Hringnun lamtluan ih hrial ttulmi thil (10)

Ta Hniang Ùk

Hringnun lamtluan, hlawhtlinnak zin kan zawh laiah in dawnkhamtu le in hnaihnok theutu thil (10) kan hrial ttulmi cu:-

  1. Midang ih an lo hmuhdan vekih na hringnun ukter

Midang ih an lo hmuhdan le ruahdan hi a si lo. Ziangtinha na hmuhawk ve timi hi a thupi sawn. Nangmah kha na hringnun ih thupi bik na si sawn. Midang an si lo. An lo relsiatnak tongkam, na ti thei lo ding tiih an lo hmuh dan ah tthumaw loin nangmah sawn kha ringamawknak nei awla, na ruahsanmi ih rahsuah kha atakin langter sawn aw. Midang ruahdan ah thumaw in na tuah dingmi tthulh hlah. Thil zah-um tuah dingah ningzak ding a si lo.

  1. Can liamcia zomi sual-palhnak ruangih rinhlehawk

Na can liamcia zomi cu na hmailam can ra her lai ding thawn va tahtthim ding a si lo. Athupi sawnmi cu tuini hi a si. ‘Tuini ah ziang na tuah’ timi sawn hin na hmailam can cu a run relfiang sawn ding.

  1. Mai tuahduhmi thil parah felfai tei thutluknak tuah thei lo

Na feh duhnak cu khuitawk a si timi na bawtcat thei hlan sung cu khui hmanah na thleng zik lo. Ziangmi ha tuah na duhbik timi kha fiang hmaisa aw. Cumi na cu thinlung le na ruahnak zaten va thlun aw.

  1. Can thupi a lakih liam ralter

Kan hringnun ah hril ding lamzin pahnih a um. (1) Thil cang zomi cu a si dan vek ih va cohlang ding le (2) Cui thilthleng cu (atha zawngin)thleng danglam thei dingih zumngam. Thingkung rak cing ding can tthabik cu a liamcia kum 20 kha a si. Asangtu ih a tthabik can cu tui can hi a si. Na tlaksiatnak thuanthu hlun in na can lo liamter hlahseh. Thlengawknak dingah a tlai ti a um lo.

  1. Daithlang le dawngdah takih um hiahhiah men tum

Ziangtik ah thih na duh, ziangtin ha thih na duh tiin duhhril theinak na nei lo. Hmanseh ziangtin ‘nun na hmang duh’ tithu ah cun duhhril theinak na nei. Nitin tein duhhril theinak canpual kan nei cio. Kan tuahttuanmi parah kan lungawinak hi tampi a tthumawk. Hringnun cu thlalang vek a si. Thlalang hmaiih na phorhmi cu na hmuh letmi a si.

  1. Hlawhtlinnak lawng beisei

Hlawhtlinnak cu na ruahsan dingmi a si. Hmanseh hlawhsamnak khal na cohlang ve a ttul. Ziangah tile hlawhsamnak na cohlang thei lo ah cun thilthar na zirsuak dah lo ding ih hlawhtlinnak zin thawn na hlataw sinsin ding.

  1. Cingfel(pahtlang) theimi buainak va kian.

Thil va kian-kual rero kha bansan aw. Na buainak cu va hrial rero lo’n ngaithupi awla. Buainak na ton tikah pahtlang huam aw. Cingfel tum aw. Na ngaihthah le buainak in a lo belhsah ding. Midang va ngaidam awla. Na hringnun a lo tuahtha tupawl kha va duhdawt thiam aw.

  1. Mai tlinlonak cohlang hnakih puhmawhnak hawl tam

Tlaksiatnak tampi cu puhmawh hawl tamtuknak ih rahsuah a si tlangpi. Puhmawh hawl kual rero ih mah le mah bumawknak khal a si ih mai tlamtlinlonak cohlang ih thutluknak tuah thei ding a si sawn.

  1. Mai tlamtlinnak zawn ngaihthah pang

Na tlin lonak lawnglawng na ruat le na lungawi thei dah lo ding. Na tlinnak zawn khal kha na ngaihthah hlah. Na thiamnak zawnah rinum tein tuaithar aw vivo awla na lungawinak a pung vivo ding. Na talent somnung aw.

  1. ‘Atu’(Now) timi can ngaithupi lo.

Kan hringnun ih thil tumtham tak ra her danglam rero pawl hi thil fate vekih lang a tui(present) can ih thilcang rero pawl ih rahsuah an si. Thil tumtham lawnglawng ngaihtuah in hi thil fate vekih lang hi kan ngaihthah theu hi kan tuahsualmi thil tum-thamtak cu asi.

Hram:
elitedaily.com, 10-things-you-need-to-give-up-in-order-to-move-forward/
Be all you can be_John C. Maxwell

Comments

comments

Comments

%d bloggers like this: