Hruaitu Issue 58

Hruaitu weekly news

Vol. 58

Thufim hril khawm

                           By : Ngun Hlei Par

*  Kan tumtah vek ih thil a rawn canglo tikah Leilungpi sual ih puh
hnak in thlalang sungih kan hmuhmi, mai zuk sawn hi kutzung khih ih
sual puh sawn ding a si.

*  Kan hmailam can ah sunmang mawi sin sin kan neih thei nak ding
cun, a tu can ih sunmang sia kan tawnmi pawl parah tuarthei kan zuam
tento mi hi kan dam man pakhat a si.

*  Milai pawl ih nunnak hi ball pen pakhat  le cahnah vek a si.  An
mah pawl tello cun milai nun hi a famkim thei ngai ngai lo.  Hi pawl
hi milai pawl hrang a rinumbikmi le rualpi tha an si ihhleiah, milai
pawl thinlung sung ih harnak pawl khal damter tu an si.  Cuitlunah,
hi a thiang zetmi cahmai hin a par ih milai pawl lungthin kuainak le
thil ziangkim nganmi khal ning sianglo le mit hmai pan ten a rak
dawngsawng ih, milai pawl hrangah rinum zet in a rak khum theu.

   Minung pakhat ih sinak hman cu a umtudan, a thil tuahmi, a tlanlen
dan, thinlung, ruahnak le nitin ih a tuahmi thil hmuah hmuah hin a
fiang ter a si.

Plestinian President thar Mahmoud Abbas

     Kan dung te ih President thi mi Yesser Arafat thlengtu zing ding
in kan dung nipi niah vote an thlak ih, Jerusalem ih polling station
tum bik ah cun mi tam tak vote thlak an rem ti lo. Plestinian pawl
cun vote dik ngai keng in Israel pawl cun an siang lo tih thusim tu
pawl cun an sim.Jerusalem ih inhril zoh tu,US President hlun Jimmy
Carter khal in thil feh dan a hman lo deuh a si a ti ve.

     Arafat thleng tu ding ih an zum mi Prime Minister hlun Mahmoud
Abbas cu mi ngaih dan an lak khawm nak ah hin Democracy hruaitu
Mustafa Barghouti le candidate mi 5 khal cu a neh.

      Plestinian Authority President hrilnak ah hin vote nei mi 1.8
million an um.West Bank le Gaza Strip ih vote thlak ding in Israel
check point le lamzin dang dang khal feh an siang.

Inhril:   Israel in an ram an uk,Plestinian hril nak ah hin mi 6
candidate  an um. Hmanseh, hi mi ah hin Abbas hin vote 62.3% ngahin
President sih nak a co a si. Hi hril nak theh ve ten Israeli Prime
Minister Ariel Sharon cun lungawi thu a sim ih Bush khal in White
House ih rak tlawng ding in a ko ve.

         Tu ah cin Abbas hi President a si thlang ih a tlin hlan ih a
thu sim mi ¡§….kan ram hrang ah thil tha, ka  theih tawp in ka tuan
ding¡¨ ti a sim mi kha a ti ngah kem maw kan zoh kei cu..

Thailand cun Foreign hrang ah

      Thai cabinet cun Dec 26 ih siat nak tuar mi foreign pawl tlun
nak ding ah le business lam ih tlak niam nak lam ah 60billion baht
(RM5.8billion) cem a siang. 5.57billion baht(Rm539mill) fun hi minung
hlo mi hrang ah,240million baht(RM23.2mi) hi foriegn mi vanzamleng le
hotel free ding ah tih nihnih ni ah an puang.

Bush :  American President hmuah hmauh in Pathian  theih kan tul….

        US President George W. Bush cun kan dung tlawngkai nihnih
niah US president hmuah hmuah cun  Pathian thawn naiawk ring ring hi
an hna an tuan thei nak ding ih thil tul hmai sabik a si ti thu a
phuang.  America ram hi Pathian thawn a hla theilo mi ram kan siih, a
hleice in ram hruaitu pawl hin Pathian kan naih deuh deuh a tul a si
a ti.

        Bush cun, President pakhat ih hnatuan hin ram mipi pawl
biaknak lam ih ngaihsak le free ih Pathian an biak thei nak ding hi
kan ngai pawimawh a tul tih phuang in, America mipi pawl khal Pathian
lam hawi sal ding in a fawrh bet.  Bush tei sung hi an pupa pawl san
ihsin Methodist kawhhran ih um an si.

A Thei tu nan um maw?

      Pa Sang Nei Thang ( Zultu khua ) Maymyo um Nu Zing ih pasal cu
Ocober 2004 ah Malaysia a thleng ih Palik in an kai ti thu inn lam
sungkhat pawl in an thei. Cu mi hnulam cu ziangthu hman theih mi an
nei lo ruangah a thei tu nan um a sile Pa Run  Thuan Hre ph. 017 3264
292 ah rak sim dingah zangfah kan lo dil

             Lailun rawl dawr

      LCF  Biakinn hlun umnak ah Lailun  rawl dawr timi hmin in
Lairawl suan dan ih suan mi Laisuan ( A hleice in Vawksa lai suan) a
um rak pan ve awla rak bawm ve aw.

        Veikhat cu Mizo ram ah Mizo pa le Vaipa arti an zuar tlangih
mi hrek in vaipa ta an lei ih mi hrek khat in Mizo pa ta an lei.
Vaipa cun sumpai a hmuh mi cu vairam ah a kuat. Mizo le Mizo ram
hrangah a paisa a rak kir sal nawn lo. Mizopa cun a ngah mi sung
ihsin  Mizoram sung lila ah a hmang ih a paisa ngah mi cu an miphun
le an ram hrangah a hmang tangkai ti nak a si cu.  A thaw tuk law
law….He… he.. he…

Htun Ein Dra Bu concert ah sec`30 cawl

Academy a lak hnu, independent ni ah Live 2005 state-show Convension
Centre ih an neih nak ah Dec 26 ih siat nak thleng hi a tuar pi ve
tih theih ter nak ah nahak pali thawn meisa keng in sec`30  an
cawl.Hi ni ah hin Saw khu   Se ih ngan mi ¡§Di nih hmna¡¨ tih hi lung
kuai deuh maiin a sak.

     Jan 1 niah City FM kum thum kim nak Convension Centre ah an
hmang ih, cu tawk ih mi lar bik R Zany le Htun Ein Dra Bo te pahnih
hi an hril.A khawng tam tam bik mi cu  Po Ih San, modern ih lar bik
mi cu Moe Gyi le htun Ein Dra Bo hi an hril.

Karen raltlan pawl an kap

      Kawlram ralkap cozah le KNU pawl cun meithal puahaw lo dingih
an lungrual tlannak hi kum a kim zo nan, kahawknak fa te te hmuh ding
aum phah phah.  Kan dung January 11 niah Thai ramri ih Karen raltlan
pawl umnak cu kawl cozah ralkap pawl in an kap ih, thi zat lawngte
felfai zet ih theih a si hrihlo.  Kawl ralkap ruak 5 cu sarsuah a si
zo ih, 7 khal Karen pawl kut ah peaw in an um.

                        Source :  : Amyinthit

Leitlun Top Models pawl

      Kan dung tlawngkai nihnih niah Leitlun models zuamnak cu New
York khawpi ah neih a si.  Hi zuamnak ah hin Super model of the year
cu Brazil ram fala mawi Camila Finn ( a lai zuk ) hin a ngah riai.  A
pahnihnak cu Otilia Aionesei, Romania ram fala ( kehlam zuk ) in a
ngah ih, a pathumnak cu Ingrid Schram, Canada fala in a ngah.

Iraq ah WMD ralthuam hawl an bang

      US in Iraq do hlan ih a donak san a phuanbik mi, a bur bur ih
thih theinak ( Weapons of mass destruction ) ralthuam cu Iraq ram a
hmuh ding a um nawnlo tiah US official cun an beidawn san thu kan
dung tlwngkai nithum niah an phuang.  Hi ralthuam

tihnung hawl hi thuhlolak le hlawknak umlo a si tiah an phuang bet.

        Hi ralthuam tihnung hawlnak ah hin Iraq rammi 1,700 rori in
US cu an bawm ih, tui ni tiang cu an hmu theilo a si.  Bush cun
Interview nak ah, hi ralthuam hi kan hmuh lohli ka rak zum ih,
Inteligence pawl hnen ihsin thu dawnmi a si ruangah zobik so hmanlo
ticu ka theivelo tiah hi thil thlengah hin CIA pawl a puh deuh a si.

        Bush cun, Iraq ahhin a bur bur ih thih theinak ralthuam umlo
khal seh la do an phu reng reng tiah Iraq a donak parih a sirawklo
thu khal a phuang cih.  Charles Duelfer, CIA special thurawnpetu hi
Iraq ih hi  ralthuam a hawlnak ihsin kan hmai thla ah a rawn tlung
ding ih, cunah CIA pawl ih thu dawndan famkim cu a phuan suah thei
beisei a si.

        ¡§Hi tiih ralthuam tihnung America ah kan hmuh suah theilo
hnu hin kan tih ding hmaisabik cu hi thu thawn pehparaw ih report
petu CIA pawl an siih, an thudawnmi lakah ziangvek thil diklo saw um
ti cu kan theih fiang hmaisak a tul a si,¡¨ tiah White House
thuphuangtu Scott McClellan cun a phuang.

         President Bush khal hin ziang ruangahso a um mi thil ruangih
raldonak tiang a suahpi ih, can reipi a hawl ciamco ti khal hi
America mipi pawl in sim fing a pawimawh a si tiah a phuangbet.

      Britain lal sungkua ti lungngaitu Harry cu..

      Prince Harry, 20, cun kan dung zarh ih fancy party ih a telnak
ah Nazi sanlaiih an uniform a rak hruk ih, The Sun thuthang ca cun
front cover rori ah hmang in British ram pumpi ah a thehdarh hngal.

        Kan hmai January 27 niah khin Nazi san lai ih Judah miphun le
Christians an rak thah hmuah hmuah pawl sunnak campha a vei 60th nak
tuah ding a siih, British lalsung hi hruaitu tuanvo la tu ding khal
an si.

        Culaifang ah Lalnu Diana ih fa nauhakbik,  Prince Charles ih
ro cotu ding hin an huatbikmi Nazi uniform a rak hruk hin, British
lal sung thin a nau ter in pawi an ti zet.  A mah lila khal in ¡§
ningzah thlak zetmi thil ka rak tuah pawng a si¡¨ tiah siraw in
British

rampi parah ngai dam a dil nasa.

        Zazi sanlai hin Juda miphun million 6 le Poles Soviet mitang
pawl thawng tampi an rak that a si.  Hi mi ni theih ring ring nak le
sunnak hi leitlun ih Judah miphun pawl umnak ram hmuah hmuah cun an
tuah theu.

        Herry hi tui kum ah Royal Military training kai thawk ding a
si.  Asinan tuitum thil thleng ruangah hin zir ding ih tlaklo ah
Education hruaitu pawl cun an phuang.  Hi Nazi uniform thawn a zukmi
thlazuk ah hin kut khatlam in kuak a keng ih khatlam in zuu hai a
keng.

         Hi pawl ruangah hin United Kingdom ih zirnak sang, lal aiawh
ih dinglai ding dinhmun ah a tlaklo a itiah mipi hmuh dan a si.
Harry hin a sual sir ih ngaidam a dil ruangah a thuhla hi tha ten
ngaihtuah sak sal ding a si ko tiah thuneitu sang pawl cun an phuang.

Lai phun suahni hrang theih ter nak

      Kan hmai Febuary 20, Laiphun suah ni tuah nak ding hrang
rinsanmi  cadip kan lo zemmi pawl kha, pek kim can a kimzo ruangah a
tlaibik kan hmai zarh ah khin rak kenkhawm ciau thei dingin zangfah
kan lo dil a si.

        Lai phun suahni sunglawi zet ih kan tuah suak thei nak
dingah, rinsanmi, Laimi unau kan zaten zuam tlang ciau uh si.  Lai
phun suahni hman dan ding cu :

        1.  Bawhlung sit zuamnak

        2. Lai lam phun phun

        3. Stage Show

        4.  Cahram ngan zuamawknak le nawmnak a phun phun tuah a si
ding.

      Asia mipi Million hnih retheih phah

      Tui tum Indian Ocean hnuai ih lingpi hnin ruangah Asia mipi
Million hnih hraawng cun tuhlan hnak in an retheih phah tiah Asian
Development Bank cun kan dung tlawngkai nili niah an phuang.

        Indonesia lawng ah hin milai 100000 lenglo an thi ih, million
khat zikte cu retheihnak maktara in a kai hrem hai a si.  India ram
sungah hin, tuitum thilthleng hin milai 645,000 cu rethei, harsa ah a
tuah  bet ih, Srilanka khal ah milai 250,000 cun an retheih phah bet
a si.

        Asia khawmualpi le Africa ihsin milai 160,000 nunnak liampi
ih milai million tel mangbang vansang ih tuahtu hi siatsuahtu ruangah
hin Asia ah retheihnak karh hmansehla Asia sumdawnnak lam lawngte a
thang deuh deuh a si.

Jakarta :  Ramdang ralkap thlathum sung lawng umding in ngen

      Indonesia ah bawmnak pe ih va lut ramdang ralkap hmuah hmuah cu
a reinak bik thlathum sung lawng camta ding in Vice President cun kan
dung tlawngkai nithum niah a phuang.  Hi thu hi Indonesia in Muslim
hel pawl le mi ram dang mi pawl lak buainak a suah phan ruangih phuan
a si.

June 2006 ah System an manfel ding

      United Nation cun kan hmai June 2006 ah khin tsunami linghnin
system warning pek lawknak tuah suah fel thei an tum.  Tuitum
linghninpi khal hi warning peklawknak a umlo ruangah mithi zat khal
an tam phah a si.  Himi system tuahnak hrangah ah hin US$ 30 million
( RM 114mil ) rori cem ding ih timtuah a si.

Thai Farah nauhak bawmdingin Martin cu..

      Puerto Rican pop star Ricky Martin cun tuitum tilian siatsuah
tuar nauhar farah pawl hmuah hmuah bawm dingin Thai hruai tu pawl a
tawng.  Hi pop star, Grammy laksawng  kai tu hin fahrah pawl hrang
concert khal a tuah ding ih, a thlen ni hin US $ 50,000 rori a hlu
hngal a si.

Sheridan top Fashion

      Housewives Star Nicollette Sheridan cu kan dung tlawngkai
nihnih niah 2004 leitlun ih nunau thuamhnaw hruk thiambik ah hril
suah a si.  Hi a thuamhnaw hrukmi hi fashion designer Mr Blackwell ih
kutneh a si.  Sheridan lawng silo in a thuam hnaw hruk ding thitsaktu
designer  khal hi  leitlun ah a lar phah zet a si.

Bollywood Star Puri a thi

      Bollywood zohnuam filmstar hmin thang Amriah Puri cu thluak lam
natnak tuar in kan dung tlawngkai nihnih niah a thi.  Puri, 72, hi a
damlaiah film 221 rori a rak cang ih, December thla ahkhan ¡§ Hul
Chul¡¨ timi, a film netabik khal suah a si.  A thih niah hin India
Priminister Monmohan Singh cun a uizia phuangsuak in India Cinima
khawvel cun kan ngai in kan hngilh dahlo ding tiah a phuang.

Kum 2005 ih Mino hruaitu ding pawl

Office Bearer

Hmin
Sihnak

Salai Ro Vel Thang           Hotu

Pa   Tluang Lian Bawi            Hotu sang

Salai Ram Hma Ngaih       Sungtuan

Salai Lal Nei Sum             Sungtuan bawm

Salai Biak Hre                  Sumkil

Salai Hmung Van              Sumkil bawm

Salai Van Cung Lian         Sum Cek

Salai Bawi Hre         Sum cek bawm

Pa     Dar Lian Mang           Member

Salai Van Tleu Lian             –

Salai  Za Biak Sui              –

Salai  Hin Uk                     –

Pa      Van Za Thang               –

Pa   Ngun Than Zam            _

Salai    San Nei Thang            –

Salai        Ngun Za Mang    –

Pa   Ngun Hre Luai      –

Salai    Biak Mang                    –

Salai    Biak Za Lian                 –

Salai    Richard                 –

        Kan mino hruaitu ding pawl hrangah thlacamnak thawn bawm ciau
uhsi.

Thuthan

Janaury 16, 2004 khawm  can hmang tu ding

Can kai tu                 Pa Mang Mang

Zapi hrang thlacam            Saya Hrang Tiam

Thuthangtha sim                Rev. Za Theh Lo

Thawhhlawm ap               Nu Van nuam Zing

Bible zoh lo                      Salai Za Biak Sui

Solo                         Mai Dar Iang

Awn Mawi tumtu             Salai Biakte

Kan dungzarh thawn pehpar aw in

Khawm can             Khawmtu        Thawhhlawm

Zarhpi zing                113          116.80
Zarhpi zan                30            23

Mino khawm                  23            27.20

Zarhte zan                51            61

Zarhpizing thlacam   9

Rawl ul thlacam        8

LCF Biakinn on nak hrang

        Salai Simon Sang Kual ( CRC ) in kan LCF Biakinn awnnak ah Rm
100 in rak hlu ih a par ah tampi lungawinak kan nei. Kan miphun hrang
hna a tuan nakah Pathian in umpi in lam hruai vivo hramseh.

        20th Century sungih British Prime Minister tuan reibik

      UK mihlun Margaret Thatcher ( tuah cun Baroness Thatcher tin an
ko ) cu 20th century ah British ih Prime Minister tuan reibik a si.
May 4,1979 ihsin November 28, 1990 tiang office a  kai ih, kum 11, ni
208 sung rori British Prime Minister a tuan a si.

Biography saubik na thei duh maw?

      Leitlun milai hmuah hmuah lak ih damlai thuanthu ( biography )
nei saubik cu Winton Churchill ( UK )  a si. Hi a damlai thuanthu
ngannak bu hi Vol 16 a khat thluh ihhleiah thu fang ( words )
10million hnak ih tam ngansuah a si.

Meisa ruangih thih tambik tum

      International Association in an phuan dan in, modern leitlun ah
meisa ruang ih thih tambik tum cu September 11, 2001 ah New York
khawpi ih kangmei  sauk ah a si.  Himi tum ahhin milai 344 an kang
that ih, thawng tampi cu runsuah an si.  Hi meisa an thelh nakah hin
meisa thelhtu ( fire fighter ) 24 rori an thi vea si.  Kum 2000 kum
ah khan US fire fighters 102 rori  meisa ruangah an thi a si.
September 11, 2001 New York meisa ih thi pawl hi tumkhat thilthuah
meisa ruang ih thih tambik tum tiih record a si.

Charity hrang fund ngahtambik pawl..

      Salvation Army, USA hi Leitlunah  kumtin farah hrang fund ngah
tambik an si ring ring.  Kum 2001 sung lawng ah khan 1.39billion rori
an ngah ih,  hi hman hi 2000 hnak in an tlaniam lam.  2000 kum ah
khan 1.44billion an ngah a si.

Miphun ruangih suahkhawm tambik tum

      August 28, 1963  ni ah  Martin Luther King,  Jr. ( USA ) ih
huaihawtnak in American mipi lakah, mi hang le mingo thleidannak
duhlo tu pawl 250,000 rori cun Washington DC ah an suakkhawm a si.
Hi mi tumah  hi miphun thuhla ruangah leitlun ih milai suahkhawm
tambik tum a si.

Leitlun heavy weigh champion ngah tambik pathum

      Muhammad Ali ( USA ), Evander Holyfield ( USA )  le Lennox
Lewis ( UK ) tei pathum hi leitlun  heavy weigh champion laksawng
ngah tambik le hmin thangbik an si.

vl_bawithang@…

FA Cup ah an cang sia

       England ram ah hin cluba tam tak an um. Tu ih Premiership ih
tel thei lo hman khal FA Cup ah cun an tel thei vek a si. Club hmin
thang deuh cun an mithiam pawl cawl ngah tirin mi thar pawl an lek
tir a si.Hmanseh,Leitlun ih club hausa bik Manchester United hrang ah
a zah thlak.Division khal si ban lo Exter City cu goal um loin an mah
hmun ah an lek pi. Sir Alex hin can cem ding lam ah Scholes,
Ronaldo,le Smith a luh tir ih ziang an bang lem lo.Fans pawl cun an
thei thiam lo na sa.Ferguson khal in Fan lek hnen ah ngai dam a dil.
Kum 13 a um hnu, FA ih an cang siat bik a si ding.

      City khal an cang sia.OldHam hi goal 1 in an neh lo.An mual pho
ve leh.Aston Villa khal in Shelfield United 1-3 in an neh lo.Palace
khalin Sunderland 1-2 an neh lo ve bawk. Sim thiam a har a si. Hi vek
an neh lo pawl hi League ih lek ban lo pawl lawng lawng an sih cu…

African Footballer of the Year

BBC World Service African leknak lam ih thiam an tih mi an hril ih
Nigeria Captain,Okocha (Bolton) hi a si. Samuel Eto`o a khum e.
Mrientes Liverpool ah kum 4 an um ding

Spanish international striker Fernando Moriented cu Real Madrid in
feh an siang hnu ah 9 million euros(US$11.8mil) ih kum li sung a um
ding a si.Liverpool ih um ka cak tuk mi khal sa si a ti.A feh thei
ding tih an puang ve ten a lung awi tuk. Real Director Sacchi cu a
hnih khum siam si a si. A mah hi nikum ih Monaco rak hruai tu khal a
si ve.

Trezeguet a dam thlang

Juventus` French striker David Trezeguet cu Oct 3 ih Undinese thawn
an lek nak ah liang a hliam ih. Tuah cun a lek thei sal ding tih
monday ah an puang.Tezeguet 27, Juventus ah hin kum li sung an um
thlang ih, Kum khat ah goal 15 (everages) an thun theu. A cawlh hlan
ah khal goal goal thun tam bik a si ih a um loh hnu ha khal midang in
tam tam thun in Serie A top an si lai.

Lehmann ral rin a tul: Klinsmann

Germany Coach Juergen Klinsmann cun Arsenal goal keeper Jens Lehmann
cu tha tak in a cang cun a hrang ah 2006 World Cup a um tih a sim.
Lehmann hi kan dung te ah a cang sual ih Wenger cun second keeper ah
a ret ih a thei thiam lo na sa a sih kha.Spaniard Manuel Almunia
thawn an buai ih an ram ah Oliver Kahn thawn khal in buai nak a nei a
si.Tha teih a cang lo ah cun club le ram hrang ah a lek thei lo ding
tih duhsak nak thawn German Coach cun a sim.

Goal um lo in (Back Cover)

      Man U le Chelsea League Cup simi-final ah zo hman in goal um lo
in an neh tawk a si.Hi vek i vung ruat cun Arsenal  le United hin an
ban zil lo a bang. Hmanseh, caan a um lai ih zawsaw cang tha leh ding
kan sim thei a si.

LIVE                 >>Sun,Jan 16

                       9:55pm-Middlebrough vs Everton

                       Mid-night-Fulham Westham

                       9:9:55pm-ACMilan vs Udines

                        11:55pm-Osasona vs Valencia

                        7:23pm-Singapore vs Indonesia(F.L-2)

                          >>Mon,Jan 17

                        1:55am-Barcelona vs Real Sociadad

                        3:55am-Real Madrid vs Real Zaragona

** A dang cu zarh te zan ih sit an si.

Comments

comments

Comments

%d bloggers like this: