracy lamzin hman in ziang hman ngaingai tuah suak mi a neilo, an
hruaitu Aungsa Suu Kyi hman an suah duh lo.  Myanmar ralkap cozah
parah hin action kan lak a cu ngaingai a si? tiah a phuang bet.
Kan dung thla ah khan European Union cun ralkap cozah parah sanction-
nak an kham zo.

Kawlram Bomb puak ruangah…

Kawlram bomb puah thuhla thawn pehpar in thu tampi a suak ih Theory
dang dang a suak hniai hniai.Junta cozah cun Karen Union, Shan State
Army le kawl silo phun tenau pawl an puh. Asinan, raltlan pawl hin
kan ram hotu lu pawl kut thlakmi  a si an ti ve.Thai thuthangca agent
pakhat cun mithi zat khal hi cozah phuan hnakin a tam thu a phuang
ih, 21 an thiih, 165 ih hliam an tuar, hliamtuar lakah 40 cu ziang
hma theilo in an umlai, an nunnak cu rel a har zet a ti.
Ziang khallole, kan ram mipi pawl cun bazar tum pipi le mipi
punkhawm tamnak hmun ih feh hman an ngam hnai nawnlo. Kan dung zarh
ah Kyoto ih Europe le Asian meeting nakah ministers pawl cun,
#25565;addam Hussein san lai le Myanmar dinhmun hi danglamnak a umlo.
Saddam ih uknak hnak in Myanmar ralkap pawl uk dan hi a luar deuh, US
le British hi an cang a cu tuk?tiah an phuang ve.Kan ram ih bomb puah
thuhla hi Internet le Radio, ramsung, ram leng thuthang ca ngantu
pawl siseh, parlam ihsin zianghman phuanglo dingih order a si ruangah
thuhla felfai theih a har zet.  Ziizungpi ih siibawi pakhat cun Pu le
pawl in tuitum thuhla hi zohman simlo dingin Order inpe a ti rori.
Hmuhdan a tam nasa. A hrek in hmailam can ding an tih ruangah ralkap
pawl hin an thiltitheinak an suah a si an ti lai ah a hrekin General
hlun ih dungtlun pawl power an nei tuk lai, anmah an si ding an ti.
Yangon um U Bah Tin cun, bazar kailo in kan um thei fawnlo ih, kan
fale hruailo in mah te lawng kan feh lullo theu a ti.

Jackie Chan thawn Film tuah rero laitu India fala…

Bolly Wood fala mawi suak netabik le sexy bik pakhat a simi, Mallika
Sherawat, 23, cu International Filmstar Jack Chan thawn film an tuah
rero lai zuamawknak ah awn thawk a si ding.  Hi Film Festival hi May
22 tiang ih tuah a si ding.
Hi film hi China le India ram ih an lak kawpmi a siih, a film hmin
cu an #25553;ndiana Jones?timi a si. India fala mawi Sherawat hi
India lal fanu vekin a cang ih Chan thawn an tawnawk veten duhnak
thinlung an nei cih…Hi film ah hin thil thar le dudawtnak lam
khalah nun zirh nak tampi a tel.
Sherawat cun, ?ka dam sung ih ka tawnmi lakah ropi tukmi a siih,
Chan khal hi a maktukmi star a si, ka nuamw tuk ee… tiah a
hnatuanpi pal le rualpi pawl hnenah a feeling a sim hai.

Jackie Chan, 51

Jackie chan, kannauhak lai ihsin, Jackie Chan kha kum 51 rori a rak
si thlang ual! 1982 kumah nupi a nei nan, 1995 kum lawng ah a nupi
neih hi a phuang ( confirm). Asancu, Leitlun pum ih a film rak zoh tu
nunau pawl a ruah ruangah a si. Cuti cing khalin 1983 kumah  Japan
fala pakhat cun Chan-in nupi a nei ti a theih rualah a mah ten a that
aw. A nupi cu actress hlun Lin Feng-chiao a si ih, an fapa Jaycee
khal kum 12 a si zo.1982 kum, a fapa Jaycee a suah hlan nihnih nak ah
a nupi thawn hin US ah anneiaw hrilh lo.

Dengue natnak tihnung

Thailand ah khuasik natnak cikhat dengue timi a luar thar ciamco ih,
tui kum sungah milai 12 rori in a thih phah thlang.  Kan dung kum
hnakin double rori in mithi hi an karh a si.
Hi natnak hin tui May thla tiang hi 7,200 rori a buai ter thlang ih
12 an thi thlang.  Kan dung kum khal ah mi  7 an thi zo, kan
harhdamnak hrang kan ralrin a tul zet  tiah natnak control tu
department  hruaitu Thawat Suntra Jarn cun a phuang a si.

Miss Universe Pageant Bangkok ah…

Kan hmai May 31ni ah khin, Miss Universe Pageant cu Bangkok khawpi
ah neih a si dingih, Leitlun ram hrekkhat ihsin fala mawi tete pawl
khal an rak thleng khawm rero zo. Zuk kan tarlanmi pawl khal hi
Poland, Panama, Paraguaay le Philippine ram aiawh ih a hril suah mi
fala mawi pawl an si.

Levy pe hrihlo hrangah May 20 khi..

Malaysia cozahpi hnenah Levy pe hrihlo boss pawl hrangah cozah cun
May 20 khi ni netabik ah a ruat sak.  May 20 hlan ih an pelo a si
ahcun, Illegal pawl hna tuanter vek ih pawm an si dingih, dan vek ih
kuat ter an si ding.
Immigration Department enforcment director Datuk Ishak Mohamad cun,
Malaysia ah hin Indonesia mi hlawhaw 5,662 an um laiih, cupawl lakah
920 lawng in Levy an kua lai a ti. Constructon Levy cu 1,200 a siih,
sector cu 1,600 a si.  May 20 ih an pek theilo ah cun nikhat ah RM 30
zel karh a si ding, thla khat an tlai ah cun hnatuantu pakhat ah RM
3,000 rori kuan ter ding an si.

Kum 9 nauhak, a pa le nau cawmtu cu?

Yeoh Lay Hoon, kum kua nute hin a nau kum limi te le a pa cancer
natnak vei hrangah tlawng ca zir phah in hna a tuan theu.  An ei le
inn ding hmuah hmuah a parah um in a thei aw ih, kum sau nawn a mah
ten a rak tang zo.
A nu hin a nau a pian hnu reilote ah a tlanhlo san ih, a pa, kum 54,
hin kan dung zarh hnih ihsin cacer natnak a ngah bet.
?Ka nu ngai nak can khal ka neilo, ka nu in intlansan pek hrawng ah
cun ka tap rero theu nan, tucu hnatuan in ka buai thei tuk ih, can
khal ka daihaw lo? tiah hi nauhak nute hin thusuhnak cu a let. Lay
Hoon hi kum ngami a si ah a nu cun a tlan san a si. Lay Hoon tei pafa
za cu tu ahhin MCA building ah free in an um ih, a pa hin a rak cawm
theu nan, vansiat a tawn tikah, Hoon cun, ?kan harsatnak hmuah hmuah
hi, kei mah te ih phurh dingah ka rak ruat?a  ti.
Ka nui thuhla cu ziang hman rel ding ka theilo, Johor ah a um ti
lawng ka thei. Ca tla in kuat theu nan, a address a ngan dah silo
contact nak ding ka theilo. Ka pa in thi a luak ih ka ngaih a tha
nawnlo, tiah a thin harnak a phuang.
Hi nauhak nu tei tawnmi hi Malaysia thuthang ca ah suah a si veten,
bawmnak paisa hmun hran hran ihsin a lut ih, RM 10,000 hrawng  a suak
zo.  A tlwngca zirh tu nu cun paisa pawl cu bank ah ret dingin le
fimkhur ten hmang dingin a cah.
Malaysia thuthangca cun Lay Hoon ih nu khal a fale ruat tal ih kir
sal ding ih an beisei thu an tar lang.  Hi nute hi  zangfah tu tam
zet a nei ih, a nukhua a mah te ih pal tlang a tummi cu, ?In bawm
duhtu tampi an rak um?tiah a lungawi thu tla a phuang suak.
Bawmnak pe duh kanum ahcun 04-6468808 ah contact theih a siih,
bawmnak paisa pawlhi MCA division service le Bayan Bayu Lion pawl in
tuanvo an la ding. Bayan Bayu Lion Club president Goh Eng Hoo cun RM
3,000 a hlu hngal ih, sumpai lutmi pawl khal a mah rori in zohfelsak
a tum a si.  Malaysia thuthangca The Star le Tuluk thuthagca tamnawn
khalin hi nute ih thuhla hi rampum ah an tlangzar a si.

Bird-Flu hrangah Rul a tha

Tulai ih natnak tihnung zet a simi Bird-flu, arpul natnak hrangah
rul a tha ti thusuak ruangah Malaysia a cun rul pawl in khua eeng an
hmu thei nawn lo.  Malay pawl cun an hmuh hmai sak sak cu an that ih
kilgram 1 ah RM 40 or 50 in an zuar. Sira Habibu cun a hlanah cun
nikhat ah RM 300 man tla ka kei thei nan tucu rul a mal deuh deu ih
tlunah a man a tla deuh ih, 100 hrawng lawng kan hlawh thei a ti.
Tucu kg. khat ah 16 lawng a si.
Rul hi ar khawi pawlin, an ar pawl an eiter ih, natnak an luat deuh
an ti.  Curuangah Malay pawl cun hram lakah feh in a kua rori an lai
theu( a par zuk ). Curuangah rul cuk khal an tuar tam tuk ih, tucu
rul kaih siangnak licences tiang in an tuah sak.  Vietnam ram khalah
a liam ciami ni 22 hnu lam tuini tiang hi natnak thar hi hmuh a silo,
an lung a awi zet.

Biblical Art Museum thar awn asi zo!!

Biblical Art Museum thar, America rampi khal ih um hmaisabik a simi
cu kan dung May 12 ah an awng thar. Hi Museum awng ding hin 1997 kum
ihsin tawlrel an rak thwk zo ih, US$ 3million rori cem ih sak a si.
Hi in thar ah hin mipi hmuh theih dingin Bible hmaisa pawl le Bible
thawn a pehtlaimi khuahlan lai ca an hmhsuah mi hmuah hmuah khal ret
thluh ding a si. Hi inpi hi tefsin pawl hrangah le Leitlun mipi US
paltu hmuah hmuah hmuh dingah, Krih betu ram kan si ti a lanternak a
si.

Cannes Film Kutpi lamah…

Kan hmaizarh tlawngkai nithum ni ihsin a vei 58th nak Leitlun
zohnuam kutpi ( International Cannes Films Festival ) cu French ram
ah tuah a si ding. Cutawk ih laksawng ngah beisei in International
Film Star hminthang pawl, fala mawi pawl cun French ram lam an pan
rero zo. World Miss lukhuh hman rak khuh dahtu India fala mawi
Aishwarya Rai ( a par zuk ) rori khal laksawng ngahloh phang in a pok
suak zo.  International Cannes Film festival ah hin kan nih Laimi
pawl teh ziangtik kan tel thei ding ti tla hi thlacamnak ah telh phah
phah a tha kan ti maw? Ziang kimah thang vivo tum uh si! Tui kum Film
kutpi ih laksawng ngah tu pawl cu kan rak zoh a si ke cu.
Serh tuumnak si dawh tihnung!!
Tulai mipa tampi cun an serh tum ter deuh duh ah sii phun phun hmang
in le lamzi phun phun hawl in a thup ten an cangvai theu.  Ahleice in
Thai mipa pawl lakah serh rori ih tumternak sii dawt an tam tuk
thlang.
Thai hardamnak lam tuanvo neitu pawl cun, serh ih sii dawh hin mipa
ci tiang a hlo ter thei, ralrinding tiah thu an suah. Thai tlerawl
pawl cun an serh ah Olive Oile lole zuu phun phun tla an dawt theu.
#25556;an fanau pawl hin serh ih sii dawh a thalo ti an vawn theih hi
cun khua a tlai man theu? tiah Thai hardamnak  lam ih lubik Chatri
Banchauni cun a phuang.

Singlish or English

Letlun ram tampi ah mirang tawng a karh rero nan, kan mai tawng
thluk in mirang tawng cu kan rak bet ih ka rak namnuai rero cu  a si
bik hi.  Malaysia le Singapore ih English hmanmi hi a hluar cuang a
bang.
Kan dung zarh ah Singapore Prime Minister rori in an ram sungah
mirang tawng hman hman te ih an tawnglo ih, mirang tawng an tawng
tinten..Laa..le..Lor.. an rawi ring ring theu mihin International
level in an sinak a niamter thei thua phuang.
Curuangah Singapore ih mirang tawng..Laa.. rawi pawl cu Singlish
tiih kawh asi ih, Malaysia khalah Manglish thotho hman tam asi.
Ahleice in Singapore PM cun, tlawng zirhtu pawl ralring ding in a
fawrhfial ih, mipi khal in tawng cengmang le thaten tawng lawlaw ding
a ti.

Tuluk nuanu upabik a thi

Kan dung tlawngkai inga niih China post in a suah danah, Chiana ih
nunau upabik, leitlun khalah upabik a si thei men an timi nu cun kum
119 mi siin a thih thu an suah.
Li Cairong hi China saklam ih um a siih, Nov 12, 1885 kumah a suak
ih, kan dung zarh May 10, 2005  niah a thi.

Norway fala tlangval pawl.. May thla..!!

Norway fala le tlangval pawl hrangah cun May 1 – 17 tiang hi an
nawmbik can le mak tara ih sumpai an hman thla a si. An graduate thla
a siih, kum ti himi thla hicun fala tlangval tamsawn cun an tlawng
cawlh nak party phun phun an tuah ih, Beer le Wine  zuu thawn, sex
hmang dah hrihlo pawl hrang khal ah hngah hlap um zetmi thla a si.
Tui kum ah khal hin Upscale Baerum High School tlawng ta mi 28 ( a
sir zuk ) lawng hman in an ram paisa 800,000 kroner rori an hmang
suak leh zo a si.
Hi May thla ah hin nunau hrekkhat cun an duh thu in tlangval pawl
thawn nuam an leng ih duh tawk ih sex an hman lai ah, nunau hrekkhat
cu pawngsual rak tawng khal an um.  May 1- 17 tiang hi cu Norway fala
tlangval pawl hrang ah cun, an birth day a si bik. Mak danglam tak
tak ih ceiaw le  tlang khal hmuh ding an um theu.
Motor accdent khal a tam in kumtin mithi khal an um theu. Ahleice in
hi kut hi Norway fala tlangval pawl cun sex hmannak kutpi tiah an
neih deuh a si hmang.

10 million..South East Asia mino hna  neilo

Asia ram pumpi ih hna neilo mino pawl hmun thum then hmun khat cu
South East Asia ah an um tiah United Nation Survey cun an phuang.UN
Economic le Social lam tuanvo latu pawl ih hmuh dan cun Asia ram
pumpi ah hnatuan neilo kum 15-24 karlak mi 38million an um ti a si.
South East Asia ah million 10 an um tiah the Strait Time in a
phuang. Ho Kong Chong, sociologist cun Asia ih hna neilo tam hi,
tlawng kailo cathiamlo tam ruangah a siih, a hleice in Philippine le
Indonesia ah a hluar a ti.

(Minung sihnak ih thil pawimawh pakhat cu TAWNGKAM khat hi a si ve
ding.)

    VE Day Russia ah..

Kan dung May 9, tlawngkai nikhat ni ah Russia cun Leitlun ralpi II
tawpni campha a vei 60th nak cu urhsun zet le sunglawi zet in an
hmang.  Hi VE Day ah hin leitlun ram hruaitu pawl tampi in an telpi
ih, Bush tei nupa, Tuluk President le leitlun hruaitu dang pawl in an
telpi.
Ralpi II nak laiah Soviet mipi 27million rori an rak thi. Chechen
Rebel pawl ruangah security stric tak ih ret a siih, khawpi kiltin an
kilven nak ti thep thep ih ret.
Putin cun  hiti vek ih Nazi duhlotu ram US, Japan, le Europes ram
hruaitu pawl in an telpi tikah lungawi thu a sim ih, Russia hin ziang
tik hmanah kan lo hngilh dahlo tiang tiah mipi hmai ah aphuang.
Himi ni ah hin Russia flag sen cu Jet in van sang ah an zampi ih,
nzi  neh  sinak ni cu sunglawi zetin an hmang.  Putin cun, tui hnu cu
cold war le civil war, ziangvek doawknak hman um nawnlo hram ding in
a duh thu a phuang.
Leitlun hruaitu dang pawl khalin Russia ram cangvaih dan parah an
upat nak a lanter ih, hitivek ih lungrualnak lan suah ter vivo dingin
thu an rel tlang aw hai a si.

Theihkaunak

                             kan mizia

Kristian 100% ti aw, a lem men ih X`tian; Ramthim lam ih thinlung
nei,mah le sungkua thim tuk law law; Kan tha/fel ding a si tii sim
sim si,nun ah zianghman si si lo; Biakin ah zumtu dik ngai vek ih
lang ter, leng lam ah ziang si fawn lo; Mi hmuh ih fel vek ih lang,an
um loh ih zangzee leh em em; kan sih hi.
Pathian thu hnak ih hnam felling nei sawn; Tawng dang hmang leh kan
unau hnam dang pawl hmuh suam mi; Thinlung kau lo, thei kau lo si duh
si lo;Mi  thatnak hnak in an siat nak thlen duh sawn;  Mah hlawknak
ding a sih ah cun Bawi Jesuh khal zuar duh men; Leng lam ih mitha,
sung lam ih ziang si lo, zarhpi zing ih khawm lo duh lo, zan lam ih
ZU in loh pawi ti leh em em si; Zan tin ih zu in, zu ngawl vei  si lo
kan sih hi. Pathian thu hnak in hnam le Politic lam ih hnavang sawn;
a tawng duhdawt tuk si, ziang hman thiam fawn si lo; Thlarau hlo hnak
in hnam hlo vei sawn; hnam hmasawm nak dik tawlrel ngai ngai si lo.
Pathian hnak in UN  zum sawn; Ram dang fehtheihnak ding a sih ah cun
Kohran Upa khal in raltha zet ih Jesuh hming in thuphan per duh sawn
kan si.
  Hi hi kan sihnak ciau a si ih hi tawk ihsin nun tha le      mawi
kan cawng pei uh. Cu len ka Lai Nun Mawi hi a mawi sin sin ding.

TV- Internet ih khum hmaisakbikmi.

Malaysia ram ah TV, Internet ah nzai 24 sung rori zoh theih ding ih
khum hmaisabik tu cu ntv 7 pawl an si.  Kan dung May 13 niah TV7
station pawl cun Intrnet sungah an programmee hmuah hmuah an thun ( a
par zuk ) ih, Malaysia ih TV programmee tuanvo latu hmuahhmuah lakah
hmaisabik an si.
Selangor Mentert Bresar datuk Seri Dr Mohd Khir Toyo cun, hi thil
hin Internet hmang tu khal a karh ter ding ti a zum thu thawn a
nemnghet nasa.

Saddam in a thuanthu ngan tum

Saddam Hussein, Iraq Emperor hlun cun Iraq thawng inn sungah a can a
hmang rero. A nauhak laio ihsin, Egypt ah sal ih a tan lai thu, Iran
le Kuwat a do lai thu, a dam lai thuanthu ngan a tum nasa.  Thawng
insung ihsin a thuhla rel ding a hngak ih, a thuhla hi Iraq cozah
thar in a rel ding  a si.  Cui thawnginn sung ihsin a si, hi ca hi
ngan a tum.

Malaysia Prime Minister khualtlawng..

Malaysia Prime Minister Datuk Seri abdulla ahmad Badawi cun Iran
lamah official khual tlawnnak a thawk zik.  Kan hmai tlwngkai nihnih
in tlawngkai ninga tiang a tlawng ding.  Tuitum hi Iran a veikhat pal
nak ding a si ih, Iran sawmnak vek ih feh ding a si.
N. Kore hin Nukes 6 an nei mawsi?
North Korea hin Neuclear paruk rori nei in International atomic
Energy Agency pawl cun an phuang.  IAEA Chief Mohamed ElBaradei cun
kan dung May 13 ah a phuang.

Palestine le Israel lungruallo

Kan dung zarh ah Palestine le Israel cun thawng tla pawl suah ding
thu ah meeting nak an nei nan,lungruallo nak in an meeting an bang.
Sharon cun, Palestine militent group in nan kut nan sup hlan cu,
thawng tla pawl hi kan suah men en lo ding tiah Palestine pawl cu a
hro hai.

Spain Prince nau a pai

Spain lal fanu cun nau a pai ih kan hmai November thla ah a hrin
beisei a si tiah Spain lalinn cun thu an suah.  Prince le australia
princes tei nupa hin fapa duhum zet te hmuh hngakhlap zet in nau an
pai thu an phuang ih, an nih hi kan dung kum May 22 niih neiaw an si.

Mawtaw a hlawh suak rori!!

Malaysia thlengzo tu cun Siti Nurhaliza theilo tu le hmu dahlo tu
kan um a zum umlo. Hlasak lam rel tin ten Siti hi Malaysia ah cun an
hngawng rumnak bikle an reltam pawl a si.
May 13, kan dung tlawngkai ninga niah mawtaw RM 15,000 man le sui
thi RM 150,000 thawn inn a tlung riai.  A mai nuam ti zawng bik tuan
le si fawn, pum cawmnak le si fawn…ngaisan a hlawh nasa.
Siti cun 2004 sung ih Artist hmin larbik laksawng pakhatnak a dawng
ih, ABPBH Naza group pawl in hi mawtaw ( a par zuk ) Kia Optima 2.0
hi laksawng ah an then ih, culawng siloin Rafflesia The Pearl company
in sui thi RM 150,000 man an presented bet a si.
Malaysia ram sungih mi lar hmin nei hlir 17 an hril suak ih, vote
230,000 lakah Siti hin 110,585 a ngah rori a si. Top actor Rosyam in
a pahnihnak a co ih, Saiful apek in pathumnak a dawng.  Siti hin
tuitum hi rampi huap ih laksawng a vei  6 dawnnak a si ih, mawtaw
khal a vei hnih dawnnak a si.2001 ah Proton Waja a rak dawng zo.
Siti hin mi larbik lakawng lawng silo in ABPH 2004 hlasak thiam lam
ih larbik laksawng RM 30,000 khal a dawng cih a si. Pahnihnak ngahtu
le pathumnak ngahtu hin RM 3,000 veve an ngah ih group ih laksawng
ngah pawl in RM 5,000 an ngah.

Kum 6 nauhak, inn floor 5nak ihsin tla…

Thil mak ve tak cu a si?  Kan dung tlawngkai nihnih ni ah nauhak kum
6 nute cu, an inn that 5 nak ( a sir zuk ) ihsin a tla ih, a thilo.
KL khawsung, Jalan Tun Razak ah a si. KL siizungpi ah an ret ih, a ke
khat lam a kiak ih a hngawng tla a siatsuah.Asinan, siizung sung
khalah duh tawk in a tawng rero a harh vang nasa.  Siibawi pawl in a
sunglam checking an tuah thluh tikah a OK thluh. Siibawi le nurses
pawl hrang ah cun hi nauhakte hi mangbangza a si ko.
A pa rori khal in, ?ka fanu hi Pathian in a hum,a nunnak a zuahsak
hrih a si?a tiah a lungawthu a than nasa.
Hi nauhak nute, Nurafiza hin a u nu ih tlawng feh cu sangkate in a
vawn cuan ih, balance aw thei nawnlo cun hnuai lam cun a hip tla a
sibik.

LEKNAK LAM

In kuat zik maw?

Kan dung zarh ih kan sim zo vek in Champins League Final May 25 ah
Liverpool vs AC Milan lek ding kha na thei lai maw? Leknak lam thaw
pawl cun sim loin kan um thei nawn lo a sih hi. Zosi neh ding? ti mi
thu hi a awn tam nasa thlang. Curuang ah cun Hruaitu hin neh ding
zuamawknak kan nei ve kei, correct answer ngah mi cu Hruaitu hin
laksawng kan lo pe ve ding.  Kuat dan ding le ngantu zumnak thu cu:
     1. AC Milan 2 – 1 Liverpool
     2. Svchenko   +   Luis Garcia
         KaKa
     3. Man of the match : Stven Gerrard
Hi pathum hin Hruaitu contact ah hin in kuat uh. 3 hin mark a nei
thluh ding. A zate sim dik tam bik mi kha laksawng ngah ding mi a si.
Tu ihsin mi hrekkhat cun in sim zo. Ni 24 tiang kan hawng ding. Na
tlai pang kei. Leknak ding  kha Turkey ram Istanbul ah a si ding tih
kha rak nghilh hlah aw…

Na ruat theinak ding ah thu mal te

Club tum le hmingthang an si. Tu an lek dan kan zoh ah cun Liverpool
hi Club tum thawn an lek le an cang tha thei. An ram leknak standing
ah cun 5- nak ah an um ih tu hi an champions a sih ah cun Nakum ah
champions League an an lut leh thei ding. Cu ruang ah neh teng2 ih
lek an tum. Milan khal hi kan dungteah Juve an neh loh ruangah 2-nak
an si men, neh lo cu an tum ve lo.Champions hi an tumtah nak khal a
si. Kan dung kha an cang tha lo deuh. Hmanseh, Milan vek ih teamwork
nei leh cang tha hi club a tam lo ding.

Rio le Roo US feh lo ding

MU pahnih Rio le Roo hi May 28 Chicago ih an feh nak ding ah an feh
lo ding tih thu England Boss cun nithum ni ah a sim. Rio hi a khuk a
ti na deuh ih Rooney hi a bang thlang tuk ih cawl ngah rih selah a
ti.Kum khat sung a lek leh ah cun hi hnak ih tha hin a cang lai ding
ti Eriksson cuna sim.

Shearer  Manager ding ah

Newcastle chairman F Shepherd cun Shearer (34) hi manager ding ah a
duh thu a sim. Kum khat lawng a sih lai ding ih coaching role in a
hruai ding ih Souness thleng ding ah a ti. Greame cun ka suah hnu ah
Alan hi a celh kei, hmanseh, tuah cun kei ka um lai a ti ve. Alan
Shearer hi England Captain leh mithian hming dai rih lo a si.

Chelsea laksawng an ngah

Kan dung ah laksawng pakhat an ngah zo ih Premier League then hlan
ah laksawng an rak lak cia zo. Tuah hin p.94 an si zo. A sinan, kan
dung ih Liverpool an neh loh ruang ih Champions League an kai thei lo
cu pawi an ti zet. Mourinho cun lakawng hmuah2 hi lak thluh a tum
thawn cun a cang thei lo a si. An neh thei ih pahnih an lak ding cu a
theih cia, pathumnak tiang in la selah cu… ziang ti an trawng
ding….
Mourinho le a nau pawl cun lak sawng an ngah mi thawn lungawi nak
tampi thawn an au riai a si.

Pele le Robinho

Kan sim cia vek in King of Football Pele cu a thiam nak hi lei
tlunah  a dai thei lo.Amah dung ra thlun tu ding vek ih a mah roriin
a sim mi cu Robinho hi a si. Santos Club ah a um. Brazilian squard ah
khal hril a si .

Ronaldo le cu an thitawsal zik lo

Brazil le Real Madrid striker Ronaldo cu kan dung thla thum hnu lam
ah a nupi ding Daniella Cicarelli thawn hamnak (engagement) Feb,14 ah
700,000 euros cem in an tuah. Asinan, Footballer Ronaldo le TV
presenter Cicarelli cun thit le lo ding in lungrual ten (khat lam
zuk) thu an sim sal. A nupi maisa Domingues thawn hin fa pakhat
Ronald neiin 1999 ah an thit a si. Cu mi thawn cun an remsal leh zing
a bang.

ROMARIO ZIANG A BANG?

  Kum 2004 World Cup nehtu, Brazil super star Romario cu a kum upat
deuh thlang ruangah Brazil hrangah sit thei nawn lo in, kan dung nai
te ah Brazil international team cu a cawlh san zo nan, a bawhlung
thiamnak le a hminthatnak cu a hloral thei hrih cuang lo.
Kan dung tlawngkai nili ni ih beach world cup ( Tipi kap bawhlung
sitnak ) ah a ram mi pi pawl hrang ah goal thum rori a sitlut sal ih,
an sit pi mi cu neh in semi an thleng ban sal a si.

Hnih hi hlimnak

Ka khawp thlang

Tlangval pakhat cun nupi a nei ve ih,
zan khat nak cu minung sih dan kel in an um ve hai.
A nupi cu zing pitah a tho ih a pasal tohkham par ih um lai cu Buh le
sa a vung pe.
A pasal cun #25543;uat,,,ziang kim hi ka khawp hnek hnek thlang a sih
hi…  (ha…ha..ha…)

——————
Hlimnak maw…
Khaw pakhat ah Kohhran pakhat hi hlimlamnak thlarau co an tam nawn ih
an khawm tinten an lam ring ring.
Nu pakhat cu…aih-aih-aih…tiin a tleng awzawk rero.Rei lo teah cun
he..he..he. tiin rei nawn a tlu. Thawhsalcan a umnawn lo tik ah mipi
pawl cun #25594;hau?thiangthlarau a va co tha awm ve tiin an upat
zet. Nu pakhat a vung feh ih a hna kiang te ah cun ?..a si lo– ka
ngal ka khawng ngah sawn a si? hu hu hu

@@@@@

Fala pakhat cu a tlangval hnen ah
#25567;uzan kan rawlhmeh cu a thak tuk i…
(Tlangval) Na hiat mai lo sawm?????
========================
Ca  kuat

To.
L.C.F hruaitu pawl, a hmaisa ah Bawi Krih hmin in Penang ih um kan
Falam mi pawl in cibai kan lo buk.
Thuhla :  Hruaitu thuthangca kan ngah dan.
A tlun lam ih thuhla thwn pehparawk in Hruaitu thuthangca in rak
kuatmi a voi hnih ( 2 ) in thaten kan rak ngah thei ih kan lungawi
zet. Pu No Than Kap ih #25587;w Falam?timi cauk tla kan rak ngah, kan
rak siar siau ih thazang kan rak ngah zet.
Hivek ih mi khua le ram ah kan mah falam tawng te ih ca kan rak siar
ngah cu ka lung a awi hleice. A uar tla kan uaraw zet.  Hitivek ih a
tawlrel tu L.C.F. upa pawl parah Pinang ih um kan Falam mi pawl in
nan parah tampi lungawinak kan nei a si ti kan lo theih ter.
Hruaitu kan ngah dan:
Vei khat nak…Uk ruk……..         18
Vei hnih nak…Uk ruk………         18
Aw Falam…….Uk nga…             20
                56
Aw Falam lakbet ding mi ( 5 ).20
    76
Bawi Krih ah,
Pinang Falam Unau za.

Siartu hmuah hmuah nan zaten Mangtha/ Suntha Uh.
Vol. 72 in a lo hmuak. Dam ten kan tawng leh ding nia.

Sports contact: vl_bawithang@…

Comments

comments

Comments

%d bloggers like this: