Hruaitu Issue 105

Editorial

  Happy New Year …. Kumthar Cibai

  Kandung Zarhah khan, kan Bawi Jesuh suahni tiih Kristian pawl ih
kan hmanmi cu, lungawi aipuangin kan hmang, tampi cu riahsia le
ninghang in an um, ziangruangah tile, a liamcia mi caan ih sungkhat
unau thawn nuam zet ih an rak hman mi kha an mang saal…

  Asinan, kum a thar thlang ding ! Aw riahsiat caan le ninghan caan
khan mual in liam san thlang sehla. Hi kumthar duhnung, a hleice in
vanlam thlawsuah malza cotu nang le kei hin, kan mangbangnak le kan
riahsiatnak pawl cu Pathian ruangah hlo hram seh…

  Kum a thar cun, ¡¥cumi khami ka tuah ding¡¦ tiah hmailam caan saupi
cu thlir in kan hngak, kuakfawpmi in a kuak thlah a tum, Zuu in mi in
a zuu in bansan a tum, khawmdahlo in khawm a tum… kan zaten
kumtharah cun tiin thilt.ha tuah kan tum cio. Kan duhnak le tuah kan
tum mi Pathian hnenah nasa sinsin in aap uh si…

  Hi kumthar hi, nang le kei zumtu hrang, kan leiba rulh kum le inn
lam ih tangka tamsawn kan kuat theinak caan, nasa sawnih Pathian hna
kan t.uan theinak can si hram seh tiah Hruaitu Thuthang cun Duhsaknak
le Thlacamnak thawn kan lo hlan.

    Khatlam raalah feh hnik uhsi
  (Jesuh cu tili khatlam ralah a va fehsal   Mark 5;21)
                                                   By- Revd  S. Ni
Luai

  Ka duhdawt zetmi zumtu u le nau, kum 2005 cu Pathian zaangfahnakin
dam le tluang zetin kan hmang liam zo, Kum 2006 kumthar sungah
Pathian in lam in hruai thleng, Pathian hmin sunglawi sin ko seh. Kan
u le nau tampi cu Kum 2006 thlengthei lo in mual in liam san. Cu pawl
cu midang hrang t.uan thei an si nawn lo.

              Pathian taangnem sungah an cawl hahdam zo. Hnat.uan
theinak caan t.ha an hrangah a um nawn lo. Kannih cu t.uan theinak
caan kan hmu lai a si hi. Kan t.uan suah mi hi kan mai taksa
diriamnak menah kan hmang a si ah cun kan nun hi man neilo, ¡¥nung
cingih thi kan si¡¦(1Tim 5:6) Ca thianghlim sungah ¡¥Pathian thawn
remaw mipawl cu zumnak thawngin an nung ding¡¦ tiah Rom 11:17 ih kan
hmuh bangin kan nih Malaysia ramih  um Falam t.ong hmangtu pawl cu
zumnak in nung dingah Pathian in lam in hruai zo. Kan mah te¡¦n, kan
ke in kan feh ding. Midang hrang kan t.uan ding.
              Rah tampi rah kan tumpei, cu ti ih kan nun thei nak
dingah zumtlak (Trust worthy) kan si a t.ul. Zum tlak mi fel kan  si
le si lo tahnak fung cu t.henhra t.henkhat hi a si.

  Ziangruangah t.henhra t.henkhat kan pek?
              Zumnakin kan pa Abraham cun ziang hmuahhnuah hi Pathian
ih bawmnak ruangih ral neh le sum pai ngah a si ti theiaw in, Pathian
hnenah t.henhra t.henkhat ape(Gen 20 sungah), cu vekin Jakob khal in
Bawipa inpek mi hmuahhmuah sungih sin  t.henhra ih t.henkhat ka lo
pek tengteng ding tiah thu a kam (Sem 28:22 ) Cu mi cu Isreal miphun
hnenah kumtin ten nan lo le nan hmuan suak mi rawl sungin  t.henhra
ih  t. henkhat cu a dangten nan ret pei.
              Cu le Puithiam pawl hnen khalah Bawipa nan Pathian
biaknak hmunah nan feh pei ih thawhhlawm ih an pekmi rawl,
sabit ,olive, siti, caw le tu ih fatir pawl cu nan ei pei.cu ti cun
kumkhua in bawipa nan Pathian  t.ihzah nan thiampei (Dan 14:22-23),
Pathian nan  t.ihzah le  t.ihzah lo cu  t.henhra thenkhat pe le pelo
in ka lo tah ding. Zum nantlak le tlaklo Pathian nan  t.ih le
t.ihlo, nan fel le fello tahnak cu  t.henhra  t.henkhat hi
asi.Thenhra thenkhat cu Pathian in ka ta a ti (Malaki 3:9).
              Curuangah, Bawi Jesuh in ¡§midang thilri par hmanah
rinsan tlak nan si lo ah cun nan mai co ding ngaingai cu zo in so  lo
pek duhding¡¨ (Luke 16:12). Thenhra  t.henkhat pe lo cu Pathian
hrangah siseh, Miphun hrangah siseh, Kohhran hrangah siseh, rinsan
tlak an  si thei dah lo ding.
  Thenhra  t.henkhat hi zo in a ei ding?.
              Abraham in thenhra ih  t.henkhat cu Melkhizadek a pe
(Sem 14;20), Melkhizadek cu Abraham ih tlangbawi asi.Tlangbawi ti cu
thlacam saktu ti nak asi.Thukam tharah Pastor ti in kan ko. Pathian
hna t.uan tu lawng in a ei thiang (Hebru 7:1-6).
   Thenhra  t.henkhat hi ziangtin kan pe ding?
              Kan LCF ah hmin ngan lo ih  t.henhra  t.henkhat pe tu
tampi kan hmu. Kan hmin ngan, mi midang in an hmu asile uar awknak le
pawrhawknak ah kan ruat. Jesuh in ¡§Curuangah mi tlasam mi hnenah
thil pa khatkhat nan pek tikah mi titeraw pawl bangin mitam nak hmun
le  lamzinpi ih an tuah vekin uang aw hlah uh. An nih cu mipi pawl ih
lawm dingah an tuah, fiangte in ka lo sim an ngah ding mi an ngah
t.heh zo.
              Sikhalsehla nan nih cun mi tlasam pawl nan bawm tikah
nan rualpi  t.habik hman theiter hlah uh¡¨ (Mathai 6:2-3). Hi hi mi
farah le tlasam kan bawm tikah kan thlunding mi a si.Thenhra
t.henkhat cu fel le fel lo tahfung asi. Cathianghlim in ¡§Cu le
Bawipa  t.ihzahtu pawl cu pakhat le pakhat an biak aw ih, an  t.ong
mi cu Bawipa in a ngai in a thei. Amit hmuhah Bawipa  t.ihzahtu le
upattu pawlih thuhla cu, ca uk sungah an khum asi¡¨(Malakhi. 3;16).

  Thukam thar sanah:
              Bawi Jesuh in, ¡§t.henhra t.henkhat cu nan pe ding
hrimhrim asi. Asinan daan sungih thlun ding lakih tel ve pawl khalah
thawhhlawm rak thawh cio uh¡¨ a ti. (I Korin 16:1-2) ¡§Cu le nan hnen
ka ra tlawn tikah, nan thilri pawl zoih ta an si ti nan theihfiangnak
dingah an kut ah ca ka ken dingih cu tin Jerusalam ah nan laksawng cu
an va phur leh ding¡¨(1Kor 16;3 ).
              Hi tawkah zumtu pawl ih hnat.uannak hmuahhmuah felfai
zetin  ca in an ngan ti a fiang.Thenhra t.henkhat cu kan umnak kipah
Pastor kan t.ul bangin kan pekding mi asi. Kan pek tikah kan hmin le
kan pekzat khal kan langter ding.Thla thum sungih t.henhra t.henkhat
kan pekzat kan run tarlang. Zumnak sungah kan um maw? umlo ti theih
fiangnak ah nan mah le nan mah zohaw uh. Jesuh Khrih kan sungah a um
taktak nan ti thei maw? A um taktak lo asiahcun nan zohawk tikah mi
hlawhtling lo nan si (IIKor 13:5).
              U le nau pawl zumnak in kan nung hlanah zum tlak mi si
kan tum hram pei uh. Ziangtik ah so Pathian fa le pawl kan rah suah
ding? Hmuan neitupa in a cin mi thingkung rah ding a hngakhlap bangin
kan nih khal kan Pathian in kan rah ding a hngak ve.
       Nan tlunah Pathian thlawsuah hmuifu thleng hram seh
                          Amen.

  Apocrypha timi hi Greek tong ¡§ apo kryptein¡¨ timi ihsin lak a si
ih; asullam cu  ¡§ Hidden¡¨ = ¡§ Thu thup 0r Thupmi thu¡¨ tinak a si.

  Apocrypha cu cabu 15 kom khawmmi a si. Tui hlan ah Christian
hmuahhmuah in Bible a si ve tiah an rak pom ih; kan Bible hmanmi Uk
66 ahhin cui Uk 15 cu an rak telh ve. Tuisun ni tiangah Roman
Catholic le Eastern Orthodox pawl cun, Apocrypha hi Bible ah an pawm.

  1564 kum ih Trent Council ah Church Father(Kohhran Hruaitu Upa
pawl)  Jerome in Apocrypha hi Bible ih telh ding tiah rawtnak a rak
tuah ih; 1870 kum ih Vatican Council cun an rawn nemhnget a si.

  Caan a rawng liam ih Roman Catholic zirh dan lak ihsin; Church
Father hrekkhat pawl cun Protestant an rawn din suak ih; cui san
ahcun Apocrypha khal hi Bible ih pom tlak ngaingai a si lo ti thei
suak in; tui ni tiang Protestant le Jews miphun pawl cun Bible ah an
pawm lo.

  Ziangruangah Apocrypha cu Christian hmuahhmuah lam hruaitu Bible,
Pathian thawkkhum mi a si lo an ti thei asile: Asung thu pawl pakhat
le pakhat phuanawk tawnmi a um lo ruangah a si.

  Cumi sullam cu, Kan Bible hmanlai Uk 66 ah cun, Isaiah ih khuahlan
a rak phuan ciami kha, Thukham thar ah Peter in a rawn la sal ih…
(eg. Peter cun mipi thawng thum hmai ah, ¡§ Kan thlahtu Prophet
Isaiah hnen ih Pathian rak  t.ong zomi vekin¡¨) …tiah Isaiah ih
phuan ciami Peter in a rawn nemhnget saal. Kan Bible hmanlai ah cun
cuvek Bible sung thu, cang khat le cang khat nemhnget aw tawnmi
lawngte in a khat.

  Asinan, Apocrypha cabu Uk 15 sungah hin cuvek nemhgnet aw tawnmi cu
hmuh ding a um lo ruangah Christian Canon(Bible ih pawm thei mi
tahnak) a kim lo ti in zumtu hmaisa pawl cun Bible cathianghlim ah an
rak telh lo nak a si. 1599 kum ih rak tuahmi Geneva Bible an tuah lai
ihsin apocrypha hi Bible ah pawm a rak si nawn lo. Cui Geneva Bible
ihsin tuini tiang ih kan Bible hmanlai hi Bung le Caang an rak  t.hen
thawk fang a si. Cun, 17 century ih KJV an rak suah (Print)
khalah Apocrypha cabu pawl hi telh a si nawn lo.

  1646 – 1648 kum ah Kawhhran tuah  t.hatnak (reform) rak hruaitu
Calvin cun Apocrypha hi Secular caa a si tiah a rak phuang. Cui hnu
khalah American Bible Society khal in Bible cathiang an print tikah
Apocrypha tello lawng te in an print peh vivo a si.

  Asinan, 20 Century laihawl hrawngah Bible thiam pawl in Apocrypha
cabu 15 hi Bible vek ngaingai ih rintlak silo khalsehla Judah miphun
pawl thuanthu theih fiangnak ding ah le Christian rak thawhkehnak
fiang ter tu ah a  t.ha zet ti an hmusuak ih; curuangah Bible lehlin
hrekkhat RSV, NRSV, TEV timi pawlah cun, ¡§Apocypha cun hitin a ti¡¨
tiah Apocrypha cabu sung ih a sim dan pawl an ngan lang phahphah a
si.
  ( Bible nei cun,  Hi article sung ih Bible caang kan ngan suahmi
pawl hi zoh ciau sehla Angel pawl ih sinak le umtudan cu kan fiang ko
ding )

  * Angel cu thlarau taksa ih tlang leng an si ih an hna t.uan bik cu
Pathian thucah phuan suah ( Messenger )le Pathian rawngbawlsak a si (
Gen 6 : 7, 9, Exo 3 : 2, Numb 22 : 23 – 35 ).

  *  Angel pawl cu Bible in Pathian fapa (Job 1 : 6, Sam 29 : 1 ),
Pathian mithiang ( Sam 89 : 7, Dan 8 : 13 ) ti khal ih kawh an si.

  *  Angel pawl hi Pathian sersiam mi an si ih; Leilung um hlan ih
sersiam mi an si  ( Saam 148  2 – 5, Neh 9 : 6, Col 1 : 15 – 17).

  *  Milai hnakin thu an nei ( Heb 2 : 7 ), milai hnakin an cak ih
thil an ti thei sawn ( II Pet 2 : 11, II Siangpahrang 19 : 35),
asinan, Pathian vek ih biak le sunlawih ding an si lo ( Col 2 : 18,
Rev 22 : 8 – 9).
  umtudan cu kan fiang ko ding )

  * Angel cu thlarau taksa ih tlang leng an si ih an hna t.uan bik cu
Pathian thucah phuan suah ( Messenger )le Pathian rawngbawlsak a si (
Gen 6 : 7, 9, Exo 3 : 2, Numb 22 : 23 – 35 ).

  *  Angel pawl cu Bible in Pathian fapa (Job 1 : 6, Sam 29 : 1 ),
Pathian mithiang ( Sam 89 : 7, Dan 8 : 13 ) ti khal ih kawh an si.

  *  Angel pawl hi Pathian sersiam mi an si ih; Leilung um hlan ih
sersiam mi an si  ( Saam 148  2 – 5, Neh 9 : 6, Col 1 : 15 – 17).

  *  Milai hnakin thu an nei ( Heb 2 : 7 ), milai hnakin an cak ih
thil an ti thei sawn ( II Pet 2 : 11, II Siangpahrang 19 : 35),
asinan, Pathian vek ih biak le sunlawih ding an si lo ( Col 2 : 18,
Rev 22 : 8 – 9).
   *  Thil ziangkim an thei thluh lo, Jesuh rat sal nak ding caan an
thei lo ( Mtt 24 : 36, I Pet 1 : 12 ) Hmun kip ih um khal an si lo,
hmun dangdang ah feh ding ih fial an si ( Dan 9 : 21 – 23 ).
  *  Thlarau ih um an si ( Heb 1 : 14 ).
  *  An thi thei lo ih nupi pasal khal an nei aw lo ( Luk 20 : 36, Mk
12 : 25).
  *  Ziangzat an si ti Bible in a sim dah lo, siar cawk an si lo,
Bible cun a ti (Daniel 7 : 10, Heb 12 : 22, Thuphuan 5 : 11 ).

  *  Angel sual le t.ha an um( II Pet 2 : 4, Judah 6, Thuphuan 12 :
7).

  * Angel t.ha pawl cun Thiangthlarau hnat.uan bawm in Pathian thupek
Leitlun ah an rawn keng.
  *    Setan khal tleunak Angel vekin a lang ve thei ( II Cor 11 :
14 – 15 ) .
   *  Angel pawl cun van ah ralkap bang ih hotu hleice nei in Pathian
hna an t.uan ( I Thesslon 4 : 16, Thuphuan 12 : 7 ).
   *  Pathian thinhengnak thupek keng in milai lakah phulei an sam (
Saam 24 : 16 ), Balaam hnenah ( Mipum siarnak 22 : 31 ), zumlo tu
pawl par ih phuleisam ding in, Jesuh a ra kir sal tikah cun Angel
pawl an caangvai ding ( II Thess 1 : 7 – 10 ).

  *  Jesuh ih suahnak thu Mery hnenah an phuang ( Luk 1 : 26 – 28 ),
naute a suah tikah hlamawi an sak (Luk 2 : 8 – 15 ),

  *  Jesuh tukforh ih a um t.heh ah a rawng an bawl sak ( Matt 4 :
11 ), thlan ihsin a thawhsal tik le Van a kai zawng ah an rawng lar
aw ( Mtt 28:1 – 7, Dungthluntu 1 : 11).
  *  Angel pawl cu Krih hnat.uan bawm tu an si ih, a rat sal tik
khalah an ra thlun ding ( I Peter 3 : 22, I Thess 4 : 16, Mtt 25 :
31 ).

  *  Milai pawl an humhim ih an bawm ( Saam 34 : 7), ral kut sung
ihsin Pathian mi pawl an bawm ( II Siangpahrang 2 : 15 – 17 ).

  *  Thawng inn sung in Peter a suahter ih Paul khal tipi ih lawng
siat a tuar lai  ah a bawm ( Dungthluntu  12 : 7, 27 : 28 ).
  *   Mifel thlacamnak ah an tel (Daniel 9 : 21 – 23 ).
  *   Zumtu pawl khawmnak ah an telpi ( I Cor 4 : 10 ). Sual sir aw
pawl hnenah an lungawipi ( Luk 15 : 10 ). Mithiang pawl van hmun ah
an hruai ( Luk 16 : 22 ).

                          Thu Tualleng

  Refugee thu ah:
              Tulai hi UN in Refugee mithar interview tuah an cawl
lai hrih. Asinan midam lo le harsa tuk deuh pawl cu UN zungah mahte
va feh ih interview tuah dil a theih. An damlo dan ih zir in mi
hrekkhat cu interview tiang an tuah ter. Tulai hi kan Falam mi
Refugee ngah thar kan um ringring. A hleice in kum 2003 ih refugee
rak diltu mi tampi cu interview tuah bet nawnlo in card an pe cih.
Ziangkhal a vasilen Refugee duh taktak tu pawl cun thinsau ten kan
hngah pei ih a neta bikah cun kan ngah leh ko ding.

  Malaysia lampan in:
              Tu laifang hi Kawlram ihsin Malaysia rak pantu kan
laimi tamtuk an um. Malaysia Cozah in ramri ah nasa tuk in a kil
ruangah Malaysia ra thleng man lo in Thailand le Malaysia ramri ah
laimi minung 230 lenglo an kai ih, thawnginn ah an thlak.UNHCR pawl
in an va zoh ih interview tiang tuah an tum.Tonglet tu mi hrekkhat
pawl in an thlun ih nikhatah US dollar 100 an ngah. Malaysia ah laimi
Refugee minung thawng hleili (14000) hrawng kan um zo nan, nitin
kawlram ihsin an rat bet vivo ruangah UN pawl cu ziangtin kan tuah
ding tiah an mang a bang zet.

  Malaysia Cozah in  laimi ziangtin in hmu?
              Malaysia cozah in UN pawl hnenah, ¡§Ka ramsung ih zuuri
le buainak tuah tambik Chin mi pawl thawng ka thlak mi, ka minung an
si na ti ih na suah cing cing.Chin pawl hi kan kaih mi zuri lo khal
an um lo.Thaten rak zohfel saal aw, tu vek ih na um asi ah cun karam
ih refugee zung khal hi ka lo saan thei nawn lo men ding.Kawlram in
refugee ka si ti in danlo ih ra lut an tam tuk.Hi pawl hin buainak
nasa tuk in pek¡¨, tiah  Malaysia thuneitu pawl in UN Office pakhat
meeting an ko ih, an sim.

  December ni 24 Zan:
              Kan Falam pawlih hmunpi bik KL khawlai fang, Jalan Alor
lamzin tluan ah laimi zuri ih buai lawnglawng rak tum an tam zet.
Zinglam 3:00 Am hrawngah khan Jalan Alor ih Cheery hnuai kawldawr
pakhat ah Palik pawl an ra lut ih Laimi zuri buai minung 30 lenglo an
kai. Hi mi zan hi laimi hrekkhat pawl an buai tamtuk ruangah Malaysia
ram mipawlin an tuar lo ih Palik an va sim ti thuthang kan ngah. An
thawiawk ruangah sizung tiang thleng tla an um.Miram ah hnatuan
dingin kan ra nan, zuu salih taang kan unau pawl hrangah thla nasa
tak in kan camsak cio pei uh.

  North Korea: North Korea cun UNO hnenah an bawmnak a tul nawn lo
tiah a sim. Tu hi thlatang buh an aat lai fang a si.

                     Faang aat tlunglam

              Britney naupai lai

Britney Spear: Nauhak lai ihsin hlasak ruangih hmin thang, kum 2004
ih leitlun nunau hmuahhmuah lakih Sexy bikih an hril Britney cun, a
fa pahnihnak cu a fa hmaisa pa thotho thawn neih a duh thu a sim. A
naute pa ding cu, Kevin Federline a si.

  Malaysia ah khar: USA Embassy (Tan zung) cu Malaysia ah, kil himnak
(Security) t.ha tawk loih an theih ruangah an khar lawk nan, thuthang
dang a um lo ah cun, an ong cing ding tiah Embassy thuphuang tu cun a
sim.
  International Nation cun Iraq ram hrilawknak cu tha teih zoh saal
dingah an ti.

  Canada le US ramri cu kau sinsin ih phit dingah an ti. An tinak san
bik cu, daan lo (Illegal) ih US ram lut an tam tuk ruangah a si.

  Pope: Leitlun sakhua thuneitu sangbik, Pope cun leitlunih daihnak
le muannak a um theinak dingah tiin ram pal vivo a tum.

  Kum 2006: Leitlun nu le pa (Parents) lamih an hruaitu pawl cun,
nasa sawnih nu le pa ih an fa le an zoh theinak dingah, kum 2006
ihsin hnen um lak hi ti mal vivo sisehla tiah thu an rel.

  Idonesia: Indonesia cun, an ram sungih si nauhak zuar suak hmang
nupinu pahnih an kai. Hi an kaihmi nupi nu le hin, nauhak thla 3 mi
cu Thailand ramri ah zuar an rak tum rero.

  London: London sii (Medicine) tuah suak tu pawl cun, Sahngal le
Satel ihsin sii thar an tuahsuak ih, hi an tuahsuah mi hi kum upa
hrangah a t.ha hleice in a man khal a awl hleice ding tiah thuthang
cun a sim.

  Vitamin ¡¥D¡¦ le Cancer: Vitamin D ei tamtuk ruangah minung ah
Cancer natnak a thlen thei tiah USA scienctist pawl cun an sim.
Cancer 50% pawl cu an dang(throat) ah a suak theiih, 35% cu an awm
(breast) ah a suak thei.

  Malaysia: Malaysia ih tlangpar kai thiambik cu Muslim phum danih
phum a si ding tiah, Muslim thut.hennak cun a ti. Hi pa hi M.Morthi a
siih, a nupi hi  Hidu biaknak thluntu a si. A nupi cun thut.hennak
ah, a pasal Morthi cu Hindu daan ih meisa ih ur a dilih, a dilnak cu
pawmsak a si lo. A san cu a pasal hi kum 2004 ah Muslim ah a rak luh
zo ruangah a si. Cun, Malaysia ih Muslim thut.hennak ah hin, biaknak
dang pawl hrangah thil awlsam a si lo.

  Philipine: Philiping ramsungah December 27 ah khan USA ralkap 4 cu
nunau duhlo cingih ihpi ah puh an si. Hiti an puh ruangah hin, US
ralkap hrangah Philipine ramih um a harsa vivo. An rak ihpi hmaisak
bik cu kum 22 ih upa a siih, mawt.aw (Van) sungah a si.

                      Capo
  Pafa thil tawmaw theh hi an rak um, a pa thinheng cun, ¡§Ka angki i
tawm, ka bawngbite i tawm, ka mitkharh i tawm, ka lo ngai thiam theh,
nan ka lo ngaithiam theilo mi cu… cabuai parih ka ha tuh (lem) ka
ret mi i tawmih, ka hmaiih i  hnih khum betbet lai hi cu tuar har ka
ti deuh si aa¡¨ a ti…

              Philipine nunau pawl

  Torry Spelling:  A veihnihnak hrangah (Nuthlawi kan tinak)
Lemcannak ih hminthang Torry cun, tlangval tharte a nei saal ih,
mopuai darkhing tum man in an um. tory hi a pasal Charlie Shanian
(lemcannak lam ih hmin nei thotho) thawn an t.henawknak hi September
thla kha a siih, tui a tlangval pa Dean MC Darmott thawn an tawngaw
saal.

              Torry & Darmott

  Willsmith:  US misual, rukru pakhat cun a bank Credit card cu
Willsmith vek in a tuah ih, leiba tampi thawn a tlansan hnuah, Palik
in an kai saal. Hi ti rak tuahtu pa hi Lamox a siih, Palik ih rukru
an rak kaih dah mi pa a si. An kaih laiah hin a leiba cu $81,000
tiang a rak si man !

              Willsmith

  Sri Lanka: Sri Lanka ih hramlak minung, Tamil Tiger pawl cun remnak
ngan ding ah an lung kim.An prime minister cun, mipi buainak ngaingai
a suah hlanih remnak an ngan lohli cu thiltha bik a si tiah a ti.
  Hi an remawknak dingah hin India Prime Minister khal in thazaang
tampi a pek ve.
  Christmas ruangah: China ram Beijing thuphuangtu cun, christmas an
hman ruangah Kristian hruaitu 12 cun kaih an tawng ih, thawng inn
tiang thlen ter an si tiah a phuang. Nunau pastor pakhat hnenih an
sim danin, Palik pawl cun, an khawmawk cu daan lo vek asi tiah an
tiih, cun Pastor pakhat kum 54 ih upa,
  Gua Xianyao cu ralring dingah an ti.

  Japan Cozah: Tokyo thu phuangtu cun, Japan ramah cun rorelnak innpi
sung t.uan dingah nunau tam sinsin an ret ding thu a sim Himi dan
hin, nuanu pawl zalennak kau sin in a on sak dingih, nau an neih
zawng ah cun full time hmanah nihrek tuan ter an si ding tiah a sim..
  India: India cozahpi cun, Pakistan mi thawngtla 8 cu December
26,2005 ah suahsak. Hiti a ti nak san bik cu, kan dung naite ih Asean
meeting in remnak (Peace)  um seh an ti mi a thlun ti a lang ter duh
ruangah a si.

  Fanu Pathum that:  Pakistan ram mi Nazir Ahmed cun tlawngkai
nithumah (28th December,2005) a fanu pathum le a nupi ih farnu a
that.Hi thahawknak hi Punjab province kiang Gago Mandi khua ih thleng
asi.

  Pakistan ramah hin nunau le nupinu, an sungkhat le sungkua mipa
kutah  za tampi an thi zo. Tu t.um hi media report le right
commisioner record dan cun nunau 260 cu an sungkhat mipa ruang ah an
thi.

  Pakistan thuneitu pawl cun hi vek tualthahnak hi 50% lawng cozah
kutah a thlen an zum. Dan thar an tuahvekin, hivek nunau thattu hi
asilo bik kum 10 thawng thlak ihsin thihnak tiangin hrem thei an si.

  Nazir fanu le cu a upa bik kum 8, a nau ta bik kum 4 a si ih, a
nupi farnu cu kum 25 a si.An za ten an awr ah nam thawn a at ih, a
nupi cun naute thla thum mi a pawm ruang ah a that lo a siding an
ti.Nazir hin thawng in a thlen tiang ¡§sir awknak ka nei lo¡¨ tiah a
sim.

  China: China ram khawpi Beijing thut.hennak cun, an ram hruaitu
hlun Tian Fengshan cu damsung thawngtla dingah thu a t.hen sak.
Fengshan hin kum 1995 ihsin 2003 kar lak ah, an ram tangka cu US $
500000 rori a ei thup ti an theih ruangah a si. Sihmansehla, Fengshan
in  an thusuhnak pawl, t.hate in a sawn hai bakah, amah le mah khal
thupaw loih a um ruangah a parih an hremnak khal ti mal sak a si.

              Tlangleng Accident

Japan ih tlangleng accident tawnnak ruangah minung 4 cun an thih phah
ih, minung 33 cu hliamhma tuar in an um.Hi an Accident tuarnak thuhla
ah hin, Japan cun thli hrang a dai tuk tiah  phuahhlam a tuah.Hi
tlangleng accident hi, kum 2005 sungih Japan ramah a veihnihnak a si.

  Poland cun Iraq ramih a ralkap ret mi pawl cu a la kirsaal lo ding
tiah a sim. Kum 2006 cem tiang cu Iraq ah a ralkap ret a tum lai tiah
BBC thuthang  cun a sim.Poland hi Iragq ramih ralkap ret tamlam ah a
5 nak a si. USA, Britain, South Korea le Italy pawl hi ret tam an si.
Euro ram lak ihsin, Bulgarian ralkap 130 an taang lai.
              BBC cun Poland ramih an President Lech Kaczynski cu
Iraq thawn rualpi t.ha zet an si, curuangah ziangtik tiang in a
ralkap a ret ding ti hi sim thei a si lo tiah a sim.

  Iraq thawng inn ti siat ruangah milai 9 cun thihnak an tuar phah.Hi
an tisiatnak ah hin, t.ong lettu pakhat le thawngtla 4  cu an thiih,
sihmansehla thuthang cun 20 tiah a phuang. Hiti vek ih Iraq in
buainak a tuar reronak hi, mi tampi cun US lawnglawng siat an serh.
              Cun, Iraq ramih an hrilawknak ah hin, party 20 rori in
Siangpahrang tohkham an cuh, asinan, Party tum bik pahnih United
Iraqi Alience (Party pahnih t.angtlang) le Supreme Council for the
Islamic Revolution (SCRIR) cun nehnak an co tam bik.

  President Bush :  Leitlun mifim cun ca siar hi nuam an ti bik mi a
si. Cutivek thotho in, USA President Bush cu a Krismas colhnak hmun
ah, USA president rak t.uan hmaisatu Roosevelt (UNO dintu) ih
thuanthu le hlanlai USA ralkap pawlih cangvaih dan thuhla siar in a
caan a hmang tiah, a hnuaiih hnat.uantu cun a sim.
              Mrs Bush

            Hi president tei nupa hi, an mai hmuan ah Krismas colh an
va hmang tlang. Kumkhat sungih colh an neih saubik a si.

  Europe cun,leitlunih ram hmuahhmuah aiawhtu USA ih satellite an ret
cia mi cu duhtawk loin, an mahten tuah an tum ti BBC thuthang cun
Dec.26th.2005 ah a phuang. Hi an tuah tum mi hi, Galileo ti a si
dingih, a hnat.uan dan ding cu, Satellite 30 cun, leilung le thli
(air) karlakah milai hrangah a t.uan ding. An tuahnakih an cem zat
ding cu, 3.4 Billion Euro. a si ding.

  Iraq palik cu 5 rori in thihnak an tuar ih, hi an thihnak hmunhi,
Buruz a siih,  Baghbad ihsin peng 35 ih hla a si.Christmas ni thotho
ah khan, US cun, an ralkap pahnih cu cu Baghdad ih bomb puakah an thi
tiah a sim. BBC thuthang cun, Iraq ih an buainak cu an cozah hrilawk
ihsin nasa sinsin a hluar vivo tiah a sim.

  Israel Jet fighter pawl cun, Palestine ralkap training kai lai pawl
cu Lebonon   ih khawthlang ah an kap. Hi an kah hi Palestine pawlin
rocket thawn Israel ram an kah hnu reilo ah a si, tiah thuthang cun a
sim.Hi an kapawk hi caan reipi rak ralrin cia mi a siih, khatlam le
khatlam, ziang ti zawng hmanih remaw thei nawn lo ding an sinak a ti
lang.
  Japan cun, an ram economics a t.hang so vivo ding tiah a sim.
November thla ihsi khan, leitlun hmuahmuah lakih, economics t.hang
cak bik a si, hi an t.hansohnak hin, a liamcia mi kum 7 ih an rak
tlakniamnak hmuahhmuah a khuh t.heh thei ding tiah a sim. October
thlaih an ramsung hnat.uan neilo, 4.6% an rak si dah, tu ah cun 4.5%
lawng an
  si.

  Tsunami : Linghngin ruangih leitlun pumpi thang suak, Tsunami cun
kumkhat rori mipi harnak a pe thlang.Hi Tsunami veikhat nak ah khan,
milai 1.8 Million cun inn le lo suahsan in an um.Hi harsatnak tuar tu
pawl hi, tui kum sungah minung 2,300 cun bawmnak t.ha an ngah
thlangih hitilaiah hin, India mi 92% le Sri Lanka mi 78% rori cu inn
le lo neilo in, bukte ah an um lai

  Pakistan : Pakistan ramih an sakhua biaknak tlawng cun an cozah ih
ramdangmi  tlawngta pawl, Dec.31 ih tlung t.heh dingih a ti mi cu, a
lungkim pi lo.
  Pakistan President Pervez Musharraf cun, a ramsungih ramdang mi
tlawngkai ih um pawl cu, Dec.31 hlanih suak t.heh dingah a ti. hiti a
tinak san bik cu, London ih bomb puak tertu cu, Pakistan ah a ra lut
tiih thuthang a rak dawn ruangah a si. Sihmansehla, Pakistanih Sakhua
(Biaknak) tlawng pawl cun, tlawngta cauk t.ha kaitu pawl an suah a
t.ulnak san an theih lo thu an sim.

  Red Cross : Red Cross hnat.uan hi, leitlun  ih bawmnak petu tumbik
an si. Sihmansehla, tui t.umih Hurricane bawmnak dingih tiih, leitlun
ram tampi  hnenin bawmnak an ngah mi cu, a sung hnat.uantu 49 hnakih
tam cun, an mah hrangah an ei thup tiah thuthang cun a sim.

  Sex Education : Le Feng, China ram Hebai University ih an hruaitu
pa cun, an tlawngah Sex Education (mipat nunau zirhnak) cu nasa
sinsin in tuah a tum. Hi an hruaitu pa hin, ¡§Kan tlawngta pawl fala,
tlangval nei thiam hrih lo pawl hin, t.ha te ih kan zirh cia lo a
sile, reilo teah natnak sia an kai cing pang ding¡¨ tiah a ti.
              Hitivek thotho in, china ramih dawr khawngaw thei bik
cu, fala tampi nei an si, cui fala pawl cun hitin an sim, ¡§Kan
dawrih kan khong thei bik t.um cu, mirang tlangval pawl an rat tikih
in terh tamih, t.hateih kan rak sawn ah a si¡¨ tiin, Lucky, kum 22
mi, Fudan University ih kai cun a sim.

  Puithiam le Sex:   Rockland County-ih um Rabbi Mordecai Tendler cu
a kohhran member, nunau Adina Marmelstein cun nunau mipatnak hmanpi
le amah leh amah cu Messiah vekih um vekin a puh mawh.Hi nunau kum 43
hin,¡¨Rabbi cun midang hnenah zianghman sim lo dingin in hring¡¨ tiin
New York Post a sim.¡¨Rabbi cu thlarau lam pa vekin a um nan, a
sunglam cu sex lam ih supawk thei lo asi¡¨ a ti bet.

Hi vek hi hmun dang dangah tla theih ding a um. Pope John Paul II
sanlai ah tla Puithiam 50 lenglo ban ter an rak si kha.

  Laos ram Christian hremnak a zual: Communist uk nak Laos ramah cun
Krihfa  hrangah harnak le hremnak nasa zet a thleng ti leitlun
thuthang phuangtu pawl cun an sim. Laos khawpi Vientiane kiang TaoTan
khua uktu Phouthone Chansombat cun a thup te-in ¡§Krih zumtu cu ka
si, asinan midang theihin ka phuang aw thei lo, ka hnat.uan ka taan a
t.ul ding, ziang can tiang saw Krih zumtu ka si ngam ding ti khal ka
thei lo¡¨ tiin mitthli thawn a sim.

                  President CFI
  Rev. Jim Jacobson

Chansombat lawng a silo, acozah hnat.uan tampi cun Krihfa siih,
thlahlawh mal zet thawn t.uan phah chu har an ti zet, a silole an
hnat.uan bansan ding a si.Hivek thuthang hmutu Bos News Life cun,
¡¥Laos ih Communist thuneitu pawl cun Krihfa pawl  cu a cozah donak
ding  ralthuam thawn daanlo ih pawlkhawmnak a si¡¦ an ti tiah a sim.
Krihfa si  cu ramdang nundan cawngnak a si ruang ah kan ramah kan
welcome lo an ti bet.

  Ramdang mi le midang hnen ih acozah duhloh zawng thusimtu cu kum 15
sung thawng thlak ding daan tuah a si ih, biak nak lam ih an daan
tuah Decree 92nak cun ¡¥Biak nak kilvennak¡¦ thu a rel nan, Christian
Freedom International (CFI)president Jim Jacobson cun hi thu hi
¡¥Loas cozah thuneitu pawlin an hmai an hup nak lawng a si, Krihfa
hrangah himnak a um cuang lo¡¦ a ti.

  Laos ramah hin Bible le Pathian thu lam cahnah khal si seh tuah leh
suah theih a silo ih, ram dang ihsin lakluh tla an siang lo. Hitivek
thotho in Bos News Life cun Kawlram khal Christian hrang a har vivo
ding thu a phuang.

  Kawlram politics Thlirnak : Kan kawlram thuih kan theih nai bik cu,
kan dung ih, Asean meeting kha a si. Khami hnulam thu ah thil
pawimawh le Pacang ha rialnak tham ding ziang dang hman kan hmu hrih
lo. Kawlram ih Ethnic National cun, Asean thu ti tluknak cu an rak
pawmsak.

  Cui an thu  ti tluknak vek asile, kawlram cu a thuhla ngaingai
theithei dingin Kawlram rori ah an feh dingih, an theihmi thu vek in
an cangvai ding ti kha a si. Sihmansehla Cin Siang Thang, United
Nationalities Allience (UNA) hruaitu cun, kawlram ah fehkhal sehla,
Kawlram cozah in a mi kaih mi pawl, thawnginn ah veh rak siang lo
sehla, an fehnak cu thuphan men ah a cang thotho ding tiah a ti.

  Cutivek thotho in, Aung San Su Kyi hi hmuhter an rak siang ding ti
hi zohmanih zum ban mi a si lo. Cuti asile teh… tiah thusuhnak
tampi a um thei. Asinan, hitin ruat sehla; Aung San Su Kyi cun, a mai
room fiak zet ah cun, rawl a suang rero, rawl thawthaw a suang ko
nan, a ei tu dingah mi a hmu theilo ding tiin. Kawlram rawlsuan thiam
(Chef) hminthang cu, rawlsuannak ding restaurant a hmu thei lai pei
maw? Cuti asilole khawi tawkah ha Lam a zir vivo ding …

  Danthiam le Sex:    America ram danthiam Kirk Pearson cun kum 2006
ihsin sex lam film le magazine, CD le Video hmuah2 parah siah(tax)
25% in san ter ding ah dan thar tuah a duh.A tumtah mi cun nauhak le
kum no hrangah harsa zet a si ding bangin siah lak tangka thawn Sex
ruang ih mangbang pawl hrangah thildang tuah a rem ding a ti. ¡§Hi
dan hi pawm cu a awl lo ding nan, hmai kum January ni 9 ah ngaihtuah
dingin House(rorelnak)ah sim ding ih fehpi a si ding¡¨ a ti.

  Kum 6 mi nunau : Kum ih upa nunau nute cu, a dai bualnak ihsin ruk
hloh a si. A hlo ti palik hnenih an report hnu nihnih ah, lamzin
parah lawngte fangkheh in an sar. Hi nunau hi, a rutu hin sex a
hmanpi a si tiah palik thu an sim.

  England le Scotland:  Tu laifang hi a dai tuk ruangah England le
Scotland ram hrekkhat cu minung feh thei lo khawpin vur le thli dai
in a tuam. Cuti cingin, khua cun daih lam a pan vivo ih, ziangtluk
tiang a dai ding ti cu BBC hman in a sim thei hrih lo.

  Thuthang mak le danglam hleice…

  Leitlun hnahmul sau bik :
              Hi pa hi Ra Dha Khant a si ih,kum 50 ih upa, Naya ani
khua, India ramih um a si. A hnahmul sau lam hi, 13.2cm (5.19 inches)
a siih. Hipa

              Hnahmul sau

  Vun sau thei bik:
              Vun sau sau

England ram, Lincolnshire ih Caistor ih um, Garry Turner cun, a pum
vun (skin) cu 15.8cm (6.5 inches) rori in a dir sau thei.

                  Nau pai tambik

Pum sungih fa pai tam bik :  Rome ram ih an doctoe sangbik, Gennaro
cun nupi nu operation a tuah mi hmuahhmuah lakah, kum 35 ih upa,
Italy mi cu a pumsung naupai mi tamtuk ruangah nunau 10 le mipa 5
rori a hlawnsak tiah a sim.A hlawnsak mi naute pawl cu letmah(inches)
5 i sau le 5 aunce (fangkhat thir rihlam) lawng ih rit an si.
  Kaileng (Kidney) ih lungte tambik : Canada ram,Ontorio khua ihum,
Don Winfield cu a kailengah lungte, buh hum tia ih tum cu 4504 a um !
Curuangah a kaileng khal thleng sak a si. Lungte pawl Doctor paih a
lak suah ding hin nazi 5 rori a rei.

  Krismas LCF ah

              Zarhte zan, Social&Fellowship

LCF ah Krismas : Tui kum, kum 2005 Krismas cu Malaysia ah Laimi pawl
Pathian thlawsuah kan conak a hleice in a lang. Laitlang ngailo le
ma¡¦i khua le ram ngai lo dingin Pathian thlawsuah co tu pawlih
hnenin Puai kan tuah thei.

Upa pawl Nunau ah : Hi Krismas hmuahnak ah hin, LCF upa pawl cun mipi
pawl kan lungawinak le kan thin har hnem dingah tiin, Miss hrilnak an
tuah. Kan Chairman ihsin thok in, zo an si ti theih har khawp in, kan
nubu pawl in an ceiih, mipi cu kan pum vun na ko in kan hni… cumi
hnuah, sanpiuh thaw te thawn kan pum kan ti puar.Zin   glam nazi
3:00Am tiang rori biakinn ah kan nuam tlang.  Ihnak neilo pawl khal
in, Biakinn ah lungmuang le thinthi in kan it.

            A thaizing khua a vangih, Biak inn ah, tonak tiang um lo,
tohkham pawl khal lenglam ih ret t.ul khawpin Pathian in a mi le fate
pawl in hruaikhawm ih, Amah thangt.hatnak cat bang lo in kan nei.
Khua a hlum tuk nan, zo hman khawm t.heh hlan ah tlung siang lo ten
kan to khawsuak haiih, khawm banah rawl thaw ngaingai ei le inn
phahin caan kan hmang , ¡¥Kan hngah lungawi caan tawite¡¦ cu siang lo
cing le khawp kham lo cing in kan hmang liam ta.

              Hiti vek thotho in kumthar khalah caan hmang dingah LCF
cun a tum. Dec.31.2005 ah zanvar ih thlacamnak kan nei saal. Kan
nunnak le kan caan Pathian hnenih ap in, hi kumthar hmuahnak thlacam
ih ra tel  tengteng dingah Laimi nan zaten kan lo sawm hai.
              Kan Bawipa Jesuh suahni cu, Ni suahnak lamih Mi fim
pawl in siang zet in laksawng an pek vekin, kan unau a hnuaiih hmin
tar ln mi pawl hin an neih sum le saw hmang in kan LCF pawl cu puai
in tuah sak.Krismas hrangih hlu pe tu pawl le an pek zat :
     Pa Ngun Hmung        –
Vawk
(Sumnga)
     Bawi Vum                 –           Fangfai
     Ronald                      –           thil tul dang pawl

              Hmin                          RM

              BE   ZAI

  NANG    RUANG AH

  Lengtin khumtu, dawt fahniang,
  Nang ngai kei suni vui liam thei lo ing; Zantlaiah kan ruun inn
hngak rem lo, leng dang kai hlan nan ruun kharkhep thawn thei zuam
ruangah; Hlawndawh nang ruangah, kei val man khung theilo, tuan rel
loin sun ni ka liam; in theihpi ve maw? tiah rualtha sut in tlaini ka
hmang; duhmi nang ruangah.

                                     By: Salai

1. Van Lal Bawi           –           15
  2. Kap Za Thang          –           10
  3. Mang hrin Kulh         –           80
  4. Lal Rin Muan`          –           20
  5. Than Kip Luai          –           20
  6. Mang Tin Sawn        –           20
  7. Ronald                     –           20
  8. Mang2 & Zing2         –           40
  9. Tha Nei Thuam         –           20
  10.David                      –           20
  11.Pa Vum                   –           20
  12.Run Thuan Hre        –           20
  13.Rang Za Vum          –           30
  14.Mrs. Vumte –           60
  15.H. Za Tlen Luai       –           10
  16.Salai Eddy               –           10
  17.Nu Boih                  –           50
  18.Cia Sui                    –           50
  19.Ro Vel Thang          –           10
  20.Vai Hre                   –           10
  21.Pa Luai                    –           10
  22.Pa Kei                     –           5
  23.Tial Za Tawng         –           10
  24.Lal Sawi Cung         –           15
  25.Rual Cung               –           10
  26.Van Lian Cung        –           10
  27.Cung Ling                –           5
  28.Ma Din                    –           15
  29.Ngun Nawl              –           10
  30.A Sui                       –           10
  31.Pianga                     –           15

              Total               –           620.00
              Hmanzat           –           386.00
              A Hlei              –           234.00

              Pathian in a hleice in an siannak parah thlawsuah
malza, a let 30, 60 in vuur hram seh tiah duhsak nak kan hlan.

                Bawhlung Thuthang

  Kum 2006 Worldcup hi ziangtin na ruat?
  Kum 2006 June ni 9 ihsin July ni 9 tiang Gemany ram ih an tuah ding
mi Worldcup thu hi tu laifang leitlun minung tambikin an buaipi zet
mi asi. December ni 9 ih an uksuh (Group) pawl an then mi ah khan ram
hrekkhat pawl cun an huphurh mi ram pawl thawn uksuh khat ih an um
ruangah asi hmang, an  lungkim lo thu an tong mi a phunphun in kan
thei. Leitlun mipi tamsawn cak dingih an zum,bik pawl cu: 1.Brazil 2)
England  3) Agentina 4) Germany ram pawl hi an si.
  UEFA champian Lead :
              England ihsin team 4 an tel nan Man.U. an caklo zo.
Liverpool, Chelsea le Arsenal pawl cu knock-out (Caklo suah ter) puai
tiang thlengin an kai vivo lai. 7-13 January, 2006 ih lekding Chelsea
le Bacelona, Arsenal le Real Madrid tei¡¦ puai pawl hi zoh a nuam zet
ding. Liverpool pawl hi an van a t.ha leh ding a bang. Team (Phuaih)
hminthang lemlo pawl thawn an tawngaw zik lala ih a mal bikah Quater
Final tal cu an thlen an zum zet.

English Premier League:
              Premier League champian Chelsea pawl hi tuikum khal an
ti t.ha lai nasa.Vei 19 an lek zo ih cu mi sungah vei 17 mi an
neh.Veikhat cak umlo (Draw) in  ih veikhat a sung lai. Tu laifang hi
hmat (Point) 52 a thleng zo ih a hnuai ah Manchester united in Point
41 in a dawi rero lai.Tuikum khal Chelsea thotho hi champian a si leh
ding a bang, asinan relthiam cu a har nasa ding. European champian
Liverpool hi Point 37 lawng asinan, vei 17 lawng a lek hrih lai.
Tuikum ih Chelsea pawl laksawng lawng (cuh) thei ding bik cu
Liverpool  pawl hi an si.

  Thaisunih tuah dingmi rel rero hnakin,
  ¡¥Kei cu¡¦ tiih mah le mah zoh aw rero hnak cun, remthat awk lohli
hi a fim thlak deuh.

Comments

comments

Comments

%d bloggers like this: