Hringtu Nu Ih Zuar A Tuartu’i Hmurka Suak Ttongkam

January Van

Ka Nu in i rak zuar. Ka theih dahlomi paih bike parah i toter ih a dung i thlun ter. Cu pa cun guest-house ah i luhpi. Ka Nu, i ra kotu (bike thawn i phurtu) hi $1500 rori hokhaw a ngah! Ka lungsung a nuam lo nasa.

Ka kum 12 hrawngah ka rualpi pawl thawn zinpi kap ih kan leh rero laiah ka Nu cun i ra ko. Ka fa hnattuan na feh ding i ti! Ka u pa hi kum 14 a ti. Kut thaw’i normi leng parah kan zuar dingmi thilri pawl suangin sunvu hna kan ttuan ttheu. Innsang dinhmun ruangah kan unauza in tlawng kan kai thei lo. Ka Nu khalle hnattuan nei lo a si ih ka Pa hi ka suahsem ihsin ka hmu dah lo.

Cuih ni cu ka Nu in hnattuan na feh ding i ti cu… kan sungkua hrang thil remcang zet a si ding tiah ruahnak ka nei. Cutiin ka Nu cun ka theih dah kel lo mi upa pakhat ih dung i thlun ter. I ra hruaitu pa cun a bike par ah i to ter ih ka Nu in hei thlun aw i ti. Ka manmi pakhat cu cu pa in guest-house ah i luhpi. Ka ttih tuk lawmam. Cuih zaan cu ka thahri ih thisen feh pawl an cawlh thluh zaan a si. Nihnih sung mi 6 hrawng in hranhram in in sualpi. Ka theihnak hmuah an hlo thluh. Ka tithei sun cu ttah rero hi a si. Ka Nu.. i zaangfah lo maw si!! $400(Ks 400,000) thawn ka thianhlimnak i zuar hi!

Na thei maw ka Nu? I ra kotu pa hi $1500 rori a ngah. Cumi ni ihsi thokin hlawhhlang umnak hmun pawl ah hmunkhat hnu hmunkhat ah tthawn in hlawhhlang ttuan in caan ka hmang liam.

Tu cun kum 14 ka ti, hlawhhlang sinak ihsin ka luat zo. Sinak bangaw ka rualpi pawl thawn in bawmtu pawl ih umnak inn ah kan um zo. Caa ka thiam lo ruangah tlawng ka kai ding tiin thutluknak ka tuah.

Credit : Original uploader
Sunthit

(Visited 362 times, 1 visits today)

Comments

comments

Comments

%d bloggers like this: