Hruaitu Ṭha Cun…

Hruaitu Ṭha Cun…

DL Senling

1. A hna ṭuanmi hnakin thil dangah a thinlung a pe dahlo.

2. A hna ṭuannak hrang a ṭulmi sumsaw le nunnak tiang pek a ngam.

3. Hna a ṭuannakah feh uh titu si loin feh uhsi a ti.

4. Ka ti hnakin Kan timi a hmang ringring.

5. Kan tumtahmi kan pitling hlanlo timi lungput a nei.

6. Positive le negative thil thlir le ruat hmaisa hnuah cangvaihnak a nei.

7. Mi ih porh le lomnak hnakin thudik a fehpi, thupi sawnah a ret.

8. Amai’ hrang hlawknak hnakin mipi hlawknak ding a zoh ringring.

9. Thuanthu hman in a zir, tusun ih a hmuhtonmi thilcangmi hmangin a zir, hmailam hrang timlamnak a nei cia.

10. A hruaimi mi fate bik hnen ihsin ruahnak ngah ding a beisei.

11. Amah le amah a ukaw thei. Cuvekin a hruaimipawl cu a hruai in a hruai. A uk lo.

12. A ṭongkam, a hmin, le a kutpawl ah soisel ding um lo dingin ralring tein cangvaihnak a nei.

13. Ka ṭongmi tuah uh ti loin ka tuahmi vekin tuah ve uh a ti.

14. Hmin ṭhatnak ngah ding tiang lawng hi a tumtah netnak a si lo.

15. A thazaang a thei aw ih a hruaimi ih rinsanmi khal a si.

16. Pathian hnak le Pathian tlukih ṭihzahmi dang a nei lo.

17. A mipipawl ih harsatnak le dinhmun theifiang dingin a hliakhlai, a ngaihven ringring.

18. A mipi an lungawinak cu a thiik dahlo, a lungtak in a lungawipi thei.

19. A hruaimi sungin amah vek, amah hnakih mithiam an hung suakah thinheng loin a lung a awi sawn.

20. Mipi mithmai zoh loin thudik a dinpi.

21. Soiselnak le lomnak cu bang awin rak cohlaandaan a thiam.

22. Cabu a siar ringring.

(Visited 50 times, 1 visits today)

Comments

comments

Comments

%d bloggers like this: