Hruaitu Issue 43,

Hruaitu Weekly News

Vol. 43

Sep, 2004

 

 

 

Editorial

Milai nun hi

Hruaitu rak siartu unau nan za ten ca sungah nan kut ka lo kai!!! Tui ttum cu, milai nun hi kan vawn ruat tlang hnik a si poh ke cu.

Ngek.. Ngek..Ngek tiih ttap phah cing ten Leilung tlun ih a ra suak tu milai pawl kan nun taanawk dan le, kan thil tawnmi pawl hi mak nan ti ve hai maw? Ziang ruangah so hi tluk ih kan pian zia, kan thinlung put, kan duhzawng le tumtahmi, kum 70 leitlun nun hman kan tumdan a dang ciamco hi?

Pathian pakhat ih tuahmi, Milai pakhat Adam ihsin suakmi milai pawl hi unau vekin teh kan zohaw thei hai maw? Milai pawl, in hrek darh tu le Leitlunah thahawknak, thahawk hmanah a rapthlak theitawp ih thahawk khal pawilo khawp ih lungput in neih tertu, miphun le miphun karlakah, kawhhran le kawhhran karlakah le mai unau milai pi karlak ih remlonak le doawknak suak tertu hi ziang bik so ? Milai nun hi ziang so a si…?

Editor : : Richard K. Emmanuel

Join Editor : : Steven Ttha Tin Kham

A suah tu : : LCF Calai Committee, Malaysia.

 

richardemmanuel4u@yahoo.com

 

Thlacamnak lo cun

¡° Bawi Jesu cu zingpit teah thoin, zohman umlonak tlangparah a kaiih, cunah thla a cam¡±

( Mark 1: 35)

Kan Kristian thuanthu ka ban tawk ih ka zohsal tikah Pathian dungthluntu le a hna thianghlim ttuantu thlacam dahlo ka hmu lo. Thlacamnak hi ziangvek a si, ziangtlukin thil a ti thei ti le ziangtlukin hmual a nei ti cu cafang ih ngan suah le zirhawk hnakin ¡° mah te bulpak thlacamnak¡± rori ih theih fiang theihmi a si.

Thukham hlun le thar, kan Bible pumpi rori laimu le khaikhawm tu hnukpi, kan Kristian pian suahnak pabik Jesuh cu khawvang hlanah thlacam dingin tlangpar a kai ttheu. Abraham, Josep, Moses, Daniel, David, Paul le kan Bible rak ngantu mithianghlim pawl hmuahhmuah cun thlacamnak thawn kan Pathian an rak bia ringring ttheu.

Tui ni kan ram ih zumtu a ti aw tu tampi cun thlacam hi nunau awmnem deuh le mi hnuaita pawl ttuanvo le ti thei tawk vek men ih kan ruat hi a pawi zet. Bible siar tam le zir tam cu theih tamnak a si, asinan thlacamnak cu Pathian thawih lentlang ringring nak a siih tlunah zumtu kan nunnakah cahnak ( power )thup kan laknakbik khal a si

( Mark 9: 29 ). Pathian bawmnak hai tik lawng ih thlacam pawl cun, thlacam umzia an thei hrihlo bembem. Dilnak lawng an thei. Thinlung kekkuai in thlacam raithawinak Pathian hnenah hlan ttentto uh si.

Ela

Hruaitu hi

By : VL Bawi Thang

Hruaitu thuthangca ih ngan ve dingin kan Editor sawmnak vei tam nawn ka dawng zo ih, ngan suah ve thei khal ka tum a si. Sihmansehla rin vekmen in thil hi a rak awllo. Ni tinte hna kan ttuan ih can lawng ka neihloh tiah phuahhlam hawlin, hnar hnuaiah phuahhlam a um tam nasa.

Can lawng ka neilo ka ti hi cu phuahlam men a rak si, kan Editor pawl khal hin hna ttuan phah cing ten tui ni tiangin a tikcu can teah Hruaitu hi an rawn suah thei ring hi cu a lungawi um in tluklo rim khal an nam in ka thei. Cu ti karlakah siartu pawlin kan hlutpi lo ahcun an bangnak a lak a si ding . Tihsak theimi kan nei mal si, laksawng vek tla kan tuah theilo a si hmanah News paper tal hi cu leisak sehla Editor phur a zang deuh ding.

Kan Hruaitu hi a te zet nan theihkauh nak a tam in kan hrangih ttulmi tampi ngah ding a um hi mak ka ti zet. Thil dangih paisa cem kan sian laiah thuthangca leinak ih paisa cem kan ui leh ttheu hi cu tthaten khua ruah sal kan ttul. Stanley Jones cun ¡° cabu siarding ttha na neihlo le na angki hruk lai kha hlit awla, leiaw¡±a rak timi tla hi kan hrangah cun atthlak men tla a bang. Theihnak lam ih mit meng zo tui hrangah cun, ca siar hi hlimnak khal a si. Miphun tthangso cun ca an siar ttheu ih, ca siar ttheu miphun an tthangso.

Kan zarhtin thuthangca hi a tthatnak lam cu rel cawk a silo dingih, a famkimlo deuh nak lam tla vawn zoh hnik seh la. Volum zat kan thei theiih, copy zat khal theih thei si seh la, siartu le ngantu pawl hrang khalah ttulnak a um in ka zum. Thuthang pawl hi a thuhla lawng silo in zuk tiangih hmuh ding a um hi siar a nuam phah zet. Asinan, a kawm zuk pawl hi ( cover story ) simfiang thei ttheu si seh la.

A sung thu vawn zohsal duak leh sehla. Zarh tin thuthang a si vekin a sungih kan hmuhmi pawl hi theih kauhnak le thuthang lam hlir a siih kan hlawkpi zet. Asinan, Hruaitu a si vekin, nu le pa¡¯i thu zirhnak khal dawng ban nawnlo ih hmun hla ih um mi pawl hrang nun in sim tu ding Cahram ( Article) le ¡°Sermon¡±, tla hi tel thei ringring sehla a duh um zet ka ti.

A…vawn rel takah cun, rel ding tla kan rak theive hnuaihni a si maw. Ziangkhallo le kan Hruaitu hi a nauhak tuk lai ih famkim thluh dingah cun phut hrih lemlo seh la, tthasawn le tlamtling sawn ding cun kan nih siartu le Editor khal in tamsawn ih can pe in, nasa sawn ih ttan kan lak tlan a ttul. Thomas Jefferson cun ¡°cabu tello in ka nung theilo a ti vekin¡±, kan nih LCF members pawl khal hin ¡° Khawi ah ha tui zarh Hruaitu kha tiih kan hawl ih, Francis Fenelon in ¡°na cabu le na study nak hmuahhmuah pawl tlansan awla Europe lal tohkham ka lo pe ding in ti khal sehla, ka cabu le study nak pawl hrang ka ding sawn ding¡± a rak ti vek dinhmun kan thlen thei tikah kan Hruaitu khal a tlamtling ding.

.

Ttek tla ruangah caw 40 thi

Kan dung tlawngkai ninga niah Johorbaru, Malaysia ih caw 40 rual rori cu ttekin a deng that tiah Tuluk thuthangca pakhat in a phuang. Hi mi niah hin ruahpi bingbur a sur ciamco ih, ruahpi han veten caw rualpawl cu thicia in sar an si. Hi caw rual pawl hi mi pakhat ta lawng an siih, kan dung kum hnih ihsin ei hawlnak ih rak vulh thawkmi an siih, RM 40,000 man hrawng an si. Caw neitupa cun tur ih thah thluh an si hmang tiah a ruat nan, rannung sibawi pawl cun ttek ih tlak that an si thu an phuang.

 

Mai nupi Lei tansaktu an kai

India pa pakhat cun a nupi thawn an elaw tamtuk ttheuih, a nupi lei cu nam in a tan sak ruangah Palik in an kai tiah kan dung September 13 niah report an suah. Enadul Mullick, 40, cun a nupi cu ttawng thei nu ti phahin a lei a tan sak a si hmang.

 

Tuluk fala mawi ( Back Cover )

Kandung zarhpi niah Chongqing ih fala mawi Yang Jin cun, Sanya, Hainan tipi kap ih tuahmi Tuluk ram pumpi fala mawi ( miss ) hrilnak ah laksawng 1st a ngah. Hi fala nute hin kan hmai December thla ih tuah ding Leitlun falamawi hrilnak ah Tuluk rampi aiawh in a zuam ding a si.

 

Scorpions Pawl Malaysia ah (cover story)

Kan dung September 13, 2004 tlawngkai nikhat zan 9:00pm cekci ah German hlasak thiam larbik Scorpion pawl cun KL khawpi ih Stadium Merdeka ah nazi pahnih sung slow Rock concert an tuah.

Rudolof Schenker le Matthias Jabs in Guitars an tum ih James Kottak in dimlo le rang thei tawp in drum a tum laiah, Pawel Maciwoda cun bass a tum. An group ih hlasak thiam pabik Claus Meine cun kum upat hnu lamah ¡° Apakhabar Malaysia¡± tiih a aw tlin tawkih a rawn au cu zohtu mipi thawm cu a ttha nasa.

Tui ttum ih Scorpion concert ahhin hla 14 an sak ih, a lar deuh deuh pawl cu Always Somewhere, Holyday, You and I, Tease me Please me, Black Out, Big City Nights, Wind of Change, Hurricane, Still Loving you le When the Smoke is Going Down pawl tla an si. Wind of Change le You and I an rawn sak laifang kha cun zohtu mi in kan rak cangvaih pi dankha Germany ram ih concert zoh vek rori kan si tiah kan LCF tlangval pakhat cun a sim.

Scorpion Unbreakable pawl in can an hman hlanah Malaysia heavy Rock pawlin 45minute sung can an rawn hmang ve ih, Scorpion pawl thawn cun an thlau aw tuk lai. Hla ngai lawng siloin Lead le Drummer cun mahle can teah duhtawkih thiam an rawn suah cu, ka ang hiau hiau in kan rak zoh a si bik. Hlanlaiih Scorpion kha an cuai hrihlo.

Leitlun in US president dingah Kerry an duh

Tuittum US president hrilnak ding hrang ah Leitlun ram 35 ih mipi 34,000 lenglo ngaihdan lakkhawm nakah Bush hnakin Kerry duhtu an tam deuh. Kan dung July- August karlak ih Leitlun mipi ngaihdan lakkhawmnak cu hi vek a si :

John Kerry George W. Bush

74 Norway 7

74 Germany 10

64 France 5

63 Holland 6

61 Canada 16

58 Italy 14

58 Sweden 10

57 Brazil 14

57 Indonesia 34

52 China 12

48 Venezuela 22

47 UK 16

45 Spain 7

43 S. Africa 29

42 Czech Rep 18

34 India 33

26 Poland 31

Kerry hin 46% a ngah ih Bush hin 20% a ngah a si.

 

Nithla siarnak ( Calendar ) Mawi emem

Rih lipi zuk mawi emem ih ka tuah mi a si. Kan dung kan project ih hnatuantu pawl thawi Rih kan tlawn ttumih kan zuk mi a si. Rih zuk a tlun ta bik ah a si dingih a hnuai ah Vapual zuk le Sawkhlei zuk a um. Cui hnuaiah 2005 Calendar tiin a um Wall Sheet a si ding. Kei ka tuah duh san cu Rih li kan Laitlangih um hi kan Biak mi Cung Pathian ih sersiam mi a si ti ka langtir duh.

Kei cu Chin State ih um thinlung vekih mawi Rih tili hi Pathian ih sersiam mi a si tiin ka ngan. Khat lamah cun Pathian ih sersiam mi hi ka thangthat phah a siih a umnak Lai ram khal ka telh duh phah fawn. Rih hi Falam ta lawng khal a si lo kan zate ta a si ti theihnak ah Mirang ttawng hlir in ka ngan.. Cun, Lai mi cu ramtawi sa kah duh kan si bangin thla de, thla thul le thla thim tiang a zuk thawn ka telh thluh. Hakha, Tedim le Mizo hnen khalah zuar thei dingin Mirang ca hlir in ka ngan.

Dam te¡¯n¡¯

Alfred Paro

Ps // Tui thlacem ah Calendar kan hnen a rak thleng ding!!

Datuk Seri Anwar a sungsal

Malaysia Prime Minister dinhmun rawn ngah ding ih, Leitlun le ramsung khal ih an zum mipa Datuk Seri Anwar Ibrahim cun, kum ruk sung rori thawng inn a to hnu kan dung tlawngkai nithum niah rampi tlaksiatpi tu tiih Dr. Mahathir in a rak puhnak pawl cu a silo zia mipi hmaiih fiang vuarvi dingah Court sangah a then nan, Malaysia Court cun thiamlo an co ter sal.

Anwar hi kum ruk sung rori thawng a to hnu, kan dung April 14, 2003 niah thwnginn ihsin suah a si zo. Asinan, tui ttum ih a sun sal ruangah hin kan hmai April 14,2008 tiang khi cu Malaysia politic khal ih a tel sian a silo. 1998 kum hrawngah Anwar hi Dr. Mahathir khal in, a ai rawn awh tuding ih a hrilmi bik le a rak tumtah bikmipa a sinan, an ram sumdawnnak tlaksiat laiih an khaw hmuhdan bangawklo ruangah, rampi tlaksiat tertu tiah case 4 rori in Mahathir cun a puh ih, thawng a rak thlak mi pa a si. Hi pa hi rampi hruaitu dingah, an ram mipi le Leilung tlun khalin an rinsan zet mipa khal a si.

 

 

 

 

 

LCF theih hngilh lo tu

 

Kan LCF rak din suak tu lak ih a rak tel tu Salai Ram Than Zau ( Pa Zau ) Cu Pathian in a hmakhua a hruai vivo ih USA ah damten a thleng, hna khal tthaten a ttuan thei.

Kan LCF harsatnak in rak theihpi in a ti thei tawk Sumpai Rm 755 in rak kuat ih a parah lungawinak tampi kan nei. Kan LCF in rak theih hngih lo ti khal fiangten a lang. Pathian in ziangkim a ttuan a hawlnak ah lam hruai vivo hramseh.

 

Hla kan lodil

Malaysia LCF sungkua ihsin Laihla suah dingin tumtahnak kan neih ruangah, hla in phuah sak theitu nan um a si le a rang theibikin miphun le Pathian hrang nan rak pek ciau dingah Bawi Krih hminin kan lo sawm. Ramhla, Pathian hla, Sungkua hla le tthangtthatnak hla mawi a phun phun si thei sehla duhthusam a si. A hla aw cu country, blues, rock le go go….a phunphun tel thei sehla kan duh. Malaysia LCF sungkua ihsin Laihla suah dingin tumtahnak kan neih ruangah, hla in phuah sak theitu nan um a si le a rang theibikin miphun le Pathian hrang nan rak pek ciau dingah Bawi Krih hminin kan lo sawm. Ramhla, Pathian hla, Sungkua hla le tthangtthatnak hla mawi a phun phun si thei sehla duhthusam a si. A hla aw cu country, blues, rock le go go….a phunphun tel thei sehla kan duh.

Tawlrel tu: Salai Bawi hre

 

In sim theitu nan um maw???

 

Salai Za Biak Vung ( Sadaw) le Salai Ngun Siang Luai ( Sadaw ) tei pahnih umnak thei nan um a sile a hnuailam ih telephone number ah in rak sim dingah zangfah kan lo dil. An unau pawl in mangbang zet in an anhawl rero.

Lal Sawi Cuang Cell : 012- 240 8826

 

Beidawng lo pawl hrang

 

Malaysia ramah a rak thlengih damten nitin ten hnattuan phah in ramttha le ramnuam thlen a theih. Asinan beidawng lo in hngah ttentto, ttha ten phit rero cu a tttul ding. Thil ziangkim hi awl ai ten ngah mi cu a manhla lo. Harzet le tairial cingten ngah mi cu a sunglawi.

 

Rak zuam hrih aw, kan LCF unau lak ihsin khal tui thlasungah Norway lam pan in a feh suak ding khal an um.Kan hrang Pathian in canttha (chance) in pek mi a si.

 

Thu rawn duh hrang..Pa Uk…Cell 019- 37155 92

David Mana 012- 2118 558

 

Vate hri theih theinak thar Londonah

British ramih sii thiam pawl le Scientists cun kan dung zarhah Asia ram ih milai 29 rori suat tu Arpul hri ( or ) Vate hri natnak vei pawl nazi pakhat sung lawngih theih loli nak bungrua thar an tuah suak leh zo.

 

India tilian cu

Kan dung zarh ah India ram sim lamih Tripura khawpi cu ruahti tamtuk ruangih tilian in a hrut ciamco ih milai pali an thih ih hleiah 55,000 rori cu hi tilian hin a buai ter a si. Hi mi thi lak ih pahnih cu, an rua lawng siat ruang ah Muhuri tivapi sung ih tla lut in an thi a si.

 

 

Japan milai 1000 Malaysia ah

Malaysia le Japan rampi cun an remawknak lanter tu dingah le rualpi ttha an sinak lanter tu dingah hngilhlohnak thingkung phun tlang dingah an lung a rual. Cui lungrualnak cu thlun in kan dung tlawngkai nikhat niah Japan milai 1000 rori cun KL Airport an ra thleng ih Malaysia ram ihsin tlawmngai ( Valentear )tu mi 2,000 pawl thawn KL khawpi kiangih Sepang hmunrawn ah thingkung phun phun an phun luihlo lai a si. Tuittum ahhin tingkung 20,000 lai phun an tum a si.

 

Bush ih cabu thar a suak zo

US president George W. Bush tei ci le kuang ngannak cabu thar cu kan dung zarh tlawngkai nihnih ni ah a suak zo. Cahmai 733 ih a sahmi hi cabu hi, tulaiah an ram sungih cabu zuar khawng cakbik list ah a tel ban ih, Enternet ihsin a siar duhtu¡¯i hrang ah Amazon.com ah siar theih a si.

 

Sharon in Arafat banter a tum

Israel PM Sharon cun Palestine hruaitu Arafat cu Wesbank ihsin a hnukdawk aw lo a siah cun Hamas hruaitu parih kan cangvaih vekin kan cangvai sal ding tiah Israel thuthangca hmuah hmuah ih interview an tuahnakah a phuang.

Israel pawl hin, Palestine thihcilh bomb puah tu pawl hruaitu, Hamas hotu Ahmed Yassin an thahsak ih zarh thumnakah Yassin ih aiawh tu khal an thah sak bet. Sharon cun Hamas hruaitu le Arafat hi an danglamnak pakhat hman ka hmu cuanglo, a hnuk dawkaw duhlo a siah cun Hamas hruaitu pawl kan do vekin hi pa khal hi kan do ding tiah a phuang bet.

Tui ttum ih Isael PM ih thu relmi hi USA cun an lungkimpilo nasa. Tui hlan ihsin hitivek ih cangvaih hi Sharon cun a rak tum ttheu nan, ttuan suah ngaingai cu an rak nei lemlo. asinan tui ttum Israel PM ih thu phuan cun Leitlun ngihven khal a hlawh zet.

 

Lainunmawi report ngan mi

Minung pawl kan bangawk lo nak sim sehla kan sim cawk zik lo. Mihrek in Lainunmawi hmin langih hotu pawl parah hmuh thiam lo nak a nei tla an um, mihrek khat cun an mai pa hrang a silo mi ah hi tluk bulpak in an tuar le kan miphun tthatnak an ruat mi cu an fak um riai an ti. Mihrek lala cun an duh le in ngan ko hai seh uh ka ziang pawi lo, hmin than le larnak dang hman ka nei lo an ti.

Tthen hrek khat ngan zo mi pawl in hminlang ih hotu pawl sualnak zoh in an mah bulpak fel lo nak khal ah ngan ve uh rak ti tawk khal kan um, mi pakhat ih tthat lo nak le tlamtlin lo nak kan ngan duh mi a si lo. Mipakhat suahsualnak ruangah miphun a mual phauh a si ti mi pawl hi tarlan an si.

Lainunmawi group in Hruaitu ah veikhat te khawhmin a ngan zo mi ngan sal duh zohman an um lo . Cumi kan zoh sal tikah mi pakhat ciau thinlung kan thei lo nan a tlangpi thu cun, kanmah pakhat ruangah kan khawhmin siat cu kan duh lo a si ti a fiang.

A singai…. zozo khal in kan mah le ti thei tawk kan khua, kan miphun le kan kawhhran hrangah thil ttha tuah duh le mai khua ciau ti hmintthat duh lo cu kan um ding sawm? Curuangah Lainunmawi group in nan khaw hrangah thilttha na tuah ngah lo pang ding ti a phang tuk sawn a si ti rak theih hngilh siang hlah.

Lainumawi group ai awh in,

Salai PaThuam

 

RUAT TA AW

 

1.>> Tiva te ih tidai na in tikah a luan thawknak a tiva hna ruat hmai sa aw.( Na hrangah thilttha a si)

2.>>Rualpi hnenih thu na rel ding le, na rualpi mi zovek an si ti ruat hmai sa aw.( Mualpho hi a na tuk)

3.>>Na parah siang zetih a nung tu kha, na lungawi hlanah zovek minung a si ruat hmai sa aw.( Tirh siang siih mi ttih nung an um)

4.>>Na tuah, na ttuan ding mihi nangmai tuah dingih na ttuanvo a si maw ti ttha ten ruat ta aw.( Mai kuang lo nawr a awl te)

5.>>Thil na lei ding tinten na ttul mi ngaingai a si maw ti ruat hmaisa ta aw.( Paisa hawl a har tuk)

6.>>Mi na duh (nacai) hlanah duhdawtnak hi khawi tawk in a puak ti ruat ta aw.( Na duhnak na khirh thei nawn lo ding)

7.>>Na thin heng can le na lungawi can ih na ttawng ding mi ttha ten ruat ta aw.( A hlei fuan ih ttawng a awl tuk)

8.>>Pathian nung biak dingah ziangvek thinlung le ruahnak nei in ha Biak inn na pan ttha ten ruat ta aw? (Pathian a lungawi cuang lo pang ding)

9.>>Na thinlung ih tuah na duh mi pawl na tuahsuak hlanah ruat hmaisa ta aw.( Na hmin ti mal tu an si pang ding)

10.>>Fala, Tlangval na si laiah na thuanthu, na dinhmun ttha ten ruat hmaisa ta aw.( Na nungcang in thlanmual tiang a lo thlun ding )

Pa Mang Tin Sawn

 

Theih kauhnak lam

( General Knowledges )

Tilik ruangih thih tambik ttum

Hmun Kum Thizat

1. Huang He ( China ) Aug 1931 3,700,000

2. Huang He ( China ) 1887 1,500,000

3. Holland Nov1, 1530 400,000

4. Kai Fong ( China ) 1642 3 00,000

5. Henan ( China ) 1939 200,000

6. Bengal ( India ) 1876 200,000

7. Yangtze tipi ( China ) 1931 140,000

8. Holland 1646 10,000

9. Vietnam 1971 100,000

10. Friesland ( Holland ) 1228 100,000

Tulai khalah hin tilian hin leitlun hmun tinkim ah milai pawl nunnak a siatsuah rero lai a si.

 

Leitlun lungkua ( puk ) saubik pawl

Hmun Peng ( Mile )

1. Mammoth puk USA 346

2. Optimisticheskaya Ukaraine 131

3. Jewel puk USA 128

4. Holloch Switzerland 114

5. Lechuguilla puk USA 109

6. Wind puk USA 106

 

Leitlun Cyclone nasabik

Leilung tlun ih Cyclone thlipi nasabik cu August 23,26 1992 kum ah Florida USA ah a hrang. Hi thlipi hin US$ 15.5 billion man thiri a siatsuah. Hi thlipi hi Leitlun ih Cyclone thlipi hrang nasatbik ttuma si ih hleiah thilri siatsuah tambik ttum khal a si.

 

Air Force hlunbik

UK royal Air Force hi Leitlunah a hlunbik tiih record a si. Hi Air Force hi UK Navy ralkap pawl in 1918 ihsin an rak hmang thawk a si.

 

Leitlun Tidai ralkap ngahbik

Leitlun tidai lam ralkap ngahbik cu USA an si. March 2003 ah uniform hruk ih hna ttuan tu 383,427 an neiih Civil mi hlawh aw ih bawmtu 185,371 an um.

 

 

Lilawn saubik

Leitlun lilawn saubik ih phuan mi cu Washington khawpi ih Seattle lilawn a si. Hi lilawn hi 2.39peng ( mile) ( 3,839m ) a sauih, US$ 15million cem in 1963 ah rak sak tthehmi a si.

 

 

 

Thuthan

Hmaizarh ( 26 September, 2004 ) ih can hmangtu ding pawl

 

Can kaitu Mai Zun Nei Mawi

Thuthangttha simtu Sayamah Rang Khin Hniang

Zapi hrang thlacam Pa Lal Sawi Cuang

Solo Nu Zing Fam & Parte ( Imbi)

Bible zoh lo siar Mai Sui Tin Sung

Thawhhlawm ap thlacam Nu Thawng Tthwe

Hlarem Mino pawl

 

Kan dungzarh thawn pehpar in

 

Khawmcan Khawmtu Thawhhlawm

Mithar 4

Zarhpi zing 143 201

Zarhpi zan 26 25.10

Zarhte zan 42 40

Zarhpi zing thlacam 35

 

Rinsan mi pawl hnen in ( Biakinn hrang )

 

  1. Salai Ram Than Zau USA ( Rm 755 ) 2. Salai Ro Vel Thang (Rm 200) 3. Salai David Thang ( Rm 200 ) 4. Pa Ngun Hre Luai ( Rm 200 ) 5. Salai Ngun Sui Lian ( Rm 50 )

 

Hnih hi sii tthabik a si

( Laughter the Best Madezine )

Ka thaw a suak vuarvi

Mizo ramih nauhak kum 13 nute cun a nu¡¯i hnenah nauhak kum 13 miin fa an vawn thei le vawn theilo thu cawp le cawpah a sut zek zek. A nu cun, ¡°vawn theilo¡± tiah a rak sawn. Ai kanu ¡°ka thaw suak vuarvi¡±, a rak ti a si hmang.

 

Tlan cak tuk

Tivar khaw pa pakhat tlan cak tuk khal, kawl ram pumpi tlan zuamawknak ah a telve ih, a tlan cak tuk ruangah a mah le a mah a pahaw bubbi a si hmang. Cu pa cun zing tin te ¡° Bawipa tui zing kan ei ding in rawn pe awla, a dang hmuah hmuah cu keimah ten ka hawl suak ve ding¡± tiah thla a cam ttheu an ti.

 

Bawngbi tet tuk

Tulai san thar ahcun mino hmuah hmuah in bawngbi tet ttengtteng lawnglawng an hruk tiah, Yangoon ih kan Lai tlangval pakhat cun Jean bawngbi tet zet Buu Chuk Zii ihsin a lei ve ih a hruh hngal a si hmang. A bawngbi hrukmi cu a tet tuk ruangah an mai inn khalah pial thiamlo cun an hmuan thlang tei inn ah a lut an ti.

LCFtlangval pawl

 

 

XOXOXXOXOXOXOX DAMTEN KAN TAWNG AWK LEH KEI CU XOXXOXO

(Visited 44 times, 1 visits today)

Comments

comments

Comments

%d bloggers like this: