Hriamhma Thawng Siar Damnak Sii

12642623_1026979407359343_5287997202996080392_nSianglianuk Kianghrol

Nupa tuak khat cu ruahnak dil ding in thuron petu pakhat hnenah an feh. An to hnu rei lo te ah, ttong cuh aw rero phah in pakhat le pakhat an soisel aw ciamco. Thaw thawt ding tlasam ih an ttong an cawlh tikah thuron petu cun, tu ahcun, pakhat le pakhat parih an tthatnak zawn an hmuh mi sim aw thlang ding ah thuron a pe hai.

An reh reprep.

Cu thluh ah thuron petu cun cafung le cahnah pakhat veve a pe ih, pakhat le pakhat parah lomawknak tlak ih an hmuh mi pawl ngan a fial hai. An ngan lo veve. An to ih cahnah cu an zoh cuahco. Can rei tawk a liam hnu ah, pasal cun ziangsimaw a ngan thok. Cuvete’n nupi khal cun manhlap zet in a ngan thok. A netnak ahcun an cangan cu an cawl.

An reh reprep lala.

Nupi cun anmah zohtu thuron petui’ lam ah a cahnah cu a nor phei. Asinan thuron petu cun a nor kir sal ih a pasal pe ding ah theihternak a tuah. Nupi cun tthuktthun aw phah cing in a cahnah cu cabuai par ahcun a nor phei. A pasal in cahnah cu a rak la ih, amai cahnah cu a nupi lam ah a nor phei ve. Cu thluh ah, an siar thok.

Thuron petu cun a zoh hai.

A rei hlan ah nupi ih biang ahcun mitthli a rung luang. Cahnah cu a kut sungah kir thluh ko in a hum ih, fek zet in a kut a tum. A pasal in a tthatnak pawl a phuansuah thutthi mi a ngaina zet ti a lang. Pindan sungih boruak cu a pumhlum in a thleng aw vuarvi. Zianghman rel a ttul nawn lo. Lomawknak cun hriamhma a thawng siar a damter zo.

Cutei’ nupa cu kut kai aw in an suak sal.

Hminsin: Carlos Valles in a tak ih thleng mi thuhla a ngan mi “To Heal A Thousand Wounds” leh mi a si.

Comments

comments

Comments

%d bloggers like this: