Hrilawknak Ah Ramdang Miih Zohpi Tullo: Thein Soe

Election Commission chairman Thein Soe thusim lai

Kawlram in hmai thla ih mipi hrilawknak a neih tumnakah ram dang mi pawl ih zohpi le zingzoi pi kan tul lo ding tin an sim.

“Hrilawknak ah hmatawnmi tampi kan nei zo, curuangah ram dang ih mi thiam pawl ih tel ding hi kan ttul lo” tiin election commission chairman Thein Soe cun a sim. ‘ Ram aiawh palai (ambassador) hinah an um, curuangah a hleice ih ram aiawh palai dang sawm ih kan hrilawknak ni in ra zohpi ding kan tul lo’ ti khal cun a sim bet.

Kawlram hi 1962 kum ihsin ralkap in an uk. Kum 20 sungih a veikhat hril awknak neih tummi cu mipi zalennak hrang si dingih tumtahnak pakhat cu a si ve.

Kawlram mipi zalennak sualtu Aung San Suu Kyi cun tui ttum hrilawknak ah me a thlak tum lo thu a sim. Hi tiih NLD party hotu bik 1990 kum hrilawknak ih nehnak cotu lu bik ih a sim ruangah a kaihhruai a mi le sa pawl ih an thlun ve ding khal cu ramkhelnak zingzoi thiam pawl cun an zum thu an rel ve.

CNN –

(Visited 60 times, 1 visits today)

Comments

comments

One Comment

  1. Saithantluanga Tuallawt says:

    2010 Burma Election Commission

    1. Thein Soe (Chairman); Thein Soe hi Judge (Ta-ya-tu-gyi) a tuan hlan ah Ralkap ah Major General le Military Judge Advocate General rak tuan dah tu a si. Former PM Khin Nyunt san lai ah kum 2003 ih Burma National Convention hruai tu lak ih hril mi a si. Deputy Chief Justic of Supreme Court ih rak tuan dah tu a si ih 2008 kum ah Constitution draft-nak ah commission member khal a si fawn. Than Shwe ih dung thlun tu a si ih Ralkap Lalnak ding hrang ih thi le thau thawn hna tuan tu a si. European Union (EU) black list sung ih tel mi a si ih European Union ram sungah tlawng sian a si lovi EU sung ih tel ram pawl thawn khalin a hmin ih pawisa (money tranfer/ financial transaction) kuat/thleng tla sian a si lo. Election Commission Chairman hrang aah Ralkap Bawi ihsin civil dress (a hna cawl) mi a si.

    2. Win Ko (Secretary); Win Ko hi Master of Law Degree ngah mi a si. Multi-Party General Election lai ih Director General rak tuan dah tu khal a si. Tui 2010 General Election ih Election Commission Secretary tuan tu a si ih Ralkap Bawi bik Than Shwe le a ho pawl ih duh zet minung khal a si fawn. 2008 Constitution Draft nak ih Joint Secretary of Commission rak tuan tu khal a si. A nih khal hi European Union (EU) pawl in an ram sungih lut sian loh mi a si ih a mai hmin ih pawisa (financial transaction) kuat/thleng sian a si lo.

    3. Dr. Tin Aung Aye (Member); Dr. Tin Aung Aye hi Master le Doctor of Law German ih sin ngah mi a si. Burma Supreme Court ih Judge rak tuan dah tu khal a si. Tui hlan ih Rangoon University ah Rector le Professor rak tuan dah tu khal a si fawn. Kum 2007 ih Burma Constitution Draft nak hrang ah Commission ding hrang ih hril mi a si. Ralkap Cozah duh tu a si ih Ralkap Bawi duhsaknak khal co thei zet tu a si fawn. A nih khal hi European Union (EU) pawl in Visa pek loh ding ih an hril mi black list ih tel mi a si.

    4. Dr. Ba Maung (Member); Dr. Ba Maung hi Rangoon University ih Historical Research Department ih Director General a si. Gen. Than Shwe ih duh dan vek ih Myan-mah-Tai-mai (Burma History) khal tawl rel tu a si ih Ralkap duh zet tu khal a si tin an ti. A nih khal EU pawl ih black list ih tel mi a si ih European Union ram sung ih tlawng thei lo dingmi a si.

    5. Dr. Myint Kyi (Member); Dr. Myint Kyi hi Head of International Relation Department, Rangoon University ih rak tuan dah tu a si. Cui hlei ah Chairwomen of Myanmar Women Affair Federation khal ih tuan tu a si. EU black list ih tel a si vekin EU ram sung ih tlawng thei lo ding ih ti mi a si.

    6. Aung Myint (Member); U Ne Win san lai kum 1962 ah Burma Air Force a lut ih Lieutenant ihsin Lit-Colonel rank tiang rak ngah tu a si. Myanmar Military (Ralkap) ih Economic ih Civil Service Selection and Trading Board ih Director rak tuan dah mi a si. Kum 1970 ih Advocateship Degree a ngah hnu ah Ralkap kut hnuai ih Ta-ya-Young ( Office of Judge Advocate) ih General rak tuan dah tu khal a si fawn. A nih tla EU pawl ih black list ih tel mi a si.

    7. N Zaw Naw (Member); A nih hi Kachin mi a si ih Myitkyina ih Law Officer rak tuan dah tu a si. Kum 2008 Constitution Draft nak ih commission khal a si fawn. A nih hi Ralkap pawl thawn pehawknak tha zet nei ih ruat mi a si ih thil khal a tuah thei zet tin an ti. EU blacklist ih tel mi khal a si ih EU ram thawn money transfer a hmin cun tuah sian a si lo.

    8. Khin Maung Nu, 9. Saw Ba Hlaing, 10. Nyunt Tin, 11. Maung Tha Hla, 12. Dr. Sai Khan Hlaing, 13. Myint Naing, 14. Khin Hla Myint, 15. Tha Oo, 16. Dr. Maung Thoo, 17. Tha Htay,
    18. Winkyi …. pawl an si.

Comments

%d bloggers like this: