Hruaitu ttha

Hruaitu a vei 272 nak

Editorial…..

Hruaitu ttha

HT cover 272-1 (Hinah click aw)

Hruaitu Issues 272

Tlawngta pawl um lonak ah tlawng saya tuan a theih lo vekinhruai ding mipi asilole mipum an um lo ahcun hruaitu an um thei lo. Baibal cun kharbok pawl cu hruaitu nei loin a rual in a um tlang thei ti’n in sim. Ramsa hrekkhat pawl tla hruaitu nei loin an um khawm thei.

Asinan minung kan si sungah hruaitu le hotu nei loin um a theih lo. Adam cu amah lawngin Eden hmuan sungah a um na’n ramsa hmuahhmuah kilkhawitu le hohatu a si. Cu khal cu Pathian mithmuh ah a famkim cuang lo. Amah vek milai dang a tuah sak saal.

San khat hnu san khat a liam ih, leitlun ah minung kan rak tam deuhdeuh. Ram, khua le khawtlang tiang in kan then aw  ih, cutawkih um mipi cun hruaitu le hohatu an tul. Cun, hruaitu cun a hruaimi mipum hrangah kilhim awk daan, tuamhlawm awk daan le kaihhruai awk daan a phunphun a tawlrel. Hruai awk daan khal leitlun ah a phunphun a um.

A thupibik cu hruaitu in mipi hrang cawn tlak ziaza tha asilole ruahnak tha a neih a tul. Tuni ih mino pawl hi thaisun ih hruaitu ding an si ti’n mirang pawl cun thufim an nei. Cawntlak nun neitu hruaitu cu thuphan tampi ih puhmawh a si hmanah harsatnak phunkim a tuar ih, sunloih a si theu. Mipi covo ding le mipi thatnak ding lamzin tawlreltu pawl cu hruaitu tha ti an si. Ziangvek pawlkom khalin hruaitu tha an tul ih, hruaitu cu mipi ih zumtlak le cawn tlak

an si a tul. Ticun, hruaitu tha in a kaihhrauimi pawlkom cun hmailam caan hrangah hruaitu tha dang a tuah thei ding.

A neitu
Lai Christian Fellowship,
Kuala Lumpur.

Editor : Biak Chawn
Joint Editor : S. Lal Awi Sang

Literature Committee
Hotu : Jeremiah
Sungtuan :Salai Cung Lian Thawng
Sumkil : Salai Biak Chawn
Sungtel : S. Lal Awi Sang
: Salai Robert Biak Tluang
: Salai Lal Tin Khum

Advisor :
Upa Len Hlei Thang
Upa Lian Luai


Circulation

Salai Lal Ruat Lian
Salai Mang Mang

(Visited 48 times, 1 visits today)

Comments

comments

Tags:

Comments

%d bloggers like this: