Hruaitu Issue 54

Hruaitu weekly news

Vol. 54

December 12, 2004

Marry Chrismas & happy New Year

          “Maw December, leitlun milai pawl hrangah na mawi hleice.
Sungkua tinkim hlimnak le hnangamnak na pe ih, huatawknak kulhpi
tthiat ih remnak tipi luan tertu na si.  Milian, farah le zingvek
mikhal thleidang lo in, Boss le hnattuantu, sal le a pu lak khalah
bangrepin na rimhmuinak na suah ter ih, na zardainuam ah  hni siamsi
ten kan leng tlang.  Milai pawl hrang kumkhua in na rimhmui leng ring
ring hram seh..”

            Ngah kirsal ding beiseinak umlo ih a fapa neihsun in pek
ni ah hin, kan unau sungkhat, tthianrual ttha le kan milai pi, kan
kawhhran  hrangah ziang si Pathian hmin in  kan pek suah ve ding.
Kan milaipi pawl hrangih thil hlubik kan pek theimi tumbik cu

” duhdawtnak” hi a si.  Remawlo pawl remaw ih, duhdawtaw te in,
cawkuang sungih a suakmi kan Bawipa tthangttat ih ” Merry Chrismas &
Happy New Year” tiih kut kaiaw in lengtlang uh si.  Cui nau piang ih
a suahpi mi daihnak, hnangamnak, duhdawtnak, ngaidamawknak le
remawknak cu, a duhdawtmi milai pawl hnenah hin hmuhtheih in langsuak
vivo hram seh…

                        Editor :  :  richard K. emmanuel

  A Suah tu :  :  LCF Calai Committee, Malaysia.

Paisa thleng 248 (zarhte ni)

      Bezai

DUHMI HNENAH

Siar thehmi pardum sungah

Dawtnak parmawi hawl khal ah

Anetnak ah lolak ngah ding

Thei cingih tuat thotho bang

Sim thiam a har ka hmailei thu

Rialti vorhmi leenpar tluanah

Rinnak lungkhung hawl khal ah

Neet um lo leh cemdah lo ti

Thei cingih tuat rero bang

Sim thiam a har na khawvel thu

Aw……. ka boruak!

Siamsual rittih zuk bang Tihseh tiah huat ii tum

Tha seh tiah sia na ti sin

Asile……. duhmi!

Na thlengaw nan ka thlengawk lo

Na thlengawk lo ka thlengaw nan

Na thlengawk ih ka thlengaw ve

Cutal lole……. ziangbik ruang so???

                                  Black Angel  ( Pa Tha Thang )

          Krismas kan hman dan hi

                                                ( base on the Bible  )

          Mai hmuh ban nak tawkte ah, Malaysia khawpi hmun kip vawn
cuan sehla, lamzinpi, Store tum deuh deuh le Palaza picang deuh deuh
hmuah hmuah ah cun ” Merry Chrismas & Heppy New Year” ti cafang
tumpipi ih nganmi le, Chrismas decorations phun phun  pawl cun
Bethlehem lam hawi in “Bawi Krih suahni” an hmuak.  Thuthangca vawn
siar sehla,  Leilungtlun ram tamsawn ah cun  December thla hi
sungkua tin ih hngahhlapbik mi le sunlawihbik mi khal a si.

            Khuinak tinkim ah khawsak mifim pawl Bethlehem khua lam
ih hruaitu ” Arsi” le Krismas thingkung pawl in hlim hmel  le duhnung
siarsi ten “Messia” suah ni an rak lawm ve. Lai nonawn pawl kan nih
teh ziang tin?

            Asinan, hi thu hi tthaten kan ruattlang hnik pei uh. Bawi
Jesu cun leitlunih a tlanlenlai ah, a suahni  hi sunglawi zet in a
lawm ti kan rak hmu dahlo. Cuitlunah ” ka suahni hi puai a phun phun
le nawmnak a phun phun thawn rak lawm uh tiah zumtu pawl in cah nak
Bible ca sungah hmuh ding a umlo”.

            Suahni sunglawizet ih lawmtu kan Bible ih kan hmuh
hmaisakbik mi cu ramuktu Herod a siih, cui puaipi in a suahpimi cu ”
Baptistu John ih lu tan” a si. Herod  cun naupiang lawmnak ah,
hriamnam a hmang ih,  Bethlehem le a kiangkap ih naute kumhnih
hnuailam hmuah hmuah cu a that ttheh ( Mtt 2: 16 )   Tulai khal ah,
Krih thluntu pawlin Krih suahni ( birth day) kan lawm dan hi a
sunglawi rual rual in, ttha te ih khua ruat tui hrangah cun  lungsiat
thlak le beidawn thlak ngai ngai a si ko. Duhdawtmi ka rual Krismas
kan hmandan hi ziangtin na hmu ve?

            Hi ti ka ngan tikah casiartu unau, kan ruah tlan dingih
ka duhbik mi cu, ” Krismas kan hman dan” hi a si. Krih suahni lawmtu
fihnung pawl kan sim rual ih  Kritian pawl in kan hngil theilo ding
maksak le kan thlun dingmi mawibik cu “Vanmi pawl ih, hlamawi thawn
an rawn lawm nak kha a si”. ” A sangbik vanah khin Pathian cu
tthangtthat si ko seh, a duhawtmi minung pawl umnak leilungah hin
remnak leng ko seh” ti hlamawi kha.

             Biaknak dang pawl, Krismas umzia thei fumfe lo pawl hman
ih  sunglawi thei tawp ih an sunlawih mi hi, an hmandan thlun men lo
in, Krih kan Pathian, In rundam lawng silo ih in kilveng ring ring
tu, ziangtiklai khal ih in phatsan dahlo tu le thlisia hrang lak
khalah thlisia ih hnaihnawk banlonak hmun ih in zampi ttheutu
Bethlehem khua ih rak suak “Jesu”  hi, a ni le thla (Dec. 25) ah
buailo in; ni tin te tthangtthatnak thu le hla thawn sunlawi ih Vanmi
pawl hlamawi ttawmpi ve ding kan si sawn. “Bawipa, na suahni lawmnak
hmin salaw ih, na thin lo natertu pawl in ngaithiam hram awla.. ni
tin te kan nunah Thiangthlarau in na duhdan in rawn zirh hram aw!!!

                                          Richard k.Emmanuel

            (December 19, 2004) ih can hmang tu ding pawl

Can kaitu                                  Pa Thuan Ling

Thuthangtha simtu                     Saya Hrang Tiam

Zapi hrang thlacam                    Rev. Za Thelh Lo

Solo                                         Salai Liante & Salai
Biak Tin Ceu

Bible zoh lo siar                        Salai Vai Hre Lian

Thawhhlawm  ap thlacam          Mai Cia Sui

Hlarem                                     Mino pawl

Awnmawi tumtu                        Joseph Zung Thang

3:00 pm Mino khawm  can hmang tu ding pawl

Can kaitu                      Pa Za Biak Thawng

Thuthangtha simtu         Salai  Rev. Za Thleh Lo

Thawhhlawm ap           Mai Mang Mang

Solo                             Pa Dar Lian Mang

Bible zoh lo                  Salai Van Tleu Lian

Awnmawi tumtu            Salai Baik Hre

Kan dungzarh thawn pehpar aw in

Khawm can                 Khawmtu        Thawhhlawm
Mithar                          2

Zarhpi zing                    128
188

Zarhpi zan                    19                    20

Mino khawm                –                       –

Zarhte zan                    54                    –

Zarhpizing thlacam        12

                                    Kan hrang naute a rak suak ih

                   ( Isaiah 7 : 14 )      VLBawithang

          Bar thla ah cun December hi kan hngahhlap bikmi ni a siih
hlimum bik thla khal a si.  Kristian pawl hrangah cun Bawi Jesu’i
suah cam hi ni hlimum bik a si ko ding.  Hi can hmang ding hin
sungkua tin, tthenrual ttha pawl thawn a cang thei tawp in tim kan
tuah ciau.  Ram hla pipi ihsin sungkim teih Krismas hman lo phangah
kan ko tlungaw.

            Ni khat hnu nikhat kan naih deuh deuh. Tulai kan
kawmawknak bik cu, ” tui kum Krismas cu ziangtin kan hmang tlang ding
ti hi a si bik ko”.  Kawi tawk hmunah, ziangtivekin ti le zo pawl
thawn ti tla in kan buai cel cel.  Kan hman tumdan ciau teh hi a hman
ngai keimaw?  Khawsak mifim pawl khan an neih rothil pawl thawn cibai
an buk.  Kan nih teh kan neih paisa hin ” a sen mi tidai thawn maw
cibai kan buk leh ding”.

            Prophet Isaiah ih thusim mi Bawi Jesu ih raksuak can cu
BC 7-4AD ah a rawn kim fang. A ni le can cekci theih silo khal seh la
December 25 hi leitlun ram kip in kan hmang ciau.  A hmin men ih
Kristian silo in, kan nun ah Bawi Krih a um ngai ngai cun, tui kum
Krismas khal mawi zet in hman kan tum ciau kei uh.  Kan mah ahhin
Bawi Krih hi a rak suak ngai ngai maw??? Nangmah kha hun zoh sal
aw….

                                                Terrorism, biaknak
hmuah hmuah ralpi

          Leitlun Muslim tambiknak rampi uktu Indonesia President
Susilo cun, Terrorism timi, “milai thah ih nehnak co tum pawl” hi
biaknak hmuah hmah ih kan do dingmi ralpi a si tiah a phuang. Hi thu
a phuan rual hin, Chritian hruaitu, Muslim hruaitu, Hindu hruaitu,
Buddist hruaitu pawl le Leitlun biaknak hruaitu pawl hmuah hmuah cu ”
terrorism” do tlang ding ah a sawm hai. Hi thu hi ram 14 aiawh ih
Asia pacific meeting kai pawl hmaiah, meeting awnni ih a rel mi a si.

White House:  Suu kyi suah ding dil

          Kan dung zarh ah America cun, san le vang rel tam hniai
hniai lo le suanlam phuah kawi hniai hniai lo ih Aung San Suu Kyi cu
suah lohli dingin Kawlram cozah hnenah an dil.  Asinan, himi an dilni
ihsi nili hnuah Senior General Than Shwe cun rampi thlengawk nak ding
hrang le ram sung thil hrimhrim ah ramdang pawl ra tello dingin a
hronak thu a phuang.

            Kan dung zarh ah Kawlram ralkap cozah cun Suu Kyi an
kharhkhum ( house arrest )  can an tthan bet. Hi mi thu thawn
pehparaw in US cun kawlram cu nasa zet in a dem a si.  Kawl ram cun
kan dung zarh ah thawng tla 9000 lenglo an thlah ih, political
hruaitu 10 lenglo an tel. Asinan, tu ah politic ruangih an kaih mi
thawng sungah 1,350 rori an umlai a si.  Cozah cun ziangtik hmanah
politic ruangih a mi kaih pawl tlang theih ah a phuang dah lo.  Rampi
uknak thleng duhtu group pawl cun kan dung national day a vei 84th
nak niah, Aungsan Suu Kyi le politic hruaitu pawl hmuah hmuah suah
thluh an si thei nak ding an aupi ciamco a si.  ” Political hruaitu
pawl hmuah hmuah suahsal dingah le NLD zung hmuahhmuah awnsak sal
dingah kan dil a si”, tiah lungrual ten an au.

Malaysia ih ramdangmi pawl hrang December 31 khi…

          Kan hmai December 31 khi Malaysia ih ramdangmi, cabu lo ih
hnattuan pawl hrangah canttha netabik a si tiah Datu Seri Najib,
Indnesia ram hrangih hnattuan tu cun kan dung tlawngkai nili niah a
phuang.     Malaysia hin November 14 khi  ni netabik ah a rak phuang
thlang konan, Indonesia president thar Susilo Bambang ih dilnak
ruangah December 31 ih tthawn sal a si.

            October 29 ih Ramdangmi tlun thluh ding ti thu an suah
ihsin tuini tiang Indonesia mi tlungzo zat co 120,004 lawng an si
lai.  January ni khat hlanah khin Malaysia ah permited lo ih ra lut
indonesia hmuah hmuah pawl cu an tlun thluh khal kan zum tiah Najib
cun meeting ttheh veten a phuang.  Tui ttum ih amdangmi an dawi tum
hi, Malaysia ih Indonesia pawl an tamtuk ruangah a si bik. ( Ahleice
in Indonesia khal  ih cathiamlo, zu le sa lawng thei ih, mai milai pi
lutan hman pawiti lo pawl, ramlak ihsin ralut tahrat ih buainak phun
phun tuah tu pawl ruangah a si bik.  Asinan, kan nih pawl hrang
khalah ralring te ih tlan le napi ih thlacam a ttul ko…. Editor)

            Malaysia ah hin danlo ih luttu indonesia mi million khat
hrawng an um lai ih, hi pawl hrang ah hin Indonesia cozah khal in can
dilbet nawnlo in an kuat tlun tikah na tuarter lo le himdam te ih an
tlun thei nak ding le an hnattuannak ( employer ) pawl khal kuan ter
ding lawng an dil.  Najib cun Indonesia President thar ( a par
vawrhlam zuk ) cu nihnih sung a va tlawng ih, ” Indonesia mipi pawl
hi Malaysia dan hnuaiah himdam ten an um thei nakding kan duh ruangah
hi thil hi tawl rel kan si” tiah a rual thar cu a sim.  Official ih
an phuan dan cun Malaysia ah ramdangmi danlo ih hnattuan a hnuai ih
list vek hin an um:  Kawlram mi 2786,  Filipino 1956, Bangladesh 708,
Indian le ram dang dang mi 1,175 pawl tla an si.

Britney Spear tei nupa

           Leitlun hlasak thiam pawl lakih hngilh theih nawnlo ding
Britney cun kan dung tlawngkai nithum niah 2004 Billboard  Music
laksawng a dawng.  Hi music laksawng a dawn laiah hin a pasal lawng
hruailo in uite fate leuli thawn  ( a sir zuk) mipi hmaiah an suak a
si.

            Britney cun kan dung zarhah,California ih  Five Star
Bacara Spa hmun ah, a kum 23 kimnak suahcam ropi zet in a lawm.  A
pasal Federline, 26, khal in Britney ih birth day cu a lawmpi ve.  Hi
leitlun hlasak thiam arsi nute hin hmin tthatnak lak sawng ci 11
rori  a dawng zo. Cu pawl cu Artist od the yer, R& B/ hip- hop album
of the year, hot 100 song writer of the year pawl tla a ngahmi
laksawng langsar pawl an si.

Kuak fawh ruangah:  Cuap  Cancer karh

           Singapore ah cun, cuap cancer ruangah zarhin milai 18 rori
an thi ring ring tiah, Singapore Cancer lam buaipi tu pawl in kan
dung zarhah an report.  1998 le 2002 karlak ah hi natnak hin
Singapore milai 4,700 nunnak a liampi zo.  Pali ah pathum cu mipa
pawl an si. Ahleica in hi natnak ih thi pawl hi kuak fawp pawl le,
kuak fawhnak hmun ( pubs ) tivek ih hna ttuan pawl an si thu fiangten
phuan a si.

Iraq ah  Japan ralkap um hrih ding

            Leitlun ralpi II nak hnulam ih ralkap ttihnungbik neitu
Japan cun, lungkimpi lemlo tu mipi au cel cel lakah, Iraq ih a ralkap
pawl cu kum khat um bet dingah kan dung zarh ah  Prime  Minister
Koizumi cun a phuang. Japan PM cun Iraq rampi kilveng tu ding le
hnget khauh tak ih tuahslngak ding ah kan ralkap pawl hi an pawimawh
tuk a si a ti.  Iraq mipi pawl cu kan hmai thla ih rampi hrilawknak
ding hrang an buai cel cel lai fang a si.

Meihawl khur puak ah milai 37 thi

          Kan dung tlawngkai nili niah Tuluk ram Sanxi province ah
meihawl khur ih gas a puak ih milai 37 rori cu lei hnuaiah phum cih
in an um a si. Kan dung zarh hmaisa khalah hivek leicim ruangah 166
an thi.

          Annan: Duhtu nei tam

          Secretary-General Kofi Annan cun UN ram 191 rori a
kaihhruainak ah demnak tam khal sehla duhtu tamsawn a neih thu hmuh a
si. US dan tuahtu hrkkhat pawl cun a hna bansan dingin an forh rero
nan,  Bush thawn khal tutiang cu kut kaiaw te in an feh tlang thei
lai.  Annan hi Aferican Union, ram 54 pawl kawm, ram 25 pawlkawm
Europe Union le ram dang dawng pawl cun 100% rori an ttan a si.

US night club ah meithal puah

          Columbus ih night club pakhat ah, rock hla pawl thawn an
lam vutvo lai le an aukiau luihlo laifangah meithal mipakaht cun a
meithal a puah ih, milai 5 rori a kap that man.  A mah khal hi tawk
hmun ah hin kah thah ve hngal a si.

            Hi tualthat tu hin a tumbik cu guiter tumu pa a si.
Stage parih guiter tumtu a kah ttheh veten mipi lamnak lam ah zo bul
tih zohlo in a kap cih bet ciamco.  Pahnih khal in hliam nazet an
tuar ngah.  Amandan Tunkus, 19 nute cun meithal puakawn cu drama suah
pawl ih tuahmi menah kan ruat lawk nan, guiter tumtu pa a vawn tluk
ruahri cun kan tlansuak ve fang a ti.

Bush President a tlinsal hnuah

          Bush in term hnihnak president hna a ttuan sal hnuah,
cabinet member 15 sung ihsin 9 cun an hna an suahsan zo.  Cupawl
lakih langsar deuh cu, Colin  Powell, ( zuk kehlam bik ihsin ) Tom
Ridge le AnthonyPrincipi pawl tla hi an si. Cabinet member suak pawl
le an aiawhtu pawl cu a hnuai ih list vek hi a si.

An hna suahsan le hmin              Ai awhtu

Attorney General:  John Ashcorf  Alberto Gonzale

Commerce :  Don Evans               Carlos Gutierrez

State Secretary: Coin Powell         Condoleeza Rice

Energy:  Spencer Abraham         Hmin phuan hrihlo

Education: Rod Page                     Hmin phuan hrihlo

Agriculture: Ann Venemen                 Mike Johanns

Homeland Security: Tom Ridge       Bernard Kerik

Health :  Tommy Thompson        Hmin phuan hrihlo

Veterans:  Anthony Principi          Jim Nicholson

Bush’s cabinet hmaisa sungih tanglai pawl

Defence : Donald Rumsfeld

Tresury :  John Snow

Transport : Norman Mineta

Interior :  Gale Norton

Labour :  Elaine Chao

Housing and Urban Development :  Alphonson

New Zealand ah Gay Union …

          New Zealand parliment cun kan dung tlawngkai nili niah an
ram sungih mipa le mipa ngaiaw pawl le nunau le nunau ngaiaw pawl dan
vek ih neihawk an sian thu an suah.  Hi thuhla hi thla tel ih debate
an tuah hnuah vote 50-65 in duhtu pawl in an neh riai a si.

Philippine leimin ruangah

          Kan dung zarh ih Phillipine leimin ruangah, mi pali an
thiih, milai tamnawn cu an dinhmun theih a si hrihlo, hawl rero lai
an si.  Tuittum ih leicim le thlipi ruangah hin milai 1500 laiih
nunnak cu ttihnung za a si lai.  America khal in, runsuahnak tuah
dingah helicopter thawn ralkap a rawn thlah ding.

Coke le Pepsi ruangah warning cu…

          Kan dung tlawngkai nihnih niah New Delhi  highcourt cun an
ram sungih Coke le Pepsi palang parah ralrinnak ca ( warning ) print
ih ben cih dingin thu an rel fel.  Asancu, Coke le Pepsi sungah hin
natnat cikhat, cancer tiang suahpi thei an hmusuak thar a si.  Hi
thil hi kan dung Febuary thla ihsin hmuhsuah a si zo zan, tui ni
lawng ah an tawlrel suak thei a si.

AG mino pawl Chrismas hranga timtuahnak

          Kan hmai ni 17 – 19 tiang, Desa Melawati, Malaysia ih
Assembly of God kawhhran mino pawl cun Chrismas hmuahnak sunglawi zet
ih tuah an tum.  Ampang ih Flamingo Hotel bawll room ah   drama le
hlamawi phun phun show nak an tuah ding ih, luhman free a si ding.
An Pastor cun, sumle saw, can le kan cemmi hmuah hmiah hi KL mipi
pawl Chrismas laksawng ( present ) kan pe ah ka ruataw tiah a
phuang.  Zoh tum ciau uh si.

Canada ah gay neihawknak siang

          Canda court sangbik cun nunau le nunau, mipa le mipa
tthitawk hi a thiang a si tiah tui tlawngkai nili ni ah an phuang
suak. Cozahpi cun himi thuthawn pehparaw in thu a ruah lai fang ah
court pawl cun dan thar tuah in, tthitawk an lungkim thu an suah
riai.

            Cozah pi cun court hna ttuan pawl hnenah an suhmi cu,
biaknak thawn teh a kalh lo maw? Dan tuah cia thleng theih a si maw?
Pipu san lai ihsin kan cinken mi thawn a kalh mi hi tuah a ttha maw?
Hi thusuhnak pawl hi court cun, buainak a umlo, ziangkim hi an mah le
can ciau in tuah rem theih thluh an si tiah awlai ten an let.

Tuluk ramah ramdang tlawngnauhak karh

          Tuluk ram ah kumkhat hnu kumkhat ramdang  ihsin tlawng ra
kai 30% rori in an karh thu Education Vice President Zhang Xinsheng
cun a phuang.   Kan dung September thla le tui August thla karlak
lawng ah Leitlun ram 170 ihsin tlawngta 78,000 rori in Tuluk ramah
tlawngkai dingin an lut zo.

            Hi ramdang Tuluk ram ih lut pawl hi South Korea, Japan,
US, Vietnam le Indonesia ram pawl ihsin a tamsawn cu an si.  Hi
tlawngta karh ruangah hinTuluk cun an hmai a hngal phah zet.

Theihkau nak lam

Tipi ralkap ngahbik ram le ralkap zat

            Ram                            Ralkap neihzat

            USA                            366,000

            China                           250,000

            Russsia             171,500

            Taiwan                         62,000

            South Korea                 60,000

            India                             53,000

            Turkey                         53,000

            North korea                 46,000

            France                          45,600

            UK                              43,530

Defence budget ngahbik ram pawl

          Ram                             Budgets ( $ )

            USA                            291,100,000,000

            Russia                            44,000,000,000

            Japan                             40,400,000,000

            UK                                34,000,000,000

            Saudi Arabia                   27,200,000,000

            France                             25,300,000,000

Germany                         21,000,000,000

            China                              17,000,000,000

            India                                15,600,000,000

            Italy                                 15,500,000,000

Ralpi II nak laiih ralkap thihlo tambik ram

          Ram                            Thi zat

            USSR                          13,600,000

            Germany                         3,300,000

            China                              1,324,516

            Japan                              1,140,249

            British Empire                     357,116

            Romania                             350,000

            Poland                                320,000

            Yogoslavia                         305,000

            U S A                                292,131

             Italy                                   279,800

            Ralpi II nak ih ral kap thihlo hmuah hmuah zat cu
21,268,992 an si.

Ralpi tawi bik

          Leitlun ram khat le khat doawknak ah can tawibik ih recors
cotu cu Britiah le Zanzibar doawknak a si.  27 August, 1896 tlawngkai
nili zingah, minute 38 cekci lawng doaw in British cun milai 500 lai
an that ih nehnak an co riai.

Leknak lam

Lek lai rori ih thi

Kan dung zarhpi niah India ram sungih Dempo Club,Brazilian  striker
Cristianno de Lima(25) cun Bangalore khawpi ah a club hrangih nehnak
goal a thun theh ve ten catuan ram ah in  feh san ta.De Lima hi
Brazil mi siin India ram sungih lek a si. A mah hi christian a si ih
Bible siar khal a uar tuk. Pratice nak hnun ah khal a keng theu tiin
a team mate Mizo tlangval pakhat cun a tluk loh thu a sim.

X`Mas hman cak Henze

Man U`Argentine left-back Gabriel  Henze cun tu kum Mas hi tha ten a
hman thei lo  dingih pawi a ti zet.Kum dang ah cun Mas cawlh theih
nak ah a lek theu ih tu kum cu a cawl thei zik lo a si.X`Mas ah cun
sung kim ten kan tawng khawm theu ih Biakin ah kan khawm theu a
ti.Mas le Esther hi ka ngai thupi bik tih Catholic pa cun a sim.Dec
18,26 le 28 khin an lek zik ih tha ten ka lek tho ding a ti.

ka zum mi leh ka zum mi (special)

      English Premier league leader Chelsea  hi champion dingin mitin
zum  mi a si.Hmanseh,Gunners le Red Devils pawl cun an tih lo.Chelsea
history kan zoh cun heti vek ih sang hi an kai lem lo.

      Tu(sunday) zan hin Arsenal cun an mikhual zik ih,tu boruak ah
cun Arsenal hi an can a tha lo sawn ding a bang.Captain Vieira
(suspend)an hren ih,Brazilian Gilbato le Edu an tel thei zik si
lo.Keeper Lehman lah a thlak fawn si.Henry le Reyer parah Wenger cun
a zum nak sang pi a nei lai.

      Morinho ih zum nak cu Terry(Captain),Gallas,

Duff, Lampard,Makelele,Godjohsen par ah a si.Morin ho hin position a
thleng na sa.Fullback Terry cu midfield ah a ret zik ih Makelele cu
rightback ah a ret men thei.Heti hun zoh men cun Arsenal hin an khan
zik lo a bang.Sihmansen,Highbury neitu cun a sung an pe siang lo
ding.Tu zarh Champion League result kan zoh cun Chelsea hin FC Porto
2-1 in an neh lo ih Arsenal cun Rosenborg 5-1 in  an neh.Tuzan ih lek
ding pawl hi a zoh ih zoh loh cun sim a harsa zet a si.Game zoh nuam
a si ding.November ih sin Arsenal top sinak laksak tu  hin ziang tin
an lekpi ding.Table kan zoh ah cun :

Arsenal                     VS                    Chelsea

           Arsenal wins         draws      Chelsea wins

League         57                    40                  37

FA Cup          8                      6                     4

League Cup   2                      0                     1

Other             0                      1
1

Total            67                    47                   44

Sunday zan(midnight) ih lek ding mi te hi Premier League ah cun zoh
nuam zet ding mi a si. Gunners fan maw na si ih Blue fan?

Ronaldinho laksawng a ngah

World Soccer Magazine cun Thursday niah niah player of the year
laksawng cu Ronaldinho in a ngah.Calai siartu pawl cun
Ronaldinh28.6%,Thierry Henr(22.2%)le Andriy Shevchenko an pe.Manager
of the year hi Jose Morinho(35.5 %),Euro 2004 ngah tu  Greece
manager  Otto  Rehhagel,le Arsenal`s manager Arsene Wenger pawl in an
ngah.

Live (Sunday)

Aston Villa Vs Birmingham(8:55pm) ESPN

Arsenal Vs Chelsea (midnight )          ESPN

Valencia Vs Numencia (11:55pm)       ST S

ACMilan Vs Fiorentina(9:55pm)         ST S

Bologna Vs Juventus (3:25am              ST S(Mon 13)

Fulham Vs Man United (3:55am)        ST S(Tue 14)

Sport contact at : vl_bawithang@…

Thangte KUR BUNG BEL        (Bezai)

Ziangtik hmanah I duh dahlo ti ka thei ko ee;

Cucu si ka hitthli ti fortu.

Ziangtik hmanah na kut zatial ka kai ngah dahlo;

Zilthli nemte bang ih na thaw suah tla ka thei dah hrih lo;

Kei ruangah lungzur leh lungleng in nan um dahlo ti ka thei ko ee;

Na hnen ihsin ka tlan ai khal na thei man lo;

Ka hrangah nang cu Lasi fala;

Na hrangah kei cu Kur Bung Bel.

Nang ruangah a tap theu tu men.

Ziangtik hmanah t tul dahlo ti ka thei ko ee;

Asinan……., ziang ka lo tuah sak thei cuang ding;

Ziangtik hmanah thinhar in ka lo tuah dah lo;

Ka thu ruat in na caan a cem dahlo;

Kei cu caan tha hawl in ka vakval lai.

Ziangtik hmanah i ngai dahlo ti ka thei ko ee;

Nang cu ka lo ngai ringring si…..

Na hmuh mi mithmai pawl cu an dang lam theh ko ee;

Ka hmuh mi pohpoh cu nangmah na si ee…

Ziangtik hmanah lungkuai in na um dahlo ti ka thei ko ee;

Asinan, kei cu…….

Caan cu a thabik sii a si an ti

Ka hrangah caan ti mi hi a um lo.

Ziangtik khal ah i duhlo ding ti ka thei ko ee.

Cucu ka tahnak bik a si.

Ka ruangpi cu a cak zet ko naan;

Ka lung cu a thi ding ti a fiang zo;

Ziangtik khal ah i duhlo ding ti ka thei ko ee.

                                                 Black Angel  ( Pa
Tha Thang )

Damten Mangtha le

Comments

comments

Comments

%d bloggers like this: