Hruaitu Issue 104

Merry  Christmas …
        Merry Christmas!

  Hruaitu tawlreltu pawlin cibai kan lo buk.

  Pathian ih kilven lamhruainak cio in hi Malaysia ramah naute Jesuh
suahcam cu kan hmuak lala. Rualpi thenkhatin ramdangah in feh san,
thenkhat cu kan ramin an ra bet. Hnakum Krismas ni teh Pathian in
khawi ah takin naute Jesuh cu in hmuakter lala pei maw aw!

  Pathian in kan hrangah tumtahnak cio a nei. Cuih a tumtahmi pawl
t.uansuak thei dingah cun kan zaten A ram hrangah t.uanvo kan nei.

  Hi Hruaitu Zarhtin thuthangca tla hi A hmin t.ha sunglawinak ding
le A ram karhzai sinsinnak dingih suahmi a si. Ca siartu pakhat cio
khalin zumban lo hlawknak le theihnak nan ngah cio ding ti hi kan
thlacam bikmi a si.

  A sunglawimi naute Jesuh suahni ih Hnangamnak, Daihnak le Lungawi
soparnak hmuahhmuah cu ca siartu nan zate parah Krismas ni ih zaihla
mawi thawn khat camcin koseh!

  Tawlreltu pawl.

                          Nazi Zoh Na Thiam Maw?
  Minung kan dam sung hi, kum 70-80 tiah Saam ca ngantu cun a rak ti.
Asinan, tui¡¦ san minung cu san saupi tiang dam kan mal vivo. Mi upa
pawl cu sunloih si khal an hlawh t.heu. Curuangah mifim pawl cun kan
nun caan sung tawi zia cu an theithiam. Nikhat ah hin nazi 24 sung a
um ih cui nazi 24 tuahtu cu a hmaisa bikah Sekan(Second) hi a si,
cumi sekan a her loah cun, Cui nazi  pum cu a nung thei lo, nazi 24 a
suak thei lo ding.
  Cutivek thotho in, Zumtu  nitin kan nunnak ah hin, hi kan caan tawi
zia hi thei in; a thupi zetmi Pathian Thu hi ruat ring ring uhsi.
Sizungih mithi zik pa cu thusut nak an tuah ih, ¡§Na thi zik thlang,
ziang kan lo tuah sak thei ding, cah ding le dil duhmi na nei maw?¡¨
tiah an sut. Minapa cun, ¡§Dilduh mi pakhat te ka nei, cumi cu
zangfahte¡¦n ka nunnak hi minit (minutes) khatte talin in kaih taan
sak uh¡¨ tiah a rak sawn.
  Kan minung nunnak ah hin minit le sekan khat te hin thil tuah
theimi tumpi a nei. Cumi cu thei ngah loin, kan can neih sun tawite
cu Zuu le sa in kan liamter men ding maw si? Na hrang thupi bik
pakhat cu, na caan hman dan kha a si. Nitin ih mit.hangso si na duh
fawn, caan hman dan le na thiam fawn lo. Ziangah tile nazi zoh na
thiam hrih lo a si ding.
  Kan taksa pum a dam sungah cun, caan ih a man khun daan hi kan thei
ngaingai thei lo. Asinan, natnak ruangih ihkhun parih thlen hnu cun,
caan timi hin man a rak nei zia thu hi an theifiang t.heu. Hla
phuahtu pakhat cun, ¡§ Ka dam sung caan hi, malte talin kir le thei
sehla..¡¨ tiah duhthu a rak sam, asinan caan timi cu la kir thei
cuang lo.
  Hnat.uanpa pakhat cu caan a tlai thei tuk ruangah a pupa in nazi
pakhat a pek, nazi a pek hnu khalah a tlai ringring thotho, a pupa
cun ¡§ Nazi ka lo pekmi kha na thei lo maw si ? Caan timi na siar
thiam theinak dingih ka lo pekmi a si kha, ziangah tutiang hman nazi
na siar thiam cuang hrih lo, hnat.uannak in rak cawl men aw¡¨ tiah a
ti.
  Leitlun fimnak khal a sang vivo, mithiam khal an karh vivo, a fim
hmaisa le a thiam hmaisa, a lian hmaisa le nunnuam hmaisa ih piang in
¡¥caan¡¦ hi ziang a si ti an theithiam ih, nazi zoh in hna an t.uan
thiam, asinan an nazi zoh mi cu ziangtikahso a cawl ding ti lam
hnakin, ziang tlukih tam sawn so ka t.uan thei sawn ding tiah an nazi
cu an zoh sawn theu.
  Kan Biakmi kan Pathian khal tikcu le caan zoh thiam le siar thiam a
si. A tikcu khelin hna a t.uan, a tlai dah lo, a tuan tuk dah fawn
lo, curuangah lal hmuahhmuah ih Lalbik a si. Ruat hnik aw,
  Nazi na zoh thiam zo maw ?

                          Leiba
                  (Saam 14 : 3)

Salai Ronald
              Dawr tumpi pakhatih thlatin leiba khawngtupa in, milai
pawlih mizia fiangten i theih ter. Thil leitu pawlin an leiba an rak
pek duhlo ruangih an rak sawn dan hitin in sim. ¡§ Kei aiih a bak
tamtu ka thei ko, kir men aw ¡¨ tiah an rak ti.
              Hnat.uantu pa cun hitin i  sim bet ih; Hngilhmi an nei,
tampi a baktu an um ko. Asinan, awkam mawi zetin hitin  ka sim a
t.ul, ¡§ Ruathnik, mi dangin ziangzat an bak ti mi kha a thupi a si
lo, kan cazin sungah cutik niah ka pek ding na ti caan a liam zo¡¨.
              Misual pawl ih thinlung put cu mah le mah zoh aw loih
midang kutzung va khih khi a si. Sakhua minung pawl cun an tlaksam mi
khi khuh duhah, an kiangkapih thing le lung biak pawl kha zung an
khih. Cun thing le lung biak pawl khal in sakhua mi pawl kha Sungthu
lengnal an si thu relin thil thupi  sawn kha an hrial. Asinan,
Pathian cu kutzung mikhih hmang pawlih bum thei ding a si lo.
              Midang kha kan mah hnakih sualsawnah kan lang ter a si
ahcun thuphanper kan si. Kanmah hnak ih Pathian leibak tam an um lo a
si ti kan ruah suak veten Pathian ih zangfah ngaithiamnak kan co tam
sawn a si. Ruahsan neilo tiangin leiba ka nei a si ti a theitu pawl
hnen lawngah Ngaidamnak a thlen ter a si.
  CO HAR NU
  Na puan hnemrang
  Na za t.ial te ….
  Ting lem lai ing maw ;
  Co thei hlang,
  Zate hlan miarmi,
  Tin dawh mi,
  t.uan rel ai law . . .

  Ukte
                                        YCW Sayakyi
             James Dar Ro Thang
                              thawn ton awknakthawn ton awknak

  Lairawn Tahan ih YCW Border, rak thoktu, Laimi ti fimtu le ti hmin
thatu, Sayakyi James Dar Ro Thang (Akhuai) cu Malaysia ah
Pursumleilawnnak lam ih thu tulah a ra ih cutin man lo nacing in a
duhdawtmi Falam mi te le fa pawl vehvainak le thapeknak a ra nei thei
ih, rin lo pin Hruaitu in hiti vekin thu sutnak kan nei:

  Saya Kyi na suahnak khua in sim theipei maw ?
  Falam Khua ah ka suak.

  Unau paziat ha nan si?
  Suahpi unau hi 6 kan siih, mipa 4 le nunau 2 kan si.

  Nupi na nei zo maw? na nei asile na nupi hmin in sim siang kem?
  Daw Tin Sung asiih, Falam peng, Hrian Hnang khua a siih, Pathian
laksawng fapa te Daniel Bawi Lian Thang ka nei ve.

  Border thuhla tawi in sim siang pei maw?
  Hi Border hi 1996 June 7, ah  nauhak 26 neiin kan thokih, 23 in an
ong cih.

  Tuini ih na Border dinhmun in sim thei pei maw?
  2005 kumah 70% an ong. Distinction pali ngah minung 2 an um. Dist.
2 ngah 1  le Dist. 1 ngah 2 an um. Medical college ngah 1 a um ih,
Marine Engeneer ngah 1 a um. Nursing University le Foreign Language
University ngah tla an um. Tui kum ah hin minung 200 an kai. Full
time Saya hi 12 an umih, Part time ih hnat.uan tu hi 18 an um. A
pahnih kawm cun 30 an um. Cun, rawlsuannak ih hnat.uan tu hi minung 7
an si.Cun General hnat.uan tu hi 3 le Gate kiltu hi sunah 1 le zanah
1 an um. Ka Border hmin cu Young Christian Welfare ( YCW) a si.

  Na Border hi ziangvek dinhmun ha a si?
  Lairawn ahcun Border hmaisa bik a si. Percentage ih ong hi rel
theih a si nawn lo. lairawn ah cun tuini tiang in Ong t.habik le
Disciplne tha bik in an rel lai.

  Na tlawngta pawl hi khawi ih sin ha an rat khawm?
  Tlawngta nauhak hi Rangoon, Mogoke, Mandalay le Laitlang Lairawn
hmun tin ihsin an ra.

  Ziangruangih na Border hi hlawhtling ha a si, ti in sim thei pei
maw?
  1) Pathian rinsanih thla kan cam ruangah
  2) Discipline t.hat ruangah
  3) Expert( Thiam hleice) mi saya pawl in an zirh ruangah.
  4) Tlawngta pawl ih zuamnak ruangah

  Na Border hi kum 10 rori a si thlang sikhaw, tlawngta nauhak karlak
ah si maw, Saya karlakah si maw, buainak si maw, mualphonak na nei
dah maw?
  Pathian zarah hminsiatnak ka nei hrih lo.

  Discipline a khauhtuk tiah an sim kan rak thei ih, ziangtin ha a si?
  Discipline hi Boder hrang le Tlawngta pawl an hlawhtlinnak dingih
thupi bik mi a si. Curuangah tlawngta pawl hi daan thlun thei dingin
kan zirh ih, daan thlun theitu pawl kha kaihhruai an ol in an
hlawhtling t.heu.

  Cawmmi nauhak na nei maw?
  Thlanglam laitlang Palewah, Midat, Kampelat khua ta tlawngta pawl
khi kum 1997-98 ah 4, 1998-99 ah 6, 1999-2000 ah 12, 2000-01 ah 16,
2001-02 ah 20, 2002-03 ah 25, 2003-04 ah 20, 2004-05 ah 15 , 2005-06
ah cu, a thar kawh mi an um lo, a umcia mi kha minung 6 an si.

  Tlawng dang ret mi( tlawngdang ah) na nei maw?
  Falam Bible tlawng ( ZTC) ah Palewah mi 4 an um ih, Midat mi 1,
Tahan ih BTS ( bethel Theological Seminary ) ah Mindat mi 1, an zaten
minung 6 Bible tlawngkai ka nei.

  Thlanglam laitlang pawl na cawmnak san in sim thei pei maw?
  Thlanglam Laitlangah Pathianthu a simtu Missionary an feh ih an
tlunsaal tikah, Zumthar tu pawl,  kaihruai vivo tu ding an nei lo
ruangah, tampi cu Khuavang biaknakah an let saal. Cui  zumthartu pawl
an mah le an mah kaihruai theiding ah, an mah sungih sin cathiam deuh
pawl hi koih, fimthiamnak zirh in, an khua an ram ah Kaihruaitu an si
hi duhsannak nei in ka ko nak a si.

  Sim duhmi le thucah duhmi na nei maw?
  Ka sim duh mi cu, kan falam mi hi mi hnam/phun hnakin kan nau ce ve
lo tihi theiaw ringring sehla, kan khua kan ram le kan miphun
hrangah, khawitawk hmun kan va thlen khalah kan ti theitawkin t.uan
kan tum ding. Cun   Ziang kan va tuah khalah, Pathian kan rinsan
dingih, thlacam phah in, dungsiip loin, hmai nawr sinsin ding hi ka
cah duh mi bik a si.

  Caan in pek ruangah tampi kan lungawi.
  Keikhal ka lungawi.

          Krismas
           (Nan hrangah thuthangt.ha ka run keng ¡§ I bring you good
tidings¡¨)

                 by : S. Ni Luai

  Falam t.ong hmang, laimi unau , kum 2005 Krismas damten kan thleng
thei a si hi. Kan sungkhat unau hrekkhat cun mual in liamsan, kannih
khal thinhar, donhar le ninghang in Malaysiaah mi kuthnuaiah kan um.
Hrekkhat kan unau pawl khal, an ma¡¦i sualnak um lo in, ram harnak ih
ruangah mi ram kan feh ih, thawng inn tiang an thleng.
              Hi tluk harsatnak kan kan tuar laiah, kan hrangah Bawi
Jesuh a suak. Sualnak le Sual sal sungih taang pawl, sual ruangih thi
ding pawl ruun dingah leilung ah a rung t.um. Hi thu hi  zum tlak mi
thutak le pawmtlak a si (ITim. 1:15). Hi tluk thuthangt.ha dang a um
hleice cuang lo. Cui thutak cu, a  nung Pathian hnen ihsin a ra.

  A caan le Khua :
              Kan mah ruuntu dingih rawng suak hi David Khawpi an ti
mi, Jubus mi hnen ihsin David ih rak lak mi a si. Thukam thar ca uk
sungah cun, David   ih nauhak laiih a rak tlanlennak Bethlehem cu,
Jesuh suahnak a si. B.C. 63 ah khan Rom ralbawi Pompei in Jerusalem
cu a rak la. Rom ralkapih uknak hnuaiah Palestine cu Rom pawl ih fial
cop in Siangpahrang pakhat hnu pakhat in an uk ih, Herod in kum reipi
a uk.  B.C. 37-34 hrawngah hin Bawi Jesuh cu a rak suak. A thla le
nazi cu Pathian in in theiter siang lo. Ziangruangah tile, a tikcu
caan hnakin, Amah Jesuh Khrih kha kan hrangah a sunglawi sawn ruangah
a si.
              Pathian in minung sualzia hi a thei cia tuk, Amah Jesuh
hnakin, a suah ni le thla an biak sawn ding ti khal a thei cia.
Keimah khal, ka fa le pawl ih an suahni le thla hnakin, an taksa kha
ka hrangah a sunglawi sawn. Cuvek t.hiamt.hiam in, kan hrangah cun,
Pathian in pek mi Jesuh Khrih in ruuntu cu a sunglawi bik a si.

  Hmutu si ding in :
              Herod siangpahrang in Jesuh Khrih a suak ti cu a thei,
nan a thihni tiang Herod cun a tawng thei lo. Cuvek thotho in, kan ni
khal, in ruuntu a suak ti thei fawn siin, hmuh tum cuang lo tampi kan
um. Puai tuahnakih va feh, puai ah rawl va ei le nawmnak ih telve men
cun, kan thihni tiang khal in Jesuh kan hmu thei cuang lo ding.
Nisuahnak lam mifim pawl le hramlak ih tuu khaltu pawl cun, an
thinlung ngaingai in Jesuh Khrih hmu dingin, Bethlehem an pan ih,
naute (Jesuh) cu an va hmu, lungawi  ai puang in Pathian an
thangt.hat. Khuk bilin Jesuh cu cibai an buk ih laksawng  Sui,
Frankincense rimhmui le Mura zihmui cu an hlan (Matt.2:11), Tuu khal
pawl khal in an hnat.uan mi fehsan in, lungawinak thawn an kiir saal.
              Mifim pawl cu milian an si ko, tuu khal pawl cu, mi
nauta le farahte an si, nan an hmuhmi ruangah lungawi aipuangin an
kiir saal veve. Tu¡¦i kum Krismas thokin, puai tuah ruangih lungawi
mi siloin, Bawi Jesuh kan hmuh le kan hnenih a um ruangih lungawi mi
si tum uh si. Rawl veikhat eiih lungawinak cun thlaruk hrawng lawng a
daih, Jesuh Khrih a tak hmu ih pawmtu pawl cu, kum khua in an lungawi
in an hnangam ringring.

  Jesuh Khrih hi ziangtin na hmu :
              Keimah ih hmuhdan cun, Jesuh Khrih hi nupi t.hi ding in
leilung tlunah a ra; a silole, t.hitcia mi nunau, pasal lakih t.ha
ten um duh lo, mai duh dandan ih um pawl t.hi saal dingah a ra. A
siartu nan zaten, nupi t.hit puai tampi ah nan tel ding ka zum. Puai
tuahnak ah cun, rawl khawp ten kan ei ngah lawngah kan lungawi, nan
cui lungawinak cun, nazi 6 sung lawng a daih. Monu le mopa cu lungawi
ten an dam sung an um. Veikhat cu, restaurant ah kan naunu te pakan
kholh ih um t.heu cu ka hmu. Cunu cu pasal a neiih, hna a t.uan nawn
lo. Cu nu hnenah cun. ¡§ ka fanu, ziangah hna na t.uan nawn lo,¡¨
tiah ka sut, cunu  te cun, ¡§ Saya pa, pasal ka neiih, ka pasal in
hnat.uan in siang nawn lo, inn ah um men aw la, ka t.uan mi kan ei
ding, rawl na rak suang dingih, ka t.ulnak ah in bawm men ding tiah
in ti¡¨ ti in sim.
              Ka lungawi tuk, Bawi Jesuh khal hi vek cekci a si. In
neih hnu cun, kan pasal a siih, kannih zumtu pawl cu a mo kan si. Ca
thiang in hitin a sim ¡¥ Nupi cu pasal bawmtu a si¡¦, hivek in kan
ni, zumtu pawl cu, kan pasal Jesuh ih rinsan tlak in, felfai ten kan
um a t.ul.  Cutivekih kan um le Amah sawn in kan t.ulsammi in tuahsak
ko ding.
              Curuangah kan hrangih thupi bik cu, mopuai tuahnak ih
rawl ei tu siloin, mopuai tuah tu si hi a si. Cui mopuai tuahtu si
ding cun, zuuri ringring le puarthau takih um a ngah lo ding. Nitin
ten kan nunnakah, Siangpahrang mo kan si ti theiin, a si hrih lo pawl
khal an si theinak ding lamzin hawlsak vivo in, kan Mopa Jesuh thawn
kan um tlan ringring theinak dingah Pathian in thlawsuah malza lo
sawm hramseh.

  Hlawhtlinnak Lamzin
  (The way of success)
  -Salai Eddy
  Leilung tlun minung pawl ih kan duh zet mi thil pakhat cu mi
hlawhtling zet si hi asi. Milai kan zate in mi ih Upat si,mi ih thu
rawn mi si, Mi ai ih sum le pai neih, mi tlun ih thu neih, mi hmai ih
a langsar thei zawng ih um…ti vek pawl … hi kan duh t.heh.
               Asinan mi tampi cu kan hlawhtling cuang lo.
Ziangruangah   milai tampi hi kan hlawhtling thei lo ti in mangbang
zet in ka um, thu tampi ka ruat, ca tampi ka  siar, mi hlawhtling
pawl hnenah ka feh ih thu tampi ka sut, Ka hmuhsuah mi lak ihsin a
thupi zet ih ka ruah mi pawl cu :
              1. Harsat nak tawn canah  dungsiip lo ding.
              2. Felfai zet mi lungthli tum neih
              3. Hmuitin mi t.haten neih
              4. Dan felfai zet ih neih

              Milai kan si sungah kan mah le tawk cio in harsatnak cu
kan tawng ko ding.Mi ai ih hlawhtlin kan duh a si ah cun mi ai ih kan
t.uan le mi ai ih kan tuar tla a t.ul.
              Mi vek ih na um a si ah cun mivek na si ringring ding,
Zanthing le rua pawl khi kan zoh hnik pei uh, An rualpi lak ih a niam
deuh pawl cun, thilsia le ruahsia a hrang tikah an thei lemlo.
Tlangkuam lakih thing pawl an si len thli a hran ruangah ti in an
kiak dah lo, Asinan tlangsang lakih thing pawl cu thli a hran tikah
nasa zet in an tuar t.heu, Thli le ruah lak ih a t.hanglian mi tlawr
le far, zanthing pawl cu sang zetzetah an t.hang ih an man tla a
khung thei zet.
               Cuti asilen, Unau nang teh tu ah  ziangmi harsatnak na
nei ? Na duh thusam vekih thil  zianghman a ra cang thei lo ih na bei
a dong tla asi men thei. Thilt.ha na tuah mi  kha mi in… an lo thei
thiam lo, an lo do, an lo nahsik, an lo relsiat  ruangah harsatnak a
phunphun tla na tuar thei men. Na beidong hrimhrim hlah, Hi mi
harsatnak pawl na tuar t.heh hnu lawngah hlawhtlinnak a ra
thlengding, Zosep, Denial pawl ih nunnak kha vun ruat saal aw.
              Harsatnak an tuar t.heh hnu lawngah hlawhling nak a
rathleng asi lo maw ? Mi ai ih na dinhmun a san ruangah le mi ai ih
hlawhtling ding na si ruangah, tu ah harsatnak na rak tuar hmaisa ti
hi thei ringring aw la,  beidong mai lo in hmaiah nawr  sinsin aw.
              Mi hlawhtling si ding cun fel fai zet ih lungthli tum
neih atul. Phunhra tlawng (high school) le phunsang tlawng
(University) ka kai lai ih ka rual pi kan rinsan zet mi, cathiam,
mifim ti ih kan ngaisan zet mi, mi hrekkhat pawl cu tu ah zianghman
lo men ah an cang.
              Asinan kha ti lai ih kan ngaisan lem lo mi ka rualpi
hrekkhat cu, USA lamah tlawmg sangpipi kai bet, Kawlram ah Pathian
thu sim in mi hminthang zetzet, Bible tlawng tiang nei, Cozah
hnat.uan ih Officer pakhat tiang thleng ti vek pawl an um.
              Mihlawhtling si ding cun tumtah mi felfai zet ih kan
neih tengteng a t.ul. Asilen Unau tu ah ziang tumtah mi na nei ?  Tui
ni tiang ih tumtah mi felfai nei hrih lo kan um pang a si ah cun, tu
rori ah kan neih a t.ul, cu lawngah mi hlawhtling kan si thei ding.
              Mi hlawngtling si ding cun, tumtah mi kan neih lawng in
a tawk mai lo, Hmui tinmi felfai ten kan neih ih kan ngah duh mi cu
kan ngah hlan lo kan tuah suak a t.ul, Len ka tum ti men in a tawk
lo. Milian si dingin hna tampi kan t.uan a t.ul.
              Mi hlawhtling pawl cun zarhkhat sung, thlakhat sung,
kumkhat sung ih an tuah ding mi ca ah an ngan cia, An tuah mi pawl
t.haten an ruatsal t.heu, tui zarh sungah, tui thla sungah hi mi ka
tuah suak rori ding ti in an lungthli tum an thei ringring, Khui tawk
hmun an thlen khal len, antuah ding mi an thei ringring.
              Kannih khal a mal bik ah kan hmai kumkhat tiang tal kan
tuah ding mi kha felfei ten kan neih cia lawngah mi hlawhtling kan si
thei ding.
              Mi hlawhting si ding ih a thupi zet mi pakhat cu dan
felfai tei neih ( mah le mah ukawk thei )a t.ul. Mi tampi cu an
fim,an thiam, an lian zet nan, an mah le mah an ukaw theilo ruangah
an tlasia saal t.heu. A hleice in kan nih laimi pawl hi malte kan
hlawhtling deuh len a hman dan kan thiam thei lo. Kan mah le mah ukaw
thei lo in siatnak ah kan hmang t.heu. Kan duh mi tuah tu men si nawn
lo in  kan t.ul mi a tuah tu kan si thei nak ding ah kan zuam cio pei
uh.
              Cu lawngah ca siar tu nang le kei kan hlawhtling thei
ding. Nang le kei kan hlawhtling asilen, kan miphun, kan khua le ram
a t.hangso ding. Kan khua le ram a t.hangso ih dinhmun t.ha kan neih
hnu lawngah ram le miphun hrangah, hna tampin kan t.uan thei ding. Cu
tik ah kan khua le ram a mawi sinsin ding. Ca siar tu nan zaten a tak
ih nunpi ih mi hlawhtling si cio hram uh ti ah duhsak nak tumpi
thawn …..

  Thu Tualleng

  Khrismasnak Hrangah: Lai lam ih X-mas kan hman vek rori tuah thei
dingah tin Pu Ngun Hmung in Vok thau sum nga a hlu. Ronald in catani,
Salai Pa Bawi Vum in Fangfai hmuahhmuah an ron hlu.
  Thawng Inn lamah: Kan Pastor Rev. S Ni Luai le Salai Pa Thuam in
kan unau thawg tla pawl (Samunyih ) ih um an va veh. Kan Pastor pa in
thlacamnak khal a neih sak.
  Zanvar Thlacam Khawmnak: 2005 cun siang lo cing ten in liam san
miarmo tum thlang ih, himi kum hlun cem zanah kum hlun thlahnak le
kum ther hmuahnak 2006 kum hrangih kan nun hlanawknak ah zanvar
thlacam kan nei ding. Kan Pastor in in hoha ding ih na nunnak ah thin
hnangamnak na ngah theinak ding le thlawsuah na dawn theinak ding
hrang rak ra tengteng aw.
  Fellowship Hotu pawl hrilnak: January 1, 2006 ni ah kan LCF hotu
pawl ding mithar hrilnak kan nei ding.  Kum khat sung ih in hruaitu
ding an si ruangah a thupi tuk, rak khawm in le Pathian hnen thlacam
ta in vote thlaknak rak hmang ve aw.
  24th December, 2005 Zanah: Kannih Kristian hrangih ni sunglawi,
Krismas kan thleng thlang. hi Dec. 25 hngahnakah tiin, LCF cun, 24
zanah Zanvar in thlacam le Social (Pawlkawm awknak) tuah ding a si.
Himi zan hmang ding in LCF minung hmuahhmuah nanza ten sawm nan si.
  Malaysia Tilian: Malaysia ram, Kedah tilian cu,  tu ah cun a kaang
vivo. Himi hrang bawmnak ah tiin, orgaization tampi hnen in bawmnak
an pek. Malay Prime Minister Abdullah rori khal hi tiliannak hmun ah
va fehin, harnak tuar pawl hnenah bawmnak le thusimnak a va nei. Hi
tilian ruangah hin, kawlram ihsin kan unau tampi cu, malaysia lut
thei lo in a khamih, Malay minung 2700 cun an inn le lo an suah san.
  Tuluk Ram thawn Thu Tiamkam: Maslaysia Prime minister Abdullah cun,
china thawn an sumdawnnak cu a t.hat vivo theinak ding ah, china cu
nasa ngaingai in an ram(Malaysia)a a rak welcome. Chian mi cu Tourist
an khal le, ziangvek in Malaysia an ra lut a si khal le, a welcome
thu a rel. Prime Minister cun Kum 2010 ah cun China thawn an
sumdawnnak hi US$ 50 million rori ih ti tam a si ding tiah a ti.
  Palik: Palik pawl cu, an ti dan keel ten, December thla le January
ni 15 hlan sung cu, nasa sawnih ram dang mi pawl kaih le zoh fiang an
tum. Hiti an tinak san cu, Malaysia ramah, dan lo vek ih ra lut pawl
hi, a hlei ce in Christian pawl tikcu caanah le Chiese pawl caan ah
an tam hleice ruangah a si..

                Leitlun Thuthang Lawrkhawm

  Korea ram leitlunih Steel tuahsuaktu tumbik cun,  Billion 197 man
an khong i, US$ 193 billion cu an hlawk mi a si.Hi an zuar suahnak
tam sawn cu handphone sungih a controller plate tuahnak ah a si.

  Google: Internet to t.heu hrangah cun thilthar tiih rel a theih lo.
Leilung tlun pumpi ih searh Engine (Thil hmuahhmuah hawlawlnak bik)
tiih kan theih t.heu mi cu, a center pi bik, San Francisco le US ah a
thar in mipi hman theidingih t.ha  sawnin an tuah tum. Hi Google hin,
US sumdawnnak lamah 1Billion cu  5% in AOL dinhmun a la thei ding
tiah an zum.

  FUJI TV: Japan ih company tum pakhat, NIT DoCoMo cun Fuji Tv cu US$
170 million in lei a tum. Cui an remnak thu cu, hi thuthang ngana si
tiang hin kan thei thei hrih lo.

  Australia ih company thilri zuar suak tu pawl cun, an thilri neih
cia mi pawl cu zuar suah an tum. Hi thilri zuarsuaktu pawl hin, an
thil ri cu A$ 400 Million man a ti an zum.

  USA ramih  IN tawn khawmawknak tumbik, US Federal Open Market cun,
an target cu 4.25% ih t.hansan ter vivo an tum. Hi tivek ih thil man
ti san hin, an ram economic dinhmuh ziangvekin a thlengsak ding ti zo
hman in an sim thei lo. Hi mi target tisan a si ah cun, in saan man,
le ziang kim a khung vivo ding ih, ziangvek in an ram a cang ding ti
an theithiam hrih lo.

  Petronas cun Indonesia ah a hmaisa bik hrang zinaan (oil) dawr an
ong ding. CunPetronas hin, kum 6 sungah hmun 456 on bet vivo an
tumih, hiti an tuah thei asile, Asia ramih an t.ulzet mi Economics cu
nasa le sang sin in a hruai thei ding tiah an zum.

  LG Philip: Leilung tlun thilrit.ha tuahsuak tu company, Philip
cun, an project thar hrangah tiin,US$ 725 mill. cu hman an tum Hi
Company USA ih um le Korea ih LG Electronic hi peh zawmaw an si.

  Pyinmana Ah: Kawlram cun a khawpi t.hawn ruangih an punak pawl cu
thuphan a si tiah a sim. Ram dang ihsin ziangbang khal in rak kawk in
a par thu t.hen tum khal sehla, tui a ukawk dan cu t.hin a tum cuang
lo ti a sim.
  Korea ram leitlunih Steel tuahsuaktu tumbik cun,  Billion 197 man
an khong i, US$ 193 billion cu an hlawk mi a si.Hi an zuar suahnak
tam sawn cu handphone sungih a controller plate tuahnak ah a si.

  Google: Internet to t.heu hrangah cun thilthar tiih rel a theih lo.
Leilung tlun pumpi ih searh Engine (Thil hmuahhmuah hawlawlnak bik)
tiih kan theih t.heu mi cu, a center pi bik, San Francisco le US ah a
thar in mipi hman theidingih t.ha  sawnin an tuah tum. Hi Google hin,
US sumdawnnak lamah 1Billion cu  5% in AOL dinhmun a la thei ding
tiah an zum.

  FUJI TV: Japan ih company tum pakhat, NIT DoCoMo cun Fuji Tv cu US$
170 million in lei a tum. Cui an remnak thu cu, hi thuthang ngana si
tiang hin kan thei thei hrih lo.

  Australia ih company thilri zuar suak tu pawl cun, an thilri neih
cia mi pawl cu zuar suah an tum. Hi thilri zuarsuaktu pawl hin, an
thil ri cu A$ 400 Million man a ti an zum.

  USA ramih  IN tawn khawmawknak tumbik, US Federal Open Market cun,
an target cu 4.25% ih t.hansan ter vivo an tum. Hi tivek ih thil man
ti san hin, an ram economic dinhmuh ziangvekin a thlengsak ding ti zo
hman in an sim thei lo. Hi mi target tisan a si ah cun, in saan man,
le ziang kim a khung vivo ding ih, ziangvek in an ram a cang ding ti
an theithiam hrih lo.

  Petronas cun Indonesia ah a hmaisa bik hrang zinaan (oil) dawr an
ong ding. CunPetronas hin, kum 6 sungah hmun 456 on bet vivo an
tumih, hiti an tuah thei asile, Asia ramih an t.ulzet mi Economics cu
nasa le sang sin in a hruai thei ding tiah an zum.

  LG Philip: Leilung tlun thilrit.ha tuahsuak tu company, Philip
cun, an project thar hrangah tiin,US$ 725 mill. cu hman an tum Hi
Company USA ih um le Korea ih LG Electronic hi peh zawmaw an si.

  Pyinmana Ah: Kawlram cun a khawpi t.hawn ruangih an punak pawl cu
thuphan a si tiah a sim. Ram dang ihsin ziangbang khal in rak kawk in
a par thu t.hen tum khal sehla, tui a ukawk dan cu t.hin a tum cuang
lo ti a sim.

  Iraq ram hrilawknak thuhla ah hin, kan dung zarh tiang kha cu, an
hrang thuthangt.ha a thleng tiah thu kan dawng. Sihmansehla tui
zarhah cun President Bush ih tel a t.ulnak san ziang hman a um lo
tiah buai an thawksal. 56% cun hi President hnat.uan danah hin lung
kimnak an neih lo thu an sim. Irag ramih milai 40% cun, US hin
ziangti hman in doawknak an neh lo tiah an ti.

  Saddam Hussein cu kan dungih thut.hennak hmiih a din duh lo
ruangah, khatlamih amah rak dotu pawl cu theihpitu (Witness) an karh
vivo ih, kum 1998 ih Shia Muslim 148 a rak thah mi thuhla ah, thiamlo
co ter dingin an nawr vivo. Hi an thut.hennak ding hi, Irag ram pumpi
ih Cozah tharin an t.hen hmaisak biknak ding a si ruangah, Saddam
Hussein khalin eelnak tampi a tuah.

  Scotland ramih, an zinan (Oil)  hmunpi bik cu, zinan um lo in,  a
thilphurh mi a rit tuk fawn ruangah a puak ! Hi an zinan suahnak hi
thlipi a hran ruangih siatnak tuar a si.

  European Union pathum le Iran ram cun, hlanih UNO ih huatbikmi
Nuclear cu tuah saal ding in thu an rel tlang. Hi an thil tuah tum
saal mi hi, Anti-Israel ram hmuahhmuah cun an lungkim lo thu le tuah
lo dingih an ti thu, thuthang cun a sim.
              Sihmansehla, Europe cun, Israel hi leilung tlun ihsin
hlonhlo ding a si, a map (mipung) khal Europe ramih riin/lakluh  saal
siseh tiah an ti.

  Rome: khuahlanlai ihsi hminthang cia, Rome cun, thihnak tumpi,
Tlangleng accident ruangah a tong. Hi tlangleng accident hi an khawpi
bik ihsin sim lam, km 130 ah a si. Minung 70 cun an thih phah. Hi
tlangleng pahnih hi, pakhat sawntu cu, Rome ihsin Campobasso lam
pannin a tlan ih, pakht sawn tu cu, Rome ihisn, Cassino lam pan ih
tlan a si. Hi tlangleng pahnih hi thu zoh feltu pawlin an zoh tikah,
zo sawn hmanin din tum lo in an tlan veve ti thu dawn a si tiah an
thuthang cun a sim.

  US Ralkap pawl cu, Irag le Afghanistan ramihsin an ram lamah an
tlung kirsaal ding. Hi ralkap an lak kir ding mi pawl hi an zaten,
25,000 an si. January thla tahr ah khin ralkap 1200 lak kir an tum ti
khal an sim cih.

  Indonesia ih an khuapi Jakarta ah nasa zetin Dec. 22, 2005 ah khan
ling a hnin ciamco.  A hninnat lam hi 6.3 Magnitute a siih, Maluku
tipi kiangih hnin thawk a si. US metereological official pawl cun,
Sulawesi hmarlam khal a hnin telve tiah an sim.

  Thailand ramih, mibang lo (Kutke kim lo) leknak (sports) ih tel
cun, Asean Para games ih Gold medal a ngah hnu ni hnih ah fanute a
nei. Hi nu hi a hmin cu, Wanna Ladee, kum 22 ih upa a si. A fa pai
thu hi zohman a sim duh lo; a san cu, sumpai tampi a tul ding ti a
thei ruangah zuamawknak ah tel ta a duh a si. Amah hi kebai a sinan,
fate t.ha tak a nei thei.

  Olympic Games: China ram Beijing in Olympic major 18 nak ding hmun
cu tuah rero lai a sih, an tumtah vekih t.heh man tum a si. Hi
project ih an director pa cun, Olympic Games sung ihsin Games 31 le
Olympic thawn pehpar aw mi Games 5 hrang ding cu, hmai kum 8th
August, 2006 ah t.heh man ding a si tiah a sim.
  Mi That: Nauhak tualleng tlawng (Kinder Garden) tlawngta pakhat kum
5 mi le an sayamah thattu pa, Fu Hegong cu Beijing thut.hennak cun
that dingin a thuhla a rel cat. Hi mithattu hi Beijing thut.hennak
cun case tampi a phurhter, a case lakih tum deuh pawl cu, mithat,
pawngsual (a thah mi sayama) le rukru a si.

  Ruah Ban lo Khopih Tam Lucky Ticket poh!!: German pitar pakhat cu
Che (Lucky Ticket)a poh ngahih, a tam tuk ruangah, a pohnak Company
cun Palik pawl kil himnak an dil sak. Lung nga pawl a poh ih, Krismas
hlanah tangka faiin a hnen a thleng ding.

  Singapore: Kan sim t.heu vekin, leilung tlunih ram fate zet si fawn
siih, ram tam sawnih theih Singapore cun, kumtin an ti dan kelten,
Leitlunah hmin an tuah lala. Tu¡¦i kum Krismas hrangah tiin, Leitlun
pumpiih Krismas thingkung sang bik (Christmas tree) an tuah. Hi
thingkung san lam hi, Sea level ihsin 70 metre a si. Cun, hi
Singapore ih Krismas colh hmang ding hin ram tampi ihsin an ra ciamco
ih, ahleice in visa khal tuahsak an si.

  Korea ram leitlunih Steel tuahsuaktu tumbik cun,  Billion 197 man
an khong i, US$ 193 billion cu an hlawk mi a si.Hi an zuar suahnak
tam sawn cu handphone sungih a controller plate tuahnak ah a si.

  Google: Internet to t.heu hrangah cun thilthar tiih rel a theih lo.
Leilung tlun pumpi ih searh Engine (Thil hmuahhmuah hawlawlnak bik)
tiih kan theih t.heu mi cu, a center pi bik, San Francisco le US ah a
thar in mipi hman theidingih t.ha  sawnin an tuah tum. Hi Google hin,
US sumdawnnak lamah 1Billion cu  5% in AOL dinhmun a la thei ding
tiah an zum.

  FUJI TV: Japan ih company tum pakhat, NIT DoCoMo cun Fuji Tv cu US$
170 million in lei a tum. Cui an remnak thu cu, hi thuthang ngana si
tiang hin kan thei thei hrih lo.

  Australia ih company thilri zuar suak tu pawl cun, an thilri neih
cia mi pawl cu zuar suah an tum. Hi thilri zuarsuaktu pawl hin, an
thil ri cu A$ 400 Million man a ti an zum.

  USA ramih  IN tawn khawmawknak tumbik, US Federal Open Market cun,
an target cu 4.25% ih t.hansan ter vivo an tum. Hi tivek ih thil man
ti san hin, an ram economic dinhmuh ziangvekin a thlengsak ding ti zo
hman in an sim thei lo. Hi mi target tisan a si ah cun, in saan man,
le ziang kim a khung vivo ding ih, ziangvek in an ram a cang ding ti
an theithiam hrih lo.

  Petronas cun Indonesia ah a hmaisa bik hrang zinaan (oil) dawr an
ong ding. CunPetronas hin, kum 6 sungah hmun 456 on bet vivo an
tumih, hiti an tuah thei asile, Asia ramih an t.ulzet mi Economics cu
nasa le sang sin in a hruai thei ding tiah an zum.

  LG Philip: Leilung tlun thilrit.ha tuahsuak tu company, Philip
cun, an project thar hrangah tiin,US$ 725 mill. cu hman an tum Hi
Company USA ih um le Korea ih LG Electronic hi peh zawmaw an si.

  Pyinmana Ah: Kawlram cun a khawpi t.hawn ruangih an punak pawl cu
thuphan a si tiah a sim. Ram dang ihsin ziangbang khal in rak kawk in
a par thu t.hen tum khal sehla, tui a ukawk dan cu t.hin a tum cuang
lo ti a sim.

  Iraq ram hrilawknak thuhla ah hin, kan dung zarh tiang kha cu, an
hrang thuthangt.ha a thleng tiah thu kan dawng. Sihmansehla tui
zarhah cun President Bush ih tel a t.ulnak san ziang hman a um lo
tiah buai an thawksal. 56% cun hi President hnat.uan danah hin lung
kimnak an neih lo thu an sim. Irag ramih milai 40% cun, US hin
ziangti hman in doawknak an neh lo tiah an ti.

  Saddam Hussein cu kan dungih thut.hennak hmiih a din duh lo
ruangah, khatlamih amah rak dotu pawl cu theihpitu (Witness) an karh
vivo ih, kum 1998 ih Shia Muslim 148 a rak thah mi thuhla ah, thiamlo
co ter dingin an nawr vivo. Hi an thut.hennak ding hi, Irag ram pumpi
ih Cozah tharin an t.hen hmaisak biknak ding a si ruangah, Saddam
Hussein khalin eelnak tampi a tuah.

  Scotland ramih, an zinan (Oil)  hmunpi bik cu, zinan um lo in,  a
thilphurh mi a rit tuk fawn ruangah a puak ! Hi an zinan suahnak hi
thlipi a hran ruangih siatnak tuar a si.

  European Union pathum le Iran ram cun, hlanih UNO ih huatbikmi
Nuclear cu tuah saal ding in thu an rel tlang. Hi an thil tuah tum
saal mi hi, Anti-Israel ram hmuahhmuah cun an lungkim lo thu le tuah
lo dingih an ti thu, thuthang cun a sim.
              Sihmansehla, Europe cun, Israel hi leilung tlun ihsin
hlonhlo ding a si, a map (mipung) khal Europe ramih riin/lakluh  saal
siseh tiah an ti.

  Rome: khuahlanlai ihsi hminthang cia, Rome cun, thihnak tumpi,
Tlangleng accident ruangah a tong. Hi tlangleng accident hi an khawpi
bik ihsin sim lam, km 130 ah a si. Minung 70 cun an thih phah. Hi
tlangleng pahnih hi, pakhat sawntu cu, Rome ihsin Campobasso lam
pannin a tlan ih, pakht sawn tu cu, Rome ihisn, Cassino lam pan ih
tlan a si. Hi tlangleng pahnih hi thu zoh feltu pawlin an zoh tikah,
zo sawn hmanin din tum lo in an tlan veve ti thu dawn a si tiah an
thuthang cun a sim.

  US Ralkap pawl cu, Irag le Afghanistan ramihsin an ram lamah an
tlung kirsaal ding. Hi ralkap an lak kir ding mi pawl hi an zaten,
25,000 an si. January thla tahr ah khin ralkap 1200 lak kir an tum ti
khal an sim cih.

  Indonesia ih an khuapi Jakarta ah nasa zetin Dec. 22, 2005 ah khan
ling a hnin ciamco.  A hninnat lam hi 6.3 Magnitute a siih, Maluku
tipi kiangih hnin thawk a si. US metereological official pawl cun,
Sulawesi hmarlam khal a hnin telve tiah an sim.

  Thailand ramih, mibang lo (Kutke kim lo) leknak (sports) ih tel
cun, Asean Para games ih Gold medal a ngah hnu ni hnih ah fanute a
nei. Hi nu hi a hmin cu, Wanna Ladee, kum 22 ih upa a si. A fa pai
thu hi zohman a sim duh lo; a san cu, sumpai tampi a tul ding ti a
thei ruangah zuamawknak ah tel ta a duh a si. Amah hi kebai a sinan,
fate t.ha tak a nei thei.

  Olympic Games: China ram Beijing in Olympic major 18 nak ding hmun
cu tuah rero lai a sih, an tumtah vekih t.heh man tum a si. Hi
project ih an director pa cun, Olympic Games sung ihsin Games 31 le
Olympic thawn pehpar aw mi Games 5 hrang ding cu, hmai kum 8th
August, 2006 ah t.heh man ding a si tiah a sim.
  Mi That: Nauhak tualleng tlawng (Kinder Garden) tlawngta pakhat kum
5 mi le an sayamah thattu pa, Fu Hegong cu Beijing thut.hennak cun
that dingin a thuhla a rel cat. Hi mithattu hi Beijing thut.hennak
cun case tampi a phurhter, a case lakih tum deuh pawl cu, mithat,
pawngsual (a thah mi sayama) le rukru a si.

  Ruah Ban lo Khopih Tam Lucky Ticket poh!!: German pitar pakhat cu
Che( Lucky Ticket)a poh ngahih, a tam tuk ruangah, a pohnak Company
cun Palik pawl kil himnak an dil sak. Lung nga pawl a poh ih, Krismas
hlanah tangka faiin a hnen a thleng ding.

  Singapore: Kan sim t.heu vekin, leilung tlunih ram fate zet si fawn
siih, ram tam sawnih theih Singapore cun, kumtin an ti dan kelten,
Leitlunah hmin an tuah lala. Tu¡¦i kum Krismas hrangah tiin, Leitlun
pumpiih Krismas thingkung sang bik (Christmas tree) an tuah. Hi
thingkung san lam hi, Sea level ihsin 70 metre a si. Cun, hi
Singapore ih Krismas colh hmang ding hin ram tampi ihsin an ra ciamco
ih, ahleice in visa khal tuahsak an si.

  Israel palik pawl cun, Palestine ram thut.hennak ih an thuneitu
sangbik cu daan lo(illegal) ih Jerusalem a luh ruangah Jerusalem
palik pawl cun an rak kai. Hi an mi kaihmi Sheikh Taisir Tamimi cu
thusuh dingin an ret.
              Hi pa cun, Jerusalem ih Muslim biak innih thlacam a duh
ruangih Jerusalem lut a si tiah a sim. Cumi hnu lawngah Sheikh cu
tangka fai 30000 sekel(US$ 8894) kuan terin le Israel ram sungih
ziangtik hmanih lut saal nawn lo dingin an suah.

  UK Prime Minister Tony Blaire cun Irag ramih a ralkap retmi pawl
hnenah an khua le ram cio ih an tlun saal thei ding thu a sim. Tufang
dinhmun vek a si ahcun, Irag ram sungah ramdang mi ralkap malte lawng
an taang thlang ding.

  Israel cun Palestine ram sungih an hrilawknak cu an ti buai ih,
hril aw ngah lo koin tuah an tum. Himi ruangah hin, Palestine ram
hrilawknak cu January ni 25 ih t.hawn a t.ul men thei tiah thuthang
cun a sim.

  NATO ralkap pathum cu an ram lam pan dingih Airport an pan rero lai
ah, Afghanistan misual (hel) pawl cun bomb kengin an mawt.aw tomi cu
an puahter ih, car sungih ta mipakhat cu a hmunah a thi cih.
              Hi Afghanistan hel pawl hi remnak duh lo tiah UNO cun a
theiih, an hnenah khal palai vei tampi a thlah nan, an rak eel
ringring ti in thuthang cun a sim.

  A Nupi Suak, a Pasal Taang: Johor Baru ih rittheih sii(Drugs) zuar
an kaihmi nunua cu, thut.hennak cun nunau  cu an suah ih, nunau rak
bawmtu menih an kaihmi, a pasal cu kum 14 sung thawngtla dingin a thu
an t.hen sak a si.

  Thli Hrang A Dai Tuk Ruangah India ah Mitthi: India hmar lamah cun
Thlipi a hrang ruangah mitthi an pung vivo. Tui ni tiangih an thei
banahcun milai 59 rori in hi thli ruangah thihnak an tawng.
              Hi thli hi a dai(cool) tukih, inn le lo nei lo pawl le
hnat.uantu tampi cun harnak an tuar phah.

  Mi Ruk Hlo: Indonesia cun, tui kum colh sung (Christmas Holiday) ah
hin, minung pakhat le pakhat ruk hlo awk a tam ruangah, Intelligence
pawl nasa takih ralring dingin thu a sim. Indonesia ah hin Internet
hmangih bumawknak le minung tangka laksakih a minung thah tivek pawl
hi Leilung tlunih a tam biknak a si.

  Pope: Leitlunih sakhua tumbik le ram pakhat sungih um fawn siih,
Cozah tham ban mi si lo, Pope cun, a hnuai ih hnat.uantu dingah tiin
minung 19 cu a hrilih, mipi hmaiah nemhgnehnak khal a tuah zo.
  Cherie Blaire, UK ram dan thiam (Lawyer) le an ram Prime Minister
ih nupi cun, RM 1.3 Million a t.uan suak. Hi a sumpai t.uan suahmi
hi, diktakih a ngahmi a si tiah, The Legal Services Commissioner cun
a sim.
  Kum  12 ih upa,  kuak fawp lo dingah sim: British ramih an tlawngta
nauhak pawl cun, nauhak upa ti um loih, kuak an fawh ciamco ruangah
acozah pi cun, fawp lo dingah sim dingin, Kuhsi lam thiampawl cu a
fial.
  US cun, Pensylvania District ih tlawngah, Biology zir caan ih
Intellegence an zirh mi a duh lo  ruangah an tlawng  cu a khar sak.

          2006 Germany World Cup Football ih Group Then daan
    Group A

    1. Germany
  2. Costa Rica
  3. Poland
  4. Ecuador
  Group B
  1. England
  2. Paraguay
  3. Trinidad
  4. Sweden
  Group C
  1. Argentina
  2. Cote Divoire
  3. Serbiamont
  4. Holland
  Group D
  1. Mexico
  2. Iran
  3. Angola
  4. Potugal
  Group F
  1. Brazil
  2. Croatia
  3. Australia
  4. Japan
  Group E
  1. Italy
  2. Ghana
  3. USA
  4. Czech Rep.
   Group G
  1. France
  2. Switzerland
  3. S. Korea
  4. Togo
  Group H
  1. Spain
  2. Ukraine
  3. Tunisia
  4. Saudi Aribia
  Group G
  1. France
  2. Switzerland
  3. S. Korea
  4. Togo
  Group H
  1. Spain
  2. Ukraine
  3. Tunisia
  4. Saudi Aribia

    CAPO
  Khaw pakhatah tlangval hmelse zet mi a rak um. Fala len cu rel lo,
biak paihtu hman a nei lo. A vant.hat  le malmakah, an khaw fala mawi
bik thawn an t.hitaw. A lungawi tuk cu, zan an ih nak hmun ah a nupi
thar hnenah cun, ¡§Ziangruangah ha in t.hit?¡¨ tiah a sut. A nupi
cun, ¡§ Dai ten um men, na hmelsiattuk ruangah ka lo zaangfah ih, ka
lo thi men, it that aw¡¨ tiah a rak sawn.

  PATHIAN KAN HNEN AH A UM
            (IMMANUEL)

  Pathian {Jesuh) minung taksa ah rungcang in a rung suah nak san bik
mi cu kan mah milai (minung) kan hnen rori ah rung cang le rung um in
tu ni tiang khal ah zumtu kan hnen ih a um nak hi langter tu bik a
si. Kan minung taksa sinak rung keng in kan lak ih a umnak, a thu
muril hi tu? kum 2005 Christmas ah hin a hlei ce in kan pumpak hnen
cio ah hin lang hramseh ti hi thlaza ka cam mi a si. Pathian (Jesuh)
a Thlarau lawng in-in umpi lawng silo in taksa rori ah rungcang le
sualnak Setan kut sung in in run suak ding ah minung kanmah vek taksa
rung keng  in minung sinak hmuahhmuah kengkawh le rung suak in-in
umpi timi hi Christmas ih a tumtah bik mi le a sunglawi hlei ce nak
bikmi cu a si.
              Innsang ka neih hnu in kumtin ten ka innsang thawn
Christmas hi kan hmang tlang ringring ih, tuikum cu Philippines,
Manila ah Bible tlawngkai a rak tul tikah tuikum hi innsang tel lo in
keimah te Christmas ka hman hmaisa bik a si. Asi nan IMMANUEL
(Pathian kan hnen ah a um) ti mi thu in keimah lawng silo in a mah
Pathian rori ka hnen ah a um timi hin hna mi a ngam ter ih a mah
Pathian ah lungawi nak  ka nei thei a si.
              Thildang zianghman Christmas hrang ah laksawng ka lo
kuat thei lo nan, thil le ri hnak ih thupi sawn mi Pathian (Jesuh)
van ih sin a sunlawi nak hmuahhmuah tan in kanmah in tlen ding ah le
kumkhua kan hnen ih um ding ah a ra ti mi hi ka lo laksawng thei
umsun cu a si. Curuang ah nangmah le na inn sungsang in Pathian kan
hnen ah a um (IMMANUEL) ti mi hin  na nun nak ah lo ciah hnget ter aw
seh la amah Pathian thawn nitin nan nun nak ah lo umpi ringring hram
seh.
  Andrew Sa Tin Uk.

  Hahipih mi ongminnak rel hnakin,
  kan mai tlaksamnak rel hin miphun le ram,
                                                  kohhran a tuah tha
sawn.

  Instruction (Tuah dan ding) : A hnuai lamih ABC tiah khin na hmin
thawn a mil awmi hril suak aw la.
  (Tahthimnakah: Par na si le, p, a, r) Cun, rem khawm aw, na sinak
cekci a suak ding, na zum lo le tuah cih mai…
  A- Na ruahnakah thil pakhatkhat a um asile, daiten na um t.heu.
  B- Mi thar tawn ding khi na hgnakhlap thei zet.
  C- Ningzak thei tuk minung na si. Nan, na ningzahnak kha lang
ter             duh hlah.
  D – Mi dang rinsan ding khi na harsat tuk t.heu.
  E – Thin nuam zet ih um duh mi minung na si.
  F – Mi hmuahhmuah ih duh mi minung na si.
  G – Midang na hmuh dan le ruahdan a t.ha.
  H – Mi parih thilsual tuah hmang na si lo.
  I   – Midang lungthin nuam zetih ret duh mi minung na si.
  J – Mai hrang lawng ruat mi minung na si .
  K – Thil thar danglam deuh tuah duhnak thinlung na nei.
  L –  Duhdawtnak khal thuk zet ih ruat minung na si.
  M – Hlawhtinnak awlsam teih hmu thei na si.
  N – Hnat.uan cu na duh ko nan, colh na hmang tam sawn.
  O – Thuthup nei lo minung na si.
  P –  Rualpi hrang kawm khal na nuam, mi khal na theithiam thei zet.
  Q – Thinlung kawp ( Laiking awr thleng ) nei mi na si.
  R – Mipi hrang hnat.uan tu na si.
  S –  Midang parah ruahnak kau pi nei minung na si.
  T –  Tumtah mi sang tuk pakhat na nei.
  U – Midang vek t.hiamt.hiam in Chance nei ve in na thei aw.
  V – Duh mi ngah ko zuamnak thinlung na nei.
  W – mi t.hatnak hnak in siatnak rel na paih sawn.
  X – Mi zawn ruat thei zet na si.
  Y – Thu malte ruat ih nuam zet ih um paih mi minung na si.
  Z – Zuu le sa na tuah lo le, a duh lo lawlaw mi minung na si.

                    Capo
  Lairawn khaw pakhat ah hin, Zulte timi le Thangte timi rual pi t.ha
zet an um.
  Zulte : Thangte, nang ziang tik caanah ha na lung a len bik ?
  Thangte : March thla hrawngih Biakbairok tlangsang zet ih an rawng
ai caan ah hin a si bik ko. Zulte nang teh, ziangtik caanah so na
lung a len bik ii ?
   Zulte : Na tivek thotho in, t.hal caan ih tiva te zawh phah in Ai
t.ek le makphek ei a thak bik ka ti….. ha ha ha.
  By : Sim Thli Hran Thang.

  Veikhat cu, tlawngta nauhak nu te hin, an Sayama hnenah hitin a sut:
  Nauhak nu : Sayamah, Jonah hi ngapi in a dolh an ti hi thungai a si
maw ?
  Sayamah : Ca ka zirnakah cun a cang thei lo an ti.
  Nauhak nu : Cuti asile, vanram ka hawng thlen tikah Jonah ka hawng
sut leh men ding.
  Sayama : Jonah hi Hell a tlak le teh ?

  Tlangval Raltha
              Tlangval pakhat cu a fala nu thawn Video an zoh tlang,
a hmailamah an to ih, thu nuam an rel rero. Culai fangah, tlangval
paih lu ah cun, kuak vaam herher pin an rawn deng. Tlangval pa
thinheng cun, a dingih ¡§ Zo ha ka lu parih kuak deng ngah tu ?¡¨
tiah ralt.ha zet in a au. A zum lo piin, a mah hnakih pa tum sawn in,
¡§ Keimah, ziangha na duh ?¡¨ tiah a rak sawn.
              Tlangval pa cu a thlaphang saal ih, ¡§ Aw.. zianghman
si lo, a ling kha  a t.ek suksi¡¨ tiah a ti. An tlun lamah cun, a
fala nu hnenah ¡§ Khapa kha cu, Video zung siloseh la, ka vel that
men ding ¡¥ a ti bet lai lai.

                          KAN MAI SUNGTHU

  Ca ngan thiam Salai Ram Ling Hmung(Myat Pale) in in tan san. Salai
Ram Ling Hmung hi an tlawng kai lai san ih Chin 3 Star an timi lakih
mipakhat a si ve. Cumi lakihsin Salai Sun Ceu cun mual in liam san zo.

  Rangoon, November 18th ni ih Hlaing Group 13 inn meikang ruangih mi
harsa pawl hrangah Shwe Pyitha ah inn hmun an pe.

  Air Asia Rangoon lam ah: Malaysia ram ih man awl(budget) air line a
simi Air Asia cu Rangoon ah zam ve a tum.  Tu Malaysia cozah thawn an
be aw rero lai ih a remcang asile 2006 kum thawk lam ah zam suak thei
an tum.

  Pyinmana siangpahrang inn ah nitin bus a tlan zo. A bus hmin cu
Royal bus line tin an ko ih, a feh lam ah Ks. 50 an la.

  Kawlram Politics Thlirnak :

  Khawruah har ve pakhat cu, leitlunih peace maker (daihnak tuahtu)
pawl hmanih an sunloih rero mi cu, kumkhua in maw a mai inn sungah a
um ringring ding ti hi leitlun thinlung kaptu bik a si. Kan dung
Asean ih meetingnak ah khan, Kawlram thu rel ve hmansehla, a ngaingai
ih caang dingin zo hman an ngam lo ti a fiang ko. Kawlram hrangah cun
t.ongkam lawng in a tawk lo. President Bush khalin a kap ngam
ngaingai dah lo ding ti a fiang ko, ziang ruangah tile, President
Bush cun a duhbikmi, Kyun ziang tik khalah NLD hin an pe siang dah lo
ding ti a fiang tuk.
              Hiti vek hlirih an buai mupmo laiah hin, Kawlram cozah
cu a duhduh dan ih, rampi her dingah a timlam aw rero.Network hman
thei lo nak hmun ah cun, leitlun ih ti buai ban lo ding in a her
lunlo a si hi…

                                                  CAPO

  Nu pakhat hin a fapa leng rei tuk cu a hawlih, hmunkhat ih zuuri
rual umnak ah a thleng ;
  Nu : Ka fapa nan rak hmu maw ?
  Mi : na fapa cu zo vek ha ?
  Nu : Ka fapa cu a sam a kir ding, a kam nam(Pio kawng) le a t.ong a
nolh zohzoh ding tiah a ti… A nu in a hawl hmuh thei nawn lo hnuah,
a nupi in a hawl saal, zudawrah a va hmuih, a hmuh veten, ¡§ Zu rawp
pa, ra tlung¡¨ tiah a ti. Cupa cun, Zurawp pa,i nupi tiah a rak
sawn…

  Tennis
  Tennis leknakin Argentina ram cawisangtu, Mariano Puerta cu
donkhammi sii (Drugs) an test ih a ong lo ruangah kum 8 sung Tennis
lek lo dingah an thu neitu pawlin an kham. Amah hi kum 27 lawng a si
lai hrih ih, thuthentu pawl ih rel dan vek a si ahcun June 5, 2005
ihsin thawkin kum riat sung a lek thei nawn lo ding ti thu an puang.

  Bawhlung (Saphu Hlum)
  Cameroon ram mi, Barcelona FC ih hmainawr thiam tak Samuel Eto¡¦o
le FIFA ih leitlun bawhlung sit thiam bik ih hrilmi Brazil mi
Ronaldinho cun Barcelona cu sung lo lawlaw in puai 13 tiang an lekpi
thei. Cuih a puai 13nak ahcun Celta Vigo kha 2-0 rori in an neh. An
nehnak goal 2 in Eto¡¦o ih thunmi a si. Samuel Eto¡¦o hi Africa ram
hmuahhmuah ih bawhlung thiambik tiah kum 2 rori a zawnzawn ih an
hrilmi a si. Tuitum January thla African Nation Cup ah an ram
Camaroon hrangah a va lek sak thei leh thei lo ding hi a thei aw
fiang hrih lo. Camaroon ram hi World Cup 2006 Germany ih feh dingah
ahcun an tling lo.

  Liverpool ih tlungsal ding Owen:
  Newcastle hmainawr thiam Michael Owen cu a Club hlun Liverpool ah
Dec. 26, 2005 ih a va kirsal ding thu hmanhlap zetin a rel. Asinan
tui¡¦ tum ih a va tlunsal ding hi Liverpool ih va leksal dingin si lo
in Liverpool va do ding sawn ah a si. Owen hi Anfield, Liverpool
bawhlung tlawng suak a si ih, 1998 France World Cup ih Argentina goal
a thun ruangah England le Liverpool pawlih uar bikmi bawhlung sit
thiam ah a ra cang. 2003 Kumkhat sung Spain ram Real Madrid ah a va
lek. A ke a lang thei lo ruangah Real in Newcastle ah a thawn sal.

  Foot Ball Result :
   English League Cup, Quater Final :
  Birmingham City 1, Man U 3, Wigan Athletic 2, Bolton Wanderers 0.

  French League Cup ;
  Porto 34, Nacional Madeira 30, Sporting 20, Vitoria Setubal 29,
Braga 29.

Comments

comments

Comments

%d bloggers like this: