Hruaitu 61

Hruaitu Weekly news

Vol. 61

Mo kan lawm vutvo

       Kan dung zarh ah kan LCF sungtuan Salai David le Mai Mang Mang
cun sunglawi zet in mipi le Pathian hmaiah kutsihnak an neiih, cumi
thlunin tuisun  Febuary 6 ah khal hin kan LCF president Salai Tha Nei
Thuam le Mai Ki Ki cun kumkhua ih pawmaw hlunhli ding in tiamtlatee
an ti a si.

       LCF tlangval pakhat cun kan hruaitu pawl hman nupi an neih cun
kan nih  khal nupi ruk hluahhlo  ding a si ko a ti rual rualah, LCF
fala pakhat cun kaicu khawm khal ka paih nawnlo, ka beiseinak hmuah
hmuah a hlo thluh tiah a rak ti ve.  LCF ah Pathian thlawsuahmi
neiawknak thianghlim hi karh sin sin sehla, LCF hngrt sinsin seh ticu
kan lungthli tum a si.

MARTYRDOM

                                             By: James B.Chhawna

        ¡®¡¯Martyrdom tih mi cu greek tong,marterion tih leh latin
tong,¡¯testimonium tih isin a rung ih,cu cu kan tongin martar
(martarnak)tiin kan hmang a si.Hi thu hi a thei lo cu kan um lo ding
nan,a hmannak leh a si nak ngai ngai cu kan thei tam lem lo a bang.

       Bawih Jesu dung thluntu tampi an um ih,a thih hlan hmanah
minung sawmsarih rori hman a thu sim ding leh thil mak tampi tuah
dingin khaw dang dangah a fial tih kan hmu.Asinan a thu sim tampi an
theih thiam loh ruangah a tam sawn cun an tlansan sal(John 6?).Hi
tawk ih ka sim duh mi cu Pathian thu theih thiamloh nak leh a si lo
lam zawng ih feh pi nak¡¯in nun nak lamzin ihsin in hloh tir thei
ruangah Zumnak cu thutheihak ihsin a rung ih,cumi thu theihnak cu
Krih thu ihsin a rung a si(Rom 10:17)

       Martyrdom tih cu ¡®theihpi nak(Krih thu theihpitu si nak)tih
nak a si ih,thu thang tha  sim ih ram dang ih thi leh Krih thu ruang
ih an thahmi pawl lawng si lovin,nitin kan nun dan ka um dan,midang
parih ka khawruat dan leh kan hnatuan dan a phun phunah kan um dan
leh Krih thu cu a peh aw vivo thei a si ah cun,cumi nun cu Martar nun
thianghlim(Krih thu theihpi nun) a si.Krih zumtu ngai ngai cun hi hi
an neih ruangah ziang vek ih harnak khal tawng seh la,Bawih Krih
hmingin an tuar thluh thei asi.

          Krih thu ruang ih an thah mi pawl, an nun nak hnakin
theihpitu an sinak duhtu pawl cun History-lawng ihsin thazang in pe
thei ih,mino kan sih lai ih Krih theihpitu sihnak cun tu can,tu ni-ah
hin mi tampi hrangah thlasuahnak,Bawihpa sunlawinak in hmuh ter thei
sawn.

  Hi martar nun hi zo zo khal ih co thei leh a neitu ruangah kohhran
leh miphun sung

ih thlasuah conak a si ih,kan tih thei tawk leh kan kan thiam dan
ciau in Bawih Krih thu hi kan theihpi ring ring a tul.Ziang thu bik
so si ding?

       Bawih Krih thu theihpi ding cun, Bible sungih thu um hmuah
hmuah hi by-heart thluh ding tih nak a si cuang lo.Korin ca kuat 15:1-
5 ah cun Paul ih sim mi thu thang tha cu,Krih ih thihnak(midang
hrangih a tuar nak),an phum nak,a thawhsal nak thu leh midang hnen ih
a phuan aw nak thu kan hmu.

       Theihpi nak cun nunpi nak a nei ih,nunpi nak cu Martarnak tha
a si.Tu can ih sin kan thih ni tiang,kan thih dan cu ziang vek khal
si seh la,kan damsung ih Bawihpa hmai ih kan nun dan leh a ma thu kan
thlun dan cu kan martar dan a si thluh ih,laksawng tampi nei ding ih
martar a um theih ih,laksawng hnak in kuan bet lai ding(Krih thu thei
ih thlun lem lo)martarnak a um thei.Tu ni-ah Bawih Krih hrang ih na
Martar dan teh ziang vek so a sih????

              Thin muril suak

                                                By:VLbawithangVeikhat
cu kan hnatuannak hmun ha dawrtu(customer) kan neih loh lai ah ka
thinlung ih um ring ring mi cu ngan tumin ka note bu ka la hai. Malte
ka ngan hman tiah ka tuanpi pakhat cun ¡°kha ziang na ngan¡± in hung
ti.Chanchinbu ih suah ding ka ngan ding mawsi ka hung ti ih. ¡°
Cu..tangka ziangzat na ngah ding in hung ti leh cu.Ziang hman ka ngah
lo ding thu ka sim ah cun mak a ti tuk.

         Daiten ka um  ih ka hnatuan khal ka thinlung ah a um thei
ngai ngai nawn lo.Ram cangkang ah cun ca ngan tu pawl hi an sunglawi
zet tih kan thei.An kutsuak hin lukhawng a nei zet.Ei hawlnak khal ah
an hmang. Keini sungah cun ngantu pawl hin kutbang man ngah hnak in a
ngan man a pekbet lo cauh a si lo sawm?

       Ngantu hminthang khal hin veikhat mai ah cun an pitlin bik
lo.An can sunglawi hmang cemin zan reh ah siseh an ngan tlangpi
ih.Tam tak an siar a tul bak ah thinlung bang zet in an ngan suak leh
a si. Ngan nak thil an hman cem cu sim loh. F.D.Rosvelt ih thusim:
minung cu a thi thei ih cangan cu a thi thei lo¡± ti hi an theih
fiang ruang ah tla a si men thei.Ziang lai khal ih mi hnen ih thusim
thei hrang ih an inpek nak hi.

        Ca ngan hi thil awl cu a si lo. In satu cun a sak hlan ah
cakkhai ziang kim a la cia vek in thil tam tak siar ih theih a tul a
si.Leitlun ah cabu tam tak a suak ih siar a tul.Cutih laiah
literature cun:a hlun hlun siar aw` in rak ti leh si.A siar men
siloin a leinak ah kan budget in a phak leh nawn lo.Cuti cung ih ngan
tu pawlin thahnen ngai zei ih an ngan thei hi cu sunglawi tlak an
si.Tu lai ih ca ngan thiam L.Keivom ih thusim kha.A cabu suah hin a
bu man khal a ngah loh thu hi.Cuti cung khal ih a la suah/ngan ring2
cu mi a vek ah kan ruat ding mawsi?Si love.Ram le hnam duhsak nak
ruang ih ngan a sih hi kan hlutpi ding a si sawn.

      Ca ngan ah hin cihnih a um.Mah irsung ih suak (originality) le
mi thungan mahni ngan vek ih lak (plagiarism or compiled) ti
hi.Ziangkhal siseh cangan tu pawl cun tam tak siar a tul reng2.Cui
hnuih mah hlawknak um lo ih ram le hnam hrang sawn ih an thinlung an
ngan suah mi hi hlutthiam ka tum ciau a cu a
si.

       Britney`s Biography

A hmin: Britney Jean Spears

Suah ni: 2nd December 1981

Suahnak hmun: McComb,Mississipi

Umnak hmun: Kentwood,Louisiana

Nu le Pa: Jamie le Lynne Spears

Hminlem: Bit-Bit,Brit

Sam: A pawl lam

Mit: A pawl

San lam: 5`5

Rih lam:105 pounds

Nuam tih mi: Thil dawr,movies zoh,hlasak,le lam

Mahzuam zawng: Duhdawtnak thuanthu siar,dai

                          hleuh,le sun ih tipi kap ih um

Team duh mi: Chigago Bulls,New York Yankees

Movies duh mi: My Best Friend`s Wedding,Steel

                         Magnolias

Actor duh mi pawl: Tom Cruise,Mel Gibson,Brad

                                Pitt,Ben Affleck,Leo DiCaprio

Thuam duh mi design: Hloh um ih um mi pawl

College ih Major duh mi: Faknak lam dan

Mipa a duh mi pawl: ¡°mipa samsau lam

                         deuh,tuarthei mi,mawi tuk lem lo¡±….

A Webs thei duh nan um len:  jamescrzy@…

sut aw…….Na siraw lo ding…..he

                  Malaysia ah Amnesty a cem

      Malaysia cozah cun a ram sung ah danlo ih luttu pawl hrang
tlunnak can a pek cu kan dung January thla cem zawng ah a cem ve.

       Malaysia hmun hrekkhat ah cun inn tin ah lut in danlo ih um
pawl an dawi thawk rero zo.  Asinan, tuitum ih ramdangmi an dawinak
ah hin thu a buai hniai hniai lai.

       Immigration, Rela le Tenggu pawl lak ihsin mi kai tu ding
560,000 an kim ih, Amnesty can a liam rual rual in an hna thawk
dingin an ralring thep thep a si.  Tuitum ih ramdangmi dawiding
thuhla hi Malaysia cozahpi ih tawlrelmi a sinan, Police pawl hi
veikhat hman meeting kawh an sivelo ih hleiah, Police ralbawi pawl
rori khal in thuthangca an siarihsin lawng  hi thu hi an rak thei ve
a si.

       Curuangah Malaysia  Police pawl cun tuitum ih Oparasi thuhla
hi an theihpi riailo a si.   Police hotu pawl cun Oparasi ih an
kaihmi pawl khal kan  Lock

Up ah kan khum sak lo ding ih, sawm kan silo vekin zianghman kan
theihpi lo ding tiah thu an suah a si.  Culawng siloin Rela pawl hin
Malaysia ah mi kaih theinak dan ziang hman an neilo tiah Police pawl
cun an lungkimlo thu an suah nasa.

Malaysia ah can an pekbet sal maw?

       Malaysia ah danlo ih ramdangmi um pawl hrang can tha an pekmi
a cemniah khan The Star thuthangca ahcun zarhkhat can an pekbet thu a
lang nan,  thuthangca dang ah cun can pekbet a umlo thu hmuh a si la
la. Home Minister Datuk Azmi Khalid cun amnesty can pekbet a silo thu
tlawngkai nikhat niah a phuang ih kan milai  pawl cun an hna an thawk
rero zo a ti.  Asinan, tuitumah hin ramdangmi an kaih pawl hi thawng
ah an thlak hngallo ih an mai ram khal ah an kuat tlung hngallo.  An
umnak inn le hnatuannak pute pawl felfai ten an hminsin sak ih a
zamrang theibik ih tlung ding in thu an relpi ta. Asinan, hitiih an
check thlangmi pawl tlunglo ih an hmuh sal a siah cun dan vek ih hrem
le kuat tlun an si ding.

Vietnam in WHO bawmnak dil

      Vietnam ah ar pulhri kha a suak sal ciamco ih, an ram sung
tilva pawl tampi cun an thih phah leh thlag.  Hi thil thleng ruangah
hin ramdang le WHO pawl bawmnak an hai thu an phuang.  European Union
khalin eru paisa 600,000  ( RM 2.97m) rori hi natnak hri pah hlohnak
hrang ih hman ding an hlu zo.  Hi Bird Flu hin, Vietnam khawpi 64 ah
milai 30 a tibuai zo ih, tui kum thawk ihsin tilva 1.2million in an
thih phah thlang bawk a si.  Kan dung December le tu karlakah milai
13 an thi zo.  Thai khalah mi 12 an thi zo ih, hi hri pah hlo ngai
ngai ding cun kum hnih khat cua a tul ding tiah zingzawitu pawl cun
an phuang.

Tuluk ram mawi lai fang

      Tui tum Tuluk kumthar hi Tuluk ram mawi lai fang le an ram
tlawng duh tu pawl hrangah can thabik a si.

       Pangpar phunkip le ceimawinak phun phun hmangin inn tin ah kum
thar an hmuak ih, dawr hmun le an lamzin lamin tle tleng tleng in an
tuah. Malaysia khalah hmunpi deuh deuh ah cun tuluk kumthar hmuahnak
catar le rawng citin ih ceimawimi in a khat.

       Tuluk ram cun tuitum ih an kumthar ihsin an ram tlawng duh
pawl hrang visa khal awlai ten an tuah sak ih, an duh tik tik tiang
visa nunter sal an siang bet. Tuhlan ahcun, visa hi tumhnih lawng
thansal theih a si.

Vatican: Pope a damlo

      Pope John Paul II cu thawthawk har in a na ih, kan dung
tlawngkai nili niah siizung a thleng tiah  ANSA thuthangca  cun an
suah.  Pope cun kan dung baite khan ¡°Indulgence¡± tiih kawhmi
thihhnuah thlarau fehnak ding hrangih theih cia theihnak ca tla a
tuahsuak sal.

       Tuhlan ah Pope cun  mithi thlarau pawl cu ¡° pargatory¡± ah an
cawl ih Pope hnenah paisa pe in Pope cun vanram kai dingin thla a
camsak theu. Cumi zirhnak cu a hmanlo tiin Luther cun  reform a rak
din a si. Asinan tuitum Pope ih a tuahmi cu paisa ih lei si nawnlo in
thiltha tuah ih hlawh suah a si ding.  Thiltha tuah ih ramtang thei
pawl cun Pope ih tuahmi vanram kainak card cu an ngah thei ding a si.

US vanzam cangsual

      Kan dung tlawngkai nihnih niah US Jet vanzam ( a hnuai zuk) a
cangsual ih inn a siatbal ter.  ACL-600 Challenger corporate jet cun
full speed in Airport ih a tlan vurvo laiah ding theilo in a tlanlan
ih, a hmaiih innpi cu a subal rori. Hi vanzam cangsual ah hin milai
pahnih cun thih ngam ih hliam an tuar a si.

Kan dungzarh thawn pehpar aw in

Khawm can         Khawmtu     Thawhhlawm           Mithar

Zarhpi zing            94          166.20

Zarhpi zan            26          39.10

Zarhte zan            46          56.80

Zarhpizing thlacam      6

Rawl ul thlacam           4

Naute Mak danglam cu…

      Hi naute maksak hi Lima khawpi ah ke kawm, ke khatlawng nei
vekin a suak ih, thlakua akim hnu kan dung tlawngkai nihnih niah
siibawi cun checking an tuah a si.

       Hi naute hi tui thla sungah siibawi pawl cun a ke hi thenfel
thei an tum sding. An ram sung ih mi banglo 60,000 in 100,000 lakah
hi naute hi a danglam bik pawl khal a si.

Georgian  Prime Minister thiin an sar

        Georgia  Prime  Minister cu kan dung tlawngkai nikhat niah
thiin  an sarih, tur ih thah a si an zum.   Hi  PM, 41 mi hi a rualpi
innah gas kiangih tohkham ah thiin an sar ih, gas ih hraithah a si
zumbik asi. Hi Primeminister thi hi ram hruaitu pawl cun an ruarpi
zet ih, Russia President Vladimir khalin ¡° ka rualpi thazet ka hloh
a si¡± a ti.

LCF2005 Siatni pehzawmnak hrang

       1. Bawi Ceu 2. Van Pi ( Taungphila ) 3. Biak Ceu  ( Tan Bu )
4. Ngun Za Sang ( Chaung Khuah ) 5. Khaw Lian Khup (Sadaw) 6. Salai
Pate

7. Mai Cia Sui ( Yan Gon)  8.  Za Tlen Luai (Letpan chaung)

Kan calai hi

      Mai in le lo, mai nu le pai ram silo, mi ramah sumle saw hawl
ding in harsatnak in in rawn dawi tlan hai ih Malaysia ramah khal
Laimi cu kan tawngaw celcel.  Culawng silo in Laimi thil ziangkim ih
kan bawmawk, kan thanso beisei in LCF timi pawlkawm khal rak dinsuah
a si.

       Cui LCF cun sunmang kausawn nei in calai lamah tanlak nak cang
a thiam ih, Lentlang le Hruaitu tiin regular ten thuthangca a suah.
Cui thuthangca pawl cu, phundang, hnamdang lak khal ih kan hmai
hngalnak le kan phun in cawisang tu ban pawimawh khal an si.

       Asinan, thiltha hmuah duh ih itthat ring ring maw kan si,
asilolen calai lamah hin kan mit a vang ngai ngai hrihlo sawn?  Kan
calai hin mi bang ve in, leitlun level ah leng ve seh tih teh kan
ruat dah maw?  Hitlar in judah mipi million tamtuk a thah tlakha Zion
group pawl ih cabu suahmi pakhat ruangah a si ti teh hi kan hngilh
maw si?  Kan calai hrang ah hin zosi ding ngam ngai ngai ih, relsiat,
hmuhsuam le nautat a tawn can khal ih tan ngam ngai ngai tu.  Laimi
pawl kan thangharh kei uh!!!!!

Leitlun lei saubik na hmu zo maw?

      Leitlun milai lakih lei saubik cu UK pacang  a siih, a lei hi
9.4cm ( 3.7in ) ih sau a si.   A hmur parlam laifang ihsin teh a si.
Hi pai lei hi kan dung May 29, 2002 niah, UK ih Weswood siizungpi ah
tah a si.

Mi tawibik teh ..

       Leitlun milai lakih mi tawibik khal India mi Gul Mohammed a
siih, 1990 kumah khan 57cm ( 22.5in ih sang a si.

           Player thawn mi pawl

Nikolas Anelka     Man City to Fernabahce

Vincent Candela   Roma to Bolton

Djemba Djemba   Man Utd to Astonvilla

Jermaine Pennant  Asenal to Birmingham

Craig Bellamy              Newcastle to Celtic

Olivier Bernard     Newcastle to southamtom

Barry Ferguson     Blackburn to Ranger

Midfield pahnih

Real Madrid hrang ah cun zan thiang hlim a si lai.Argentina`s Solari
cu a hmai lam can khal Madrid ah a si leh ding.Kum 28 pa hi Atletoco
Madrid ih sin 2000 peh a si.Numancia thawn an lek nak ah Solari hin
goal a thun ih a rual Beckham khal hin a bawm tam.Free-kick pa
Beckham kha kan hmu leh thlang ding a bang.

World Cup Final tickets 500,000

2006 World Cup finals Germany ticket cu an zuar ihsin nasi 16 sung
ah  500,000 hrawng an zuar suak a si. Ram 120 cun internet
www.FIFAworldcup.com ihsin an lei. Na duh len lei ve aw.

Hmelma pahnih inlek kha

Na zoh maw?Leknak lam hi na uar a sih ah cun London club pahnih in
lek hi zoh loh na phang ding.Champion Arsenal cun an kan dung ih an
neh loh kha theiin an nehthlang ding maw tih laiah 4-2 in an sung leh
hi a mak rori.Cuah khal Silvestre an dawi suak.An pahnih in an cang
tha ko.Hmelma rak si cu buainak khal a um ring2.An lek hlan ihsin
Captain pahnih hi thu an rak nei thlang.Leknak ah khal an sih dan cu
kan thei ding.Rooney le Pires kahl hi ziang thu sawn an neih le?Coach
pahnih(Cover)  tan nat dan le an nau le an control dan hi kan thei
ding. Captain Vieira cun min.8 hnuah a thun hmai sa ih Ronal do cun
min.4 sungah goal 2 a thun bet.Tuah cun MU hin second table sih nak
an ngah

Chelsea          p.64

Man Utd            53

Arsenal              51

Bellamy a  Celtic ah

Newcastle striker Bellamy cu coach thawn kan dung Arsenal thawn an
lek nak ah an rem loih tum loh deuh in Celtic lam ah a feh. A mah hi
Wales mi kum 25 siin striker tha a si.

Juventus ah Mutu

FA cun Chelsea striker Mutu  October thla ih drug test a positive
ruang ih an hren mi kha nun thar in Juventus lam ah kum 5 tiang um
ding in an rem aw.Hmanseh May 18 tiang khi a awh lai ding. ¡°Nun tha
lo ih ka um hnu tuah cun nun thar leh hlim zet in ka um thei thlang
ding¡± a ti.

Shearer um rih seh:Souness

Former England striker Alan Shearer cu tu season theh len a cawl
thlang ding tih kan thei ih A Boss Souness cun Newcastle history bu
ah hin hmingthar ngan leh seh tih a duh zet.Kum 34 mi hin Premiership
ah goal 250th a thun.Um selah a lek loh a si hmanah umpi hi a duh zet
a si.

Liverpool en nak petu Morientes

Striker Riise cun season thar ah cun Morientes hin Liverpool  en nak
a tuan thei ding tih Charlton thawn an lek nak ah amah le Morientes
hin goal an thun hnuah a sim.Real Madrid ihsin 6 million an lei a sih
kha.

                                LIVE

Sun,Feb6

9:55pm-Southamton v Everton

9:55pm-Parma v Inter Milan

11:55pm Real Beltis V Osasuna

12am-Chelsea v Man City (Mon)

3:25am-AC Milan v Lazio (Mon)

International Friendly

11:55pmSlovania vs Czech Rep (Wed,Feb 9)

3:10pm- Ireland vs Portugal  (Thurs 10)

4:55pm-Hongkong vs Brazil  (Thurs 10)

World Cup qualifier (Thurs Feb 10)

3:25am -Greece vs Denmark

Asian World Cup qualifier 2006 (Wed Feb 9)

6:25pm- Jqapan vs DPR Korea (B)

9:30pm- Korea Rep vs Kuwait (A)

11:30pm-Bahrain ve IR Iran (B)

(Visited 40 times, 1 visits today)

Comments

comments

Comments

%d bloggers like this: