Hrilawknak Office Ah Bomb Puak

YANGON – Kawlram khawte ih hrilawknak ding commission office hmun ih bomb a puah ruangah mipi cu thinphang le buainak a suah bet ding ti phangin an um.

Hi bomb hi TNT ihsi tuahmi a siih Yangon ihsin km 80 tluk ih hla Bago khua ah kan dungtlawng kai nithum ni ah a puak. Zung kaitu pawl in minute 45 ih tuanin an rak khar zo ih mi hliam le thi an um thu theih a si hrih lo.

Hi hmun hi Union Election Commission pawl ih khawsung mipi pawl hrangih me kuang an hunnak hmun a si. Thuthang ca ahcun Nov 7 hrilawknak ti tlai ding tumtahnak ruangih puak siin an ngan ih, “ramhnuaimi, ramthukhelnak ih hamthatnak cuhtu pawl” an si tiin a puh.

Hi bomb puak hi Prime Minister Thein Sein ih a rampi pawl hnen ah rampi hmel humhim ding le hrilawknak ih me thlak ti buai tu ding pawl lak ihsi humhim awk dingih a sim hnu ni hnih nak ih cangmi a si.

AGENCIES

(Visited 46 times, 1 visits today)

Comments

comments

2 Comments

  1. Saithantluanga Tuallawt says:

    Kawl Cozah hi zawng an fim phakar a si bik. Ziang ruangah Office cu minute 45 ih tuan ah an khar “Cozah nih Bomb puak ruang ih Staff pawl thi ding kha a duh lovi tuan deuhin a khar tin a si kei cuuuu”…”Bomb puak ding cu an thei cia, an mah tho tho” a si e AN TI.

    Election tuah hlan sung cu a khat tawkin Bomb a puak zeuh zeuh dingih khawte hrek khatah buainak a suak zeuh zeuh bawk ding. Cui buainak cu Kawl Cozah cun ‘Underground Tapung’ pawl an si a ti bet ding. Cu tin leilung tlun ram kip theih ah a phuang ding.

    Cu tin, Election ah Kawl Ralkap in a duh khawp zat MP(seat) a ngah loh len kan ram a him lo Cozahnak Ralkap nih a lak loh len a cang thiam lo ding, ram kil khawi a tul tin POWER a lak sal ding ih leitlun ram tin kip a bum sal ding. A duh khawp MP(seat) a ngah len cu corruption tohkham parah corruption zu le sa ih a ei cur mi pawl an to hmer hmer ding.

    Uico kaa ih a ei bang sa nawi te rawn tla mi cu sihte(ant) hrangah cun Vuicang tia a si vekin Kawl Ralkap ei bang nawi te cu Laimi hrangah vuicang tia a si ih MP(seat) mal lai kan ngah ve ding. Kan MP pawl hi Parliament Session ah corruption zu le sa ih a ei cur zo pawl Ralkap Bawi em em thuah sarih kiangah an to ve karki dingih keimah vek ih tih hrut an si len cu an vawih hman aw suakin an thawh ngam lo ding. Asinan, na thinnau hlah Lai ram hrang ih thih ngam ih ding ngam tu an si. Keimah vek an si lo, mi ral tha lawngte an si sawn.

  2. To
    Tu lai fang cu kansini tha lem lo naa Pasthian in um pih zo tih kan thei ruang ah lung awi thu sim ding lawng a bak

    SA lai ceu.

Comments

%d bloggers like this: