Hruaitu Issue 56

Hruaitu Weekly news

Vol. 56

CHRISMAS CIBAI

        Hruaitu siartu unau nan zaten ¡§Chrismas Cibai¡¨!!  Tuisun ni
hi Leilungtlun milai tamsawn ih kan hngahhlap zetmi ni, Leilungpi
damter sal tuding Bawi suahni a si.  Damten in hruaithleng tu kan
Pathian thangthat ciau uh si.  Kan neih sum le saw, fimtiamnak le
talent hmuah hmuah thawn Bethlehem ih a suak mi, kan sungih nung ring
ring Jesu hi dungtawn ih zuu in san men lawn, thinlung thiang ten
sunlawih ciau uh si.

   Casiartu duhdawtmi unau, tuisun ni hi na hrangah ni men men a si
lo ti na thei maw?  Na leiba, thinharnak, mangbang nak, harsatnak
hmuah hmuah le a lo tawntemtu sal ih si losuah dingih Van Bawi rawn
suah ni a si.  Hi mi ni, Van mithianghlim pawl hman ih an sunlawih
zetmi ni ah hin, daiten na tomen ding maw?  Kan biak Pathian
sunlawinak ah a hlim thei tawp in aw… Krismas cibai bukaw tawn hai
uh si…..

Editor :  :  Richard K. Emmanuel

A suahtu :  : LCF Calai Committee, Malaysia.

Bezai

                Lungduh

Ka lung duh tawng ding ah

Leng kei suak hrih sawh ai e,

cung khua nulairel hngak hrih sawh lang,

leng kei ka van a duai hlei e…

                                        Zungte

                Nun

Lei hring nun tawite ka ruah can ah ,

duh mi hrang ah maw ka nun!

Duh tu hrang sawn,

Ka tluang tlawn can a sau tuk ai

Duhmi duh tu nei lo bang,

Ka vai ee ka lenrual hawi lak ah,

Nun nem ngainak a dem dai lo

kei na valpa ..

                                Salai M

   Laimi USA um zirnak lam lawmman peknak

        Zirnak lam laksawng: 2002-2004 sungah Phunsang tlawng degree
le certificate ngah tu pawl hnenah lungawipinak le theihpinak
certificate pek an si. Mi 15 in certificate an dawng. Degree ngah mi
pawl cu:

(a)Doctor of Medicine (M.D.) pahnih (2):

-Dr. Milan Za & Dr. Dong Dong

(b)Master of Business Administration (M.B.A.) pakhat

(1) : -Pu Khuang Lian Ruang

(c)Master of Information Science (M.S) pahnih  (2) Pu Albert Kap &
Vancer Par Kap

(d) Master of Arts in International Peace Studies

(Conflict Resolution)-Pu Stanley Kunga

(e) Bachelor degree pahra (9)

(f) Associate defree pakkhat (1) le

(g) Certificate of computer science pakhat (1) pawl tla

an si.

Thuthan

(January 1, 2005 New year) ih can hmang tu ding pawl

Can kaitu                  Pa Ngun Hre Luai

Thuthangtha simtu             Saya Hrang Tiam

Zapi hrang thlacam            Salai Bawi Vum

Solo                         Salai Biak Tin Ceu

Thawhhlawm  ap thlacam        Nu Zing Fam

Hlarem                             Mino pawl

Awnmawi tumtu                Salai Ramte

Janaury 2, 2004 khawm  can hmang tu ding pawl

Bible zoh lo siar                Salai David Thang             Zapi
hrang thlacam            Pa Nah Mang

Thuthangtha sim                Rev. Za Thelh Lo

Thawhhlawm ap               Nu Zungte

Bible zoh lo                      Salai Van Tleu Lian

Solo                         Salai Bawi
Hre&                                             Sarah Mawi

Awn Mawi                      Salai Biakte

Pangpar hlu

        Mai Emily in Pathian hnen ihsin damnak, cahnak le thlawsuah
tampi a pek mi sungin Bawipa Pathian hnenah Pangpar a rak hlu.
Tlawsuah nei tu kan Biak Pathian in umpi in lam hruai vivo hramseh

THEIH DING TTHA TETE

                                           Siarmi;Darkhing &S…

  1>>A si thei lomi a siter theitu, a um hrih lomi         umter
theitu le a siat thei lomi rem theitu hi hruaitu taktak cu an si.

  2>>Hruaitu pawl ih thu a sim rero le mi an forh rero hnakin, an nun
can ziaza in mi a neh in thlun a awl sawn.

   3>>Na fate cu Ngasa pe awla a ei thluh mei ding.

Asinan Nga hawl dan zirh awla a ei cawk lo ding.

   4>>Ka fa le ih an ttulsam ding tiih ka phan bik mi cu Vitamin
A,B,C a silo. Duhdawtnak Vitamin ansam ding ka phang bik mi a si.

  5>>Ruahnak ttha le nung cang ttha thawn a tthang lomi fimthiamnak
cu ttih nung bik a si. A sang deuhdeuh ih mipi hrangah thinharnak le
hnahnawknak a suak ter vivo. Thinlung thiang le ttongkam ttha cun mi
damlo hman a dam ter thei.

  6>>Na fate peisa pe in lawm ringring awla, mihsal ah a cang ding.
Asinan fimthiamnak zirh awla na san a sau ter ding.

   7>>Ruahpi sur ruangih damlo cu ka ttih tuk lo. Cu hnakin Nunau
mitthli ka ttih deuh. Damsal a har ih sankhuk tiang tla a deih ttheu
an ti.

   8>>Kan ram/ miphun/ kawhhran hrangah mitthli thawn thla cam thei
tuhi, Sui tum le hlawn thil  hnakin a ttha deuh Pathian in a fehnak
lamzin a sial vivo ding.

  9>>Democracy kan timi hi ¡§Ram hruai daan kel¡¨

a silo, nun daan phunkhat a siih mi tam deuh ruahnak le khawkhannak
thlun thiam  hi a si anti.

  10>>Biaknak le miphun thawn a hla awmi milai cu ttih nung bik an
si. Khaltu nei lo turual vakvai vek ansi.

                 CIN DING PATHUM

1..Kumkhat hranglawng na duh ahcun ¡§Rawl¡¨cing aw.

2..Kumhra hrang na duh le ¡§Thingkung¡¨ cing aw.

3..Kum zakhat asilole na sansung hrang na duh ah cun     nafale
hnenah ¡§Fimnak¡¨ cing aw.

                                        Salai Biakte

                Sun Ceu Hngilh lo nak

        Sun Ceu hngilh lo nak Khanlung phunnak dingah sumpai in rak
tanpi ciau dingah kan lo sawm.

        Kan miphun in sunlawih tlak kan neih mi pawl hi sunlawih dan
thiam uhsi, cucu kan tuanvo a si ih kan miphun hrangih hnatuan tu le
a zuam awk pawl khal hi uar le fak tlak ngaingai an si.

Sumpai Nu Zungte hnen ah pek theih a si.

                           Salai Pa Thuam (LF palai )

Myanmar MIlitary Inteligence 2,000 hna cawlhter

      Kan dung zarh ah Myanmar hruitu thar pawl cun premier Khin
Nyunt ih rak ruatmi Inteligence pawl 2,000 lenglo cu an hna ihsin an
banter vuarvi zo.  Hi mi thu thawn pehparaw in, kawl ram ah cun kum
hra an tuanhlan cu cawlhter dan a silo nan, cui dan cun umzia a nei
nawnlo tiah, a hmin tarlang duhlo pakhat in thu a suah.

        Tuittum ah hin MI hruaitu lubik, Deputy Chief of Military
Inteligence  Gen Kyaw Win khal cawlh ter  a si.  Hi kawl ram hruaitu
pawl thlengawk hniai hniai ruangah hin mipi pawl khal in harnak tampi
an tuar phah a si.

Bush : The Person of the Year

      President George W. Bush cun a term hnihnak Presidency hna a
vawn ngah salrual rual in Time magazine cun ¡§ Person of the Year¡¨
ah ah an hril riai.  An hril nak san bik khal US rampi a kaihhruai
dan ruangah a si.  Time Editor cun, Bush hi Time magazine zuarkhawng
phah nak bik le leitlun mit kaikhawm tubik khal a siih, kan
thuthangca thawn pehparaw in ¡§ The Person of the Year¡¨ ih kan hril
suah mi cu a si tiah kan dung zarh ah a phuang.

Israel in Palestinian thawng tla 16 5 suah

      Israel thawngin service cun a reihlanah Palestine pawl an
kaihmi, thawng ankhum mi pawl mi 165 cu suah ding in an hmin an ngan
suak zo.  Hi pawl lakah hin 52 cu danlo ih Israel ramsungah an luh
ruangah kaih an siih, a dang 113 cu Palestine ralkap pawl thawn
pehtlaihawknak nei pawl hlir an si.

        Hi an mi kaih mi pawl suah ding hi kan dung  zarh ah Israel
Prime Minister Sharon khal rori in a lungkim pi.  Asan cu, zumloh
piin, PLO Chairman Mahmud Abbas le Egyptian President Hosni Mubarak
cun lungrual in Egypt ramsung ih Israel zohthlatu an kaih cu suah an
remti ruangah a si.  An suah ding ni lawngte fiang ten theih a si
hrihlo nan, a rei hlan ah suah lohli an tum thu khauh zet in an
phuang.

Russia in Ballistic Missile an Test

      Kan dung tlawngkai nihnih niah Russia cun an tuahtharmi RC-20B
bomb cu hlawhtling zet in an puah ter thei.  Hi bomb NATO tiih an
kawh mi SS – 18  Satan hi  an kah suahnak hmun ihsin 6,000 kilometer
a hlatnakah a va puak a si.  1991 kum ih sin tui ttum hi Russia hin
Missile a veikhat test nak lawng a si lai.  President Valdimir Putin
cun, hmai uang zet in Neuclear system thar hmang in Russia hin
Leitlunah hma kan hruai a si tiah a phuang.

Mizoram cun Chrismas Laksawng 4470mil UPA hnen in dawng

United Progressive Alliance ( UPA ) cozah, Ministry of Urban
Development & Poverty Alleviation cun Mizoram cozah LAD hnenah rethei
pawl bawmnak ih hman ding paisa 4470.10mill cu Chrismas present ih an
rawn pek thu LAD Minister H. Vanlalauva cun a phuang.  Hi paisa hmang
hinkhaw tinkim ah bawmnak project tuah rero lai a siih, cawimi khal
silo in a lakka rori ih kan ngah mi a si tiah a phuang bet.

        Hi thu hi kan dung December 17 niah phuna suah a siih.  Hi
tangka pawl hi khaw dang dang ah an haidan zoh ih hman ding a siih,
tiluan kawr, lialawn tuahnak, bazar saknak nak leh mipi hrang ih
ttulmi tuahnak ah hman ding ih timtuah a si.  Hi tangka hi Aizawl
khawpi sungah mill 2,373.93 hman tum a siih, Mizoram khawpi thlanglam
ah mill 1029.48 hman a si hnuah Southern Mizoram hrang ah 1,066.69
hman ding ih timtuah a si.

        Hi tangka hi CM Pu Zoramthanga ih hoha nak ih kan dil suah a
siih, a hman nak ding diktak ah ahmang in kan ram ih mi harsa
hrangah, kan khua le ram thanso nak dingah kan hmang ding a si tiah
Pu Vanlalauva cun lungawi thatho ten kan dung Dec. 15 niah a phuang
bet.

Thitawk hlan cu thianghlim dingin tiamaw

True Love Waits pawl ih hoha nak in, kan neiawk hlanlo cu thiang hlim
ten kan um ding tiah US fala tlangval 500 lenglo cun kan dung Dec. 10
ah  khan an tawngaw khawm ih, an neiawk hlan cu mipat nunau nak
hmanglo ding in tiamkam nak an tuah a si.

        Cutawk ih pungkhawm pawl cun thing pheng le cahnah hlai pipi
an keng ih. A parah cun, mino hrangah mipat nunau nak lak ih him hi a
hrisel in a tha a si, Condom hin thianghlim ah in tuahlo,  nunnak him
sawnah kan lo hruai ding ti le thianghlim te ih nung ding kan si ti
pawl tla an tar a si.  Hi pawl hin an biaknak ruangah le AIDS lak ih
him an duh ruangah hi tivekih tuah an si tih tla an phuang.

Indonesia Pastor ruhlo

      Indonesia ih Penticostal Pastor pakhat Rev. Jarok Ratu, 35, cu
December 3, zinglam nazi 2 : 00 hrawngah zotih theihloh, hmaituam ih
meithal keng mi 8 hrawng in an ruhlo ih tuini tiang a thuhla theih a
si hrih lo.  A umnak khua ih mi talawmngai pawl cun an hawl rero nan
an in kiang tiva kap ih T- Shirt sen, a awm zawn ih meithal kahnak
kua thum nei

Thitawk hlan cu thianghlim dingin tiamaw

True Love Waits pawl ih hoha nak in, kan neiawk hlanlo cu thiang hlim
ten kan um ding tiah US fala tlangval 500 lenglo cun kan dung Dec. 10
ah  khan an tawngaw khawm ih, an neiawk hlan cu mipat nunau nak
hmanglo ding in tiamkam nak an tuah a si.

        Cutawk ih pungkhawm pawl cun thing pheng le cahnah hlai pipi
an keng ih. A parah cun, mino hrangah mipat nunau nak lak ih him hi a
hrisel in a tha a si, Condom hin thianghlim ah in tuahlo,  nunnak him
sawnah kan lo hruai ding ti le thianghlim te ih nung ding kan si ti
pawl tla an tar a si.  Hi pawl hin an biaknak ruangah le AIDS lak ih
him an duh ruangah hi tivekih tuah an si tih tla an phuang.

Indonesia Pastor ruk hlo

      Indonesia ih Penticostal Pastor pakhat Rev. Jarok Ratu, 35, cu
December 3, zinglam nazi 2 : 00 hrawngah zotih theihloh, hmaituam ih
meithal keng mi 8 hrawng in an ruhlo ih tuini tiang a thuhla theih a
si hrih lo.  A umnak khua ih mi talawmngai pawl cun an hawl rero nan
an in kiang tiva kap ih T- Shirt sen, a awm zawn ih meithal kahnak
kua thum nei

lawng tilo cu ziang hman an hmui hrihlo.  Hi angki ah hin thisen a
kailoh ruangah a thi ti lawngte phuan ngam a si hrih lo.  Pastor Ratu
ih nupi cun a pasal cu Speed boat ih an phurh hloh a zum ih, ¡§ a
thim tuk ih zohman ka hmu theilo, a sinan lawng engine awn lawngte ka
thei ta¡¨ tiah thuthang lam ih hna tuan pawl hnenah a sim.

        Pastor Ratu hin Governor hnen ihsin Biakinn sak nak ding
paisa tamnawn a dawng ih, himi beisei ih cangvai an si khal zum a
si.  Indonesia ah hin biakinn siatbal le Kristian pawl hnai hnawknak
a hluar deuh deuh ih, curuangah tui Chrismas sung khal ahhin biakinn
tin cu palik pawl in an kil a si.

Tuluk ram ah Pastor ruhlo

China ramah Pastor pakhat Zhang Roangliang, 53, cu kan dung Dec thla
thawk lamah ah palik pawlin an ruhlo ih tuini tiang a thuhla theih a
si nawn lo.  Hi Pastor an kaih hnu deuh ah a nupi fanau pawl tla kaih
an tum sal ih, asinan an rak relh man thluh raungah an kai ngah lo.
Pastor Zhang hin Fangcheng Mother Church le China For Christ Church
pawl tla a zoh in, hi kawhhran a kilkhawimi pawl hi Tuluk ram ih
leihnuai kawhhran tum bik pawl an si.  Member hman 1,000,000 lai an
um a si.  Hi pastor hi 1969 ah Kristian ih a luh ihsin kum 12 sung
rori thawng a tlazo ih tihduhdahnak phun kip khal a tuar nasa.

Sii tthabik Haikhawl kuaah..

High Call khua ah leilung tlun ih sizung tthabik a um an ti cu teh.
Tumkhat cu, tlaisun fala pakhat hi pumlam natnak in cui sizung cu a
va pan.  A natnak kha a besiat deuh ruangah, sibawi cun kum tel na um
a ttul ding a rak ti riai.  Siibawi cun an sii tthabik hmang in, a
thiam tawk cun a tuamhlawm  rero ih, kum a rawn liam cuahco.  Kum
thum sii zung ih a ih hnu cun, sibawi pawl ih sii hmanmi kha a
standard tuk ih  Tlaisun fala rori cu cu Tuallawt fala ah a cang riai
an ti cu teh…hi..hi…hi..

Aircondition thabik Norway ah

Norway ram daih zia cu, zan an vun it ciah hi an hawn vawih pawp pawp
ih, a thaizing an thawh veten an vawih awncu ¡§ Ping, Pinng, Ping tin
a sang sang ten a rawn awnsuak phekpho thei fang an ti.  An zing tho
cun, zawi vawih bik ha tiah an mai vawih khal an thei fiang theilo an
ti.  An vawih rim phei cu a tip zing lawngah a nam thei fang an ti.
Chrismas niih vawih pheicu nihnih hnu lawngah a awn a rawn suak
thlang peimaw tiih hngah a ttul hmang…

                                        Ela

Chrismas Laksawng Pastor hnenah

A liamzomi kum 30 hrawng ihsin US ramah hin kumtinte, December zarh
hmaisabik ah Pastor rethei deuh hrilsuak in Chrismas laksawng peknak
an rak nei theu.  Tui kum khalah hin mi Pastor pahnih hrilsuak in
laksawng an pe a si.  Paisa failawng silo in, Computer le insung
bungrua phun phun tla an pe theu.  Kan dung kum ihsin khan Pastor
penson zo pawl tiang in laksawng an pe thawk.  Kum thum sunglawng
hmanah hivek laksawng hranga ih an cem zat cu 10,000 rori a si.  Hi
Chrismas laksawng pek can ah hin milian deuh cun Private khal in an
thei tawk an pe theu.

Suu Kyi parah UN le US lungphang

Aung San Suu Kyi par ih Kawlram thuneitu pawl  danthar tuahmi ruangah
UN le US cun an thin phan thu a phun phun in an suah.  Tuihlan ah
zarhkhat veithum a sungkua sibawi pawl thawn tawnawknak can an pek
theumi kha, zarh khat ah veikhat lawng tawn an siansak zo.
Culawngsiloin, a mah kilvengtu mi 13 um theu kha 6 lawng um an siang
bet lai.  Hibang thil thleng ruangah hin ramsung le ram leng ih
Democracy duh pawl cu an thin a phang a si.   UN Secretary khal in
Kawlram cozah hruaitu pawl cu Suu Kyi ih nun himnak ding hrang ramri
khamsaklo ih kilvennak tuah ding in a dil na sa a si.

Myanmar falamawi hrilnak nei

      Kum 20 fala, Public relation hnattuan Ei Yupar Win cun kan dung
baite ah kawlram fala mawibik lukhuh cu a co ngah riai.  ralap cozah
uknak hnuai ih fala mawi zuamawknak neitheinawnlo ram cun kum 43 hnu
ah a veikhatnak cu a rawn tuah suak leh fang a si.

        Hi fala note hin  kan hmai febuary thla ah Indonesia ih tuah
ding Asean fala mawi hrilnak ah Kawlram aiawh in a tel ding a si.
Win cun, kan ram hrangah theihtawp ih tanla in ka zuam ve ding tiah a
Asean falamawi zuamawknak a hngahhlap thu a phuang ve.  Hi First year
English fala nute hin laksawng million thum ( RM 11,400 ) a ngah rori
a si. 1961 kumah Khin Myint Myint in Miss Universe laksawng a rak
ngah dah ih tuittum ih Indonesia ih tuah ding mi khalah hin Kawlram
hi beisei nawn a si.

Malaysia Prime Minister India ah tlawng

Malaysia Prime Minister Abdullah cun, Asia ih sumdawnnak cakbik ram
pathumnak a simi India ah ninga sung a tlawng ih, partthi thawn
lungawi ten an rak cohlang a si.  Tuittum a tlawnnak ah hin Malaysia
le India cun pehtlaihawknak thu tampi rel in, hmailam canah kut kaiaw
vivo ding in thu tha tampi an rel.  Malaysia Prime Minister hin India
ram sung hmun dang dang ah feh in, ninga rori a va talwng a si.

Thailand ah tlawng 300 khar

        Thailand ah Muslim firfiak pawl in buainak an tuah ring ring
ih, kan dung tlawngkai nithum niah Buddist puithiam pahnih an kahthah
ruangah tlawng 300 hrawng cu an khar a si.  Kan dung January thla
ihsin bomb le meithal puak awn theih ding a um ring ring ih, Pattani
vengah phei cun milai 500 hrawng an thizo a si.  Narathiwat ah Muslim
10,000 rual cu thlacam dingin an pungkhawm ciamco.  Thai hin Malaysia
khal hi ramri ah Muslim pawl raldo zirh ih umter in a puh a si.
Thailand saklam ih Pattani, Yale le Narathiwat provin ah hin 1970s le
1980 kum hrawng ihsin Muslim hrekkhat pawl cun um hran, in dan an tum
thawk a si.  Buainak sosangzel cun tlawng tiang ih khar theh a si lai.

Philipine pasaltha thlahni kha

      Philippine President tohkham hman rak cuh ngam tu, Philippine
ram ih reitak zohnuam film star rak tuantu cun kan dung tlawngkai
nithum niah a khawpi cu mangtha ta in a ninetabik a hmang riai.  Poe
ih ruak vuinak ah hin Philipine mipi thawng tel cun an tuarpi nak an
lanter a si.

Krismas hmang khawm ding

Malaysia ih kawhhran pang Sungai buluh ih River of Christ, Subang ih
Philadelphia Church, Kotadamansara ih Full Gospel, Bandar Utama
Chapel le Sunway Damansara Anglican Centre pawl cun lungrual te
Krismas puai hman khawm an tum.  Kompleks Muhibbah, Seksyan 3 Kota
Damansara ah 10am in 3pm tiang hman khawm a si ding.

Platium laksawng ngah tambik

( Nunau )

Madonna                          44

Celien Dion                      21

Tina Turner                       21

Whiteny Houston              18

Kylie Minogue                  18

Enya                                12

Shania Twain                    12

Cher                         11

Alanis Morissette              11

Kate Bush                        10

Mariah Kery                     10

British Mipa Solo sak thiambik pawl

Kum           Artist

2003                Robbie Williams

2002                Robbie William

2001                Robbie William

2000                Tom Jone

1999                Robbie William

1998                Finlay Quaye

FIFA World Player of the year:Ronaldinho

Barcelona`s Brazilian Ronaldinho cu kan dung tlawngkai nikhat niah
FIFA cun leitlun ih kumkhat sung leknak lamih thiam bik sih nak an
pe.Kan dung ih kan sim cia mi thawn khan an bangaw lo.A title kha rak
zoh aw.Hi laksawng rak ngah zo pawl cu: (since1991)

1991- Lothar Matthaeus ( Ger ) Inter Milan

1992 – Marco Van Basten ( Hol ) AC MIlan

1993 – Roberto Baggio ( Ita ) Juventus

1994 – Romario ( Bra ) Barcelona

1995 – George Weah ( Lib ) AC Milan

1996 – Ronaldo ( Bra ) Barcelona

1997 – Ronaldo ( Bra ) Inter Milan

1998 – Zinedine Zidane ( Fra ) Juventus

1999 – Rivaldo ( Bra ) Barcelona

2000 – Zinedine Zidane ( Fra ) Juventus

2001 – Luis Figo ( Por ) Real Madrid

2002 – Ronaldo ( Bra ) Real Madrid

2003 – Zinedine Zidane ( Fra ) Real Madrid

2004 – Ronaldinho ( Bra ) Barcelona

   FIFA President Sepp Blatter cun laksawng a pe.Ram 157 ih coach
le145 Captain pawl  ih votes a si.

Carlos suah a duh

        Real Madrid defender Roberto Carlos(31) cun Bernabeu hi suah
san a duh thu Spanish media hnen ah tuzarh nihnih ni ah a sim. 2007
ih contact cem ding a si. Tu kum seanson thawk ih Coach Jose Anonio
Camacho suah nak san kha fan pawl cun Caslos ruang ah a si an ti.
Curuangah,Real club ah hin nuam a ti nawn lo a bang.

Robinho` Nu a suak zo

        Brazilian star thar Robinho nu Marina de Souza(43)cu Nov 6 ih
minung ruk(kidnap) hmang pawl ih an ruk bo mi kha kan dung ninga ni
ah tha ten a suak leh thlang. Santos (Brazil) club ih um a si.King of
Football Pele khal in kum 20 mi bolung sik a zoh ah hin kan vang lai
i ngai ter. Kei mah in thlak tu a sih ding hi a rak tih zo mi a si.

        Santos club hin Brazilian Championship laksawng kan dung
sunday ah an ngah. Robinho hi Europe club tum pawl in lei an tum lai
ah a nu hi a hlo daih ih,a nu hnak in football hi a ret hmaisa thei
lo.Hmanseh,tuah cun lung muang ten a lek thei thlang ding.

Totti an lawm tuk

        AS Roma captain Francesco Totti cun Parma thawn an lek nak ah
goal 2 a thun ih 5-1 in an neh. Ball-boys pawl cun ¡§10 Totti¡¨ ungki
hruh in lungawi thu an sim nasa. Serie A ah hin goals 108 a thun zo a
si.

                                              vl_bawithang@…

Comments

comments

Comments

%d bloggers like this: