Horatio G. Spafford(1821-1888)

Christian Apuih999593_499470340139341_973010479_n

[leitlun ih Khristian hymn ropi tak “It is well with my soul(ka thlarau hrangah a tha) phuahtu/a phuahnak san]

1860 hnu lam khan Horatio le a nupi Anna a fale pa ngan pawl thawn nun nuam tawk zetin Chicago ah an ceng.
Amah hi lawyer pakhat a siih, evangelist ropi tak Dl. Moody ih rualpi tha khal a si. Pathian rawngbawlnak lamah an nu Anna thawn sangkaa awngaw zet tu le pumpeaw zet tu an si.

1870 ah a zumnak hnimsak a si ta! A fapa neihsun kum 4 mi te cun pneumonia in a thihsan. Cuihnu rei lo 1871 Chicago meikang(hi tum ah hin mi 250 an thi 90000 homeless an cang) cun Horatio ih neihsiahpawl a kangfai theh, tak lawng in a to. Cu to cing cun an ti theitawk in mi harsa na bawm tento, rawngbawlnak khal ah thanau loin an nupa ten an tuan hnenhno thotho.

November 22, 1873 a kim ta. A nupi le a fanupawl cu British lamih an khualtlawnnak Atlantic tipi thuanthum lawng(ship) pil ah an tel lala. A fanu pali pawl cu tipi sungah an thi theh. Khualtlawngtu 307 lakah 81 lawng an nungdam. A nupi khal cu a rak luat ve. A nupi cun ‘fale an thih theh , keimah lawng ka luat, ziang ka tuah ding?’ tiin mangbang vansang zetin an pa Horatio cu a hei cah.

Horatio khal cu a nupi vung hmuak dingin a feh lohli. Lawng pilnak zawn hrawng an thlen tikah captain pa cun,’Hi hrawng hi si an pilnak hmun, a thuk lam peng 3 hrawng a si’ tiah a hei sim. “Pathian in fanupawl tla I pe ih a lak thluhsal, ziangruangah ti cu ka thei leh ko ding” tiah khua a ruat cuahco, cui zan cui tipi parah cun tuisun ni tiangih cuai thei lo hla ropi tak ‘ it is well with my soul(ka thlarau hrangah a tha)’ timi a phuah ta a si kha.

( Horatio G. Spafford: The Story Behind the Hymn “It is Well with My Soul)

Comments

comments

Comments

%d bloggers like this: