Hruaitu Issue 53

Hruaitu weekly news

Vol. 53

Decemer 5, 2004

Limit theih kan ttul a si lo maw?

          Veikhat cu kan dawrah American fala mawi nawn pali in Wine
an rawn in.  Thu nuam rel tlang ih in phah rero cun an can an hmang.
Rei nawn hnu ah vawn thletbet ka tum hai ih, ” Thank You, we are
OK”, ” kan duh tawk kan lung a swi” tiah in rak dawn.

            An wine Leimikha, lang khat ah RM 120 man a si.  Cuveten
ka vawn theih suahmi cu, Maw… kan Laimi pawl hin, ziang tik ah so,
mai limit thei ih, ” ka duh tawk, ka lung a awi”, kan ti ve thiam
ding ti hi a si.  Zuu hin miphun tthangso pawl lakah hlimnak le nun
nawmnak a tuah laiah, kan nih Lai tlangval pawl lak ih Farahnak,
mualphonak le siatnak lamzin ih in hruaitu a si hi cu tthate ruah duh
ah cun thin a na ko. Fimthiamnak lam ih kan tthanso vivo tikah,
hi “Limit theihlohnak sal” sungihsin kan suak leh ko ding tiah keimah
te hnemaw in Lai tlangval pawl hrang duhsaknak tupi thawn…..

            Editor :  : Richard K. Emmanuel

A suah tu :  : LCF Calai Committee, Malaysia.

Bezai

Lei nun can tawite

            Ka ruah can ah

            Duh mi hrang maw ka nun

            Duh tu hrang sawn.

            Ka tluang tlawn can

            A sau tuk ai,

            Duh tu duh mi nei lo bang

            Ka vak vai ee

            Ka len rual hawi lak ah

            Nun nem ngainak

            A dem dai lo kei na val pa

              Salai M

Thuthan

Hmaizarh(December 12, 2004) ih can hmang tu ding pawl

Can kaitu

Thuthangtha simtu                     Pa Mang Tin Sawn

Zapi hrang thlacam                    Rev. Za Thelh Lo

Solo                                         Mai Mang Mang

Bible zoh lo siar                        Salai Za Biak Sui

Thawhhlawm  ap thlacam          Nu Zungte

Hlarem                                     Mino pawl

Awnmawi tumtu                        Salai Ramte

Kan dungzarh thawn pehpar aw in

Khawm can                 Khawmtu        Thawhhlawm
Mithar              3

Zarhpi zing                    106
171.90

Zarhpi zan                    32                    32

Mino khawm                62                    77

Zarhte zan                    33                    43

Zarhpizing thlacam        12

Rawl ul thlacam                        2

Rinsan mi pawl hnen in ( Biakinn hrang)

(1)    Pa Mang Mang Rm 150  (2) Joseph Zung Thang Rm 50 (3) Pa Mang
Hrin Kulh Rm 30 (4) Pa Khaw Tin Pum 20  (5)  Pa Cung Thawng  Rm 100
(6) Pa Thuan Ling  Rm 50  (7) Za Biak Sui  (8) Thawma 50

Mikhual kan neih mi hi

            Switzerland ram Basel khawpi ihsin Salai Thawm Hlei Mang
( Pa Thawm) cu kan hnen ah in rak tlawng. A nih hi kan miphun in kan
rinsan zet mi le kan miphun hrangah pumpe aw zet in hna a tuan tu a
si. December 5 zanlam nazi 3:00 ah thusuh duh mi le sim tul mi simnak
can a nei ding.

A thei tu nan um maw?

1. Solomon Sum

            Tuni tiang kan kan contact thei hrih lo a si. Himi pawl
hi serial no. 552 hnuailam pawl an si ih himi hnuai ih number nei
pawl nan um a sile an lo contact thei lo mi nan si tiin rak ruat aw
uh la a rang thei bik in in rak sim uh.

In rak contact uh

(1) Salai Lal Hlei Cei                ( serial 647)

(2) Salai Mang Hlei Sang          (    –      660)

(3) Van Lian Uk                       (     –    661)

            Hi pawl hi a rei hlan ah kawh mai ding nan si ruangah nan
mah lam in a hnuai lam mi pawl hnen ah thuhla fiang rak sut uh.

            Thuhla sut duh pawl cun : Salai Eddy Mal Sawm 012 6408
433 le Pa Thuam 012 2118 558 hnen ah suh theih a si.

Foreign tlawngta in US an hrial deuh….

          September 11, 2001 ih US innpi cim ih sin, Washington area
ah ram dang ihsin talwng kai tu 10% rori in an niam.  Hi
International tlawngnauhak pawl in tlawng kainak ah US an hrial deuh
naksan ci thum a um.   US visa system, terrors donak le tuition cost
kaisang ciamco  ruangah International student pawl in US ih tlawngkai
an hrial phah a si tiah zirmi pawl cun an hmuh dan an phuang suak.

            Hi ti cing hmanhin, Washington area ah ramdangmi phunsang
tlawngkai tu 19,552 hrawng um ih theih a si.  ” A buaithlakbik cu
Visa ngah a har tuk mi hi  a si” tiah Huayu Wu,25, George Washington
University tlawng suak Tuluk Ingineering doctor cun  a phuang.  Tuluk
ram ihsin ka rualpi tampi pawl US visa an hngah nakah beidawng an tam
tuk zo tiah Dr. Wu hin a sim bet. Kan dung kum hnak cun US student
visa diltu hi 1% in an tthang deuh nan, 2001 hnulam ahcun 15% rori in
an tlaniam a si.

            US ram pumpi ih University le Colleges dang dang ah
ramdang mi cazirlai 572,509 an um ih, kan dung kum hnak in 2.4% in an
tlaniam tiah report naibik ih phuan suah  si.  Kum 32 sung US
thuanthu ah tuittum hi ramdang tlawngnauhak zat tlakniam hmaisakbik
ttum a si.

Myanmar cun thawngtla 9,000 an suah

          Kawlram ralkap cozah cun a burpi ih thawngtla an suah pawl
cu kan dung tlawngkai ninga niah 9,000 hnakin an tam zo tiah,
thawnginn lam thuneitu pawl cun Leitlun a thu an than.  Asinan, uknak
thar hrang ih cangvai tu pawl an suah tel lemlo ruangah rampi
thlaengawk nak hrang lawngte umzia a neituklo tiah thuthei fiangtu
pawl in an phuang ve.

            Thawnginn department bulpi cun kan dung tlawngkai ninga
niah an thawngtla suahmi cu 9,248 an kim tiah an phuang.  Kan dung
zarh hmaisa ih 3,973 suah bet ding tiah an thuthan mi cu karh bet in
5,311 rori an suahbet thu state media an report a si.  Tuittum ahhin
rampi dodaltu ih puhmi pawl 30 hrawng lawng suah tel an si.

            NLD thu phuang tu U Lwin cun, NLD hruaitu 400 hrawng suah
dingih an beiseimi an suah saklo ah cun, tuttum burpi thawntla
suahnak hin umzia a neilo tiah a phuang.  Ramdang Minister Gen.Nyan
Win cun, Win Tin, 74, kawlram ih thuthangca ngan tu hminthang bik
pakhat cu suah tel a silo thu a phuang.  NLD hruaitu lulam an suahmi
umsun cu Min Ko Naing lawng a si lai.  Tuittum ih an suahmi tamsawn
hi Khin Nyunt kutsung ihsin, a hmanlomi case pawl ih kaih le thawng
thlak an si ruangah thlah sal an si thu cozah dinglai cun an phuang.

Santa Claus le zukneng

          Sven-Olof TSrnvall ( a hnuai zuk ) cun kan dung zarh ih
Santa Clauses pawl zukneng dirh zuamawknak an neih nakah  laksawng a
ngah.  Gallivirae ah kan dung zarh khan Leitlun ram hran hran ihsin
Santa Clauses pawl suahkhawmnak le Chrismas hmuahnak hrang zuamawk
nak tla an tuah ciamco.

Vietnam ah thlipi

          Kan dung zarhpi niah Muifa tiih an kawhmi thlipi nazet cun
Vietnam a nuai ciamco ih milai 33 cu an thi hngal, 4 hrang khal an
hmu hrih lo tithu Official in an than.  Hi thlipi hin an khawpi laili
hrawng a nua ih, harnak tuar pawl khal cozah pi in theih tawp ih
ngaihsak in rawl eiding le sii ttha ttha thawn an tuamhlawm rero lai
a si.

Indonesi ah rampi dodaltu 11 kap that

          Kan dung zarh ah Indonesia ih Aceh khua ah, hel pawl 11
rori kan that tiah ralkap pawl in an phuang. Paruk pawl hi meithal ih
an kah thah an si. Asinan, hi thuthang hi hel pawl thuphuangtu cun a
hman a si tiah  comment a pe thei lo.  Aceh hrawng hi an ram ih din
hran duh pawl um khawmnk hmunpi bik a si.

South East Asia pawl meeting tuah

          Kan dung zarhpi niah South East Asia ram paw cun thu
phunkim rel tlang dingin Laos capital ah meeting an tuah.  Hi
miphunpi 16 meeting nak ah hin, SE. Asia ih ram rethei deuh pawl khal
in an hnenum ram lian deuh pawl thawn pehtlaihawknak tthasawn tuah
ding thu pawl tla an rel.

            Hi meeting ah hin, Kawl ram PM Soe Win, Cambodia Prime
Minister Hun Sen le Laos PM Bounnhang Vorachith pawl tla in Asia ah
ram lian le farah pawl lakah thlei danawknak umlo dingin lungrualnak
hmin an( sign ) ngan tlang.  Hi nihnih meeting ah hin, sumdawnnak lam
hawi deuh ih thu rel tlan a si.  Tuittum meeting nakih Australia le
New Zealand an rawn telve hin, Asia pawl thazang tampi a pe hai.  Hi
ram 16 meeting pi hin terorists donak hrang ih ttangrual ding khal in
thu tampi an rel tlang a si.

Myanmar ngaihsak dingin Thailand in Asian fawrh

          Kan dung Asia meeting ah khan Thai Prime minister Thaksin
cun, kawl ram ukawknak tuahttatnak lam ih hma lakpi ding le tur ding
in a Asian rampi pawl cu a sawm hai.  Prime Minister cun  Soe Win cu
breakfast tla eipi in, Asia ram pawl khal in Myanmar ram thlengawknak
hrang beiseinak tumpi an neih thu a sim.  Kawl ram thlengawk nak
hrang ram leng pawl in an tawlrel rero laiah NLD hruaitu Aung San Suu
Kyi le NLD hruaitu pawl cu kilbehnak hnuaiah an tang lai a si.

Hong Konng ah Bollywood Concert

          Tui zarh hin Indian Bollywood zohnuam stars pawl cun HK ah
concert an tuah ih, (kehlam zuk ihsin) Zayed Khan, Malaika Arora,
Shahrukh Khan, Preity Zinta le Saif Ali Khan pawl tla an feh.
Concert director Ashok Mahtini cun, ” Music hin ttawng ( langauge ) a
neilo ih, Leitlun pumpi ah Bollywood hin hmai kan nawr sin sin ding”
tiah a phuang.

Pathian thlawsuahmi kan lairam

          Hruaitu ka hmuh dan mal ten :  Aw.. Hruaitu kei ka hrang ah
cu na ttha tuk.  Mi dang hmuah hmuah hnak in ka hrang ah na ttha
hleice hmang ding ka zum. Asinan, kei mah hrang lawng ah na ttha
hlece lo ih mi hmuah hmuah hrang ah na ttha in na mawi nasa.

            Mi dang hrang ih na tthathnem dan hi ziangvek a si pei?
Kei ka hrang ih na tthat dan cu hi tin a si.  Ka lo lei ih ka lo
siarbet hleiah, cauk dang pakhat ka lei bet ih, a hleice ih theih a
ttulmi le kei mah ih ka tuinak lam thuhla pawl kha cui cabu sungah
cun ka hminsin, ka khumbet sal ih neh hnu ih ka vawn zohsal tik ah ka
cingkeng ring ring thei.  Cuhleiah, cumi ka khummi pawl cu cabu ttha
pakhat ah an cang leh ding ti beiseinak ka nei.

            Keicu, a hlan ah cun ningzah nei zet mi ka rak si.  Mi
lak ih tlanlen le mi biangbiaknak lam khalah ka thazang a mal zet.
Rei nawn in zoh ah tlacun ka mithmai retnak ding hi ka hrangah a har
nasa ttheu. A har hi ka rak ti zet.  A tu, Malaysia ah Pathian nih
lungawi sopar te in inkaihruai ih hlawknak khal tampi ka nei.  Kan
calai le kan miphun tthansonak hrang khalah ttan napi lak in ”
Hruaitu Magazine” nan rak suah thei hi Pathian nih kan miphun in
khaisang rero

lai a si ti cu a fiang zet.  Laimi cu 100 ah 10% cu Krihfa kan si ih,
Pathian nih a fale pawl hi thlaw in suah teng teng ding.  USA rampi
khal khi Krihfa ram a siih, Pathian an rinsan ruangah Pathian nih mal
a sawm kha!  Kan nih Laimi tla Krihfa kan siih, kan Lairam te hi cung
Pathian nih mal a sawm teng teng ding.

            A hlan ih ningzak ka rak neizet mi kha, a tu ah cun
hruaitu thuthangca nihhin in siamrem zet in ka hmu.  Ziangah tile?
Kan calai kan miphun hrangah theihtawk ih ttan lak ve a ttul ti hi in
theih ter tu a si ruangah a si.  Kei, mi hnen ih mi va pawl ngamlo,
mi zakzum zet hman nih mah le ti theitawk ten ttan lak ding ka thiam
ve thlang ih, ka u ka nau, ka rualpi pawl nih cun ka hmai ah nasatak
in ttan an rak la rero ti cu a  ka rawn hmu fiang deuh deuh.

            A tu hmanah hi tluk ih kan zuam a si ah cun kan hmai lam
kum 10/ 20 tiang hrawng khi ka hei cuan ttheu.  Unau nangtla vawnn
cuan ve hman aw.  Kan miphun kan calai a mawi leh danding hi cu na
hmu keu keu ding.  Kan leilungpi a ttha vivo a si ah cun, a tuih kan
tuhmi pawl hin rah an rawn suah ve thlang ding.  Kan calai a karh
ding ih kan miphun a tthangso zet thlang ding. `N’ Chin & `S’ Chin
State pawlah tlawng ttha ttha a um thei thlang ding.  Mah le peng,
mah le khua, khuate dengkawm tiangin kan Laica in leitlun thuhla pawl
kan thehdarh thei thlang ding.  Ka va hngakhlap em! Hi mi thu ka ruah
ah cun thaisun hmanah khin zang zang seh ti lawng lawng ka duh.  Ral
ttha zet le thinlung thianghlim ten hmai nawr uh si.

                                                Salai Biak Tin Ceu.

US Homeland Security Secretary a cawl ding

          US Security lubik Tom Ridge cu kan dung tlawngkai nihnih
niah, a hna ihsin suahnak ca a ngan.  Ridge hi 2001 September thla ih
thil thleng ruangah lung kimlo ih suah tum a si.  Kha thil thleng pi
ruangah khan kilvennak lam le Inteligence lam cun a hleice ih dem an
tuar ih, curuangah an hna an suahsan ciamco a si bik hi. Ridge hi,
hnattuantu ( employee ) 180,000 pawl khai khawmtu Agencie 22 pawl
parih hotu a si.  Asinan, Ridge hin Febuary 1, 2005 niih a mah thlak
tu ding Senate in an ruat fel hlan cu a hna a ttuan hrih ding.  Ridge
tepawl ih hna bik cu US hi terrors le ttihnung phunkip la ih kilveng
tu ding le humhim tu ding an si.

Dhaka ah Muslim pawl an pung khawm

          Dhaka khawpi ah Leitlun ram tinkim ihsin Muslim pawl cun
kum tin ih an neih ttheumi nithum sung thlacamnak nei ding in an rawn
pan khawm ciamco. Leitlun ram 40 aiawh in milai 3,000 lenglo cun,
Leilungpi daihnak hrangah thlacam an thawk rero thlang. Hi thlacam
khawmnak ah hin Arabic, Bengali, English, Hindi, Urdu le ttawng dang
dang thwn sermon a si ding.

Bush ih lem lasal

          Kan dung kum ih Iraq Empire pi siatbal a si laiah President
Saddam Husein ih zukpi kha ti siat thluh a rak si dah zo. Khami thu
thawn pehparaw in, kan dung talawngkai nihnih niah Vancouver ih Bush
lempi dinglai cu, a mah duhlo tu milai 500 rualpi in an siatbal ve.

Leitlun in AIDS nipi hmang

            Kan dung December nikhat ni kha Leilung tlun AIDS ni a
siih, Leilung tlun ram tamsawn cun a phun phun in seminar tla tuah in
an hmang a si.  Srilanka ah cun AIDS pai milai 4,800 hrawng an um ih,
India ah cun 5.1 million hrawng an um. India hi AIDS natnak nei pawl
ah cun Aferica hnuai ciah ih um an si.  Tuluk pawl lak ah hi natnak
neitu hi milai 840,000 rori an um zo.  Hi AIDS ni ah hin Leitlun ram
pi tamsawn cun, do tlan dan ding thu ttha ttha rel khawm in an
tawngaw hai a si.

US-ih kum upabik a thi riai

          Verona Johnston ( a hnuai zuk ), Amrica ramih nunau damrei
bik record kai ring ring tu cu kan dung tlawngkai nihnih niah a thi.
A thih hin kum 114 mi a si.1920 kum ih sin American rampi nunau
upabik record hi rak tuah ttheu a si ih, hi nu hin kum saunawn cu hi
record hi a kai ding a si.  Ohio state, Worthington ah ih a mai inn
ah thlakhat sung hrawng lawng na in a thia  si, tiah a fanu Julie
Johnson in a phuang.

Bush :  Iraq hrilawknak hrang January thla

          Kan hmai January thla sungah khin Iraq rampi hrilawknak
tuah ding ih ruat fel a si hnu ah, Bush cun kilvennak ttuanvo uluk
sawn le neh sawn ih an lak thei nak dingah US ralkap 1000 a kuat bet
ding.  Bush cun January 30 kh Iraq mipi pawl hrang ih hrilawknak can
remcangbik a si, kan tthawn nwnlo ding tiah White House reporter pawl
a sim.

            Iraq ahhin US ralkap 138,000 hrawng an um lai ih, January
thla ah khin 150,000 kim ding in timtuahnak US cun an nei.

Leitlun Model laksawng a ngah riai ( Front Cover story )

          Sofie Oosterwaal, Holand fala mawi cun, Shanghai khawpi ih
tuah mi Leitlun Model fala mawi hrilnak ah laksawng pakhatnak cu a
ngah ta riai.  Kan dung tlawngkai nihnih niah hi lakjsawn g hi pek a
si. A pahnih nak cu US fala mawi Dana Marcolina in a ngah ih, a
pathumnak cu Denmark fala mawi Maj Bjerre in a ngah. Hi Leitlun model
fala mawi hrilnak ah hin, ram 50 ihsin fala mawi 80 in zuamnak an nei
a si.

Baghdad :  milai 26 rori thi

          Iraq cun rampi hrilawknak an tuah nai thlang ruangah, an
ram hrang ih lungruh pawl khal in ttan an la deuh deuh ih, tui
tlawngkai ninga ni ah hin milai 26 an thi riai.  Tui ttum mithi lakah
hin 16 cu an ram Police an si.  14 cu motor thihcilh bomb in an thi.

            Interior minister cun hi thahawknak hi, kan hmai January
thla ih hrilawknak hrang ttannat tuk ruang ih thil thleng a si a ti.
Hi car bomb hin thilri tampi a siat suah ih hleiah milai 10 hnak ih
tam in hliam nazet khal an tuar a si.

Theih kau nak lam

Video Khawpi

          Lei tlun ih Video suah tambik le an paisa hman zat pawl cu
a hnuai ih mi vek hi a si. Japan
35                        4,768,000,000

UK                              36                    2,857,000,000

French                          41                    1,681,000,000

Canada                        34                    1,666,000,000

Germany                      39                    1,027,000,000

Australia                       29                    595,000,000

South Korea                    3                   556,000,000

Italy                              23                    540,000,000

Spain                            31                    405,000,000

UK ih videos zuar khawng cakbik pawl

            Film Hmin                                 Suah kum

The Jungle Book                                   1993

Titanic                                                  1998

Snow White an the 7 dwarfs                 1992

The Lordof the Rings                            2002

            Ram                DVD%                        Sum hman
zat

USA                            34                 20,549,000,000

Toy Story                                             1999

The Lion King                                      1995

Shrek                                                   2001

Gladiator                                              2000

Harry Potter and the Philosopher’s

Stone                                                   2002

Beauty and the Beast                            1991

Nauhak star ttuannak film pawl

          Film                                          Kum

Harry Potter and Philosopher’s

Stone                                                   2001

Star War:  Episcode I                           1999

Jurassic Park                                        1993

harry potter anf the Chamber

of Secrets                                             2002

E.T. the extra-Terrestrial                       1982

The Sixth Sense                                    1999

Home alone                                          1990

Mrs. Doubtfire                                      1993

Sings                                                    2002

Jurassic Park III                                   2001

            Hi film pawl hin US $ 365million ciau hrawng an hlawh
suak.

Leknak lam

2004 World Player of the year(back cover)

Barcelona`s Ronaldinho,AC Milan`s Andriy Shevchenko,le Arsenal pa
Thierry Henry pawl FIFA  cun an candidates zo.Hmanseh,a ngah ding
ngai ngai cun Dec 20 hin puan ding a si.Henry hin nikum ah pahnih nak
cu a rak ngah zo.Tu ih candidate pawl hi an ram le club hrang ah
pasal tha le mithiam vek an si.Khai aw,pakhat nak ngah ding na zum mi
cu rak hril aw la hmaizarh Hruaitu ah na zum bik mi le a chhan rak
theih ter aw.Laksawng na ngah loang tih a sim theih loh.

Real Target a hman sal

          Kan dung zarh ah an ral Barcelona cu 3-0 rori in an nehlo
ih.Asinan, tu ah Barca hin Getafe 1-2 ih an neh  laiah, Real Madrid
cun Levante cu 5- 0  in an neh ve sal a si. Real hin an tumtah mi
lamzin an hmu leh sal a bang, British unau Beckham, Owen, Brazil mi
Ronaldo le Portugues mi Luis Figo pawl ih ttuan suah mi a si.

            Real hin games 13- ah point : 25 an hmu in P.7 ih sang
Barcelona (32) hnuaiah an um lai a si. Cham pions Valencia pawlin
Mallorca 2-0 in an neh ih P.22 siin Palina ah an rawn kaiso ve thlang.

England ramih Football mi hausa Top 10

                   Top Directors

1. Roman Abramovich,38,Chelsea    7.5 billion

2. Joseph Lewis,67,Tottenham,         1.8 billion

3  Dermot Desmond,54,Celtic,Man Utd-850 million

4. Trevor Hemmings,69,Charlton,Preston-700million

     pounds

5. The Walker Family (Jack Walker deceased
2000)

     Blackburn-                                 650 million

6. Malcon Glazer,76,Man Utd-       560 million

7. David Sullivan,55,Birmingham-  550 million

8.  John Magnier,56,Man Utd,         520 million

9. David Gold,68,Birmingham,       485 million

10.Mohammed Fayed,71,Fulham-   470 million

10.Harry Dobson,57,Man Utd-       479 million

                    Top Players

1. David Beckham,Real madrid,65 million pounds

2. Dennis Bergkhamp,Arsenal,  37 million

3. Michael Owen,Real Madrid, 30 million

4. Robbie Fowler,Man City,      28 million

5. Alan Shearer,Newcastle,       22 million

6. Sol Campbell,Arsenal,          20 million

6. Rio Ferdinand,Man Utd,       20 million

6. Ryan Giggs, Man Utd ,20 million

6.Roy Keane,Man Utd,20 million

10.Thierry Henry,Arsenal,18 million

KaKa thawn biakawk nak

          Italian Serie A ih AC Milan Midfielder, hmelttha zet le
bawhlung lek thiam zet Brazil mi ” Ka Ka” thawn  vawn kawmaw hnik uh
si.  2003 ah Brazil club Sao Paulo ihsin 8.5 million in an leimi a
si.  Ka Ka hin championship laksawng dawn hi thil thupibik ah a ret.
Curuangah hmai lam can hrang ih a tumtahmi le a khua ruahdan kan zoh
hnik pei uh:

Q :  Milan ah hin contact thar na tuah sal ih, nuam na ti tuk a si ke
cu maw?

Ans:Tuk pan ten.2009 tiang ka um theih ding ruangah.Milan khawpi ih
um ih Pathianin can tha in pek mi hi vun n ruat pahin zing tin te
pratice tla hi nuam ka ti a si

Q  :  Brazil pawl hin 2002 World Cup leklai ih kut nan kaiaw vialvi
ttheu kha biaknak lam ruangah mawsi?

Ans :  Kha tik canah khan, hotel pakhat ah riak khawm ih Bible siar
ih thlacam khawm in, pakhat cahnak pakhat hnenih pek beisei in kan
ttang khawm ttheu.  Biaknak lam ruangah cun a si ciamco lo.

          From Page 20…..

Q:Milan ih na team mate Shevchenko le mi dang thawn ziang tin saw nan
bawmawk dan?

A:Andriy hi in lek nak sung le lengah khal mithiam a si.Hiti
Journalist pawl in ka thiam lohnak sim an tum le KaKa cun tiuh hlah
tiin in rak simsak theu.Tam ti in bawm.Tukum ah hin laksawng ngah a
phu zet ka ti.Midang pawl khalin in bawmnasa.

Q: Milan na um hnu hin SerieA laksawng nan ngah ih tukum teh nan ngah
leh thei na zum maw?

A:Champions League laksawng hi ka duh bik mi a si.Serie A khal kan
lak tho ka zum lai.

Q:Na hmin dang in sim thei pei maw?

A: Ka hmin chu Richardo Izecson Dos Santos Leite .Hmin lem dang khal
a um lai,Roanaldo in inkoh dan tla,Fala lamin in koh dan tla tampi a
um lai.

Q:Fala teh na nei maw?

A:Nei e.Brazil mi fala hmeltha zet a si.

Hruaitu weekly hi online www.ycld.org  ah rak siar theu aw.

Danten, Mangtha

Comments

comments

Comments

%d bloggers like this: