Hruaitu Issue 69

HRUAITU ZARHTIN THUTHANG

Vol. 69

17April, 2005

Kan mithiam pawl kan that rero a si lo maw ?

By. Richard Emmanuel

Casiartu duhdawtmi u le nau pawl, hi thupi ka rawn tarlanmi hi nan
rak ruat dah ve maw? Malaysia kan Laimi pawl dinhmun ka zoh rero tik
ah result ka ngahmi cu, ” kan mithiam pawl kan that rero a si lo
maw?” timi hi a si.

Hi cahram a rawn suahnak based cu kan miphun hrang ih hnatuantu tiah
kan ngaisan zetmi le kan upat zetmi pawl le kaihhruai members mipi
pawl karlak ih thil thleng rero mi ruangah a si. A hleicein Malaysia
kan thlen tikah Laimi hmuah hmuah ih kan buaipibikmi le thupibik
pakhat ih kan retmi cu Refugee awng ih ram thasawn ih feh a si. RSD
awngzo Lainu le Lai pai hrang ah cun nupi pasal hawl hman hi, furlai
ih cangai khawrh vek in hlawhsam ti a um dahlo an ti.

Cumi lamzin tha Pathian in Laimi pawl hrang in awnsak laifang ah kan
mithiam pawl hnen ih lungawinak kan lanter dan hi ” Duhdawtnak ngai
ngai a si maw” ti hi kan checkaw dah maw? Falam miphun aiawh in UN
zungah tawng lettu pa hnih thum te lawng kan nei.

UN cun nan miphun pawl thu umdan sim theh uh la zung an rawn hlanah
examnak rak tuahpi thluh uh tiah hlawh pek in Interpreters pawl hi an
fial hrim hrim lo. An hna ( job ) cu zung vathlen tik ih mirang tawng
thiamlo pawl tawng rak leh sak lawng a si ko. Asihman nan, mai
miphunpi pawl UN exam ih an sunding phang ah theitawp suah ih heh le
hnik tiah an mai hna leng ah, zawi hlawh peklo ih le zawi fiallo in
thu umdan hmuah hmuah in sim ih in bawm theu, a lungawi um zet. Kan
miphun hrang khalah kan hlawkpi nasa. Mipi pawl khalin an thatnak
parah lungawi hna thiam in, kan tithei tawk in kan lungawinak kan
lanter theu.

Asinan, duhdawtmi unau thaten vawn ruat ve hman! kan mitiam neihsun
te pawl ih in bawmnak parah lungawinak kan lanter dan ka zoh rero tik
ah thin a na a si. Hi kan miphun hrang ih tuantu pawl hi ” a rei hlan
ah Zuu ngawlvei ah kan suah thluh ding” ti hi falam mipi hin kan thei
aw maw??? Lungawi thu simnak ih zuu do teng teng hnak cun rawl
veikhat te do in, asilole an rawlman ah tin fang hnih thumte tla pe
sawn sehla an lungawi sawn lo ding maw? An mahte zuu man ah an va
hmang kher kei maw?

Ziang khal a vasile, duhdawtnak ruang ih kan ausuahpimi thil hi ziang
ruangah a si ti hi kan ruat tlang ciau kei uh!!! Kan tawnglettu pawl
hin kan thanatnak ding ruatih in bawm vek in kan nih khal an hrang ih
thatnak kan ruat ve lo ding maw? Zuu do cun an hrangah thatnak maw a
suah ter siatnak? Laimi za tampi Malaysia ah kan thleng zo. Pakhat
ciar in veihnih khat tlacu a pawilo tiah tipi vivo sehla……. an ni
hrangah cun a ngawl vei ih Leitlun hman ding lawng a tang a si lo
maw? A cak sawn in caklo sawn bawmaw in kan Pathian le miphun hrang
hna tuan zuam tento uh si.

Cuitlunah, kan miphun hrang ih hna tuantu hmuah hmuah in kan theih
ring ring ding mi le kan cin riang ring dingmi cu…… ” miphun
aiawh ih hnatuan nakah ” tohkham le sinak hmin vekmen ah kan buailo a
thupi zet”. Miphun hrangah cun a tuanthei nu in tuan seh la a tuan
theipa in tuan ko se. Kan Laimi lak ih callang zet Dr. Than Bil Luai
in i sim dahmi cu,

” Ka hna hi in sawng tu um sehla ka duh tuk ee. Cawlh ka dille mipi
pawlin in siang dah fawn silo. Mai tohkham kel ih to ringing cu, mai
tawcat khal hmuhlo a awlte, tohkham ihsin kan vawn tum tikah, kan
caklonak pawl a lang viar viar ih, kan kaisal tik ah thasawn le
felfai sawn in hna kan tuan thei ding. Curuangah hruaitu dinhmun ih a
ding tu hmuah hmuah cun mah lawng lawng ih ziangkim kaih thluh tumlo
ding, a tuan theitu le a tuah theitu kan unau lak ih an um ahcun mai
tohkham khal kian tahrat in zapi thattlannak kha ruat sawn ding a si”
tiah in rak sim dah.

Ziangkhallole, zawnzaihnak le a phun phun ruangaih Malaysia ra thleng
tu Laimi kan zaten Pathin hnatuan kan si ti lungput tumbik ah ret in,
kan tuah theimi zawn le kan tuan theinak zawn ciau ah tanla vivo uh
si. Kan Felloship hruaitu pawl, kan pawlkawm tete hruaitu pawl, UN
lam ih tawng in lehsak tu pawl, kan Saya pawl le members pawl hmuah
hmuah, zawi theihpi lemlo ih Pathian le miphun hrang hna a tuan rero
tu pawl, kan tumtahmi lamzin pan in dingzet ih feh sin sin kan zuam
ciau pei uh.

Dawn khamtu le harnak kan tawnmi hi kan thazang sisawn seh la, kan
pawlkawm sungah kan miphun hrang ih hnatuantu kan neihsun tete
pawl “that rero tu silo ih cawisan tawnawk dan le bawmawk tawn dan ”
thiam in, hmailam ah ke karh vivo uhsi. Kan pipu nunphung lak khal ih
center dinhmun rak cotu ” Zuu” hi kan thisen in rak thancih khal
sehla, ziangkim parih thuneitu Bawi Krih cahnak rinsan in nehnak
phuang uh si. Zuu lang hnih khat vek menin kan zahumnak ( dignity) hi
zuar men lawn; Jesuh in kan hrang ziangkim a lakin in pe ih a lak ih
in bawm bang tukin, kan Pathian sunparnak ah duhdawtnak thawn kut
kaiaw in hna tuan tlang uh si!! Casiartu duhdawtmi unau, duhdawtnak
au aw hi thaten rak ruat ve awla, famkimlonak leitlun ih kan lenlai
ahhin famkimnak thawn a khatmi kan Pathian hnen pan sin sin uh si. ”
Kan

Mithiam pawl kan that rero a si lo maw?”

LUNGAWINAK

By: Za Sum Lian

Leilung tlunih mi phun hmuah hmuah in kan duh le kan hawl mi bik cu
Lungawinak hi a si ti selah a sual tuk lo ding. mi bang sa bang kan
sihah cun lungawi duh lo kan um lo.A sinan lungawinak ngah ngai ngai
cu kan um fawn lo.kan daw zet mi kan ngah thei ah cun lungawi dingin
kan zum ih hman selah duh dang kan nei sal la la. hla phuahtu pakhat
cun “leilung tlunah duhnak (lungawinak) a kim thei si lo’ a rak tiih
a thei fiang nasa ding.

A sile, leilung tlunah lungawinak ngai ngai a um lo a si le, ziang
hman tuah loih um men ding mawsi”,kan ti a si men thei. Ziang hman
tuah lo leh tuan lo tuan loih um men a siah cun kan mabak cu fahrah
zawn zaiih beidawn deuh deuh a si men. Kan nun sung cu lungawinah
hawl in tha le zang suah sin sin a tul asi.

Tu ah tla lungawinak ngah beiseiin mi ramah harsatnak tampi tuar in
kan um a si lo maw? Malaysia ram ah hin Laimi tam zet kan um thlang
ih kan duh thusam vek ih lungawi cu kan um lo ding. Mi hrek khat cu
an van tha ih hna tha le hlawh/lakhah tha an ngah a si men thei. An
hnak ih van tha deuh an zoh tik ah cun an daw ih an lungawi theu lo.
Cuvekin mi hrek le cun hna tha le hlawh tha kan ngah lo ruang ah kan
lungawi thei lo. Kan sihnak ah lungawi thei loin kan hnak ih sang le
hausa dinhmun kan zoh tik ah kan lungawi thei lo a si. Hi hi minung
mizia a si ih kan lungawi tum nak cu kan sih nak ih tlunah zel a si.

Lungawinak hi thil um lo leh ngah thei lo mi cu a si lo.a um nak le a
hawl dan kan thei lo ruang ah kan hlawhsam theu a rak si. Napoleon
ropi zet cun minung duhthusam,thil ziangkim hausak nak,ropinak,
lalnak a nei thluh. Hmansehlah, “ka nun cung in zarh khat hman
lungawinak ngai ngai ka hmu lo” a ti. Mitcaw,hnaset, tawng thei lo
fawn si lo Hellen Keller cun “mihring nun hi a va duh umin a va ropi
em! a ti thei a si.

a thlengaw thei laimi thil a si. Leilungtlun ih vur tambik nak `N’
latitute ih vur pawl cu tiral theh hai sehla, khua le ram a siat theh
thei. A siattheh thei dingmi ram pawl cu : Denmark rampi, London
khuapi, Dublin, Paris, Rome Khuapi le Helsinki pawl tla ana si. Cui
vur pawl a tiral ttheh le cu hi khua le ram pawl hi tipi hnuai ah an
um theh ding. Culawng silo in, hi vur pawl an tiral theh le cu
tipithuanthum tidai hi 65meters in a thang lian thei ding. Mah ah hin
a um sawn. greek mifim Epictetus le French mifim Montaigne pawl
cun “thil kan tawn miin mi tuah lungawi,mi tuah lungngai a si lo, kan
thil tawn mi kan pawm thiam le thiam loh thuah a si” an rak ti.

Thil kan thlir dan hin kan nun hi a tihlimin a tihrehum theu a rak
si. A thlir dan, a ngah dan kan thiam ah cun kan tlun ih thil thelng
hmuah2 hi lungawinak ding hlir a rak siih vansiatnak siatnak,harsat
kan tawn ruang ih lungawi ding a si lo.Hi vek hmuah hmuah hi thlai
cin nak ih leiro tuk mi tuahhnawng ding fur ti vek ah kan pawm thiam
ah cun ziang thlemnak thlipi hmanin kan nun ih lungawinak parmawi cun
a nuai se lo ding hrim2 ding.Cu cu kan Bible zirtir dan tla a si.

Leilungtlun ih Vur ttlang pawl tiral theh sehla ziang a bang ding?

Source : U Thein Lwin Reflected by : Biak Tin Ceu

Lei lung tlun ih vur ttlang pawl tiral ttheh sehla cu Artic le
Antarctic ih ummi leilung pawl le tlang pawl cu a thar vek in kan hmu
thei ttheh ding. Asinan, hmun le khua tampi cu cumi vurtlang a tiral
ruangah tipi thuanthum tidai pawl hmuah hmuah a tang ding ih, hmun
tampi cu tii nih a khuh theh ve ding. Tuhlan khal ah tipi thuanthum
sungih a ummi vurtlang tumtlang pawl ruangah tidai umdan a danglam
ciamco dah theu ih, tuihnu khalah

Pope John Paul II kha !!!

Kan dung zarh April 8, tlawngkai ningani ah Pope John Paul ih ruak cu
sunglawizet le maktara ih vuiliam a si. A kuang cu thing men men ih
tuah a siih, a kuang parah mithinghlim Mary hmin laktawi ” M” timi le
thing lamtah lawng a caung.Cui tlunah mi menmen pawl vek in lei
laitahrat in lei men men ah an phum bet. Leitlun pumah Catholic hi
1bilion hnak ih tam an um. Cutlun mipi tam hruaitu lubik vawn thi ih,
thing kuang men ih a ruak vui cu thil mak ve tak a si ko.

Asinan a damlai ah Pope khan soup le rawl simple te men men a ei theu
ih, thuamhnaw khal rawng kel te a hruk theu. Niam zet le tangdawr zet
in a nung theu ih, ” ka thih tikah lei men men in inphum uh” tiah
note a rak ngan te. A thih zik ih a tawngkam netabik cu ” Amen” ti a
si. Sangkate ihsin Peter Square ih mipi pungkhawm pawl cu thlawsuah
pe in ” A men” tiah a thlarau a thlah.

Pope John Paul ih thih tumhi tulai khawvel ah biaknak ruangih Leitlun
Lal, Prime Minister le President pawl an tawnawk khawm tambik tum
khal a si. …….ram ah pheicun, vansang ah an ram lantar sungih
Pope hmel cu nieng lakah an hmu. Hi Pope hi Muslim le Christian hrang
khalah siseh, ram khat le ram khat hranga khalah siseh daihnak
uarzetmi a siih, curuangah mihrekkhat cun daihnak lal tiin tla an ko.
Kan hmai April 18 niah Pope John Paul ih aiawh tu ding hrilnak neih
hngal a si ding ih, cardinal 115 in Pope thar an hril ding a si.

Penang ah Titawih puai hmang

Kan dung tlawngkai nithum niah Penang ih Burmise Buddist Temple ah an
kumthar lawm in ti an tawiaw nasa. Kawlrammi buddist pawl ih hohanak
in Tuluk Buddist pawl khal an cangvai nasa. An pipu danah cun ” Heppy
New Year” tiaw ih tidai kutte ih thehawk ( springkling ) hi an rak
ngaihhlut zetrmi a sinan, tulai santhar an cun pipe le backet pawl
hmang in a twih rori ih twihawk huho locun an di a riam nawnlo.
Kualalumpur khalah Maha rawldawr, Cherry rawldawr le Kawl rawl dawr
awng pawl cun rualpi pawl ei le inn thawn an do nasa. Kan Laimi pawl
khal ei le in lam ah tal cun va bawm ve keng tiah tan rakla tawk khal
an um hniai hni.

Bike le Mawtaw nawkkang

Kandung tlawngkai nithum niah Chreas, KL ih apartment Building
kiangah Motor Cycle 12 le mawtaw 4 cu danbawhpelh in an parked ih
thuneitu pawl cun an retnak hmun ciau ah meiin an nawk kang sak
ttheh. Hi a nawkkang tu pawl hi cozahpi khal in, ” mai tuanvo neh”,
tiah lungawi thu a sim a si.

Japan parah Tuluk le S.Korea thinheng

Leitlun ralpi II nak laiah Japan ralakap pawl in Asia mipi pawl an
rak palbet nak kha tuini tiang an Tuluk mipi le Korea pawl thinna a
dam in a dam thei him hrim lo. TUluk khawpi pakhat, Nanjing an ti
hmun hi Japan ralkap pawlin Tuluk nunau pawl an pawngsuanl tamnakbik
hmun a siih, cumi hngillonakah 1937 ah hi Cross ( vawrh lam zuk ) hi
an rak phun suak a si.

Hi khuapi hi Sanghai ihsin 200km a hlatnak ih um a siih, hi khawpi
lawng ah hin Japan ralkap cun Tuluk milai 300,000 lenglo cu that in
an rak sualpi a si. Himi thuhla thawn pehparaw in Japan hin Tuluk
hnenah ngaithiam dilnak cu a nei zo nan, ” hiti men cu a tawklo”,
tiah history zirhtu professor pakhat cun a phuang.

Cuvek thotho in Korea khal in ralpi II lai ih Japan pawl cangvaih dan
kha an hngilh thei vece lo. Japan serious takih hi thupawl an
ngaihtuah lo a siah cun, mipi thinheng hi ziangtluk in a alh suak
ding ti cu hmuh ban a si lo.

Britney Sears nau a pai….?

Leitlun hlasak thiam hminthang spear,23, cun nau a pai thu kan dung
tlawngkai nihnih ni ah leilun theih in a phuangaw. A pasal Kevin
federline thawn hin kan dung kumah mak danglam zet in an neiaw ih, `
kan fa hmaisabik hmel hmuh hngakhlapzet in nitin can kan hmang’, tiah
icon cun a phuang. Britney hi kan dung zarhah siizung kaiin a
checkedaw ih, nau a pai thu theih fiang a si. ` In ruattu le thla in
camsaktu hmuah hmuah hnenah tampi kan lungawi’, tiah spears tei nupa
cun Leitlun mipi pawl hnenah lungawi thu an than cih.

Tuluk ah 2005 World model hrilnak um ding

Tuisun zarpi ni ah hin Malaysia model contest neih a si ding ih,
pakhatnak laksawng ngahtu cun RM 5,000 a ngah ding. Tuitum ih final
kai ban ding hi fala mawi 10 hrilsuah an si zo. Pakhatnak a ngahtu
hin Tuluk ramah ih tuah ding 2005 Leitlun model hrilnak ah Malaysia
rampi aiawh in a feh ding ih, Tuluk ihsin a ra tlunnak air ticket
khal tumsak a si ding.

Malaysia nunau upabik a thi.

Malaysia nunau lakih kum tambik Lim Koo Chai cu kan dung tlawngkai
ninga April 16 4.15am ah, Tai Ping Siizungpi ah kum 114 mi siin a
thi. Kan dung thlathum liamhnu ah a kum 114 nak piancam a lawm.

Tui hnu kim 10 tal a nunlai zum a siih, ka cakvak nawnlo tuke a ti
khalah, natnak ngai ngai ziang hman a nei lo. July 5, 1891 ah a suak
ih fa pathum a nei. Tu 25 a nei ih, cu pawl cun fa 49 an nei, a tu
hnihnak pawl cun fa pali an nei bet.

UNHCR phi ding Pawl

Hmai zarh sung UN ih interview neih dingah a hnuai lam ih kan Falam
mi pawl hi a rang thei bikin Salai Eddy or Lailun ah zang fa ten rak
contact ding ah kan lo sawm.

Hming Serial no.

1.Thawng Lian Khum 857

2.Salai Josep Thian 953

3.New Kyaw Thu 969

4.Mang Lian 1001

5.Robert Cung Lian 1007

6.Uk Hre 1008

Serial no. 1500 hnuailam hmuahhmuah nan mah leh tik cu can thei ding
in in rak sut uh.

Zohman in tuah hrimhrim lo ding

UNHCR ih register tuah zamrang duh ruangah Laimi hmin in tuah lo in
hnam dang hmin in zo hman in tuah hrimhrim lo ding. Kan miphun
hrangah mualpho ningzah thlen tu ding a si. A phi kan lo theih a sile
CARC in a tul dandan ih zir in nan parah thuhla tawlrel a si ding.

Hruaitu thuthang cah duh hrang

KL ihsin a hlat nak ih um pawl in kan Hruaitu thuhtang ca a cah duh
tu nan um a sile Post in kan lo kuat thei. Salai Suite le Lailun ah
nan rak cah thei. Nan address kimcang ten in sim uhla, na umhmun ah
Leitlun thuthang na rak siar huahho mai ding. A mah lawngte Rm
fanghnih le post man cu na pek ve a tul pei cu.

CARC [ Chin Agape Refugee Centre]

LAI CHRISTIAN FELLOWSHIP

73 D, CANGKAT, BUKIT BINTANG (JALAN HICKS)

50200 Kuala Lumpur

CAN HMANNAK

March 17, 2005 11:00 am

Can kaitu Salai Biak Mang

Thuthangtha simtu Rev. Saw Ma Gay Gyi

Zapi hrang thlacam Salai Dar Lian Mang

Awnmawi tumtu Saya Tiam

Thuthan

April 14, 2005 khawm can hmang tu ding pawl

Can kai tu Salai Lal Ruat Thang

Zapi hrang thlacam Salai Za Biak Sui

Thuthangtha sim Rev. Khoi Lam Thang

Thawhhlawm ap Nu Zungte

Solo Pa Bawi

Awn Mawi tumtu Saya Hrang Tiam

Hlarem Puchung

Kan dungzarh thawn pehpar aw in

Khawm can Khawmtu Thawhhlawm Mithar

Zarhpi zing 172 228.65 1

Zarhpi zan 31 28

Zarhte zan 34 41

Zarhpizing thlacam 9

Rawl ul thlacam –

Tlawngkai ni thum zan 28 17

Kawlram mi thataw, Klang ah..

Kawlram mi Nan Myint, 33 cun kan dung zarh ah a rualpi, Bai Yu, 30,
Kawl ram mi tho tho a that ih a tlan hlo.. Taman Mutiara Indah ah inn
an sang tlang ih zuu riin an sualaw a si hmang. Ba Yu ih hin a kawng
ah nam hliamhma pu ih, thisen suak tamtuk ruang ih thi a si. Nan
Myint hi Kualalumpur lam ih a tlan zum a siih, a hmu tu le theitu cun
Klang district Police station 03-33712222 ah report theih a si.
Kawlram mi pawl mi ram ah kan hmin a siat vivo lo nakding zuam tlang
a thupi zet na ti ve lo maw.

Paris inn kang ah milai 20 thi

Kan dung tlawngkai ninga niah Paris khuapi ih Hotel pakhat a kang
ciamco ih, milai 20 an thi. A thi pawl lakah 10 cu nauhak an si ih,
paruk cu meisa tuarlo in sangka ihsin an dawp ruangah thi an si.. Hi
thil thleng hi Peris khuapi ah kum 30 sungih a rapthlak bikmi
thilthleng a si. Hotel floor khatnak ih rawlsuannak ihsin meisa suak
thawk ih theih a si.

Mi hrekkhat, Hotel parlam ih um pawl cun an nun humhim nak ah an fale
rori sangkate in an hlawn tla hmutu an rak um hnuai hni. Mithi zat hi
a thang thei hrih men, an siaraw kim thei hrih lo. French president
Jacques khal in hi meisa hi an rampi tilungzur tu le kum 30 sungih
rapthlakbik a si thu a phuang.

Nauhak nunglai ih phum

India Poice pawl cun milai 80 rori nauhak a nunglai ih phumtu an si
tiah an kai, tin kandung tlawngkai nili thuthangca in a report. Hi
pawl hin an sakhuanak puaipi ` Festival of pit’ timi lawmnak ah an
fale cu nungcing rori in an phum hai a si.

President Musharraf in India ah Birth Certificate tuah

Pakistan President Musharraf cun tui week end hin India ah, a suahnak
certificate tuah ding in a ni thum sung a tlawng tum. Hi nithum sung
a tlawnnak ah hin a piannak khua New Delhi cun laksawng an rak pe
ding a si.

Japan huatu pawl in Koizumi vuinak tuah

S.Korea mipi hrekkhat, Japan rallai ih an tuarnak pawl thinna le
Japan in ralpi thuhla thawn pehparaw in a rorel dan ngailo tu pawl
cun kan dung zarh ah Japan Prime Minister Koizumi ih zuk thawn a
vuinak an tuah ciamco. S. Korea ih Japan embassy innpi hmai rori an
korea mi 27 cun mithi kuang a lawngmi zawnin a parah Japan PM Koizumi
ih zuk an tar ih, a vuinak an tuah. Hi pawl hi palik pawl in an dwan
kham thei a si.

Prince Harry in Computer test a awnglo

British throne prince Charles ih fapa nauhak sawn,20, cun Sandhurht
Army College ih basic computer test an neihnak ah a awnglo tiah Nitin
thuthangca in a phuang.

A saya pawl cu an mangbang theh ih, hi computer test ah hin e mai
kuat awkdan hrawng hrang lawng an sut ko nan, hi Britist lal tuanlai
dingmi hin camipuai a awnglo tikah an riaha sia in an mgang a bang
theh. Saya hmin nganlomi pheicun, ` Herry hin midang thluak pangai
vek kghal a neilo, a kimlo deuh a si’ tiah a phuang bet.

Vei 272 tuah sal aw.

S. Korea pawl ih motto cu ` a veikhat nak ih na hlawhtlinlo le, vei
272 tuah sal awla na hlawhtling ko ding’ ti hi a si. Mr. Seo Sang cun
a mawtaw mawn zir a awng theilo ih, license khal angah theilo.
Tlawngca a thiamlo ruangah lamzin dan tete pawl le a thei thei fawn
lo. Asinan, beidawnglo in kum tel rori a azir ih, fee lawng hmanah
US1,000 rori a cem. Vei 272 ka zir hnu ah ka awng sal ih duhtawkin
mawtaw ka mawng ngam thlang a ti. Kum 70 putar hman in Leitlun mipi
pawl a challenge a si cu.

Thawngtla 7,000 ngaidam an si riai

Morocco ih King Mohammed VI cun a serhtan puai tuahnak ah, an ram ih
thawngtla 7,000 rori an mawhnak ngaidam in thawng a suah ding thu kan
dung tlawngkainili niah thu a than. Cui an ngaithiammi pawl 692 cu
nauhak kum 20 mi ca zirlai hlir an si.

Malay le Indon tawng in BIBLE suah awilo

NECF, National Evangelical Christian Fellowship cun cozahpi in Malay
tawng le Indonesia tawng ih Bible lehlin an dawn thu ah an lungkimlo
nak thu an phuang. NECF Secretary-general Rev. Wong Kim Kong cun, hi
thusuahmihin kan ram hruaiawk dan a kalh ih, Thlaraulam dodalnak a si
ruanah a pawi zet. Biaknak ah freedom kan neihmi thawn a kalhaw ih,
mirang tawng thiamlo christian pawl hrangah a fairlo tuk tiah a
lungkimlo thu a than bet. Malay cozar in christian pawl in phit dan
kan hmuh vivo tikah napin thlacam kan tul a si.

Champion ding ih ka zum mi cu..

A mak a si.Sim thiam a har. Leknak lam kan tih mi hi. Zoh peih lo tu
hrang ah cun bawlung hi um lo hman selah pawi kan ti lo ding.Hmanseh
kan nih hnakin ram dang pawl hin at phah cingin an rak lawm a si.
Champion ding ah cun ziang ram, club saw na zum bik? Semi-final a si
zo.

Chelsea vs Liverpool

AC Milan vs PSV Eindhoven

England ram ve ve

England club pahnih Chelsea le Liverpool lekawk ding mi hi zoh an cak
um tuk thlang. Football history kan zoh cun Liverpool hi voi 4 an
Champion (1977-1984) zoih, Chelsea hi kum 50 dung lam ih an cang that
kum a si tih kan thei zo ding.An ni pahnih hi kan dung teah FA Cup
final an tawng zoih Chelsea hin an neh. Simifinal leg result kan zoh
cun Liverpool hin Juve hi 2-1 in an neh ih Chelsea hin Bayern hi 6-5
in an neh(1st-4-2; 2nd ah 3-2 in an neh lo nan, an kai tho). Hmanseh,
ball cu sim thiam a har a si. An cang dan hun zoh vivo cun Chelsea
hin an tum tah mi hi an neh tam sawn.Mi tam sawn zum nak cu Chelsea
hi a si men thei ti selah Liverpool fan pawl kha nan thin phang hlah
seh. April 26,27 le May 3,4 ah kan thei ding.

AC Milan le PSV

Nithum niah Milan pahnih lek kan zoh. Inter cun Milan an mikhual ih
can hmang cem loin 73` ah an bang. Inter fan pakhat cun bualrawn sung
ah meisa a deng lut(Page 19 zuk) ih 17` can um kha sit nawn loin UEFA
body cun Milan hi nehnak an co. Ziang ah tile 73` sungah Milan hin
goal khat an thun hman ih lek hmaisaah 2-0 in an neh thawn a si.So
lilo khal selah Inter hin an n neh a zum um loh sawn. Milan hin an
rinsan zet Shevchenko a ra kir zoih Crespo thawn hin an parah zumnak
tampi an nei. An defender pawl le an tha tih kan thei. Ziang khal
siseh PSV khal hin Milan tawng ding ah cun an tawk ve zet. Lyon thawn
Semi ah 2-2 draw an siih penalty ah 4-2 in an neh. Holland ram le
Italy ram a si zik ih mah hmun/ram ah an duh vek in an lek pi ding a
si. Milan hin neh nak an co thei a zum um sawn.

Hmaisa lam ih kan Bold mi pawl khi final kai ding ah cun mi tam tak
cun nan zum men thei. A sih le tu simi-final an theh veten Final ih
kai na theih hnuah Laksawng ngah ding mi cun in ram sim aw. Na sim
dik cun Hruaitu hin LAKSAWNG a lo pe ve ding. May 25 ah Final.

Owen in Lampard a upat

Real Madrid skriker Owen cun England a rual pi Chelsea midfielder
(pic) cu ” he vek ih Lampard that dan hi a mak a si” ti roriin a upat
zet. Bayern thawn ih goal 2 nak a thun tla kha ka mit hmuh ih goal
mawi bik a si a ti. Nehnak an co vivo a zum zet.

Mourinho cun Gerrard

Chelsea hin Roman Abramovich` 210 mil tangka hamngin Gerrard le
Wright-Phillips hi Mourinho cun lei a cak zet. Roi Ferdinand 30mil
record hi khum ding in lei khal a pawi ti lo.Shaun hi 20mil in a duh.
Wenger cun Shaun hi a pa um nak lam ah hruai a rak duh ve. Season
theh ah kan thei ding.

Real Madrid hin an lamzin an hmu leh

Real hi Leitlun mithiam umkhawm nak an sih tikah kan duh vek ih an
cang loh cun kan thin heng theu. Thu ngai a si. A thawk an tan tha lo
thei lo ih ne ta lam ah an cang tha sawn thlang ding a bang. Kan dung
ah Leader Barca thawn an lek ih kan mithiam 6 neih pawl hi an zaten
an cang tha.Goal an thun thluh a si men. Zidane le Ronaldo hin an
luin an ti goal ih “England dua” Beckham hin Owen duh vek ciah in
ball a pek,Owen cun a thelh lo nasa. Raul ih goal thun veten fan pawl
thawm nat dan kha nan thei ding. Ziang ah ti le midang pawl hin lar
ciam co hmanseh Madrid ah cun Raul hi “made in Madrid”a si hrim2. 4-2
in an neh. P.6 in Barca hi an sang.

Rooney hnak ih nauhak a um

Tu lai ah cun Rooney hi leknak lam ah cun a nauhak pawl a si ELP ah
recod a si.Hmanseh, amah hnak ih ni 71 i nau James Vaughan(pic) a ra
suak. Everton ih um ve tho a si. Kum 16 le ni 271 ah Palace lam ah
goal khat a thun ve. Record hmaisa James Milner cu 86 in a
khum.Rooney hi ni 71 a si. July 14 ah kum 17 a si ding. Rooney hin
zarhkhat ah 80,000 (Rm567,000) a ngah. Kan nih thlakhat salary ve
cu….he he.

Mirang in Football thu an lam malte

Kan mirang tong thiam ve le kan theih ve mi pawl lawng hi mirang cun
an hmang lo.An tong a siih an duh dan in an ko men.

Eg. Field hnak in Pitch or ground

Overtime hi Injury time or added

Referee hi man in blak

*Vawrh lam mi an hman khal le buai nawn hlah.Kan peh le ding.

Spanish Premier laga

>>Mon April 18

12:55am- Levente v Real Madrid

2:55am – Barcelona v Getafe

Italian Serie A

>>Sun,April 17

2.25am Roma v Reggina

8.55pm Juventus v Lecce

11:pm Siena v AC Milan

>>Thurs 21

2:25am Juventus Inter Milan

7:pm Palermo v Brescia

10:50pm Udinese v Livorno

ELP

>>Sun 17

12:10am Birmingham v Postmouth

12:pm Fulham v Man U

9:am Southamton v Aston villa

8:55pm Newcastle v Man U

>>Wed 22

2:55am Bolton v Fulham

>>Thus 23

2:55am Chelsea v Arsenal

2:30pm Tottenham vWest Browm

5:pm Norwich v Newcastle

12:pm Man City v Birmingham

2:55am Everton v Man U

12;pm Blackburn vCrystal Palace

HNIH HI HLiMNAK A SI

Pastor nupi pakhat cu

Pastor nupi pakhat cu, a pasal in ` kan Bible hi uk 66 kawm khawm mi
a siih,na theih zat a sang sang ten hun ngan hnik’ tiah a fial. Aih
ka thiamlo tiah a nupi cun a el rero nan, ngan reng reng aw tiah a
fial ruagah a vawn ngan ih, ` Mark, I Thessolonian, Genesis,
Revelation, Paul, Abraham, Philippi, Colote’…… hi hmuah lawng ka
thei thlang. Hlan laiah cun nauhak sunday school ka rak zirh ve nan
ka ngilh thluh zo a ti….A thei tam ve na sa..

Bush, Sexy lo tuk

Kan dung zarh ah Leitlun pum ih nunau 10,000 rori in President hi a
sexy maw sexy lo ti suhnak cu an sang ciau ih, a result cu `a sexy lo
tuk’ ti a si. Hi suhnak ah hin President cun mark a hmu lo lawng hman
silo in register ding hman ah an hiar lemlo a si hmang.

Ela

Damten Mangtha/ Suntha

(Visited 48 times, 1 visits today)

Comments

comments

Comments

%d bloggers like this: