Hruaitu Issue 55

Hruaitu vol.55

Chrismas hrang ziang tin?

      Chrismas hi AD 300 hrawng ihsin Leitlun sunglawi zet ih rak
hman thawk a siih theih a si.Tuahcun, Leitlun mipi tamsawn cun a san
theilo khalsehla  an duhmi te pawl tla laksawng pe in  present change
tla an tuah ih, nawmnak a phun phun thawn an hmang bik ko.  Restorant
lam le dawrkai pawl khal in Krismas laiah theih tawp ih paisa lak luh
an rak tum ve. Chrismas rimhmuinak bik cu ¡§ peksuahnak ih can an
hmang¡¨ hi a si.

       Kei nih Christian pawl lak khalah, ¡§ nan thinlung sungah Krih
a suak zo maw¡¨ tiih suhawk rero le sermon dupdo hnak in, hi season
can sunglawi tawite  hin mual in liamsan hlanah  JESU mang ring ring
in a

¡§ Suah ni siloin a Suah nak¡¨ kan   lawm tlang sawn kei uh.    Tui
kum Chrismas hin kan LCF hrangah, kan pengpi le kan rampi hrangah,
kan sungkua le tthianrual ttha hmuah hmuah hrangah, bulpak kan nunnak
ciau ah hlimnak, daihnak, hnangamnak le lungrualnak suahpi hram
seh.   Na rualpi hrang ziang Chrismas laksawng so na pekve zo?

        Editor: :  Richard K. Emmanuel

      A suahtu:  : LCF Calai  Comittee,  Malaysia.

Christmas Canah

        Cung vate bang zam thiam ning la

        Ka semnak kan khua ah

        Hawng zam peng duhmi tawng dingah

        Tu can vawn ruahah ai tlang sam zalam tluanah

        An tlung ding rual le pi pawl cu

        Duh mi tawng ding ah

Tluang dang ihsin an tlung ciau,

Kei cu riak maw va bang

Thin thi lawn maw….riah run vai in….

SalaiNyi Lay

Shalam

(December 25, 2004 Christmas) ih can hmang tu

Can kaitu                  Pa Mang Mang

Thuthangtha simtu             Rev. Za Thelh Lo

Zapi hrang thlacam            Pa Cung Thawng

Solo                         Mai Mang Mang
&                                          Salai Biak Mang

Thawhhlawm  ap thlacam        Mai Thawn Za Dim

Hlarem                             Mino pawl

Awnmawi tumtu                Salai Biak Hre

December 26, 2004  can hmang tu ding pawl (nubu can)

Bible zoh lo siar                Nu Ngun Vang

Zapi hrang thlacam            Thawn Za Dim

Thuthangtha sim                Rev. Za Thelh Lo

Thawhhlawm ap               Nu Khim Khim

Bible zoh lo                      Emily

Solo                                 Mai Sarah Mawi

Kan dungzarh thawn pehpar aw in

Khawm can             Khawmtu        Thawhhlawm      Mithar

Zarhpi zing                101          152                 1

Zarhpi zan                19            25

Mino khawm                  25            40.80

Zarhte zan                49            83.20

Zarhpizing thlacam   12

Rawl ul thlacam                –

Chin Agape Refugee Centre (CARC)

        Malaysia um kan Laimi a hleice in kan nih peng pawl Refugee
thu hla ah hrasat nak a phunphun kan ra tawng. Cumi pawl pakhat hnu
pakhat felfai zet in le thleidan nei lo in bawm thei vivo dingin CARC
cu din a si.

Ziangtin kan bawm aw ding

        Kan mai peng sung thu le kan harsatnak pawl cu kan mah kan
peng mi in kan thei bik ruangah kan harsatnak pawl CRC ah thlen ih a
tha thei bik ih tuah / tuan tlang ding a si. Kan ralring ding mi cu
kan harsatnak CARC ah kan sim hmaisa lo in CRC ah kan sim ih kan
beisei mi vek in in rak ruahsak lo a sile vuivai lo ah a tha.

Theih tul mi pawl

        January 1, 2005 ihsin Malaysia a cozah( Kumpi) in ramdang mi
dan lo ih hnatuan mi pawl tlun theinak can a pek mi a cem ding. Van
siat tawng in thawng inn kan thleng pang a sile  UNHCR cahnah nei le
nei lo khal in a rang thei bik in kan um nak le kan thawngtlaknak
number CARC le CRC ah sim ding a si.

PaThuam 012 2118 558,   Eddy  0126408433

Sang Kual 012 3411 855,  CRC Office 032144 7271

***Kan Laimi harsa vak tawi rero pawl hrangah rawl ul in thla vei
khat tal na cam hrih maw??? ***

Indonesia pawlin Malaysia an suahsan rero….

      Indonesia cozahpi cun Malaysia ah danlo ih hna a ttuantu pawl
hruai kirnak ah lawng le mawttaw  ( transport ) pawl a pek hai.
Malaysia ah danlo ih hna a ttuan rero tu Indonesia pawl cun December
31, Malaysia cozah ih cn a pek netabik ni hlanah tlun manlo phang in
an suak zutzo ko.

        Kan dung tlawngkai nihnih niah Subang Airport ih sin mi 100
lenglo an zamsuak ih, tlawngkai nithum niah Post Kalang ihsin milai
2000 lenglo an zam bet.

Malaysia tilian in a nuai

      Kan dung zarh ih ruahpi vanawn sur ciamco ruangah Kelantan,
Terengganu le Pahang hrawng cu tilian in a nuai ciamco ih, December
13 tiangah milai 13 rori an thi zo.  Cuitlunah milai 12,913 cun an
inn hman luah theilo in an tlan suahsan.

         Kelantan ah milai 9 an thi ih, Terengganu ah 3, cPahang
state sungah  1a thi.  Kelentan ah hin tilian cu a zual deuh bik ih,
milai 5,794 cun inn an talan san, Ternegganu ah 5,364  cun inn an
tlansan ve ih Pahang ah hin milai 1,755 cu in le lo neilo ah an
cang.  Tilian hin kiam lam a pan thei hrihlo ruangah ziangtluk
harsatnak a suahpi hrih ding ti cu theih a si hrih lo.

Romania ah President thar

      Kan dung tlawngkai nikhat niah Romania cun President hrilnak an
nei ih, opposition leader Traian Basescu ( a hnuai zuk ) cun nehnak a
co ngah riai.

          Hi President thar hin Romania ram hi communist uknak sungih
sin ka suahpi dingih, 2007 ah Europe Union ah luhpi ka tum ding tiah
thu tiamnak a tuah cih.

         Romania mipi pawl duh hrilnak rori ih tling ka si tiah kum
53 mi, President thar cun  city hall ah a phuang.   Romania ram hi
communist uknak raman siih hleiah, Judah le Christian pawl hua tuk tu
ram an si ih.  Tihduhdahnak phunkip thawn Kristian le Juda pawl
thawng tampi rak that tu ram an si.

Japan ramah lukham mankhung

      Janpan ram fing fing, val leng uu deuh hrangah fala note kawng
parih it vek rori ih itthat theinak lukham antuah suak thar la la.
Hi lukham hi ¡§ Hizamakura¡¨ tin an ko ih, 8,980 yen( RM  326 ) ih
zuar a si.  Hi lukham parih vawn ih cun mang a ttha deuh fing fing
ding tiah an fak nasa.Ahleica in Chrismas laksawng hrang ih tuah suak
mi a si hmang.

Philippine President candidate hlun a thi

      Kan dung Philippine President hrilawknak ih cadidate mi
Fernando Poe cu, kan dung kan dung tlawng kai nikhat zanah a thi.  A
mah hi Philippine zohnuam filmstar hmin lang zet khal a rak si dah ih
hleiah, kan dung hrilawknak khal ah President Arroyo rori hman a rak
neh zik te a si.

        Poe, 64, hi kan dung zarh ihsin damlo in sizungah a umih, a
nupi Philippine Acterss Susan Roces le fate pawl, an rampi hmuah
hmuahin an sun zet a si.

President Taiwan:  Party leader ihsin a bang

Kan dung tlawngkai nihnih niah Taiwan President cun Domocracive
Progressive Party hruaitu hisin bannak a theh lut.  Asinan, Chen hin
2008 ih a term cem tiang cu rampi hrang President hna ttuan in,
Taiwan ram tthansonak le sumdawnnak lam hrang nasa zet ih ttuan vivo
a tum thu a phuang cih.

Japan linghnin in nuai ding

Japan ram cu tui hnu kum 30 sungh linghnin tehnak Richter scale 6.9
ih cakmi in a nuai ciamco ding ih miai 13,000 hrawng an thih ih
hleiah million tel cun buainakan tuar ding a si tiah an linghnin
zirtu pawl cun an phuang lawk cia a si.

Building 800,000 hnakih tam a siat bal ttheh dingih milai 6.5 million
pawl khal office kai hleitheil in buainak phun phun an tawng ding
tiah Asahi Shimbun le Kydo thuthangca cun kan dung December 14 ah an
phuang a si.

Myanmar leSingapore an tawngaw riai

      Kan hmai Dec.29 ahkhin Cheras ih KL Football Stadium ah
Kawlram le Singapore cun Tiger Cup Semi final an lek ding. A
ttumhnihnak cu Singapore ih National Stadium ah, kum thar January 2
ah khin sit sal a si ding. Kawlram hin final thleng hmansehla   kan
ramah bualrawn tum tuk a umlo ruangah ram dang ih sit tho tho a ttul
ding.

India tlangleng pahaw ah milai 50 thi

Kan dung Dec. 14 tlawngkai nihnih niah India  ih Punjab state ah
passenger phur tlangleng an pahaw ih milai 50 an thi ihhleiah 150
hrawng in hliam zazet an tuar tiah Punjab Chief minister Amarinder
Singh cun a phuang.

Hi tlangleng ah hin passengers 700 hrawng an  to.  September 2002
kumah khan, India nisuahnak lam ah tlangleng (Rajhani Luxury Express)
a cangsual ih milai 130 rori an rak thi dah.  Tuitum hi tlangleng
cangsual ruangah a burppi ih an thih tam bik ttum hnihnak a si.

Leitlun lilawn sangbik awn a si zo

Leitlun ih Lilawn sangbik cu Frence ramcun an tuah ttheh zo ih, kan
dung tlawngkai nihnih niah President Jacques Chirac cun Leitlun mipi
hmaiah awnnak a tuah.  Hi lilawn hi British mithiam pawl ih kkutsuak
a siih, Eiffel bilding  hnak ih sang le Champs Elysees hnak ih sau ih
sak a si.  Lilawn sangnakbik ih concrete ban pasarih cu 343m – 19m ih
sang a si.  Hi lilawn hi Paris khawpi le Barcelona karlak ih mawttaw
lamzinpi zawmtu lilawn a siih, 394-million- EU cem ih sak mi a si.
Japan ram ih Leitlun lilawn saubik, Akashi-Kaikao lilawn cu 3.9 km ih
sau a siih, Frence lilawnpi hi 2.6 ih sau a si.  A rihlam cu 36,000
tonnes a si.

Australia Intelligence lubik an thleng

Australia Intelligence lubik cu a hnattuannakah sawisel tu a ngah tuk
ruangah kan dung tlawngkai nihnih niah a hna ihsin banter a si.
Middel East thuhlaih commender rak tuan dahtu, Maurie McNarn cun kan
hmai thla ihsin  Frnk ih ai a rawn awh ding a si.

Australia cun a ram mipi pawl cu tuittum Krismas an hmannak ah
terrorists pawl lakih fimkhur dingin a fawrh fial hai ihhleiah,
pawimawh tultuk a umlo ah cun Indonesia ram pawl lo dingin a fawrh
hia a si.

Indonesia ah kawhran ralring

      Indonesia,  Leitlun  Muslim tambiknak ram ah cun tui ttum
Krismas ah hin  terrorist pawl cangvaih an tum tiih thu theih a si
ruangah,  President cun  Kawhhran hmuah hmuah ah kilveng tu ralkap a
thlah hai.   Indonesi ah hin  Christian pawl thah nak le tihduhdahnak
a hluar deuh deuh a bang.

Bollywood Filmstar Sharukhan cun…

        India Bollywood film star hmnthang Sharu Khan cun, Kashmir
buainak ah daihnak a duhthu phuang in film khal a tuah suak ih, India
le Pakistan ram hnih cu hi film hin a deng suak rori a si.  2004 kum
tirlam ah ¡§ Main Hoo Naa¡¨ ¡§ I Am There¡¨ timi a suah ih,  hi film
hi 2004 kumsung ih mipi zoh tambik a si.  Pakistan zonuam (
Lollywood) tiih an kawh mi pawlkawm khal in remawknak lam hawi in
film an tuah ve reo lai ih hmai thla ah mipi zoh theih ih suah a si
ding.

Saddam in a Lawyer a tawng

Necbukanezer ka si tiah a mah le mah phuangaw tu Saddam Hussein cun,
America kilvennak hnuai ihsin kan dung tlawngkai nili ah a Lawyer a
tawng.  Saddam hi a hmailam thuhla ding cu rel fel a si hrihlo ih,
ramsung court rori in an ngaihtuah leh ding.

Wine le Chocolate hin milai nun a sauter

      Wine in le Chocolate ei hin milai kan harhdamnak a tuahttha in
kan nun a sau ter tiah kan dung tlawngkai ninga British harhdamnak
thuthangca in a phuang. Polymeal timi ( RM 109 ) wine hin milai kan
thi tla a tlater in lungam natnak lak khal ah in kilveng.  Hi wine
ahhin 150ml wine, 100gm Chocolete, 400gm thei rah le hnah, 2.7gm
khasuan rang le Almond 68gm pawl tla an tel. Hi wine in tu pawl hi a
inlo pawl hnak in kum 5/6 an nun a sau deuh thu British sibawi pawl
cun an hmu suak a si.

Sharon :  2005 ah daihnak beisei

      Israel Prime Minister Sharon cun Palestine le Israel ramhnih
lakih remawknak cu 2005, kan hmai kum ah khin a cang ngaingai ding
tiah a beisei thu kan dung tlawngkai nili niah a phuang.  Hi thuhi
Palestine  President Arafat kan dung November thla ih a thih hnuah
Sharon ih khua hmuh dan a si.  Sharon hin Arafat hi Middle East
remnak suahpi duhlo tu le dodaltu a si tiah a rak phuang dah.

Tuluk, Leitlun beer intambik

      Tulai Leitlun sumdawnnak ih a tthangcakzet miphun Tuluk pawl cu
Leitlun ih beer zuarkhawng tambik le in tambik siin, America rori
khal an hleih a si tiah Japan brewery cun kan dung zarh ah an phuang
suak.  2003 kumih Tuluk pawl beer in cun 25billion litres a ban ih,
Leitlun pum beer zuarsuahmi 144billion lakah 17.3% rori an kai ban.
Hi ti laihin US cun 16.5% lawng an kim tiah Kirin Brewery cun an
phuang.

Jpan ramah Chrismas hmangtu tam

Yamamoto ( a sir zuk ) cun Santa putar hmang ih Chrismas laksawng
pekawk dan diktak a tlawngah a zirh.  Japan milai 127million lakah 1%
lawngChristian an si konan, kumtin Chrismas puai hmang tu an tam deuh
deuh.  An tlawng nauhak pawl le mino pawl cunChrismas puai tuah lo in
an um thei nawn hailo.Malaysia le Asia ram tthangso hrekkhat khal ah
cuvek tho thio a si.  Ziangtikah so ¡§Krismas umzia ngai ngai an
theih ih,  an mah pawl tuahtu Pathian cu an tthangtthat ve ding¡¨,
thlacam sak an va ttul tak em.

Indonesia parmit neilo pawl Malaysia ah Concert tuah

Kan dung zarh ah Taman Juara Jaya, Blakong ah  Indonesia , parmit
neilo ih Malaysia ah hna ttuantu pawl cun an tlun hlanah, Rock
Concetr an tuah ciamco ih milai 400 hrawng an kim.  Hi Concert ah hin
Palok pawl khal in an theithiam ih zohman an kai hailo.  An concert
thupi bik cu ¡§  Love and Peace¡¨  duhdawtnak le remawknak¡¨ timi a
si.

Malaysia an suahsan rero…

December 31 hlan ah hin Malaysia ah danlo in um pawl 200,000 an tlun
zum a siih, hlawhtling ah kan ruataw tiah Immigration department cun
an phuang.  Hi tiih an tlun hi cozahpi hrangah paisa khawlnak khal a
si, asancu kum thum sung danlo ih umpawl dawinak hrangih paisa kan
ruatcia mi cu RM 17 million rori a si tiah IMT Ishak cun a phuang.

        Malaysia ram sungah hin danlo ih um ramdang mi 400,000 ihsin
600,000 hrawng um ih theih a siih, Dec 16 ni tiangah 142,262 cu an
tlung zo.  Hi pawl lakah hin  122,440 cu Indonesia pawl an siih,
7,539 India, 2,860 filipino, 2,270 Bangladesh le 1,917 Tuluk pawl tla
an si.

        Tui Chrismas hlan te Holiday sungah hin mi tamsawn cu an tlun
sl khal zum a si.  Indonesia cozah cun a ram mipi pawl hruai tlung
nak ding lawngpi pawl tla Dec. 29 hlanah  rawn kuat bet a tum.

Refugees dilpawl dimdawih ding

Tuittum Malaysia ah danlo ih umpawl an dawitlunnak ah hin Refugee
diltu ngaingai, document hmanmi nei pawl cu kaih an silo ding, kaih
an si hmanah zung thawn an contact dingih suahsal an si ding tiah,
Malaysia Human Rights Commission Vice ChairmanSuhakam cun kan dung
tlawngkai nihnih niah a phuang.

Malaysia ih nupi nei tambik pa

      Kelantan ih Kamarudin Mohammed cun kum 72 a kim ah nupi vei 23
rori a man.  Maksak ve tak cu a nupi hmaisabik Khadijah Udin, 74,
thawn an neiaw sal leh cu a si.  Vei 50 lenglo nupi a thleng kual
rero hnuah, a nupi hmaisabik thawn tawngaw sal in, a duhtawk a ngah
fang a bang.

Leitlun tipi kaubik pawl

Ocean/ Sea        SQ KM SQ MILE

Pacific Ocean           166,242,500     64,186,600

Atlantic Ocean    86,557,800  33,420,160

Indian Ocean              73,427,800  28,350,640

Arctic Ocean              13,223,800    5,105,740

South China Sea          2,974,600  1,148,499

Caribbean Sea             2,515,900     971,400

Mediterranean Sea      2,510,000     969,120

Bering Sea                   2,261,100     873,020

Sea of Okhotsk            1,527,570            589,800

Gulf of Mexico     1,507,600            507,600

        Leitlun tipi thukbik pawl

      Tipi                   Thuk lam

Marianas          10,924 ( M )  35,837 ( FT )

Tonga                       10,800             35,430

Philippine          10,497             34,436

Kermadec                10,047             32,960

Bonin                          9,994 32,786

New Britain                9,940           32,786

Kuril                 9,750               31,985

Izu                    9,695               31,805

Puerto Rico              8,605             28,229

Yap                  8,527               27,973

Europe ih tlang sangbik pawl

       Tlang le umnak        San lam

Mont Blanc, France/ Italy  4,807 ( M )  15,771 ( ft )

Monte Rosa, Switzerland  4,634         15,203

Zumsteinspitze, Italy          4,564           14,970

Signalkuppe, Italy             4,555           14,941

Dom, Switzerland             4,545           14,911

Liskamm, Italy           4,527          14,853

Weisshorn, Switzerland        4,505          14,780

Taschorn,  Switzerland          4,491             14,733

Matterhorn, Italy               4,477         14,688

Mont Maudit, France                    4,466             14,649

SALAI SUN CEU HNGILH LO NAK

        Laimi kawl ram pum huap ih hlasak thiam, kan miphun in
cawisangtu, sunlawih tlak Salai Sun Ceu ih khanlung cu Falam Cinmual
tlang liam zawng lamzin pi kiangah  phun ding a si. Cu mi nak ih hman
tul mi sumpai cu Lailun Foundatian in tuanvo la in tawlel rero a si.

        Salai Sun Ceu cun mual in liam san hmanseh in rauh ta mi zai
hla mawi le kan miphun a duhdawtnak pawl cu san mureng in Laimi phun
hnenah hna a tuan ringring ding. Sunlawih tlak kan neih mi Salai Sun
Ceu hngilh lonak ah kan mah le kan sian tawk te sumpai rak thawh ciau
dingah kan lo sawm.

        Sumpai a thawh theithei in Nu Zungte, Salai Pa Thuam, Pa
Tluang Lian Bawi, Salai David Thang tei pawl hnen ah pek theih a si.
Na pek rem cang lo khal lePhone in  biak le sim theih a si.

                                Salai Pa Thuam

                                LF palai(Malaysia)

xoxoxxxoxoxooxoxoxoxoxxoxoxxoxxoxxoxoxoxox

Lai nunmawi laksawng

        Christmas ni ah Lai numawi laksawng peknak kan nei ding.
Calai, LCF le zohthim tlak in miphun hrang tuantu pawl ti in laksawng
pathuam a um ding.

Europeon Footballer of the year

                   Andriy Shevchenko   (Back cover)

Date of birth:29/09/1976

Nationality:Ukrainian

Height:1.85m

Weight:73kg

Position:Striker

Club:Dynamo kiev(1994-99),ACMilan(1999- )

Caps:58

Goal for Country:26

Honours:

Champions League:Winner(2003),top scocer(1999)

Europeon Super-Cup:winner(2003)

Italian League title: (2004),Cup winner(2003)

Italian top scorer:(2000,2004)

Ukraine League title:(1995,96,97,98,99)

Ukraine Cup winner: (1996,98,99)

Club statistics:

118 matches in Ukraine with Dynamo Kiev,60 goals

164 matches in Italy with AC Milan,102 goals

        Kan dung ih kan ngan cia mi kha Journalists pawl ih rak pek
mi a si.Tu hi Golden year for the player.

          Shevchenko 175 votes,Deco 139 votes, Ronaldinho

133.Bacelona pahnih hin an dung an thlunih Premier league  ih goal
thun tam bik Henry cu pali nak lawng a si.A pu Wenger cun pawi a ti
zet ih kum dang ah a ngah tho ding a ti.

Solskjiaer kan hmu leh thlang ding

Norway striker  Ole Gunner Solskjaer  cu tu kum thawk ih sin a khuk
keh lam a ti na ih, next season ah cun a club Man Utd hrang ah sit
thei sal ding  thu kum 31 mi cun a sim.Solskjiaer hi kum 10 a um zo
ih Man U hmin that nak tuah tu pawl a rak si ve.2006 tiang a um ding.

LIVE

>>Sun,Dec 19 ESPN

Liverpool Vs Newcastle Utd(9:25pm)     (Special)

Postmouth Vs Arsenal (midnight)

Numancia Vs Esponyol (11:55pm *S)

Inter Milan Vs Brescia (9:55pm *S)

Atletico Madrid VsDeportivo(3:55am SS)Mon 20 Dec

Charlton Vs Fulham (3:55am) Tue 21,Dec *S

>>Wed,Dec 22 *S

Bacelona Vs Lavente (2:55am)

Real Betis Vs Ahtletico Madrid(4:55am)

>>Thurs,Dec 23 *S

Real Madrid Vs Sevilla(4:55am)

Thailand Vs Germany(7:25pm)International Friendly

(Fri, Dec 17 SS)

Morientes a buai deuh a bang

Real Madrid Striker Fernando Moriantes cu tulai a boruak a tha lo
deuh a si. Ziang ah ti le a hmai ah hin Raul,Ronaldo,le Owen pawl an
um ih an dung thlun lawng a si.Churuang ah Liverpool lamah feh duh
nak thinlung a nei.Liverpool cun Man City striker Nikolas Anelkas
thawn hin an duh mi an hril thei rih lo.Madrid ah hin a mah lawng si
lo in, Owen khal hi goal tampi a thun zo ih First line-up a zi thei
lo hi mak a ti nasa.

News kaih tawi

>> Arsenal goal keeper lehmann(Germany) cu manager duh vekin a cang
lo maw si ding Almunia(Spain) hi No.1 a ret  ih mak a ti zet.

>>Man Utd defender Gary Neville cun Chelsea hi tu ah top si hman se
lah a ttih loh thu a sim. April le May thla ah cun kan thei mai ding
a ti.

>>Morinho cun Ineter Milan` Brazilain Striker Adriano cu tu hnu rei
lo te ah leitlun striker thiam bik a si ding tih a puang.

>>Arsenal Manager Arsene Wenger cu kan dung(Oct) ih United thawn an
lek lai ah thu a rak pawn tam deuh ih FA cun(US$ 29,22) an kuan tir.

>>Tigar Cup(Asean Football Championship `04) ah kan ram cu group B si
in p. 10(sang bik) an si.Malaysia ih sit a si. Tu ah hin kan lai mi
pakhat  Salai Ceute(no.16)tih a tel ve. Semi-final: Indonesia vs My
(Dec 28),Singapore Vs My( Jan 2 )a zoh theih ding.

                            vl_bawithang@…

Comments

comments

Comments

%d bloggers like this: