Hrin Tharnak

April 7
Zarhte Ni

Hrin Tharnak

Leilung ih tuahmi minung ih hmuihmel kan ken vek hin Van ihsin a ra Mi ih hmuihmel kan keng ve ding.
– 1 Korin 15:49

Bible Siar Ding: John 3:1-21

Jesuh in Nicodemas hnenah a sim tikah, hih hrin tharnak cu taksa le thiisen in a si lo; Pathian ih nunnak a si, a ti. Cumi cu thlarau nunnak a si, Pathian ih nunnak in a si. Kannih hi Pathian hmuihmel keng ih sersiammi kan si. Amah in in nungter, kan sunglam thlarau nun Amah bang dingin in tuah. Minung tisa kan ken vek in sinak thar, huham thar cu pehzulh in nuam tete’n Amah vek si dingin in rem vingvo. A hmaisabik Adam cu leivut in sersiam a si ih kannih tla a sungah kan tel ve; a netabik Adam, Jesuh cu kan sungah a nung, a cangvai ih kanmah in a phuanglang aw a si.

Keimah tla veikhat lai ahcun Nicodemas vek ka rak si ve dah: “Hih thil cu ziangti’n maw a si thei ding nge?” ka rak ti (John 3:9). Cun nehhnu ahcun zumnak thawngin sersiam thar saalnak huham in kei cu Pathian ih hrinmi ka si ti in theiter. Cumi cu thli vek khin a si. Ka mit in ka hmu thei lo, asinan kan thinlung in theihnak ka nei. Cumi cun nasatak in ka minung nunnak ah hna a ttuan ih ka hmuhsuah awkmi cu kei cu Khrih sungah sersiam thar ka si zo timi thutak hi a si. Pathian hnenah pan in, Pathian hnenih thlacam ding le Bible siar in Pathian thawn biak awk ding ka duh thlang. Nitin zaantin ziangtiklai caan khal ah “Ka Pa” tiih Pathian kawh ding ka hngilh dah lo.

Hih thutak hi na thei ve zo mawi? Cumi cun khui hmun ah na um timi a thupitter lo. Hmun hlapi ah a tlanmi va si hmanla, – zo thawn hman in pawlkom aw lo mahte lawng umtu si hmanla, minung zohman ih hnem baan loin nangmahte lawng um na va si hmanah – hih nunnak sungih na luh ahcun Bawipa a rat saal tikah Amah hmuaktu ka si ve ding timi thutak theihsuahnak na nei tengteng ding.

Pathian sungih hrin thar mi na si tikah Pathian ih mizia na sungah a nung ding. Cumi cu Pathian ih thlaici a si, ziangahtile kannih cu Pathian Ttongkam ih vunmi, A huham ih nuntermi, le Amah bangih sersiammi kan si. Tlunlam ihsin leitang ah a rung ttum timi cu ziang a si tile atu ahcun thlarau nunnak na nei zo. Nangmah ih duhhiarnak tel loin na rak thi zo. Amai’ nunnak a ra thlen le vete’n duhhiarnak le thlacam duhnak na nei cih, saangsin ah cawisaan na si, ih vanlam thil ah a lo tthawnter zo a si.

Hih hrin tharnak hi leilung in a tuam thei lo. A nung ringirng, saang sinsin le thianghlim sinsin in van ah a lo cawisang vingvo ding.

@ Smith Wigglesworth

(Visited 21 times, 1 visits today)

Comments

comments

Comments

%d bloggers like this: